هشاشة قلب

بارت32

ﺍﻟـﺴـﻼﻡُ ﻋـﻠـﻴـﻜـﻢ 🌼🌻
#ﻫﺸﺎﺷﺔ__ﻗﻠﺐ
ﺍﻟـﺒـﺎﺭﺕ _32_
ﺍﻟﻜﺎﺗﺒﻪ _ ﺍﻟﻌﺒﺎﺩﻳﻪ
alabadyia_09
ﺃﻧـﺎ ﺍﻟﺬﻱ ﺑﻴﻦ ﺷﺎﻣﺘﻚ ﻭ ﻫﺪﺏ
ﻋــﻴـﻨـﻚ ﺃﺯﻭﺭ ﺳـﺒـﻊ ﻣَﺠـﺮﺍﺕ ".
~~~~~~~~~~~~~~~~~~~~~~~~~~~~~
ﺛُﺮﻯٰ . . .
ﺷﻮﻳﻪ ﻭﺍﻧﺪﮒ ﺍﻟﺒﺎﺏ ﮔﻤﺖ ﻓﺘﺤﺘﻪ ﻟﻜﻴﺘﻬﻪ ﻣﻮﺝ ﺗﺒﺠﻲ ﻭﺍﻟﻌﻴﻮﻥ ﻣﻮﺭﻣﻪ .
- ﺷﻜﻮ ﺷﺒﻴﺞ؟؟
ﻣﻮﺝ .. ﺛُﺮﻯٰ ﺍﻧﻲ ﺭﺍﻳﺤﻪ ﺍﻧﺘﺤﺮ
- ﻋﺰﺯﺯﺍ ﺷﻜﻮﻭﻭ؟
ﻣﻮﺝ .. ﺛُﺮﻯٰ ﺍﻧﺘﺤﺮ ﻟﻮ ﻻ؟
ﺇﺣﺘﺎﺭﻳﺖ ﻣﺪﺭﻱ ﺍﺿﺤﻚ ﻣﺪﺭﻱ ﺍﺑﭽﻲ ﺷﺒﻴﻬﻪ ﺍﻟﺒﻨﺖ ﻳﻤﻜﻦ ﺑﻌﺪﻫﻪ ﻧﺎﻳﻤﻪ ﺗﻘﺮﺑﺖ ﻳﻤﻬﻪ ﺣﻄﻴﺖ ﺍﻳﺪﻱ ﻋﻠﻰ ﺧﺪﻫﻪ ﻭﻃﺒﻄﺒﺖ ﻋﻠﻴﻪ
- ﻣﻮﺝ ﻣﻮﺝ ﺍﻧﺖِ ﻭﻳﻦ ﻫﺴﻪ؟ ﻛﺎﻋﺪﻩ ﻟﻮ ﻧﺎﻳﻤﻪ؟
ﺑﺠﺖ ﻭﻭﺧﺮﺕ ﺍﻳﺪﻱ
ﻣﻮﺝ .. ﻟﻠﺠﺞ ﻛﺎﻋﺪﻩ ﺷﺒﻴﻪ ﺗﺨﺒﻠﺖ
- ﻳﺎﺍﺍﺍﺍﺀ ﺍﺳﻢ ﺍﻟﻠﻪ .. ﺟﺎ ﺷﺒﻴﺞ ﻳﻤﻪ ﺷﻜﻮ؟
ﻣﻮﺝ .. ﻣﺎﻫﺮ ﻛﺎﻋﺪ ﻟﻮ ﻧﺎﻳﻢ؟
- ﻧﺎﻳﻢ ﺑﺲ ﻏﻴﺮ ﺗﺤﺠﻴﻴﻴﻦ ﺷﻜﻮﻭﻭ؟
ﻣﻮﺝ .. ﺍﺭﻳﺪ ﺍﺳﻮﻟﻔﻠﺞ ﺑﺲ ﻛﻮﻥ ﺳﺎﻟﻔﺘﻲ ﻣﺎﺍﺭﻳﺪ ﻣﺎﻫﺮ ﻳﺴﻤﻌﻬﻪ ﻳﻤﻜﻦ ﻳﺸﻨﻘﻨﻲ
- ﻭﺍﻟﻠﻪ ﻣﺎﻫﺮ ﻟﻮﺗﻲ ﻳﻠﮕﻔﻬﻪ ﻭﻫﻲَ ﻃﺎﻳﺮﻩ .. ﺍﺫﺍ ﺑﻘﻴﻨﻪ ﻭﺍﻛﻔﻴﻦ ﻫﻨﺎ ﺧﻞ ﻧﻨﺰﻝ ﻭﺳﻮﻟﻔﻴﻠﻲ
ﻧﺰﻟﻨﻪ ﻟﺠﻮﻩ ﺑﻐﺮﻓﺘﻬﻪ ﻛﻌﺪﺕ ﻣﻜﺮﻓﺼﻪ ﻭﺣﻄﺖ ﺇﻳﺪﻳﻬﻪ ﻋﻠﻰ ﻭﺟﻬﻪ ﻭﻇﻠﺖ ﺗﺸﻬﮓ ﻭﺗﺒﭽﻲ ﺑﻘﻮﻩ .
