أبنتي تينه الجزء 12
هيج عاش حياته لاجئ
مازن بعد هالعذاب المر بي اخر شي لاجئ
بيوم وليله نقلبت حياته بعيد عن اهله وعن بته الي مالحك يتهنى بيها وبعيد ميلادها انجبر يشرد
ضل بهالغرفه هو وصديقه مقطوع الاخبار عن اهله يخاف يشغل تلفونه لان يسوي مشاكل لاهله لان كلشي يتوقع يتعقبونه عن طريقهم يبتزونه وهالشي ابد ميگدر عليه
ومرت ٧ اشهر وحياته واگفه يذب روحه بأي شغل كون يدبر لگمة عيشته
وبتالي قرر يفتح تلفونه بس ذب الشريحه ماشغلها
نوب سوالها حساب فيسبوك جديد وسجل الحساب باسم ابو تينه
وبحث ع اقرب شخص يكدر يضيفه من اهله ويحجي ويا ويطمن عليهم
وطبعاً گدر يحجي وي عمه بس عمه جان بعيد عن مكان اهله بغير منطقه من البلد حجه ويا وماصدگ يحصله وطبعاً كان كلامهم كلش مأثر بالنسبه لابو تينه لان كان بس يريد يعرف اخبار بنته واهله
وعمه گال
- شوف مازن اني ماگدر اروح لاهلك حالياً لان هواي بحثو عليك ويوميه يجوي لاهلك يسألون عليك واذا رحت هسه اكيد راح يعرفون اكو خبر وتعرف اسلوبهم بالاستجواب اقترح عليك تنتضر
- يعني عمي ماعندك خبر عن اهلي ابد
- والله شگلك اخبارهم مقطوعه لان الحصار هواي اشتد علينه ياابني واخر مره حاجيت ابوك قبل ٦ اشهر تقريباً
- يابويه ٦ اشهر شلون بيه ياربي عمي لاتگطع بيه انت الوحيد من اهلي الي احاجيك حاول تشوفلي اخبار تينه واهلي
- ماشي حبيبي تدلل اكيد ماگطع عنك ابني خليك ع تواصل وياي والله يفرجها علينه
مازن واول مره من بعد ماشرد ينهار من البچي يريد يسمع اخبار بنته واهله تعب مشتاقلهم
ومن كم يوم دز اليه طلب صداقه وصرنه اصدقاء مقربين خلال ثلث اشهر وضل يحجيلي قصته وعن الي صار ويا واني دارويها الكم حالياً چان انسان طيب من تحجي ويا تكول الدنيا بعدها بخير بس تعبه مايضيع عند الله ان شالله تعب هواي تعذب هواي الله يعينه ع الي صارله المهم قصته استمرت
بقى يتواصل وي عمه على امل يحصل اهله
ومره فاجئني وگلي هو يعرف يغني كان يغني بالاعراس والمناسبات واحنه گاعدين نسولف سكت
گلتله
- هاشبيك
- بس لحظه وراجع
- شنو صار طمني
- هسه ارجع
- ماشي اخذ راحتك
راح مازن غاب ساعه تقريباً واني انتضر شنو الي صار فجأه حسيت صار ويا شي صدمه
وراها اجه وخابرني
- اريد ابشرج
- شنو الي صار بشرني
- يالله مدااصدگ لو تدرين توه ابوي خابرني من عمي ودزلي صورة بنتي وفوگاها صار عندي بعد ولد توه عمره عشرين يوم .
يتبع.
