المتملك_روايه_بالهجة_اليبية

الحلقه 22

لا أحلل بأخذ روايتي بدون علمي او اقتباس اي فكرة من افكاري❤❤

‏ماذا يحدث للمرء حين يحدق بعينين يحبهما.؟

#المتملك

الحلقه 22

مالك:ماسك دبشه  هي روني اوعي توا نتأخر ع مدرسه
نا: فتحت عيوني بشويش وحاسه رقبتي مجروحه وتعبانه قعمزت تكيت راسي ع حافه السرير ،،،،،، كيف رقدت اني معقوله مكنتش نحلم امس اعترفتله بحبي وخالتي ضربتني !! ولا كلامها وصدمتي فيها غمضت عيوني بقهر مانبش نذكرة يااربي شن بندير توا كيف بنتصرف 💔
مالك: قرب مني وباسني هدي من بابا قالي بوسها لي 😍
نا: ابتسمت تلقائيا مش عارفه من وين جت الابتسامه مش وقتها بكل   ،،،، احمم وينه بوك
مالك: ف دارة توا تنت عنده
نا: امممم وخالتو وينهي
مالك: رفع كتوفه مازال ما سفتها هي روني توا نتأخر
نا: ضربته ع راسه شن داير ف وجك مش قتلك ماعش تقرب المكياج هي قدامي للحمام خشيته
دوشته ولابسته
مالك: لالا مانبس سعري هكي على جنب نبيه نفس بابا فوق
نا: ماسكه المشط اسكت شعرك ناعم مايزبطش قرب  وعطرته
واخيرا  كملنا هي انزل فتحتله الباب ونزل يجري
نا: تنهدت سكرته وبحتت ف مرايا كيف بننزل كيف بنبحت فيها احسن حل نقعد هنا اه هكي افضل ورن فوني مسكته  المتصل عمر ،،،، قلبي دق بالقوه حطيته على سرير بشويش وكانه يشوف فيه وقعدت نشوفه ويدي ع فمي نقرص فيه يارب شندير نرد ولا لا لعند ما فصل
عمر: بحت بالفون ببرود،،، لأمته بنتحمل مزاجك اني امس تقوليلي نحبك  ويوم ما تردش اااه منك روان اااه وسقم سوريته وشعره
وطلع اتكي ع باب وطق
نا: صبيت مفجوعه اكيدة هو متحشمه منه لان اعترفتله بالي ف قلبي وامه ضربتني قدامه كيف بنرد نحكي معه عادي مشوشه مش عارفه نتصرف  ياريتني نقدر نختفي
عمر: طق بالقوة اخرلك مره كان ما فتحتي ح نخش
نا: قربت من الباب بشويش مديت يدي بنفتحه بس ترددت ع اخر شي وسكرته بالمفتاح
عمر: رفع حاجبه، ،، تمام يا روان توا اني مش فاضي بس
لم نرد ح نفضا لحركات المفرخه هذي وخبط الباب وعده

