هشاشة قلب

بارت34

ﺍﻟـﺴـﻼﻡُ ﻋـﻠـﻴـﻜـﻢ 🌼🌻
#ﻫﺸﺎﺷﺔ__ﻗﻠﺐ
ﺍﻟـﺒـﺎﺭﺕ _34_
ﺍﻟﻜﺎﺗﺒﻪ _ ﺍﻟﻌﺒﺎﺩﻳﻪ
alabadyia_09
ﻫﻞ ﺿـﺮَّ ﻫﺬﺍ ﺍﻟڪﻮﻥ ﻧﺒـﺾ ﻟﻘﺎﺋﻨﺎ
ﺃﻡ ﺃﻥ ﻫـٰـﺬﺍ ﺍﻟﺤﺰﻥ ﺃﺩﻣـטּ ﺃﺿﻠﻌـﻲ
ﻗُـﻞ ﻟﻠـﻤـﺴـﺎﻓـﺎﺕِ ﺍﻟﺒﻌـﻴـﺪﺓِ ﺑـﻴﻨـﻨـﺎ
ﺃﺭﺟـﻮ ﺑـﺤـﻖِ ﺍﻟﻠﻪِ ﺃטּ ﺗـﺘــﻮﺍﺿـﻌﻲ
~~~~~~~~~~~~~~~~~~~~~~~~~~~~~
ﺛُﺮﻯٰ . . .
ﺑﻮﮔﻔﺘﻪ ﺍﻟﻘﺎﺳﻴﻪ ﻭﺻﻮﺗﻪ ﺍﻟﺠﺎﻣﺢ ﻛﺎﻝ -:
- ﺍﻋﺘﻘﺪ ﻣﺘﻔﻘﻴﻦ ﺗﺮﻭﺣﻴﻦ ﻻﺍﻫﻠﺞ ﻑ ﻟﻤﻲ ﻣﻼﺑﺴﺞ ﺩﺍﺧﺬﺝ !!
ﺍﺑﺎﻭﻋﻠﻪ ﺑﺘﻮﺳﻞ ﻭﻋﻴﻮﻧﻲ ﻣﻠﻴﺎﻧﻪ ﺩﻣﻮﻉ .. ﺩﻧﮕﺖ ﻭﻇﻠﻴﺖ ﺑﮕﻌﺪﺗﻲ .. ﺇﻟﻤﻦ ﺭﺍﻳﺤﻪ ﺧﺎﻑ ﻳﮕﻮﻝ ﻻﺇﺧﻮﺍﻧﻲ؟؟ ﻳﻜﺘﻠﻮﻧﻲ ﺍﻛﻴﺪ ﻭﺍﺗﻄﻠﮓ . ﻻ ﻣﺎﺍﺭﻭﺡ ﺇﻟﻤﻦ ﺭﺍﻳﺤﻪ ﺍﻇﻞ ﻫﻨﺎ ﺑﺲ ﺧﺎﻑ ﻣﺎﻳﻘﺒﻞ ﻭﻳﺬﻟﻨﻲ . ﻳﺎﺍﻟﻠﻪ ﻓﺪﻭﻩ ﺍﺭﻭﺣﻠﻚ ﺷﺄﺳﻮﻱ ﻫﺴﻪ .
ﺭﺍﺡ ﻓﺘﺢ ﺍﻟﻜﻨﺘﻮﺭ ﺃﺧﺬ ﻣﻼﺑﺴﻪ ﻭﺭﺍﺡ ﻟﻠﺤﻤﺎﻡ .. ﺑﺪﻝ ﻭﺇﺟﻪ ﻭﮔﻒ ﻳﻤﻲ ﻭﻧﺘﺮ -:
- ﺑﻌﺪﺝ ﻟﻬﺴﻪ ﻣﻜﺎﻳﻤﻪ؟؟
ﻫﻤﺴﺖ ﺑﺼﻮﺕ ﻭﺍﻫﻦ -:
- ﻣﺎﺍﺭﻳﺪ ﺍﺭﻭﺡ
- ﭼﺆﺅﺅ ﻛﻮﻣﻲ
ﺳﻜﺘﺖ ﺣﺴﻴﺖ ﺑﺲ ﺑﻌﺪ ﺍﺣﺠﻲ ﺣﭽﺎﻳﻪ ﻳﻄﺮﺩﻧﻲ .. ﻭﮔﻔﺖ ﺗﻮﺟﻬﺖ ﻟﻠﻜﻨﺘﻮﺭ ﻛﻠﻤﺎ ﺍﺧﻄﻲ ﺧﻄﻮﻩ ﮔﻠﺒﻲ ﻳﻌﺘﺼﺮ ﺃﻟﻢ ﻭﺍﻧﻘﻬﺮ .. ﻃﻠﻌﺖ ﺍﻟﺠﻨﻄﻪ ﻭﺧﻠﻴﺖ ﻛﻢ ﻗﻄﻌﻪ ﻭﻫﻮَ ﮔﺎﻋﺪ ﻉ ﺍﻟﭽﺮﺑﺎﻳﻪ .. ﺣﺎﻁ ﺇﻳﺪﻳﻪ ﻋﻠﻰ ﺭﺟﻠﻴﻪ ﻭﻭﺟﻬﻪ ﺑﻴﻦ ﻛﻔﻮﻓﻪ ﻣﺪﻧﮓ ﻭﻣﺎﺭﻓﻊ ﻧﻈﺮﻩ ﻋﻠﻴﻪ ﺍﺑﺪ .. ﻟﺤﺪ ﺍﻵﻥ ﻧﻈﺮﻩ ﻭﺣﺪﻩ ﻣﺎﻧﻈﺮﻟﻲ ﻭﻋﻴﻨﻪ ﻣﺎﺇﺟﺖ ﺑﻌﻴﻨﻲ ﻭﻫﺎﻟﺸﻲ ﺟﺎﻱ ﻳﻌﺬﺏ ﺑﻴﻪ ﻓﻮﮒ ﻋﺬﺍﺑﻲ ﻭﻗﻬﺮﻱ .
ﺳﺤﺒﺖ ﺷﺎﻝ ﻭﻟﻔﻴﺘﻪ ﻫﻮَ ﺑﮕﻌﺪﺗﻪ ﻭﻳﻬﺰ ﺑﺮﺟﻠﻪ ﺣﻴﻞ .. ﺑﻘﻴﺖ ﻭﺍﮔﻔﻪ ﻻﺑﻴﻪ ﺍﺣﭽﻲ ﻭﻻ ﺑﻴﻪ ﺍﺗﻘﺮﺏ ﻳﻤﻪ ﻭﮔﻒ ﺳﺤﺐ ﺍﻟﺘﻴﺸﻴﺮﺕ ﻣﺎﻟﺘﻪ ﻭﺯﻓﺮ ﻧﻔﺲ .. ﻛﺎﻝ -:
- ﺧﻠﻴﻬﻪ ﻟﻠﻌﺼﺮ
ﺳﻜﺘﺖ . ﻭﺑﮕﻠﺒﻲ ﺃﮔﻮﻝ ﺟﺎ ﺍﻟﻤﻦ ﺧﻠﻴﺘﻨﻲ ﺍﺑﺪﻝ .. ﻫﻮَ ﻋﺒﺎﻟﻚ ﻓﻬﻤﻨﻲ ﺭﺃﺳﺎً ﮔﺎﻝ -:
- ﺍﻟﺪﻧﻴﺎ ﺍﻟﻈﻬﺮ ﺧﺎﻑ ﺍﻫﻠﺞ ﻳﻨﺮﻋﺒﻮﻥ..بيج قصص عراقيه حقيقيه من واقعنا.روعه الطائي
ﺧﻼﻧﻲ ﺑﻮﮔﻔﺘﻲ ﻭﻧﺰﻝ .. ﻇﻠﻴﺖ ﺍﺑﺎﻭﻉ ﺑﻜﻞ ﻣﻜﺎﻥ ﻭﺍﺗﺬﻛﺮ ﺍﻧﻲ ﺷﻜﺪ ﻏﺒﻴﻪ ﻣﺎﻛﻮ ﺍﻏﺒﻰٰ ﻣﻨﻲ ﺍﺻﻼً
ﻛﻌﺪﺕ ﻉ ﺍﻟﭽﺮﺑﺎﻳﻪ ﺗﻌﺒﺎﻧﻪ ﻭﻳﺎﺋﺴﻪ ﺷﻮﻳﻪ ﻭﺻﻌﺪﺗﻠﻲ ﻣﻮﺝ
ﻣﻮﺝ .. ﻳﻼ ﺛُﺮﻯٰ ﺗﻌﺎﻟﻲ ﺗﻐﺪﻱ
- ﻣﺎﺍﺭﻳﺪ
ﻣﻮﺝ .. ﺛُﺮﻯٰ ﻧﺰﻟﻲ
- ﻣﺎﺍﺷﺘﻬﻲ
ﻣﻮﺝ .. ﺍﻧﻲ ﻣﻌﻠﻴﻪ ﻣﺠﺮﺩ ﻋﺒﺪ ﻣﺄﻣﻮﺭ
- ﺷﻨﻮ؟؟ ﻳﻌﻨﻲ ﻣﺎﻫﺮ ﻭﺩﺍﺝ؟
ﻣﻮﺝ .. ﻫﺎ ﻻ ﻻ ﻣﺎﻣﺎ ﺩﺯﺗﻨﻲ
- ﭼﺎ ﻣﺎﺍﺭﻳﺪ
ﻣﻮﺝ .. ﺗﺘﻌﺎﻟﻲ ﻳﻼ ﺗﻐﺪﻱ ﻭﻳﺎﻳﻪ ﺍﻧﻲ ﺍﺿﻮﺝ ﺑﺪﻭﻧﺞ
ﺳﺤﺒﺘﻨﻲ ﻣﻦ ﺇﻳﺪﻱ ﻭﻧﺰﻟﻨﻪ .. ﻟﻜﻴﺘﻬﻢ ﻃﺎﻟﺒﻴﻦ ﺍﻟﻐﺪﻩ ﺟﺎﻫﺰ .. ﺍﺻﻼً ﻣﻨﻮ ﻳﺸﺘﻬﻲ ﺣﺘﻰ ﻳﺎﻛﻞ .. ﻫﻮَ ﺟﺎﻥ ﻛﺎﻋﺪ ﻣﻨﺘﻈﺮ ﺍﻵﻛﻞ ﻳﺒﺮﺩ ﻭﻋﻴﻮﻧﻪ ﻉ ﺍﻟﺘﻠﻔﺰﻳﻮﻥ .. ﻇﻠﻴﺖ ﺻﺎﻓﻨﻪ ﺑﻤﻼﻣﺤﻪ ﻳﻤﻜﻦ ﻫﺎﻱ ﺁﺧﺮ ﻣﺮﻩ ﺍﺷﻮﻓﻪ ﺑﻴﻬﻪ ﻭﻳﻤﻜﻦ ﺍﺭﺟﻊ ﺃﺷﻮﻓﻪ ﻣﺎﺍﺩﺭﻱ ﻫﻮَ ﺍﻟﻴﺤﺪﺩ ﻫﺎﻟﺸﻲ .
