ابنتي تينة :3
طبعا الصدمه كانت ع مازن مو طبيعيه اجه اباله سعاد حبيبته ومرته شلون هيج ابو حچه مايعرف شيسوي ابو متحكم بالوضع شلون يعارض ابو وشلون يتزوج البنت المعتبرها اخته
طبعاً كسر صدمته وصفنته ابو ساره
- ها مازن اشوفك سكتت
- لاعمي بس كلام ابوي حيل صدمني ساره معتربها اختي شلون اتزوجها
- هاذا اخر شي عندي لو تتزوج ساره لو ناخذها ماعندي غير كلام
ابو رعد - ابو ساره عيني انتضر يومين نتشاور الموضوع
- ماشي خويه يومين بس اذا ماصار زواج ابنكم الكم وبتنه النه
وطبعاً راحو الجماعه ومازن جان حيل خايف شنو راح يكله ابو ضل ساكت مايتحرك من مكانه
طبعاً ادخلت ساره بالموضوع
ساره : عمي فدوه اروحلك شلون تزوجني لمازن هو مثل اخوي
ابو رعد : هذه الطريقه الوحيده حتى تبقين يم ابنج
طبعاً مازن مثل اطرش بس يسمع راد يطلع من الديوان ابو وگفه
مازن : بويه خليني اروح استوعب الكلام الي گلته
ابو رعد : يومين بس وتحضر روحك للعرس
طلع مازن من الديوان وجسمه حيل مثاگل وراح لغرفته شاف سعاد گاعده تنتضر شنو الي صار
سعاد : ها مازن شنو الي صار
مازن : خليني ارتاح هسه كلش تعبان
سعاد: اخذ راحتك بس لازم تسولفلي الصبح
مازن المسكين طبعاً ماگدر ينام بس يفكر شلون وشراح يصير مداافهم
اجه الصبح ولگه سعاد گاعده تحضر ريوك واجت صاحتله
راح ولگه الكل گاعد ع السفره گعد يمهم
- صباح الخير
الجميع : صباح النور
ابو رعد : يلا تريگو عندي موضوع وياكم جميعاً
مازن : اعرف شراح تحجي بويه بس فكرت بالموضوع انت وبعدك مصرّ عليه
ابو رعد : بعدين نحجي
كملو ريوك وصاحلهم كلهم يلتمون
ابو رعد : طبعاً كلكم تعرفون شصار امس واهل ساره اجو ياخذوها واحنه عدنه ولد مانسمح لابنه يروح بغير بيت يعيش واني عايش لهذا قررت مازن يتزوج ساره
سعاد : شنووو يتزوج ساره عمي انت شداتحجي
ابو رعد : كعدي وخليني اكمل كلامي
سعاد : ماشي بس شراح تكول غير هالشي تريد تزوج رجلي لوحده ارمله
مازن : سدي حلگچ شلون هيج تحجين يم ابوي
سعاد : اني شگلت شنو يعني تتزوج ساره
مازن : كلتلج خل ابوي يكمل لموضوع كمل بابا اسف
ابو رعد : ابو ساره اجه امس يريد ياخذ بنته ساره وحده من بناتي شلون اخليها تروح بعد هالعشره وابن ابني اكيد الوصايه لامه اذا تزوجه مازن راح تضل يمنه
طبعاً سعاد ماتحملت هالكلام وكامت تعيط
سعاد : لامااسمح بهالحجي ابد ميزوج مازن شنو هاي التقاليد العايشيها ابد ميصير عندي ضره ماسمحلك عمي
مازن عصب من كلام سعاد وكام ضربها راشدي انصدمت سعاد لزمت خدها وكامت ركضت لغرفتها
مازن : اسف بويه لازم تقدر مشاعرها حقها
ابو رعد : من شوكت عدنه نسوان تحجي لازم تأدب مرتك
مازن : ماشي بويه
مازن ضل يباوع ع ايده الضربت سعاد
شلون ضربها گلبه ضل يوجعه عليها بس مايريدها تكبر السالفه اضطر يسكتها
