بارت 10
طبعا هي فاهمتني اني ع شنو دالمح وبس تريد تسكتني وشمس التهت ويا البنات
💖دعاء بالله الکريم اذا عدتي هالتصرف الناقص ماتلومين غير نفسج
💖حيدر اني...
💖انتي لاشيء وبحساب ماسويتي شي بس المرة الجاية مااعديها الج
ورجعنا للبيت
صرنا تقريبا هوايا ايام نطلع من نخلص المحاضرات ويا الشعبة لو بس جماعتنا جنت مطمأن ماكو احد يضوج شمسي وهي جانت كلش مرتاحة
وصار وكت الامتحانات وجنت مااخليها تتأخر بس تخلص امتحان رافد يوصلها للبيت حتى إذا بوحدها اني ماجنت اصعد وياهم ابد ماجنت اريد تجيها حجاية ماحلوة وخلصت الامتحانات واني ع وعدي بعد النتائج اروح اتقدملها ويوميا نتخابر والوضع تمام
وليلة النتائج اني حجيت للحجية ع شمس من اللهفة البعيوني حبتها وكالت يجرالك بس انجح وخلصني ههههه و خابرتني شموسه بالليل واتفقنا باجر هم رافد يروح يجيبها وتجي نكعد نتفق ع الخطبة شلون وشوكت جانت طايرة من الفرح حبيبتي
الصبح خابرت قبل لاتطلع كالت رافد بالباب ينتظر
طلعت للكلية وصلت قبلهم اخذت نتائجنا الحمدلله اثنينا ناجحين وكلت اسوي بيها مقلب بس توصل خابرت اشوف وين وصلوا ماجاوبت خابرت رافد هم ماجاوب كلت احتمال قريبين واجا همام هم ماخذ نتيجته ونتيجة رافد هم ناجحين وكال اخابر رافد ماكو انتظرنا شوية ظل بالنا ليش مابينوا طلعنا من الجامعة لباب الكلية وهم ماكو وندك عليهم مايجاوبون اتخبلت اني شسوي ماادري وين اروح وين أسأل وهمام بعده يخابر وفجأة
💖الو الو رافد وينك ظل بالنا
اني ماسيطرت ع روحي سحبت الموبايل من همام
💖ولك غبي وينك الو الو
💖اخرس واسمعني اني مو رافد......رافدكم.........
💖اني مو رافد رافدكم سلم الأمانة ذبحا وراح اندزلكم الفيديو ونطمنكم والبنت بأمانتنا اطمأنوا وطمنوا ابوها الدكتور وخلي يحضرون نفسهم
💖انت شتحجي انت منو الو الو
ياالله اني شسمعت اني بحلم لو كابوس لو شنو.....لا ويحجي بكل استهزاء الحقير
اتهسترت طبعا ماادري شأسوي صرت ادك والطم مثل النسوان واصيح بنص الشارع وهمام منهار الناس تريد تهدي بينا
💖شنسوي همام شنسوي رافد راح وشمس ضاعت
💖حيدر حيدر اسمعني اخويا كلشي بيدنا هسه لازم نقوي نفسنا البجي والصياح مايرجع رافد ويضيع شمس بالزايد لازم نفكر شنسوي
همام رغم أنه انهار بالبداية بس كدر يصلب طوله احسن مني
وفعلا خابرنا اخوان رافد واجوي طلعنا للمركز كلنا بلكي جذب تطلع نصبة او تخويف او بلكي بعد ماكاتليه
قدمنا شكوى خابروا اهل شمس اجا ابوها واخوها دم ماباقي بوجههم فهموهم الموضوع وأخذوا ارقامنا واحنا هم اخذنا حتى نبقى ع تواصل هم يدورون ع بنتهم واحنا ع صديقنا ومايعرفون بنتهم روحي وياها
صار ايام واني عايش بس بالأسم يوميا اكول اليوم تفرج والايام صارت اسابيع والحجية سألت ع موضوع الخطبة حجيتلها انقهرت صارت كل صلاة تدعيلهم
فد يوم خابروني من المركز لكوا جثة رافد اويلي عليك اخويا
رحت المشرحة ماقبلوا ندخل اني وهمام دفعناهم وسوينا هوسه ودخلنا رافد ابو الابتسامة الحلوة غركان بدمه ورأسه مفصول الا شوية عن جسمه يريدون يشرحوه شتشرحون هو مشرح من كاعه ماقبلنا وكعت بصفه كعدت احجي وياه رافد منو سوا هيج بيك منو ياخويا منو ضيعكم انت وشمس
وصلوا اخوانه انهاروا الله يساعدهم وايدونا ماقبلوا التشريح
&
&
&
#رواية_شمس_حياتي 😻🦋
🐣
↴ ะ ※ ⁞🌾🐰 🐣🌿
أنت تقرأ
رواية شمس حياتي
Romanceقال لها أحبك ، فقالت الحب افعال .. فتزوجها ! - هذا الشخص لا يمثلنا و لا نعرفه ولا يعرفنا ونتبرأ منه ..
