بارت 5
ضحکت ونزلنا من الكلية عزمتها ع الريوك واحنا دنمشي كل الشباب عينهم عليها استغفر الله واني ماعندي صبر هوايا
💖شمسي
💖همممم
💖راح اطلب منج شي ومااخذ رأيج من باجر تنفذيه
💖هاي شنو غير اعرف
💖ملابس هالشكل ماكو بعد قصير ضيك تبطليه مو بس بالكلية بكل مكان وتتحجبين
💖شنوووووو مستحيل حيدر مستحيل
💖مشتهية كتلة
💖لاعفية والله مااكدر مامتعودة ع الحجاب الملابس احاول اغيرها بس حجاب لا عفية حيدورتي
💖شمس لاتناقشيني كفشتج هاي مااريد احد يشوفها بعد
💖مااكدر حيدر انت تطلب المستحيل
💖لامو مستحيل جربي وراح تتعودين زين شو باوعيلي باوعيلي ولج
💖ها باوعت زين هيج
💖اوعديني
💖مااكدر اوعدك بشي اني مامقتنعة بيه وانت لازم تسمعني وتفهمني اني احب شعري و......
💖واني لان اموت ع شعرج اكلج ضميه زينً؟؟؟ جاوبيني کولي زين ليش تهزين براسج شنو بلعتي لسانج
💖اريد ارجع للكلية اخلص وارد للبيت
💖كعدي بعدين اني اوصلج
💖مااريد واليوم ارجع بالأشتراك خو ما يوميا
💖شمس لاتطنكرين هاي اول يوم سويا لاتكلبين خلقتج باوعيلي
💖عوفني حيدر اريد ارجع
💖ماترجعين وانتي زعلانة
💖لعد كوم مااريد اكعد خلي تتمشى
💖لا ولانتمشى لعد شجنت احجي هسه
💖شكو شكو عفية مايصير هيج انت تقيدني
💖اي عادي انتي مالتي اني بوحدي ليش غير واحد يشوفج
ظلينا بيومها شموسة ضايجة عبالها احن واتراجع عن كلامي ابد وخلص الدوام رجعتها للبيت وحتى الوداع جان بارد لمت روحي كلش بس شفت هذا اصح بدل مايومية متعارك ويا واحد هي حلوة انوب تلبس ملابس مثيرة تخبل كلمن يشوفها انتوا حكموا بالله اني اذا غلطان ً؟؟؟؟
المهم ظليت بالليل اخابر ماتجاوبني اهوووو معقولة البارحة بدينا اليوم نتزاعل بس گويت گلبي لازم تتغير مو بس علمودي علمود مستقبل علاقتنا اني احبها حب مستحيل احد يتخيله قبل مااحاجيها ومن حاجيتها حسيتها هي صارت جزء مني خلص الهوا الي اتنفسه وعيوني الي اشوف بيها
طلعت الشمس واني مانايم بالليل وبعدني ادك وماتجاوب
رسائل هم ماترد ويومين عدن وهي مصرة ماتجاوبني وماتداوم مابقى بيدي حل اتخبلت دزيتلها رسالة
💖شمس تجاوبين لو اجي لبيتكم والله اجي
وهم ماجاوبت رغم هي ع الفيس موجودة وتعلق وتنشر ويا صديقاتها بس الي بسيطة كمت الصبح بدلت وطلعت مااعرف شلون بس لازم اروح لبيتهم
رحت بالسيارة وصلت بابهم وبدون تردد دكيت الجرس طلعت امها يمكن...او لا اكيد حيل تشبهها
💖مرحبا خالة
💖هلا يمة
💖خالة احنا من دائرة الكهرباء ممكن اشوف ساعة الكهرباء ديروا بالكم الكهرباء كلش غالي صاير
💖والله ياامي حيل ندير بالنا والله كريم
&
&
&
#رواية_شمس_حياتي 😻🦋
🐣
↴ ะ ※ ⁞🌾🐰 🐣🌿
أنت تقرأ
رواية شمس حياتي
Romansaقال لها أحبك ، فقالت الحب افعال .. فتزوجها ! - هذا الشخص لا يمثلنا و لا نعرفه ولا يعرفنا ونتبرأ منه ..