ﺑﻠﺶ ﻳﺎﻛﻞ ﺑﺒﺮﻭﺩ ﻭﻋﺪﻡ ﺷﻬﻴﻪ ﻭﺍﻧﻲ ﻫﻢ ﺍﻧﻘﺶ .. ﺍﻣﻪ ﺗﺨﻮﺯﺭ ﺑﻴﻪ ﻣﻦ ﻛﻌﺪﺕ ﻟﻬﺴﻪ ﻋﻴﻮﻧﻬﻪ ﺗﺮﻳﺪ ﺗﻔﺘﺮﺳﻨﻲ ﺗﺰﺃﺭ ﻋﻠﻴﻪ ﺯﺃﺭ .. ﻣﻮﺝ ﺗﺴﻮﻟﻒ ﻭﺗﺤﺎﻭﻝ ﺗﻐﻴﺮ ﺟﻮ
ﻣﻮﺝ .. ﺧﺐ ﺛُﺮﻯٰ ﺫﺍﻙ ﺍﻟﻴﻮﻡ ﺭﺣﻨﻪ ﻟﻠﻤﻨﺘﺰﻩ ﻭﺷﻔﻨﻪ ﻗﺮﺩ ﺍﻧﻲ ﺣﻄﻴﺖ ﺇﻳﺪﻱ ﻋﻠﻴﻪ ﺻﺪﻭﻙ ﻳﺴﺤﺐ ﺍﺻﺒﻌﻲ ﻭﻳﻌﻀﻪ ﻣﺘﺖ ﻣﻦ ﺍﻟﻮﺟﻊ ﻇﻠﻴﺖ ﺍﻋﻴﻴﻂ ﻭﺍﻟﻤﻨﺘﺰﻩ ﻛُﻠﻪ ﺇﻟﺘﻤﻮ ﻋﻠﻴﻪ ﺑﻘﻴﺖ ﺍﺑﺠﻲ .. ﻟﻮ ﺷﺎﻳﻔﻪ ﺷﺼﺎﺭ ﺑﺤﺎﻟﻲ ﺍﻟﻜﺤﻞ ﻣﺎﻟﺘﻲ ﺳﺎﻝ ﻭﺍﻟﻤﻴﻚ ﺁﺏ ﺗﺨﺮﺏ ﻫﻬﻬﻬﻪ ﺻﺮﺕ ﻋﺒﺎﻟﻚ ﻣُﻬﺮﺝ ﻭﺍﻟﻨـ ....
ﻣﺎﻫﺮ .. ﺍﺷﺸﺸﺶ ﻫﺪﺩﻭﺀ
ﻫﻲَ ﺧﻨﺴﺖ ﻋﻮﺩ ﺍﻟﺒﻨﺖ ﺗﺮﻳﺪ ﺗﻠﻄﻒ ﺍﻟﺠﻮ ﺩﻧﮕﺖ ﺭﺍﺳﻲ ﺑﻌﺪﻣﺎ ﺟﻨﺖ ﺍﺑﺎﻭﻋﻠﻪ .. ﮔﻤﺖ ﺍﻭﻝ ﻭﺣﺪﻩ ﻣﺎﺍﺷﺘﻬﻲ ﺷﻲ ﺍﺻﻼً ﻫﻴﺞ ﻛﺎﻋﺪﻩ ﻭﻳﺎﻫﻢ ﻣﻨﻴﻠﻲ ﺍﻟﺸﻬﻴﻪ ﺍﻧﻲ .
ﻏﺴﻠﺖ ﻭﻛﻌﺪﺕ ﻉ ﺍﻟﻘﻨﻔﻪ ﺑﺎﻟﺼﺎﻟﻪ .. ﻛﻤﻠﻮ ﻟﻤﻴﺖ ﺍﻟﻤﻮﺍﻋﻴﻦ ﻭﻇﻠﻴﺖ ﺃﻏﺴﻞ ﺑﻴﻬﻦ .. ﻣﻮﺝ ﻳﻤﻲ ﺗﺴﻮﻟﻒ ﻋﻠﻴﻪ ﻭﺗﻬﺪﺃ ﺑﻴﻪ
ﻣﻮﺝ .. ﻣﺎﻫﺮ ﻳﺤﺒﺞ ﺛُﺮﻯٰ ﻭﻫﺴﻪ ﺇﻧﺠﺮﺡ ﻣﻦ ﻋﻨﺪﺝ ﻑ ﺍﻧﺖِ ﺇﺑﺘﻌﺪﻱ ﻓﺘﺮﺓ ﺧﻠﻲ ﺃﻋﺼﺎﺑﻪ ﺗﺒﺮﺩ ﻳﻼ
- ﻫﻮَ ﻳﻤﻜﻦ ﺑﻌﺪ ﻣﺎﻳﺮﺟﻌﻨﻲ
ﻣﻮﺝ .. ﺑﺲ ﻳﺤﺒﺞ
- ﻣﺎﺍﺩﺭﻱ ﻳﺤﻠﻬﻪ ﺃﻟﻒ ﺣﻼﻝ .
ﻛﻤﻠﺖ ﺍﻟﻤﻮﺍﻋﻴﻦ ﻭﺍﻡ ﻣﺎﻫﺮ ﻭﻣﻮﺝ ﻫﻴﺞ ﻭﻗﺖ ﻳﻨﺎﻣﻦ ﻭﺍﺣﻨﻪ ﻛﻠﻨﻪ ﻧﻨﺎﻡ ﺍﻟﻈﻬﺮ .. ﺍﻟﺒﻴﺖ ﺟﻮﻩ ﻓﺮﻍ ﻑ ﺻﻌﺪﺕ ﻟﻔﻮﻙ ﻟﻠﻐﺮﻓﻪ ﻋﺰﻟﺘﻬﻪ ﻭﻟﻤﻴﺖ ﺍﻟﮕﺰﺍﺯ ﺍﻟﺘﻄﺸﺮ .. ﺩﺧﻠﺖ ﺑﺈﻳﺪﻱ ﮔﺰﺍﺯﻩ ﺷﺎﻏﺖ ﺭﻭﺣﻲ ﻃﻠﻌﺘﻬﻪ ﻭﻟﻔﻴﺖ ﺇﻳﺪﻱ .. ﻛﻤﻠﺖ ﺗﻨﻈﻴﻒ ﺍﻟﻐﺮﻓﻪ ﻭﺳﺤﺒﺖ ﻣﺨﺪﻩ ﺍﺭﻳﺪ ﺍﺗﻤﺪﺩ .. ﺩﺧﻞ ﻫﻮَ ﺍﻧﻲ ﺷﺎﻳﻠﻪ ﺍﻟﻤﺨﺪﻩ ﺑﺈﻳﺪﻱ ﻣﻦ ﺷﻔﺘﻪ ﺗﻮﺟﻪ ﻟﻠﺨﺎﻧﻪ ﺍﻟﺒﻴﻬﻪ ﺍﻟﻔﺮﺍﺷﺎﺕ ﻣﺪﻳﺘﻠﻪ ﺍﻟﻤﺨﺪﻩ ﻣﺎﻟﺘﻲ .بيج قصص عراقيه حقيقيه من واقعنا.روعه الطائي..ﺧﺬﻫﻪ ﻣﻦ ﺇﻳﺪﻱ ﻭﺫﺑﻬﻪ ﺑﺎﻟﮕﺎﻉ ﻭﻛﻤﻞ ﻣﺸﻴﺘﻪ ﺍﺧﺬ ﻣﺨﺪﻩ ﻭﺩﻳﺒﺎﺝ ﻭﻃﻠﻊ ﻟﻠﺼﺎﻟﻪ .. ﻇﻠﻴﺖ ﺻﺎﻓﻨﻪ !!
