المتملك_روايه_بالهجة_اليبية

الحلقه 9

‏لا مساحة لغيرك ولا فراغاً منك.🥀🖤
#المتملك
حلقه 9
نا: لفيت ع صوت و ارتبكت ها طارق شن ادير هنا
طارق: نراجي ف سميه مازال ف حد جوا
نا : لالا روحو
طارق: تمام معلش قولي لسميه تتطلعلي من هنا
نا : جيت بنحكي ع صوت عمر
عمر: بعصبيه رروان
نا وطارق بحتنا فيه مع بعضنا
عمر: وجه حمر وعروق رقبته بانت لم شافها مصبيه معه هكي بس حاول يمسك اعصابه
نا: خفت وبلعت ريقي لم شفت شكله ،ع عمر
عمر: قرب خشي جوا
نا: باه خليني نفهمك
عمر: معصي ع سنونه قلت خشي جوا
نا: انحرجت قدام طارق هزيت راسي وخشيت بسرعه

تخبيت وراء الباب نشوف فيهن يحكو بس مش قادرة نسمع شي وفضولي ح يقتلني وعمر يحكي ببرود بس كانه برود ما قبل العاصفه
رقيه: خشت وواو عليا كرعيا تكسرت
نا: ناكل ف أظافري من الفضول ومزلت نبحت فيهن سلم ايديك تعبتي اليوم
رقيه: سلمك وقاعدة ادور ف كوجينه شفتيلي شالي
نا: شن لونه
رقيه: اسود ف ابيض وين بنلقا توا ولد خيي برا
نا: شوفيه هنا ولا هنا راجي توا ندور معاك
رقيه: بحتت فيها ررروان اهو اللي ع كتوفك والستر خيرك مصبيه غادي
نا: ها لا شي أسفه ما فطنتش وعطيتها لها
رقيه: روان انتي كويسه ف حاجه
نا: كويسه كويسه
رقيه: رفعت كتوفها غريبه وطلعت

طارق: بنفترة غير آهدا بس ما صار شي
عمر: رفعله حواحبه وخيرك محروق
طارق: لا محروق لا شي بس راك مزدوها لما تقعد ملكك هذك الساعه ماحد يقرب منها
عمر: ببرود ربع ايديه وضحك اووو كلام جديد هذا ادوي شن عندك اخرة
طارق: جا بيحكي رن موبايله، ،، يبحت ف عمر وهو مفلم ها سميه لا خليك توا نجيك وسكر فونه
عمر: قرب منه ومد ايديه يسقمله لياقه سوريته ،،،،،، مرة اخرة ما تقربش و ماتجيش شور حاجه مش لك .... ونزل ايديه وابتسم خش خلينا نشربوك حاجه
طارق: مرفع حاجبه مرة اخرة يااا وبهزوة ي ولد خالي وعدة وسيبه
نا: شفتت طارق عدة وعمر برم جا ،، حي مسكت الكعب وندور ع فردة الاخرة القيتها تحت طاول صبيت بسرعه بنطلع
عمر: روان اااصبري
نا: غمضت عيوني وعضيت فمي غبيه وبرمتله ن نعم
عمر: انسحر بجمالها بجسمها تأمل كل وجها ونزل بعيونه لرقبتها وكتوفها شعرها ،،،،،،،، ماشفهش ف الجنان كويس بسبب الظلام وفقد اعصابه لم تخيل ان طارق ممكن يكون شافها نفس ما قاعد يتاملها توا
نا: عمر شن في
عمر: عرف ان ركز فيها اكثر من لازوم خذا نفس قوي،،،،،، شن كنتي اديري بررا
نا: كنت
عمر: ماتبش تريحي روحك بتقعدي ديما شغلتني طالعه ومصبيه ما طارق بالمنظر هذا واشرلها بعيونه
نا: مسكتني الغصه من غبائي انسيت حتي شن لابسه بحتت ف روحي ورديت بحتت فيه، ،، عمر نا نا
عمر: انتي شن انتي فاتحه فمك 24 س وتحكيلي مع كل من هب ودب اعقلي راك مش صغيرة ومش الكل يفكر نفس تفكيرك كلاااامي واضح ماتخلينش نرد نعااودة
نا: مسحت الدمعه اللي كانت بتنزل طلعت وسيبته
