هشاشة قلب

بارت تصبيرة

#بااااااارت_تصبيره
بارت الفوز

ﺍﻟـﺴـﻼﻡُ ﻋـﻠـﻴـﻜـﻢ 🌼🌻
#ﻫﺸﺎﺷﺔ__ﻗﻠﺐ
ﺑـﺎﺭﺕ _ ﺗﺼﺒﻴﺮﻩ
ﺍﻟﻜﺎﺗﺒﻪ _ ﺍﻟﻌﺒﺎﺩﻳﻪ
alabadyia_09
ﺷﺮﺍﻳـﻴـﻦُ ﻣﻌﺼـﻤـﻬﺎ ،
ڪـ ﺑَﺮﻕٍ ﻓﻲ ﺻﺪﺭِ ﻏـﻴﻤـﺔٍ ﺑﻴﻀﺎﺀ ،
ڪـ ﻋُﻨﻘﻮﺩِ ﻋِﻨﺐ ﺳُﺮِﻗَـﺖ ﺣﺒّـﺎﺗُـﻪ .
~~~~~~~~~~~~~~~~~~~~~~~~~~~~~
ﺛُﺮﻯٰ . . .
ﺣﻄﻴﺖ ﺭﺟﻠﻲ ﻳﻢ ﺍﻟﺠﺮﻑ ﻭﻇﻠﻴﺖ ﺃﺗﻤﺸﻪ ﺷﻮﻳﻪ ﺷﻮﻳﻪ .. ﻭﺻﻞ ﺍﻟﻤﺎﻱ ﻟﺒﻄﻨﻲ ﻇﻠﻴﺖ ﺍﻣﺸﻲ ﻭﺫﻧﻲ ﻣﺎﻳﺪﺭﻥ ﻣﻠﺘﻬﻴﺎﺕ ﻳﻠﻤﻦ ﻣﺤﺎﺭ
ﺃﺷﻮ ﺷﻮﻳﻪ ﻭﺍﺣﺲ ﺭﻭﺣﻲ ﻏﺮﮔﺖ .. ﺍﻟﻤﺎﻱ ﻭﺻﻞ ﻟﺮﺍﺳﻲ ﻇﻠﻴﺖ ﺍﺷﮕﻒ ﻭﺍﺻﻴﺢ
- ﻳﺒﺎﺍﺍﺍﻱ ﺍﻟﺤﻜﻮﻭﻭﻟﻲ
ﻇﻠﻴﺖ ﺍﺷﺎﮔﻒ ﺑﺈﻳﺪﻳﻪ ﻭﺍﻟﻤﺎﻱ ﻛﻠﺴﺎﻉ ﻳﺎﺧﺬﻧﻲ ﺑﺠﻬﻪ .. ﻭﺟﻬﻲ ﺍﻧﺘﺮﺱ ﻣﺎﻱ ﻭﺇﺧﺘﻨﮕﺖ ﺍﻃﻠّﻊ ﺭﺍﺳﻲ ﺷﻮﻳﻪ ﺃﺻﻴﺢ ﺑﻌﻠﻮ ﺻﻮﺗﻲ ﻭﺍﺭﺟﻊ ﺃﻏﻂ .
ﺫﻧﻲ ﺍﻟﺒﻨﺎﺕ ﺧﺎﻳﻔﺎﺕ ﻳﺪﺧﻠﻦ ﻻﻥ ﺍﻟﻐﺮﮔﺎﻥ ﻳﻐﺮّﮒ ﺍﻟﻴﻨﻘﺬﻩ ﻭﻳﺎﻩ .
ﺁﺧﺮ ﺷﻲ ﺩﺧﻠﻠﻲ ﺍﺛﻨﻴﻨﻬﻦ ﻭﻫﻨﻪ ﺿﺨﻤﺎﺕ ﺭﻏﻢ ﺻﻐﺮ ﻋﻤﺮﻫﻦ .. ﻟﺰﻣﻨّﻲ ﻛﻞ ﻭﺣﺪﻩ ﻣﻦ ﺟﻬﻪ ﻭﻃﻠﻌﻨّﻲ .
ﺣﻄﻨّﻲ ﻋﻠﻰ ﺍﻟﺼﺒّﻪ ﻗﺮﻳﺒﻪ ﻉ ﺍﻟﺸﻂ ﻇﻠﻴﺖ ﺍﺷﻬﮓ ﺍﺭﻳﺪ ﺍﻟﻬﻮﻯٰ ﻳﺪﺧﻞ ﺑﺮﺋﺎﺗﻲ ﺍﺧﺘﻨﮕﺖ ﺃﺣﺲ ﻣﺎﻛﻮ ﻫﻮﻯٰ .
ﻇﻠﻴﺖ ﺃﺭﺟﻒ ﺍﻟﻤﺎﻱ ﺑﺎﺭﺩ ﻭﺍﻧﻲ ﻻﺑﺴﻪ ﺩﺷﺪﺍﺷﻪ ﻛﻮﺩﺭﻱ ﻋﺮﻳﻀﻪ ﺍﻡ ﺍﻟﺰﺧﻤﺘﻴﻦ ﻣﻦ ﺍﻟﻤﺮﻩ ﻭﺷﺎﻟﻲ ﻣﺎﺍﺩﺭﻱ ﺑﻴﻪ ﻭﻳﻦ .