ﺍﺫﺍ ﻣﺎﺗﺮﻳﺪﻫﻪ ﺟﺎ ﺇﻟﻤﻦ ﺍﺧﺬﺗﻬﻪ .. ﺧﻠﻴﺘﻬﻪ ﺑﺤﻄﺘﻬﻪ ﻭﺭﺣﺖ ﻉ ﺍﻟﺠﺮﺑﺎﻳﻪ ﺗﻤﺪﺩﺕ ﻭﺻﺎﻓﻨﻪ ﻣﺎﻧﻤﺖ ﻭﻻﺍﺧﺬﺕ ﻋﻴﻨﻲ ﻧﻮﻡ .. ﺍﺗﺬﻛﺮ ﻣﺨﻄﻄﺎﺗﻨﻪ ﻟﺒﻌﺪ ﺍﺳﺒﻮﻋﻴﻦ ﻣﻦ ﻗﺮﺭﻧﺎ ﻧﺮﻭﺡ ﻧﺸﺘﺮﻱ ﻣﻼﺑﺲ ﺍﻟﻜﻠﻴﻪ ﻣﻦ ﻣﻮﻻﺕ ﺑﻐﺪﺍﺩ ﻭﻣﻦ ﻛﺎﻟﻲ ﻧﺮﻭﺡ ﺍﻓﺮﭺ ﺑﻐﺪﺍﺩ ﻛﻠﻬﻪ ﻭﻧﺮﻭﺡ ﺳﻔﺮﻩ ﻧﺘﻮﻧﺲ ﻭﺍﺗﺬﻛﺮ ﻣﻦ ﻛﺎﻝ ﻫﺎﻟﺴﻨﻪ ﻣﺎﻳﺪﺭﺳﻨﻪ ﻻﻥ ﺗﺰﻭﺟﻨﻲ ﻭﺍﻋﺘﺮﻑ ﺑﻠﺴﺎﻧﻪ ﻛﺎﻝ ﺍﺩﺭﺳﻜﻢ ﻋﻠﻤﻮﺩﺝ .
ﺻﺪﮒ ﻟﻮ ﻛﺎﻝ ﺍﺑﻮ ﺍﻟﻤﺜﻞ ﺍﻟﮕﺪﺭ ﻣﺎﮔﺪﺭ ﻭﺍﻟﺸﻠﻪ ﻣﺎﻋﺒﺮ .. ﺑﺲ ﻛﻠﻪ ﻣﻦ ﺇﻳﺪﻱ ﺣﻴﻞ ﺑﻴﻪ ﻭﺃﺳﺘﺎﻫﻞ
ﻇﻠﻴﺖ ﻣﺘﻤﺪﺩﻩ ﻣﻨﺎ ﻟﻤﺎ ﺻﺎﺭﺕ ﺍﻟﺴﺎﻋﻪ ﺑﺎﻟـ 4 ﺩﺧﻞ ﻛﺎﻝ -:
- ﻳﻼ ﺗﺤﻀﺮﻱ ﺩﻧﺮﻭﺡ
ﻛﻌﺪﺕ ﻋﻠﻰ ﺣﻴﻠﻲ ﺍﺭﻳﺪ ﺍﺭﻭﺡ ﻟﻠﺤﻤﺎﻡ ﺭﺍﺡ ﺳﺒﻘﻨﻲ ﻭﺍﺧﺬ ﻣﻼﺑﺴﻪ ﻭﺩﺧﻞ ﻳﺴﺒﺢ .. ﻫﺴﻪ ﺳﺎﻋﻪ ﻳﻼ ﻳﻄﻠﻊ .بيج قصص عراقيه حقيقيه من واقعنا.روعه الطائي
ﻇﻠﻴﺖ ﻣﻨﺘﻈﺮﺗﻪ ﻟﻤﺎ ﻃﻠﻊ ﻳﻼ ﺩﺧﻠﺖ ﻏﺴﻠﺖ ﻭﺑﺪﻟﺖ ﺧﻔﻴﺖ ﺁﺛﺎﺭ ﺇﺻﺎﺑﻌﻪ ﺑﺎﻟﻤﻜﻴﺎﺝ ﺑﺲ ﺍﻟﻔﺸﺨﻪ ﮔﻠﺖ ﺍﺧﻔﻴﻬﻪ ﺑﺎﻟﻜﺐ ..
ﻫﻮَ ﻫﻢ ﺑﺪﻝ ﺑﺪﻭﻥ ﺃﻱ ﻛﻠﻤﻪ ﻭﻻ ﺃﻱ ﻧﻘﺎﺵ ﺩﺍﺭ ﺑﻴﻨﺎﺗﻨﻪ
ﺷﻠﺖ ﺍﻟﺠﻨﻄﻪ ﻣﺎﻟﺘﻲ ﻭﻧﺰﻟﺖ ﻇﻠﻴﺖ ﮔﺎﻋﺪﻩ ﺑﺎﻟﺼﺎﻟﻪ ﺍﻧﺘﻈﺮﻩ ﻟﻤﺎ ﻳﺘﻌﻄﺮ ﻭﻳﺘﻜﺸﺦ .
ﻧﺰﻝ ﻭﻛﻔﺖ ﻭﻫﻮَ ﻳﻤﺸﻲ ﻣﺸﻴﺖ ﻛﺪﺍﻣﻪ ﻭﺍﻟﺠﻨﻄﻪ ﺑﻤﺘﻨﻲ .. ﺭﺃﺳﺎً ﺇﻧﺴﺤﺐ ﺍﻟﺴﻴﺮ ﻣﺎﻝ ﺍﻟﺠﻨﻄﻪ ﻭﻧﺘﺮﻫﻪ ﻣﻨﻲ ﻭﺷﺎﻟﻬﻪ .. ﺍﺧﺬﻫﻪ ﻭﺭﺍﺡ ﻟﻠﺴﻴﺎﺭﻩ ﻭﺍﻧﻲ ﻭﺭﺍﻩ .
ﺩﺧﻞ ﻟﻠﺴﻴﺎﺭﻩ ﻭﺍﻧﻲ ﻛﻌﺪﺕ ﻳﻤﻪ ﺳﺎﻕ ﺑﺒﺮﻭﺩ ﺍﺣﺴﻪ ﻗﻄﻌﺔ ﺛﻠﺞ ﻭﺗﻤﺸﻲ ﻭﻻ ﭼﻨﻪ ﻫﺬﺍ ﺍﻟﻤﺴﺎﻉ ﻳﻨﺸﺎﻝ ﻭﻳﻨﺮﮔﻊ ﻭﻧﺎﺭﻩ ﺗﺤﺮﮒ ﺍﻻﺧﻀﺮ ﻭﺍﻟﻴﺎﺑﺲ .
ﻭﺻﻠﻨﻲ ﻟﺒﻴﺖ ﺍﻫﻠﻲ ﻗﺒﻞ ﻻﺍﻧﺰﻝ ﻛﺎﻝ -:
- ﻻﻣﻮﺑﺎﻳﻞ ﻭﻻ ﺳﻴﻢ ﻛﺎﺭﺕ ﻭﻻ ﻃﻠﻌﻪ ﻭﻻ ﻣﺨﺎﺑﺮﻩ ﻭﻻ ﻣﺮﺍﺳﻠﻪ ﻭﻻ ﺗﺴﻴﻮﺭﻩ ﻭﻻ ﺃﻱ ﺷﻲ ﺧﻄﻮﻩ ﻟﻠﺒﺎﺏ ﺭﺟﻠﺞ ﻣﺘﺨﻄﻲ ﻣﻔﻬﻮﻭﻡ
ﺳﻜﺘﺖ .. ﺭﺟﻊ ﻧﺘﺮ -:
- ﻣﻔﻬﻮﻭﻭﻭﻡ ؟؟
- ﺍﻱ ﺍﻱ ﻓﻬﻤﺖ
ﻃﻠﻊ ﻇﺮﻑ ﺍﺑﻴﺾ ﻭﺍﻧﻄﺎﻧﻴﺎﻩ ﺑﺎﻭﻋﺘﻠﻪ ﻭﺑﺎﻭﻋﺖ ﺑﺎﻟﻈﺮﻑ ﺳﺄﻟﺘﻪ -:
- ﺷﻨﻮ ﻫﺬﺍ؟
- ﺷﺘﺸﻮﻓﻴﻦ؟
- ﻇﺮﻑ ﺍﺑﻴﺾ ﻭﺩﺍﺧﻠﻪ ﺷﻲ
- ﺍﻱ ﺍﺧﺬﻳﻪ ﺑﺪﻭﻥ ﻧﻘﺎﺵ
- ﻫﻮَ ﺷﻨﻮ
ﻧﺘﺮ -:
- ﻣﻌﻠﻴﺞ ﺍﺧﺬﻳﻪ ﻭﺧﻼﺹ
ﺍﺧﺬﺗﻪ ﻣﻨﻪ ﻭﺣﻄﻴﺘﻪ ﺑﺎﻟﺠﻨﻄﻪ .. ﻋﺮﻓﺘﻪ ﻣﺼﺮﻑ .
ﻫﺰ ﺭﺍﺳﻪ ﻭﻧﺰﻝ ﺳﻠﻢ ﻋﻠﻰٰ ﺍﻣﻲ ﻣﻦ ﺍﻟﺒﺎﺏ ﻭﺭﺍﺡ ﻻﻥ ﻫﻴﺞ ﻭﻗﺖ ﺍﻟﻮﻟﺪ ﺑﺎﻟﺸﻐﻞ .
ﺩﺧﻠﺖ ﻟﻠﺒﻴﺖ ﻣﺸﺘﺎﻗﻪ ﻻﺍﻫﻠﻲ ﺑﺲ ﻣﺎﺗﻬﻨﻴﺖ ﻻﻥ ﺑﺎﻟﻲ ﻭﺗﻔﻜﻴﺮﻱ ﻛﻠﻪ ﻳﻤﻪ ﻭﺷﺮﺍﺡ ﻳﺴﻮﻱ ﻭﺷﻨﻮ ﻣﻮﻗﻔﻪ .
ﺍﻣﻲ ﻇﻠﺖ ﺣﺎﺿﻨﺘﻨﻲ ﻣﺸﺘﺎﻗﺘﻠﻲ ﻭﺩﻣﻌﺖ ﺍﻧﻲ ﻣﺎﺻﺪﮔﺖ ﻋﺒﺎﻟﻚ ﻇﻠﻴﺖ ﺍﺑﺠﻲ ﻫﻢ ﻣﺸﺘﺎﻗﺘﻠﻬﻢ ﻭﻫﻢ ﻣﻦ ﻣﺼﻴﺒﺘﻲ ﺍﻟﻤﺤﺘﺎﺭﻩ ﺑﻴﻬﻪ .
