أبنتي تينه الجزء 14 وألاخير
طبعاً بعد هالقطع الي صار بيني وبين مازن اسبوع وماعرف عن اخباره شي بس مو معنى اني ماافكر بصديقي
المهم فتحت حسابي ورا هالمده كان دازلي رسائل هواي وبين هالرسائل صوره لزوجته وابنه وبنته وابن اخو المرحوم
اني ضليت اتفرج عليهم بدون ماقره الكلام رديت عليه
- مازن شلونك خويه
بس ماكان موجود ضليت اتصفح ع الفيس علما يشوف بالكي يرد ورا عشر دقايق جاوبني
- هله والله بأختي
- شخبارك اني اسفه ع القطع بس امور عندي
- ولايهمچ اني هم التهيت خلال هالفتره
- الله يساعدك
- ماشفتي الصوره
- اي شفتها الله يخليهم الك
- رحمه الله والديچ
- يمته دزو الصوره الك
- ليش ماقريتي الكلام الكاتبه الچ
- لا والله اني شفت الصوره وسلمت
- خيتي هذه الصوره اني طگيته
- شنوو مداافهم
- اني صورتهم لان عبرتهم يااختي
- هاااا !! صدوگ
- اي والله
- ياالله الف مبروك خويه وربي فرحتلك
اني هنا حسيت بفرحته كلش وطرت والله لان گدر اخيراً يجتمع بعائلته خلال هاي الايام گدر يعبرهم الحمدلله واجت يمه دنيته بنته جان فرحان كلش حتى مايعرف شيگلي وخابر وخله بنته تحاجيني اول ماحاجيت الصغيره
- الو تينه شلونچ
- هلو اني زينه
- شلون اخوج
- زين ماما
- هههه منو اني ماما
- اي
جانت البنت تتعلثم بالكلام لسانها شوي ثكيل
وبعدها كلمني مازن
- هلوو مازن خويه
- هلوو خيتي سمعتي تينه تلگچ ماما
- اي فديتها
- اني گلتلها گوليها ماما
- هههه هواي ماما لو خاله بيها وجهة نضر
- هههه ميخالف خيتي
سمعت اخيراً مازن يضحك ضحكة المرتاح كلتله دومها وشهگ وهوه يكلي تسلمين
اني فرحتله لان حياته رجعت طبيعيه ماعده اهله بقى هناك بس همه كان بنته يمه وابنه الي يكدر يصبره ويريحه هم يمه كان يراسلني يوميه ويدزلي صور جهاله
واجه يوم يگلي وجان بوكتها كلش حزين ومهموم
- شبيك خويه
- والله شگلج زوجتي كلش تعبانه
- خطيه بعدها مريضه
- اي والله حالتها داتسوء
- الله يشافيها عساها متشوف شر
- مشكورا خيتي
- ماوديتها طبيب شي
- مابيها امل
- الله كريم ربي يفرجها
- الي قاهرني ان هاي الانسانه تحملتني هواي واني مانطيتها حقها والي عشته اني هيه جانت تعيشه هم بس اني هواي قسيت عليها
- الي صار مو بيدك ولابيدها
- اعرف الاهل هم السبب
حبيت اگله انو هو غلط بحق المره وخالها مثل البقيه من ضلمو بس هالمره جابتله الدنيه الي ديعش علمودها وكأنما كان يعرف بالي افكر بي
- اني هم غلطان
- كلنه نغلط قدر الله وماشاء فعل
- ان شاءلله تسامحني
- لو شايله ضدك ماتجيلك لهنا
- بس المشكله مداشوفه غير زوجتي ماعندي حب اتجاها
- ميخالف حال تحسسها انك تحبها وهيه مو بحاله هم وقهر
- ماشي خيتي مشكورا
- اني اختك ع شنو تشكرني
- هههه اها اسف
ومن بعد هالكلام الي دار بينه انقطعت اخبار مازن شهرين ماعرف عنه لان صارت امور تمنعني افتح الحساب وانحذف حسابي بعد فتره وكلش نقهرت لان نسد بس سويت جديد ورجعت ضفته
بس ماقبل رأسن رحت اتصفح ببروفايله اول شي اجه كبالي صورة قبر ناشرها وكاتب الفاتحه ع روح المرحومه
واني كلش انصدمت من شفت الاسم
(ســاره)
اني نصدمت ونقهرت ودمعت عيوني
تذكرت شلون شالت قهر وتحملت هواي والله
اني دزيتله رساله بس مارد واضافتي هم مارد ضليت انتضر يوم ورا يوم يرد عليه هم ماكو جواب
وفكرت احتمال حسابه عافه او نسه الباسبورد ماعرف المهم من هنا انگطعت اخبار مازن عني وماعرف عنه اي شي وقصته كلش اثرت بيه وحبيت اقصها وانشرها واگول البشر شگد يصيرله اشياء بس ابد ميحاول يصحح من اغلاطه ويبقى مستمر بس مو الكل هيج البعض يعترف بغلاطه
ومازن گدر يتحمل كلشي صارله والي واجهه كلشي بحيانه فقدان الاخ والحبيبه والزوجه وتهريب من بلده الي يحبه بس ضلت ويا دنيته الي جان دوم يسولف بيها ودوم چان يكلي
تدرين المن عايش لخاطر أبنتي تينه .
النهايه .
أنت تقرأ
أبنتي تينه
Storie d'amoreاجبر مازن على الزواج من زوجت اخو ومن هنا تبدي قصتة القصه حقيقه ومحزنه 😔
