هشاشة قلب

تعويض💋

ﺍﻟـﺴـﻼﻡُ ﻋـﻠـﻴـﻜـﻢ 🌼🌻
#ﻫﺸﺎﺷﺔ__ﻗﻠﺐ
ﺑــﺎﺭﺕ _ ﺗﻌﻮﻳﺾ _
ﻋﺒﺮﺍﺕ _ ﺍﻟﻌﺒﺎﺩﻳﻪ _
alabadyia_09
ﻳﻔﺘﺸﻮﻥ ﻋﻨﻪُ ﻓﻲ ﻫﺎﺗـﻔـﻲ
ﻓﻲ ﺣﺴﺎﺑـﺎﺗﻲ ﻭ ﻗﺼﺎﺋﺪﻱ ﻭﺑﻴـﻦ ﺳﻄﻮﺭﻱ .
ﻭﻷﻧﻬـﻢ ﻻ ﻳﻌﺮﻓـﻮﻥ ﻛﻢ ﺃﺣﺒﻪ !!!
ﻟَــﻦ ﻳﺠــﺪﻭﻩ ،
ﻓﺄﻧـﺎ ﺃﺧﺒﺌﻪُ ﺟﻴﺪﺍً ﺑﻴﻦ ﻃﻴﺎﺕ ﺳﺠﺎﺩﺓ ﺍﻟﺼﻼﻩ . .
ﻫُـﻨـﺎﻙ . . . ﻣَـﻊ ﻛﻞ ﺃﺷـﻴﺎﺋـﻲ ﺍﻟﺜﻤﻴﻨـﻪ .
ﻣـﻊ ﻛُﻞ ﺃﺳـﺮﺍﺭﻱ ﺍﻟﺘﻲ ﺃﺳﺘﻮﺩﻋﻬـﺎ ﻋﻨﺪ ﺍﻟﻠﻪ !!...
# ﻧﻮﺭﺍﻥ _ ﺍﻟﺤﺴﻴﻨﻲ
~~~~~~~~~~~~~~~~~~~~~~~~~~~~~~~
ﺛُﺮﻯٰ . . .
ﺇﻟﺘﻔﺘﺖ ﻋﻠﻴﻪ ﺳﺎﺭﻩ ﺗﺒﺎﻭﻋﻠﻲ ﺑﺈﺳﺘﻬﺰﺍﺀ ﻭﺗﺤﺪﻱ .. ﺭﺟﻌﺖ ﺑﺎﻭﻋﺖ ﻟﻠﺒﻨﻴﻪ ﻛﺎﻟﺘﻠﻬﻪ -:
- ﺑﻤﻨﺎﺳﺒﺔ ﺧﻄﻮﺑﺔ ﺛُﺮﻯٰ ﻭﻣﺎﻫﺮ !!!!!!!
ﻇﻠﻴﺖ ﻣﺼﺪﻭﻣﻪ ﻭﺃﺑﺎﻭﻉ ﺑﺸﻜﻠﻬﻪ ﻓﺎﺗﺤﻪ ﻋﻴﻮﻧﻲ !!
ﺷﻨﻮ ﻫﺎﻟﺼﻼﻓﻪ ﻫﺎﻱ ؟؟
ﺗﺮﻳﺪ ﺗﺸﻮﻩ ﺳﻤﻌﺘﻲ ﮔﺪﺍﻡ ﻟﻘﺎﻋﻪ ! ﻭﺛُﺮﻯٰ ﻭﻣﺎﻫﺮ ..!! ﻣﺎﻫﺮ ﺣﺎﻑ ﻻ ﺩﻛﺘﻮﺭ ﻣﺎﻫﺮ ﻻﺷﻲ .
ﺍﻟﻨﻮﺏ ﻛﻠﻬﻪ ﻛﺎﻣﺖ ﺗﺼﻴﺢ " ﻣﺒﺮﺭﻭﻙ " ﻭﻇﻠﻮ ﻳﺼﻔﮕﻮﻥ ﻭﻳﻀﺤﻜﻮﻥ ﻋﺒﺎﻟﻬﻢ ﺻﺪﮒ !
ﻣﺘﺖ ﻣﻦ ﺍﻟﻤﺴﺘﺤﻪ ﻭﺇﺣﻤّﺮ ﻭﺟﻬﻲ ! ﻫﺴﻪ ﺷﻴﻜﻮﻟﻮﻥ ﻋﻠﻴﻪ ﻭﺍﺳﺘﺎﺫ ﻣﺎﻫﺮ ﺷﻴﮕﻮﻝ ﻫﻢ !
ﺍﺧﺬﻧﻪ ﻣﺤﺎﺿﺮﺍﺕ ﻭﺍﻧﻲ ﻣﺎﺍﮔﺪﺭ ﺍﻃﻠﻊ ﻣﻦ ﺍﻟﻘﺎﻋﻪ ﻭﺟﻬﻲ ﻣﺎﺍﻃﻠﻌﻪ ﻣﻦ ﺍﻟﻔﺸﻠﻪ .
ﺧﻠﺼﺘﻬﻪ ﻛﻠﻪ ﻛﺎﻋﺪﻩ ﺑﺎﻟﻘﺎﻋﻪ ﻭﻣﺪﻧﮕﻪ ﺍﻛﺘﺐ ﺟﺬﺏ ﺧﺎﻑ ﻭﺣﺪﻩ ﺗﺤﺎﺟﻴﻨﻲ .
ﺻﺎﺭ ﻭﻗﺖ ﻣﺤﺎﺿﺮﺗﻪ ﺩﺧﻞ ﻫﻮَ .. ﺳﻠﻢ ﻉ ﺍﻟﻄﻼﺏ ﻭﻇﻠﻮﺍ ﻳﺒﺎﺭﻛﻮﻟﻪ !
ﺇﺳﺘﻐﺮﺏ ﻭﺳﺄﻝ ﻃﺎﻟﺐ -:
- ﺷﻨﻮ ﻋﻠﻴﻤﻦ ﺗﺒﺎﺭﻛﻮﻟﻲ؟؟
- ﺩﻛﺘﻮﺭ ﻏﻴﺮ ﺧﻄﺒﺖ
ﺍﺳﺘﻐﺮﺏ ﻭﻋﻜﺪ ﺣﻮﺍﺟﺒﻪ .. ﺃﺷﺮ ﻋﻠﻰ ﻧﻔﺴﻪ ﻣﺼﺪﻭﻡ
- ﺁﻧﻲ؟؟
- ﺍﻱ ﺩﻛﺘﻮﺭ ﻣﺒﺮﻭﻭﻙ
ﻋﻜﺪ ﺣﺎﺟﺒﻪ ﻭﺑﺎﻭﻋﻠﻲ . ﺩﻧﮕﺖ ﻣﺎﺍﺭﻳﺪ ﺍﺷﻮﻓﻪ .
ﺷﺮﺡ ﺍﻟﻤﺤﺎﺿﺮﻩ ﻭﻣﺎﻳﺒﺎﻭﻋﻠﻲ ﺑﺲ ﻋﺎﮔﺪ ﺣﺎﺟﺒﻪ ﻭﻳﻬﺰ ﺑﺮﺟﻠﻪ ﺑﻬﺪﻭﺀ ﺇﻫﺘﺰ ﮔﻠﺒﻲ ﻭﺗﺄﺭﺟﺤﺖ ﺭﻭﺣﻲ ﺑﺤﺮﻛﺎﺗﻪ ﺍﻟﻬﺎﺩﺋﻪ .
ﻛﻤﻞ ﺷﺮﺡ ﺍﻟﻤﺤﺎﺿﺮﻩ ﻭﻃﻠﻊ .. ﺑﻘﻪ ﺷﻮﻳﻪ ﻳﻼ ﺍﺟﺘﻨﻲ ﺑﻨﻴﻪ ﺻﺎﺣﺘﻨﻲ ﻋﻠﻤﻮﺩ ﻳﺮﻳﺪﻧﻲ ﺑﻤﻜﺘﺒﻪ .
ﺭﺣﺖ ﺩﮔﻴﺖ ﺍﻟﺒﺎﺏ ﻭﺩﺧﻠﺖ .
ﻛﺎﻝ -:
- ﺷﻨﻮ ﻣﻮﺿﻮﻉ ﺍﻟﺨﻄﻮﺑﻪ؟؟
ﺗﻨﻬﺪﺕ
- ﺳﺎﺭﻩ
- ﺷﺒﻴﻬﻪ ﺳﺎﺭﻩ؟؟
- ﺗﻮﺯﻉ ﭼﻜﻠﻴﺖ ﻭﺗﮕﻠﻠﻬﻢ ﺧﻄﻮﺑﺔ ﺛُﺮﻯٰ ﻭﺇﺳﺘﺎﺫ ﻣﺎﻫﺮ
- ﺷﻨﻮﻭ؟؟؟ ﻣﻨﻮ ﻣﻮﺻﻠﻠﻬﻪ؟؟؟
- ﻣﻮ ﻣﻮﺻﻠﻠﻬﻪ ﻉ ﺍﻟﻘﺪﻳﻤﻪ . ﻻ ﺗﮕﻠﻬﻢ ﺟﺪﻳﺪﻩ ﻫﺴﻪ ﻫﻤﻪ ﻣﺨﻄﻮﺑﻴﻦ !
