المتملك_روايه_بالهجة_اليبية

الحلقه 21

آحتاجك في وقت بآهت كهذا الوقت مثلآ .

#المتملك

الحلقه21

نا: بست راس خالو ومشيت شوي
عمر: وين ماشين
نا: برمت بصدمه وفرحه عيوني دمعت ونبحت فيه كيف ناقص ووووواجد والتعب باين ع وجه
مالك: عدي يجري بابااا بس الصدمه اللي صارت ان عمر مابش يطبسله او يحضنه
عمر: كاننن عيونه على خالو
نا: طبست لوذن خالو مش قتلك ح يجي  مشيت الكرسي وخشيت لجنان وخش ورانا عمر ومالك عده يجري يكلم خالتو
عمر:مصبي يبحت  ف خالو وكانه مش مصدق الحاله اللي هو فيها،،،،،،،،،عيونه محمرة طبس وباس يده  كم مرة  وراسه سامحني سامحني ي بوي
عز الدين:بتردد رفع يدة الاخرة وحطها ع شعره وهز راسه
نا: نمسح ف دموعي على طلعت خالتو
خ سوزان: عمررر الحمدالله الحمدالله ياربي انك جيت
عمر: صبا حضنها ويبوس راسها
خ سوزان: ببكاء وين وين كنت ليش تبي تحرقلي قلبي نا وبوك عليك معقوله تسيبنا معقوله تسيب بوك وهو ف حالته هذي حسبي الله ونعم الوكيل فيك ايات على اللي درتيه فينا 
عمر: بعد عليها ومسح وجه خلاص ي امي انهيي
خ سوزان: كيف ننهي كيفف اللي درته ما يندرش ي عمر
عمر: بحت فيه امه وماردش وبحت ف روان تأملها مرايف عليها ببعده عنها تأكد ان يعشقها  ،،،،،،،،،،،شخبارك
نا: ماسكه روحي اني نبكي تسأل فيه ي عمر عن إخباري كيف بتكون إخباري وانت قهرني بوسط قلبي !!!! الحمدالله
خ سوزان: خش خش ي ولدي ليش ناقص هكي تعالي الله يسامحك ويهديك
وخشينا قاعدنا ف صاله
خ سوزان: وين كنت ي عمر
عمر: مش توا قاعد قدامك خلاص سكريلي على فات
نا: نبحت فيه وكأني بنحفظ ملامحه حفظ بنشبع منه خايفه يرد يعدي ليش مايبش يبحت فيه ليش ما سلم علياا خلاص طلعني من حياته ،،،،،،،ومن غير مانحس نزلت دمعتي نزلت راسي مسحتها بيدي ورفعت عيوني جت فعيونه
عمر: هز راسه بمعني كنك
نا: قلبت وجي ما عدلت عليه
مالك : جا ومعه كراسه بابا سوف المس عطتني نجمه اليوم
عمر: بحت فيه بملامح باردة وكانه مش ولده،،،،،
مالك: بابا سوف
عمر: شفت عدي خلاص
مالك: لا ليش تكذب عليه ما سفت
عمر: بعياط مااالك عدي من وجي خيرررك
نا: انتفضت من صوته
مالك: اصلا نا ما نحبكس وما نحبس ماما نحب روني وبسس وجاني يجري حضني يبكي
نا: حضنته وعقدت حواجبي،،،،،، معااش تحكي معه هكي
عمر: رفع حاجبه ومابش يرد
نا: صبيت ومسكت يدة تعال ي كوكي وطلعت لداري
خ سوزان: خيرك مع العيل عارفه اللي ف عقلك مالك ملش ذنب ف امه اوعك تظلمه ي عمر نغضب عليك دنيا وآخرة
عمر: صبا نا ماشي لشغلي ح نتأخر
خ سوزان: هزت راسها ع ولدها اللي مستحيل يتغير