عمر: نزل وهو مفلم،،،، قعمز صباح الخير
خ سوزان:قالبه وجها  اطعمي خالو ومابتش ترد
عمر:  هووو ف ناس تحكي هنا
خ سوزان:تحرق ع تصرفاته المستفزة وماتبش تحسس عز الدين بشي،،،صباح النور
عمر: بنحكي معاك ولا ماتعرفش تحكي الا بالعياط والضرب بسرعه عندي شغل ومستعجل وصبا للكوجينه 
عز الدين: هز راسه بمعني شن في !!
خ سوزان:حطت يده ع كتفه مافي شي ماتشلش ف بالك وصبت وراء
عمر: ماسكه موبايله يبربش فيه
خ سوزان: تفرك ايديها وبعصبيه،،،،،،،، انت من شني مصنوع مش ح تتريح الا لم يموت بوك وتجلطني اني الاخرة
عمر: برم الكرسي وقعمز هن كلمتين بنتزوج روان وبأقرب وقت
خ سوزان: مصبيه،،،،، يياي عليا وخيرك مصمم هكي راه تتطلع داير حاجه للبنت تبي تزوز حاضر اليوم نطلع وندورلك ع وحدة عاقله وكبيره تتحمل مسؤوليتك انت و ولدك روان صغيره ومش ح تمشي معاك
عمر: متكي خده ع يده ع طاوله،،، كملتي !!!!
خ سوزان: شن بيقولو الناس طلقت من هنا وتزوجت بسرعه هذي اكيدة ح يقولو ف انه ف الموضوع عمر ما تصححش الغلط بغلط اكبر منه والبنت مخطوبه روان مخطوبه تبو تهبلوني تسكر ع موضوع نا وبوك مش ناقصنا يسدنا اللي فينا ويسد الكلام اللي سمعته من جارتي لم شافو ايات مطلعها طارق وهي شبه ميته
عمر : تنهد هذا اللي هامك كلام الناس يحكو اللي يبوه ما يهمنش واليوم ح تفسخ خطوبتها مفهوم
خ سوزان:واللهي كان ما طلعت الموضوع من راسك ح ندزها لهلها ونتريح اني مش حمل هذا كله
عمر: خبط الطاوله وصبا بعصبيه ميه ميه ونا ناخذها وناخذ ولدي ونسيبلكم ليبيا بلي فيها وطلع
مالك: بابا هي تأخرت ع مدرسه
عمر: اطلع قدامي

