بارت 8
نزلنا الساحة واخذنا كم لقطة بس اني وجهي مبين كلش ضايج جنت
حتى وراها شمس لاحظت هالشي بس اني ماحجيتلها لان الموضوع تافه
والي ضوجني اكثر الصور اخذناها بموبايل رافد فبالليل دزهن اليا الكى دعاء بكل صورة لو ورايا مباشرة لو بصفي هاي شلون ماانتبهتلها
ومن يومها صارت يوميا تذب حجاية بالشعبة تغث واني كوة لازم روحي
وبيوم رحت الصبح للكلية ادور ع شمس ماكو اخابرها ماتجاوبني رحت اسال من صديقاتها كالوا مداومة بس جانت ضايجة ماندري ليش طبعا كلش ظل بالي وظليت ادك لحد ماجاوبت
💖شموسة حبيبتي هاي وينج من الصبح ادورلج
💖اشوفك بالكافتريا
💖شمس شبيج
💖اشوفك بالكافتريا
وسدته بوجهي معقولة رحت ارکضلها لکيتها كاعدة بزاوية وتبجي اني شفتها الدنيا اسودت بعيني وبالي ظل يجيب ويودي
💖شمس شكو حياتي شبيج منو وياج
💖ليش هيجي حيدر اني شمسويتلك شنو جان ذنبي بنت عايشة ويا صديقاتي اجي واروح ليش تدخل حياتي وتخليني اتغير علمودك وتطلع تلعب عليا ليش
💖شمس انتي صدك تحجين لو .....
💖لو شنو شوف شوف مو هذا الفيس الك مو هذا اسمك
بالموبايل دازيلها محادثة ع الماسنجر اني ووحدة عود خافية اسمها واني اكللها احبج واموت عليج وشمس مجرد نزوة ولعبة اتسلى بيه لحد مااتخرج ومن هالسوالف.
💖الله عليج شمس وانتي صدكتي
💖ليش مااصدك اذا انطتني دليل
💖وشنو الدليل بالخير
💖اسم العطر مالتي الي يوميا تكول عليه حلو وتطلع تضحك عليا
💖شمس حبيبي شمس كبري عقلج ترى هاي السوالف فبركتها اسهل مايكون
💖وليش يفبركوه شعدهم وياي
💖يمكن ناس تكرهنا يمكن ناس تغار من حبنا
💖لا حيدر اني جنت غلطانة اندفعت بمشاعري الك ومااهتميت لكرامتي واني جنت احس من الاول ان الرابع غيرك هواي
💖ولج والله ماادري اضحك ماادري ابجي اخاف ناصبة عليا
💖براحتك
💖شمس شمس تعالي وين
💖عوفني وانسى اي شي أبينا
طبعا هي تحجي وتبجي وماشية ماتوكف واني لاحكها عبالك داتحرش بيها شكد حاولت ماوكفت ليكدام شفت همام خابرته
همام شمس دتتجه لباب الجامعة كدامك هي حاول توكفها وتحاجيها وتهديها
💖خابرت همام كتله شمس كدامك من توصل وكفها
💖كال شكو ليش
💖كتله مااعرف انت حاول تهديها واني جايكم
وانتظرت اباوع عليها ع مسافة لحد ماوصلت يم همام ووكفها وهي تحاول تمشي بعدين راحوا سوا كعدوا ع المصطبة
&
&
&
#رواية_شمس_حياتي 😻🦋
🐣
↴ ะ ※ ⁞🌾🐰 🐣🌿
أنت تقرأ
رواية شمس حياتي
Romansaقال لها أحبك ، فقالت الحب افعال .. فتزوجها ! - هذا الشخص لا يمثلنا و لا نعرفه ولا يعرفنا ونتبرأ منه ..
