هشاشة قلب

بارت18

ﺍﻟـﺴـﻼﻡُ ﻋـﻠـﻴـﻜـﻢ 🌼🌻
ﻫﺸﺎﺷﺔ ﻗﻠﺐ
ﺍﻟـﺒـﺎﺭﺕ _18_
ﺍﻟﻜﺎﺗﺒﻪ _ ﺍﻟﻌﺒﺎﺩﻳﻪ
" ﻋﻴﻨﺎﻩُ ﺣَﻘـﺎً ﺑﺎﻟﺠﻤﺎﻝ ﺗﻔـﺮّﺩﺕ
ﻭ ﺗﻤﺮّﺩﺕ ﺣﺘﻰ ﺳُﻘﻴﺖُ ﻫــﻮﺍﻩُ
ﻋَـﻴـﻨـﺎﻩُ ﺍﻟﻠّٰﻬـﻢَ ﻓـﺈﻏـﻔـﺮ ﺯَﻟـﺘــﻲ
ﺇﻧـﻲ ﻓُﺘِﻨـﺖُ ﻭ ﻟـﻢ ﺃﺗُـﺐ ﺭﺑّـﺎﻩُ ".
~~~~~~~~~~~~~~~~~~~~~~~~~~~~~~~
ﺛُﺮﻯٰ ...
ﻓﺘﺤﺖ ﺍﻟﺒﺎﺏ ﺃﺿﺤﻚ .. ﻣﻦ ﺷﻔﺘﻬﻪ ﻏﺎﺑﺖ ﺍﻟﻀﺤﻜﻪ ﻋﻦ ﻭﺟﻬﻲ ﻭﺗﻔﺎﺟﺌﺖ .
ﺷﻜﻮ ﺷﻌﺪﻫﻪ ﻟﻴﺶ ﺟﺎﻳﺘﻨﻪ !! ؟؟
ﺍﻭﻝ ﺗﺎﻟﻲ ﺷﻲ ﻓﻌﻼً ﻏﺮﻳﺐ !!
ﻋﺪﻟﺖ ﺷﻌﺮﻱ ﺣﻄﻴﺖ ﮔﺬﻟﺘﻲ ﻭﺭﻩ ﺇﺫﻧﻲ ﻻﻥ ﻫﻲَ ﺗﻘﻠﺪ ﻭﺗﻜﺸﻜﺶ .. ﺑﺎﻭﻋﺘﻠﻲ ﻭﻣﻘﻮﺳﻪ ﺍﻟﺤﻮﺍﺟﺐ ﻭﺍﻧﻲ ﺍﺑﺘﺴﻤﺖ ﻭﻛﺘﻠﻬﻪ -:
- ﺍﻫﻼً ﻭﺳﻬﻼً
ﺭﺩﺕ ﺑﺼﻮﺗﻬﻪ ﻭﺗﺘﻤﺎﻭﻉ ﻭﺍﻟﻜﺸﺨﻪ ﻓﻮﻝ ﻭﺍﻟﻠﺒﺲ ﻋﺒﺎﻟﻚ ﺟﺎﻳﻪ ﻟﺤﻔﻠﻪ .
ﺍﻡ ﻣﺎﻫﺮ ... ﺍﻣﺞ ﻣﻮﺟﻮﺩﻩ؟؟
- ﺍﻱ ﺗﻔﻀﻠﻲ
ﺑﺎﻭﻋﺘﻠﻲ ﻭﺑﺎﻭﻋﺖ ﻣﻦ ﺍﻟﻔﺘﺤﻪ ﻋﻠﻰ ﺩﺍﺧﻞ ﺍﻟﺒﻴﺖ ﻭﻭﺟﻬﻪ ﻣﻌﻜﻤﺸﺘﻪ ﺑﺈﺷﻤﺌﺰﺍﺯ .. ﺭﺩﺕ ﺍﺳﻤﻄﻬﻪ ﺭﺍﺷﺪﻱ ﺍﻭﻋﻴﻬﺎ ﻋﻠﻰ ﺯﻣﺎﻧﻬﻪ
ﺍﻡ ﻣﺎﻫﺮ .. ﺍﻭﻑ ﺷﻠﻮﻥ ﺍﺩﺧﻞ
- ﻫﺎ ﺧﺎﻟﻪ ﺣﻄﻲ ﺭﺟﻠﺞ ﺍﻟﻴﻤﻨﻰ ﻫﻨﺎ ﻭﻗﺪﻣﻲ ﺭﺟﻠﺞ ﺍﻟﻴﺴﺮﻯ ﻭﺗﺪﺧﻠﻴﻦ ﻭﺍﺫﺍ ﻣﺎﺗﻜﺪﺭﻳﻦ ﺗﺪﺧﻠﻴﻦ ﻻﻥ ﺍﻟﻌﻤﺮ ﻣﺄﺛﺮ ﺑﻴﺞ ﺍﻧﻲ ﻫﺴﻪ ﺃﻟﺒﺲ ﻋﺒﺎﺗﻲ ﻭﻃﻠﻊ ﺍﺩﺧﻠﺞ
ﻫﻮَ ﺍﻧﻲ ﮔﻠﺘﻠﻬﻪ ﻫﻴﺞ ﻭﻫﻲَ ﻇﻠﺖ ﺗﺰﺃﺭ ﻋﻠﻴﻪ ﻣﺜﻞ ﺍﻷﺳﺪ ﻛﻠﺸﻲ ﻭﻻ ﻃﺎﺭﻱ ﺍﻟﻌﻤﺮ ﺗﺘﺨﺒﻞ ﻭﺗﺘﺴﻮﺩﻥ .
ﺍﻡ ﻣﺎﻫﺮ .. ﻭﺷﺒﻴﻪ ﻗﺎﺑﻞ ﻣﺎﺍﻛﺪﺭ ﺍﻣﺸﻲ ﻫﺎﺝ ﺑﺎﻋﻲ ﺷﻠﻮﻥ ﺍﻣﺸﻲ ﺍﺭﻛﺾ ﺭﻛﺾ
ﻃﺒﺖ ﻟﻠﺒﻴﺖ ﻣﻄﻔﺤﻪ ﻭﺗﺮﻛﺾ ﻫﻲَ ﻭﺟﺒﺘﻬﻪ ﺍﻟﻀﻴﮕﻪ .. ﺧﻮﺵ ﻭﺍﻟﻠﻪ ﻋﺮﻓﺖ ﻧﻘﻄﺔ ﺿﻌﻔﺞ ﻳﺴﻤﻴﺮﺭﺭﻩ .
ﺩﺧﻠﺘﻬﻪ ﻟﻸﺳﺘﻘﺒﺎﻝ ﻭﺭﺣﺖ ﺟﺒﺖ ﻣﺎﻱ .. ﺣﻄﺖ ﺭﺟﻞ ﻋﻠﻰ ﺭﺟﻞ ﻭﺗﺒﺎﻭﻋﻠﻲ ﺷﻠﻮﻥ ﻻﺯﻣﻪ ﺍﻟﺼﻼﺣﻴﻪ ﻭﺍﻟﮕﻼﺹ .
ﺗﻘﻮﺱ ﺑﺸﻔﺎﻳﻔﻬﻪ ﻭﺗﻤﻄﻤﻂ ﺑﻴﻬﻦ ﻣﺎﻋﺎﺟﺒﻬﻪ .. ﻗﺪﻣﺘﻠﻬﻪ ﺍﻳﺪﻱ ﺍﻟﺒﻴﻬﻪ ﺍﻟﮕﻼﺹ ﻇﻠﺖ ﺻﺎﻓﻨﻪ ﻋﻠﻰ ﺇﻳﺪﻱ ﻭﻋﻠﻰ ﺍﻟﮕﻼﺹ ﻛﺎﻟﺖ ﻭﺻﻮﺗﻬﻪ ﻳﺘﻤﺎﻭﻉ
ﺍﻡ ﻣﺎﻫﺮ .. ﻋﻴﻨﻲ ﻣﻌﺪﻛﻢ ﻣﻲ ﺟﺎﻫﺰ ﺑﻜﺎﺳﺎﺕ
- ﻻ ﻭﺍﻟﻠﻪ ﺧﺎﻟﻪ ﻣﺎﻋﺪﻧﻪ ﺑﺲ ﻫﺬﺍ ﻧﻌﻤﺔ ﺍﻟﻠﻪ
- ﻟﻌﺪ ﺍﻧﻄﻴﻨﻲ ﺍﻟﺼﻼﺣﻴﻪ
- ﺻﺎﺭ
ﺍﻧﻄﻴﺘﻬﻪ ﺍﻟﺼﻼﺣﻴﻪ ﻭﻇﻠﺖ ﺗﺸﺮﺏ ﺑﻴﻬﻪ ﻭﺍﻧﻲ ﺍﺑﺎﻭﻋﻠﻬﻪ ﻣﻦ ﺟﻮﻩ ﺍﻟﺼﻼﺣﻴﻪ ﺍﻟﺸﻔﺎﻓﻪ ﺷﻠﻮﻥ ﺧﺸﻤﻬﻪ ﻓﻨﺘﺦ ﻭﺣﻠﮕﻬﻪ ﻣﻔﺘﻮﺡ ﻋﻞ ﺣﺎﻓﺔ ﺍﻟﺼﻼﺣﻴﻪ ﻭﻛﻠﻬﻪ ﺷﻜﺒﺮﺍﺗﻬﻪ ﻋﻠﻰ ﻭﺟﻬﻪ ﺻﺎﺭﺕ .
ﻳﻤﻪ ﺍﻟﻀﺤﻜﻪ ﻟﺰﻣﺘﻨﻲ ﺍﺭﻳﺪ ﺍﺳﻜﺖ ﻣﺎﻛﻮ .. ﺿﺤﻜﺖ ﻭﻃﻠﻌﺖ ﺭﺃﺳﺎً .. ﺻﺤﺖ ﺍﻣﻲ ﺗﮕﻌﺪ ﻳﻤﻬﻪ . ﺍﻣﻲ ﻛﺎﻟﺘﻠﻲ
- ﻭﻟﺞ ﺩﻗﻴﻘﺘﻴﻦ ﻛﺘﻠﺞ ﺍﻛﻤﻞ ﻋﺠﻴﻦ ﻣﺎﺗﺤﻤﻠﺘﻲ ﺗﻜﻌﺪﻳﻦ ﻳﻤﻬﻪ ﺷﻠﻮﻥ ﺑﻴﺞ ﺍﺫﺍ ﺻﺎﺭ ﺑﻴﺖ ﻭﺣﺪﺝ ﻭﻳﺠﻴﺞ ﺧﻄﺎﺭ ﺷﺘﺴﻮﻳﻦ
- ﻫﻬﻬﻬﻬﻬﻪ ﻣﺎﻣﺎ ﺍﻧﺖِ ﻟﻮ ﺷﺎﻳﻔﻪ ﺧﺸﻤﻬﻪ ﻣﻦ ﺟﻮﻩ ﺍﻟﺼﻼﺣﻴﻪ ﺗﻤﻮﺗﻴﻦ ﺿﺤﻚ
- ﻓﻮﺗﻲ ﻳﺎﻟﻌﻮﺑﻪ ﻓﻮﻭﻭﺗﻲ
ﻃﺒﻴﺖ ﻟﻠﺼﺎﻟﻪ ﺍﺭﻳﺪ ﺍﻛﻤﻞ ﺍﻟﺒﺮﻧﺎﻣﺞ ﻟﮕﻴﺘﻪ ﻣﺨﻠﺺ .. ﻳﺎ ﻭﺍﻟﺤﻆ .
ﻣﺮﻭﻩ ﻭﺗﻘﻮﻯ ﺻﺎﻓﻨﺎﺕ ﻋﻠﻴﻪ ﻭﺍﻧﻲ ﻭﻻ ﻳﻬﻤﻨﻲ
ﻣﺮﻭﻩ .. ﺷﻌﺪﻫﻪ ﺍﻡ ﻣﺎﻫﺮ
- ﺷﺪﺭﺍﻧﻲ
ﺗﻘﻮﻯ .. ﺧﺎﻑ ﺗﺮﻳﺪ ﺍﺧﻄﺒﺞ
- ﻏﻴﺮ ﺧﺎﻃﺐ ﺷﻨﻮ ﻣﺮﻩ ﺛﺎﻧﻴﻪ ﺗﺨﻄﺒﻠﻪ
ﻣﺮﻭﻩ .. ﺍﺧﺮ ﻣﺮﻩ ﺷﻔﺘﻴﻪ ﺷﻮﻛﺖ؟؟
- ﺍﻟﻴﻮﻡ
ﻣﺮﻭﻩ .. ﻻﺑﺲ ﺍﻟﺤﻠﻘﻪ؟
- ﺍﻱ ﻻﺑﺴﻬﻪ
ﺗﻘﻮﻯ .. ﻻﺍ ﻳﻌﻨﻲ ﺑﻌﺪﻩ ﻣﺎﻓﺎﺻﺦ ﺟﺎ ﺷﺘﺮﻳﺪ ﺍﻣﻪ
- ﻫﺴﻪ ﻧﺸﻮﻑ
ﻋﻮﺩ ﺩﺯﻳﺖ ﺍﻟﻀﻴﺎﻓﻪ ﺑﺈﻳﺪ ﺍﻣﻲ ﻣﻦ ﺭﺍﺣﺖ ﺷﻔﺘﻬﻦ ﻣﺮﺟﻌﺘﻬﻦ ﻧﻔﺴﻬﻦ ﻭﻻ ﻣﺎﻛﻠﻪ ﻭﻻﺷﺎﺭﺑﻪ ﺣﺘﻰ ﺍﻟﻌﺼﻴﺮ ﺑﺒﻄﻞ ﮔﺰﺍﺯ ﻣﺎﺷﺮﺑﺘﻪ .