ﻣﻦ ﺑﭽﻴﻲ ﺍﺧﻮﺍﺗﻲ ﻋﺮﻓﻦ ﺻﺎﻳﺮ ﺷﻲ ﻇﻠﻦ ﻳﺒﺎﻭﻋﻠﻲ ﺑﻘﻠﻖ .. ﺣﺘﻰ ﺍﻣﻲ ﺳﺄﻟﺘﻨﻲ -:
- ﻳﻤﻪ ﺻﺎﻳﺮ ﺷﻲ ﻭﻳﺎﺝ
- ﻻ ﻻ ﻛﻠﺸﻲ ﻣﺎﻛﻮ ﺑﺲ ﺗﻌﺒﺎﻧﻪ
ﻛﻌﺪﻧﻪ ﻭﻇﻠﻴﻨﻪ ﻧﺴﻮﻟﻒ ﻳﺴﺄﻟﻦ ﺑﻴﻪ ﻋﻠﻰ ﻋﻴﺎﻟﻲ ﻭﺷﻠﻮﻥ ﺗﻌﺎﻣﻠﻬﻢ ﻭﻳﺎﻱ ﻭﺟﺎﻧﺖ ﺍﺟﺎﺑﺎﺗﻲ ﻣﺨﺘﺼﺮﻩ ﻭﻛﻠﻬﻪ ﺯﻳﻨﻴﻦ ﻟﻮ ﺍﻱ ﻟﻮ ﻻ .
ﺍﻣﻲ ﺳﺄﻟﺘﻨﻲ ﻋﻠﻰ ﺍﻡ ﻣﺎﻫﺮ ﻛﺘﻠﻬﻪ ﻣﺪﺑﺮﻩ ﺇﻣﻮﺭﻱ ﻭﻳﺎﻫﻪ .. ﻗﺪﻣﻨّﻠﻲ ﻛﻴﻚ ﻭﻋﺼﻴﺮ .. ﺍﻛﻠﺘﻬﻦ ﻭﺭﺣﺖ ﻟﻠﻐﺮﻓﻪ ﻣﺸﺘﺎﻗﻪ ﻟﻤﻜﺎﻧﻲ ﻭﻣﺸﺘﺎﻗﻪ ﻟﺮﺍﺣﺘﻲ ﻫﻨﺎ ﺑﺪﻭﻥ ﻫﻢ .
ﻧﺰﻋﺖ ﺍﻟﺸﺎﻝ ﻭﻃﻠﻊ ﺃﺛﺮ ﺍﻟﻔﺸﺨﻪ ﻫﺬﺍ ﺍﻷﺛﺮ ﻣﺎﺍﻧﺴﺎﻩ ﻃﻮﻝ ﺣﻴﺎﺗﻲ ﺧﻠﻴﻪ ﻋﺒﺮﺓ ﻭﺩﺭﺱ ﺇﻟﻲ .. ﺩﺧﻠﺖ ﺍﻣﻲ ﻣﺪﺭﻱ ﺷﺠﺎﻳﺒﻪ ﺑﺈﻳﺪﻫﻪ -:
- ﺛﺮﻳﺎ ﺍﺩﺭﻱ ﺑﻴﺞ ﺗﺤﺒﻴﻦ ﺍﻟـ ...
ﺻﻔﻨﺖ ﻣﻦ ﺭﻛﺰﺕ ﺑﮕﺼﺘﻲ .. ﺍﺟﺖ ﻋﻠﻴﻪ ﺟﺎﺳﺘﻬﻪ ﻭﻛﺎﻟﺖ -:
- ﺷﻨﻮ ﻫﺎﻱ؟
- ﻣﺎﻛﻮ ﺷﻲ
- ﻫﻮَ ﺷﻨﻮ ﻣﺎﻛﻮﻭﻭ ﺷﻲ ﻣﻦ ﺍﺟﻴﺘﻲ ﻭﺷﻔﺖ ﻣﻼﻣﺢ ﻭﺟﻬﺞ ﺍﻧﻲ ﻛﻠﺒﻲ ﻧﻐﺰﻧﻲ ﻭﻛﻠﺖ ﺻﺎﻳﺮ ﺷﻲ ﺑﺲ ﻣﻦ ﺍﺳﺄﻟﺞ ﺗﻜﻮﻟﻴﻦ ﻣﺎﻛﻮ ﺷﻲ ﻗﻨﻌﺖ ﺭﻭﺣﻲ ﺑﺲ ﻫﺴﻪ ﻛﻮﻟﻲ ﻫﺎﻱ ﺷﻨﻮ ﻭﺳﻮﻟﻔﻴﻠﻲ ﺍﻟﺴﺎﻟﻔﻪ ﻛﻠﻬﻪ
- ﻣﺸﻜﻠﻪ ﺻﻐﻴﺮﻩ ﺑﻴﻨﺎﺗﻨﻪ ﻧﺤﻠﻬﻪ ﺍﻧﻲ ﻭﻳﺎﻩ
- ﺻﻐﻴﺮﻩ؟؟؟ ﻟﻮ ﺻﻐﻴﺮﻩ ﻣﺎﻳﺠﻴﺒﺞ
- ﻻ ﻭﺍﻟﻠﻪ ﻫﺬﺍ ﻣﻮﻋﺪ ﺟﻴﺘﻲ ﻫﻮَ ﺣﺪﺩﻩ .. ﺍﺻﻼً ﺣﺪﺩﻧﺎﻩ ﻗﺒﻞ ﻻﺗﺼﻴﺮ ﺍﻟﻤﺸﻜﻠﻪ
- ﻣﺎﺍﺻﺪﮒ ﺛﺮﻳﺎ ﻣﺎﺍﺻﺪﮒ ﻏﻴﺮ ﺗﺴﻮﻟﻔﻴﻠﻲ ﺣﺘﻰ ﺍﻧﺼﺤﺞ
- ﻻ ﻻ ﻣﺎﺍﺭﻳﺪ ﺍﻧﻲ ﺍﺣﻠﻬﻪ
ﻫﺰﺕ ﺭﺍﺳﻬﻪ ﻣﺎﺭﺍﺿﻴﻪ ﻭﺗﻨﻬﺪﺕ .. ﺷﺄﺣﭽﻴﻠﭻ ﻭﺷﺄﻛﻠﭻ .
ﺍﻟﻤﻐﺮﺏ ﺍﺟﻮ ﺍﻟﻮﻟﺪ ﻟﺒﺴﺖ ﺷﺎﻝ ﻭﻃﻠﻌﺖ ﺳﻠﻤﺖ ﻋﻠﻴﻬﻢ ﻭﻇﻠﻴﻨﻪ ﻧﺴﻮﻟﻒ ﻭﻧﻀﺤﻚ ﺷﻮﻳﻪ ﻃﻠﻌﺖ ﻣﻦ ﺍﻻﺟﻮﺍﺀ ﺍﻟﻜﺌﻴﺒﻪ .
ﻓﺪﻙ ﻣﺘﺄﻗﻠﻤﻪ ﻭﻱ ﺃﻫﻠﻲ ﻭﻓﺮﺣﺎﻧﻴﻦ ﺑﻴﻬﻪ ﻭﻫﻢ ﺿﺤﻮﻛﻴﻪ ﺻﺎﻳﺮﻩ ﻋﻮﺩ ﺗﺮﻳﺪ ﺗﻘﻠﺪﻧﻲ .. ﻓﺎﺩﻧﻲ ﻫﺴﻪ ﺍﻟﻀﺤﻚ .. ﻣﻮ ﻃﺎﺡ ﺣﻈﻲ ﻟﻮ ﻻ .
ﺗﻌﺸﻴﻨﻪ ﻧﻔﺲ ﻟﻤﺔ ﻗﺒﻞ ﻭﺳﻮﺍﻟﻔﻨﻪ ﺍﻟﺘﻀﺤﻚ ﺍﻟﻬﻮﻯٰ .. ﺍﺷﺘﺎﻗﻴﺖ ﻻﺃﻳﺎﻣﻲ .