- ﺷﻜﻮ ﻣﻮﺝ ﺳﻮﻟﻔﻴﻠﻲ ﺍﻓﺘﺤﻲ ﮔﻠﺒﭻ
ﻣﻮﺝ .. ﺭﺍﺳﻠﺖ ﻣﺮﺗﻀﻰ ﻛﺘﻠﻪ ﻣﻌﺠﺒﻪ ﺑﻴﻚ ﻳﻜﻠﻲ ﺍﻧﻲ ﺍﺻﻼً ﻣﺎﻣﻔﻜﺮ ﺑﻴﺞ ﻭﺑﺎﺟﺮ ﺭﺍﺡ ﺍﺧﻄﺐ .. ﻛﺴﺮ ﮔﻠﺒﻲ ﺛُﺮﻯٰ ﺍﻧﻲ ﻭﺣﺪﻩ ﺑﻼ ﻛﺮﺍﻣﻪ ﻭﺑﻼ ﺇﺣﺴﺎﺱ
- ﻫﺬﺍ ﻣﻨﻴﻦ ﻣﺮﺗﻀﻰ؟
ﻣﻮﺝ .. ﻟﺞ ﺍﺑﻦ ﻋﻤﺘﻲ ﺍﻻﺣﺒﻪ ﻣﻦ ﻃﺮﻑ ﻭﺍﺣﺪ . ﻟﻌﺪ ﻧﻬﻰ ﻣﻤﺴﻮﻟﻔﺘﻠﺞ ﻛﺎﻟﺖ ﺳﻮﻟﻔﺘﻠﺞ ؟؟
- ﻫﺎ ﻫﺎ .. ﺍﻱ ﺍﺗﺬﻛﺮﺕ ﻛﻤﻠﻲ ﺷﺒﻴﻪ
ﻣﻮﺝ .. ﺩﺍﮔﻮﻟﻠﺞ ﺑﺎﺟﺮ ﺣﻴﺨﻄﺐ ﻭﺍﻧﻲ ﺻﺎﺭﻟﻲ ﺳﻨﻴﻦ ﺍﻓﻜﺮ ﺑﻴﻪ ﻣﻦ ﺍﻧﻲ ﺻﻐﻴﺮﻩ ﺍﺣﺒﻪ ﻛﻠﻪ ﺑﺴﺒﺒﻪ ﻣﻬﺘﻢ ﺑﻴﻪ ﻭﻣﺪﻟﻠﻨﻲ ﺛُﺮﻯٰ ﺍﻧﻲ ﺷﺒﻴﻪ ﻣﻮ ﺣﻠﻮﻩ ﻭﻣﺎﻳﺤﺒﻨﻲ؟
- ﺷﻮ ﺑﻠﻪ ﺑﺎﻭﻋﻴﻠﻲ
ﻛﻌﺪﺕ ﻋﺪﻝ ﺑﺎﻭﻋﺘﻠﻲ ﻟﺰﻣﺖ ﺷﻌﺮﻫﻪ
- ﺍﺷﻮ ﺷﻌﺮﺝ ﺣﻠﻮ .. ﺑﻠﻪ ﺧﻞ ﺍﺷﻮﻑ ﻋﻴﻮﻧﺞ ﺭﻛﺰﺕ ﺑﻴﻬﻦ .. ﻋﻴﻮﻧﺞ ﺣﻠﻮﺍﺕ .. ﺑﻠﻪ ﺍﻟﺨﺸﻴﻢ ﺧﻞ ﺍﺷﻮﻓﻪ .. ﺍﻣﻢ ﺧﺸﻤﺞ ﺣﻠﻮ ﻭﺣﻠﻜﺞ ﻫﻢ ﺣﻠﻮ . ﺟﺎ ﺷﺒﻴﻪ ﺑﻌﺪ ﻫﺬﺍ ﺍﻻﻏﺒﺮ
- ﺛُﺮﻯٰ ﻛﻮﻥ ﻣﻴﺘﻪ ﻭﻻ ﻫﻴﺞ ﺭﺍﻓﻀﻨﻲ ﺍﻧﻲ ﻏﺒﻴﻴﻪ ﻋﺒﺎﻟﻲ ﻳﺤﺒﻨﻲ ﺭﺣﺖ ﺭﺍﺳﻠﺘﻪ ﻭﻳﻦ ﻋﻘﻠﻲ ﻣﻦ ﺭﺍﺳﻠﺘﻪ ﻭﻭﻭﻳﻦ .. ﺷﻮ ﺑﻠﻪ ﺑﺎﻭﻋﻴﻠﻲ ﺑﻴﻪ ﺳﻠﺒﻴﺎﺕ
- ﺷﻮ ﺧﻞ ﺍﺷﻮﻓﺞ
ﺑﺎﻭﻋﺘﻠﻬﻪ ﻣﺮﻛﺰﻩ