ﺩﻳﻼ ﺍﺻﻼً ﺳﻮﻳﺘﻲ ﻓﻀﻞ ﺍﻧﻲ ﺍﺷﺮﺑﻪ ﺷﺒﻴﻪ ﻗﺎﺑﻞ ..
ﺍﺟﺖ ﺍﻣﻲ ﺗﺘﺼﻔﻦ .
ﻣﺮﻭﻩ .. ﻫﺎ ﺑﺸﺮﻱ ﺷﺘﺮﻳﺪ
ﺍﻧﻲ ﻣﺘﻤﺪﺩﻩ ﻉ ﺍﻟﻜﺎﻉ ﺟﻮﻩ ﺍﻟﺘﻠﻔﺰﻳﻮﻥ ﻭﻣﻌﻠﮕﻪ ﺭﺟﻠﻴﻪ ﻉ ﺍﻟﻤﻴﺰ ﺻﺎﻳﺮﺍﺕ ﻳﻢ ﺍﻟﺠﻬﺎﺯ ﻭﺍﮔﻠﺐ ﺍﺻﻼً ﻣﺎﻣﻬﺘﻤﻪ ﻟﺤﺪﻳﺜﻬﻦ ﺑﺲ ﻣﻦ ﺳﻤﻌﺖ ﻛﻠﻤﺔ ﺍﻣﻲ ﻃﺎﺡ ﺍﻟﺮﻳﻤﻮﺩ ﻣﻦ ﺍﻳﺪﻱ ﻭﻇﻠﻴﺖ ﺻﺎﻓﻨﻪ
- ﺍﺟﺖ ﺗﺨﻄﺐ ﺛﺮﻳﺎ
ﻣﺮﻭﻩ .. ﺻﺪﺩﺩﻙ ﺍﻟﻤﻦ
- ﻳﻌﻨﻲ ﺍﻟﻤﻦ ﻏﻴﺮ ﻻﺇﺑﻨﻬﻪ
ﺗﻘﻮﻯ .. ﺧﺎﻑ ﻻﺍﺧﻮ ﻣﺎﻫﺮ
ﺍﻣﻲ ﺑﺎﻭﻋﺘﻠﻬﻦ ﺑﻨﻈﺮﺍﺕ ﺷﻚ ﻭﺳﺄﻟﺘﻬﻦ
- ﻭﺷﺪﺭﺍﺟﻦ ﺍﻧﺘﻦ؟؟ ﺷﻨﻮ ﻣﺘﻮﻗﻌﺎﺗﻬﻪ ﺗﺨﻄﺒﻬﻪ ﻟﻤﺎﻫﺮ؟؟
ﺗﻘﻮﻯ .. ﻫﺎ ﻻ ﻣﺎﻛﻮ ﺷﻲ ﺑﺲ ﻫﻴﺞ ﺗﻮﻗﻌﺎﺕ
ﺍﻣﻲ ﺇﻟﺘﻔﺘﺖ ﻋﻠﻴﻪ ﻭﺍﻧﻲ ﺭﺃﺳﺎً ﺍﻟﺘﻔﺘﺖ ﻉ ﺍﻟﺘﻠﻔﺰﻳﻮﻥ ﻭﺭﺟﻌﺖ ﺭﺍﺳﻲ ﻉ ﺍﻟﻤﺨﺪﻩ ﺳﻮﻳﺖ ﺭﻭﺣﻲ ﻣﻨﺪﻣﺠﻪ ﺍﺑﺎﻭﻉ .
ﺗﻘﺮﺑﺖ ﻳﻤﻲ ﻭﻧﺘﺮﺕ
- ﺷﻜﻮ ﺷﺼﺎﻳﺮ ﻋﻨﺪﻩ ﺷﻲ ﻭﻳﺎﺝ ؟ ﻟﻴﺶ ﺍﺧﻮﺍﺗﺞ ﻣﺘﻮﻗﻌﺎﺕ ﻫﻮَ ﺧﺎﻑ ﻻﻥ ﺍﺳﺘﺎﺫﺝ ﻭﻭﻳﺎﺝ
- ﻳﺎﺍﺍﺀ ﻻ ﺍﻧﻲ ﺷﻌﻠﻴﻪ ﺍﺻﻼً ﻭﻻ ﺍﺣﺎﺟﻴﻪ ﻭﻻ ﻳﺤﺎﺟﻴﻨﻲ ﺑﺲ ﻳﺸﺮﺡ ﻭﻳﻄﻠﻊ
ﺗﻘﻮﻯ .. ﻳﻌﻨﻲ ﻫﺴﻪ ﺍﻟﻤﻦ ﺧﻄﺒﺘﻬﻪ ﻫﻲَ؟؟
- ﻟﻤﺎﻫﺮ !!
ﻣﺮﻭﻩ .. ﺟﺎ ﻟﻴﺶ ﺗﻠﻌﺒﻴﻦ ﻋﻠﻴﻨﻪ
- ﺍﺭﻳﺪ ﺍﺷﻮﻓﺠﻦ ﺷﻀﺎﺍﻣﺎﺕ ﻋﻠﻴﻪ
ﺑﺎﻭﻋﻠّﻲ ﻣﺮﻭﻩ ﻭﺗﻘﻮﻯ ﻳﻀﺤﻜﻦ !! ﺍﻧﻲ ﻣﺘﻔﺎﺟﺌﻪ ﻏﻴﺮ ﺧﺎﻃﺐ ؟ !!
ﺳﺄﻟﺖ ﺍﻣﻲ
- ﻣﺎﻣﺎ ﻏﻴﺮ ﻫﻮَ ﺧﺎﻃﺐ ﺷﻠﻮﻥ ﻳﺨﻄﺒﻨﻲ ﻋﻮﺩ ﺍﺻﻴﺮ ﻣﺮﺗﻪ ﺍﻟﺜﺎﻧﻴﻴﻴﻪ ﻻ ﻭﺍﻟﻠﻪ
- ﻭﻟﺞ ﻓﺎﺻﺦ ﺻﺎﺭﻟﻪ ﻣﺪﺭﻱ ﺷﻜﺪ .. ﺑﻠﻪ ﺧﻞ ﺍﺗﺬﻛﺮ .. ﻫﺎ ﺍﻱ ﻛﺎﻟﺘﻠﻲ ﺍﻟﻔﺘﺮﻩ ﺑﺲ ﻣﻦ ﺣﺴﺒﺘﻬﻪ ﻗﺪﺭﺗﻬﻪ ﻭﺍﺣﻨﻪ ﺑﺈﻳﺮﺍﻥ ﻓﺼﺦ
- ﻣﺎﻛﺎﻟﺘﻠﺞ ﺑﻴﺶ
- ﻣﺎﻟﻴﺶ ﺗﻜﻠﻲ ﺍﺻﻼً ﮔﻮﻩ ﺗﺤﭽﻲ ﻭﻣﺒﻴﻨﻪ ﻣﺎﺭﺍﺿﻴﻪ ﻭﺟﺎﻳﻪ ﮔﻮﻩ ﻭﻭﺣﺪﻫﻪ ﻻﺑﻨﻴﻪ ﻻﻣﺮﻳﻪ ﻋﺒﺎﻟﻚ ﻣﻦ ﻭﺭﻩ ﺧﺸﻤﻬﻪ
ﺗﻘﻮﻯ .. ﻫﻠﻮ ﺭﺍﺡ ﺗﺼﻴﺮ ﻋﺪﻧﻪ ﺧﻄﻮﺑﻪ
ﺍﻣﻲ ﻗﺎﻃﻌﺘﻬﻪ
- ﺍﻭﻛﻔﻲ ﺍﻧﻄﻴﻨﻪ ﻋﻄﻮﻩ ﻣﻨﻮ ﻳﻜﻮﻝ ﺧﻞ ﻳﺠﻲ ﺍﺳﻤﺎﻋﻴﻞ ﻭﺍﻟﻮﻟﺪ ﻭﻧﺸﻮﻑ ﻻﻥ ﺫﻭﻟﻪ ﻣﺘﻜﺒﺮﻳﻦ ﻣﺎﺗﺴﻠﻚ ﻭﻳﺎﻫﻢ ﺛﺮﻳﺎ
ﺗﻘﻮﻯ .. ﻳﺎ ﻳﻌﻨﻲ ﺗﺮﻓﻀﻮﻥ؟
- ﻭﻟﺞ ﺍﻧﻄﻴﻴﻨﻪ ﻣﺠﺎﻝ
ﺗﻘﻮﻯ .. ﻇﻠﻮ ﻇﻠﻮ ﺷﻌﻠﻴﻪ ﺑﻴﻜﻢ ﺧﻞ ﺍﺭﻭﺡ ﺍﺧﺎﺑﺮ ﺧﻄﻴﺒﻲ ﺍﺣﺴﻠﻠﻲ
ﺭﺍﺣﺖ ﻟﻠﻐﺮﻓﻪ ﻭﺍﻧﻲ ﻣﺸﺎﻋﺮﻱ ﻓﺮﺣﺎﻧﻪ ﻋﻠﻰ ﺧﺎﻳﻔﻪ ﻭﺍﻟﺘﻔﻜﻴﺮ ﻣﺎﻛﻠﻨﻲ ﺃﻛﻞ .
ﻣﺤﺘﺎﺭﻩ ﺷﻠﻮﻥ ﺑﻴﻪ ! ؟
ﻟﻠﻴﻞ ﺍﺟﻮ ﺍﻟﻮﻟﺪ ﻭﻣﻦ ﺗﻌﺸﻴﻨﻪ ﺍﻣﻲ ﻓﺎﺗﺤﺘﻪ . ﻇﻞ ﻳﺒﺎﻭﻉ ﺑﻴﻪ ﻭﻳﺪﻧﮓ .. ﺍﻣﻲ ﻛﺎﻟﺘﻠﻪ ﻋﻠﻰ ﻧﻈﺮﺍﺕ ﺃﻣﻪ
- ﻳﻤﻪ ﺃﻣﻪ ﺗﺒﺎﻭﻋﻠﻨﻪ ﺑﺎﻟﻌﻴﻦ ﺍﻟﺼﻐﻴﺮﻩ ﻫﺎﻱ ﺍﺧﺘﻚ ﺑﻜﻴﻔﻬﻪ ﺍﻧﻪ ﻣﺎﺍﺗﺪﺧﻞ ﺑﻴﻬﻪ ﺑﺲ ﺍﮔﻠﻬﻪ ﺑﺼﻔﺎﺗﻬﻢ ﻭﻫﻲَ ﺗﺤﺪﺩ
ﺍﺳﻤﺎﻋﻴﻞ .. ﺍﻧﻲ ﻫﻢ ﺧﺎﺑﺮﻧﻲ ﮔﺎﻟﻠﻲ -: ﺍﻧﻲ ﺍﻭﻟﻰ ﺑﻴﻬﻪ ﻭﺍﻗﺮﺑﻠﻜﻢ ﻣﻦ ﺇﻳﺮﺍﻥ ﻭﺍﺣﻄﻬﻪ ﺑﻌﻴﻨﻲ ﻭﺍﺩﻟﻠﻬﻪ ﻻﻥ ﺍﻋﺮﻑ ﺷﺨﺼﻴﺘﻬﻪ ﺷﻨﻮ ﺻﺎﺭ ﺳﻨﺘﻴﻦ ﺍﺩﺭﺳﻬﻪ ﻋﺮﻓﺖ ﺍﺧﻼﻗﻬﻪ ﻭﺍﻟﻨﻌﻢ .. ﻭﺍﺫﺍ ﺗﺮﻭﺡ ﻻﺍﻳﺮﺍﻥ ﺗﺼﻴﺮ ﺑﻌﻴﺪﻩ ﻋﻠﻴﻜﻢ ﺷﻴﺠﻴﺒﻬﻪ ﻭﺷﻴﻮﺩﻳﻬﻪ ﻭﻣﺎﻳﺨﻠﻴﻬﻪ ﺗﺠﻴﻜﻢ ﻟﻤﺎ ﺗﻨﺴﻮﻫﻪ ﻭﺍﻧﺘﻢ ﺑﻜﻴﻔﻜﻢ .