ﺷﻮﻳﻪ ﻭﻛﻠﻬﻪ ﺇﻟﺘﻤﺖ ﻋﻠﻴﻪ ﺯﻟﻢ ﻭﻧﺴﻮﺍﻥ .. ﻣﺎﻫﺮ ﺗﺨﺒﻞ ﻇﻞ ﻳﺼﻴﺢ
ﻣﺎﻫﺮ .. ﻋﺒﺎﺍﺍﻳﻪ ﺟﻴﺒﻮﻭ ﻋﺒﺎﺍﻳﻪ ﺷﺒﻴﺠﻦ ﻭﺍﻛﻜﻔﺎﺍﺕ
ﻛﻠﻬﻪ ﺗﺮﻳﺪ ﺗﺸﻮﻑ ﻋﺒﺎﻟﻚ ﺳﻴﻨﻤﺎ ﺍﻧﻔﺘﺤﺖ ﻣﻘﺎﺑﻴﻠﻬﻢ .. ﺍﻧﻲ ﺣﺎﻝ ﺍﻟﻀﻴﻢ ﺣﺎﻟﻲ ﻭﺫﻭﻟﻪ ﻣﻠﺘﻤﻴﻦ ﻋﻠﻴﻪ
ﻣﺎﻫﺮ .. ﻳﺎﺟﻤﺎﻋﻪ ﺷﻮﻳﻪ ﺍﻟﺒﻨﻴﻪ ﻣﺎﻣﺴﺘﺮﻩ
ﺭﺍﺣﻮ ﺍﻫﻞ ﺍﻟﮕﺎﻉ ﺍﻟﭽﺎﻧﻮ ﻳﺸﺘﻐﻠﻮﻥ ﺑﺎﻟﺒﺴﺘﺎﻥ ﻭﻭﻟﺪ ﺍﺑﻮ ﺍﻟﺒﻴﺖ ﻭﺍﻟﻨﺴﻮﺍﻥ ﻫﻢ ﺭﺍﺣﻦ .
ﺍﻣﻲ ﺟﺎﻧﺖ ﻻﺑﺴﻪ ﻋﺒﺎﻳﻪ ﺳﺤﺒﻬﻪ ﻣﻦ ﻋﺪﻫﻪ ﻭﺭﻛﺾ ﻟﻔﻨﻲ ﺑﻴﻬﻪ ﻭﺗﻘﺮﺏ ﻳﻤﻲ ﻣﺜﻨﻲ ﻋﻠﻰ ﺭﻛﺒﻪ ﻭﻳﺒﺎﻭﻋﻠﻲ ﻗﻠﻘﺎﻥ
- ﺛُﺮﻯٰ ﺍﺧﺬﻱ ﺷﻬﻴﻖ ﻭﺯﻓﻴﺮ ﺑﻬﺪﺩﻭﺀ ﻣﻮ ﺳﺮﻳﻊ
ﺳﻮﻳﺖ ﺍﻟﮕﺎﻝ ﻋﻠﻴﻪ ﻭﺃﺣﺎﻭﻝ ﺍﺗﻨﻔﺲ .. ﻭﻣﻼﺑﺴﻲ ﻣﻨﮕﻌﻪ ﺷﻮﺭﻃﻨﻲ ﻭﻃﺒﻴﺖ .. ﺑﺲ ﻏﻴﺮ ﺍﻟﻤﻨﻈﺮ ﻣﺎﻝ ﺍﻟﺸﻂ ﺳﻮﺍﻟﻲ ﺇﻏﺮﺍﺀ ﻣﻦ ﺷﻔﺘﻪ ﺷﻠﻮﻥ ﺣﻠﻮ ﻭﻫﺎﺩﺉ ﺍﺧﺬﻧﻲ ﺍﻟﻮﺍﻫﺲ .
ﺍﺳﺘﻘﺮﺕ ﺃﻧﻔﺎﺳﻲ ﻭﻫﺪﺃﺕ . ﺷﻮﻳﻪ ﻭﺣﺴﻴﺖ ﺇﻳﺪﻱ ﺇﻧﺸﻨﻄﺖ ﻣﻦ ﺍﻟﺴﺤﺒﻪ . ﻫﺴﻪ ﻣﺎﻫﺮ ﺑﻠﺶ ﻭﻗﺖ ﺍﻟﺠﺪ
ﺳﺤﺒﻨﻲ ﻣﻦ ﺇﻳﺪﻳﻪ ﺑﻘﻮﻩ ﻭﻭﮔﻔﻨﻲ .. ﺑﺎﻭﻋﺘﻠﻪ ﻣﺎﻳﺒﺎﻭﻉ ﺑﻴﻪ ﻭﻋﺎﮔﺪ ﺣﻮﺍﺟﺒﻪ ﻭﻭﺟﻬﻪ ﺻﺎﻳﺮ ﻧﺎﺭ .
- ﺻﻮﭼﻲ ﻭﺍﻟﻠﻪ ﺻﻮﭼﻲ ﻫﻮَ ﺍﻧﺖِ ﻣﺎﻝ ﻭﻧﺴﻪ ﺇﺫﺍ ﻣﺘﻄﻠﻌﻴﻦ ﻣﻴﺔ ﻛﺎﺭﺛﻪ ﻣﺘﺮﺗﺎﺣﻴﻦ
- ﺁﻱ ﺇﻳﺪﺩﺩﻱ
ﺳﺤﺒﻨﻲ ﻗﻮﻱ ﻭﻣﺸﻪ ﺑﻴﻪ ﺑﺎﻟﺒﺴﺘﺎﻥ ﻳﺠﺮ ﺑﻴﻪ .. ﻭﺻﻠﻨﻲ ﻟﺒﺎﺏ ﺍﻟﺒﻴﺖ ﻭﺩﻓﻌﻨﻲ...بيج قصص عراقيه حقيقيه من واقعنا.روعه الطائي
- ﺍﺩﺧﻠﻲ ﺑﺪﺩﻟﻲ ﻣﻼﺑﺴﺞ ﺑﺴﺮﻋﻪ ﻭﺗﺤﻀﺮﻭﺍ ﺩﻧﺮﻭﺡ
- ﻭﻳﻦ ﻧﺮﻭﺡ ﻏﻴﺮ ﻛﻠﺖ ﻧﺒﻘﻪ
ﻋﺎﻁ ﺑﺼﻮﺕ ﻓﺰﺯﻧﻲ
- ﻧﻔﺬﺫﺫﺫﺫﻱ ﺑﺴﺴﺮﺭﺭﻋﻪ
ﻋﻮﺟﺖ ﺷﻔﺘﻲ ﻭﺩﺧﻠﺖ ﻟﻠﺒﻴﺖ ﺍﺧﺬﺕ ﻣﻼﺑﺴﻲ ﻭﺭﺣﺖ ﻟﻠﺤﻤﺎﻡ ﺳﺒﺤﺖ ﻭﺑﺪﻟﺖ .