عمر: خبط يدة ع طوله بالقوة كنك ي عمر من امته بنت تهز كيانك هكي من امته عندي مشاعر ونحس ونضايق ليش قلبي يدق بالقوة من امته نحكي مع طارق هكي نا لازم نحاول نبعد عليها قبل فوات الأوان قبل ما تهبلني رسمي فتح التلاجه وطلع ميه مسقه شربها دفعه وحدة
نا: خشيت نمشي بشويش ونفكر بكلامه شن قصدة نا مش محترمه هكي قصدة
خ سوزان: تسقم امخاد الصالون ،، واللهي مش عيشه هذي هي ادير اعياد ميلاد وتتطلع ترقد وتسيبلنا الحوسه ورفعت راسها بسم الله كنك خاشه من غير حس
نا: سكتت وقعمزت ع صالون
خ سوزان: قعمزت جنبي كنك ي روان
نا: عمر
خ سوزان: كنه
نا: هزبني هزيبه هك كبرها وقالي كلام بكل ي خالتو
خ سوزان: بصدمه عمر وليش
نا: بحتت فيها لان لان شافني مصبيه مع طارق ف جنان بس ي خالتو نا طلعت ومانعرفش انه هو برا واللهي العظيم
خ سوزان: طلعتي هكي
نا: هزيت راسي
خ سوزان: مرة اخرة افطني وماتزعلش من عمر هو يعتبرك نفس خيته ويخاف عليك
نا: ليش تقوليلي افطني واللهي مش قصدي
خ سوزان: ضحكت عارفتك ومتاكدة اخرة وبعدين طارق منا وفينا مش حد غريب وعادي تصير
نا: هزيت راسي وصبيت تصبحي على خير
خ سوزان: قدامك الخير وصبت كملت ترتيب وجت تبي تتطلع خش عمر
خ سوزان: عمر
عمر: هممم
خ سوزان: ليش مهزب روان شن دارتلك البنيه
عمر: بحت ف سقف الحوش بنعرف في كاميرات هنا ولا شني
خ سوزان: تهزا تهزا نا سألتها لم شفتها مضايقه وشافها طارق بالغلط شن صار يعني وبصوت واطي بعدين شكلك انسيت ان نا وبوك نبوها له
عمر: حط ايده ف جيبوبه وانتي خلاص قررتي وانتهيتي تريحي باهي وسكريلي ع موضوع لان طارق عندة موضوع وبيخطب
خ سوزان: شهقت لالا ما تقولهش
عمر: بحت فيها ببرود اطلعي اطلعي ارقدي ي امي
خ سوزان: لازم تنكد عليا ع اخر لليل لا حول الله وطلعت وهي تمتم
عمر: مسح وجه وعدة لمكتبه لان عارف مش ح يعرف يرقد
بعد ساعه
عزق الملف اللي ف يدة ع طاوله بملل سند راسه لاورة وغمض عيونه ليش ماتبش تعترف بيها ،،،،اني نحبها حبيتها من اول مرة شفتها فيها تخيل شكلها من بدري ابتسم،،، فتح تلفونه وخش ع واتس اللي له فترة مسكرة دار بحث ع اسمها طلعله وصورة بروفيلها هي وامها وبوها واختها كبر الصورة تشبه لامها واجد عكس اختها اللي طالعه لبوها و روان متكيه ع كتف بوها وعيونها يلمعن من الفرحه صاح توا تتضحك وتبتسم بس مش نفس ضحكتها ف صورة
عمر: تنهد شن درت ي عمر امس كانت تبكي ف حضني ع هلها واليوم نحكي معها هكي مفروض مسكت اعصابي لقها اولاين اه ومع تحكي هذي واعيه لتوا
نا: كنت نحكي مع سميه وتقرملي ع عيد ميلاد اليوم جاني اشعار القيت صورة بروفيله هو وكوكي واضح لم كانو برا يهبلو فتحت الشات
خيرك واعيه
نا: علك ثقه عندة الراجل هدا ،،، قريتها وما رديت
عمر: روان انزلي
نا: وليش عندك هزيبه اخرة وتبي تقولها
عمر: ضحك وفرك جبينه ماتبش تنزلي ارقدي مالا
نا: لااا مش نازله ومانبش نرقد ،،،،،، قرها وما ردش
نا: قعمزت ونرفع شعري بعصبيه يأمر فيه اخرة ياربي مستفز زعما شن يبي لا ي روان اوعك تنزلي ماتردش ع كلامه
الصبح
خ سوزان: عدي ي كوكي وعي روان بسرعه