ﺍﻧﻲ ﻛﺘﻠﻪ ﺍﺷﻮﻑ ﺍﻻﻫﻞ ﻭﺍﺭﺩﻟﻚ ﺧﺒﺮ ﻭﻣﺪﺭﻱ ﻣﻨﻮ ﺍﻟﮕﺎﻟﻠﻪ ﻋﻠﻰ ﺍﺭﻛﺎﻥ ﺳﻜﺖ ﺷﻮﻳﻪ ﺟﺮ ﻧﻔﺲ ﺑﺎﻭﻋﻠﻲ ﻭﻛﺎﻝ -:
- ﻫﺎ ﺛﺮﻳﺎ ﺷﺘﻜﻮﻟﻴﻦ ﺍﻧﺖِ ﻣﻮﺍﻓﻘﻪ؟
ﺩﻧﮕﺖ ﻣﺴﺘﺤﻴﻪ ﺭﺍﺡ ﺍﻣﻮﺕ ﻣﻦ ﺍﻟﺘﻔﻜﻴﺮ ﻋﻘﻠﻲ ﺗﺸﻮﺵ ﻭﺍﺻﻼً ﺑﻌﺪﻧﻲ ﻣﺎﻣﻔﻜﺮﻩ
ﻋﺮﻓﻨﻲ ﺍﺳﺘﺤﻴﺖ ﺭﺟﻊ ﻛﺎﻝ -:
ﺍﺳﻤﺎﻋﻴﻞ .. ﺍﺳﻤﻌﻴﻨﻲ ﺛﺮﻳﺎ ﺍﻧﻪ ﺍﺧﻮﺝ ﻭﺍﻋﺮﻑ ﺑﻤﺼﻠﺤﺘﺞ .. ﺍﻭﻻً ﺍﻫﻞ ﻣﺎﻫﺮ ﻣﺘﻜﺒﺮﻳﻦ ﺍﻟﻰ ﺃﺑﻌﺪ ﺣﺪ ﻭﻳﺠﻲ ﻳﻮﻡ ﻭﺗﺘﻌﻴﺮﻳﻦ ﻭﻣﺎﺗﺮﺗﺎﺣﻴﻦ ﻭﻱ ﺃﻣﻪ ﻻﻥ ﻣﺒﻴﻨﻪ ﻣﺎﺗﺮﻳﺪﺝ ﻭﺛﺎﻧﻴﺎً ﻫﻮَ ﺗﻮﻩ ﻓﺎﺻﺦ ﻭﻣﺎﻧﻌﺮﻑ ﺷﻨﻮ ﺍﻟﺴﺒﺐ ﻑ ﺗﻮﻗﻌﻲ ﻳﺠﻲ ﻳﻔﺮﻍ ﺣﺮﮔﺔ ﻭﺁﺛﺎﺭ ﺗﺠﺮﺑﺘﻪ ﺍﻟﺴﺎﺑﻘﻪ ﺑﻴﺞ .. ﻭﺛﺎﻟﺜﺎً ﻫﻮَ ﺍﺳﺘﺎﺫﺝ ﻑ ﺭﺍﺡ ﺗﻮﺟﻬﻴﻦ ﺷﻮﻳﻪ ﺻﻌﻮﺑﺎﺕ ﻻﻥ ﻭﻳﻦ ﺟﺎﻥ ﺍﺳﺘﺎﺫﺝ ﻭﻓﺠﺄﻩ ﻳﺼﻴﺮ ﺧﻄﻴﺒﺞ ﻑ ﺍﻧﻪ ﺍﻋﺮﻓﺞ ﺗﺴﺘﺤﻴﻦ ﻣﻨﻪ ﻭﻫﻮَ ﺍﻛﻴﺪ ﻳﻤﻞ ﻻﻥ ﺧﻠﮓ ﺍﻟﺰﻟﻢ ﻣﻮ ﻃﻮﻳﻞ ﻣﺜﻞ ﺍﻟﻤﺮﻩ .
ﻑ ﺍﺫﺍ ﺍﻧﺖِ ﺗﺘﺤﻤﻠﻴﻦ ﺫﻧﻲ ﻛﻠﻬﻦ ﺭﺟﻌﻴﻠﻲ ﺧﺒﺮ ﺑﺈﻳﺪ ﺃﻣﻲ ﺣﺘﻰ ﻫﻢ ﺍﺭﻓﺾ ﺃﺭﻛﺎﻥ ﻭﻫﻢ ﺍﺧﺎﺑﺮ ﻣﺎﻫﺮ
ﻫﺰﻳﺖ ﺭﺍﺳﻲ ﻣﻮﺍﻓﻘﻪ .. ﺍﻣﻲ ﻛﺎﻟﺖ -:
- ﺍﻧﻲ ﺍﺷﻮﻑ ﺍﺭﻛﺎﻥ ﺍﺣﺴﻠﻠﺞ ﺍﻟﻮﻟﺪ ﻣﺎﻗﺎﺻﺮ ﺷﻲ ﻭﺷﻔﺘﻴﻪ ﺷﻠﻮﻥ ﻣﺘﻮﺍﺿﻊ ﻭﻣﺎﻳﻜﺸﻜﺶ ﻭﻫﻮَ ﻫﻢ ﺣﺎﻟﺘﻪ ﻋﺎﻟﻲ ﺍﻟﻌﺎﻝ ﻭﺍﻫﻠﻪ ﺧﻮﺵ ﻧﺎﺱ ﻭﻳﺤﺒﺞ ﺑﻌﺪ ﺷﺘﺮﺩﻳﻦ
ﺑﺲ ﺍﻫﺰ ﺑﺮﺍﺳﻲ ﻭﺍﺷﻮﻱ ﻣﻘﺎﺭﻧﺎﺕ ﺑﻴﻦ ﻣﺎﻫﺮ ﻭﺃﺭﻛﺎﻥ .
ﺣﺴﻦ ﺭﻓﻊ ﺍﻳﺪﻩ ﻛﺎﻝ -:
- ﺍﻧﻲ ﺍﺻﻮﺕ ﻟﻤﺎﻫﺮ
ﻣﺮﻭﻩ .. ﻭﺍﻧﻲ ﻻﺍﺭﻛﺎﻥ
ﺗﻘﻮﻯ .. ﻭﺍﻧﻲ ﻟﻤﺎﻫﺮ
ﻣﻮﺳﻰ .. ﻭﺍﻧﻲ ﻟﻤﺎﻫﺮ
ﺣﻤﺰﻩ .. ﺍﻧﻲ ﺍﺭﻛﺎﻥ
ﺍﺳﻤﺎﻋﻴﻞ .. ﺍﻧﻲ ﺍﺭﻛﺎﻥ
ﻭﺍﻣﻲ ﺧﺘﻤﺘﻬﻪ ﻭﻛﺎﻟﺖ .. ﻭﺍﻧﻲ ﺍﺭﻛﺎﻥ
ﺍﺻﻮﺍﺕ ﺃﺭﻛﺎﻥ ﺍﻛﺜﺮ ﻣﻦ ﻣﺎﻫﺮ ﻭﻋﻘﻠﻲ ﻳﮕﻠﻲ ﺍﺭﻛﺎﻥ ﻭﮔﻠﺒﻲ ﻳﮕﻠﻲ ﻣﺎﻫﺮ ﻭﻋﺎﻳﺸﻪ ﺑﺼﺮﺍﻉ ﺩﺍﺧﻠﻲ .
ﻏﻴﺮﺕ ﺍﻟﻤﻮﺿﻮﻉ ﻻﻥ ﺍﺳﺘﺤﻴﺖ ﻭﻛﻠﺖ ﻻﺍﻣﻲ ﺗﺴﺄﻝ ﺍﺳﻤﺎﻋﻴﻞ ﻋﻦ ﺧﻄﻮﺑﺘﻪ ﻻﻥ ﺍﻟﺴﺎﻟﻔﻪ ﺗﮕﺺ ﺑﮕﻠﺒﻲ ﻣﻦ ﺍﻟﺼﺒﺢ ﻭﻫﻮَ ﻫﻢ ﺧﻄﻴﻪ ﺑﺲ ﺍﺣﻨﻪ ﻳﻔﻜﺮ ﺑﻴﻨﻪ .
ﻛﺎﻟﺘﻠﻪ -:
- ﺍﺳﻤﺎﻋﻴﻞ ﻭﻳﻦ ﺻﺎﺭ ﻣﻮﺿﻮﻋﻚ ﻣﺎﻝ ﺍﻟﺨﻄﻮﺑﻪ
ﺟﺮ ﺣﺴﺮﻩ ﻭﺩﻧﮓ
ﺍﺳﻤﺎﻋﻴﻞ .. ﻭﺍﻟﻠﻪ ﺷﮕﻠﭻ ﻳﺎﺿﻮﻩ ﻋﻴﻨﻲ ﺑﺲ ﻣﺎﻛﻮ ﺧﻄﻮﺑﻪ
- ﻳﺎﺍ ﻟﻴﺶ
- ﻣﺎﻛﻮ ﻓﻠﻮﺱ
- ﻳﺎ ﻳﺎ ﻭﻳﻦ ﺭﺍﺣﻦ ﺍﻟﻤﺠﻤﻌﻬﻦ
- ﺻﺮﻓﻨﺎﻫﻦ ﺑﺈﻳﺮﺍﻥ
- ﻳﺎﺍﺍﺍ ﻟﻴﺶ ﻭﺍﻧﺖَ ﺻﺎﺭﻟﻚ ﺷﻜﺪ ﺗﺠﻤﻊ ﺟﺎ ﻣﺎﻛﺘﻠﻲ ﻫﺴﻪ ﺍﺣﻨﻪ ﺭﺍﻳﺤﻴﻦ ﻟﻠﺸﻤﺎﻝ ﺑﺴﻴﺎﺭﻩ ﻭﻻ ﻫﺎﻟﺼﺮﻑ
ﺿﺤﻚ ﻭﺳﺤﺒﻨﻲ ﻟﺤﻀﻨﻪ ﺣﻂ ﺇﻳﺪﻩ ﻋﻠﻰ ﻇﻬﺮﻱ ﻭﻃﺒﻄﺐ ﻋﻠﻴﻪ
- ﻟﺨﺎﻃﺮ ﺛﺮﺍﻭﻱ ﻛﻠﺸﻲ ﻳﺮﺧﺺ
ﺍﻣﻲ ﺍﺑﺘﺴﻤﺖ ﺭﺍﺿﻴﻪ ﻋﻠﻴﻪ ﻭﻛﺎﻟﺘﻠﻪ -:
- ﻭﻻ ﻳﻬﻤﻚ ﻫﺴﻪ ﺍﻟﻤﻠﻚ ﺳﻠﻔﻪ ﺑﺲ ﺷﻜﺪ ﻫﻨﻪ ﻓﻠﻮﺳﻚ
- ﺳﺒﻌﻪ
- ﺧﻮﺵ ﻫﺎﻱ ﺟﻴﺮﺍﻧﻪ ﺧﻮﺵ ﺗﺴﻮﻱ ﺳﻠﻒ
- ﺷﻜﺪ ﺍﻟﺸﻬﺮ
- 500
- ﻫﻮﻭﻭﺍﻱ .. ﻳﻼ ﺭﺍﺡ ﺍﺷﻮﻓﻠﻲ ﺷﻐﻠﻪ ﺑﻠﻜﻲ ﻳﺰﻳﺪﻭﻥ ﺍﻟﻴﻮﻣﻴﻪ ﺍﻧﻲ ﻫﺴﻪ ﻫﻢ ﻣﺸﺘﺮﻙ ﺑﺴﻠﻔﻪ ﺑﺲ ﻗﻠﻴﻠﻪ
- ﺧﻮﺵ ﺍﻛﻠﻚ ﻭﻫﺬﺍ ﺍﻟﻀﺎﺑﻂ ﻣﺪﺭﻱ ﺷﻨﻮ ﺷﺴﻮﻩ
- ﻫﻪ ﻛﻠﺸﻲ ﻣﺎﺳﻮﻩ ﺭﺣﺘﻠﻪ ﺗﻼﻏﻴﻨﻪ ﻭﻇﻞ ﻳﻬﺪﺩ ﻭﻳﺼﻴﺢ ﺍﻧﻄﻴﺘﻪ ﺣﺠﺎﻳﺘﻴﻦ ﺧﺮﺳﺘﻪ ﻭﺭﺟﻌﺖ .. ﻫﺴﻪ ﺑﺲ ﺍﻟﻢ ﺍﻟﻔﻠﻮﺱ ﺍﺳﻮﻱ ﺍﻟﺨﻄﻮﺑﻪ ﻭﺍﺷﻮﻓﻪ ﺍﺫﺍ ﻳﺤﺠﻲ ﺍﺗﺼﺮﻑ ﻭﻳﺎﻩ
- ﻳﻤﻪ ﺧﻠﻴﻚ ﺑﻌﻴﺪ ﻋﻦ ﺍﻟﻤﺸﺎﻛﻞ ﻣﺎﺑﻴﻪ ﺣﻴﻞ ﺗﺮﻩ ﻣﺎﻋﻨﺪﻱ ﻏﻴﺮﻛﻢ
- ﺻﺎﺭ
ﻃﺸﻴﻨﻪ ﻛﻞ ﻭﺍﺣﺪ ﻟﻐﺮﻓﺘﻪ ﻳﻨﺎﻡ ﺑﻴﻬﻪ ﻭﺍﻧﻲ ﺻﺎﺭ ﻋﻠﻴﻪ ﺍﻟﺘﻔﻜﻴﺮ ﻛﻞ ﺟﺰﺀ ﻳﺼﻴﺢ ﺷﻜﻞ ﺭﺍﺳﻲ ﺻﺪّﻉ .
ﻇﻠﻴﺖ ﺍﻓﻜﺮ ﻭﺍﻓﻜﺮ ﻭﺍﻓﻜﺮ ﻭﺗﻮﺻﻠﺖ ﻟﺤﻞ ﻭﻫﺎﻱ ﻫﻴﻪ .. ﺑﺎﺟﺮ ﺍﮔﻮﻝ ﻻﺍﺳﻤﺎﻋﻴﻞ ﻗﺮﺍﺭﻱ ﻻﺍﺳﻤﺎﻋﻴﻞ
..
