بارت 11
واخذناه دفناه وسووله فاتحة ٣ ايام وحضروا اهل شمس وشفت امها جانت مكسورة كلش وسلمت بس هي مااستغربت من شافتني معقولة مااتذكرت ابو الكهرباء
سلمت عليا
💖شمس راحت حيدر راحت مني ومنك
اني انصدمت رويحتي حاجية لأمها عليا مااتمالكت نفسي دنكت بست أيدها جان تحضني
💖خالة شسوي كوليلي والله بس بالاسم عايش اني اجر روحي كوة وكوة اجر النفس
💖ادري بيك ابني واني مثلك حسبي الله ونعم الوكيل بليلة النتائج حجتلي عليك وكلت مادام قررت تخطب يعني قصدك شريف وع اساس من تتشاوفون تكلك ماما عرفت
ماخلوها تفرح ماخلوها تتهنى ياربي رجعلي ياها بخير وسلامة يارب
مر الشهر والشهر ونص محد خابر واهل شمس مستعدين باي مبلغ حتى لو يداينون واني بعت السيارة ومحضر فلوسها انطيها حتى لو ماقبلوا اكللهم دين بس ياخذوه
بعد شهر ونص خابروا وطلبوا ١٠ دفاتر اهلها دبروا ٩ دفاتر واني يمي تسع ملايين اداينت من صديق وكملت بالبداية ماقبلوا وراها ماجان اكو وقت ومجال قبلوا وحسبوه دين عليهم اتفقوا ع مكان بس ابوها يروح ينطي الفلوس وهم يجيبون شمس الشغلة جانت مجازفة بس ما باليد حيلة راح ابوها واحنا وياه بس لازم مانتقدم ولاخطوة ولا خابرنا المركز لان هو صار فوك الشهر مااتوصلوا لشي واصلا الكلاب هددوا ابوها ينطوها جثة اذا ادخلت الشرطة
يومها انتظرنا ابيت شمس اني وايهم وحتى اخوان المرحوم رافد خطية لينص الليل وماكو لاحس ولاخبر
رجعنا وجنت اتمنى أبقى ابات يمهم اتمنى اكول لأمها بس انطيني عطرها اريد اي شي منها يصبرني
ثاني يوم امها خابرتني تبجي
💖حيدر ابشرك شمس رجعت باليل ذبوها قريب من البيت الله لاينطيهم والحمدلله هي بخير وتعبانة سودة عليا
&
&
&
#رواية_شمس_حياتي 😻🦋
🐣
↴ ะ ※ ⁞🌾🐰 🐣🌿
أنت تقرأ
رواية شمس حياتي
Romanceقال لها أحبك ، فقالت الحب افعال .. فتزوجها ! - هذا الشخص لا يمثلنا و لا نعرفه ولا يعرفنا ونتبرأ منه ..