ﻃﻠﻌﺖ ﮔﺘﻠﻬﻢ ﻳﺤﻀﺮﻭﻥ ﺭﻭﺍﺣﻬﻢ
ﻣﺮﻭﻩ .. ﻛﻠﻪ ﻣﻦ ﻭﺭﺍﭺ ﻃﻔﮕﺘﭻ ﻭﻳﻦ ﺗﻮﺻﻞ ﺑﻌﺪ ﻟﻮﻳﻦ
- ﺍﻧﻲ ﺷﻌﻠﻴﻪ
ﻣﺮﻭﻩ .. ﻻﺯﻡ ﺟﺪﻱ ﭼﺎﻥ ﺑﺎﻟﺸﻂ
- ﻫﺴﻪ ﺷﺴﻮﻳﺖ ﺍﺷﺘﻬﻴﺖ ﺍﺳﺒﺢ ﻭﺳﺒﺤﺖ
ﻣﺮﻭﻩ .. ﻭﻏﺮﮔﺘﻲ ﻫﻢ ﻫﺎﻱ ﻏﻴﺮ ﺍﻟﺮﺯﺍﻟﻪ ﺍﻟﻤﻨﺘﻈﺮﺗﺞ ﻣﻦ ﻣﺎﻫﺮ
ﻧﻬﻰ .. ﻣﺎﺻﺪﮔﻨﻪ ﺳﻜﺖ ﻋﻠﻰ ﻃﻠﻌﺘﺠﻦ ﺍﻟﻈﻬﺮ ﻫﺴﻪ ﺯﻭﺩﺗﻴﻬﻪ ﺑﻬﺎﻱ ﺳﺎﻟﻔﺘﺞ
- ﺷﻮ ﺍﺳﻜﺘﻦ ﻋﻨﻲ
ﻣﺮﻭﻩ .. ﺍﻟﺤﻘﻴﻘﻪ ﻣﺮّﻩ
ﺇﺗﺼﻠﺖ ﻋﻠﻴﻪ ﻋﻠﻤﻮﺩ ﺍﺷﻮﻑ ﻧﻄﻠﻊ ﻟﻮ ﻻ ..
ﻇﻞ ﺷﻜﺪ ﻳﺘﺼﻞ ﻭﻣﺎﺭﺩ .. ﺁﺧﺮ ﺷﻲ ﺍﻧﻄﺎﻧﻲ ﺭﻓﺾ ﻭﺩﮒ ﻣﻮﺑﺎﻳﻞ ﻧﻬﻰ !
- ﻣﻨﻮ ﻳﺘﺼﻞ ﺑﻴﺞ؟
ﻧﻬﻰ .. ﻣﺎﻫﺮ !
- ﻣﺎﻫﺮ ؟ ! ﺟﺎﻱ ﺍﺗﺼﻞ ﻋﻠﻴﻪ ﺟﺎ ﻟﻴﺶ ﻣﺎﻳﺠﺎﻭﺏ
ﻧﻬﻰ .. ﺧﻴﻪ ﺍﻧﺖِ ﺗﻌﺮﻓﻴﻬﻪ ﻭﺗﺤﺮﻓﻴﻬﻪ .. ﺗﺮﻳﺪﻳﻨﻪ ﻳﺠﺎﻭﺏ ﻋﻠﻴﺞ ﻭﺍﻧﺖِ ﺗﻮﺝ ﻃﺎﻟﻌﻪ ﻣﻦ ﺍﻟﺸﻂ ﺣﺎﻟﺞ ﺣﺎﻝ ﺍﻟﻤﺼﻠﺨﻪ ﻣﺎﻛﻮ ﻓﺮﻕ
ﺳﻜﺘﺖ ﻭﻏﻠﻘﺖ ﻣﻮﺑﺎﻳﻠﻲ ﺧﺎﻑ ﻳﺘﺼﻞ ﺣﺘﻰ ﻫﻢ ﻳﻠﮕﺎﻩ ﻣﻐﻠﻖ ﭼﺎ ﺑﺲ ﻫﻮَ ﻣﺎﻳﺘﺼﻞ ﻋﻠﻴﻪ ﻳﺘﺼﻞ ﻋﻠﻰ ﻧﻬﻰ ﻋﻮﺩ ﺯﻋﻼﻥ .