ﻛﻌﺪﺕ ﺍﻟﺼﺒﺢ ﺑﺪﻟﺖ ﻭﺗﺮﻳﻜﻨﺎ .. ﺍﺳﻤﺎﻋﻴﻞ ﻣﺎﻓﺘﺢ ﻣﻮﺿﻮﻉ ﻭﻳﺎﻱ ﻫﻤﺰﻳﻦ ﺧﻠﻴﻬﻪ ﻟﻤﺎ ﻧﺮﺟﻊ .
ﻭﺻﻠﻨﻲ ﻟﻠﻜﻠﻴﻪ ﻭﺭﺍﺡ .. ﺩﺧﻠﺖ ﻧﺴﻮﻟﻒ ﻭﻧﻀﺤﻚ ﺍﻧﻲ ﻭﺍﻟﺒﻨﺎﺕ ﺑﺲ ﺍﺑﺪﺩ ﻣﺎﺟﺒﺖ ﻃﺎﺭﻱ ﺧﻄﺒﺔ ﻣﺎﻫﺮ ﺍﻟﺘﻮﺑﻪ ﺑﻌﺪ ﺍﺫﺍ ﻃﻠﻌﺖ ﺳﺮﻱ .
ﺍﺧﺬﻧﻪ ﻣﺤﺎﺿﺮﺍﺕ ﻭﻭﺻﻠﺖ ﻣﺤﺎﺿﺮﺗﻪ .. ﺩﺧﻞ ﻓﺮﺣﺎﻥ ﻭﻳﻀﺤﻚ .. ﻳﺤﺠﻲ ﻭﻳﺒﺎﻭﻉ ﻋﻠﻴﻪ ﺑﻠﻬﻔﻪ ﻭﻧﻀﺮﺍﺗﻪ ﻣﺎﻧﺰﻟﺖ ﻋﻨﻲ .. ﻻﺣﻈﺖ ﺍﻟﺤﻠﻘﻪ ﻧﺎﺯﻋﻬﻪ .. ﺟﺎ ﺍﺫﺍ ﺻﺎﺭﻟﻪ ﻣﺪﺭﻱ ﺷﻜﺪ ﻓﺎﺻﺦ ﻟﻴﺶ ﻻﺑﺴﻬﻪ ؟؟
ﺍﻛﻴﺪ ﻳﺮﻳﺪ ﻳﺤﺮﮒ ﮔﻠﺒﻲ ﺑﻴﻬﻪ !!
ﺟﻨﺎﺕ ﻣﺎﻛﻮ .. ﻣﻦ ﺩﺍﻭﻣﺖ ﻟﻬﺴﻪ ﻭﻻ ﻣﺮﻩ ﺷﻔﺘﻬﻪ بيج قصص عراقيه حقيقيه من واقعنا.روعه الطائي..ﻳﺒﺎﻭﻋﻠﻲ ﻭﺍﻧﻲ ﻣﺘﺠﺎﻫﻠﺘﻪ ﻭﻭﻻ ﺭﻓﻌﺖ ﻋﻴﻨﻲ ..
ﺷﺮﺡ ﺍﻟﻤﺤﺎﺿﺮﻩ ﻭﻇﻞ ﻳﻜﻮﻡ ﺑﺎﻟﻄﻼﺏ .. ﺭﻓﻌﺖ ﺍﻳﺪﻱ ﻭﻛﻮﻣﻨﻲ .. ﺩﻧﮕﺖ ﻭﻇﻠﻴﺖ ﺍﺷﺮﺡ ﻣﺎﺍﺷﻮﻑ ﺷﻲ ﻻﻥ ﻣﺪﻧﻜﻪ ﺣﻴﻞ ﻣﺎﺍﺭﻳﺪ ﺗﻠﺘﻘﻲ ﻋﻴﻨﻲ ﺑﻌﻴﻨﻪ .. ﻛﻤﻠﺖ ﺍﻟﻤﺤﺎﺿﺮﻩ ﻛﻠﻬﻪ ﻭﻣﺎﮔﺎﻟﻠﻲ ﺍﺳﻜﺘﻲ !
ﺍﺧﺬﻧﻲ ﺍﻟﻮﺍﻫﺲ ﻭﻇﻠﻴﺖ ﺍﺷﺮﺡ .. ﺍﺷﻮ ﻣﺎﻛﻮ ﺻﻮﺕ ﺑﺲ ﺍﻧﻲ .. ﺭﻓﻌﺖ ﺭﺍﺳﻲ ﻟﮕﻴﺘﻪ ﻋﺎﮔﺪ ﺣﻮﺍﺟﺒﻪ ﻭﻣﻜﺘﻒ ﻳﺒﺎﻭﻋﻠﻲ !!
ﺷﻜﻮ ﻟﻴﺶ ﻫﻴﺞ ﻳﺒﺎﻭﻉ ؟؟ ﻳﻤﻜﻦ ﻻﻥ ﺗﺠﺎﻫﻠﺘﻪ ﻭﻣﺎﺑﺎﻭﻋﺘﻠﻪ !!
ﺑﺎﻭﻋﻠﻲ ﻣﺘﺴﺎﺋﻞ -:
- ﻫﺎ ﻟﻴﺶ ﻭﻛﻔﺘﻲ ؟
- ﻫﺎ ﺍﺳﺘﺎﺫ ﻳﻌﻨﻲ ﺑﻌﺪ ﺍﺷﺮﺡ
- ﺍﻱ ﻛﻤﻠﻲ
ﻛﻤﻠﺖ ﺍﻟﺸﺮﺡ ﻭﺭﺟﻌﺖ ﻋﺪﺗﻪ ﻣﻦ ﺍﻟﺒﺪﺍﻳﻪ ﻭﻫﻮَ ﻣﺎﺣﺠﻪ .. ﻓﺤﻄﺖ ﻭﺳﻜﺘﺖ ﺑﺎﻭﻋﺘﻠﻪ ﻭﻛﻠﺖ -:
- ﺍﺳﺘﺎﺫ ﺗﻌﺒﺖ
- ﺍﻧﻲ ﺍﺭﻳﺪ ﺍﺩﻭﺭ ﺍﻟﺮﻳﻤﻮﻧﺖ ﻣﺎﻟﺘﺞ ﺑﺲ ﻣﺎﻟﮕﻴﺘﻪ .. ﻳﻌﻨﻲ ﻛﻮﻣﻨﺎﺝ ﻏﻴﺮ ﺗﺸﺮﺣﻴﻠﺞ ﺷﻮﻳﻪ ﻭﺗﻜﻌﺪﻳﻦ ﺍﺩﺭﻱ ﻣﻦ ﺷﺮﺣﺘﻲ ﺍﻟﻤﺤﺎﺿﺮﻩ ﻛﻠﻬﻪ ﻭﻳﻦ ﺗﺮﻳﺪﻳﻦ؟؟ ﻭﻓﻮﻛﺎﻫﻪ ﻋﺎﺩﺗﻪ ﻣﺮﺓ ﻟﺦ
ﻫﺰ ﺇﻳﺪﻩ ﻭﺩﺍﺭ ﻭﺟﻬﻪ ﻣﻌﺼﺐ !
ﻫﺎﻱ ﻛﻠﻪ ﻻﻥ ﻣﺎﺑﺎﻭﻋﺖ ﻫﻴﺞ ﺭﺯﻟﻨﻲ .. ﺩﺷﻮﻑ ﺑﻌﺪ ﻣﻨﻲ ﺗﺒﺎﻭﻋﻠﻚ .
ﻛﻌﺪﺕ ﻭﻫﻮَ ﻇﻞ ﻣﻐﻨﺪﺏ ﻭﺍﻧﻲ ﻣﻐﻨﺪﺑﻪ ﻣﺎﺍﺑﺎﻭﻋﻠﻪ ﻭﺑﺲ ﺍﺻﻐﻲ ﺑﺴﻜﺘﻪ ﻭﺭﺍﺳﻲ ﻣﺪﻧﮕﺘﻪ .. ﺭﺟﻌﺖ ﻣﺜﻞ ﻗﺒﻞ ﺍﻟﻌﺎﻡ ﻣﻦ ﺻﺎﺭﺕ ﺳﺎﻟﻔﺔ ﺍﻟﻘﺒﻮﻁ .
ﻋﺼﺐ ﺣﻴﻞ ﺍﺯﻳﺪ ﻣﻦ ﻗﺒﻞ ﺷﻮﻳﻪ .. ﻇﻞ ﺃﻱ ﻃﺎﻟﺐ ﻳﮕﻮﻡ ﻭﻣﺎﻳﻌﺮﻑ ﻳﻌﻴﻂ ﻋﻠﻴﻪ ﻭﻳﺮﺯﻟﻪ .
ﺍﻧﻲ ﺧﻔﺖ ﻣﻦ ﻋﺼﺒﻴﺘﻪ ﺣﺮﺕ ﺷﺄﺳﻮﻱ ﻫﺴﻪ ﺭﻓﻊ ﻋﻴﻨﻲ ﻟﻮ ﺷﺴﻮﻱ ﺷﻠﻮﻥ ﻭﺭﻃﻪ ﻫﺎﻱ ﻳﺮﺑﻲ ﺍﻧﻲ ﺍﺧﺎﻑ ﻣﻦ ﻋﺼﺒﻴﺘﻪ .
ﻭﮔﻒ ﻫﻮﺍﻱ ﻃﻼﺏ ﻣﺎﻋﺮﻓﻮﺍ ﻭﺳﺠﻞ ﺍﺳﻤﺎﺀﻫﻢ ﺑﺎﻟﺴﺠﻞ ﺍﻻﺣﻤﺮ .. ﻫﺬﺍ ﺍﻟﺴﺠﻞ ﺍﻟﻴﻨﺰﻝ ﺍﺳﻤﻪ ﺑﻴﻪ ﻳﻌﺘﺒﺮ ﺭﻭﺣﻪ ﺩﻭﺭ ﺛﺎﻧﻲ .
ﺳﺠﻞ ﺍﺳﺎﻣﻴﻬﻢ ﻭﻛﻌﺪﻫﻢ .. ﻛﺎﻝ ﻭﻋﻴﻮﻧﻪ ﻣﺸﺒﻄﻪ
- ﻃﻠﻌﻮ ﺍﻭﺭﺍﻕ ﻫﺴﻪ ﺍﻣﺘﺤﺎﻥ ﻭﺍﻟﻤﻴﺠﺎﻭﺏ ﻣﻴﻠﻮﻡ ﺍﻻ ﻧﻔﺴﻪ ﺷﺮﻁ ﺍﻻ ﺍﺧﻠﻴﻪ ﺍﻗﻞ ﺷﻲ ﻳﺨﻠﺺ ﺳﻨﺘﻴﻦ ﺑﻬﺎﻱ ﺍﻟﻤﺮﺣﻠﻪ
ﻃﻠﻌﺖ ﻭﺭﻗﻪ ﻭﺍﻳﺪﻱ ﺗﺮﺟﻒ ﻫﻮَ ﻫﺎﺩﺉ ﻭﻳﺠﻴﺐ ﺍﻻﺳﺌﻠﻪ ﺗﻜﺴﺮ ﺍﺫﺍ ﻣﻌﺼﺐ ﺷﻴﺴﻮﻱ ؟
ﻣﻦ ﺍﻟﺨﻮﻑ ﺍﻟﻘﻠﻖ ﻛﻞ ﺍﻟﻘﺮﻳﺘﻪ ﺗﺒﺨﺮ .. ﻭﻫﺎﻱ ﺍﻟﻌﺎﺩﻩ ﻣﺎﺍﺑﻄﻠﻬﻪ ﺑﺲ ﺍﺧﺎﻑ ﻳﻄﻴﺮ ﺍﻟﻘﺎﺭﻳﺘﻪ .
ﺭﺩ ﺍﻻﺳﺌﻠﻪ .. ﺑﺲ ﺷﻨﻮ ﺳﺆﺍﻟﻴﻦ ﻗﺼﻴﺮﺍﺕ ﺍﻟﺸﻮﻓﻬﻦ ﻳﻜﻮﻝ ﺳﻬﻼﺕ ﺑﺲ ﺑﻴﻬﻦ ﻛﻞ ﺍﻟﺒﻠﻪ .
ﻇﻠﻴﺖ ﻣﺼﻔﺼﻔﻪ ﻋﺰﺯﻩ ﻫﺬﺍ ﺗﺤﻠﻒ ﺑﻴﻨﻪ .. ﻇﻠﻴﺖ ﺍﺣﻞ ﻭﺍﻣﺴﺢ ﺍﺣﻞ ﻭﺍﻣﺴﺢ ﺍﻧﺴﻄﺮﺕ .
ﻫﻮَ ﻳﻔﺘﺮ ﻋﻠﻴﻨﻪ ﻭﻣﻜﺘﻒ ﺍﻳﺪﻳﻪ ﻟﻮﺭﻩ ﻇﻬﺮﻩ ﻭﻳﻤﺸﻲ ﺑﺨﻄﻮﺍﺕ ﺳﺮﻳﻌﻪ ﻭﺍﻧﻔﺎﺳﻪ ﺍﻟﻐﺎﺿﺒﻪ ﻣﺒﻴﻨﻪ .
