المتملك_روايه_بالهجة_اليبية

#الحلقه 7

#المتملك
حلقه 7
انت تهمل وغيرك يهتم والقلب يا سيدي ميال

ايات:حبيبي
قصي: ي هلا وين الغيبه توا غير خطرنا ع بالك
ايات: متمددة ع سرير وتلعب بشعرها ،،،،،،،والله انت عارف مانقدرش نكلمك لم نكون ف حوشي قدر وضعي عاد
قصي: بعصبيه شن هذي قدر وضعي من اول ما رديتي من براا دزيتلي مسج انك رديتي هدا اللي نعرفه عليك بس معقوله حتي مازال ما شفتك بس انتي حرة اصلا ماعش تهميني
ايات: قصي بالله عليك ماتحكي هكي يعلم الله قداش مرايفه عليك وح نموت لين نشوفك بس انت عارف عمر لو عرف قطع عليها
قصي: ممكن لم تحكي معايا ماتجيبش اسمه ع لسانك ونحب نذكرك انك كنتي لي وهو اللي خذاك مني
ايات: وح نقعد لك طول العمر نا ماحبيت حد نفسك بس اصبر عليا
قصي: ح نصبر عندي غير الصبر اصلا ،،،،وتنهد ماتبش تجي لشركه
ايات: لا مش ح نقدر من يوم ما سيبت شغلي ماعش جيت
ومانبش حد يشك فينا
قصي: باه شندير بنشوفك نا
ايات: ي روحي بس عطيني كم يوم وح نشوفك ف الشقه
قصي: باه قتلك
ايات: قولي
قصي:محتاج شويه فلوس
ايات: كم تبي
قصي: ولا نقولك فوتي خلاص
ايات: عيوني نا مافش بينا كم تبي فلوسي هن فلوسك
قصي: &&&
ايات: اووف هدا كله
قصي: بنفترة زح مش قتلك فوتي
ايات: لا لا خلاص كله الا زعلك لم نتلاقو يكونو عندك
قصي: نموت فيك
ايات: روحي وقلبي نا امته بس يجي اليوم اللي نقعدو فيه  بحوش واحد وقدام عيون الناس وما نخاف من حد
قصي: قريب ح يجي اليوم هذا وننتقم من عمر ع اللي دارة فيه وفيك
ايات: جت بتحكي قطع عليها اختها فتحت الباب بالقوه
ايات: اوك بعدين نحكي معاك سلام
نورهان: مع من تحكي ولدك رقد و هو يبكي يبيك
ايات: اووف خطيني توا
نورهان: ااايات ان شاءالله رديتي تحكي مع قصي
ايات:  صبت بسرعه وسكرت الباب ،،،، تسكري فمك خيرك
نورهان: حي علينا انتي ناويه تجيبنا مصبيه ليش اديري هكي بس ليششش ما كان عندك قصي ماكنتو ع علاقه وكان يموت فيك وانتي اللي كنتي مكسدة عليا وما مالي عينك غير عمر وقلتي له ان لم كنتي راقدة عندهم وخش عليك عمر وهو سكران وصار اللي صار غصب عنك وانتي ونا عارفين ان مش هذي الحقيقه وتوا بعد صار اللي ف عقلك وتزوجتي عمر مليتي منه وتبي قصي انتي وحدة حقيرة وما كملتش كلمتها الا ويجيها كف يبرملها راسها
ايات: مدت اصبعها اسمعي ي فرخه نسمعك مرة اخرة تحكي الكلام هذا نقتلك فاهمه وانتي عارفه اللي قدرت ادير كل هذا ما يهمش حد تفهمي ولا نفهم بطريقتي اوعك تحطي راسك من راسي اطلعي من خلقتي
نورهان: يدها ع خدها ودموعها تنزل وبصوت واطي ومخنوق نكرهك وطلعت تجري 