ﺭﺣﺖ ﻟﻤﻮﺝ ﮔﺘﻠﻬﻪ ﺃﺗﺼﻠﻲ ﻋﻠﻰ ﻣﺎﻫﺮ ﻭﮔﻠﻴﻠﻪ ﺛُﺮﻯٰ ﺗﺨﺮﺑﻄﺖ . ﻭﻫﺎﻱ ﻇﻠﺖ ﺗﺘﻌﺰﺯ
ﻣﻮﺝ .. ﻣﺎﺍﺗﺼﻞ
- ﻳﺨﺘﻲ ﺃﻡ ﺍﻟﻐﻴﺮﻩ ﺗﺼﻴﺮﻳﻦ ﻭﺍﺳﻄﺔ ﺧﻴﺮ ﺑﻴﻦ ﺇﺛﻨﻴﻦ ﻣﺎﻫﺮ ﻳﺮﻳﺪ ﻳﻄﺒﻖ ﻋﻘﻮﺑﺎﺗﻪ ﺍﺫﺍ ﻣﻮ ﻣﻮﻗﻒ ﻗﻮﻱ ﻳﺨﻠﻴﻪ ﻳﻐﻔﺮ
ﻣﻮﺝ .. ﻻ ﻋﻴﻮﻧﻲ ﻣﺎﺍﺭﻳﺪ
- ﺷﻜﺪ ﺧﺒﻴﺜﻪ ﺩﺗﺼﻠﻲ
ﻣﻮﺝ .. ﻻ ﺧﻠﻴﻪ ﻳﻌﺎﻗﺒﺞ ﺑﻠﻜﻲ ﺗﻨﺘﻬﻴﻦ ﻣﻦ ﺗﺼﺮﻓﺎﺗﺞ
- ﺩﺭﻭﺣﻲ ﺍﻧﻲ ﺃﺻﺎﻟﺤﻪ ﺑﻄﺮﻳﻘﺘﻲ ﻭﮔﻮﻟﻲ ﻫﺎﻱ ﻣﺎﻛﺎﻟﺖ
ﻣﻮﺝ .. ﺍﻱ ﺭﻭﺣﻲ ﺻﺎﻟﺤﻴﻪ ﺑﻄﺮﻳﻘﺘﺞ ﻟﻌﺪ ﺍﻟﻤﻦ ﺟﺎﻳﻪ ﻋﻠﻴﻪ
ﻟﻤﻴﻨﻪ ﭼﻮﺍﻻﺗﻨﻪ ﻭﺭﺟﻌﻨﻪ .. ﺭﺩﺕ ﺃﺻﻌﺪ ﺑﺴﻴﺎﺭﺗﻪ ﺃﺷﺮﻟﻲ ﻭﺍﻟﺤﻮﺍﺟﺐ ﻧﻔﺲ ﺍﻟﻌﮕﺪﻩ ﻭﻣﺎﻳﺒﺎﻭﻋﻠﻲ ﻳﺒﺎﻭﻉ ﻟﻮ ﻭﺭﺍﻱ ﻟﻮ ﻳﺪﻧﮓ ﻳﻘﻴﺲ ﺑﺄﻇﺎﻓﺮﻩ ﻣﺪﺭﻱ ﻳﺘﺄﻣﻠﻬﻦ .
ﻣﺎﻫﺮ .. ﺛُﺮﻳﺎ ﺭﻭﺣﻲ ﻭﻱ ﻭﻟﻴﺪ ﻭﺧﻠﻲ ﻣﺮﻭﻩ ﺗﺠﻲ ﻫﻨﺎ !
ﻏﻠﺴﺖ ﻻﻥ ﺻﺎﺣﻠﻲ ﺛُﺮﻳﺎ .. ﻓﺘﺤﺖ ﺍﻟﺒﺎﺏ ﺭﺩﺕ ﺃﺻﻌﺪ .. ﻟﺰﻡ ﺍﻟﺒﺎﺏ ﻣﻦ ﻓﻮﮒ ﻭﺧﺰﺭﻧﻲ ﻫﻤﺲ ﺑﻌﺼﺒﻴﻪ
- ﻣﻮ ﺩﺍﺣﺠﻲ ﻭﻳﺎﺝ ﺍﻧﻲ ﻟﻮ ﻻ
- ﻻ .. ﻣﺎﺍﻧﺠﺎﺏ ﺇﺳﻤﻲ ﺑﺎﻟﻄﺎﺭﻱ ﺣﺘﻰ ﺍﻧﻔﺬ
- ﻻ ﮔﺘﻠﺞ ﺑﺈﺳﻤﺞ
- ﻻ ﻏﻠﻄﺎﻥ ﺷﻮﻑ ﺷﮕﻠﺖ
ﻫﻤﺲ ﺑﻐﻀﺐ ﻣﻜﺘﻮﻡ ﻭﻳﻀﻐﻂ ﻋﻠﻰ ﺃﺳﻨﺎﻧﻪ
- ﺛُﺮﺭﺭﻳﻴﻴﺎﺍﺍ ﺭﻭﻭﺣﻲ
- ﻣﻮ ﺍﺳﻤﻲ ﻫﺬﺍﺍﺍﺍ ﻣﻮ ﺍﺳﻤﻤﻴﻲ
ﺍﺳﻤﺎﻋﻴﻞ .. ﻣﺎﻫﺮ ﻳﻼ ﻳﺨﻮﻱ ﺗﺄﺧﺮﻧﻪ
ﺑﺎﻭﻉ ﻋﻠﻴﻪ ﻭﺭﺟﻊ ﺑﺎﻭﻉ ﻋﻠﻴﻪ ﻳﺨﺰﺭ ﺑﻴﻪ
- ﺷﻠﻮﻥ ﺑﻠﻪ ﻳﻌﻨﻲ ﺍﻻ ﺍﺳﺤﺒﭻ ﻳﻼ ﺗﻤﺸﻴﻦ .. ﺭﻭﺣﻲ ﻟﺨﺎﻃﺮ ﺍﻟﻠﻪ
ﺑﺎﻭﻋﺘﻠﻪ ﺑﻐﻀﺐ ﻭﺳﺪﻳﺖ ﺍﻟﺒﺎﺏ ﻣﺎﻝ ﺍﻟﺴﻴﺎﺭﻩ ﺑﺲ ﻣﺎﺍﻧﺴﺪ ﻻﻥ ﺻﻴﺤﺘﻪ ﻓﺰﺯﺗﻨﻲ ﺧﻠﺖ ﮔﻠﺒﻲ ﻳﻄﻔﺮ
- ﺍﺧﺨﺨﺦ
ﺑﺴﺮﻋﻪ ﺳﺤﺐ ﺍﻟﺒﺎﺏ ﺑﺈﻳﺪﻩ ﻭﻃﻠّﻊ ﺇﻳﺪﻩ ﻣﻦ ﺟﻮﻩ ﺑﺎﺏ ﺍﻟﺴﻴﺎﺭﻩ .. ﺃﺛﺎﺭﻱ ﺍﻧﻄﺒﮓ ﻋﻠﻰ ﺃﺻﺎﺑﻌﻪ
ﻋﻔﺲ ﻭﺟﻬﻬﻪ ﻭﻋﺼﺮ ﻋﻴﻮﻧﻪ ﺣﻴﻞ ﻣﺘﺄﻟﻢ ﻭﻗﺎﺑﺾ ﺷﻔﺘﻪ .