ﺣﺴﻴﺘﻪ ﺧﻴﺎﻟﻪ ﻓﻮﻙ ﺭﺍﺳﻲ .. ﺍﻧﺴﻄﺮﺕ ﺑﺎﻟﺰﺍﻳﺪ ﺍﺭﻳﺪ ﺍﻛﺘﺐ ﺍﻟﻜﻠﻤﻪ ﻣﺎﺍﻋﺮﻑ .
ﺗﻘﺮﺏ ﻳﻤﻲ ﺣﻴﻞ ﻭﻧﺘﺮ -:
- ﺷﻮ ﺑﻠﻪ ﺧﻞ ﺍﺷﻮﻑ
ﺭﻓﻌﺖ ﺭﺍﺳﻲ ﺑﺎﻭﻋﺖ ﺑﻴﻪ ﺑﻨﻈﺮﺍﺕ ﺗﻮﺳﻞ ﺍﻃﻠﺐ ﺍﻟﻌﻮﻥ .. ﻣﺎﺑﺎﻭﻋﻠﻲ ﻭﺍﻟﺤﻮﺍﺟﺐ ﻣﻌﻜﻮﺩﻩ ﻭﺍﻟﻌﻴﻮﻥ ﺣﻤﺮ ﺩﺍﻳﺮ ﻣﺎﺩﺍﻳﺮ
ﻭﺧﺮﺕ ﺷﻮﻳﻪ ﻋﻦ ﺍﻟﻮﺭﻗﻪ ﻭﺷﺎﻓﻬﻪ .. ﻳﻤﻪ ﺷﺎﻓﻬﻪ ﻭﻓﺘﺢ ﻋﻴﻮﻧﻪ ﻋﻠﻰ ﻭﺳﻌﻬﻦ ﻭﺑﺴﺮﻋﻪ ﺳﺤﺐ ﻭﺭﻗﺘﻲ ﺑﺈﻳﺪﻩ !!
ﺑﺎﻭﻋﻠﻬﻪ ﻭﻓﺘﺤﻬﻪ ﻇﻞ ﻳﮕﻠﺐ ﺑﻴﻬﻪ .. ﺑﺎﻭﻋﻠﻲ ﻣﺴﺘﻬﺰﺃ
- ﺗﺘﺸﺎﻗﻴﻦ ﻣﻮ؟
ﺑﺎﻭﻋﺘﻠﻪ ﺑﻨﻈﺮﺍﺕ ﺧﻮﻑ ﻭﻗﻠﻖ
- ﻫﺎﺍﺍ ؟
ﻋﺎﻁ ﺑﻴﻪ
- ﻫﺴﺘﻮﺝ ﻛﻤﺘﻲ ﺷﺮﺣﺘﻴﻬﻦ ﻣﺎﺻﺎﺭﻟﺞ ﺭﺑﻊ ﺳﺎﻋﻪ ﺷﻼﺍﺍﻋﺒﻪ ﺍﻧﺘﻢ ﺗﺮﻳﺪﻭﻥ ﺗﺨﺒﻠﻮﻭﻭﻧﻲ
ﺣﻂ ﺍﻟﻮﺭﻗﻪ ﺑﻨﺘﺮ ﻣﻘﺎﺑﻴﻠﻲ ﻭﺭﺍﺡ ﻳﻔﺘﺮ ﻉ ﺍﻟﻄﻼﺏ ﺍﺧﺬ ﺍﻭﺭﺍﻕ ﺍﻟﻄﻼﺏ ﺍﻟﻤﺘﻤﻴﺰﻳﻦ ﻭﻣﺴﺘﻮﺍﻫﻢ ﺯﻳﻦ ﻭﻫﻢ ﻣﺎﺣﺎﻟﻴﻦ .. ﺗﺨﺒﻞ ﻭﻋﻠﻲ .. ﻇﻞ ﻳﻌﻴﻂ ﻭﻳﺮﺯﻝ ﺑﻴﻨﻪ .
ﻇﻞ ﻳﺄﺷﺮ ﺑﺈﻳﺪﻳﻪ ﻭﻳﺼﻴﺢ
- ﻳﻌﻨﻲ ﺗﻮﻗﻌﺖ ﺗﺤﻠﻠﻠﻮﻭﻭﻭﻫﻦ ﻫﻨﻪ ﺳﺆﺅﺍﻟﻴﻦ ﻫﻨﺎ ﺣﻀﺮﺓ ﺍﻻﺧﺖ ﻛﺎﺗﺒﺘﻠﻲ ﻣﻦ ﮔﻠﺒﻬﻪ ﻭﻣﺴﻮﻳﺘﻠﻲ ﺗﺄﻟﻴﻒ ﻭﺇﺧﺮﺍﺝ ﻋﻮﺯﻱ ﺑﺲ ﺍﺟﻴﺒﻠﻬﻪ ﻃﺎﺑﻌﻪ ﻭﺍﻃﺒﻌﻬﻦ ﺍﻟﻪ ﻛﺘﺎﺏ ﻭﻫﻨﺎ ﺍﻻﺥ ﻣﺼﺨﻢ ﺍﻟﻮﺭﻗﻪ ﻭﺻﺎﻳﺮﻩ ﺳﻮﺩﻩ
ﺍﻟﺮﺯﺍﻟﻪ ﺷﻤﻠﺖ ﺍﻟﻜﻞ ﻭﺍﻧﻲ ﺍﻡ ﺍﻟﺘﺄﻟﻴﻒ ﻭﺍﻻﺧﺮﺍﺝ ﻭﺍﻟﻠﻪ ﺻﺪﻙ ﺍﻧﻲ ﺣﻄﻴﺖ ﻛﻠﻪ ﻣﻦ ﮔﻠﺒﻲ ﻭﻭﻻ ﺍﺳﻠﻢ ﺍﻟﻮﺭﻗﻪ ﻓﺎﺭﻏﻪ ﻭﺍﺻﻴﺮ ﻋﻠﭻ .. ﺑﺲ ﻫﺴﻪ ﺻﺮﺕ ﻋﻠﭽﻴﻦ .
ﺭﮔﻊ ﺍﻟﻘﺎﻋﻪ ﻛﻠﻬﻪ ﺑﺼﻔﺎﺭﻩ ﻭﺣﺘﻰ ﺷﺮﺷﺒﻴﻠﻪ ﻭﻳﺎﻧﻪ ﻋﻮﺩ ﻣﺴﻮﻳﻪ ﺭﻭﺣﻬﻪ ﺷﺎﻃﺮﻩ ﻫﻲَ ﺑﺲ ﺑﺒﺪﺍﻳﺔ ﺍﻟﺪﻭﺍﻡ ﺗﺘﺸﻄﺮ ﻭﺑﻌﺪﻳﻦ ﺗﻬﺒﻂ ﻭﺗﻔﺶ ﺍﻟﻨﻔﺎﺧﻪ .
ﻋﻤﻲ ﻟﻮ ﺍﺩﺭﻱ ﻣﺒﺘﺴﻤﺘﻠﻪ ﻭﻻ ﻫﺬﺍ ﺍﻟﻈﻴﻢ . ﻛﺘﻞ ﺭﻭﺣﻪ ﻭﻭﺟﻬﻪ ﺻﺎﺭ ﺍﺣﻤﺮ ﻋﻠﻴﻤﻦ ﺷﻮ ﻣﺎﺗﮕﻠﻲ .
ﺧﻠﻪ ﻭﻃﻠﻊ ﻣﻌﺼﺐ ﻭﺍﺧﺬ ﺍﻻﻭﺭﺍﻕ ﻭﻛﺎﻝ ﻛﻠﻬﻪ ﺗﻨﺰﻝ ﺑﺎﻟﺴﺠﻞ ﺍﻻﺣﻤﺮ ﺻﺨﺎﻡ ﺑﻮﻳﻬﻲ .
ﺍﻧﻲ ﺍﺫﺍ ﻳﻨﺰﻝ ﺍﺳﻤﻲ ﺑﺎﻟﺴﺠﻞ ﻫﺎﻱ ﻫﻴﻪ ﻣﺜﻞ ﺍﻟﻌﺎﻡ ﺩﻭﺭ ﺛﺎﻧﻲ ﻭﺍﻟﻨﻮﺏ ﺍﺗﻔﺸﻞ ﻣﺎﻣﺴﺘﻌﺪﻩ ﺍﻋﻴﺪ ﺍﻟﺘﺠﺮﺑﻪ ﻧﻔﺴﻬﻪ .
ﺭﻛﻀﺖ ﻭﺭﺍﻩ ﻟﻠﻤﻜﺘﺐ .. ﺩﮔﻴﺖ ﺍﻟﺒﺎﺏ ﻭﺩﺧﻠﺖ ﺑﻌﺪ ﺳﻤﺎﺣﻪ .. ﻟﮕﻴﺘﻪ ﻛﺎﻋﺪ ﻭﺛﺎﻧﻲ ﺇﻳﺪﻳﻪ ﻉ ﺍﻟﻤﻴﺰ ﻭﺣﺎﻃﻬﻦ ﻋﻠﻰ ﺭﺍﺳﻪ ﻭﻣﺪﻧﮓ ﺭﺍﺳﻪ ﻟﺠﻮﻩ .
ﻭﻭﺟﻬﻪ ﺑﻌﺪﻩ ﺃﺣﻤﺮ .. ﻋﺒﺎﻟﻚ ﻣﺘﻮﻗﻌﻨﻲ ﺍﻧﻲ ﻣﺎﺭﻓﻊ ﺭﺍﺳﻪ ﺑﺲ ﺗﻤﺸﻴﺖ ﻭﻛﻔﺖ ﻣﻘﺎﺑﻴﻞ ﺍﻟﻤﻴﺰ .. ﺭﻓﻊ ﺭﺍﺳﻪ ﻋﻠﻴﻪ ﺑﺎﻭﻋﻠﻲ ﺑﻌﺘﺐ ﻭﺭﺟﻪ ﻇﻬﺮﻩ ﻉ ﺍﻟﻜﺮﺳﻲ .. ﺳﺤﺐ ﻧﻔﺲ ﻭﺯﻓﺮﻩ ﺑﺘﻌﺐ .
ﻛﺎﻝ ﺑﺼﻮﺕ ﺛﻜﻴﻞ
- ﻫﺎ ﺛُﺮﻯٰ ﮔﻮﻟﻲ
- ﺀﺀﺍﺍ ﺍﺳﺘﺎﺫ ﻋﻔﻴﻪ ﻻﺗﺤﺴﺒﻪ ﺍﻻﻣﺘﺤﺎﻥ ﻭﺍﻟﻠﻪ ﻣﻮ ﺯﻳﻨﻴﻦ ﺑﻴﻪ
- ﺭﺍﺳﻲ ﺣﻴﻨﻔﺠﺮ
- ﻫﺎﺍ ؟
ﺳﻜﺖ ﻣﺎﺣﭽﻪ ﺷﻲ
- ﺍﺳﺘﺎﺫ ﻋﻠﻴﻤﻦ ﻣﻌﺼﺐ ﻟﻬﺎﻟﺪﺭﺟﻪ ﻣﺎﺗﺴﻮﻩ ﺍﺣﻨﻪ ﻧﻀﺮ ﺍﻧﻔﺴﻨﻪ ﻣﺎﻧﻀﺮﻙ . ﺭﻓﻊ ﻋﻴﻨﻪ ﺧﺰﺭﻧﻲ ﻭﺍﻧﻲ ﺭﺃﺳﺎً ﺩﻧﮕﺖ .. ﻋﺒﺎﻟﻚ ﻳﻜﻠﻲ ﺍﻧﺖِ ﺍﻟﺴﺒﺐ .
ﺭﻓﻌﺖ ﺭﺍﺳﻲ ﺷﻔﺘﻪ ﺑﻌﺪﻩ ﺧﺎﺯﺭﻧﻲ ﺭﺟﻌﺖ ﺩﻧﻜﺖ ﺷﻠﻮﻥ ﺳﺎﻟﻔﻪ ﻫﺎﻱ ﻳﺮﺑﻲ .
ﺍﻧﺴﺤﺒﺖ ﺧﻄﻮﺗﻴﻦ ﺍﺭﻳﺪ ﺍﻓﻠﺖ
- ﺍﺳﺘﺎﺫ ﺍﻧﻲ ﺭﺍﺡ ﺍﺭﻭﺡ ﺑﺲ ﺍﺣﻨﻪ ﺷﻄﺎﺭ ﻣﺎﻧﺴﺘﺎﻫﻞ ﻫﺎﻟﺼﻔﺎﺭﻩ
ﺍﻭﻝ ﻣﺎﻣﺸﻴﺖ ﻛﺎﻝ
ﻭﺍﻧﺖِ ﻟﻴﺶ ﺃﻟﻔﺘﻲ ﻏﻴﺮ ﻗﺒﻞ ﺷﻮﻳﻪ ﻣﮕﻮﻣﺞ ﺷﺎﺭﺣﺘﻪ ﻛُﻠﻪ ﺑﺲ ﺍﻟﻈﺎﻫﺮ ﻣﻘﺎﺭﻳﻪ ﺑﺘﺮﻛﻴﺰ
- ﻳﻴﺢ ﺍﻧﻲ ﻻ ﻭﺍﺑﻮ ﻓﺎﺿﻞ ﺍﻗﺮﻩ ﻛﻠﻤﻪ ﻛﻠﻤﻪ ﻭﺑﺘﺮﻛﻴﻴﻴﺰ
ﻋﻮﺩ ﺭﺩﺕ ﺍﺑﺮﺭ ﺑﻌﺪ ﻛﻠﺘﻠﻪ ﺑﻌﻔﻮﻳﻪ -:
- ﺍﺳﺘﺎﺫ ﻭﺍﻟﻠﻪ ﻛﻠﻪ ﺣﺎﻓﻈﺘﻪ ﺑﺲ ﺍﻧﻲ ﻣﺪﺭﻱ ﺷﻴﺼﻴﺮ ﺑﻴﻪ ﻣﻦ ﺍﺷﻮﻓﻚ ﺍﻟﺤﭽﻲ ﻛﻠﻪ ﻳﻄﻴﺮ
ﺑﺎﻭﻋﻠﻲ ﺻﺎﻓﻦ ﻭﺭﺍﻓﻊ ﺣﺎﺟﺒﻪ .. ﻋﺰﺯﻩ ﻫﺎﻱ ﺷﺴﻮﻳﺖ .