- ﺷﻠﻮﻥ ﺳﺎﻟﻔﻪ ﻫﺎﻱ ﻳﻌﻨﻲ ﺭﺍﺡ ﻳﺸﻮﻫﻮﻥ ﺳﻤﻌﺘﺞ ﺇﺫﺍ ﻋﺮﻓﻮﺍ ﻣﺎﻛﻮ ﺧﻄﻮﺑﻪ ﻭﺭﺍﺡ ﺗﺼﻴﺮ ﺍﻟﻌﻴﻮﻥ ﻋﻠﻴﻨﻪ ﺍﻧﻲ ﻭﻳﺎﺝ..بيج قصص عراقيه حقيقيه من واقعنا.روعه الطائي
- ﺍﻱ
- ﺑﺴﻴﻄﻪ ﺳﺎﺭﻩ .. ﺑﺎﺟﺮ ﺗﻠﻜﻴﻬﻪ ﻣﺎﻣﻮﺟﻮﺩﻩ
ﻭﻛﻒ ﻳﺮﻳﺪ ﻳﻜﻮﻡ ﻭﺍﻧﻲ ﺍﻧﺘﻔﻀﺖ -:
- ﻻ ﻻ ﻟﻴﺶ ﺷﺘﺴﻮﻳﻠﻬﻪ
- ﺍﻧﻲ ﺍﺗﺼﺮﻑ ﻭﻳﺎﻫﻪ ﺷﻠﻮﻥ ﺇﻟﻬﻪ ﺟﺮﺃﻩ ﻫﻴﺞ ﺗﺴﻮﻱ؟؟ ﺍﺷﻮﻓﻬﻪ ﻣﺎﻫﺮ ﻣﻨﻮ
- ﻻ ﺍﺳﺘﺎﺫ ﻓﺪﺩﺩﻭﻩ ﺧﻠﻴﻬﻪ ﺭﻏﻢ ﺧﺒﺎﺛﺘﻬﻪ ﺑﺲ ﺧﻄﻴﻪ
ﺻﻔﻦ ﻭﻛﺎﻝ -:
- ﻣﻮ ﺭﺍﺡ ﻳﺸﻮﻫﻮﻥ ﺳﻤﻌﺘﺞ
ﺳﻜﺘﺖ ﻭﺩﻧﮕﺖ .
ﻓﺮﻙ ﻭﺟﻬﻪ ﺣﻴﻞ ﺑﺤﻴﺚ ﺻﺎﺭ ﺃﺣﻤﺮ ﻭﻧﻔﺦ ﺍﻧﻔﺎﺳﻪ ﺍﺣﺴﻪ ﮔﻮﻩ ﻋﻠﻴﻪ ﻧﻄﻖ ﻫﺎﻟﻜﻠﻤﻪ !
- ﺍﺣﻤﻢ ﺭﺍﺡ ﺍﺗﻘﺪﻣﻠﺞ
ﻓﻬﻴﺖ ﻣﺴﺘﻐﺮﺑﻪ
- ﻫﺎﺍ؟؟
ﻋﺼﺐ ﻭﻧﺘﺮ ﺑﻴﻪ -:
- ﺭﺍﺡ ﺍﺗﻘﺪﻡ ﺛُﺮﻯٰ ﺭﺭﺍﺍﺣﺤﺢ ﺍﺗﻘﺪﺩﻡ ﻳﻌﻨﻲ ﻣﺘﺴﻤﻌﻴﻦ ؟؟ ﻣﻦ ﻫﺴﻪ ﻛﻮﻟﻲ ﻣﻮﺍﻓﻘﻪ ﻟﻮ ﻻ ﺣﺘﻰ ﻣﺎﺇﻟﻪ ﺩﺍﻋﻲ ﺍﺗﻘﺪﻡ ﻭﺃﻫﻴﻦ ﻧﻔﺴﻲ ﻣﺮﺓ ﺍﻟﻠﺦ
- ﻏﻴﺮ ﻻﺯﻡ ﺍﻓﻜﺮ ﻭﻫﻴﺞ ﺷﻲ ﻳﻌﻨﻲ
- ﻫﺎ ﺍﻱ ﺑﻜﻴﻔﺞ ﻣﺎﺍﺟﺒﺮﺝ ﺍﻧﻲ . ﺑﺲ ﻛﻮﻟﻴﻠﻲ ﻗﺒﻞ ﻻﺍﺗﻘﺪﻡ ﻻﻥ ﻣﺎﻣﺴﺘﻌﺪ ﺍﻭﺍﺟﻪ ﺍﻟﺮﻓﺾ
ﻫﺰﻳﺖ ﺭﺍﺳﻲ ﺑــ ‏( ﺇﻱ ‏) ﺩﺍﺧﻠﻲ ﻓﺮﺣﺎﻥ ﻭﻃﺎﻳﺮ ﻓﺮﺡ .. ﺭﺍﺡ ﺍﻭﺍﻓﻖ ﻣﻌﻘﻮﻟﻪ ﻭﺍﺻﻴﺮ ﻣﺮﺗﻪ ؟ !!
ﻫﺎﻱ ﻫﻮﺍﻱ ﻋﻠﻴﺞ ﺛُﺮﻯٰ ﻭﺍﻟﻠﻪ ﺭﺍﺡ ﺍﻃﻴﺮ ﻣﻦ ﺍﻟﻔﺮﺡ ﺍﺻﻼً ﺍﻧﻲ ﻣﻮﺍﻓﻘﻪ ﺑﺲ ﺍﺣﺐ ﺷﻮﻳﻪ ﺍﺗﻔﻴﻚ ﻭﻫﻢ ﺣﺘﻰ ﻣﺎﻳﮕﻮﻝ ﻣﺎﺻﺪﮔﺖ ﻭﺑﺴﺮﻋﻪ ﻭﺍﻓﻘﺖ .
ﺑﻘﻴﺖ ﺍﺳﺒﻮﻉ ﻛﺎﻣﻞ ﻣﺎﻣﺮﺟﻌﺘﻠﻪ ﺍﻟﺠﻮﺍﺏ .. ﻭﻛﻠﻤﺎ ﻳﺪﺧﻞ ﻳﺸﺮﺡ ﺍﻟﻤﺤﺎﺿﺮﻩ ﻳﺒﺎﻭﻋﻠﻲ ﺑﻨﻈﺮﺍﺕ ﺗﻔﺤﺺ ﻋﻮﺩ ﺷﻨﻮ ﺍﺟﺎﺑﺘﺞ .
ﺍﺩﺭﻱ ﺗﺮﻳﺪﻧﻲ ﺍﮔﻠﻚ ﺍﺟﺎﺑﺘﻲ ﻏﻴﺮ ﺍﻟﻤﻔﺮﻭﺽ ﻫﻮَ ﻳﺴﺄﻟﻨﻲ !
ﺍﻟﻴﻮﻡ ﺩﺧﻞ ﻟﻠﻜﻠﻴﻪ ﻭﺍﻧﻲ ﺍﻣﺸﻲ ﻭﺭﺍﻩ ﺑﺲ ﻫﻮَ ﻣﺎﻳﺪﺭﻱ ﺑﻴﻪ .
ﻃﻼﺏ ﻫﻮﺍﻱ ﻛﺪﺍﻣﻪ ﻳﻤﺸﻮﻥ ﻻﻥ ﻭﻗﺖ ﻗﻠﻴﻞ ﻭﻳﺒﻠﺶ ﺍﻟﺪﻭﺍﻡ .
ﻇﻠﻴﺖ ﺍﺿﺤﻚ ﻭﺍﻧﻲ ﺍﺗﻔﺤﺺ ﻣﻼﻣﺤﻪ ﻣﻦ ﻭﺭﻩ ﻭﻫﻴﺒﺘﻪ ﻭﻛﺸﺨﺘﻪ ﻭﻣﺸﻴﺘﻪ ﻳﺒﻮﻭ ﻳﭽﺘﻞ .
ﺭﺩﺕ ﺍﺧﺬ ﻣﻦ ﻋﻨﺪﻩ ﻣﻠﺰﻣﻪ ﻻﻥ ﺍﻛﻮ ﻭﺣﺪﻩ ﻣﻦ ﺍﻟﻨﻄﺎﻧﻴﺎﻫﻦ ﺑﻴﻬﻪ ﻧﻘﺺ .
ﻳﻤﺸﻲ ﻭﺍﻧﻲ ﻭﺭﺍﻩ ﺍﺭﻳﺪ ﺍﻟﺤﮕﻪ ﺍﻣﺸﻲ ﺑﻜﻞ ﺳﺮﻋﺘﻲ ﻭﻣﺎﻟﺤﮕﺘﻪ .
ﻣﻮ ﺭﺟﻠﻴﻦ ﺗﮕﻮﻝ ﺗﻴﻞ ﻛﻞ ﺧﻄﻮﻩ ﻳﺸﺒﺦ ﻣﺘﺮﺗﻴﻦ .
ﺑﺪﺕ ﺣﺮﻛﺔ ﺭﺟﻠﻴﻪ ﺗﺮﺟﻊ ﻟﻮﺭﻩ ﻭﺗﺒﻄﺊ ﻭﺍﻧﻲ ﺍﺷﻮﻑ ﺍﻟﮕﺪﺍﻣﻪ ﺗﻤﺸﻲ !!
ﻇﻠﻴﺖ ﺍﺑﻠﻊ ﺑﺮﻳﻘﻲ ﻣﺼﺪﻭﻣﻪ ! ﺍﻟﺪﻛﺘﻮﺭﻩ ﻧﻔﺴﻬﻪ ﻓﺘﺤﻠﻬﻪ ﺑﺎﺏ ﻣﻜﺘﺒﻪ ﻳﻀﺤﻚ ﻭﺩﺧﻠﻬﻪ ﻭﺳﺪ ﺍﻟﺒﺎﺏ !!
ﻇﻠﻴﺖ ﺻﺎﻓﻨﻪ !! ﺷﻨﻮ ﻫﺎﻱ ﻳﻀﺤﻚ ﻋﻠﻴﻪ ﺷﻨﻮ؟؟
ﺗﺸﻌﻮﻃﺖ ﻣﻦ ﺍﻟﺤﺮﮔﻪ !!
ﻇﻠﻴﺖ ﻣﻼﺯﻣﻪ ﺑﺎﺏ ﻣﻜﺘﺒﻪ ﻣﺎﻭﺧﺮﺕ ﻣﻨﺎ ﻟﻤﻦ ﻃﻠﻌﺖ ﺗﻀﺤﻚ ﻭﻫﻮَ ﻫﻢ !!
ﺭﻏﻢ ﻣﺤﺪ ﻳﻀﺤﻜﻪ ﻏﻴﺮﻱ ﺑﺲ ﻭﻳﺎﻫﻪ ﻳﻀﺤﻚ !
ﻣـﺪ ﺇﻳﺪﻩ ﺇﻟﻬﻪ ﻳﺼﺎﻓﺤﻬﻪ !! ﻫﻲَ ﻇﻠﺖ ﺻﺎﻓﻨﻪ ﺗﺒﺎﻭﻉ ﺑﻮﺟﻬﻪ ﻭﺗﺮﺟﻊ ﺗﺒﺎﻭﻉ ﻋﻠﻰ ﺍﻳﺪﻩ .