ﻇﻞ ﻳﺤﺮﻙ ﺑﺈﻳﺪﻩ ﻭﻳﻔﺘﺢ ﺑﻌﻴﻮﻧﻪ ﺣﻴﻞ...بيج قصص عراقيه حقيقيه من واقعنا.روعه الطائي
ﺭﻛﻀﺖ ﻋﻠﻴﻪ ﻣﻦ ﺷﻔﺖ ﺃﺻﺎﺑﻌﻪ ﺻﺎﺭﻥ ﺯﺭﮒ ﻭﻃﻠﻊ ﺩﻡ ﻗﻠﻴﻞ
- ﻣﺎﻫﺮﺭﺭ ﺇﻳﺪﻙ
- ﺗﺮﻳﺪﻳﻦ ﺗﻨﺘﻘﻤﻴﻦ ﻣﻨﻲ ﻣﻮ
- ﻻ ﻭﺍﻟﻠﻪ ﻻ ﻣﺎﺍﺩﺭﻱ ﻫﻮَ ﺍﻧﺖَ ﻭﻳﻦ ﻣﺨﻠﻲ ﺇﻳﺪﻙ
- ﺗﻌﺮﻓﻴﻦ ﻣﺨﻠﻴﻬﻪ ﻉ ﺍﻟﺒﺎﺏ ﻟﻌﺪ ﻭﻳﻦ
- ﻋﺒﺎﻟﻲ ﺣﺎﻃﻬﻪ ﻟﻔﻮﮒ ﻳﻌﻨﻲ ﻣﻦ ﺍﻃﺒﮕﻪ ﻣﺎﻳﻨﻄﺒﻜﻦ
- ﺭﻭﻭﺣﻲ ﻟﻠﺴﻴﺎﺭﻩ
- ﻣﺎﺍﺭﻳﺪ ﺧﻞ ﺍﺷﻮﻑ ﺍﺻﺎﺑﻌﻚ
- ﺭﻭﻭﺣﺤﺤﻲ
ﻏﻨﺪﺑﺖ ﻭﺟﻬﻲ ﺑﺲ ﻣﺎﻓﺎﺩ
ﺧﻠﻴﺖ ﻭﺭﺣﺖ ﻟﺴﻴﺎﺭﺓ ﻭﻟﻴﺪ ﻭﻧﻬﻰ ﺑﻌﺪﻫﻪ ﺑﺎﻟﺠﺮﺟﺮﻩ ﺗﺠﻴﺐ ﺩﻫﻦ ﺣﺮ ﻭﻣﺪﺭﻱ ﺷﻨﻮ ﺍﻧﻄﻮﻫﻢ ﺍﻟﻨﺎﺱ ﻭﺑﻌﺪﻫﻪ ﻟﻬﺴﻪ ﻣﺎﺻﺎﻋﺪﻩ ﺍﺧﺬﺗﻬﻪ ﺍﻟﺴﻮﺍﻟﻒ ﻫﻲَ ﻭﺍﻣﻲ ﻭﺍﺣﻨﻪ ﻣﻨﺘﻈﺮﻳﻦ
ﻇﻠﻴﺖ ﺻﺎﻋﺪﻩ ﺑﺎﻟﺴﻴﺎﺭﻩ ﻳﻢ ﺍﻟﺠﺎﻣﻪ ﻭﺃﺑﺎﻭﻋﻠﻪ .. ﻃﻠﻊ ﻛﻠﻨﺲ ﻟﻒ ﺇﺻﺎﺑﻌﻪ ﻭﻃﻠّﻊ ﻣﻦ ﺍﻟﺠﻴﺐ ﻣﺎﻝ ﺍﻟﺴﻴﺎﺭﻩ ﺑﺎﻧﺪﺝ ﻟﻒ ﺇﻳﺪﻩ ﺑﻴﻬﻪ ﻣﺒﻴﻦ ﺗﺄﺫﻩ .
ﺍﺧﻴﺮﺍً ﺧﻠﺼﺖ ﺳﻮﺍﻟﻔﻬﻦ ﻭﺭﺟﻌﻨﻪ ﻃﻮﻝ ﺍﻟﻄﺮﻳﻖ ﻫﻮَ ﺳﻴﺎﺭﺗﻪ ﺍﻟﻤﺘﺼﺪﺭﻩ ﺃﻭﻝ ﻭﺣﺪﻩ ﻛﺪﺍﻣﻨﻪ ﻳﻤﺸﻲ ﻭﺍﻧﻲ ﺍﺧﺬﻧﻲ ﺍﻟﻮﺍﻫﺲ ﻋﻠﻰ ﻭﻟﻴﺪ
- ﻭﻟﻴﺪ ﺧﻞ ﻧﺴﺒﻘﻬﻢ
ﻭﻟﻴﺪﺩ . ﻣﻴﻘﺒﻞ ﻋﻤﻲ ﻳﺨﺎﻑ ﻋﻠﻴﻨﻪ
- ﻟﻴﺶ
ﻭﻟﻴﺪ .. ﺧﺎﻑ ﺧﻄﺮ ﻓﺪ ﺷﻲ ﻫﻮَ ﻳﺤﺬﺭﻧﻪ ﻭﻳﻨﻄﻴﻨﻪ ﺍﻻﺷﺎﺭﻩ
- ﻳﺎﺍ ﻣﺨﻠﻴﻨﻪ ﺗﺠﺮﺑﻪ ﺷﻨﻮ ﺍﻃﻠﻊ ﺍﻃﻠﻊ ﻋﻠﻴﻚ ﺍﻟﻠﻪ
ﻭﻟﻴﺪ .. ﻫﻬﻪ ﺧﻮﺵ ﻓﻜﺮﻩ ﺧﻞ ﻧﺘﻮﻧﺲ