ﺑﺎﻟﻠﻴﻞ ﺗﻘﻮﻯ ﻭﻣﺮﻭﻩ ﺍﺟﻦ ﻭﻇﻠﻦ ﻳﺴﻮﻟﻔﻦ ﻭﻳﺎﻱ
ﻣﺮﻭﻩ .. ﺍﻧﻲ ﻣﺎﻣﺼﺪﻛﻪ ﺏ ﻭﻻ ﻛﻠﻤﻪ ﻣﻦ ﺍﻟﮕﻠﺘﻲ ﻫﺎﻱ ﺻﻔﺤﺔ ﺧﺪﺝ ﺣﻤﺮﻩ ﻭﮔﺼﺘﺞ ﻣﻔﺸﻮﺧﻪ ﺷﻨﻮ ﺍﻟﻤﻮﺿﻮﻉ
ﺗﻘﻮﻯ .. ﺛﺮﻳﺎ ﺳﺎﻟﻔﺘﺞ ﺟﺒﻴﺮﻩ ﻣﺒﻴﻨﻪ ﺍﺣﺠﻲ ﻳﺨﺘﻲ ﺧﻔﻔﻲ ﺍﺣﻨﻪ ﻏﻴﺮ ﺍﺧﻮﺍﺗﺞ ﻭﻣﺎﺑﻴﻨﺎﺗﻨﻪ ﺍﺳﺮﺍﺭ
ﻣﺮﻭﻩ .. ﺍﻭﻝ ﺗﺎﻟﻲ ﺛﺮﻳﺎ ﺗﻀﻤﻠﻬﻪ ﺳﺮ ﻣﺎﺟﺎﻱ ﺍﺻﺪﮒ
- ﺍﻭﻑ ﺍﻭﻑ ﺷﺄﺭﻳﺪ ﺍﺣﭽﻲ ﻭﺷﺄﺭﻳﺪ ﺍﺧﻠﻲ
ﻣﺮﻭﻩ .. ﻛﺘﻴﻬﻦ ﻛﻠﻬﻦ ﻳﺨﺘﻲ
ﺳﻮﻟﻔﺘﻠﻬﻦ ﺍﻟﺴﺎﻟﻔﻪ ﻛﻠﻬﻪ ﻭﻫﻨﻪ ﻇﻠﻦ ﻻﻋﻴﻦ ﺗﺮﻣﺶ ﻭﻻﺇﻳﺪ ﺗﺘﺤﺮﻙ .. ﺑﺲ ﺻﺎﻓﻨﺎﺕ ﺑﻮﺟﻬﻲ
- ﺷﻜﻮ ﺷﺒﻴﺠﻦ
ﻣﺮﻭﻩ .. ﺑﻬﺬﺍ ﺗﺼﺮﻓﺞ ﻓﻘﺪﺗﻴﻪ ﺍﻟﺜﻘﻪ ﻭﺑﻌﺪ ﻟﻮ ﻳﺠﻲ ﺍﻟﻌﻼّﮒ ﻣﺎﻳﺮﺟﻊ ﻳﺜﻖ ﺑﻴﺞ
- ﺟﺎ ﺷﺄﺳﻮﻱ ﺍﺧﻠﻲ ﺻﻮﺭﻱ ﺗﻨﺸﺮ
ﺗﻘﻮﻯ .. ﺗﺼﺮﻓﺎﺗﺞ ﻣﻮ ﻣﻌﻘﻮﻟﻪ ﺍﻧﺖِ ﺷﻠﻮﻥ ﺗﺪﺯﻳﻬﻦ ﻟﻨﻬﻰ
- ﻫﺴﻪ ﺑﻌﺪ ﺻﺎﺭﺕ ﻭﻧﻬﻰ ﺗﻌﺎﺭﻛﺖ ﻭﻳﺎﻫﻪ
ﺗﻘﻮﻯ .. ﺍﻛﻮﻭﻭﻭﻝ ﺍﻟﺒﺎﺭﺣﻪ ﺧﺎﺑﺮﺗﻨﻲ ﺗﺒﺠﻲ ﻣﻦ ﺍﺳﺄﻟﻬﻪ ﺷﺒﻴﺞ ﺗﻜﻮﻝ ﺿﺎﻳﺠﻪ ﺍﺳﺄﻟﻬﻪ ﻣﺘﻌﺎﺭﻛﻪ ﻭﻱ ﻭﻟﻴﺪ ﺗﻜﻮﻝ ﻻ ﺧﻠﺘﻨﻲ ﻣﺤﺘﺎﺭﻩ ﻭﺻﺎﻓﻨﻪ ﺷﺒﻴﻬﻪ ﻣﺎﺍﺩﺭﻱ ﻇﻠﻴﺖ ﺍﻟﻠﻴﻞ ﻛﻠﻪ ﺍﻓﻜﺮ ﺑﻴﻬﻪ ﺍﻛﻮﻝ ﺍﺑﻨﻬﻪ ﺻﺎﻳﺮ ﺑﻴﻪ ﺷﻲ ﻭﻟﻴﺪ ﺻﺎﻳﺮ ﺑﻴﻪ ﺷﻲ ﺑﺲ ﻃﻠﻌﺘﻲ ﺍﻧﺖِ ﻣﺮﺯﻟﺘﻬﻪ ﻟﺞ ﻧﻬﻰ ﺷﻌﻠﻴﻬﻪ ﺍﻧﺖِ ﺩﺯﻳﺘﻴﻬﻦ ﺍﻟﻬﻪ ﻭﺗﺪﺭﻳﻦ ﺍﻟﺤﺴﺎﺏ ﻣﺨﺘﺮﻗﻴﻪ ﺟﺎ ﻣﺎﺩﺯﻳﺘﻲ ﻉ ﺍﻟﻮﺍﺗﺴﺎﺏ ﻉ ﺍﻟﻔﺎﻳﺒﺮ ﻣﺎﻟﮕﻴﺘﻲ ﻏﻴﺮ ﺍﻟﻔﻴﺲ
- ﻣﻮ ﻫﻲَ ﺑﻮﻗﺘﻬﻪ ﺟﺎﻧﺖ ﺗﺮﺍﺳﻠﻨﻲ ﻉ ﺍﻟﻔﻴﺲ ﻭﺩﺯﻳﺘﻬﻦ
ﻣﺮﻭﻩ .. ﺍﻟﻠﻪ ﻳﺴﺘﺮ ﺧﻮﻓﺞ ﻻﺷﻮ ﺷﻤﺴﻮﻳﻦ ﺑﺎﻟﺼﻮﺭ ﻳﻤﻜﻦ ﻫﺬﺍ ﺍﻟﻬﺪﻭﺀ ﺍﻟﻴﺴﺒﻖ ﺍﻟﻌﺎﺻﻔﻪ
- ﻓﺪﻭﻩ ﺍﺭﻭﺣﻠﺞ ﻻﺗﺨﻠﺴﻴﻨﻲ ﺗﺮﻩ ﻣﺎﺑﻴﻪ ﺣﻴﻞ ﺑﻌﺪ ﻫﺒﻄﺎﺕ ﺑﺲ ﺷﻮﻓﺔ ﺷﻜﻞ ﻣﺎﻫﺮ ﻭﻫﻮَ ﻣﻌﺼﺐ ﺻﺮﻓﺖ ﺧﻤﺲ ﺑﻄﺎﻟﺔ ﺩﻡ
ﻣﺮﻭﻩ .. ﻭﺍﻟﻠﻪ ﻳﺎﺛﺮﻳﺎ ﻫﺎﻱ ﺍﻟﺤﻘﻴﻘﻪ ﻣﺎﻧﻜﺪﺭ ﻧﻐﻴﺮﻫﺎ
ﻣﺮﻥ ﻳﻮﻣﻴﻦ ﻭﺍﻧﻲ ﻋﻨﺪ ﺍﻫﻠﻲ ﻭﻛﻞ ﻋﻘﻠﻲ ﻣﺘﺄﻣﻠﻪ ﻳﺠﻲ ﻳﺎﺧﺬﻧﻲ .. ﺍﻟﻴﻮﻡ ﺍﻟﺜﺎﻟﺚ ﻭﻣﺘﺄﻣﻠﻪ ﺑﺎﺟﺮ ﻳﺠﻲ ﻋﻠﻴﻪ .. ﺧﻠﺼﺘﻬﻦ ﺗﻔﻜﻴﺮ ﺑﻘﻠﻖ ﻭﻛﻠﻪ ﺍﺣﺴﺐ ﻳﺠﻲ ﻟﻮ ﻻ . ﻻﺗﻬﻨﻴﺖ ﻭﻻ ﺷﻔﺖ ﻣﻨﻬﻢ ﺷﻲ ﻣﺨﻠﺼﺘﻬﻪ ﺑﺲ ﻧﻮﻡ ﺣﺘﻰ ﺍﻣﻲ ﻛﻠﺴﺎﻉ ﻭﻛﺎﻟﺖ ﺟﺎﻳﻪ ﺗﻨﺎﻣﻴﻦ ﻟﻮ ﻧﺸﻮﻓﺞ .
ﺛﺎﻧﻲ ﻳﻮﻡ ﻛﻌﺪﺕ ﺍﻟﺼﺒﺢ ﻭﺍﺩﻋﻲ ﻳﺠﻲ ﻋﻠﻴﻪ ﻳﺎﺧﺬﻧﻲ ﻣﺎﻣﺴﺘﻌﺪﻩ ﺍﺗﻄﻠﮓ ﻭﻻﺍﻛﺪﺭ ﺍﻓﺎﺭﮔﻪ ﻫﻮَ ﺻﺎﺭ 3 ﺃﻳﺎﻡ ﻣﺎﺷﺎﻳﻔﺘﻪ ﻭﻻ ﺳﺎﻣﻌﺔ ﺻﻮﺗﻪ ﮔﻠﺒﻲ ﻃﮓ ﻋﻠﻴﻪ ﻑ ﻛﻴﻒ ﺍﺫﺍ ﺗﻄﻠﮕﻨﻪ ﻻ ﺳﺎﻣﺢ ﺍﻟﻠﻪ .
ﺻﺎﺭ ﺍﻟﻠﻴﻞ ﻭﻫﻮَ ﻣﺎﻛﻮ .. ﻇﻠﻴﺖ ﺍﺑﭽﻲ ﻣﻦ ﺃﻳﺴﺖ ﻻ ﻳﺎﺍﻟﻠﻪ ﻟﻴﺶ ﻣﺎﺇﺟﻪ ﻟﻴﺶ ﺍﻛﻴﺪ ﻳﺮﻳﺪ ﻳﻄﻠﮕﻨﻲ .
