ابنتي تينه : 6
جانت تمر الايام ع مازن بسرعه واعتاد ع حياته
بعد الاحداث الصارت ويا
مازن صار مدمن مشروب وكاضاها كله برا البيت وي اصحاب السوء وطبعاً الحصار جان موجود
وطلعاته كله بالختايل وشغله كان مستمر يهرب ناس خارج البلد وينقذهم من الجحيم العايشين بي
مرت الايام واجه الخبر الي راح يرجع مازن يعيش براحه وسعاده من بعد مافقدها
مره جان راجع للبيت واجته امه فرحانه وتهلهل
- مازن يمه الف مبروك
- ها خير يمه شصاير
- ساره حامل
- ها !! صدگ
- اي والله يمه الحمدلله
گلب وعقل مازن طار من الفرح اخيراً راح يصير اب ماجان هامه انو ساره ام الطفل بس المهم راح يصير عنده طفل يشيل اسمه
مازن وفر لساره كل وسائل الراحه مع ان الوضع كان حيل صعب بين شغله والوضع بالبلد
وجان يتحلم بيوم الينولد الطفل شلون يشيله وشلون يصيح بابا
كل وقته وفره يشتغل خاطر من يجي الطفل كلشي عنده ومايحتاج شي
طبعاً مرت حياته عاديه كلش ومابيها اي تطورات
من شغله للبيت
وطبعاً استمر يهرب ناس خارج البلد مازن هرب الاف الناس وكله ع نفس الطريقه والحمدلله محد كدر يلزمه
حاول بهاي الفتره يبطل عادته بالشرب والتعاطي
وامه جانت كله عينها عليه وشافت ابنها يرد عافيته شويه شويه
- وليدي الحمدلله اتعودت ع الوضع
- اي يمه الحمدلله احسن من قبل
- اعتقد الطفل غيرك شوي
- اي يمه تعرفين اني جنت اتمنى طفل يشيل اسمي
- اي يمه اهم شي انت تكون سعيد ومرتاح
- بعد روحي يمه من غيرج يشيل همي
- جنت يمك بس انت ماجنت تشوف كدامك
- الي صار وياي مو شوي
- اي واني عاذرتك وليدي
ابتسم مازن بوجهه امه وباسها ع راسها وراح لغرفته يرتاح
مازن جان يرتاح دوم بغرفته الي جانت اله ولسعاد
ومن يريد يسأل ع ساره يروح يكعد شوي ويطلع
كان بارد كلش باسلوبه وياها
حسب ماذكر كال ماكنت اعتبرها غير زوجه ماحبيتها ولاعندي اشتياق اتجاها
وبعده صعبه عليه يتقبلها وبمكان اخو كان كل مايشوف غرفة اخو حيل ينهضم ولسه يباوع ويتذكره اخو جان مثل ابو واحن عليه من ابو
ومرت الاشهور وباقي شهر ويجي يوم المنتضر