ﻃﻠﻌﻪ ﻭﻟﻴﺪ ﻭﺃﺷﺮﻟﻪ ﺑﺈﻳﺪﻩ ﻋﻮﺩ ﺑﻴﺒﺎﻱ ﻭﻳﻀﺤﻚ .. ﻫﻮَ ﺧﺰﺭﻩ ﻭﺃﺷﺮﻟﻪ ﻳﺮﺟﻊ ﺑﺲ ﺍﺣﻨﻪ ﻭﺭﺍﻩ ﻧﺼﻴﺢ ﺍﺳﺒﻘﻪ ﺣﺘﻰ ﻧﻬﻰ ﻭﻳﺎﻧﻪ ﻭﺣﺴﻮﻧﻲ ﻳﻜﻤﺰ ﻣﻜﻴﻒ
ﺭﺃﺳﺎً ﺃﺗﺼﻞ ﻣﻮﺑﺎﻳﻠﻪ ﺭﻓﻌﻪ ﻳﺸﻮﻓﻨﻪ ﻭﺿﺤﻚ
ﻭﻟﻴﺪ .. ﻫﻬﻬﻪ ﻫﺬﺍ ﻋﻤﻲ ﻣﺎﻫﺮ
ﻧﻬﻰ .. ﮔﻠﻪ ﺍﺫﺍ ﺑﻴﻬﻢ ﺧﻴﺮ ﻳﺴﺒﻘﻮﻧﻪ
ﺟﺎﻭﺑﻪ ﻭﺻﻮﺗﻪ ﻃﺎﻟﻊ ﻋﺎﻁ ﺑﻴﻪ
- ﻭﻭﻟﻴﺪﺩ ﺍﻭﮔﻒ ﺑﺴﺮﻋﻪ
ﻭﻟﻴﺪ .. ﻫﻬﻬﻪ ﻣﺎﻧﺮﺟﻊ ﺑﻌﺪ ﺳﺒﻘﻨﺎﻛﻢ
- ﻭﻟﻴﻴﺪﺩﺩ
ﺍﻧﻲ ﻋﻴﻦ ﻭﻋﻤﺎﺩ ﺻﺤﺖ
- ﻳﻼ ﻭﻟﻴﺪ ﺍﻣﺸﻲ ﺳﺮﻳﻊ ﺷﻮﻳﻪ
ﺳﺪﻩ ﻣﻦ ﻋﻨﺪﻩ ﻭﻇﻞ ﻳﻤﺸﻲ ﻣﺎﻭﮔﻔﻨﻪ .. ﻟﺤﻈﺎﺕ ﻭﺳﻴﺎﺭﺗﻪ ﻭﺻﻠﺖ ﻳﻤﻨﻪ ﺍﻧﻲ ﺃﺑﺎﻭﻋﻠﻪ ﺭﺍﻓﻌﻪ ﺣﺎﺟﺒﻲ ﻭﺍﺗﺸﻤﺖ ﻭﻫﻮَ ﻳﻀﺤﻚ ﺑﺄﺳﺘﻬﺰﺍﺀ . ﺭﻓﻊ ﺣﻮﺍﺟﺒﻪ ﻳﺒﺎﻭﻋﻠﻲ ﻣﺴﺘﻬﺰﺃ ﻭﻫﺰ ﺇﻳﺪﻩ ﻭﺳﺎﻕ ﺳﺮﻳﻊ ﺭﺃﺳﺎً ﺭﺟﻊ ﺗﺼﺪﺭ ﺍﻟﺴﻴﺎﺭﺍﺕ .
ﺧﺎﺑﺮ ﻭﻟﻴﺪ ﻭﺻﻮﺗﻪ ﻋﺼﺒﻲ ﺍﻧﻲ ﻛﺎﻋﺪﻩ ﻭﺭﻩ ﻭﻟﻴﺪ ﻭﺍﺳﻤﻊ ﻛﻠﺸﻲ .. ﺍﻭﻝ ﻣﺎﺟﺎﻭﺏ ﻭﻟﻴﺪ ﻋﺎﻁ ﺑﻴﻪ
- ﻃﺎﺡ ﺣﻈﻚ ﮔﺎﻋﺪ ﺗﻘﺸﻤﺮ ﺑﻴﻚ ﺛُﺮﻳﺎ .. ﺭﺟﺎﻝ ﺷﻄﻮﻟﻚ ﺻﺮﺕ ﻗﺸﻤﺮ ﻣﻦ ﺻﺪﮒ ﻃﺎﺡ ﺣﻈﻚ
ﻭﻟﻴﺪ ﻟﻬﻤﻂ ﺍﻟﺴﺎﻟﻔﻪ ﻭﻏﻴﺮﻫﻪ ﻻﻥ ﺣﻔﻈﺘﻬﻪ ﻫﺎﻱ ﺍﻟﺴﺎﻟﻔﻪ ﺍﺫﺍ ﻛﺎﻝ ﻛﻠﻤﺔ ‏( ﻃﺎﺡ ﺣﻈﻚ ‏) ﻋﻮﺩ ﻣﻌﺼﺐ ﺍﻟﻰ ﺁﻗﺼﻰ ﺩﺭﺟﻪ ﻋﻨﺪﻩ ﻫﺎﻱ ﺷﻜﺒﺮﺍﺗﻬﻪ ﻭﻏﻠﻄﻪ ﺍﻟﻬﻪ ﻣﻌﻨﻰ ﻫﺎﻟﻠﻪ .
ﻭﻟﻴﺪ .. ﻻ ﻻ ﻋﻤﻲ ﺑﻌﺪ ﺍﻧﺘﻮ ﺻﻴﺮﻭﺍ ﻃﻌﻢ ﻟﻠﺴﻼﺑﻪ
ﻇﻞ ﻳﻀﺤﻚ ﻭﻳﻠﻄﻒ ﺟﻮ ﻭﻳﺎﻩ ﺑﺲ ﻣﺎﻳﺪﺭﻱ ﺍﻧﻲ ﺳﻤﻌﺘﻪ ﺷﮕﺎﻝ . ﺛُﺮﻳﺎ ﻣﻮ ﺑﺴﻴﻄﻪ ﻣﺎﻫﺮ .
