بارت 1
اسمي حيدر طالب جنت وصاحب محل موبايلات عايش مع امي واخويا سمير اكبر مني دكتور عايش بالسويد بالسنة يجي مرة أو مرتين حسب اجازته قصتي بدت من جنت بالمرحلة الثانية كلية الادارة والاقتصاد
المرحلة الأولى خلصتها مثل باقي الشباب بعمري ونسة وشقى وطلعات وسفرات اني اسمر وطول متوسط يعني زين العب حديد والجم مااستغنى عنه عيوني يكولون حلوات خضر هههههه اصدقائي كم واحد انضرب بوري من ورايا لان كلما يخلون عينهم ع وحدة ع اساس مهتمتله تطلع هي تباوعلي ماتباوعله. تبا التواضع
صرت مرحلة ثانية فد يوم ببداية السنة نزلت للكافتريا اتريك ويا اصدقائي شفنا شلة بنات مبين عليهم اول مخبوصين جانوا خمسة بنات لا ستة بس السادسة مثل الملاك ماتبين شفافة كلهن ديحجن ويضحكن بس هاي ضحكتها شي خيالي يعني تشوفها تضحك عبالك تشوف لوحة متكاملة من ايد فنان الضحكة مالية الوجه الحنطي والصوت سمفونية هادئة و بذيج العيون الوساع السود نظرة تشك الكاع والشعر مغطي ظهرها اسود فحم مخليه طوق صغير بيه وردة حمرة ايبااااه
ياربي شبيا اني رجعت للبيت وصورتها مطبوعة بخيالي احس صوت ضحكتها بكل زاوية يعني هذا يسموه الحب من النظرة الاولى؟؟؟ معقولة. يمكن صرت يوميا اشوفها وصدفة طلعت نفس قسمي محاسبة نفس البناية نفس الطابق بس اخ مو نفس الشعبة
💖 شمس شمس هاي شبيج صار ساعة اصيحلج
💖 واي حياتي آسفة جنت صافنة اباوع ع الساحة شكد حلو من فوك
💖 ولج ياساحة اتخيلي طلع السؤال نصا من الكتاب
💖 اوكفي
💖هاي شنو شبيج
💖غير داتخيل هههههه
هلا هلا اسمها شمس وتحشش هاي معلومتين عرفتهن سوا صرت لا ارادي الحكها وين ماتروح وكلت يمكن راح نرسب هالسنة اثنينا سوا لان هي الخاتون هواي تضرب محاضرات واني وياها حتى صارت تنتبهلي وصارت نظرات بيناتنا بس نظرتها انزعاجية كلما اريد احاجيها ينعكد لساني اصدقائي القريبين رافد وهمام يومية يشجعوني وارد انتكس ومااكدر صرت مثل خيالها وين ماتروح بحيث اتعودت هي اذا شافت رافد وهمام واني ماكو وهاي كلش حالة نادرة تكوم تدور بعيونها يجيني مسج منهم اروحلهم طائر كلشي بيناتنا جان اكو من مقومات واساسيات العلاقة عدا العلاقة نفسها ههههههههه هسه تكولون شلون جنت وياها بكل مكان جنت اغار عليها حتى من همام ورافد اذا نطقوا اسمها جنت اخاف عليها من الهوى وياويل اذا اشوف احد يحاول يزحفلها مباشرة تتم المعالجة بشكل غير مباشر لدحر العدو وحتى هي متحس ظليت هيجي سنة كاملة وخلصنا السنة اني صرت ثالث وهي ثاني داومنا واصدقائي يكولون كافي سويتها بلا ملح وخوفوني اذا بقيتها هيج احتمال تروح مني فقررت خلص لازم احسمها انتظرت تطلع من الشعبة مثل كل يوم بس اليوم طبعا مميز اكثر ولاني اعرف نفسي احتمال هم اتراجع فكرت بغير شي جبت وردة حمرة كلت من اشوف نفسي اخرسيت كدامها كبل اهديها الوردة بلكي تفهم بلا مااحجي هههههههة وكفت اباب الشعبة والباب مفتوح كاعدة ثاني مقعد من يم الشباك هلا هلا الگلب صافن وعايف المحاضرة وعيونه منا منا ع الساحة اندارت فدوة ضايجة شافتني رجعت بسمتها الحلوة يمكن جانت تدور عليا
المهم المحاضرة خلصت
💖هلااااااو حيدر شلونك
يبوووووو ندى بنت جيرانا كلية التربية شجابها هسه
💖هلاااو نداوي شلونج ها شعندج يمنا
&
&
&
↴ ะ ※ ⁞🌾🐰 🐣🌿
➻❥
أنت تقرأ
رواية شمس حياتي
Romansaقال لها أحبك ، فقالت الحب افعال .. فتزوجها ! - هذا الشخص لا يمثلنا و لا نعرفه ولا يعرفنا ونتبرأ منه ..
