𝘽𝙤𝙨𝙨 𝙄𝙨 𝙈𝙞𝙣𝙚😎 (𝙍𝙚𝙥𝙪𝙗𝙡𝙞𝙨𝙝)

2

Ting Tong~

စောစောစီးစီး ဘဲလ်ကို အဆက်မပြတ်တီးနေတာမို့ Jongin ဘယ်သူမှန်းတန်းသိလိုက်သည်။ တံခါးဖွင့်တာ နောက်ကျရင် ချော့နေရမှာစိုးတာမို့ အိပ်ရာထဲကနေ အလူးအလဲထရင်း တံခါးဆီသို့ပြေးရသည်။

Jongin အဖြစ်က ကိုယ့်အိမ်ကိုယ်နေပြီး သူများကို ကြောက်နေရသည့်ဘဝ။

" ဘာလဲကွာ....စောစောစီးစီး!"

Jongin တံခါးကို ဖွင့်ရင်း ဦးအောင် ဟောက်လိုက်သည်။ မနေ့ကလည်း သူ့ကိုယ်ကြီးကို ကုန်းပိုးပြီး ပြန်ပို့ခဲ့ရတာမို့ အစာကမကျေချင်သေးပါ။

" ဟီး....ဂျုံအင်နီလေးကလည်း။ ဆယ်ဟွန်းဟွန်းက လာချော့တာဟာကြီးကို။ ဒီမှာကြည့်စမ်း....မေမေက ငါ့ အတွက်ဆိုပြီး လုပ်ထားတဲ့ ချောကလက်ကိတ်လေး ငါက မစားရက်လို့ တူတူစားဖို့ ယူလာတာဟာ။ "

နီရဲနေသည့် နှုတ်ခမ်းသေးသေးလေးကို လှုပ်စိလှုပ်စိနှင့် ပြောနေသည့်ပုံလေးက ချိုလိမ်တပ်ပေးချင်စရာ။

Sehun က ငယ်ငယ်တည်းက ကျွန်တော်တို့ထဲမှာ Aegyo အပေါဆုံးနဲ့ ပြသနာအရှာဆုံးလေး။

သူငယ်ချင်းသုံးယောက်ထဲမှာတောင် သူက အငယ်ဆုံးမို့ ကျွန်တော်နဲ့ ယောလ်က အမြဲအလိုလိုက်ခဲ့ရတာ။

" Jongin....မင်း ဘာတွေကြောင်ကြည့်နေတာ..?"

အတွေးလွန်နေသည့် Jongin က မျက်လုံးရှေ့တဖျက်ဖျက်လက်နေသည့် ချောကလက်ကိတ်လေးကို မြင်မှ သတိပြန်လည်လာသည့်ပုံပင်။

Sehun သိတာပေါ့။ ဒီကောင်က ချောကလက်ဆို သေမလိုချစ်ရှာတာ။

Sehun က နို့သောက်တိုင်း သူကတော့ ချောကလက်ပူပူပဲသောက်တတ်တာ။

" အာ...အင်း ငါ အိပ်ရေးမဝလို့ ။ မင်းက အစောကြီးလာနှိုးတာကိုး "

" ဟီး...မင်းကို လာချော့တာဟာကြီး "

သွားဖွေးဖွေးလေးတွေကို စီတန်းနေအောင် ရယ်ပြလာသည့် ဟွန်းနီက တကယ်ကလေးလေးလိုပင် ။

" Jongin....သူငယ်ချင်းကို အိမ်ထဲခေါ်လေ။ အိမ်အဝကြီးမှာ....လာ ဟွန်းနီလေး "

" ဟုတ် ကိုကြီး..."

Jongin ကို ပုခုံးချင်းတိုက်ပြီး တွေ့လားဆိုသည့် ပုံနှင့် အနိုင်ပြုံးကြီးပြုံးပြရင်း အိမ်ထဲသို့ ဝင်သွားသော Sehun ကြောင့် Jongin ပြုံးလိုက်မိသည်။
Sehun က ကိုကြီးရဲ့အချစ်တွေကိုလည်း Jongin ထက်ပင်ရထားသေးသည်။ သူ့လို မချွဲတတ်တဲ့ Jongin ကြောင့်ပင်ဖြစ်လိမ့်မည်။