ﺭﺣﺖ ﺧﺎﺑﺮﺕ ﻋﻠﻰ ﻣﻮﺝ ﺳﺄﻟﺘﻬﻪ ﻋﻠﻴﻪ -:
- ﻣﻮﺝ ﻣﺎﻫﺮ ﻭﻳﻦ؟
ﻣﻮﺝ .. ﻣﻤﻮﺟﻮﺩ
- ﺍﻱ ﻭﻳﻦ؟
ﻣﻮﺝ .. ﺷﻌﺮﻓﻨﻲ ﺑﻴﻪ ﻭﻳﻦ ﻗﺎﺑﻞ ﻣﻦ ﻳﻄﻠﻊ ﺍﺳﺄﻟﻪ ﻭﻳﻦ ﺭﺍﻳﺢ
- ﺍﻱ ﺩﺳﺌﻠﻴﻪ ﻳﺤﻈﻲ ﺷﺒﻴﺞ
ﻣﻮﺝ .. ﺣﺘﻰ ﻳﺴﻮﻳﻨﻲ ﻗﻄﻌﺘﻴﻦ
- ﺯﻳﻦ ﺷﻮﻛﺖ ﻳﺮﺟﻊ ﻭﺷﻮﻛﺖ ﺑﻄﻠﻊ
ﻣﻮﺝ .. ﻣﺎﻧﺸﻮﻓﻪ ﺑﺲ ﻉ ﺍﻟﺮﻳﻮﮒ
- ﺻﺨﺎﺍﻡ ﻭﻳﻦ ﻳﺮﻭﺡ؟
ﻣﻮﺝ .. ﻳﺎﺍﺍ ﺛُﺮﻯٰ ﺷﺒﻴﺞ ﻏﻴﺮ ﻛﺘﻠﺞ ﻣﺎﺍﻋﺮﻑ
- ﻫﺎ ﻫﺎ ﻳﻼ ﺧﻮﺵ ﻣﺸﻜﻮﺭﻩ ﺣﺒﻴﺒﺘﻲ ﺑﺎﻱ
ﻣﻮﺝ .. ﻣﻊ ﺍﻟﺴﻼﻣﻪ
ﺷﻨﻮ ﻭﻳﻦ ﻳﺮﻭﺡ؟؟ ! ﻫﺴﻪ ﻓﻮﻙ ﺗﻔﻜﻴﺮﻱ ﻭﺿﻴﻤﻲ ﻳﺠﻲ ﻋﻠﻴﻪ ﻫﺬﺍ ﺍﻟﻬﻢ .
ﺻﺎﺭﻟﻲ ﺇﺳﺒﻮﻉ ﻋﻨﺪ ﺃﻫﻠﻲ ﻭﻫﻮَ ﻣﺎﻛﻮ ﻻﻭﺻﻴﻪ ﻭﻻ ﺧﺒﺮ .. ﺍﻟﻨﻮﺏ ﺑﻌﺪ ﺇﺳﺒﻮﻋﻴﻦ ﻭﻳﺒﻠﺶ ﺍﻟﺪﻭﺍﻡ ﻭﺗﺒﻠﺶ ﺍﻟﻄﻼﻳﺐ .
ﻣﺮ ﺍﺳﺒﻮﻉ ﺛﺎﻧﻲ ﻭﻋﻜﺐ ﺑﺎﺟﺮ ﺩﻭﺍﻡ .. ﺍﻧﻲ ﻣﺨﻠﺼﺘﻬﻪ ﺑﺲ ﺍﺗﺠﻄﻞ ﻭﻳﻦ ﻣﺎﻟﮕﻪ ﻣﻜﺎﻥ ﻓﺎﺭﻍ ﺍﻧﺴﺪﺣﺖ ﺑﻴﻪ ﻭﺷﻬﻴﺘﻲ ﻣﻔﺘﻮﺣﻪ ﻉ ﺍﻻﻛﻞ .. ﺍﻣﻲ ﺷﻜﺖ ﺑﻴﻪ ﻭﺍﺟﺘﻨﻲ -:
- ﺛﺮﻳﺎ ﻭﺟﻬﺞ ﺍﺻﻔﺮ ﺧﺎﻑ ﺣﺎﻣﻞ
- ﻳﺎﺍﺍ ﻻ ﺷﻠﻘﻀﻴﻪ ﻣﻨﻴﻦ .. ﻫﻴﺞ ﻟﮕﻴﺘﻲ ﺣﻈﻲ ﻛﺎﻋﺪ ﻭﺣﺎﻣﻞ
- ﺧﺎﻳﺒﻪ ﺻﺎﺭﻟﺞ ﻣﻦ ﺍﺟﻴﺘﻴﻨﻪ ﻟﻬﺴﻪ ﺑﺲ ﺗﺘﺠﻄﻠﻴﻦ ﻭﻭﺟﻬﺞ ﻣﺘﻐﻴﺮ ﺍﻧﻪ ﺍﻛﻠﭻ ﺣﺎﻣﻞ
- ﺷﺪﺭﺍﻧﻲ
- ﺣﻠﻠﻲ ﻭﺷﻮﻓﻲ
- ﻻ ﻣﺎﺍﺭﻳﺪ
- ﺑﻜﻴﻔﺞ ﻇﻠﻲ
ﻣﺎﺍﺭﻳﺪ ﺃﻱ ﺷﻲ ﺑﺲ ﺍﻟﻘﻬﺮ ﺧﻠﻴﻪ ﻳﻜﺘﻞ ﺑﻴﻪ .. ﺍﺧﻮﺍﻧﻲ ﻋﺮﻓﻮ ﺻﺎﻳﺮﻩ ﻣﺸﻜﻠﻪ ﻭﺍﻣﻲ ﻛﺎﻟﺘﻠﻬﻢ ﻣﺎﺗﻘﺒﻞ ﺗﺤﭽﻲ .. ﻫﺬﺍ ﺍﺣﻠﻰ ﺷﻲ ﺑﺄﻫﻠﻲ ﺍﻟﻤﺎﺗﺮﻳﺪ ﺗﺤﭽﻲ ﻣﺎﻳﺼﻐﻄﻮﻥ ﻋﻠﻴﻬﻪ ﺑﺲ ﻣﻦ ﺍﺫﺍ ﺍﻟﻤﺸﻜﻠﻪ ﺟﺒﻴﺮﻩ ﻳﺘﺪﺧﻠﻮﻥ ﻭﺍﻣﻲ ﻛﺎﻟﺘﻠﻬﻢ ﺻﻐﻴﺮﻩ ﻭﻳﺤﻠﻮﻧﻬﻪ ﺑﻴﻨﺎﺗﻬﻢ .. ﺑﺲ ﺑﻐﻴﺎﺏ ﻣﺎﻫﺮ ﺭﺍﺡ ﺗﺼﻴﺮ ﺷﻜﺒﺮﺍﺗﻬﻪ ﻋﺪﻫﻢ ﻭﻻﺑﺪ ﻳﺠﻲ ﻭﻗﺖ ﻳﺤﺎﺻﺮﻭﻧﻲ ﻭﻳﻜﺸﻔﻮﻧﻲ .
ﺿﺎﻳﺠﻪ ﻭﺭﻭﺣﻲ ﻃﺎﻟﻌﻪ ﻣﺎﻋﻨﺪﻱ ﻣﻼﺑﺲ ﻟـﻌﻜﺐ ﺑﺎﺟﺮ ﻭﺟﺴﻤﻲ ﺗﻐﻴﺮ ﺑﻌﺪ ﺍﻟﺰﻭﺍﺝ ﺳﻤﻨﺖ ﻭﺻﺎﺭ ﺍﺣﻠﻰ ﻣﻼﺑﺲ ﻣﺮﻭﻩ ﺿﻴﮕﺎﺕ ﻋﻠﻴﻪ ﻭﺗﻘﻮﻯ ﻣﺎﻳﺠﻦ ﻋﻠﻴﻪ ﻫﻢ .
ﻇﻠﻴﺖ ﻣﺤﺘﺎﺭﻩ ﺷﺄﻟﺒﺲ ﺣﺘﻰ ﺣﺼﺮﺗﻨﻲ ﺍﻟﺒﭽﻴﻪ ﻣﻦ ﺗﺬﻛﺮﺕ ﻫﺎﻱ ﺍﻷﻳﺎﻡ ﻻﺯﻡ ﺍﻧﻲ ﻭﻳﺎﻩ ﻧﺤﻀﺮ ﻟﻠﻜﻠﻴﻪ ﺍﻟﻨﻮﺏ ﻫﻮَ ﻳﮕﻠﻲ ﺍﻧﺖِ ﺇﺧﺘﺎﺭﻱ ﺍﻟﻘﻤﺼﺎﻥ ﻭﺍﻟﺒﻨﻄﺮﻭﻧﺎﺕ ﻭﺍﻧﻲ ﻋﻠﻴﻪ ﺍﻟﺮﺑﻄﻪ ﻭﺍﻟﺴﺘﺮﻩ ﻭﻓﺴﺎﺗﻴﻨﺞ ﻛﻠﻬﻪ ﻋﻠﻴﻪ .
ﺍﻟﻘﻬﺮ ﻳﺎﻛﻞ ﺑﻴﻪ ﺣﺘﻰ ﻭﺟﻬﻲ ﺿﻌﻒ ﺑﺲ ﺟﺴﻤﻲ ﻣﺎﻳﺘﺤﺮﻙ .. ﺍﻧﻲ ﺍﺫﺍ ﺍﻧﻘﻬﺮ ﺑﺴﺮﻋﻪ ﻳﺒﻴﻦ ﻋﻠﻰ ﻭﺟﻬﻲ ﻳﻨﺴﻞ ﺳﺴﻞ
ﺛﺎﻧﻲ ﻳﻮﻡ ﮔﻠﺖ ﻻﺍﻣﻲ ﻧﺮﻭﺡ ﻟﻠﺴﻮﮒ ﺍﺷﺘﺮﻱ ﻣﻼﺑﺲ ﻗﺎﺑﻞ ﺍﺩﺍﻭﻡ ﺑﮕﻮﻧﻴﻪ .