ﺿﺤﻚ ﻣﻦ ﺍﻋﻤﺎﻗﻪ ﻭﺍﻧﺘﭽﻪ ﻉ ﺑﺎﻟﻜﺮﺳﻲ ﻭﻓﺮﻩ
- ﺑﻴﻪ ﺷﻮﺍﻑ ﺷﻨﻮ ﺣﺘﻰ ﻣﻦ ﺗﺸﻮﻓﻴﻨﻲ ﺗﻨﺴﻴﻦ
- ﺍﻱ ﻭﺍﻟﻠﻪ ﻣﻦ ﺍﻟﺨﻮﻑ
ﺍﻟﻨﻮﺏ ﺭﺩﺕ ﺍﻛﺤﻠﻬﻪ ﻋﻤﻴﺘﻬﻪ .. ﺿﺤﻚ ﺑﺼﻮﺕ ﻋﺎﻟﻲ
- ﺍﻱ ﻣﻮ ﺑﻌﺒﻊ ﮔﺪﺍﻣﺞ
ﻇﻞ ﻳﻀﺤﻚ ﻣﺴﺘﻤﺮ ﻭﺍﻧﻲ ﺍﺿﺤﻚ ﻭﻳﺎﻩ ﻉ ﺍﻟﻮﺍﻫﺲ .. ﺷﺮﮒ ﻭﻇﻞ ﻳﮕﺢ .. ﺿﺮﺏ ﻋﻠﻰ ﺻﺪﺭﻩ ﻭﺳﺤﺐ ﺑﻄﻞ ﻣﺎﻱ ﻣﻦ ﺛﻼﺟﺘﻪ .
ﺑﺎﻭﻋﻠﻲ ﻭﻳﺸﺮﺏ ﻣﺎﻱ ﻛﺎﻝ ﻭﻳﻀﺤﻚ -:
- ﻭﻫﺎﻱ ﺍﻧﺸﺤﻂ ﺑﻠﻌﻮﻣﻲ ﻣﻦ ﻭﺭﺍﺝ
- ﻫﻬﻬﻪ ﺍﻧﻲ ﺷﻌﻠﻴﻪ ﻏﻴﺮ ﻣﻦ ﺍﻟﻀﺤﻚ
ﺭﺟﻊ ﺿﺤﻚ ﻭﻳﺘﺄﻣﻠﻨﻲ
ﺟﻠّﻪ ﺻﻮﺗﻪ ﻭﺍﺑﺘﺴﻢ ﺗﻚ ﺧﺪ .. ﺻﻔﻦ ﺑﻌﻴﻮﻧﻲ ﻭﻣﻄﻴﺮ ﺍﻟﺤﻮﺍﺟﺐ .. ﺩﻧﮕﺖ ﻭﻛﺘﻠﻪ -:
- ﻫﺎ ﺍﺳﺘﺎﺫ ﻫﺴﻪ ﺗﺤﺴﺒﻪ ﻟﻮ ﻻ؟
- ﺍﺣﻢ ﻟﺨﺎﻃﺮﺝ ﻣﺮﺍﺡ ﺍﺣﺴﺒﻪ
- ﺷﻜﺮﺍً
- ﺗﺪﻟﻠﻴﻦ ﻳﺎﺑﻪ
ﻃﻠﻌﺖ ﻓﺮﺣﺎﻧﻪ ﺍﺧﻴﺮﺍً ﺃﺛﺮﺕ ﺑﻴﻪ .
ﺭﺣﺖ ﻛﻤﻠﺖ ﺍﻟﻤﺤﺎﺿﺮﻩ ﺍﻟﺜﺎﻧﻴﻪ ﻭﻣﺎﻛﻠﺘﻠﻬﻢ ﻣﺎﻳﺤﺴﺒﻪ ﺍﻟﻨﻮﺏ ﻳﻜﻮﻟﻮﻥ ﺍﺷﺘﻐﻠﺖ ﺍﻟﻮﺍﺳﻄﺎﺕ .
ﺑﺎﻻﺳﺘﺮﺍﺣﻪ ﺍﺟﺘﻨﻲ ﻃﺎﻟﺒﻪ ﻛﺎﻟﺖ -:
- ﺛُﺮﻯٰ ﺷﺎﻣﺦ؟
- ﻻ ﺟﺪﻱ ﺷﻤﻮﺧﻲ
- ﺍﻟﻤﻬﻢ ﺑﻴﻪ ﺷﺎﻣﺦ ﺍﻧﺖِ ﻟﻮ ﻻ ؟
- ﺍﻱ ﺍﻧﻲ ﻟﻴﺶ
- ﺩﻛﺘﻮﺭﻩ ﺍﺳﻤﺎﺀ ﻃﺎﻟﺒﺔ ﺑﺎﻻﺩﺍﺭﻩ
- ﺍﻧﻲ ؟ ﻳﺎﺍ ﻋﺰﺯﻩ ﺑﺲ ﻻ ﻣﺼﻴﺒﻪ
ﻃﻠﻌﺖ ﺭﻛﺾ ﻟﻺﺩﺍﺭﻩ ﺍﻟﺘﻜﻌﺪ ﺑﻴﻬﻪ ﺍﺳﻤﺎﺀ .. ﻟﻜﻴﺘﻬﻪ ﻓﺎﺭﻏﻪ !
ﻳﺎﺍﺍ ﻫﺎﻱ ﺗﺠﺬﺏ ﻋﻠﻴﻪ ﺷﻨﻮ .
ﺭﺩﺕ ﺍﺭﻭﺡ ﺳﻤﻌﺖ ﺻﻮﺗﻪ ﻳﺼﻴﺢ ﺑﺈﺳﻤﻲ .. ﻳﺠﻲ ﺻﻮﺗﻪ ﻣﻦ ﺍﻻﺩﺍﺭﻩ ﺍﻟﻴﻢ ﺍﺩﺍﺭﺓ ﺍﺳﻤﺎﺀ .
- ﺛُﺮﻯٰ ﺛُﺮﻯٰ ﺗﻌﺎﻟﻲ ﻭﻳﻨﺞ
ﺭﺣﺖ ﻟﻼﺇﺩﺍﺭﻩ ﺍﺭﻛﺾ ﺷﻔﺘﻪ ﻛﺎﻋﺪ ﻉ ﺍﻟﻤﻴﺰ ﻳﺤﻂ ﺑﺎﻟﮕﻼﺻﺎﺕ ﻭﺍﻟﻌﺼﺎﻳﺮ ﻉ ﺍﻟﻤﻴﺰ .. ﻭﺍﻟﻤﻴﺰ ﻣﻔﺮﻭﺵ ﺃﻛﻞ , ﺑﻮﺭﮒ ﻭﻛﺒﺐ ﻭﺑﻴﺘﺰﺍ ﻭﻛﺒﺎﺏ ﻭﺩﺟﺎﺝ .. ﻣﺎﺃﻟﺬ ﻭﻣﺎﻃﺎﺏ ﻧﻌﻠﻌﻠﻪ .
ﺍﻟﺮﻳﺤﻪ ﻓﺎﺣﺖ ﺑﺨﺸﻤﻲ .. ﻇﻠﻴﺖ ﺍﺭﻣﺶ ﺑﻌﻴﻮﻧﻲ ﻳﺒﻮﻭ .
- ﻫﺎ ﻫﺎ ﺍﺳﺘﺎﺫ ﻭﻳﺎﻱ؟
- ﺍﻱ ﺍﻛﻮ ﻏﻴﺮﺝ ﺍﺳﻤﻬﻪ ﺛُﺮﻯٰ؟
- ﻻ ﺑﺲ ﺍﻧﻲ
- ﺗﻌﺎﻟﻲ ﺗﺎﻛﻠﻴﻦ ؟؟ﺑﺎﻭﻋﺖ ﻉ ﺍﻻﻛﻞ ﻭﺑﺎﻭﻋﺘﻠﻪ ﻫﺰﻳﺖ ﺭﺍﺳﻲ ﺑﺎﻟﺮﻓﺾ
- ﻻ ﻣﺎﺍﺭﻳﺪ
ﻫﺰ ﺭﺍﺳﻪ ﻭﺿﺤﻚ
- ﺗﻌﺎﻱ ﺗﻌﺎﻱ
- ﻻ ﺍﺳﺘﺎﺫ ﻭﺍﻟﻠﻪ ﻣﺎﺍﺭﻳﺪ
- ﺗﻌﺎﺍﺍﻱ ﻳﻤﻌﻮﻭﺩﻩ
- ﻣﺎﺍﺷﺘﻬﻲ
- ﻫﻪ ﻋﻮﺩ ﺗﺴﺘﺤﻲ ﺧﺐ ﺩﺭﻭﺣﻲ
ﻳﻴﻴﻴﺤﺢ ﺍﻟﺤﻘﻴﺮ ﻓﺸﻠﻨﻲ .. ﻇﻠﻴﺖ ﺻﺎﻓﻨﻪ ﻭﻏﻨﺪﺑﺖ .. ﺿﺤﻚ ﻭﺻﺐ ﺍﻟﻌﺼﻴﺮ ﺑﺎﻟﻜﻼﺹ
- ﻇﻠﻲ ﻳﻔﻮﺗﺞ
ﻧﺘﺮﺕ -:
- ﻣﺎﺍﺭﻳﺪ .. ﺑﺲ ﻭﻳﻦ ﺳﺖ ﺍﺳﻤﺎﺀ ﻛﺎﻟﻮ ﺻﺎﺣﺘﻨﻲ
ﺍﺑﺘﺴﻢ
- ﺍﻧﻲ ﺻﺤﺘﺞ ﻣﻮ ﺍﺳﻤﺎﺀ
- ﻫﺎ
ﻛﻠﺘﻬﻪ ﻣﻦ ﻭﺭﻩ ﺧﺸﻤﻲ ﻭﺧﻠﻴﺖ ﻭﻃﻠﻌﺖ ﺷﻠﻮﻥ ﻓﺸﻠﻪ ﻓﺸﻠﻨﻴﺎﻫﻪ ﺍﺑﻮ ﻋﻜﺮﻭﺯ .
ﺭﺣﺖ ﻟﻠﺤﺪﻳﻘﻪ ﻇﻠﻴﻨﻪ ﻧﺴﻮﻑ ﻭﻧﻀﺤﻚ .. ﺍﺟﻦ ﺑﻨﺎﺕ ﻛﺎﻟﺖ ﺩﻛﺘﻮﺭ ﻣﺎﻫﺮ ﻳﺮﻳﺪ ﻃﻼﺏ ﺍﻟﻤﺮﺣﻠﻪ ﺍﻟﺮﺍﺑﻌﻪ ﻛﻠﻬﻢ .
ﺍﻫﻮﻭﻭ ﺷﻴﺮﻳﺪ .
ﻭﮔﻔﻨﻪ ﻛﻠﻨﻪ ﻭﺭﺣﻨﺎ ﻟﻠﻘﺎﻋﻪ .. ﺍﻛﻮ ﺑﺎﻟﻤﻤﺮﺍﺕ ﺑﺮﺍﺩ ﻣﺎﻝ ﻣﺎﻱ .. ﺍﻧﻲ ﺭﺩﺕ ﻣﺎﻱ ﻋﻄﺸﺖ .. ﺭﺣﺖ ﻟﻠﺒﺮﺍﺩ ﺍﺧﺬﺕ ﺍﻟﻜﻼﺹ ﻧﺎﻳﻠﻮﻥ ﺣﺎﻃﻴﻨﻪ .. ﻋﺒﻴﺘﻪ ﻣﺎﻱ ﻭﺍﺧﺬﺗﻪ ﻭﻳﺎﻱ ﻟﻠﻘﺎﻋﻪ ﻣﻦ ﺍﻻﺳﺘﻌﺠﺎﻝ .
ﻣﺸﻴﻨﻪ ﻟﻠﻘﺎﻋﻪ ﺍﻧﻲ ﻭﻓﺎﻃﻤﻪ ﻭﺍﻟﻜﻼﺹ ﺑﺈﻳﺪﻱ ﺑﺲ ﻳﻨﻘﻂ .