ﻭﺻﻠﻨﻪ ﻟﻠﺒﻴﺖ ﻭﺃﻣﻲ ﻟﺰﮔﺖ ﺍﻻ ﻳﺒﻘﻪ ﻳﻤﻨﻪ ﻫﻮَ ﻣﺎﺻﺪﮒ ﺑﻘﻪ ﻋﺪﻧﻪ ﻭﻇﻠﻮ ﺑﺎﻻﺳﺘﻘﺒﺎﻝ ﻳﺴﻮﻟﻔﻮﻥ ﻭﺍﺣﻨﻪ ﻧﺤﻀﺮ ﺑﺎﻟﻐﺪﻩ .
ﺟﻬﺰ ﺍﻟﻐﺪﻩ ﻭﻓﺮﺷﻨﻪ ﺍﻟﺴﻔﺮﻩ ﻛﻠﻨﻪ ﺗﻐﺪﻳﻨﻪ ﺳﻮﻳﻪ ﻭﺍﻧﻲ ﻣﺎﺍﺣﺐ ﺁﻛﻞ ﺟﻤﺎﻋﺎﺕ ﺍﺳﺘﺤﻲ ﺍﻇﻞ ﺍﻧﻘﺶ .
ﻇﻠﻴﺖ ﺁﻛﻞ ﻋﻠﻰ ﻛﻴﻒ ﻭﻫﻮَ ﻣﺎﺧﺬ ﺭﺍﺣﺘﻪ ﺍﺻﻼً ﺍﻟﺒﻴﺖ ﺑﻴﺘﻪ .. ﺇﺳﻤﺎﻋﻴﻞ ﻭﺇﺣﻨﻪ ﻛﺎﻋﺪﻳﻦ ﻧﺘﻐﺪﻩ ﻛﺎﻝ
- ﻳﻤﻪ ﺍﻧﻲ ﺭﺍﺡ ﺍﻗﺪﻡ ﺯﻭﺍﺟﻲ ﺑﻬﺎﻻﺷﻬﺮ ﺍﺗﺰﻭﺝ
- ﻳﺎ ﻳﻤﻪ ﺟﺎ ﻣﺎﺍﻛﻴﻒ ﻳﻮﻡ ﻣﺒﺎﺭﻙ ﻫﺬﺍ
ﻧﻬﻰ ﻧﺪﺳﺘﻨﻲ ﻭﻫﻤﺴﺘﻠﻲ
ﻧﻬﻰ .. ﻭﻟﺞ ﻣﻦ ﺭﺣﻨﻪ ﻟﻠﺪﻭﺍﻳﻪ ﺧﻮﺏ ﻣﺎ ﻇﻠﻮ ﻭﺣﺪﻫﻢ
- ﻣﻨﻮ ﻫﻤﻪ؟
ﻧﻬﻰ .. ﺟﺪﻱ ﻭﺑﻴﺒﻴﺘﻲ .. ﺛﻮﻝ ﺍﺳﻤﺎﻋﻴﻞ ﻭﻓﺪﻙ ﺟﺎ ﻳﺎﻫﻤﻪ
- ﺍﻭﻛﻔﻲ ﺧﻞ ﺍﺗﺬﻛﺮ
ﻇﻠﻴﺖ ﺍﺗﺬﻛﺮ ﻭﻃﻔﺮﺗﻠﻬﻪ
- ﺍﻱ ﻭﻟﺞ ﻇﻠﻮ ﺷﻔﺘﻬﻢ ﺑﺎﻟﻠﻴﻞ ﻳﺴﻮﻟﻔﻮﻥ ﻭﻛﺎﻋﺪﻳﻦ ﻉ ﺍﻟﺴﻮﺑﺎﻁ
ﻧﻬﻰ .. ﻫﻬﻬﻬﻲ ﻻ ﻫﺎﻱ ﻫﻴﻪ ﺍﻻﻣﺮ ﻣﻨﺘﻬﻲ..بيج قصص عراقيه حقيقيه من واقعنا.روعه الطائي
- ﺍﻱ ﺧﻞ ﻧﺤﻀﺮ ﻋﺮﺱ ﺍﺧﻴﺮﺍً
ﻇﻠﻴﺖ ﻛﺎﻋﺪﻩ ﺍﺑﺎﻭﻋﻠﻬﻢ ﺷﻠﻮﻥ ﻳﺎﻛﻠﻮﻥ ﺍﻭ ﺑﺎﻷﺣﺮﻯٰ ﺃﺑﺎﻭﻋﻠﻪ .
ﺭﻓﻊ ﺭﺍﺳﻪ ﻭﺩﻧﻚ ﻣﺎﻣﻨﺘﺒﻪ .. ﺭﺟﻊ ﺭﻓﻊ ﺭﺍﺳﻪ ﻣﻦ ﺷﺎﻓﻨﻲ ﺻﺎﻓﻨﻪ ﺑﻴﻪ .. ﺑﺎﻭﻋﻠﻲ ﺑﻌﺘﺐ ﻭﺭﺟﻊ ﻳﺎﻛﻞ
ﺍﻣﻲ ﻻﺣﻈﺘﻨﻲ ﻣﺎﺁﻛﻞ ﻛﺎﻟﺘﻠﻲ
- ﺛﺮﻳﺎ ﺷﻮ ﻣﺎﺗﻐﺪﻳﺘﻲ
- ﺷﺒﻌﺖ
ﺭﻓﻊ ﺭﺍﺳﻪ ﺑﺎﻭﻋﻠﻲ ﻭﻛﺎﻝ -:
- ﺍﻛﻠﻲ ﻳﺎﺑﻪ ﺇﻛﻠﻲ .. ﺇﻛﻞ ﺑﻀﺮﺳﻚ ﺗﻨﻔﻊ ﻧﻔﺴﻚ
ﻳﺎﺍ ﺫﻭﻟﻪ ﺷﻌﺪﻫﻢ ﻭﻱ ﻫﺎﻟﻤﺜﻞ ﻛﻠﺴﺎﻉ ﻣﺤﻮﺭﻳﻨﻪ ﻭﻫﻮَ ﺑﺎﻷﺻﻞ " ﺍﻟﻴﺎﻛﻞ ﺑﻀﺮﻳﺴﻪ ﻳﻨﻔﻊ ﻧﻔﺴﻪ " ﻟﻮ ﺇﻣﻪ ﺗﺸﻘﻠﺒﻪ ﻟﻮ ﻫﻮَ ﻣﺎﻃﻠﻊ ﻣﺜﻞ ﻫﺬﺍ .
