ابنتي تينه جزء (11)
ركض مازن وي صديقه وجان التاجر ينتضرهم وجهه مرعوب
- بسرعه صعدو ماعدنه وقت لازم اطلع
- بس فهموني شلون هيج صار
- تالي نفهمك هسه خل نشرد بجلدنه
مازن ماراد يشرد ابد الي خلاه وراه مو شويه بنته واهله وگلبه كلشي عافه ابيته وطلع
ومشت التريله وبنص الطريق وگفوها تفتيش لزم مازن گلبه بيده ولزم ايد صديقه اليمه ماينسمع غير دگات گلوبهم من الرعب العايشي ورا عشر دقايق گلهم اتحركو
- والله عبالي انلزمنه اووووف
- الحمدلله مازن احنه تعدينه بخير خو ماجبت تلفون وياك
- جبته بس طفيته ومن اوصل للمكان امن اذب الشريحه
- عفيه بوليدي
وهم بهالحال ضحكو ومشت السياره محمله وياها امال مازن ودموعه ع فراگ بنته تينه الطلعه مالته جانت ابد من ع البال ولاع الخاطر ابد ماجان يفكر يعوف بلده التعود عليه وبنته الي كل حياته يتحلم بكلمة بابا
مشت ومشت ومشت علما وكفت ع كلمة وصلنه
التاجر : نزلو شباب انتو بأمان
مازن : اوووف الحمدلله
سعد : الف الحمدلله ولشكر
مازن : جمايلك هاي ياعمي مادري شلون اردها
التاجر : صدگ چذب ان شاءلله مره الجايه اجيبلك اهلك
مازن : امنيتي عبرلي بس بنتي تينه
التاجر : تدلل ابو تينه ان شاءلله يهدء الوضع والله كريم
مازن ركز ع نقطه وحده تينه تعبر ورا التاجر نزلهم بأربيل وگفو صافنين مايعرفون وين يخلون رجلهم وين يبدون شيسوون
سعد : مادام هوياتنه ويانه لاتشيل هم اول شي خل نأجر غرفه
مازن : امرنه لله خلينه نمشي
مشو مازن وصديقه بس مايعرفون احد واكو ناس خيره وصفتلهم مكان اي واحد لاجئ يروح وبسعر مناسب راحو لگو غرفه بيها بيها حمامات
ومطبخ صغير اجروها مازن وصديقه گعدو ارتاحو
بس الدهر الي راح يمر ع مازن ابد مايتوقعه
كعد صديقه الصبح
- سعد عيني كوم نتريك
- ياريوك مازن هو اندله مكان اني
- نجيب صمون وجبن مادام اكو مطبخ هنا نسوي چاي
- روح انت خليني نايم
- شكد كسلان ماشي الجايه عليك
طلع مازن يباوع بوجوه الناس مايعرف احد غريب ضل يدور ع محل يبيع هالاجبان والصمون
لگه فرن توه دايخبز اشتره منه وراد يرجع بس رجع لابو الفرن سأله
- عمي محتاج عامل يساعدك
- كله لاوالله مامحتاج
- اذا لكيت واحد يريد يشغل عامل بلغني اني باجر اجي اشتري منك هم
- ان شاءلله عيني
فكرة الشغل اول ماخطرت ع باله لازم يشتغل خاطر ياكل وراح مشه وعينه منا ومنا يريد يحفض المكان الهوى بي
ماتذكر يامكان گلي بي وشسمه بس گلي غريب واني بدولتي وبلدي وشايل نفس الجنسيه الي شايليها
ومع ذالك لاجئ يسموني .