عند سميه
سميه:تكلم بالفون ،،،،،، عشان خاطري ما اديرش ف روحك هكي باهي صبي ديري شربه وحاولي انك تقري خلاص نا حندير جهدي ونجيك
وخش طارق عقد حواجبه مع من تحكي
سميه:  تمام سلام ي قلبي باي ،،،،، بحتت فيه بحقد مع نورهان
طارق: قلب عيونه بملل وعده لدارة
سميه: صبت تلحق فيه،،، طاررق بنمشي عندها اليوم
طارق: لااا
سميه: وراسكككك ورحمه ماما تخليني
طارق: يسلح سوريته كان حلفتيلي بأموات ليبيا كلها مافش مشيه ،،،،، امشي انتلفي حطي غدا
سميه: بعياط حرام عليك ليش هكي ما ادخلش حياتك ف حياه عمر نورهان مش ذنبهاا شي
طارق: ببرود سميه عدي من خلقتي
سميه: ح نمشي بس بنقولك ان نورهان مريضه واصله حدهاا  وعارف ان اليوم كان اول يوم ف امتحاناتها الفاينل وماخشت عليه عارف ان امها قاعدة ادير ف اوراق وبتسافر هي وايات بعد ما تشفى ويسيبوها بروحه عااارف اكيدة لا عمري ما توقعت ان قلبك اسود لهدرجه وطلعت
طارق: مسك الطفايه وعزقها ع مريا تكسرت وقعمز ع سرير مسك راسه بين ايديا كيف بنرد نوثق فيك كيفف بس وصبا  ادوش وغير دبشه وطلع
سميه: خايفه منه بعد ما سمعت صوت تكسير،،،سكرت باب دارها  بوجه
طارق: ضحك وطق عليها،،،، انتي
سميه: بخوف ن نعم شن تبي
طارق: راكي تقربي داري توا نلمها اني لم نرد
سميه: فتحت الباب  وين ماشي الغداء واتي خلاص اسفه ماتعدش من غير ما تآكل
طارق: رفع حاجبه اسفه مااه ،،،قربي
سميه: قربت شوي ،،،، شن
طارق: اخرة اخرة
سميه: قربت اخرة 
طارق: مسكها من وذنها صوتك مرة اخرة يعلى قدامي نقطعلك لسااانك
سميه: اااي اي خلاص اسفه
طارق: مانش مطوول سكري الباب وماتفتحش لحد
سميه: حطت يدها ع وذنها بنفترة حاااضر
طلع ركب ف سيارته لقا روحه قدام حوش خاله منير مش عارف كيف بس لحق قلبه عقلة وقف نزل وطق الباب من غير اي تردد بس ملامح وجه تنقط سم طق مرة اخرة بقوه
نورهان: تكح من وراء الباب من !!
طارق: افتحيي
نورهان:حطت يدها ع قلبها وبصوت مهزوز ش شن تبي
طارق: افتحي راه نكسر الباب 
نورهان: خذت نفس،،، وفتحت بحتت فيه
طارق: بحت فيها وجت عيونه في عيونها نظراته لها يعاتب فيها ويلومهاا
نورهان: نعم خير
طارق: خيرك ما خشيتي لامتحانك اليوم !
نورهان: على اساس يهمك يعني وما تتدخلش
طارق: رفع حاجبه ماشاءالله وطالعلك لسان اخره
نورهان: تعلمت منك
طارق:مسك روحه بالغصب اسمعي ما اضيعش مستقبلك عشان حد واتكى ع باب اهو نا نشتغل وبنخطب واموري وجوي ميه ميه
نورهان : بلعت ريقها و بغصه ب بتخطب
طارق: انعم ها بنقعد طولي عمر هكي بنلقا بنت ناس ونخطبهااا
نورهان: عيونها دمعت باه ربي يسعدك وشن تبي تقولي اخرة
طارق: لا شي نا جيتك باش نقولك حطي عقلك ف راسك راه الحياة ما توقف عند حد
نورهان: نزلت دموعها وسكتت