عند روان طفا الضي
نا: ييياي مش وقته وفتحت فلاش من فوني صبيت وطلعت من كوجينه ،،،،،، بتطلع لدروج حد من لاورة حط يده ع كتفها
نا: عيطت بصوت عالي 
عمر: دفها ع ساس ويده على فمها، ،،تي اسكتي نا عمر
نا: رفعت الفون لوجه بنشوفه
عمر :جت عيونها ف عيونه وكنه وقف الزمان عندة انفاسها الرقيقه نظراتها ماعرفش كيف مسك روحه عليها
‏كُلما نظرتُ إليهِ شعرتُ بأن قلبي دافئًا.🥀🖤
نا: دفيته وحطيت يدي على قلبي كنك فجعتني
عمر: خفتي
نا: شن رايك انت
عمر: تستاهلي باش مرة اخرة لم نسالك سؤال تجاااوبي
نا: انت تبي تجلطني
عمر: بهمس لا نبي حاجه اخرة
نا: عقدت حواجبي شن
عمر: حط يدة ع رقبته هاا مع الايام توا تعرفي وتوا هي ع نوم
نا: ي سلااام شن رايك تقولي امته ناكل وامته نوع وما كملتش جملتي الا وعطاني نظرة القيت كرعيا يمشو بروحهن
نا:ونا طالعه نتمتم يخوف تقول قاعدة ف فلم رعب
عمر: سمعتك
نا: طلعت نجري ورقدنا
وعيت ثاني يوم على مالك فوق راسي
مالك: يبوس فيه من خدودي روني هي اوعي
نا: نتاوب فتحت عيوني وابتسمت كوكي امته جيت
مالك: توا مع ماما
نا: قعمزت ي روحي وقرصته من خدة 
مالك: هي ناكلو
نا: هي عدي نخش حمام ونصلي ونجيك
وخشيت توضيت صليت ونزلت
القيتهن يفطور
نا: صباح الخير
عمر: بحت فيها وابتسم
نا: شفته يبتسم ابتسمتله تلقائيا ك هبله بسرعه ننسى اللي يديرة فيه وكنه عندة سحر مايخليش حد يزعل منه
ايات: تاكل ،،،، عموري
عمر: بحت فيها ،،،،همم
ايات:بجعونه كنك رايح تتاخر على شغلك ف حاجه تعبان طمني
عمر: بحت فيها ببرود وما ردش ورفع فنجان القهوة يشرب وبحت ف روان وبعقله تي كيف بنمشي قبل مانشوفها❤
شوي وصبا وعدة لشركه
ايات: اليوم بنطلع لسوق
خ سوزان: وليش
ايات: شن ي عميمه شكلك انسيتي عيد ميلاد كوكي الجمعه وبنديرة حفله كبيرة وحتي عزمت صحباتي كلهن اصلا هن كانو بيجوني فقلت بالمره بنطلع نشري لي ول كوكي والحطام
نا: بحتت ف كوكي ي عمري السمح بيكبر سنه
خ سوزان: وليش لا انديروله حفيدنا الوحيد ونطلعو معاك نا وران حتي هي بنجبلها
ايات: نعمم
نا: لا ي خالتو مانبي شي
خ سوزان: انتي تسكتي اصلا حتي نا بنعزم ام محمد و وام على لي وين عليهن
ايات: باه مش اليوم
خ سوزان: كيف
ايات: قصدي نا طالعه اليوم نجيب الحطام مش ح نشري دبش  بكرا نطلعو مع بعض وحاضر نجيب لروني احلئ شي بالسوق
نا: نشرب الحليب ونبحت فيها بصدمه
خ سوزان:حتي هي شبه مصدومه ماشي اللي تشوفيه
ايات: ابتسمت وصبت طلعت
ف عشيه لبست روب تحت دبشها ودارت شعرها وميك اب  
ونزلت
مالك: ماما بنمشي معاك
ايات: لا بكرا تتطلع معايا
مالك: لالا بنمشي وقعد يبكي
ايات: ماالك عدي من وجي قتلك بكرا تتطلع
مالك:قعد يعيط ويبكي بصوت عالي
ايات: اووف عليا ي روان روان
نا: جيت نجري كنت ف صاله نتفرج على تليفزيون، شن في
ايات: امسكيه سكر راسه تي تاااخرت
نا:وين تاخرتي
ايات:فطنت لروحه كنك انتي الاخرة مش قلت بنطلع لسوق 
نا: اها باه وطبستله كوكي حبيبي ماما بتعدي لدكتور تضرب ابرة بتمشي معها حتي انت توا يعطوك ابرة
مالك: لا تكذبي بتتطلع لسوق
نا: شن تقولي كذابه باه توا تشوف زعلت منك سكتت شوي وبحتت فيه امممم طيب ش رايك نتفرجو ع سبونج بوب ف لابتوب وناكلو شبس
مالك: فرح باه هي
نا: هي هيت يدك ورفعتلها حواجبي عدي
ايات: فتحت الباب وطلعت ركبت ف سيارتها وعدت لشقه ف عمارة&&
عند عمر
عمر: كان ف الاجتماع جا اتصال فصل عليه رد رن مرة اخر فتح ورفع يدة الكل سكت، ،،صبا ع روشن، ،،نعم اها امته باه تمام تمام وسكر فونه ورد ع الاجتماع