ﺍﺭﺗﺒﻜﺖ ﻭﺿﺤﻜﺖ ﺧﺠﻼﻧﻪ ﻧﺼﺖ ﺭﺍﺳﻬﻪ ﻭﻣﺪﺕ ﺍﻳﺪﻫﻪ ﻣﺴﺘﺤﻴﻪ ﺻﺎﻓﺤﺘﻪ
ﻣﺒﻴﻨﻪ ﻣﻦ ﺍﻟﻨﺎﺻﺮﻳﻪ ﻻﻥ ﻣﺎﻧﺘﺼﺎﻓﺢ ﺍﺣﻨﻪ . ﻣﺎﺩﺍﻡ ﺍﺳﺘﺤﺖ ﻳﻌﻨﻲ ﻣﻨﺎ ﻣﻦ ﺍﻟﻮﻻﻳﻪ .. ﻫﻮَ ﻋﺒﺎﻟﻪ ﻣﺜﻠﻬﻢ ﻋﺎﺩﻱ ﻋﻨﺪﻩ ﺧﻠﻪ ﺍﻟﺒﻨﻴﻪ ﺗﺮﺗﺒﻚ ﻃﻠﻊ ﺳﺎﺱ ﺍﻟﺒﻠﻪ ﻫﻮَ ﻋﻤﻲ ﺍﻟﺒﻨﻴﻪ ﻣﮕﺮﻭﺩﻩ .
ﺭﺍﺣﺖ ﻭﺭﺍﺡ ﻳﻤﺸﻲ ﻭﻳﺎﻫﻪ ﺍﻻ ﻳﻮﺻﻠﻬﻪ ﻟﺒﺎﺏ ﺍﻟﻜﻠﻴﻪ ﻋﺸﺘﻮ ﻳﺨﺎﻑ ﻋﻠﻴﻬﻪ .
ﺧﻼﻧﻲ ﺍﻧﺸﺎﻝ ﻭﺍﻧﺮﮔﻊ ! ﻣﺘﺖ ﻣﻦ ﺍﻟﻐﻴﺮﻩ .. ﺷﺨﺺ ﻣﺘﻄﺮﻑ ﺍﻟﺮﺟﻮﻟﻪ ﻳﺮﻫﻖ ﺇﻧﻮﺛﺘﻲ ﻭﻳﻨﻬﻜﻬﺎ .. ﻳﺸﻌﺮﻧﻲ ﺑﺎﻟﻌﺠﺰ ﻣﻘﺎﺑﻴﻞ ﺗﺼﺮﻓﺎﺗﻪ ﺍﻟﻤﺘﻨﺎﻗﻀﻪ ﺗﺒﻌﺜﺮﻧﻲ ﻭﺗﺨﻠﻴﻨﻲ ﺑﺤﻴﺮﻩ .
ﺭﺣﺖ ﻟﻠﻘﺎﻋﻪ ﻭﺩﺯ ﻋﻠﻴﻪ .. ﺭﺣﺘﻠﻪ ﻭﺍﻧﻲ ﻣﻴﺘﻪ ﻣﻨﻪ ﺑﺲ ﺍﺷﻮﻓﻪ ﺍﻓﺘﺮﺳﻪ ﻣﻦ ﻏﻴﺮﺗﻲ .. ﻟﮕﻴﺘﻪ ﻛﺎﻋﺪ ﻣﺒﺘﺴﻢ ﻉ ﺍﻟﻜﺮﺳﻲ ﺇﺑﺘﺴﺎﻣﺘﻪ ﺗﻠﻮﻥ ﺍﻷﻧﻬﺎﺭ ﻭﺗﻠﻘﺢ ﺍﻷﺯﻫﺎﺭ ﺗﺨﻠﻲ ﻛﻞ ﺻﻠﺐ ﺑﺪﺍﺧﻠﻲ ﻳﻨﻬﺎﺭ ﻭﺗﺤﻞ ﻣﻜﺎﻧﻪ ﻣﺸﺎﻋﺮ ﻣﻦ ﺣﺮﻳﺮ .. ﻧﻈﺮﺗﻠﻪ ﺑﻨﻈﺮﺍﺕ ﺣﺎﺩﻩ ﻛﻘﺬﻳﻔﺔ ﻣﻦ ﻟﻬﺐ .
ﺑﺎﻭﻋﻠﻲ ﻋﺎﻛﺪ ﺣﺎﺟﺒﻪ ﻣﻦ ﺷﺎﻑ ﻧﻈﺮﺍﺗﻲ .. ﺃﺷﺮﻟﻲ ﺍﮔﻌﺪ ﻉ ﺍﻟﻜﺮﺳﻲ .. ﺑﻘﻴﺖ ﻭﺍﻛﻔﻪ ﻣﺎﺍﻫﺘﻤﻴﺖ ﻟﻨﻈﺮﺍﺗﻪ .
ﺧﺰﺭﻧﻲ ﻭﺩﺍﺭ ﻭﺟﻬﻪ ﻣﺘﻔﺎﺟﺊ .
ﻫﻤﺲ -:
- ﺷﺒﻴﺞ؟
ﺭﺩﻳﺖ -:
- ﻣﺎﺑﻴﻪ ﺷﻲ
- ﻫﺎ ﺗﻤﺎﻡ .. ﺑﺲ ﺭﺩﺕ ﻣﻨﺞ ﺍﻟﻤﻼﺯﻡ ﻭﺍﻟﻤﺤﺎﺿﺮﺍﺕ ﻣﺎﻝ ﺍﻟﻤﺮﺣﻠﻪ ﺍﻻﻭﻟﻰ ﺇﺫﺍ ﻋﻨﺪﺝ .
ﻗﻮﺳﺖ ﺣﻮﺍﺟﺒﻲ ﻣﺴﺘﻬﺰﺃﻩ . ﻧﺘﺮﺕ ﺑﺼﻴﻐﺔ ﺳﺆﺍﻝ -:
- ﻟﻠﺪﻛﺘﻮﺭﻩ؟؟
ﺻﻔﻦ ﺑﻨﻈﺮﺍﺗﻪ ﻋﻠﻴﻪ ﻭﺿﺤﻚ .. ﺷﺒﻚ ﺣﻮﺍﺟﺒﻪ ﻭﺳﺄﻝ -:
- ﻗﻄﺮ؟؟
ﺍﻧﻲ ﻋﺒﺎﻟﻲ ﻳﻀﺤﻚ ﻋﻠﻴﻪ .. ﺭﺩﻳﺖ ﺑﺼﻴﻐﺔ ﻣﺴﺘﻬﺰﺃﻩ ﻭﻣﻤﻠﺆﻩ ﺑﺎﻟﺴﺨﺮﻳﻪ -:
- ﻻ ﺍﻟﻤﻐﺮﺏ
ﺧﺰﺭﻧﻲ ﻭﻓﺘﺢ ﺇﻳﺪﻳﻪ .. ﺩﻧﮓ ﺭﺍﺳﻪ ﺑﺲ ﻋﻴﻮﻧﻪ ﺑﻌﻴﻮﻧﻲ ﻭﺑﻴﻬﻦ ﺻﻴﻐﺔ ﺳﺆﺍﻝ ﻭﻧﻈﺮﺍﺗﻪ ﻋﺒﺎﻟﻚ ﺗﮕﻠﻲ ﺷﻨﻮ ﻫﺎﻱ ؟
ﺩﻧﮕﺖ ﻛﺎﻝ -:
- ﺷﺘﻜﻮﻟﻴﻦ ﻟﻸﺭﺩﻥ ﻣﻮ ﺍﺣﺴﻦ ؟ ﻫــﻪ ﺗﺴﺘﻬﺰﺃﻳﻦ ﺣﻀﺮﺗﺞ .. ﺣﺒﺎﺑﻪ ﻫﺎﻱ ﺍﻟﺪﻛﺘﻮﺭﻩ ﺍﺳﻤﻬﻪ ﻗﻄﺮ ﻗﻄﺮﺭﺭ ﻗﻄﺮﺭﺭﺭﺭ
ﻫﻤﺴﺖ -:
- ﺍﻱ ﻭﺍﻟﻠﻪ ﻓﻬﻤﺖ ﺑﺲ ﺇﺫﺍﻧﻲ ﺷﻮﻳﻪ ﺍﺭﻳﺪﻫﻦ ﺍﺣﺘﺎﺟﻬﻦ ﻟﻠﺴﻤﻊ
- ﻟﻌﺪ ﺍﻻﺫﺍﻥ ﻧﺸﻢ ﺑﻴﻬﻪ ﻣﺜﻼً ﻫـﻪ .. ﺍﻟﻤﻬﻢ ﻫﺴﻪ ﻋﻨﺪﺝ ﻟﻮ ﻻ؟
- ﺍﻱ ﻋﻨﺪﻱ ﻣﻮﺟﻮﺩﺍﺕ
- ﻟﻌﺪ ﺑﺎﺟﺮ ﺟﻴﺒﻴﻬﻦ
- ﺻﺎﺭ ﻭﺑﻌﺪ
- ﺳﻼﻣﺘﺞ ﻫـﻪ
ﻫﺰﻳﺖ ﺭﺍﺳﻲ ﻭﻃﻠﻌﺖ ﻓﺎﻳﺮﻩ ﺍﻋﺼﺎﺑﻲ .. ﻣﺒﺎﺭﻙ ﺑﺲ ﻫﺎﻱ ﺍﻟﻔﺎﻟﺢ ﺑﻴﻬﻪ ﺑﺲ ﻳﺤﺮﮒ ﺑﮕﻠﺒﻲ . ﻭﺧﻠﺼﻬﻪ ﻋﻠﻴﻪ ﻫﻪ ﻭ ﻫﻪ !
ﻋﻮﺩ ﺻﺮﺕ ﺧﻄﻴﺒﺘﻪ ﻭﺍﺭﻳﺪ ﺍﺧﺬ ﻣﻴﺎﻧﻪ ﻫﺎﻟﻠﻪ ﺻﺪﮒ ﻏﺒﻴﻪ .
ﺭﺣﺖ ﻟﻠﻘﺎﻋﻪ .. ﻭﺑﻮﻗﺖ ﻣﺤﺎﺿﺮﺗﻪ ﻇﻞ ﻳﺨﺰﺭ ﺑﻴﻪ ﻭﻣﺎﮔﻮﻣﻨﻲ ﺭﻏﻢ ﻛﺘﻠﺖ ﺭﻭﺣﻲ ﺍﺭﻳﺪﻩ ﺑﺲ ﻳﮕﻮﻣﻨﻲ .. ﻋﻴﻦ ﻭﻋﻤﺎﺩ ﻣﺎﮔﻮﻣﻨﻲ .