ﻓﺎﻃﻤﻪ ﺍﺷﺮﺗﻠﻲ ﻉ ﺍﻟﻤﺎﻱ ﺍﻟﻴﻨﺰﻝ ﻣﻦ ﺟﻮﻩ ﺍﻟﻜﻼﺹ ﻭﺍﻧﻲ ﺻﺤﺖ
- ﻳﺎﺍﺍﺍ ﺧﺎﻳﺒﻪ ﻫﺬﺍ ﺍﻟﻜﻼﺹ ﻣﺰﺭﻭﻑ
ﺳﻤﻌﺖ ﻧﺘﺮﻩ ﺑﺈﺳﻤﻲ ﺑﺼﻮﺗﻪ .. ﺍﻟﺘﻔﺘﺖ ﻟﮕﻴﺘﻪ ﺧﺎﺯﺭﻧﻲ ﻭﺭﺍﻓﻊ ﺣﺎﺟﺒﻪ . ﻧﺘﺮ ﺑﻴﻪ -:
- ﺛُﺮﺭﺭﺭﻯٰ .. ﻫﺎﻱ ﻣﻨﻮ ﻣﻌﻠﻤﺞ؟؟
ﻋﺰﺯﺯﺍﺍﺍ .. ﺑﻠﻌﺖ ﺭﻳﻘﻲ ﻭﺍﺑﺎﻭﻉ ﺑﺎﻟﻜﻼﺹ ﻭﺍﺑﺎﻭﻉ ﺑﻴﻪ ﺷﻠﻮﻥ ﺧﺎﺯﺭﻧﻲ ﻭﻳﻨﺘﺮ ﺑﻴﻪ !!
ﺻﺨﺎﻡ ﺑﻮﺟﻬﻲ ﻟﻬﺎﻟﻔﺸﻠﻪ .. ﺷﻤﺮﺕ ﺍﻟﮕﻼﺹ ﻋﻠﻰ ﻓﺎﻃﻤﻪ ﻭﺍﻃﻔﻔﺮﺭ ﺭﺣﺖ ﺭﻛﺾ ﻟﻠﻘﺎﻋﻪ .. ﺻﺨﺎﻡ ﺻﺨﺎﻡ ﺷﻬﺎﻟﺘﻔﻜﻴﺮ ؟؟
ﻟﮕﻴﺖ ﺍﻟﻘﺎﻋﻪ ﻓﺎﺭﻏﻪ .. ﻋﺰﺯﺍ ﺑﻮﺟﻬﻲ .. ﺩﺧﻠﻦ ﺫﻧﻲ ﻓﺎﻃﺴﺎﺕ ﺿﺤﻚ ﻭﺍﻧﻲ ﻣﺘﻔﺸﻠﻪ ﻭﺿﺎﻣﻪ ﻭﺟﻬﻲ ﺑﺈﻳﺪﻳﻪ .
ﻓﺎﻃﻤﻪ ﺷﻤﺮﺕ ﻋﻠﻴﻪ ﺍﻟﻜﻼﺹ
ﻓﺎﻃﻤﻪ .. ﻫﺬﺍ ﻫﺬﺍ ﻛﻼﺻﺞ
- ﻭﺧﺮﻱ ﻋﻨﻲ ﻭﺧﺮﻱ ﻣﺎﺍﺭﻳﺪ ﺍﺷﻮﻓﻪ
ﻓﺎﻃﻤﻪ .. ﻓﻮﺗﻲ ﺭﺟﻌﻴﻪ ﺍﻧﻲ ﻣﺎﺍﺭﺟﻌﻪ ﻫﺬﺍ ﺍﻟﻌﻘﺪﻩ ﻭﺍﻛﻒ ﻟﻠﻄﻼﺏ ﻳﺪﺧﻠﻮﻥ
- ﻋﻠﻴﺞ ﺍﻟﻠﻪ ﺍﻧﺖِ ﻭﺩﻳﻪ
ﻓﺎﻃﻤﻪ .. ﻭﺍﻟﻠﻪ ﻭﻻ ﻋﻠﻴﻪ
- ﺷﻜﺪ ﺧﺒﻴﺜﻪ
ﺍﺧﺬﺕ ﺍﻟﻜﻼﺹ ﻭﻧﺰﻟﺖ ﻟﺠﻮﻩ ﺣﻄﻴﺘﻪ ﻉ ﺍﻟﺒﺮﺍﺩ .. ﺍﻭﻝ ﻣﺎﺣﻄﻴﺘﻪ ﺳﻤﻌﺖ ﺍﻟﺼﻮﺕ ﻳﻨﺮﺝ ﺑﺈﺳﻤﻲ ﺑﺎﻟﻜﻠﻴﻪ ﻛﻠﻬﻪ ﻭﺑﻌﻠﻮ ﺻﻮﺗﻪ
- ﺛُﺮﺭﺭﺭﺭﺭﺭﻯٰ ﺛُﺮﺭﺭﺭﺭﺭﺭﺭﻯٰ
ﻳﺮﺑﻲ ﻫﺬﺍ ﻣﺎﻋﻨﺪﻩ ﻏﻴﺮ ﺻﺨﻤﻰٰ . ﺍﻟﻄﻼﺏ ﻛﻠﻬﻪ ﺑﺮﻩ ﻭﺭﻛﺾ ﻋﻠﻴﻪ ﺍﺳﺘﻐﻔﺮ ﺍﻟﻠﻪ ﺭﺑﻴﻴﻴﻲ ﺫﺑﻴﺖ ﺍﻟﻜﻼﺹ ﻋﻮﺩ ﺭﺩﺕ ﺍﺷﺮﺑﻠﻲ ﺇﻣﻴﻪ ﺣﺘﻰ ﻟﻮ ﻣﺰﺭﻭﻑ ﻣﻴﺨﺎﻟﻒ ﺍﻟﻤﻬﻢ ﻳﺸﺮّﺏ ﻣﺎﻱ .
ﺭﻛﻀﺖ ﻟﻠﻘﺎﻋﻪ ﻭﻫﻮَ ﻭﺭﺍﻱ ﻳﺄﺷﺮﻟﻲ ﺑﻌﻴﻮﻧﻪ .. ﺩﺧﻠﺖ ﻟﻠﻘﺎﻋﻪ ﻭﻫﻮَ ﻭﺭﺍﻱ ﺩﺧﻞ ﻟﮕﺎﻫﻪ ﻓﺎﺭﻏﻪ .. ﺑﺎﻭﻋﻠﻲ ﻣﺒﺘﺴﻢ ﻭﺍﺭﺗﺒﻚ .. ﻛﺮﻓﺺ ﺧﻄﻮﻁ ﺧﺸﻤﻪ ﺑﺤﺮﻛﻪ ﻋﻔﻮﻳﻪ ﻭﻛﺎﻝ -:
- ﻳﺎﺍ ﻫﺎﻱ ﺍﻟﻘﺎﻋﻪ ﻓﺎﺭﻏﻪ ﻫﻬﻪ
ﺑﺎﻭﻋﺘﻠﻪ ﺑﺨﺰﺭ ﻋﻮﺩ ﺗﻔﺸﻞ ﺑﻴﻪ ﻭﺍﻟﻘﺎﻋﻪ ﻓﺎﺭﻏﻪ .. ﺭﻓﻊ ﺃﻛﺘﺎﻓﻪ ﻭﺍﻳﺪﻳﻪ ﻋﻮﺩ ﻣﺎﺍﺩﺭﻱ ﻭﻃﻠﻊ .
ﺑﻌﺪﻳﺶ ﻃﻠﻌﺖ ﺑﻌﺪ ﺍﻟﻔﺸﻠﻪ .
ﻛﻤﻞ ﺍﻟﻴﻮﻡ ﻋﺎﺩﻱ ﻭﻃﻠﻌﺖ ﺳﺎﻟﻔﺘﻪ ﺍﻟﻤﺠﻤﻌﻨﻬﻪ ﻋﻠﻴﻬﻪ ﻫﻲَ ﻋﻠﻤﻮﺩ ﻗﻮﺍﻧﻴﻦ ﺍﻟﻜﻠﻴﻪ ﻭﻋﺒﺎﻟﻚ ﻣﺎﻧﻌﺮﻓﻬﻦ ﻣﺎﻝ ﻛﻞ ﺳﻨﻪ ﻫﺎﻟﻠﻪ .
ﺭﺟﻌﺖ ﻟﻠﺒﻴﺖ ﻭﺗﻐﺪﻳﻨﺎ ﻭﻣﻦ ﺻﺒﻴﻨﻪ ﺟﺎﻱ ﺍﻧﻔﺘﺢ ﺍﻟﻤﻮﺿﻮﻉ ﻭﻳﺎﻱ ﻭﻛﺘﻠﻬﻢ .
- ﺍﻧﻲ ﻗﺮﺭﺕ ﻻ ﺃﺭﻛﺎﻥ ﻭﻻ ﺍﺳﺘﺎﺫ ﻣﺎﻫﺮ ﺍﻧﻲ ﻣﺎﻣﺴﺘﻌﺪﻩ ﺍﺗﺰﻭﺝ ﻫﺴﻪ
ﺍﺳﻤﺎﻋﻴﻞ .. ﺑﺲ ﺍﺭﻛﺎﻥ ﺧﻮﺵ ﻗﺴﻤﻪ
- ﻣﺎﺍﻛﺪﺭ ﺍﻋﻴﺶ ﺑﺈﻳﺮﺍﻥ ﻣﺎﺍﻛﺪﺭ ﺍﻓﻬﻤﻮﻧﻲ ﻣﺎﺍﺗﺤﻤﻞ ﺍﻟﻐﺮﺑﻪ
ﺍﺳﻤﺎﻋﻴﻞ .. ﻫﺎﻱ ﻫﻴﻪ ﻫﺎﻱ ﻫﻴﻪ ﺑﻜﻴﻔﺞ ﻣﺎﻧﺠﺒﺮﺝ ﺧﻮﻳﻪ ﺑﺎﺟﺮ ﺍﺧﺎﺑﺮﻫﻢ ﺍﺛﻨﻴﻨﻬﻢ ﺑﺲ ﻣﺎﺗﺒﻘﻴﻦ ﺑﺎﻟﻜﻠﻴﻪ ﺗﺮﻩ ﺍﺳﺘﺎﺫ ﻣﺎﻫﺮ ﺍﻋﺮﻓﻪ ﻛﻠﺶ ﺯﻳﻦ ﻫﺴﻪ ﻳﺘﻌﺎﺩﻩ ﻭﻳﺎﺝ ﻭﻳﺮﺳﺒﺞ ﻻﻥ ﻳﻌﺘﺒﺮﻫﻪ ﺍﻧﺘﻘﺎﺹ ﻣﻨﻪ ﻣﺎﺍﺗﻮﻗﻊ ﻳﻌﺪﻳﻬﺎ ﺑﺨﻴﺮ
- ﺍﻱ ﺍﻧﻲ ﻫﻢ ﻣﻦ ﺍﻟﻌﺎﻡ ﺭﺩﺕ ﺍﺣﻮﻝ ﺑﺲ ﻻﻥ ﺍﻛﻤﺎﻝ ﻣﺎﻳﺼﻴﺮ ﻑ ﻫﺴﻪ ﺍﻧﻘﻠﻨﻲ ﻣﺎﺩﺍﻡ ﺑﻌﺪﻫﻪ ﺑﺪﺍﻳﻪ ﺟﺪﻳﺪﻩ
ﺍﺳﻤﺎﻋﻴﻞ .. ﺧﻮﺵ ﺑﺎﺟﺮ ﺍﻗﺪﻣﻠﺞ ﻧﻘﻞ ﺑﺲ ﻻﺗﺪﺍﻭﻣﻴﻦ ﻛﻠﻬﻪ ﺍﺳﺒﻮﻉ ﻭﺗﺪﺍﻭﻣﻴﻦ ﺑﻜﻠﻴﻪ ﺟﺪﻳﺪﻩ
- ﺍﻱ ﺧﻮﺵ
ﺣﺴﻴﺖ ﻫﻢ ﻭﺍﻧﺰﺍﺡ ﻋﻦ ﻛﻠﺒﻲ ﺑﺲ ﻣﺎﻛﻠﻪ ﻫﻢ ﻣﻦ ﻧﺎﺣﻴﺔ ﻣﺎﻫﺮ ﺧﺎﻑ ﻳﻌﺼﺐ .. ﻭﻟﻮ ﻳﺴﺘﺎﻫﻞ ﻧﺴﻴﺖ ﺷﺴﻮﻩ ﺑﻴﻪ ﻣﻦ ﺧﻄﺐ ﺧﻞ ﺍﺿﻮﮔﻪ ﻧﻔﺲ ﺍﻟﻜﺎﺱ ﺷﻌﺒﺎﻟﻪ ﺑﻨﺖ ﺷﻤﻴﺦ ﻫﻴﻨﻪ .
ﺍﻣﻲ ﻛﺎﻟﺘﻠﻪ ﺍﻧﻲ ﺍﺧﺎﺑﺮ ﺍﻣﻪ ﻻﻥ ﻫﻲَ ﺍﻧﻄﺘﻬﻪ ﺭﻗﻤﻬﻪ ﻋﻠﻤﻮﺩ ﺗﺮﺟﻌﻠﻬﻪ ﺧﺒﺮ .
ﺍﻣﻲ ﺧﺎﺑﺮﺗﻬﻪ ﻭﺍﺣﻨﻪ ﺍﻟﺘﻤﻴﻨﻪ ﻋﻠﻴﻬﻪ .. ﻧﺘﺼﻨﺖ ﻭﻓﺎﺗﺤﻴﻦ ﺣﺎﻛﻴﻪ .