ﺍﻣﻲ ﻛﺎﻟﺖ -:
- ﺗﺨﺎﺑﺮﻳﻦ ﺭﺟﻠﺞ ﻭﺗﮕﻠﻴﻠﻪ ﻣﺎﺑﻴﻨﻪ ﺣﻴﻞ ﻣﺸﺎﻛﻞ
- ﭼﺎ ﻣﺎﺧﺎﺑﺮﻧﻲ ﻫﻮَ
- ﺍﺷﺶ ﻣﺎﻟﻴﺶ ﻳﺨﺎﺑﺮﺝ ﺍﻧﺖِ ﺍﻟﻐﻠﻄﺎﻧﻪ
- ﻳﺎﺍ ﻣﻨﻴﻦ ﺩﺭﻳﺘﻲ؟
- ﺍﻧﻲ ﺍﻋﺮﻓﺞ ﺑﻨﺖ ﺑﻄﻨﻲ ﻭﺍﻋﺮﻓﺞ ﻣﺎﺩﺍﻡ ﻣﺎﺣﺠﻴﺘﻲ ﺍﻟﻤﺸﻜﻠﻪ ﻳﻌﻨﻲ ﺍﻧﺖِ ﺍﻟﻐﻠﻄﺎﻧﻪ ﻫﺎﻱ ﻟﻮ ﻫﻮَ ﻏﻠﻄﺎﻥ ﺟﺎﻥ ﻏﺮﺩﺗﻲ ﺗﻐﺮﺩ
- ﻳﺎﺍﺍ
- ﻭﻭﺟﻌﺎ ﻓﻮﺗﻲ ﺧﺎﺑﺮﻳﻪ .. ﺗﺨﺎﺑﺮﻳﻨﻨﻪ ﺍﺭﻭﺡ ﻣﺎﺗﺨﺎﺑﺮﻳﻨﻪ ﻣﺎﺍﻭﺻﻞ ﻭﻻﺍﺧﻄﻲ ﺧﻄﻮﻩ
- ﺍﺻﻼً ﺍﻧﻲ ﻧﺎﻭﻳﻪ ﺍﺧﺎﺑﺮﻩ ﻻﻥ ﺍﺧﺎﻑ ﻣﻨﻪ ﻏﻴﺮ ﻳﺴﻮﻳﻠﻲ ﺯﻓﻪ ﺑﺎﻟﺴﻮﮒ ﺇﺫﺍ ﺩﺭﻩ ﺑﻴﻪ ﻃﺎﻟﻌﻪ ﺑﺪﻭﻥ ﻋﻠﻤﻪ
- ﺍﻱ ﺟﺎ ﺧﻮﺵ ﻓﻮﺗﻲ ﺧﺎﺑﺮﻳﻪ
ﺭﺣﺖ ﻃﻠﻌﺖ ﺭﻗﻤﻪ ﻭﻛﻠﺒﻲ ﺭﺟﻒ .. ﺣﺎﻃﻪ ﺻﻮﺭﺗﻪ ﺍﻧﻲ ﺑﺠﻬﺎﺕ ﺍﻻﺗﺼﺎﻝ .. ﻣﺸﺘﺎﻗﻪ ﻟﻜﻞ ﺟﺰﺀ ﻣﻨﻪ .بيج قصص عراقيه حقيقيه من واقعنا.روعه الطائي
ﺿﻐﻄﺖ ﺇﺗﺼﺎﻝ ﻭﻇﻞ ﻳﺮﻥ .. ﻭﻳﺮﻥ .. ﺍﻧﻘﻄﻊ ﺍﻹﺗﺼﺎﻝ ﺑﺪﻭﻥ ﺭﺩ !
ﺭﺟﻌﺖ ﺇﺗﺼﻠﺖ ﻣﺮﻩ ﺛﺎﻧﻴﻪ ﻭﻫﻢ ﻣﺎﻛﻮ ﺭﺩ .. ﻭﺍﺗﺼﻠﺖ ﻣﺮﻩ ﺛﺎﻟﺜﻪ ﻭﻣﺎﻛﻮ !
ﺁﺧﺮ ﺷﻲ ﺩﺯﻳﺘﻠﻪ ﺭﺳﺎﻟﻪ -:
- ﺍﻟﺴﻼﻡ ﻋﻠﻴﻜﻢ ﺍﻧﻲ ﺭﺍﺡ ﺍﺭﻭﺡ ﻟﻠﺴﻮﮒ ﻭﻱ ﺍﻣﻲ ﻣﺤﺘﺎﺟﻪ ﺷﻐﻼﺕ ﻣﻦ ﺑﺮﻩ ﻑ ﺍﺗﺼﻠﺖ ﺑﻴﻚ ﺍﻛﻠﻚ ﻭ ﺍﻧﺖَ ﺍﻟﻈﺎﻫﺮ ﻣﺎﺗﺮﻳﺪ ﺗﺤﺠﻲ ﻭﻳﺎﻱ
3 ﺩﻗﺎﻳﻖ ﻭﻣﻮﺑﺎﻳﻠﻲ ﺩﻙ ﺑﺈﺳﻤﻪ .. ﺿﺤﻜﺖ ﻭﺍﺑﺘﻬﺠﺖ ﺃﺳﺎﺭﻳﺮﻱ ﻳﻌﻨﻲ ﻳﺸﻮﻑ ﺍﻻﺗﺼﺎﻻﺕ ﻭﻳﺸﻮﻓﻨﻲ ﻣﺸﻠﻮﻝ ﺣﺎﻟﻲ ﺻﺎﺭ ﺳﺎﻋﻪ ﺍﺩﻙ .
ﺭﺩﻳﺖ ﻋﻠﻴﻪ ﺍﺟﻪ ﺻﻮﺗﻪ ﻳﻨﺘﺮ ﻧﺘﺮ ﺣﺘﻰ ﺑﺪﻭﻥ ﺳﻼﻡ ﻛﺎﻝ -:
- ﻛﻞ ﺍﻟﺸﻐﻼﺕ ﺍﻟﻤﺤﺘﺎﺟﺘﻬﻦ ﺑﺎﺟﺮ ﻳﻮﺻﻠﻮﺝ ﻟﻠﺒﺎﺏ
- ﻭﺍﻧﺖَ ﺷﻠﻮﻥ ﺗﻌﺮﻑ ﺍﻧﻲ ﺷﻤﺤﺘﺎﺟﻪ
- ﻛﺘﻠﺞ ﻛﻞ ﺍﻟﻤﺤﺘﺎﺟﺘﻬﻦ ﻳﻮﺻﻠﻦ ﻟﻠﺒﺎﺏ
- ﻭﻗﻴﺎﺳﻲ
- ﻣﻴﺨﺼﺞ .. ﺑﺎﻱ
ﺳﺪﻩ ﻭﺍﻧﻲ ﺑﻌﺪﻧﻲ ﺗﺤﺖ ﺗﺄﺛﻴﺮ ﺍﻟﺼﺪﻣﻪ !! ﺍﻟﻄﻠﻌﻪ ﻟﻐﺎﻫﻪ ﺑﺜﻮﺍﻧﻲ ﻭﻫﻮَ ﺭﺍﺡ ﻳﺘﺴﻮﻙ ﺑﻜﻴﻔﻪ !
ﻣﺎﺍﺩﺭﻱ ﺷﺤﭽﻲ ﻭﺷﺄﮔﻮﻝ .. ﺭﺟﻌﺖ ﻛﻠﺖ ﻻﺍﻣﻲ ﻣﺎﻳﻘﺒﻞ ﻭﻫﻲَ ﻛﺎﻟﺖ ﺍﺩﺭﻱ ﺑﻴﻪ ﻣﺎﻳﻘﺒﻞ .
ﺛﺎﻧﻲ ﻳﻮﻡ ﺍﻟﺼﺒﺢ ﺍﻧﺪﻙ ﺍﻟﺒﺎﺏ ﻭﻃﻠﻌﺖ ﻣﻮﺝ .. ﺩﺧﻠﺖ ﻟﻠﺒﻴﺖ ﺷﺎﻳﻠﻪ ﻋﻼﻟﻴﮓ ﺷﻜﺜﺮ .. ﺣﻄﺘﻬﻦ ﻉ ﺍﻟﺴﺮﻳﻊ ﻭﺗﻠﻬﺚ
ﻣﻮﺝ .. ﺫﻧﻲ ﺍﻻﻣﺎﻧﻪ ﻭﺍﻧﻲ ﺭﺍﻳﺤﻪ
- ﻟﺞ ﺍﻭﻛﻔﻲ ﺍﻭﻛﻔﻲ ﻭﻳﻦ ﺭﺍﻳﺤﻪ ﺧﻞ ﺍﺷﻮﻓﺞ ﻧﺴﻠﻢ ﻋﻠﻴﺞ
ﻣﻮﺝ .. ﺍﻟﺴﺎﻳﻖ ﻭﺍﻛﻔﻠﻲ ﻣﻴﻘﺒﻞ ﻳﻨﺘﻈﺮ ﺑﺎﻱ
ﺑﻮﺳﺘﻨﻲ ﻭﺭﺍﺣﺖ .. ﻋﺮﻓﺘﻪ ﻫﻮَ ﺟﺎﻳﺒﻬﻪ ﻻﻥ ﻣﺎﻳﺤﺐ ﺍﻻﻧﺘﻈﺎﺭ .
ﻓﺘﺤﺖ ﺍﻟﻌﻼﻟﻴﮓ ﺟﺎﻳﺐ ﻛﻞ ﺍﻻﻧﻮﺍﻉ ﻓﺴﺎﺗﻴﻦ ﻃﻠﻌﻪ ﻭﻣﻼﺑﺲ ﺑﻴﺖ ﺫﻭﻕ ﻳﺠﻨﻦ .. ﻭﺟﺎﻳﺐ ﻛﻠﺸﻲ ﺣﺘﻰ ﺷﻐﻼﺕ ﻧﺴﺎﺋﻴﻪ ﻛﻠﻪ ﻛﻠﻪ ﻣﺎﻣﺨﻠﻲ ﺷﻲ ﺣﺘﻰ ﺻﺎﺑﻮﻧﻪ ﻣﺸﺘﺮﻱ .. ﺷﻜﺎﻟﻮﻟﻚ ﻋﻨﻲ ﻭﺻﺨﻪ ﻫﻬﻬﻪ ﻇﻠﻴﺖ ﺍﺑﺎﻭﻋﻠﻬﻦ ﻓﺮﺣﺎﻧﻪ ﺍﺣﺲ ﺷﻲ ﻣﻦ ﺭﻳﺤﺘﻪ ﻣﺎﺍﺭﻳﺪ ﺃﻟﺒﺴﻬﻦ ﺧﺎﻑ ﺗﺮﻭﺡ ﺭﻳﺤﺘﻪ ﻭﻟﻮ ﻗﺎﺑﻞ ﻻﺑﺴﻬﻦ ﻫﻤﻪ ﺟﺪﺩ ﺷﻬﺎﻟﺘﻔﻜﻴﺮ ﻫﺬﺍ .. ...بيج قصص عراقيه حقيقيه من واقعنا.روعه الطائي
ﻳﻤﻜﻦ ﺗﺨﺒﻠﺖ ﺍﻧﻲ .