ﮔﻌﺪﺕ ﺑﺎﻟﺴﺘﻴﺞ ﻣﺎﻟﺘﻲ ﻭﺩﺭﺕ ﻭﺟﻬﻲ ﻋﻠﻰ ﺟﻬﺔ ﺍﻟﺒﺎﺏ ﻭﻇﻠﻴﺖ ﺍﺑﺎﻭﻉ ﻟﻠﺮﺍﻳﺢ ﻭﻟﻠﺠﺎﻱ ﻣﺎﻣﻨﺘﺒﻬﻪ ﻟﺸﺮﺣﻪ . ﺃﺷﻌﻠﺖ ﻓﺘﻴﻞ ﻗﻠﺒﻪ ﺑﻨﺎﺭ ﺍﻹﻫﻤﺎﻝ .بيج قصص عراقيه حقيقيه من واقعنا.روعه الطائي
ﺣﻄﻴﺖ ﺍﻳﺪﻱ ﻭﺣﻄﻴﺖ ﺭﺍﺳﻲ ﻋﻠﻴﻬﻪ ﻣﺜﻞ ﺍﻟﻨﺎﻳﻤﻪ ﻭﺻﺎﻓﻨﻪ ﻣﻦ ﺍﻟﺒﺎﺏ .. ﺣﺴﻴﺖ ﺑﺨﻴﺎﻟﻪ ﺍﺟﻪ ﻭﺳﺪ ﺍﻟﺒﺎﺏ ﻣﺎﻝ ﺍﻟﻘﺎﻋﻪ ﻭﺍﻧﻲ ﺍﺑﺎﻭﻉ !
ﺯﻓﺮﺕ ﻧﻔﺲ ﺑﻌﺼﺒﻴﻪ .. ﺷﻬﺎﻟﺨﺒﺎﺛﻪ ﻫﺎﻱ .
ﻇﻞ ﻳﺘﻤﺸﻪ ﻭﺍﻟﺒﻨﺎﺕ ﻛﺎﻣﻦ ﻳﺼﻴﺤﻦ -: ﺍﺳﺘﺎﺫ ﺍﺧﺘﻨﮕﻨﻪ ﻓﺪﻭﻩ ﺍﻓﺘﺢ ﺍﻟﺒﺎﺏ
ﺑﺎﻭﻋﻠﻲ ﻭﺭﻓﻊ ﺣﺎﺟﺒﻪ
- ﻻ ﻣﺎﺍﻓﺘﺤﻪ
ﺫﻧﻲ ﻇﻞ ﻳﺘﻌﺎﻳﺮﻥ ﻭﻛﻠﻪ ﺍﻭﻱ ﺍﺧﺘﻨﻜﻨﻪ .. ﺍﻧﺠﺒﺮ ﻳﻔﺘﺢ ﺍﻟﺒﺎﺏ ﻭﺍﻧﻲ ﻇﻠﻴﺖ ﻣﻐﻨﺪﺑﻪ ﻭﺟﻬﻲ ﻭﺿﺎﻳﺠﻪ .
ﺍﺟﻪ ﻭﮔﻒ ﻳﻢ ﺳﺘﻴﺠﻲ ﻭﻫﻤﺲ -:
- ﻟﺘﻀﻮﺟﻴﻦ ﻫﺴﻪ ﺍﻛﻮﻣﺞ
ﺭﻓﻌﺖ ﺭﺍﺳﻲ ﻣﻦ ﻋﻠﻰ ﺇﻳﺪﻱ ﻓﺮﺣﺖ ﺑﺪﺍﺧﻠﻲ ﺑﺲ ﻣﺎﺑﺎﻭﻋﺘﻠﻪ .. ﻇﻞ ﻳﻔﺘﺮ ﺑﺎﻟﻘﺎﻋﻪ ﻭﻳﺸﺮﺡ .. ﮔﻮﻡ ﺳﺎﺭﻩ ﺷﺮﺣﺖ ﺷﻮﻳﻪ ﻭﻛﻌﺪﺩﺕ ﻛﻤﻞ ﺍﻟﻤﺤﺎﺿﺮﻩ ﻭﺯﺍﺩ ﻭﻗﺖ ﻭﺍﻧﻲ ﻣﺎﮔﺎﻳﻤﻪ .. ﺧﻼﻧﻲ ﻣﺜﻞ ﺍﻟﻤﺰﻫﺮﻳﻪ ﻭﻻ ﻋﺒﺎﻟﻚ ﻣﻮﺟﻮﺩﻩ .
ﻛﺎﻝ -:
- ﻣﻨﻮ ﻳﮕﻮﻡ ﻳﻌﻴﺪ ﺍﻟﻤﺤﺎﺿﺮﻩ ﻣﻦ ﺍﻟﺒﺪﺍﻳﻪ ﻟﻠﻨﻬﺎﻳﻪ؟
ﻇﻞ ﻳﺒﺎﻭﻋﻠﻲ . ﺭﻓﻌﺖ ﺍﻳﺪﻱ ﻟﻤﺎ ﺣﺴﻴﺖ ﺍﻟﻌﻈﻢ ﺇﻧﻜﺴﺮ ﻭﻫﻮَ ﻣﺎﻛﻮﻣﻨﻲ ﻳﺤﺮﮒ ﺑﮕﻠﺒﻲ ﻭﻳﺨﺒﺚ .
ﺭﺍﺡ ﻭﻛﻮﻡ ﺳﺎﺭﻩ ﺧﻼﻧﻲ ﺍﺗﺸﻌﻮﻁ .
ﺳﺎﺭﻩ ﮔﺎﻣﺖ ﺗﻠﺒﻠﺐ ﺗﻠﺒﻠﺐ ﺷﺮﺣﺘﻪ ﻛﻠﻪ ﻭﻫﻮَ ﻳﻬﺰ ﺑﺮﺍﺳﻪ ﻭﺍﺣﺴﻨﺖِ ﻣﺎﺍﺣﺴﻨﺖِ ﻋﺒﺎﻟﻚ ﻣﻘﺎﺑﻴﻠﻪ ﻧﺒﻲ ﻣﻮ ﺳﺎﺭﻩ .
ﻛﻤﻠﺖ ﻭﮔﺎﻟﻠﻬﻪ -:
- ﻋﻠﻰ ﻫﺬﺍ ﺍﻟﺸﺮﺡ ﺍﻟﺞ 3 ﺩﺭﺟﺎﺕ ﻋﻠﻰ ﺍﻟﻤﻌﺪﻝ
ﻫﻪ ﻛﺎﺗﻞ ﺭﻭﺣﻚ .. 3 ﺩﺭﺟﺎﺕ ﻣﺘﻌﺠﺐ ﺑﻴﻬﻦ ﺍﻟﻨﺎﺱ ﺗﻨﻄﻲ 10 ﻭﻫﺬﺍ ﻣﺘﻌﺠﺐ ﺑﺎﻟـ 3 .
ﺳﺎﺭﻩ ﻛﻴﻔﺖ ﻣﻮ 3 ﻋﺒﺎﻟﻚ ﻣﻨﻄﻴﻬﻪ ﺩﺭﺟﻪ ﻛﺎﻣﻠﻪ ﺗﻬﻲ ﺑﻬﻲ .
ﺍﺻﻼً ﻟﻮ ﻣﺎﻳﺮﻳﺪ ﻳﺤﺮﮒ ﮔﻠﺒﻲ ﻣﺎﻳﻨﻄﻴﻬﻴﺎ .
ﺛﺎﻧﻲ ﻳﻮﻡ ﻫﻢ ﺑﻤﺤﺎﺿﺮﺗﻪ ﻣﺎﮔﻮﻣﻨﻲ .. ﻭﺍﻧﻲ ﺍﺗﺸﻌﻮﻁ ﻛﻤﺖ ﻣﺎﺍﺭﻓﻊ ﺍﻳﺪﻱ .
ﻛﺎﻝ ﺳﺆﺍﻝ ﻛﻠﺶ ﺻﻌﺐ ﻛﻠﻬﻪ ﻇﻠﺖ ﺗﻔﺮ ﺑﺈﺫﺍﻧﺎﺗﻬﻪ ﺍﻧﻲ ﻋﻮﺩ ﺍﻋﺮﻑ ﻛﺘﻠﺖ ﺭﻭﺣﻲ ﺭﺍﻓﻌﻪ ﺍﻳﺪﻱ ﺑﺲ ﺍﻧﻲ ﺑﺎﻟﻘﺎﻋﻪ ﻓﺮﺣﺎﻧﻪ ﻛﻮﻣﻨﻲ ﻭﻃﻠﻊ ﻣﻮ ﻫﻮَ ﺍﻟﺠﻮﺍﺏ ﻭﺟﻮﺍﺑﻲ ﺟﺎﻥ ﺗﺎﻓﻪ .. ﺑﺎﻭﻋﻠﻲ ﺑﺈﺳﺘﻬﺰﺍﺀ ﻭﻛﺎﻝ -:
- ﺻﺎﺭﻟﺞ ﺳﺎﻋﻪ ﻛﺎﺗﻠﻪ ﻧﻔﺴﺞ ﻭﻫﺬﺍ ﺟﻮﺍﺑﺞ؟؟ ﻫـﻪ ﺩﮔﻌﺪﻱ ﺍﮔﻌﺪﻱ !!
ﻇﻠﻴﺖ ﻣﻮﺳﻌﻪ ﻋﻴﻮﻧﻲ ﻋﻠﻰ ﻗﻮﺗﻬﻦ ﺣﺴﻴﺘﻬﻦ ﻳﺮﻳﺪﻥ ﻳﻨﻔﺠﺮﻥ .. ﺷﻬﺎﻟﺮﺯﺍﻟﻪ ﻫﺎﻱ ﻫﻤﺰﻳﻦ ﻣﺤﺪ ﺿﺤﻚ ﻻﻥ ﻳﺨﺎﻓﻮﻥ ﻣﻨﻪ ﻭﺍﻟﻠﻪ ﻟﻮ ﺿﺎﺣﻜﻴﻦ ﻣﺎﻳﻌﻪ ﺭﻭﺣﻲ ﻣﻦ ﺍﻟﻔﺸﻠﻪ .
