المتملك_روايه_بالهجة_اليبية

أحداث جديدة❤

احداث جديدة من المتملك بما ان الأغلبية خشولي خاص يبو حلقه آخره بين روان وعمر ❤

لايك قبل ما تقرا
_____________________________

#المتملك_احداث_جديدة🔥

بالنسبه لنورهان جابت عيل عسل ي خيه وطارق شوي ويطير من الفرحه😍
وسميه تجهز لعرسها القريب وكملتها تتدلع ع ايهاب ومش عاجبها العجب و كل شوي مشكله بينهم بسبب فريحه وصلت فيها الوقاحه انها تتدخل ف كل كبيرة وصغيرة 🤣

اما نا حامل ومش طايقه روحي ومكملتها نكد وبكاء 
بس اليوم طلعت نا وخالتو وكوكي للمول نشرو لعرس سميه  بصدفه شفنا معتصم وكان مع وحدة واضح عليه متزوج جديد❤ والصدمة اللي صارت ان جا شورنا وسلم بأبتسامة وخله مرته تسلم وخالتو مشت معه وتمت تسأل عن احواله وأحوال هله،،،،،،،،، بعدها كلمنا عمر وقاللنا هي انزلو مايحبش ينزل معانا يرجى ف سيارة  نزلنا وركبنا

مالك: بابا بابا حني وروني سلمو ع راجل
نا: حطيت يدي ع فمي وكريت مالك ،،، كوكي قول لبابا شن شريت 
عمر: عقد حواجبه وبحت لامه لان كانت مقعمزة جنبه،،،،،،، منهو هذا وليش تسلمو عليه
خ سوزان: ما عليك منه هذا ولدك يخرف راجل بمرته نعرفهم
مالك: رد تنطز ومسك بكرسي عمر،،، نعرفه نا ي بابا هدا اللي كان يزي لروني من قبل ويزبلي شوكلاطات عمو معتصم
عمر: صبا السيارة فجاء ،،، بعصبيه كيف كيف وليش تسلمووو عليه
نا: حطيت يدي ع بطني و رعشت متت عارفته هذا ف الامور هذي ماعندش بصارة من اول ما تزوجنا لعند اليوم مشاكلنا كلها بسبب الغيرة
خ سوزان: واللهي العظيم ي مالك لنقصلك لسانك شكلي دلعتك واجد اني توا تشوووف عند جدك
مالك: حس بروحه☹ قعمز وربع ايديه وخاف
عمر: بصوت عالي نحكي انا ردو
خ سوزان: خير بلاك خييرك كيف توقف هكي مش عارف مرتك حامل راجل وجا سلم شن نقلبو وجنا عليه !!!!!!!ومع مرته قتلك تزوج وشاف حياته
عمر: بحت فيه ويفنص تمام تمام ميه ميه ،،والسياره اللي ورانا قعدت تبيب والشاب يحكي مع عمر
عمر: طلع راسه من روشن،،، تي اصبررر نعن&&&& وفتح الباب ونزل
خ سوزان: مدت يدها بتمسك مالك تعال هنا تعال واللهي لنربيككك
نا: نرعش  بعدت مالك عنها خلاص ي خالتو مش قصده
وج عمر ركب وهو يسب ويلعن طلع خلوقه ف شاب المسكين وطار فينا
خ سوزان: بعياط وعصبيه،،، عمرر شن تبي تقتلنااا
عمر : درس انزلو
نا: بننزل وخلاص مانبش نشوف عيونه،،،،، حطيت يدي ع باب وكيف بنفتحه
عمر: من غير ما يبحت فيه خليك انزلي ي امي وخوذي معاك مالك
خ سوزان: شن تبي فيها انزلي ي روان
عمر: يياي عليا قلت كلمه عاد انززلي وخوذي معاك مالك
خ سوزان:بعصبيه خلاص هناا مافش عقل بجد ربي يعينها عليك هي ي ولد انزل
عمر: بتقعدي لاورة
نا: بلعت ريقي ونزلت ركبت قدام  وعم السكوت ما قال شي ونا مش عارفه شن نحكي بس كان مفلم بجد خفت منه😭

نزلنا وخشينا وعمر سكر الباب بالقوة 
نا: عمر نفس ما قالتلك خالتو جا ومعه مرته ونا ما مديت يد والله
عمر: مد يدة ،،،،،هيتي موبايلك
نا: بصدمه ،هاا
عمر: بعصبيه موبايلك خيرك انطرشتي 
نا: طلعته من الشنطه ومديته له،،ليش بس شن تبي فيه 
عمر: ع نفس العصبيه، شن عرفني اني من بعد ما شافك اليوم يرد يكلمك 
نا: فتحت عيوني وانصدمت شن تحكي انت وعلى اساس لو صار وكلم نفس ماتقوله والشي هذا مستحيل،، اني ح نرد!!!!
عمر: واللهي ماني عارف مرات تحني
نا: نزل عليا كلامه كنه حد ضربني مليون كف وجسمي كله رعش،، دمعت عيوني وعديت قعمزت ع كنبه ما دون ما نقول حرف  وقلبي قعد هكي 👈💔
عمر: فطن لروحه شن قال ،،  وجا بيحكي ماعرفش شن يقول مسح وجه وطلع من الحوش بس الصدمه الثانيه اللي جت لروني ان قفل الباب من برا
نا: نبحت لبابا وسامعه صوت وهو يدور المفتاح ويقفلة ودموعي نزلت بغزارة وقلبي تقطع اول مرة يتصرف معايا هكي معقوله ماعندش ثقه فيا معقوله لهدرجه رخيصه عنده!!!! ( جتهم عوينه منا😂😭)
صبيت ونا نبكي بعبرة ومقهورة ادوشت ولابست فستان حوش ربع كم  اسود طويل  وقعمزت ع كنبه وكلامه يتردد ف وذني حطيت راسي ع مخدة ويدي ع بطني وما وقفتش بكاء وبطني توجع فيا