طارق:  اقري وفكيني من الدراما الزايدة  سلام وبرم بيعدي
نورهان: سكرت الباب وحطت يدها على فمها تكتم صوت بكائها
طارق:قبض يدة وغمض عيونه عارف انها قاعدة تبكي توا عارف ان جرحها وكسرها واجد قلبه تقطع عليها رد وطق ع باب
نورهان: مقعمزة على ارض راسها ع كرعيها وتبكي بصوت
طارق: سمع صوتها نورهان افتحي
نورهان:تشهق  لا عدي اخطب بنت ناس اصلا نا مش بنت ناس هكي ق قصدك ماه
طارق: مسح لحيته لا مش هكي قصدي منغير افتحي بس 
نورهان: تبكي بحرقه مش وعدتني مش قتلي مش ح تسيبني ا اني ما دخلنش بآيات اني ماعمري غلطت بحاجه
طارق: فقد اعصابه وخبط الباب  افتحيي باهي
نورهان:صبت وحطت يدها ع باب بتردد وفتحت بحتو ف بعضهن جت بتحكي
طارق:  كرها من يدها وحضنها
نورهان: تبكي،،،،،،،، ليش درت فيه هكي
طارق:هشش خلاص  نحبك والله 
نورهان: م مش قتلي الحياه ما توقف عند حد لا يا طارق اني نموت لو بعدتت عني نموت لو كنت لغيري 
طارق: مسك يدها وباسها  وحطها ع قلبه كيف بنكون لغيرك وانتي قاعدة هنا
نورهان: قدرت تقعد من غيري شهر تقدر تقعد العمر كله
طارق: كان لازم نعاقبك ع اللي درتيه
نورهان: وكلامك ان ايات ماسكه قطع عليها
طارق: حط اصبعه ع فمها خلااص خلينا ننسو كلامي وكلامك واللي صار كله
نورهان: تمسح دموعها نفس البنات الصغار،،، باه نبي منك طلب
طارق: يحطلها شعرها وراء وذنها ،،، ابتسم شن
نورهان: نبي نمشي لعمو  بس خايفه ومنحرجه وماعندش عين نشوفه بعد اللي صار 
طارق: ماعندك ليش تخافي بكرا ناخذك 
نورهان: بتوتر وهزت راسها 
طارق: هي عدي جيبي دبشك خليني نمشو
نورهان: لا
طارق: رفع حاجبه كيففف!!!
نورهان: نزلت راسها طارق اني مش ح نجي معاك ماعش بنقعد عندك
طارق: اووو اسطوانه جديدة هذي عاجبك هكي قاعدة بروحك
نورهان:ابتسمت بقهر نخاف تصير مشكله اخرة بينا وترد اطردني
طارق: سكت ماعرفش شن يحكي وقرب منها باس راسها، ،،،،نورهان انتي عارفه اني مش قصدي يعني بس اووف توا إنتي بكلامك هذا يعني مزلتي شايله مني
نورهان:عادي مع الوقت ننسى 
طارق:ونا مش ح نراجي الوقت ومش ح نصبر اكثر من هكي ح نجي نخطفك ونقرو الفاتحه بلا فرح  بلا كلام فاضي
نورهان: ضحكت لا واللهي
طارق: خيرك مش عاجبك
نورهان: اي مش عاجبني نبي فرح نفسي نفس الباقي أيوه
طارق: اشر ع عيونه ،،،، من عيوني وتوا هي خشي شوي ونجي
نورهان: عقدت حواجبها كيف
طارق: مش ماتبش تجي معايا ح نمشي نجيب سميه ونقعدو عندك ولا تبي ترديها لي واطرديني 
نورهان: بفرحه لالا تعال هي عدي جيبها نرجي فيكن
طارق: نورهان جيعان راني
نورهان: ي روحي عدي جيب سميه ونا ح نديرلك بشامل
طارق: باه حل اخر نخشو توا نديرو بشامل  بعدها نجيب سميه
نورهان: لالا ماعندش ثقه نخاف
طارق: ضحك هههههههه ماشي ماشي خليك عليها هي سكري الباب