ﮔﻌﺪﺕ ﻭﻭﺟﻬﻲ ﺩﺩﺩﺩﻡ ﺻﺎﺭ ﺍﺣﺲ ﺑﺨﺎﺭ ﻳﻄﻠﻊ ﻣﻦ ﺍﺫﺍﻧﺎﺗﻲ ﻭﺧﺪﻭﺩﻱ .
ﺑﻌﺪ ﻣﺎﺭﻓﻌﺖ ﻋﻴﻨﻲ ﻋﻠﻴﻪ .
ﻛﺎﻝ ﺳﺆﺍﻝ ﻭﻫﺎﻟﻤﺮﻩ ﺍﻟﻴﺠﺎﻭﺑﻪ ﺍﻟﻪ 10 ﺩﺭﺟﺎﺕ .
ﻻﺃﻭﻝ ﻣﺮﻩ ﺑﺘﺎﺭﻳﺦ ﺣﻴﺎﺗﻪ ﻳﺴﻮﻳﻬﻪ ﻣﺎﻳﻨﻄﻲ 10 ﺍﻗﺼﻰ ﺣﺪ ﺍﻟﻪ 3 .
ﺍﻟﻄﻼﺏ ﻛﺎﻣﺖ ﺗﺘﻜﺎﺗﻞ ﺗﺠﺎﻭﺏ ﺻﺢ ﻭﻏﻠﻂ .. ﻛﺎﻡ ﺍﻟﻴﻜﻮﻝ ﺍﺟﺎﺑﻪ ﻏﻠﻂ ﻳﻀﺤﻚ ﻭﻳﻜﻠﻬﻢ " ﻻ ﻣﻮ ﻫﺎﻱ ﺍﻻﺟﺎﺑﻪ "
ﻣﻦ ﺷﻔﺘﻪ ﻣﺎﻳﺮﺯﻝ ﺭﻓﻌﺖ ﺍﻳﺪﻱ ﻭﻛﺘﻠﻪ ﺟﻮﺍﺑﻲ ﻭﻫﻢ ﻏﻠﻂ . ﺑﺎﻭﻋﻠﻲ ﺭﺍﻓﻊ ﺣﺎﺟﺒﻪ ﻭﺍﺑﺘﺴﺎﻣﻪ ﻋﻠﻰ ﺷﻔﺘﻪ
ﻇﻠﻮﺍ ﺍﻟﻄﻼﺏ ﻳﺠﺎﻭﺑﻮﻥ ﻭﻫﻮَ ﻳﻜﻠﻬﻢ ﻻ .. ﺍﺧﺮ ﺷﻲ ﻛﺎﻝ -:
- ﺭﺍﺡ ﺍﺣﺴﺐ ﻟﻠﺘﻼﺛﻪ ﻭﻳﺴﻘﻂ ﺣﻘﻜﻢ ﻭﺍﻛﻮﻝ ﺍﻻﺟﺎﺑﻪ
ﻇﻞ ﻳﺤﺴﺐ ﻛﺎﻝ -:
- ﻭﺍﺣﺪ
ﺍﻧﻲ ﺍﻓﻜﺮ ﺍﻓﻜﺮ ﻭﻋﻘﻠﻲ ﺻﺎﻳﺮﻩ ﺑﻴﻪ ﺩﺍﺋﺮﺓ ﺗﺤﻤﻴﻞ
- ﺍﺛﻨﻴﻦ
ﺑﻌﺪﻩ ﻣﺎﮔﺎﻝ ﺗﻼﺛﻪ ﻭﺍﻧﻲ ﻃﻔﺮﺕ ﺑﺠﻮﺍﺑﻲ .. ﻛﺘﻠﻪ ﺍﻟﺠﻮﺍﺏ ﻫﻮَ ﻛﻠﻤﻪ ﻭﺣﺪﻩ .. ﺍﻟﺘﻔﺖ ﻋﻠﻴﻪ ﻭﺿﺤﻚ ﺃﺷﺮ ﺑﺈﺻﺒﻌﻪ ﻋﻼﻣﺔ ‏( ﺍﻭﻛﻲ ‏) ﻛﺎﻝ -:
- ﺻﺤﻴﺢ ﺟﻮﺍﺑﺞ
ﻓﺮﺣﺖ ﻻﻥ 10 ﺗﻄﻴﺮﻧﻲ ﻟﻠﺴﻤﺎ ﺷﻜﺒﺮﻫﺎ ﺑﺎﻟﻨﺴﺒﻪ ﺇﻟﻲ ﻭﻣﻨﺎ ﺩﺭﺟﺘﻲ ﺷﻠﻮﻧﻬﻪ ﻋﻨﺪﻩ ﺍﻛﻴﺪ ﺗﻔﻴﺪﻧﻲ . ﺑﺎﻭﻋﻠﻲ ﺑﺨﺒﺚ ﻭﻛﺎﻝ -:
- ﺑﺲ ﻣﺎﺍﻧﻄﻴﺞ ﻭﻻ ﺩﺭﺟﻪ
ﺍﻧﺼﺪﻣﺖ ﻭﺷﻬﻜﺖ -:
- ﻳﻴﻴﺤﺤﺢ ﻟﻴﺶ ﺍﺳﺘﺎﺍﺫ
- ﻻﻥ ﺟﺎﻭﺑﺘﻴﻨﻲ ﻣﻦ ﻣﻜﺎﻧﺞ ﻣﺎﺍﺳﺘﺄﺫﻧﺘﻲ ﻭﺭﻓﻌﺘﻲ ﺍﻳﺪﺝ ﻭﮔﻤﺘﻲ ﮔﻠﺘﻲ ﺍﻻﺟﺎﺑﻪ
- ﻻ ﻭﺍﻟﻠﻪ ﻣﺎﻳﺼﻴﺮ ﻫﻴﺞ ﺍﻟﻤﻬﻢ ﺍﻧﻲ ﻛﻠﺖ ﺍﺟﺎﺑﻪ ﺻﺤﻴﺤﻪ
- ﺑﺲ ﻣﺎﻳﻨﺤﺴﺐ
ﻭﺍﺣﺪ ﺻﺎﺣﻠﻪ -:
- ﻫﻬﻬﻬﻪ ﺩﻛﺘﻮﺭ ﻛﻮﻝ ﻣﺎﺍﺭﻳﺪ ﺍﻧﻄﻴﻬﻦ
ﺍﻳﻴﻴﻴﻴﻲ ﻭﺍﻟﻠﻪ ﺭﻳّﺢ ﻛﻠﺒﻲ ﻭﻗﺼﻔﻪ ﻫﻢ . ﺧﺰﺭﻩ ﻭ ﻛﺎﻟﻠﻪ -:
- ﻻ ﺍﺧﻠﻴﻬﻪ ﻋﺒﺮﻩ ﺇﻟﻜﻢ ﺣﺘﻰ ﺑﻌﺪ ﻣﺤﺪ ﻳﺠﺎﻭﺑﻨﻲ ﻣﻦ ﻣﻜﺎﻧﻪ
ﻛﺘﻠﻪ ﺭﺍﻓﻌﻪ ﺣﺎﺟﺒﻲ ﻳﻀﺤﻚ ﻋﻠﻴﻪ ﺷﻨﻮ -:
- ﻻ ﺍﺳﺘﺎﺫ ﺍﻟﻴﻪ ﻧﺺ ﺍﻟﺪﺭﺟﻪ ﻫﻨﻪ 10 ﺇﻟﻲ 5
- ﻫﻬﻪ ﺗﻤﺎﻡ ﻳﺎﺑﻪ ﺍﻛﻠﺘﻮﻧﻲ ﺑﮕﺸﻮﺭﻱ
ﻟﻮﺗﻲ ﻳﺮﻳﺪ ﻳﻠﻬﻤﻄﻬﻦ ﻋﻠﻴﻪ ﻋﺒﺎﻟﻪ ﺛُﺮﻯٰ ﻫﻴﻨﻪ .
ﺑﻨﻔﺲ ﺍﻟﻴﻮﻡ ﺑﺎﻟﻠﻴﻞ ﺩﺯﻟﻲ ﺭﺳﺎﺋﻞ -:
- ﺛُﺮﻯٰ ﺷﻨﻮ ﺍﺟﺎﺑﺘﺞ؟؟ ﻣﻠﻴﺖ ﺍﻻﻧﺘﻈﺎﺭ ﻛﻮﻟﻲ ﻟﻮ ﺇﻱ ﻟﻮ ﻻ؟؟
ﻣﺎﺭﺩﻳﺖ ﻋﻠﻴﻪ ﺑﺄﻱ ﻛﻠﻤﻪ .. ﺭﺟﻊ ﺩﺯ
- ﺍﺫﺍ ﺗﺴﺘﺤﻴﻦ ﻭﻣﺘﻜﺪﺭﻥ ﺗﺮﺩﻳﻦ ﻋﻠﻴﻪ .. ﺣﺘﺼﻞ ﻋﻠﻴﺞ ﺍﺫﺍ ﺇﻱ ﺭﺩﻱ ﻭﺍﺑﻘﻲ ﺳﺎﻛﺘﻪ ﻭﺇﺫﺍ ﻻ ﺍﺭﻓﻀﻲ ﺍﻟﻤﻜﺎﻟﻤﻪ ﺗﻤﺎﻡ؟
ﺍﻟﻤﺴﺘﺤﻪ ﻃﮕﻨﻲ ﺻﻔﺢ ﻣﺎﺭﺩﻳﺖ .
ﺩﺯ -:
- ﻉ ﺍﻻﻗﻞ ﺍﺭﺳﻠﻴﻠﻲ ﺑﺲ ﻣﻠﺼﻖ ﺍﻭﻛﻲ
ﺩﺯﻳﺘﻠﻪ ﺍﻟﻤﻠﺼﻖ ﺑﺲ ﺷﺎﻓﻪ ﺭﺃﺳﺎً ﺇﺗﺼﻞ .