مالك: ماسك دبدوبه حاضر وطلع يجري
عز الدين : صباح الخير
خ سوزان: صباح النور رقيه جيبي القهوة
مالك:طالع يجري وعمر نازل
عمر: خيرك تجري وين ماشي
مالك: بنوعي روني كل يوم نا نوعي فيها
عمر: ابتسم بخبث اه باه هي اطلع قدامي
فتح الباب مالك وخش وراء عمر
روان راقدة وحاضنه الدبدوب والورغان طايح وحايسه ف بعضها
عمر: مصدوم ياا ولد كيف توعيها هذي
مالك: سوف هي ما توعس الا بطريقه وحدة وركب السرير وقعد يبوس فيها من خدوها رووني هي روووان
عمر: مبتسم وف عقله ي عوينك 🤣
نا: فتحت عيوني كوكي علك ازعاج
مالك: هي اوعي نفطرو
نا: باه شوي
مالك: توتوتو سوفي حتي بابا قطعت عليا
نا: ماتحكليش عليه بوك هدا
مالك: ليش نحبه بابا نا
نا: بنفترة ونا ما نحبش وامس هزبني مانبش نشوفه هي انزل خليني نرقد شوي ورديت غمضت عيوني
عمر: مرفع حاجبه ع اساس نا اللي ميت باش نشوفك
نا: فتحت عيوني بصدمه مالك ومن وين طلع الصوت هدا
مالك: يضحك اهو بابا هنا
نا: قعمزت ونا منفجعه وشعري مشفشف، ،شن قله الذوق هدي خلاص فش داعي لباب حوله وانت طالع
عمر: اصلا لو عارف اني بنحصل فجعه ع صبح ماكنش خشيتلك وبحت ف مالك ليش ما قلتلي انها تفجع ع صبح
مالك: لا بابا حرام عليك تجنن روني
نا: عقدت حواجبي وصبيت ع سرير نعم نعم من اللي تفجع ع أقل انسانه طبيعيه مش نفس الرجل الآلي نرقد متأنقه ونوعا متأنقه
عمر: ماسك ضحكته ربي يعين اللي ح يحصل بيك تعال ي مالك مانش مستغني عن ولدي نا
نا: نا حسيت روحي بنطربق ومابيتش نرد عليه خليك ي كوكي وانت هي وريني عرض كتوفك
عمر: ضحك غير اهدي بس نبصرو راك طرف وغمزلي وطلع
نا: خدودي ماعش حسيت فيهن سقمت شعري بيدي وقعمزت وبحتت ف مالك بوك هذا واحد صايع
مالك: بضحكته الطفوليه اي حتي جدو وحني يقولوله هتي
وعديت لجامعه يوم روتيني نفس كل يوم
بعد الغدا قاعدين ف صاله
نا: خالو تشرب شاهي اخضر
عز الدين: لو من تحت دياتك نشرب
نا: ابتسمت حاضر
عمر: ونحن ما ننسألوش
نا: فنصت فيه حاضر توا نديرلك
عمر: وياريت من غير سكر وابتسملي وبحت ف موبايلة
نا: اصبري ي روان ي صبر ايوب وخشيت نديرة
رن الجرس
سوزان:غريبه من يبي يجينا توا،،،، شوفيه من ي رقيه
رقيه: تلف الوشاح حاضر وطلعت فتحت بحتت باستغراب من حضرتك
..: هذا حوش عز الدين &&
رقيه: اها تفضل وصلت من نقوله
...فارس فارس &&&
رقيه: دقيقه لوسمحت وخشت
نا: وطالعه من كوجينه
عز الدين: من ع باب
رقيه: واحد يقول اسمه فارس&&&
نا: سمعت الاسم جتني رعشه بجسمي كله وطاحت من ايديا الصفرة
خ سوزان: شهقت خير خير ي بنيتي توا نلموها بعدي توا تجرحي روحك
نا: عيوني دموع ونتنفس بصعوبه نزلت عليها بنلمها
عز الدين: صبا وجاني رفعني ومسك وجي مش ح يصير شي مافش داعي للخوف
نا: نزلت دموعي وهزيت رأسي
عمر،، وايات علامات استفهام
طلع عز الدين وصبا عمر لحقه
خ سوزان: تعالي ي بنيتي ما تخفش وقعمزتني ع صالون
ايات: خير شن في ومن هدا
خ سوزان: ولد عمها
ايات: رفعت حاجبها وتسندت وفي عقله كنها رعشت هكي