ﺍﻭﻝ ﻣﺎﺍﻣﻲ ﻛﺎﻟﺘﻠﻬﻪ ﻣﺎﻛﻮ ﻗﺴﻤﺘﻬﻪ .. ﺭﻛﻌﺘﻬﻪ ﺑﻬﻠﻮﻟﻪ ﺯﻟﺰﻟﺖ ﺍﻟﺴﻤﺎﻋﻪ ﻣﺎﻝ ﺍﻟﻤﻮﺑﺎﻳﻞ !!
ﻛﻠﻨﻪ ﻇﻠﻴﻨﻪ ﺻﺎﻓﻨﻴﻦ !!! ﺍﻣﻲ ﻛﺒﺘﺴﻬﻪ ﻛﺎﻟﺘﻠﻬﻪ -:
- ﺍﻡ ﻣﺎﻫﺮ ﺗﺮﻩ ﻣﺎﻛﻠﺖ ﺍﻛﻮ ﻗﺴﻤﻪ ﻛﻠﺖ ﻣﺎﻛﻮ
ﺍﻡ ﻣﺎﻫﺮ .. ﺍﻱ ﺍﻋﺮﻑ ﻋﻴﻨﻲ ﺍﻋﺮﻑ ﻫﻬﻬﻬﻪ ﺑﻌﺪ ﺍﺣﺴﻦ
ﻇﻠﻴﺖ ﻣﻮﺳﻌﻪ ﻋﻴﻮﻧﻲ ﻣﺼﺪﻭﻣﻪ !! ﻫﻤﺰﻳﻦ ﻣﺎﻗﺒﻠﺖ ﻟﻮ ﻗﺎﺑﻠﻪ ﻫﺎﻱ ﺷﺘﺴﻮﻱ ﺑﻴﻪ ! ؟ ﺍﻟﻨﻮﺏ ﺗﺤﺠﻲ ﻭﺍﻟﻔﺮﺡ ﺑﺼﻮﺗﻬﻪ
ﺳﺪﺗﻪ ﺍﻣﻲ ﻣﻨﻬﻪ ﻭﻫﺰﺕ ﺍﻳﺪﻫﻪ ﻋﻮﺩ ﺷﻔﺘﻲ ﺷﺴﻮﺕ .. ﻏﻠﺴﺖ ﻭﻛﻤﺖ ﻣﻦ ﻳﻤﻬﻪ .
ﺛﺎﻧﻲ ﻳﻮﻡ ﻣﺎﺩﺍﻭﻣﺖ ﻭﺍﺳﻤﺎﻋﻴﻞ ﺑﻠﺶ ﺑﺄﻭﺭﺍﻕ ﻧﻘﻠﻲ ﻟﻐﻴﺮ ﺟﺎﻣﻌﻪ .. ﺧﻞ ﺍﺧﻠﺺ .
ﻣﺮ ﻛﻢ ﻳﻮﻡ ﻛﻤﻠﺖ ﺍﻻﺳﺘﻤﺎﺭﻩ ﻭﺩﺍﻭﻣﺖ ﺍﻭﻝ ﻳﻮﻡ ﺑﻜﻠﻴﻪ ﺟﺪﻳﺪﻩ ﺗﺨﺘﻠﻒ ﺟﺬﺭﻳﺎً ﻋﻦ ﻛﻠﻴﺘﻲ ﻻﺍﺑﻮ ﺍﻟﺮﺯﺍﻳﻞ ﻭﻻ ﺻﺪﻳﻘﺎﺕ ﻭﻻ ﺃﻱ ﺷﻲ .
ﺍﺣﺴﺎﺱ ﺍﻟﻐﺮﺑﻪ ﻳﻜﺘﻞ .. ﺍﺣﺲ ﻧﻔﺴﻲ ﻣﻮ ﺍﻧﻲ ﻣﻌﺘﻜﻔﻪ ﻋﻠﻰ ﻧﻔﺴﻲ ﻭﻻﺯﻛﻪ ﺑﺎﻟﺴﺘﻴﺞ ﻣﺎﺍﻛﺪﺭ ﺍﺗﺤﺮﻙ .
.
.
.
ﻣﺮﺕ ﺷﻬﻮﺭ ﺍﺩﺍﻭﻡ ﺑﺎﻟﻜﻠﻴﻪ ﺍﻟﺠﺪﻳﺪﻩ ﻭﻣﺎﺗﻌﺮﻓﺖ ﻋﻠﻰ ﺻﺪﻳﻘﺎﺕ ﺍﺭﻭﺡ ﻭﺣﺪﻱ ﻭﺍﺟﻲ ﻭﺣﺪﻱ .. ﺍﺑﻮ ﺍﻟﺰﺭﺍﻳﻞ ﻣﺎﻛﻮ ﺧﺒﺮ ﻣﻨﻪ ﺣﺘﻰ ﺣﺴﺎﺑﻪ ﻉ ﺍﻟﻔﻴﺲ ﻣﻐﻠﻖ !
ﺍﻟﺤﺴﺎﺏ ﻛﻠﻪ ﻣﺎﻛﻮ ﻳﻄﻠﻊ ﻣﺴﺘﺨﺪﻡ ﻓﻴﺴﺒﻮﻙ !! ﻇﻠﻴﺖ ﺍﻃﻠﻊ ﺑﺎﻟﻤﺤﺎﺩﺛﺎﺕ ﻭﺍﻗﺮﻩ ﻭﺍﺿﺤﻚ .. ﺑﺎﻻﺧﻴﺮ ﺍﺿﻮﺝ ﻭﺍﺳﺪﻩ ﻏﺼﺒﺎً ﻋﻨﻲ .
ﻗﺮﺏ ﻭﻗﺖ ﻭﻻﺩﺓ ﻧﻬﻰ .. ﻛﻠﻨﻪ ﻣﺨﺒﻮﺻﻴﻦ ﻭﻫﻲَ ﻣﺨﺒﻮﺻﻪ ﻭﺧﺎﻳﻔﻪ ﺗﺮﺟﻒ . ﻋﻠﻰ ﺃﻱ ﺳﺎﻋﻪ ﺗﺠﻴﻬﻪ ﻭﻻﺩﻩ .. ﺗﺮﻳﺪ ﻋﻤﻠﻴﻪ ﺑﺲ ﺍﻡ ﻭﻟﻴﺪ ﻣﺎﻗﺒﻠﺖ ﺗﮕﻠﻬﻪ ﻃﺒﻴﻌﻲ ﺍﺣﺴﻦ .
ﺍﺳﺘﻐﺮﺑﻨﻪ ﻻﻥ ﺍﻡ ﻭﻟﻴﺪ ﻣﺎﺍﻟﻬﻪ ﺩﻭﺭ ﻭﻣﺎﻳﻨﺴﻤﻊ ﺻﻮﺗﻬﻪ ﺍﺻﻼً ﻭﻣﺎﺗﺘﺪﺧﻞ . ﺑﺲ ﻣﺒﻴﻨﻪ ﺩﺍﻓﻌﺘﻬﻪ ﺳﻤﻴﺮﺍﻧﻮ .
ﺭﺣﺖ ﺍﻧﻲ ﻳﻤﻬﻪ ﻛﻢ ﻳﻮﻡ .. ﻭﻟﻴﺪ ﻳﻮﺻﻠﻨﻲ ﻭﻳﺮﺟﻌﻨﻲ ﻟﻠﻜﻠﻴﻪ .. ﻭﺍﻧﻲ ﻭﻱ ﻧﻬﻰ ﺍﻃﺒﺦ ﻭﺍﻧﻈﻒ ﻭﺍﻏﺴﻞ ﻣﻼﺑﺲ ﺑﺲ ﻣﻼﺑﺲ ﻭﻟﻴﺪ ﻣﺎﺍﺗﻘﺮﺑﻠﻬﻦ ﻻﻥ ﺣﺮﺍﻡ ﻣﺪﺭﻱ ﻣﺎﻳﺼﻠﺢ ﻧﺼﺎﻳﺢ ﺍﻣﻲ ﻫﺎﻱ ﺷﺪﺭﺍﻧﻲ ﺍﻧﻲ .
ﺑﻠﻴﻠﻪ ﻇﻠﻤﻪ ﻭﻧﺎﻳﻤﻴﻦ ﻫﺪﻭﺀ ﻭﺑﻠﺸﺖ ﻧﻬﻰ ﺑﺎﻟﺼﺮﻳﺦ .. ﻋﺮﻓﺖ ﺻﺎﺭ ﻭﻗﺖ ﻭﻻﺩﺗﻬﻪ ﺭﻛﻀﺖ ﻟﺠﻨﻄﺔ ﺍﻟﻄﻔﻞ ﺟﺒﺘﻬﻪ ﻭﻟﺒﺴﺘﻬﻪ ﻣﻼﺑﺲ ﺳﺘﺮﺗﻬﺎ ﻭﺭﻛﻀﻨﻪ ﺑﻴﻬﻪ ﻟﻠﻤﺴﺘﺸﻔﻰ ﺍﻧﻲ ﻭﻭﻟﻴﺪ .
ﻣﻨﺎﻙ ﺧﺎﺑﺮﻧﻪ ﺍﻫﻠﻲ ﺍﺟﻪ ﺍﺳﻤﺎﻋﻴﻞ .. ﻭﻭﻟﻴﺪ ﺧﺎﺑﺮ ﺍﻫﻠﻪ ﺷﻔﺖ ﺍﻡ ﻣﺎﻫﺮ ﺩﺧﻠﺖ ﻭﺍﻧﺨﻤﺶ ﻛﻠﺒﻲ ﻣﺘﻮﻗﻌﻪ ﺍﻟﻮﺭﺍﻫﻪ ﻣﻨﻮ ..
ﺩﺧﻠﺖ ﻭﻫﻮَ ﻭﺭﺍﻫﻪ .. ﺍﻧﻲ ﻣﻦ ﺍﺑﺎﻭﻉ ﻋﻠﻴﻬﻪ ﺻﺎﺭﺕ ﻋﻴﻨﻲ ﻭﺭﺍﻫﻪ ﻭﺍﺟﺖ ﻋﻴﻨﻲ ﺑﻌﻴﻨﻪ ﺭﺟﻒ ﺟﺴﻤﻲ .. ﺧﺰﺭﻧﻲ ﺑﻐﻀﺐ ﻭﺩﺍﺭ ﻭﺟﻬﻪ ﺑﺴﺮﻋﻪ .
ﺗﻮﺗﺮﺕ ﻭﻋﺮﮔﺖ ﻛﺼﺘﻲ .. ﺑﺲ ﻭﺟﻮﺩﻱ ﻭﻳﺎﻩ ﺑﻨﻔﺲ ﺍﻟﻤﻜﺎﻥ ﻳﺴﻮﻳﻠﻲ ﺍﺭﻫﺎﻕ .
ﻇﻠﻴﻨﻪ ﺑﺎﻟﻤﻤﺮﺍﺕ ﻟﻤﺎ ﺗﺠﻴﺐ .. ﺍﺳﻤﺎﻋﻴﻞ ﺭﺍﺡ ﻭﻱ ﻭﻟﻴﺪ ﻋﻠﻤﻮﺩ ﻳﻜﻤﻞ ﺍﻻﺟﺮﺍﺀﺍﺕ .
ﺑﻘﻴﺖ ﻭﺍﮔﻔﻪ ﺑﻤﻜﺎﻧﻲ ﻭﻣﺪﻧﮕﻪ ﺍﺑﺎﻭﻉ ﻋﻠﻰ ﺭﺟﻠﻴﻪ .. ﺣﺴﻴﺖ ﺧﻴﺎﻝ ﻳﻤﻲ ﻭﮔﻒ .
ﻣﺎﺭﻓﻌﺖ ﺭﺍﺳﻲ .. ﺑﺲ ﺑﺤﺮﻛﻪ ﺳﺮﻳﻌﻪ ﺍﻳﺪﻱ ﺍﻧﺴﺤﺒﺖ ﺑﻘﻮﻩ ﻭﺭﺟﻠﻴﻪ ﺗﻤﺸﻲ ﺭﻛﺾ ﺑﺤﺮﻛﻪ ﻣﻦ ﻋﻨﺪﻩ !
ﻳﺘﺒﻊ ..
ﻋـﺒـﺮﺍﺕ ﺍﻟـﻌـﺒﺎﺩﻱ 🌼🌻
ﺍﻟﺒﺎﺭﺕ ﺑﺪﻭﻥ ﺗﻌﺪﻳﻞ ﻻﻥ ﻣﺴﺘﻌﺠﻠﻪ .. ﻳﻮﻣﻴﻪ ﻫﻴﺞ ﻭﻗﺖ ﻣﻌﺪﻟﻪ ﺍﻟﺒﺎﺭﺕ ﻭﻣﺨﻠﺼﺘﻪ ﻣﻦ ﻋﺼﺮ ﺑﺲ ﺍﻟﻴﻮﻡ ﻉ ﺍﻟﻔﺸﻠﻪ ﺍﻟﻲ ﺑﺎﻟﺒﺎﺭﺕ ﻛﻠﺴﺎﻉ ﺍﺗﻬﺮﺏ ﻣﻨﻪ ﻭﺍﻛﻮﻝ ﺑﻌﺪﻳﻦ ﺍﻛﺘﺒﻪ ﻟﻤﺎ ﺍﻧﻠﺰﻣﺖ ﻭﺣﺎﺻﺮﻧﻲ ﺍﻟﻮﻗﺖ 🙊