ﻇﻠﻴﺖ ﺷﻮﻳﻪ ﻭﺑﻌﺪﻳﻦ ﺭﺩﻳﺖ ﻇﻠﻴﺖ ﺳﺎﻛﺘﻪ ﻭﻫﻮَ ﻛﺎﻝ -:
- ﻫﻬﻪ ﺷﺒﻴﺞ ﻳﺎﺑﻪ ﻣﺴﺘﺤﻴﻪ ﻗﺎﺑﻞ ﺁﻛﻠﭻ
ﺳﻜﺘﺖ . ﻇﻞ ﺳﺎﻛﺖ ﻭﺳﺤﺐ ﻧﻔﺲ ﺑﺮﺍﺣﻪ .. ﺿﺤﻚ ﻭﻫﻤﺲ -:
- ﺻﻮﺕ ﺃﻧﻔﺎﺳﺞ ﺍﻟﻤﺘﺴﺎﺭﻋﻪ ﻛﻠﺶ ﻛﺎﻓﻲ
ﻳﺒﻮﻭ ﺷﺼﺎﺭ ﺑﻴﻪ ﻣﻦ ﺍﻟﻤﺴﺘﺤﻪ ﺍﻧﻲ ﻭﻳﻬﻲ ﻣﺎﻝ ﻏﺰﻝ .
ﺳﺪﻳﺘﻪ ﻣﻨﻪ ﻭﻭﺟﻬﻲ ﺻﺎﻳﺮ ﺩﻡ . ﺭﺍﺡ ﻳﺼﻴﺮ ﺻﺪﮒ ﺧﻄﻴﺒﻲ ﻳﻤﻤﻪ ﺍﻧﻲ ﺍﺳﺘﺤﻲ ﺷﻠﻮﻥ ﺑﻴﻪ .
ﻳﻼ ﺍﻻﺳﺘﺤﻪ ﻣﻦ ﺑﻨﺖ ﻋﻤﻪ ﻣﺎﺟﺎﺏ ﻣﻨﻬﻪ ﻭﻟﺪ .. ﻋﻠﻴﻤﻦ ﻣﺴﺘﺤﻴﻪ ﻫﻲَ ﻫﺎﻱ ﺳﻨﺔ ﺍﻟﺤﻴﺎﻩ ﺍﺣﻢ .
ﺛﺎﻧﻲ ﻳﻮﻡ ﻣﻦ ﺩﺍﻭﻣﺖ ﺧﻠﺼﻬﻪ ﻛﻠﻪ ﻧﻈﺮﺍﺕ ﻭﻳﺒﺎﻭﻉ ﺑﻴﻪ ﻭﻳﻀﺤﻚ ﻭﻛﻠﺴﺎﻉ ﻳﺮﻓﻌﻠﻲ ﺣﺎﺟﺒﻪ .. ﻻ ﻻ ﺟﺬﺏ ﻫﺬﺍ ﻧﻔﺴﻪ ﺍﺑﻮ ﺍﻟﺮﺯﺍﻳﻞ ﻟﻮ ﺑﺪﻟﻮﻩ؟؟
ﻣﻦ ﻃﻠﻊ ﻣﻦ ﺍﻟﻘﺎﻋﻪ ﺩﺯ ﻋﻠﻴﻪ .. ﺭﺣﺘﻠﻪ ﻟﮕﻴﺘﻪ ﻭﺍﮔﻒ ﺑﺒﺎﺏ ﻣﻜﺘﺒﻪ ﺍﻭﻝ ﻣﺎﻭﺻﻠﺖ ﻳﻤﻪ ﻛﺎﻟﻠﻲ -:
- ﺍﻟﻴﻮﻡ ﺍﻟﻌﺼﺮ ﺍﻟﻮﺍﻟﺪﻩ ﺗﺘﻮﺍﺟﺪ ﻳﻤﻜﻢ ﺗﺤﻀﺮﻭﺍ
ﻫﺰﻳﺖ ﺭﺍﺳﻲ ﻣﻨﺼﻴﻪ ﻭﺧﺪﻭﺩﻱ ﻣﻌﻄﺒﺎﺕ .. ﺿﺤﻚ ﺑﺼﻮﺗﻪ ﺍﻟﺮﺟﻮﻟﻲ ﻭﻫﺰ ﺍﻳﺪﻩ
- ﻋﻮﺩ ﺗﺴﺘﺤﻲ ﻫﻬﻬﻬﻬﻬﻬﻬﻪ
ﺍﻟﻨﻮﺏ ﻣﺎﻳﻜﻌﺪ ﺭﺍﺣﻪ ﻳﺮﺑﻲ ﻳﺒﺴﻤﺮ ﺑﻴﻪ .. ﺿﺤﻜﺖ ﻭﻓﻠﺘﺖ ﻣﻦ ﻳﻤﻪ ﻟﻮ ﺑﺎﻗﻴﻪ ﻟﺤﻈﻪ ﮔﺎﺑﻪ ﻧﺎﺭ ﻣﻦ ﺍﻟﺨﺠﻞ .
ﺭﺟﻌﺖ ﻟﻠﺒﻴﺖ ﻃﺎﻳﺮﻩ ﻭﻓﺮﺣﺎﻧﻪ .. ﮔﻠﺖ ﻟﺘﻘﻮﻯ ﻭﻟﻤﺮﻭﻩ ﻭﺍﺗﺸﻤﺖ ﺑﻤﺮﻭﻩ ﻷﻥ ﺗﮕﻠﻲ ﻻﺗﺘﻌﺎﻟﻴﻦ ﺑﺄﺣﻼﻣﺞ .. ﻫﺴﻪ ﺍﻧﻲ ﻛﺴﺮﺕ ﺧﺸﻤﻬﻪ .
- ﺍﮔﻠﭽﻦ ﮔﻠﻦ ﻻﺃﻣﻲ ﻉ ﺍﻟﺨﻄﻮﺑﻪ ﺍﻧﻲ ﺍﺳﺘﺤﻲ ﺍﮔﻠﻬﻪ
ﺗﻘﻮﻯ .. ﺍﻧﻲ ﺍﮔﻠﻬﻪ ﺷﺘﺮﺩﻳﻦ ﺑﻌﺪ
ﻣﺮﻭﻩ .. ﻛﻠﻠﻠﻮﻭﻭﺵ ﺭﺍﺡ ﺍﺭﮔﺺ ﺑﺨﻄﻮﺑﺘﺞ
ﺣﻄﻴﺖ ﺍﻳﺪﻳﻪ ﻋﻠﻰ ﻭﺟﻬﻲ ﻋﻮﺩ ﺧﺠﻼﻧﻪ ﻭﺫﻧﻲ ﻳﻀﺤﻜﻦ ﻋﻠﻴﻪ .
ﻛﺘﻠﻬﻦ ﻣﺎﻳﮕﻠﻦ ﻟﻨﻬﻰ ﺧﻠﻴﻬﻪ ﺁﺧﺮ ﻣﻦ ﻳﻌﻠﻢ ﺗﻨﺼﺪﻡ ﻣﻦ ﻳﺠﻲ ﺍﺑﻮ ﺍﻟﺮﺯﺍﻳﻞ ﻳﻌﺰﻣﻬﻪ .
ﻃﻠﻌﺖ ﺗﻘﻮﻯ ﮔﺎﻟﺖ ﻻﺃﻣﻲ .. ﺧﻤﺲ ﺩﻗﺎﻳﻖ ﻭﺍﺟﺖ ﺍﻣﻲ ﻛﺎﻟﺘﻠﻲ -:
- ﺛﺮﻳﺎ ﺍﻧﺖِ ﻣﻘﺘﻨﻌﻪ؟؟ ﺗﺮﻩ ﻋﻴﺸﺘﻬﻢ ﺗﺨﺘﻠﻒ ﻋﻦ ﻋﻴﺸﺘﻨﻪ ﻭﺷﻔﺘﻴﻬﻪ ﺍﻣﻪ
- ﺷﻌﻠﻴﻪ ﺑﺈﻣﻪ ﻗﺎﺑﻞ ﻣﺘﺰﻭﺟﺘﻬﻪ .. ﺍﻧﻲ ﻣﺘﺰﻭﺟﺘﻪ ﻫﻮَ ﻣﺎﻣﺘﺰﻭﺟﺘﻬﻪ
- ﺑﺲ ﺑﻌﺪ ﻳﻮﻣﻴﻦ ﺗﺘﻌﻴﺮﻳﻦ
- ﻻ ﻫﻮَ ﻣﺎﻳﻌﻴﺮﻧﻲ ﻭﻭﻻ ﻳﻠﻤﺤﻠﻲ ﺍﺻﻼً ﺑﺲ ﺃﻣﻪ ﻭﺍﻧﻲ ﺍﻋﺮﻑ ﺍﺗﺼﺮﻑ ﻭﻳﺎﻫﻪ
ﻣﺮﻭﻩ .. ﺛﺮﻳﺎ ﮔﻮﻟﻲ ﺗﺠﻠﻄﻴﻦ ﺍﻟﻤﺮﻩ
- ﺑﺲ ﺍﻭﻝ ﺷﻬﺮ ﻭﻧﺰﻓﻬﻪ ﻟﻠﻔﺘﺤﻪ ﺍﻟﺜﺎﻟﺜﻪ
ﺗﻘﻮﻯ .. ﻋﺰﺯﺯﺍﺍ ﻭﻟﺞ ﻣﺼﺨﻤﻪ ﺷﺘﺮﺩﻳﻦ ﺗﺴﻮﻳﻦ
- ﻳﺎﺍﺍﺍ ﻫﻬﻬﻪ ﺻﺪﮔﺘﻦ ﺷﺄﺳﻮﻳﻠﻬﻪ ﻗﺎﺑﻞ ﻫﻨﻪ ﻛﻢ ﻗﺼﻔﻪ ﻭﺑﺴﻤﻮﺭﻩ ﺷﻤﺴﻮﻳﻪ ﻋﻤﻲ
ﺍﻣﻲ ﻛﺎﻟﺖ -:
- ﻭﻟﺞ ﺛﺮﻳﺎ ﺗﺮﻳﺪﻳﻦ ﺗﺠﻠﻄﻴﻦ ﺍﻟﻤﺮﻩ؟؟
- ﻻ ﻋﻤﻲ ﺷﺒﻴﻜﻢ ﻛﻠﺸﻲ ﻣﺎﺍﺳﻮﻳﻠﻬﻪ ﺃُﻡ ﺍﻟﻘﺎﺳﻲ ﻫﺎﻱ
- ﻳﻼ ﮔﻮﻣﻦ ﺗﺤﻀﺮﻥ ﻣﻦ ﻫﺴﻪ ﺍﺭﻳﺪ ﺍﻟﺒﻴﺖ ﺗﺤﺪﻳﺚ ﺇﺻﺪﺍﺭ ﺍﻭﻝ
ﻛﻌﺪﺕ ﻭﺗﺮﻛﻨﺖ
- ﺍﻧﻲ ﻣﺎﻋﻠﻴﻪ ﺧﻄﻮﺑﺘﻲ ﻣﻮ ﺍﺭﻭﺡ ﺍﺷﺘﻐﻞ
ﺗﻘﻮﻯ .. ﺍﺻﻼً ﺍﻧﺖِ ﺍﻟﻤﻔﺮﻭﺽ ﺗﻜﺮﺑﻴﻦ ﻻﻥ ﺍﺣﻨﻪ ﻣﺎﻋﻠﻴﻨﻪ ﺍﻧﺖِ ﺍﻟﻤﺴﺘﻔﺎﺩﻩ
- ﺍﺷﻮﻓﺞ ﻧﻈﻔﺘﻲ ﺑﺨﻄﻮﺑﺘﺞ ﻫﻪ ﺩﺭﻭﺣﻲ ﺭﻭﺣﻲ ﺗﻮﻛﻠﻲ ﺷﻮﻓﻲ ﺷﻐﻠﺞ
ﺭﺍﺣﻦ ﻳﻨﻈﻔﻦ ﮔﻠﺒﻦ ﺍﻟﺒﻴﺖ ﮔﻼﺏ ﻭﺍﻧﻲ ﮔﺎﻋﺪﻩ ﺍﺳﻮﻱ ﺍﻗﻨﻌﻪ ﻭﺍﺧﺘﺎﺭﻟﻲ ﻓﺴﺘﺎﻥ ﺃﻟﺒﺴﻪ .