عند طارق قاعدين ع فطور 
طارق: مسك التوست وطعمه نورهان
نورهان: وجها انحمر واشرتله بحواجبها ع سميه،،،، بطل
طارق: من غير صوت نحبك
نورهان: ابتسمت ونزلت راسها تأكل
سميه: شقلبت عيونها لا اله الا الله عند الصبح عرفتوها الصورة مرة شفتها ع فيس الاثنين يحبو بعض وحدة قاعده بينهن ف نص درت نفسها توا نا
نورهان: ضحكت اي شفيتها
سميه: اصلا بعد ما تزوجو بنمشي نقعد عند بابا
طارق: عقد حواجبه،،،،،،،، بعصبيه لا واللهي ع اساس انتي اللي تقرري وين تقعدي حطي لسانك جوا فمك وسكريه لي الموضوع هذا
سميه: لالا مانحبش نا نقعد هكي
نورهان: بلعت ريقها بتوتر حبيبتي سميه مش قصدي شي  ضحكت هكي يعني قطعت عليها
سميه: بلا هبال بس اني درتها حجه بالك نتقرب من بابا شوي او نلقا سبب مقنع عشان يخليني نقعد عنده
طارق: توا مش تقولي كل ما تمشي عندة مرته مش كويسه معاك خلاص فكك 
سميه: هزت راسها وصبت وهي مضايقه 
نورهان: ي عمري تبي بوها
طارق: متعود عليها كل فترة ادير هكي مش عارف نا لا بوي يبينا ولا بوك وامك يبوك شن العائله المعاقه هذي
نورهان: ضحكت الله غالب علينا بس بجد ولا مرة سألتك عن علاقتك بعمو محمود
طارق: ما يعرفني الا لم يبي فلوس وكان تشوفيه تحسبيه اصغر مني رايح لبس وبوز منهبل ع اخر
نورهان: ربي يهديه ويحنن قلبه
طارق: حنيني قلبك قبل بعدها ادعي ي استاذة
نورهان: شهقت خيرك شن درت
طارق: خلاص امته نتزوجو راه ما تلومنش كان درت حاجه هك ولا هك
نورهان: ضرباته ع كتف خيرك رايح قليل الادب علمك عمر ولا شني وبعدين شوف الظروف اللي نمرو فيها مش وقت توا
طارق: مش قتلك عائله معاقه وكل يوم مشكله جديدة لأمته بنراجي نا شوفي حتي الشيب طلع شيبنا
نورهان: ضحكت بصوت عالي ما اني اللي ح يهبلني الشيب اللي عندك ي خيه تجنن ي عجوزي
طارق: رفع حاجبه صار عجوز باهي باه 
نورهان: مدت يدها ع لحيته نحمد ربي ميه مره لانك ف حياتي
طارق: باس اصابعها كيف ماكنتش فطنلك وضعيت عمري هكي بدونك
نورهان: مدت شواربها مغرور اصلك وبارد باااهيي
طارق: ضحك خيرك ي طشتي حاقدة عليا
نورهان: اكثر حاجه كانت تقهر فيه ف الاعياد نوعا من الفجر نلبس ونسقم روحي وفي الاخير شن ادير لم تجينا تقرصني من خدودي حتي سلام ما تسلم كويس وما تعدل عليا بكل
كنت نكملها نبكي منك
طارق: اشر ع روحه اني كنت اندير هكي 
نورهان: ياما درت فيا لو نحكيلك تكرهه روحك مفروض كنت نكرهك اصلا،،،،،،،، تنهدت بس صار العكس وكنت نزيد نحبك وسقمت قعمزتها نفس اللي اذكرت حاجه، ،،،،،، تتذكر لم كنا ف بحر وهزبتني لم شفتك مصبي مع وحدة وراء الشالية  بنعرف بس خيره ذوقك هكي تقرف لا ومصبي معاها ومنسجم اخره
طارق: يضحك من جده عن طريقه كلامها،،،، أي اذكرتها سندس علك ايام لا حرام عليك عسل البنيه يسدك لون البرونزي ولا طولها
نورهان: فتحت عيونها برونزي ف عينك طااارق ماتبصرش معايا هكي ما نتحملش راه
طارق: بخبث وما قالك اني نبصر اني فعلا نحب البنت السمرة بس يلا ما علينا راضي بالمكتوب
نورهان: دمعت عيونها ومدت ايديها تشوف فيهن وشن لونهن😂 وصبت ربعت ايديها اصلا حتي نا مانحبش النوعيه اللي نفسك والستايل الرسمي هدا معايا شباب ف جامعه كاجول ويجننو بس ما علينا حتي اني راضيه بالمكتوب
طارق: منصدمه منها ومن لسانها اللي رايح طاول، ،،،،،عقد حواجبه وبعصبيه من كلامها خيرك رايحه جالطه إنتي
نورهان: بغصه اني جالطه
طارق: انعم شوفي لسانك كيف رايح ماكنتش هكي الله يربحك رديلي نورهان القديمه وفكيني منه الجو هذا
نورهان: خلاص باهي ماعش نحكي معااااك بكل تريح وعدت سيبته
طارق: ابتسم وفرك لحيته واذكر كلامها بحت ف روحه قال كاجول قال كلام فاضي وجو مراهقين
خشت لدار
سميه: متمددة ع بطنها وتحرك رجليها،وتبربش بفونها،،، خير ليش اصواتكم عاليه
نورهان: قعمزت ع سرير مافي شي
سميه:شهقت حييي عليا دزلي
نورهان: شن فيه من اللي دزلك الله يفجعك 
سميه: ايهاب يكون  ولد خوها لمرت بابا  ويشتغل مع طارق اخرة
نورهان: حي عليه كان يعلمها طارق شن دزلك
سميه: تعركت مع واحد ف تعليقات وغلط عليا هزبه وخش عليا ماسنجر قالي احذفي تعليقاتك خير ما نقول لخوك
نورهان: هشش وطي صوتك واحذفي بسرعه
سميه: لالا مش انا اللي نعلق ونحذف توا يقول خافت بعدين هو خيرله يدحنس مالش علاقه
نورهان: وبالك قالها لطارق
سميه: لالا ما يقدرش خليني نديرله بلوك