بارت 18
مااعرف شأكللكم ومااعرف شوصفلكم عن مشاعري صرت حتى اني مااعرف شأريد بعد كلام سمير مااعرف تخنكني الحسرة عليها وارجع اكول اني استاهل الأسوأ وهي تستاهل كل خير
فعلا قررت اعيش حياتي واخلي شمس احلى ذكرى بعمري صرت يوميا اطلع للمحل ويجي همام نكعد نسولف ونلهي نفسنا والجمعة اطلع اشتغل بالتكسي الي اشتريته
اسبوع اسبوعين وشهر الحمدلله الايام صارت تمشي وكدرت اتاقلم بس جذب اذا كلت نسيت وقبلت الوالدة تدورلي ع بنت الحلال ولان اعرف راح اظلمها وياي لان بگلبي وحدة ماينافسها احد فوعدت نفسي اصارح الإنسانة الي ارتبط بيها بكلشي ومر ثلاث اشهر جنت اخابر سمير وبودي اعرف اخبار شمس بس امنع نفسي ودائما ادعي الله يوفقها ويطلع خطيبها احسن مني لان فعلا جنت جبان واتخليت عنها بالبداية بس هو اتمسك بيها بعز الأزمة
خطبتلي الوالدة بنت من كرايبنا حبابة وحلوة وخلوقه اسمها ريهام من رحنا نقرا الفاتحة بعد الاتفاق طلبت احجي وياها ع انفراد وحجينا وصارحتها هي البنت قبلت واتفهمت وكالت ان 💖شاء الله اكدر اعوضك اني وانسيك بس لازم ننطي فرصة لبعض
وبعد شهر من الخطبة بيوم دك موبايلي رقم غريب وجاوبت
💖الو حيدر شلونك
💖رغد هلو عيني هاي وينج ماكو صار فترة
💖موجودة بالدنيا حيدر اكو شي هو طلب بس مااعرف ردة فعلك شنو بس اعرف انت انسان طيب وراح تتفهم الموضوع
هو الطلب مو ألي اهل شمس هم الي وصوني اطلبه منك وهم محرجين يعرفون انت هسه خاطب و. ......
💖رغد شكو احجي شبيج تضربين شرق وغرب شغلتي بالي
💖شمس حيدر شمس طالبة تشوفك
💖ليش شمس مو بالسويد ومتزوجة
💖هه ياسويد حيدر شمس بالعراق من تروح راح تفهم كلشي
💖العنوان
💖شنو العنوان
💖رغد العنوان انطيني بسرعة
بلحظة نسيت ريهام ونسيت مشاعرها وبلا تردد لحد مااخذت العنوان اني جنت طالع بالسيارة
وصلت العنوان نزلت گلبي حسيته يركض قبلي دكيت الباب امها فتحت
💖حيدر معقولة والله خفنا ماتقبل
💖خالة وين شمس
هي تمشي واني وراها عافت الصالة ووكفت يم باب غرفة وفراس وابوهم بالباب كاعدين سلمت وانطتني شغلات البسها
💖شنو هاي خالة شديصير
💖لازم تلبس ذني يلا تدخل
لبستهن واني مافاهم الموضوع شغلات شايف منه بالمستشفى مال تعقيم وفتحت الباب
ماشفت غير شمس نفس جمالها والشعر الحرير مغطي ظهرها بفستان العرس والإبتسامة الحلوة بوجهها كاعدة تنتظرني
شفتها بعين گلبي
اما اذا احجيلكم ع الي شافته عيني غرفة عبارة عن مستشفى جهاز يتابع نبضات القلب مغذي وصوندات واسلاك وأجهزة غريبة ماعرفها وحبيبتي الرشيقة صايرة جلد وعظم وشعر ماكو نهائيا وانواع الشغلات مشكلين بجسمها أيدها راسها خشمها ورغم كل هذا حبيبتي استقبلتني بأبتسامة نفس ابتسامة قبل وكفت مصدوم مااعرف شأحجي ومامتقرب
اشرتلي بيدها الي يادوب حركته
رحت سحبت كرسي وكعدت يمها وهي تحاول تحجي بس صوتها كلش ناصي
💖شلونك حيدر
💖حبيبتي هاي ليش شمس شبيج شوكت رجعتوا
وما انتبهت بروحي سؤال ورا سؤال هي الكلمة تطلعها كوة
💖اسف اسف حياتي بس ما..
&
&
&
#رواية_شمس_حياتي 🐣
↴ ะ ※ ⁞🌾🐰 🐣🌿
أنت تقرأ
رواية شمس حياتي
Romansaقال لها أحبك ، فقالت الحب افعال .. فتزوجها ! - هذا الشخص لا يمثلنا و لا نعرفه ولا يعرفنا ونتبرأ منه ..