ﺻﺎﺭﺕ ﺍﻟﺴﺎﻋﻪ 3 ﺍﻟﻮﻟﺪ ﻃﻠﻌﻮﺍ ﻭﺍﻧﻲ ﺭﺣﺖ ﺑﺪﻟﺖ ﺍﺳﺘﻌﺪﺍﺩ ﻟﺠﻴﺘﻬﻢ .
ﻟﺒﺴﺖ ﻓﺴﺘﺎﻥ ﻃﻮﻳﻞ ﻣﺨﺼﺮ ﻟﻮﻧﻪ ﺑﺼﻠﻲ ﻭﺑﻴﻪ ﻭﺭﺩ ﻣﻠﻮﻥ ﻭﺍﻟﺼﺪﺭ ﻣﺎﻟﺘﻪ ﺑﻴﻪ ﻭﺭﺩﻩ ﺑﻴﻬﻪ ﺭﻳﺶ ﻧﺎﻋﻢ .. ﺿﻔﺮﺕ ﺷﻌﺮﻱ ﻓﺮﻧﺴﻲ ﻭﺣﻄﻴﺖ ﻣﻜﻴﺎﺝ ﺧﻔﻴﻒ ﻭﮔﻔﺖ ﻭﺃﺩﺯ ﻟﺮﻭﺣﻲ ﺑﻮﺳﺎﺕ ﺑﺎﻟﻬﻮﻯ ﻉ ﺍﻟﻤﺮﺍﻳﻪ .
ﺧﺎﻳﺒﻪ ﺷﻨﻮ ﻫﺎﻟﺠﻤﺎﻝ ﻳﻤﻤﻪ ﻓﺪﻳﺖ
ﺗﻘﻮﻯ .. ﮔﻮﻣﻲ ﺍﻟﺒﺎﺏ ﻳﻨﺪﮒ
- ﻳﺤﺤﺢ ﺻﺨﺎﻡ ﺷﺄﺳﻮﻱ ﻫﺴﻪ ﺷﺄﺳﻮﻱبيج قصص عراقيه حقيقيه من واقعنا.روعه الطائي
ﺗﻘﻮﻯ .. ﺇﺭﻛﺪﻱ ﺇﺭﻛﺪﻱ ﺧﻞ ﺗﺪﺧﻞ ﺍﻡ ﻣﺎﻫﺮ ﻭﺍﻧﺖِ ﻗﺪﻣﻲ ﺍﻟﻀﻴﺎﻓﻪ
- ﻳﻼ ﺧﻮﺵ ﺗﺮﻩ ﺑﻠﺸﺖ ﺍﺗﻮﺗﺮ
- ﺻﺪﮒ ﭼﺬﺏ ﻫﺎﻱ ﺛﺮﻳﺎ ﻟﻮ ﻣﺒﺪﻟﻴﻬﻪ
- ﺷﺒﻴﺞ ﻭﻳﺎﻱ ﻏﻴﺮ ﻋﻮﺩ ﻣﺴﺘﺤﻴﻪ ﻭﻛﺬﺍ
- ﻫﻬﻬﻬﻪ ﺭﺍﻳﺤﻪ ﺍﻧﻲ
ﺭﺍﺣﺖ ﻭﺍﻧﻲ ﺷﻮ ﺭﺟﻠﻴﻪ ﻛﺎﻣﺖ ﺗﺮﺟﻒ ﻭﺑﻄﻨﻲ ﻛﺎﻣﺖ ﺗﺨﺒﻂ . ﻣﺎﻣﺼﺪﮔﻪ ﺍﺑﺪﺩ ﺍﺣﺲ ﻫﺬﺍ ﺣﻠﻢ ﻭﻫﺴﻪ ﺷﻮﻳﻪ ﻭﻳﻨﺘﻬﻲ !
ﺭﺣﺖ ﻟﻠﻤﻄﺒﺦ ﺍﺧﺬﺕ ﺍﻟﻀﻴﺎﻓﻪ ﻭﺩﺧﻠﺖ .. ﻟﻜﻴﺖ ﺃﻡ ﻣﺎﻫﺮ ﮔﺎﻋﺪﻩ ﻭﻳﻤﻬﻪ ﻣﻮﺝ ﻭﺃﻡ ﻭﻟﻴﺪ ﻭﻳﺎﻫﻦ . ﺳﻠﻤﺖ ﻭﺭﺩﻥ ﺍﻟﺴﻼﻡ
ﺍﻭﻝ ﻣﺎﺭﻓﻌﺖ ﺭﺍﺳﻬﻪ ﺳﻤﻴﺮﺍﻧﻮ ﻭﺷﺎﻓﺘﻨﻲ ﻫﻤﺴﺖ -:
ﺍﻡ ﻣﺎﻫﺮ .. ﻳﺎﺍﺍ ﺷﻮ ﻣﺒﺪﻟﻪ ﻭﻣﺠﻬﺰﻩ ﻧﻔﺴﻬﻪ ﻋﺒﺎﻟﻚ ﺗﻌﺮﻑ ﺑﺠﻴﺘﻨﻪ ﺍﻟﻠﻪ ﻳﺴﺘﺮ ﺍﺧﺮ ﺟﻴﻞ ﻫﺬﺍ !!
ﻭﮔﻔﺖ ﺑﻤﻜﺎﻧﻲ ﻣﻦ ﺳﻤﻌﺘﻬﻪ ﺍﺣﺲ ﺭﺟﻠﻴﻪ ﺍﺭﺗﺨﺖ .. ﺭﺟﻌﺖ ﻋﺪﻟﺖ ﻭﮔﻔﺘﻲ ﻭﺭﻓﻌﺖ ﺭﺍﺳﻲ ﺍﺿﺤﻚ ﺗﻤﺸﻴﺖ ﺇﻟﻬﻪ ﻭﺣﻄﻴﺖ ﺍﻟﺼﻴﻨﻴﻪ ﻣﻘﺎﺑﻴﻠﻬﻪ ﻣﺎﺍﺧﻠﻴﻬﻪ ﺗﺄﺛﺮ ﺑﻴﻪ ﻭﻻ ﺗﻨﻐﺺ ﻓﺮﺣﺘﻲ .
ﻗﺪﻣﺖ ﺍﻟﻀﻴﺎﻓﻪ ﻛﺪﺍﻣﻬﻦ ﻭﮔﻌﺪﺕ ﻳﻢ ﺍﻣﻲ .. ﻭﻻﺗﻌﺮﻑ ﺗﺴﻮﻟﻒ ﻭﺗﺠﺎﻣﻞ ﺭﺃﺳﺎً ﻓﺘﺤﺖ ﻣﻮﺿﻮﻉ ﺍﻟﺨﻄﻮﺑﻪ ﻭﻋﺒﺎﻟﻚ ﻫﻢ ﻭﺗﺮﻳﺪ ﺗﺨﻠﺺ ﻣﻨﻪ ﻭﻭﺟﻬﻪ ﻣﻐﻨﺪﺏ ﻣﺎﻳﮕﺼﻪ ﺍﻟﻄﺒﺮ .
ﺍﻡ ﻣﺎﻫﺮ .. ﺗﺮﻩ ﻣﻦ ﻫﺴﻪ ﺍﮔﻠﻜﻢ ﺍﺣﻨﻪ ﺑﻌﺪ ﺳﻨﻪ ﻭﻧﺮﺟﻊ ﻟﺒﻐﺪﺍﺩ !!