ﺛﺎﻧﻲ ﻳﻮﻡ ﺩﺍﻭﻣﺖ ﺑﻔﺴﺘﺎﻥ ﻃﻮﻳﻞ ﻣﻦ ﺫﻭﻗﻪ ﻟﻮﻧﻪ ﻣﺎﺭﻭﻧﻲ .. ﻣﻦ ﺑﻴﻦ ﻛﻞ ﺍﻻﻟﻮﺍﻥ ﺍﺧﺘﺮﺗﻪ ﻻﻥ ﻳﺤﺒﻪ ﻳﮕﻠﻲ ﻳﻄﻠﻌﺞ ﻛﻄﻦ .. ﻛﻠﻤﺎﺗﻪ ﺟﺎﻱ ﺗﺘﺮﺩﺩ ﺑﺒﺎﻟﻲ ﻭﻣﺎﻛﺪﺭ ﺍﻧﺴﻪ ﻭﻻ ﻭﺣﻈﻪ ﻣﻨﻬﻦ ﻭﺟﺎﻱ ﺍﻃﺒﻖ ﺑﻴﻬﻦ .
ﻭﺻﻠﻨﻲ ﺇﺳﻤﺎﻋﻴﻞ ﻣﺜﻞ ﻗﺒﻞ ﻭﻃﻠﻊ ﻟﺸﻐﻠﻪ .. ﺩﺧﻠﺖ ﻟﻠﻜﻠﻴﻪ ﺍﻭﻝ ﻳﻮﻡ ﻣﺸﺘﺎﻗﻪ ﻟﺼﺪﻳﻘﺎﺗﻲ ﻭﺧﻠﺼﻨﺎﻫﻪ ﺑﺲ ﺿﺤﻚ ﻭﺳﻮﺍﻟﻒ ﻭﻫﻨﻪ ﻛﺎﻋﺪﺍﺕ ﻳﺴﺄﻟﻦ ﺑﻴﻪ ﻋﻠﻰ ﻣﺎﻫﺮ ﻭﻛﻠﻤﺎ ﻳﺴﺄﻟﻦ ﺍﻏﻠﺲ ﻭﻟﺰﻣﻨﻲ ﻳﻨﺼﺒﻦ ﻋﻠﻴﻪ .. ﺍﻧﻲ ﺍﺗﺨﺒﻞ ﻣﻦ ﻳﺠﻴﺒﻦ ﺳﻴﺮﺗﻪ ﻛﻠﻬﻬﻦ ﻳﺘﻐﺰﻟﻦ ﻭﺍﻧﻲ ﺍﻏﺎﺭ ﺑﻨﺎﺕ ﺯﻭﺍﺣﻒ .
ﺩﺧﻠﻨﻪ ﻟﻠﻘﺎﻋﻪ ﻣﺎﻟﺘﻨﻪ ﻧﺸﻮﻑ ﺷﻨﻮ ﺍﻻﺧﺘﻼﻑ ﻋﻦ ﻣﺎﻝ ﻛﻞ ﺳﻨﻪ ﻻﻥ ﻗﺎﻋﻪ ﻋﻦ ﻗﺎﻋﻪ ﺗﺨﺘﻠﻒ ﻭﺍﻛﻮ ﻗﺎﻋﺎﺕ ﻳﻬﺘﻤﻮﻥ ﺑﻴﻬﻪ ﺍﻟﻄﻼﺏ ﻑ ﻳﺼﻴﺮ ﻭﺍﻫﺲ ﻧﻘﺮﻩ ﺑﻴﻬﻪ .
ﻛﻌﺪﻧﻪ ﻛﻠﻨﻪ ﻃﻼﺏ ﺍﻟﻤﺮﺣﻠﻪ ﺍﻟﺮﺍﺑﻌﻪ ﻭﺗﻔﺎﺟﺌﻨﻪ ﻣﻦ ﺩﺧﻞ ﻣﺎﻫﺮ !
ﻳﺎﺍ ﻏﻴﺮ ﻛﺎﻝ ﻣﺎﺍﺧﺬﻛﻢ !!
ﻣﻦ ﺍﻭﻝ ﻣﺤﺎﺿﺮﻩ ﺑﻠﺶ ﻳﺸﺮﺡ ﻭﻳﻨﻄﻲ ﻭﺍﺟﺒﺎﺕ ﺍﻟﻄﻼﺏ ﺗﻌﻮﺩﻭﺍ ﻋﻠﻴﻪ ﻭﻛﻠﻬﻢ ﺟﺎﻧﻮ ﻣﺘﺤﻀﺮﻳﻦ ﺍﻹ ﺁﻧﻲ .
ﻭﺟﻬﻪ ﻣﺎﻳﮕﺼﻪ ﺍﻟﻄﺒﺮ ﻭﻣﻐﻨﺪﺩﺏ .. ﻛﻤﻞ ﻣﺤﺎﺿﺮﺗﻪ ﻭﻃﻠﻊ .. ﻻ ﺑﺎﻭﻉ ﻭﻻ ﺷﻲ ﻭﺫﻧﻲ ﺷﻜﻦ
ﻓﺎﻃﻤﻪ .. ﺍﺷﻮ ﻣﺎﻛﻮ ﻻ ﻧﻈﺮﺍﺕ ﻻ ﺷﻲ
- ﻭﻟﺞ ﻣﺎﻳﻘﺒﻞ ﻛﺎﻝ ﺑﺎﻟﺠﺎﻣﻌﻪ ﺩﻛﺘﻮﺭ ﻭﻃﺎﻟﺒﻪ ﻭﺑﺎﻟﺒﻴﺖ ﺯﻭﺝ ﻭﺯﻭﺟﻪ ﻣﺎﻋﻨﺪﻩ ﻫﻴﺞ ﺷﻲ
ﻓﺎﻃﻤﻪ .. ﻳﺎﺍ ﺍﻣﺪﻩ ﺣﻈﻲ ﺩﺷﻮﻓﻲ ﺍﻟﺪﻛﺎﺗﺮﻩ ﺯﻭﺟﺎﺗﻬﻢ ﺑﺲ ﺗﺠﻲ ﺗﺰﻭﺭﻫﻢ ﻳﺘﻔﺎﺧﺮﻭﻥ ﺑﻴﻬﻪ ﻭﺍﻧﺖِ ﻳﻤﻪ ﻭﻣﺎﻋﻠﻴﻪ ﺑﻴﺞ
- ﺍﻱ ﻳﺨﺘﻲ ﺧﺎﻑ ﺍﻟﻄﻼﺏ ﻳﺴﻮﻥ ﺑﻴﻬﻪ ﺇﻥَّ ﺷﮕﻠﻚ ﺍﻧﻄﺎﻫﻪ ﺍﻻﺳﺌﻠﻪ ﻟﻮ ﻏﺸﺸﻬﻪ ﻣﻦ ﺫﻧﻲ ﺍﻟﺴﻮﺍﻟﻒ
ﻓﺎﻃﻤﻪ .. ﻫﻢ ﺻﺪﻙ
ﻛﻤﻞ ﺍﻟﻴﻮﻡ ﻋﺎﺩﻱ ﻭﺭﺟﻌﺖ ﻟﻠﺒﻴﺖ .. ﺗﻐﺪﻳﺖ ﻭﺳﻮﻟﻔﺖ ﻟﻠﺒﻨﺎﺕ ﻋﻦ ﺍﺟﻮﺍﺀ ﺍﻟﻜﻠﻴﻪ ﻭﻣﺎﺩﺭﺳﻨﻪ ﺑﺲ ﻫﻮَ .
ﻟﻠﻌﺼﺮ ﺍﻧﻲ ﻧﺎﻳﻤﻪ ﻭﺩﮒ ﻣﻮﺑﺎﻳﻠﻲ .. ﺑﺎﻭﻋﺖ ﻟﻜﻴﺘﻪ ﺍﺳﻤﻪ .. ﻛﻤﺖ ﻣﻦ ﻧﻮﻣﺘﻲ ﻣﻔﺰﻭﻋﻪ ﻭﺭﺩﻳﺖ ﻛﻠﺒﻲ ﻛﺎﻡ ﻳﺪﻙ ﺣﻴﻞ .. ﻋﺒﺎﻟﻲ ﻳﺮﻳﺪ ﻳﺼﺎﻟﺤﻨﻲ ﺑﺲ ﺍﻧﺼﺪﻣﺖ ﻣﻦ ﺍﺟﻪ ﺻﻮﺗﻪ ﻳﺮﻋﺪ ﻭﻋﺼﺒﻲ ﻭﺻﻴﺎﺣﻪ ﻭﺍﺻﻞ ﻟﻠﺴﺘﺎﺭ .
- ﺍﺭﺗﺎﺍﺍﺣﻴﻴﻴﺘﺘﻴﻴﻲ ﻫﺴﺴﺴﻪ ﺍﺭﺗﺎﺣﻴﻴﻴﺘﻴﻴﻲ ﻓﻬﻤﻤﻴﻴﻨﻨﻲ ﺷﺪﺍﺍﺯﻩ ﺷﻤﺼﺨﻤﻤﻤﻪ
- ﺷﻨﻮﻭﻭ؟
- ﺍﻟﺼﻮﻭﻭﺭ ﺍﻟﺪﺍﺯﺗﻬﻨﻨﻦ ﺷﻨﻨﻨﻨﻨﻪ ؟؟؟؟
ﻳﺘﺒﻊ ..
ﻋـﺒـﺮﺍﺕ ﺍﻟـﻌـﺒـﺎﺩﻱ 🌼🌻