ابنتي تينه : 5
صباحية عرس مو مثل باقي الصباحيات لان من بارحه كلها شردت بعد العقد الزواج وضل البيت وحشه ع مازن لان سعاد ماموجوده حاول يتصل بيها بس مترد وساعات يتصل مغلق
حضرو الريوگ وگعدو كالعاده ولاكأنما صاير شي
ومازن عينه ع مكان سعاد همه سعاد ترجع
ابو رعد : مبروك يالعرسان
ساره : الله يبارك بيك عمو
ابو رعد : ماوصيك مازن دربالك ع ساره هذه بنتي
مازن : من عيني بويه
ام رعد : ابني ورده طبعاً راح يدلل ساره
مازن مو يمه الكلام ابد كمل اكله وكام راح لغرفته هو وسعاد شمر روحه ع الجربايه واول مره ضل يبجي بكل قوته من صارت السالفه وهو لازم نفسه لان يشوف سعاد گباله ويرتاح هسه سعاد ماكو انهار فد مره راح طلع يسهر بره ويرجع وكت متأخر ضل يشرب مشروب ويتعاطى حبوب ماگدر يتحمل الي صارله خاصتاً بعد ماتركته مرته سعاد وحبيبت گلبه
ضل مازن اسبوع ع هالحاله
وفد مره رجع للبيت جانت ساره تنتضره
اجه مازن سكران مو بوعيه وميعرف حتى شيحجي
ساره : انت ليش هيج تسوي بروحك حتى ماتكدر تمشي
مازن : سعاد لاتعوفيني بعد
ساره : لاماعوفك بس امشي
سندته ساره ع كتفها واخذته للغرفه حاولت تودي للحمام كون يتنشط ويرجع بوعيه بس شمر نفسه ع الجربايه وضل يصيح
سعاااااد سعاااااد
ساره خافت عمها يسمع راح خلت ايده ع حلگه كون يسكت مازن تخيلها سعاد اجتله
مازن : عرفت ماراح تعوفيني
ساره : مازن شداتكول اني ساره
مازن : احبچ حيل كلش احبچ
وصار الي صار
گعد مازن الصبح لگه روحه بفراش اخو وساره بصفحه صرخ بأعلى صوته
مازن : هااااااااااا شنو انتي شداتسوين بصفي
ساره : يمه شبيك خوفتني
مازن : اشجابج هنا
ساره : انت اجيت مو اني
وچان يندگ باب الغرفه ابو وامه يصيحون
شنو الي صار ليش مازن يصرخ
مازن : يمه ولا شي بس شفت فاره
ام وعد : صدگ چذب يمه
حسب ماسولف مازن جنت اتعاطى يالله انطيها حقها كزوجه ماكدر اذا مااشرب او اخذ حبوب
مرت حياتي هيج ولسه خبر ع سعاد ماكو
وطبعاً رحت لبيتها ماستقبلوني وطردني اخوها
ضليت اسبوعين انتضر خبر عنها ولسه متأمل تحن وترجع واجاني الخبر يدگ الباب استلمت ورقة استدعاء ورقة طلاقي من سعاد واني رحت المحكمه بعد يومين وشفت سعاد هناك احلى من اي وقت شفتها ماكدرت اكلمها او انطق اخوانها وياها وبكل بساطه وقعت ع الورقه وطلعت حتى ماباوعت بوجهي وندمت عليها بيوم سميتها حياتي واغلى شي عندي باعتني بسهوله