ﺧﻠﺼﻨﻪ ﻏﺪﻩ ﻭﻟﻤﻠﻤﻨﻪ ﺍﻟﻤﻮﺍﻋﻴﻦ ﺭﺍﺡ ﻫﻮَ ﻏﺴﻞ ﻭﺍﻣﻲ ﻟﻄﺘﺸﺘﻠﻲ ﺍﻻ ﺗﻮﺩﻳﻠﻪ ﺍﻟﺨﺎﻭﻟﻲ .. ﺣﺪﻟﻲ ﺑﺪﻟﻲ .. ﻣﺎﻛﻮ ﺍﻻ ﺛﺮﻳﺎ ﺗﺮﻭﺡ ﺗﻮﺩﻱ ﺍﻟﺨﺎﻭﻟﻲ .
ﺍﺧﺬﺗﻪ ﻭﺭﺣﺖ ﻭﻛﻔﺖ ﻳﻤﻪ ﻟﻤﺎ ﻳﻜﻤﻞ ﺗﻐﺴﻴﻞ .. ﺭﻓﻊ ﺭﺍﺳﻪ ﺑﺎﻭﻋﻠﻲ
- ﺣﻤﺎﻳﻪ ﺷﻠﻘﻀﻴﻪ
- ﺳﻮﺍﻟﻒ ﺍﻣﻲ ﻫﺎﻱ
ﺩﺭﺕ ﻭﺟﻬﻲ ﻋﻨﻪ ﺧﺎﻑ ﻳﮕﻮﻝ ﻫﻲَ ﻻﺣﻜﺘﻨﻲ ﻋﻮﺩ ﺗﺮﻩ ﺍﻣﻲ ﻭﺩﺗﻨﻲ .
ﺳﺤﺒﻪ ﻣﻦ ﻋﻨﺪﻱ ﻭﻇﻞ ﻳﻨﺸﻒ ﻛﻤﻞ ﻭﺍﻧﻄﺎﻧﻴﺎﻩ .. ﺗﻘﺮﺏ ﻳﻤﻲ ﻭﻫﻤﺲ ﻳﻢ ﺇﺫﻧﻲ
- ﺳﺎﻣﻊ ﺍﻟﻴﺴﻮﻱ ﺳﺎﻟﻔﻪ ﺟﺒﻴﺮﻩ ﻳﺴﺘﺤﻲ ﻣﻦ ﺳﺎﻟﻔﺘﻪ ﻣﻮ ﻳﺤﭽﻲ ﺑﺜﻘﻪ ﻭﺻﻼﻓﻪ ﻋﻮﺩ ﻳﻤﺜﻞ ﺍﻧﻮ ﻣﻤﺴﻮﻱ ﺷﻲ
ﺍﺑﺘﻌﺪ ﻋﻨﻲ ﻭﺍﻧﻲ ﻭﺳﻌﺖ ﻋﻴﻮﻧﻲ ﺣﻴﻞ ﻭﻋﺮﻓﺖ ﻗﺼﺪﻩ ﻛﺘﻠﻪ
- ﻋﻮﺩ ﺍﻧﻲ ﺻﻠﻔﻪ !!
ﺭﻓﻊ ﺍﻛﺘﺎﻓﻪ ﻟﻸﻋﻠﻰ ﻭﻣﻂ ﺷﻔﺘﻪ ﻭﺣﻮﺍﺟﺒﻪ ﻋﻮﺩ ﻣﺎﺍﺩﺭﻱ .
ﺧﻠﻪ ﻭﺭﺍﺡ ﻭﺍﻧﻲ ﻇﻠﺖ ﺍﻟﺤﺠﺎﻳﻪ ﺗﺪﻙ ﺑﮕﻠﺒﻲ .. ﺍﻱ ﺍﻛﻴﺪ ﻗﺼﺪﻩ ﺍﻧﻲ ﺻﻠﻔﻪ .
ﻇﻠﻴﺖ ﺍﺗﺸﻌﻮﻁ ﻭﻛﻠﻤﺎ ﺍﺻﻔﻦ ﺗﺠﻲ ﺑﺒﺎﻟﻲ ﺍﻟﻜﻠﻤﻪ ﺣﺮﮔﻨﻲ ﺣﺮﮒ .
.
ﻣﺮﺕ 3 ﺃﻳﺎﻡ ﻭﻣﺎﻳﺤﭽﻲ ﻭﻳﺎﻱ ﻭﻻ ﺍﻧﻲ .. ﺍﻟﻴﻮﻡ ﺇﻧﺪﮒ ﺍﻟﺒﺎﺏ ﻣﺎﻟﺘﻨﻪ ﺭﺍﺡ ﺍﺳﻤﺎﻋﻴﻞ ﻓﺘﺤﻪ ﻭﺍﺟﻪ .
ﺩﺧﻠﺖ ﻓﺪﻙ ﺗﺒﭽﻲ ﻭﻋﻴﻮﻧﻬﻪ ﺣﻤﺮ . ﺑﺎﻭﻋﺖ ﺑﺈﺳﻤﺎﻋﻴﻞ ﻭﻛﺎﻟﺘﻠﻪ -:
ﻓﺪﻙ .. ﺇﺳﻤﺎﻋﻴﻞ ﻃﻠﮕﻨﻲ ﺍﺭﻳﺪ ﺍﻓﺼﺦ ﺍﻟﺨﻄﻮﺑﻪ !!
ﻳﺘﺒﻊ ..
ﻋـﺒـﺮﺍﺕ ﺍﻟـﻌـﺒـﺎﺩﻱ 🌼🌻