ﺃﻧﻲ ﺍﻧﺼﺪﻣﺖ ﻭﺍﻣﻲ ﻫﻢ .. ﺑﺎﻭﻋﺘﻠﻲ ﻭﺭﺟﻌﺖ ﺑﺎﻭﻋﺘﻠﻬﻪ ﻛﺎﻟﺘﻠﻬﻪ -:
- ﺍﺣﻨﻪ ﻣﺎﻧﻌﺮﻑ ﺑﻬﺬﺍ ﺍﻟﺤﺠﻲ
ﺍﻡ ﻣﺎﻫﺮ .. ﺍﻱ ﻭﻫﺴﻪ ﻋﺮﻓﺘﻮ ﻳﻌﻨﻲ ﺗﻘﺒﻠﻮﻥ ﻟﻮ ﻻ؟؟
ﺍﻣﻲ ﺟﺎﻭﺑﺘﻬﻪ -:
- ﺣﺠﻴﻪ ﻏﻴﺮ ﻧﺸﻮﻑ ﺍﺧﻮﺍﻥ ﺍﻟﺒﻨﻴﻪ ﻭﻧﺎﺧﺬ ﺭﺃﻳﻬﻢ
ﺍﻧﺘﻔﻀﺖ ﺑﻔﺰﻉ
ﺍﻡ ﻣﺎﻫﺮ .. ﺣﺠِﻴﻪ ﺷﻨﻮﻭﻭ ﺍﻧﻲ ﺣﺠِﻴﻪ ؟؟ ﻫﺬﺍ ﺍﻟﺸﺒﺎﺏ ﻛُﻠﻪ ﻭﺗﻜﻮﻟﻴﻦ ﻋﻨﻲ ﺣﺠِﻴﻪ؟
ﺍﻣﻲ ﺑﺎﻭﻋﺖ ﺿﺤﻜﺖ ﻭﺍﻧﻄﺘﻬﻪ ﻋﻠﻰ ﻣﺎﻳﻬﻪ
- ﻻ ﺍﻧﺖِ ﺍﻟﺨﻴﺮ ﻭﺍﻟﺒﺮﻛﻪ ﺍﻧﻲ ﻣﻦ ﺷﻔﺖ ﺟﻤﺎﻝ ﻭﻟﺪﺝ ﻛﻠﺖ ﺍﻛﻴﺪ ﻃﺎﻟﻌﻴﻦ ﻋﻠﻰ ﺍﻣﻬﻢ ﺻﻐﻴﺮﻭﻧﻪ ﻭﺣﻠﻮﻩ
ﻫﻲَ ﺻﺢ ﺣﻠﻮﻩ ﺑﺲ ﻣﻮ ﺻﻐﻴﺮﻭﻧﻪ
ﻧﺸﻨﺸﺖ ﻭﻇﻠﺖ ﺗﺴﻮﻟﻒ ﻭﻱ ﺍﻣﻲ ﻭﻓﺮﺭﺣﺎﻧﻪ ﻃﺎﻳﺮﻩ ﻣﻦ ﺍﻟﻔﺮﺭﺡ ﻻﻥ ﺍﻣﻲ ﻛﺎﻟﺘﻠﻬﻪ ﺻﻐﻴﺮﻭﻧﻪ .. ﻣﺼﺪﮔﻪ ﺭﻭﺣﻬﻪ ﻫﺎﻱ .. ﻋﻮﺩ ﺑﻜﻞ ﻋﻘﻠﻬﻪ ﺗﺤﺠﻲ ﻫﻬﻬﻪ
ﺍﺧﺘﻨﻜﺖ ﺣﻴﻞ ﺍﺭﻳﺪ ﺑﺲ ﺍﻃﻠﻊ ﻣﻮ ﻃﺎﻳﻘﻪ ﺍﺑﻘﻪ ﻳﻤﻬﻪ ﺍﻛﺮﻩ ﺍﻟﻨﺎﺱ ﺍﻟﻤﺘﺼﻨﻌﻪ ﻣﺎﺍﺣﺒﻬﻢ ﺍﺑﺪ .
ﺧﻠﻴﺖ ﻭﻃﻠﻌﺖ .. ﻇﻠﻴﺖ ﺍﺭﻓﺲ ﺿﺤﻚ ﺑﺎﻟﻤﻄﺒﺦ ﺷﻨﻮ ﻫﺎﻱ ﻳﺎﺭﺑﻲ ﻣﻮ ﺑﺸﺮ ﻛﺎﺍﺍﺭﺛﻪ ﺳﻮﺩﻩ .
ﺭﺍﺣﻮ ﻭﺍﺟﺖ ﺍﻣﻲ ﻣﻴﺘﻪ ﺿﺤﻚ ﻭﺫﻧﻲ ﻳﺤﺸﺸﻦ ﻋﻠﻴﻬﻪ .. ﻋﻤﻲ ﻣﺮﻩ ﺍﺣﻔﺎﺩﺝ ﺗﺰﻭﺟﻮ ﻭﻣﺎﻛﺎﻋﺪﻩ ﺭﺍﺣﻪ ﺧﻮﺵ ﻭﺍﻟﻠﻪ .
ﺍﺟﻮ ﺍﻟﻮﻟﺪ ﺑﺎﻟﻠﻴﻞ ﻭﺍﻣﻲ ﻛﺎﻟﺘﻠﻬﻢ .. ﺍﺳﻤﺎﻋﻴﻞ ﺑﺎﻭﻋﻠﻲ ﺑﻨﻈﺮﺍﺕ ﺷﻚ ﻭﺍﻧﻲ ﺭﺃﺳﺎً ﺍﻃﻔﺮﺭ .
ﺍﻛﻴﺪ ﺷﻚ ﺑﻴﻪ ﺍﻧﻲ ﻣﻨﻄﻴﺘﻪ ﻣﻮﺍﻓﻘﻪ ﻻﻥ ﻣﺎﻳﺘﻘﺪﻡ ﻣﺮﻩ ﺛﺎﻧﻴﻪ ﻭﻳﺬﻝ ﻧﻔﺴﻪ ﺍﺫﺍ ﻣﺎﻳﻌﺮﻑ ﻭﻋﻨﺪﻩ ﺟﻮﺍﺏ ﺍﻛﻴﺪ ﺍﺳﻤﺎﻋﻴﻞ ﻫﻢ ﻣﻮ ﻏﺒﻲ ﻭﻳﻔﻜﺮ .
ﺍﺳﻤﺎﻋﻴﻞ .. ﻣﺎﻳﺤﺘﺎﺝ ﻳﺴﺄﻝ ﻻﻥ ﻧﻌﺮﻓﻬﻢ ﻭﺳﺄﻟﻨﻪ ﻋﻠﻴﻬﻢ ﻣﻦ ﺍﺟﻮ ﻟﻨﻬﻰ ﻭﺍﻟﻨﻌﻢ ﻣﻨﻬﻢ ﺑﺲ ﻻﺯﻡ ﺷﻮﻳﻪ ﺗﺎﺧﺬﻭﻟﻜﻢ ﻓﺪ ﻳﻮﻣﻴﻦ ﻳﻼ ﺗﺮﺟﻌﻮﻥ ﻣﻮﺍﻓﻘﻪ ﻟﻮ ﺭﻓﺾ ﻭﻫﺬﺍ ﺍﻟﺸﻲ ﻳﺮﺟﻊ ﻟﺜﺮﻳﺎ
- ﻳﻤﻪ ﺗﻌﻴﺶ ﺑﺒﻐﺪﺍﺩ
ﺍﺳﻤﺎﻋﻴﻞ .. ﺷﻨﻮ ﺷﻨﻮ ﻻ ﻟﻴﺶ ﺑﺒﻐﺪﺍﺩ ﻏﻴﺮ ﺷﺎﻟﻮ ﻭﺍﺣﻨﻪ ﻭﻳﻦ ﻧﻜﺪﺭ ﻧﻔﺎﺭﮒ ﺛﺮﻳﺎ
- ﻫﻲَ ﺇﻣﻪ ﻛﺎﻟﺖ ﺑﺒﻐﺪﺍﺩ
ﻇﻠﻮﺍ ﻳﺘﻨﺎﻗﺸﻮﻥ ﻭﺍﺣﺪ ﻳﺮﻓﻊ ﻭﻭﺍﺣﺪ ﻳﻜﺒﺲ ﻭﺍﻣﻲ ﺗﺪﺭﻱ ﺑﻴﻪ ﻣﻮﺍﻓﻘﻪ ﺑﺲ ﻣﺘﺮﺩﺩﻩ ﻣﻦ ﻧﺎﺣﻴﺔ ﺍﻋﻴﺶ ﺑﺒﻐﺪﺍﺩ .
ﺍﺟﺘﻨﻲ ﻟﻠﻐﺮﻓﻪ ﻛﺎﻟﺖ -:
- ﺛﺮﻳﺎ ﺗﺮﻩ ﺑﺒﻐﺪﺍﺩ . ﺍﻧﺖِ ﻣﻮ ﺗﻜﻮﻟﻴﻦ ﻣﺎﺍﻓﺎﺭﮒ ﺍﻫﻠﻲ ﻭﻫﺴﻪ ﻗﺴﻤﺘﺞ ﺑﺒﻐﺪﺍﺩ ﺷﻠﻮﻥ؟
- ﻳﺎﺍﺍ ﻣﺎﻣﺎ ﭼﺎ ﻫﺎﻳﺎﻫﻪ ﺑﻐﺪﺍﺩ ﻗﺮﻳﺒﻪ
ﻓﺘﺤﺖ ﺍﻳﺪﻳﻬﻪ ﻭﻋﻮﺩ ﺗﻘﻠﺪ ﻋﻠﻴﻪ
- ﺍﻱ ﺍﻱ ﻗﺮﻳﺒﻪ ﺟﻴﺮﺍﻧﻪ ﺍﺻﻼً ﻣﺎﺩﺍﻡ ﺍﻟﺴﺎﻟﻔﻪ ﺑﻴﻬﻪ ﻣﻬﻮﺭﻱ
ﻳﺎﺍﺍ ﻳﺎﺍﺍ ﻋﺰﻩ ﻫﺎﻱ ﺍﻣﻲ ﻫﻴﺞ ﺗﺤﺠﻲ ﻭﻻ ﺍﺻﺪﮒ . ﻭﻟﻮ ﻫﻲَ ﺣﺸﺎﺷﻪ ﺩﺭﺟﻪ ﺍﻭﻟﻰ .. ﺑﺲ ﺷﺼﺎﺭ ﺑﻴﻪ ﻳﻴﺒﻮﻭ ﻣﺘﺖ ﻣﻦ ﺍﻟﻔﺸﻠﻪ
ﺫﻧﻲ ﺷﺼﺎﺭ ﺑﻴﻬﻦ ﻣﺎﺗﻦ ﺿﺤﻚ ﻭﻧﺎﺻﺒﺎﺕ ﻋﻠﻴﻪ ﻛﻠﺴﺎﻉ ﻭﻛﺎﻟﻠﻲ ﻗﺮﻳﺒﻪ ﻭﺍﻧﻲ ﻣﻴﺘﻪ ﺧﺠﻞ .
ﻳﺘﺒﻊ ..
ﻋـﺒـﺮﺍﺕ ﺍﻟـﻌـﺒـﺎﺩﻱ 🌼🌻

ﻫﺸﺎﺷﺔ ﻗﻠﺐ ﻓﻲ ﺍﻟﻤﺮﻛﺰ ﺍﻷﻭﻝ ❤