ابنتي تينه
الجزء الاول
نبدي قصتنه بسم الله هذه القصه حقيقه صارت وي احد المواطنين بالموصل وقصته غريبه
طبعاً اكو تقاليد هواي بالعراق من بعض العائلات
صارت و هذا الشخص وهذا الشاب اسمه مازن شاب عمره ٣٠ سنه يشتغل سايق تكسي وهيج امشي حياته
مازن كان يحب وحده اسمها سعاد ويحبها هواي وهيه تحبه سعاد كانت طالبه كانو يحبون بعض بشكل مجنون وخلال وقت الدراسه يلتقون
وكانو اهله معارضين فكرة زواجه منها المهم مرت الايام وسعاد ومازن تزوجو بمعجزه بعد الحاح طبعاً كان احلى ايام لمازن تزوج حبيبته لاكن المشكله تبدي من طبو داعش للموصل ومثل ما كلها تعرف صارت الموصل عباره عن دم وخراب 😔
وبعد فتره من الاحداث والكل هاجرت وغادرت البلد
مازن وعائلته من الناس الماقبلو يهاجرون
مازن كان يهرب الناس خلال نقل البضائع يخلي العوائل بين البضائع وشرد هواي ناس وانقذهم من ايدين داعش
كان يرجع كل مره للبيت وهو مامصدگ رجع بعد هالصعوبات المر بيها
مازن كان عنده اخو اكبر منه واخو عنده ولد كانو عايشين نفس البيت ومازن هواي يحترم اخو ومتعلق بي اكثر من البقيه
اخو هذا كان وي الي يحاربون ضد داعش وراح من بدت الاحداث وبعد مارجع ومر شهرين وماكو خبر منه
مايوم يمر اذا مايفكر ويضل واكف بالباب على امل رجعة اخو
واجه اليوم الي ماتوقعه مازن واهله خبر استشهاد اخو مر مثل الصاعقه عليه هالخبر كلش اتأثر مازن بي راح لامه يركض ويبجي من كل گلبه
- يمه يمه رعد مات يمه
- هاا شنوو ابني مات يبووو
وكعدو الاثنين يبچون ومازن حاضن امه ويبچي بعد ٣ ايام من الفاتحه مازن صار بدون روح وراها ضل يتعاطى ويشرب مشروب
كلش أثر بي موت اخو وطبعاً من بعد اخو صار المسؤل عن زوجته وابنه كان يحاول يلبي طلبات ابن اخو ودايماً يكله ابن الغالي
صار ٥ اشهر على هالحادثه مازن كان الشي الوحيد الي يواسي مرته وحبيبته سعاد دائماً ينام بحضنها ويكلها انتي فرحتي بالحياة
- الله لايبعدني عنچ سعاد حبيبتي
- ولاعنك حبيبي
- اني هواي تعبت من بعد اخويه
- اعرف حبي بس لازم تصبر هاذه هي الحياة وكلنه على هاذ الطريق
- شلون اريد اعرف شلون انسى رعد وحچاياته
- الله كريم حبي
- ونعم بالله
بعد فتره من الوقت طبعاً مازن كان يتمنى يصير اب لاكن الواضح ان تأخرو مجابو طفل كان يلح على سعاد يرحون لطبيب ويعرفون ليش وطبعاً المصاريف كانت غاليه كلش الناس هناك عاشت بالجحيم الله يعينهم واجاهم الخبر ان سعاد ماتكدر تجيب اطفال
- شنووو ماكدر اجيب طفل يعني عمري ماراح اصير ام لالالا
- اهدي حبيبتي لاتبجين
- شلون مازن ماكدر اجيبلك ولد شلون بيه
- ولايهمج اني اريدج انتي مايهمني
- وانت شنو ذنبك
- اتحمل عمري لاتبجين مايهون عليه اشوف دمعتچ
سعاد ضلت تبجي وتبجي شلون ماتكدر تحبل وتجيب لمازن طفل ظلت تفكر ومازن ابد ماكدر يعرف ابالها وبشنو تفكر ومن سولف قصته كال عبالي جنت اعرفها طلعت اني غشيم
