بارت 4
💖اتخبلت ذاك اليوم من شفتك ويا ذيج البنت وعلمود هاي...
💖علمود هاي نزلتي استخفيتي ويا ولد الشعبة
💖اي شمعنى انت
💖ولج والله بنت جيرانا ومثل اختي جانت جاية بشغلة
💖وماتتكرر
💖شلون يعني
💖يعني خلي نكون واضحين وتتفق
اذا يوم شفتك ويا وحدة لاي سبب كان اتوقع مني المثل ولاتلومني
💖غير اكسر حلكج
💖اممم وشلون احجي
💖فوكاها ام لسان
💖لسانين
💖لا مبين يوميا راح تنكتلين
💖من ايد حبيبي عسل عسل حياتي عسل
💖هسه شلون
💖شنو هو
💖اليوم خلص
💖والله جان حسبت حسابك صارلك سنة ساكت الا هسه نطقت شسويلك.
💖ولج غير عيونج دوخني من اجي احجي اتلعثم واسكت
💖حلوات مو
💖يخبلن يملخن
💖ديلا اريد ارجع للبيت اتاخرت
💖يعني بيها امل تحبيني بكد مااحبج
💖الله اعلم احتمال اكثر
فدوة لهالشفايف تحجي وتتموع مو قصدا بس هي هيج طريقتها
💖ولج كافي ترى اني موكد هالموعان ديري بالج
💖امم يلا مااحجي بعد
💖اي سكتي احسن..........
بيومها ماخليتها ترجع بالأشتراك مثل كل يوم وصلتها لحد راس الشارع مالتهم
ورجعت للبيت واني مامصدك والله عبالك حلم معقولة جانت كدامي ومباشرة انسجمنا وعبالك صار سنين مرتبطين
ظليت الليل كله صاحي كلساع اريد اخابرها واكول خطية خاف نايمة
بالأخير دزيتلها
(( تصدكين خايف اكون داحلم واصحى ماالكاج...تصبحين ع حب
وصباح الحب لان هسه الفجر والصبح قريب
احبج موت)))
دزيته كلت الصبح تجاوبني وتك تك اجاني مسج
(((وانت من اهل الخير يا احلى شي جنت انتظره يمكن
اني هم مانايمة
احبك )))
فرحت حظنت الموبايل وغفيت كم ساعة طبعا الصبح كعدت ع السريع حتى مااتريكت وامي تصيح ومتعجبة
💖لك حيدوري والريوك
💖ماالي نفس يوم
وطلعت ع السريع للكلية وصلت اصعد الدرج وگلبي يركض كدامي
جان اشوفها ويا البنات اويلي تنورة قصيرة وسترة سودة وقميص ابيض عود البنت لابسة زي وماتخالف وحذاء کعب والشعر طاير وطوك بوردة صغيرة حمرة واكسسوارات متناسقة وكفت اباوع عليها من بعيد شافتني مباشرة اترخصت من البنات
💖صباح الخير
💖شنو هاي ولج
شكو خير ياالله
💖شلون تتجرأين وتطلعين هيج حلوة اليوم ماخفتي ع ،گلبي لايوكف
💖هههههه هههههه شكرا عيونك حلوة
💖يلا امشي
💖وين ترى ماباقي شي للمحاضرة
💖وهو المطلوب عوفي اليوم ماكو محاضرة نضربه
💖واي لا عفية شلون
💖نضربه اليوم كلت لاتطولين هسه ع اساس اول مرة
💖واي حيداااااااار
💖عيونو وروحو
💖وين نروح اني مااطلع خارج الجامعة
💖لا ليش اطلعي جددي جربي دامشي امشي هسه ع اساس اني كاتل روحي الا اطلعج
&
&
&
#رواية_شمس_حياتي 😻🦋
🐣
↴ ะ ※ ⁞🌾🐰 🐣🌿
أنت تقرأ
رواية شمس حياتي
Romansaقال لها أحبك ، فقالت الحب افعال .. فتزوجها ! - هذا الشخص لا يمثلنا و لا نعرفه ولا يعرفنا ونتبرأ منه ..
