بارت 13
سالت امها كالت اي ابوها حرك القديمة رجع فتحلها نفسها.
ظليت اخابر وادز رسائل ماتجاوب اخر شي كتبتلها جاوبي 💖لاتخليني اجي اسوي هوسه بالبيت حتى اشوفج اهلج يحترموني لاتخليهم يشربون من دمي
وفدوة لكل رقم من ارقامها جان يدك نبض الگلب
💖ولج ليش حياتي ليش ماتجاوبيني ليش
💖حيدر
اوووووووف صوت تعبان بس نفس السحر بيه
💖حيدر الله يخليك عوفني بحالي اني ماانفعك بعد
💖حبيبتي بكل عقلج تنهين حبنا علمود وجهج مجرح لو كاصة شعرج ولج ليش اني عشگت شعرج ووجهج حياتي بطلي واحجيلي شلونج شلون كضيتي هالليالي و..
💖حيدر اذوني اذوني فوك ماتتصور
اني ظليت اسمعها ودموعي تحرك خدي بس مااخليها تسمع
💖حيدر شمس هم ذبحوها مثل رافد بس بفرق رافد ذبحوه برحمة وريحوه بس اني بلا رحمة ذبحوني
💖حبيبتي
💖حيدر تعال لبيتنا تعال هسه
ماانتظرت ولا لحظة ع السريع طلعت لبيتهم
وصلت اخوها فتح الباب مااعرف مافكرت وبلا وعي دخلت ويا دخلتي نزلت من فوك شمس مغطية وجهها بشال
💖بابا فراس تعرفتوا عليه كزميل بس الي ماتعرفوه هذا الولد جان راح يجي يخطبني بعد النتائج والي اكوله هسه مهم اله مثل ماهو مهم الكم
💖شمس
💖خليني اكمل حيدر مو تريد تسمع لعد اسمع واسمعوا كلكم .....اني اخذوني شمس بنت الدكتور عادل ابو فراس الي طول عمرها رافعة راس اهلها وحبيبة حيدر الي محد جان يتجرأ يتقربلها.بالجامعة بس. ....بس رجعوني انسانة ثانية حولوني بحيونتهم لأنسانة ميته مع وقف التنفيذ إنسانة كل جزء بجسمها اثر دنس ....دنسوها بوحشيتهم
وقبل لا تفكر بعقلية رياجيل مجتمعنا ياحيدر لاعبالك اني جبانة جنت وسلمت شرفي بسهولة لا...... والدليل....
جان ترفع الشال
وجهي شوف شوف وافتح عينك زين وافتح گلبك قبلها حركوني حيدر وحركوا شعري
شعري حيدر راح.... تذكر شسويت يوم الي بس طخ شعري الولد اني سويت اكثر منك بس مافاد و جانوا ينتلوني بكهرباء وافقد واتمكنوا مني وجانوا يتناوبون ويستمتعون وبيدهم كاساتهم واني جثة مشلولة
ها حيدر ليش ساكت بعدك تريدني بعدك تريد تشوف وتسمع شمس ...هاي اني حجيتلك الي ماحجيتها لأهلي وحتى لو حاجيتها ماجانوا راح يصارحوك ....
هي تحجي وبهيستريا باردة اهلها انهاروا وامها تبجي و تحاول تحضنها وهي ماتقبل حتى لمسة امها اخوها جان واكف يم حايط ظل يضرب رأسه لحد ماكام ينزف وابوها كوة لازم روحه بس دموعه تصب
💖ويكللها باباتي اخذج اكبر دكاترة واسفرج برة تتعالجين وتبقين شمس بنتي الي رافعة راسي مهما يكون
وهي تباوعلي ولادمعة تنزل من عيونها واني صافن بوجهها المشوه ودموعي تصب احس عبالك احد ضربني ع راسي لو فجأة صرت بعالم ثاني
&
&
&
#رواية_شمس_حياتي 😻🦋
🐣
↴ ะ ※ ⁞🌾🐰 🐣🌿
أنت تقرأ
رواية شمس حياتي
Romansaقال لها أحبك ، فقالت الحب افعال .. فتزوجها ! - هذا الشخص لا يمثلنا و لا نعرفه ولا يعرفنا ونتبرأ منه ..
