المتملك_روايه_بالهجة_اليبية

#الحقله 10

‏انت تخصني تخصني بجميع ماهو بك .
#المتملك
الحلقه10
ف صاله 
خ سوزان:  تفرك ايديها يارب سترك البنيه حابسه روحه بالدار من اول من عدة ياريتك خليتني بس نخشله راني  وريته قيمته حسبي الله ونعم الوكيل فيه ربي يخفي حسه من هالدنيا
عز الدين: خلاص انهي قال اللي عندة ومشا بس طول ماهو ف طرابلس منش مطمن
ايات: توشوش سوزان، ، عميمه قصدك توا هو معتدي عليها
خ سوزان: شهقت فال الله ولا فالك البنيه ك ما جبتها امها فكيني من تأليفك ايوة ي حنه
ايات: لوت فمها باهي باه من قالنا شي
عمر: مقعمز ساكت وجه ينقط سم من بعد ماعرف شن دار معها من بوة ،،، جا أتصال رد
عمر: ها عرفتلي وينه ،، نفخ دخانه وبعصبيه منغير قولي انت عمرك قتلك حاجه ودرتها ليش مشغلك معايا مالا معاك لعند بكرا والا تعتبر روحك مطرود وسكر ف وجه
عز الدين: مع من تحكي ومن هو اللي بتعرف وينه ماتخشش روحك ف الموضوع اني قتلك
عمر: بعصبيه ي بوي سمعني مانش عارف كيف تفكر يعني عارف ان داير معها هكي وتخشي لي لحوش وتقعمز تحكي معه  وربي وما اعبد لو عند علم راه قتلته ف ارضه
ايات: رفعت راسها من فونها وبحتت ف عمر اللي منفعل ومفلم زيادة ع انها لها كم يوم تحس فيه متقرب من روان
،،،، وخيرك معصب هكي هذا اللي ناقصني بس  تبي تقتل عشانها 
عمر: طلع خلوقه كله عليها، ،، لالا صبي اضربي خيرك صووتك مانبش نسمعه وصبي شوفي ولدك ونزلي هذا من يدك خير ما نكسرة فوق راسك
ايات: فتحت عيونها بصدمه و انحرجت قدام هله ع رغم قسوته الا ولا بعمر حكا معها هكي قدامهن وتوا يحكيها هكي و على  خاطر من روان صبت بسرعه وطلعت لدارها
عز الدين: بعصبيه ماعش نبي حد يحكي او يفتح الموضوع هذا خلاص سيرة وفضت

ايات: طلعت لدارها وحكت مع قصي وهي تبكي
قصي: حبيبي وقفي بكاء وفهميني خيرك
ايات: وصلت فيه الحقارة ان يهزبني قدام هله اني ماعد نقدر نتحمل خلاص بنطلب الطلاق
قصي: تبصري اكيدة بعد الصبر هذا كله تبي تتطلعي هكي من غير ولا قرش واحد ايات مانعرفكش هكي وسعي بالك وخلينا نلقو حل
ايات:طبعا احكي هكي اصلا انت ولا ع بالك ماتعرفني غير وقت مصلحتك
قصي: لا شكلنا ح نبدو ف الغلط توا بعقلك انتي
ايات: اسفه حبيبي بس والله اعصابي تعبانه ومضايقه
قصدي: اهدي وخلينا نحكو ف المهم  بنقولك 
ايات: تمسح دموعها نعم
قصي: تعرفي ان راجلك ماسك قضيه مهمه بخصوص && وشكله ح يكسبها
ايات: وين الجديد يعني ماهدا شغله
قصي: لا ي عيوني القضيه هذي حساسه وتعرفي قداش ح يخسر لو تسربت المعلومات لجهه المنافسه
ايات: فهمتش
قصي: فتحيلي عقلك واسمعيني كويس........

عند روان 
نا: راقدة ع سرير وكنه حد ضربني او كاني طحت من سابع سما ماعندش جهد حتي نقلب روحي لجهه الاخرة ودموعي بأنهيار ما وقفتش لمن بنشكي شن بندير مانبش شمس بكرا تتطلع عليا عن كميه الخوف اللي ف قلبي ،،وينك يا بابا تعال شوف شن بيدير فيه مسكني من يدي اللي توجعني بيحملني ذنب فوق ذنبي يبي يعاقبني باكثر ناس حبيتهن من بعدكم ياارب ساعدني وقف معايا
رن فونها ،،، قعمزت بصعوبه رقم غريب
عرفت ان هو بعد ما اصر عليها وخدا رقمها ،،عبيت الشاشه دموع وقلبي ح يطلع من مكانه عاود مرة واثنين بعدها جاني مسج .......
اوكي ما تردش بس انتي عارفه لو ما تلاقينا بكرا شن ح يصير تصبحي ع خير ي عيوني وحياتي كلها