المتملك_روايه_بالهجة_اليبية

الحلقه18

أجعلها طفلتك المدللةونفذ كل ما تريدحتى لايتحمل دلالها أحد غيرك

#المتملك

الحلقه18

يوم تلبيستي وجا بصدفه بنفس يوم عيد ميلادي سكرت 21
قاعدة ف داري قدام المرايا ومعاي خالتو ونورهان وسميه
خالتو سوزان: ح نرفعلك شعرك احلى
نا: هزيت راسي وكنت لابسه فستان بودري طويل ومن لاورة نفس علامه ××××الظهر كله باين بسيط وحلو
خ سوزان: خلاص مازال اخر لمسات وتكوني واتيه
سميه: شقلبت عيونها ي خالتو لو خليتها تمشي لمزين مش احسن
خ سوزان: لالا تمشي لمزين ع تلبسيه شن عقبت للعرس هكي ازين باش تبان يوم فرحها
نورهان: ي حليلي منك تجنيني
نا: تسلميلي عيونك الحلوة
سميه: ووواوو العائله جتها الافراح مرة وحدة روني وبعد شهرين فرح طارق ونورهان
خ سوزان: بسم الله وماشاءالله ما تلطش يارب دوم الافراح وبحتت ف نورهان وانتي ي بختي كنك امبردة من بكرا خلينا نطلعو نوتيلك بتاتك
نورهان: بحتت ف سوازن وابتسمت لقت فيها حنيه اكثر ما لقت ف امها واختها ،،،، من أمس بديت نطلع مع صاحبتي بتتطلعي معايا
خ سوزان: وخيري ما نطلع شن عرفك انتي بي البتات اليوم ندير ورقه بكل اللي تبيه وبحتت في سميه، ،،وخيره خوك مستعجل بيطلع الفرح دغري
سميه: غمزت لنورهان والله ماني عارفه مستعجل انهبل
نورهان: فنصت فيها سميييه
نا: مش معاهن منزله عيوني ونلعب بالخاتم حاسه روحي لو حد قالي كلمه بس مش ح نوقف بكاء اي بنت تحلم بان هلها يكونو معاها ف يوم نفس هدا قلبي وجعني ومقهورة
خالتو سوازن: حطت يدها ع كتفي واليد الاخرة تمسح ع شعري وكنها تهون عاليا
ايات: هااي
خ سوزان: هه جيتي كنك تأخرتي
ايات: الطريق زحمه والجو ناار مكياجي خرب وشعري شفشف
سميه:بهزوة لو مكيجتي بروحك مش احسن ماهوش عرس  ف نهايه
ايات: حرة اني اوو نوهان خيرك ساكته والله ياما يطلع منك ماعرفتكش جبتيه جبتيه هكي عاجبتيني و اللي يشوفك يقول بريئه 
نورهان: بحتت فيها معقوله اختها تحكي معاها هكي وقدامهن، ،،،، بغصه ن اني نازله نشوف رقيه
سميه: جايا معاك

نزلت وكان كل حاجه واتيه من موالح لحلويات لعصائر خالتو ما قصرت ابدا وجن هل معتصم ومعاهن كم وليه كبار ف عمر وبنات شباب وخشن بالبوكسات من كل حاجه وبدا الرقص والاغاني وخشيت غيرت بفستان هل معتصم كان ازرق امبوج كتافه نزلات مع كندرة كعب فضيه مرصعه❤

ام معتصم،،سالمه: تلبس فيه الدبله ومعها سلسله واسورة ماشاءالله حويته عليك وتبوس فيه مانبش الوجه السمح هدا يكون زعلان باذن الله ح تكوني نفس بنيتي
نا: ابتسمت تسلمي ي عميمه
ياسمين: ي خيه ع مرت خوي وقربت مني،،،، ع فكرة معتصم رقيله بكل
نا: عقدت حواجبي خير كنه
ياسمين: ليش ما وافقتو ع قرايا الفاتحة مع انه خالك ماكنتش معارض ف البداية ف قال اكيدة منك وزيد ع انه ما حكيتو غير مرة
نا: لا مش مني ،،شقلبت عيوني عمر قال مش من توا نقعد ع اسم راجل وخالو اقتنع
يأسمين: باه بيشوفك شندير
نا: ها كيف بيشوفني مستحيل نطلعله هكي
ياسمين: ي ودي مانش عارفه قالي دبريلي بنشوفهااا
سميه: ترقص بصوت عالي خيرك انتي وياه شن فيي
يأسمين: اشرتلها بيدها تعالي بالله عليك معتصم بيشوفها وهي ماتبش مش حرام عليها حتي فون ماتحكي كنك ي بختي تقولي مغصوبه عليه
نا: يأسمين نزعل منك مش هكي القصه بكل بس الموضوع مانبش اي احراج
سميه: معلش خطيبك ويبي يشوفك مافيها احراج خليها عليا بس توا نحكي مع خالتو
نا: بحتت ف روحي،،، بنشوفه هكي
سميه: تحطي ع روحك حاجه بلاش حركات