- ﻣﺎﺑﻴﺞ ﺷﻲ ﻣﻮ ﺣﻠﻮ . ﻫﺎ ﻫﺎ ﺗﺬﻛﺮﺕ ﺑﺲ ﺻﻮﺗﺞ ﺷﻮﻳﻪ ﻧﻮﺍﺻﻪ ﺗﻮﺻﻮﺻﻴﻦ ﺗﻮﺻﻮﺹ ﺍﻟﻴﺴﻤﻌﺞ ﻳﻜﻮﻝ ﺗﺘﻌﺎﻳﺮ ﺑﺲ ﻫﻲَ ﻧﺒﺮﺓ ﺻﻮﺗﺞ ﻫﺎﻱ.....بيج قصص عراقيه حقيقيه من واقعنا.روعه الطائي
- ﻟﻌﺪ ﺷﺄﺳﻮﻱ
- ﻻﺗﺴﻮﻳﻦ ﺷﻲ ﺍﻟﻤﺎﻳﺮﻳﺪﻧﻲ ﻣﺎﺍﺭﻳﺪﻩ
ﻣﻮﺝ .. ﺍﻧﻲ ﺭﺍﻳﺤﻪ ﺍﻗﺘﻞ ﻧﻔﺴﻲ
- ﻳﺎﺍﺍﺍ ﺍﻛﻌﺪﻱ ﻳﻤﻪ
ﻣﻮﺝ .. ﻟﺞ ﻣﻴﺤﺒﻨﻲ ﺷﻠﻮﻥ ﻫﺴﻪ ﺍﻧﻲ ﺍﺣﺒﻪ ﺷﻨﻮ ﻣﻴﺮﻳﺪﻧﻲ
- ﺩﻳﻠﻪ ﺑﻠﻪ ﺷﻮ ﻛﻮﻣﻲ ﺧﻞ ﻧﺎﺧﺬ ﺗﻔﮓ ﻭﻧﺪﮔﻬﻢ ﺍﺣﺴﻦ .. ﻭﻟﺞ ﻣﺎﻳﺮﻳﺪﺝ ﻣﺎﻳﺮﺭﻳﺪﺩﺝ ﻗﺎﺑﻞ ﺗﺬﺑﻴﻦ ﺭﻭﺣﺞ ﻋﻠﻴﻪ
ﻣﻮﺝ .. ﺍﻟﻠﻪ ﻟﻴﻮﻓﻘﻪ ﻋﻠﻘﻨﻲ ﺑﻴﻪ
- ﺍﻧﻲ ﺍﻧﺴﻴﺠﻴﺎﻩ ﻭﺩﺍﻋﺘﺞ ﻣﺎﺩﺍﻡ ﺍﻧﻲ ﻣﻮﺟﻮﺩﻩ ﻣﺎﺍﺧﻠﻴﺞ ﺗﻔﻜﺮﻳﻦ ﺑﻴﻪ
ﻣﻮﺝ .. ﺍﻱ ﻓﺪﻭﻩ ﺛُﺮﻯٰ ﻭﻧﺴﻴﻨﻲ ﻭﻻﺗﺨﻠﻴﻨﻲ ﺍﻓﻜﺮ ﺑﻴﻪ ﻻﻥ ﺑﺲ ﺍﻧﻘﻬﺮ ﺷﻌﺮﻱ ﻳﺒﻘﻪ ﻳﻮﮔﻊ ﻭﺭﺍﺳﻲ ﻳﺄﺫﻳﻨﻲ ﻭﮔﻠﺒﻲ ﻳﻮﻛﻒ ﻭﺍﻣﻮﺕ
- ﺍﻥ ﺷﺎﺀ ﺍﻟﻠﻪ ﺍﻧﻲ ﻭﻳﺎﺝ ﻣﺎﺍﻋﻮﻓﺞ ﻭﻫﺴﻪ ﺗﻐﻄﻲ ﺯﻳﻦ ﻭﻧﺎﻣﻲ ﺭﺍﺡ ﻳﮕﻌﺪ ﻣﺎﻫﺮ ﻭﻳﻜﺸﻔﻨﻪ .. ﺭﺍﻳﺤﻪ
ﺭﺟﻌﺖ ﻟﻠﻐﺮﻓﻪ ﺩﺣﺴﺖ ﺭﻭﺣﻲ ﻭﻧﻤﺖ ﻫﺎﻱ ﺷﻜﺪ ﻓﻄﻴﺮﻩ ﺍﻟﺒﻨﺖ ﻇﻠﻴﺖ ﺍﻓﻜﺮ ﺑﻴﻬﻪ ﻛﺴﺮﺕ ﺧﺎﻃﺮﻱ ﺿﻌﻴﻔﻪ ﻭﻣﺎﻋﺪﻫﻪ ﺷﺨﺼﻴﻪ ﻗﻠﻘﺘﻨﻲ ﻋﻠﻴﻬﻪ ﻇﻠﻴﺖ ﺍﺣﻮﺱ ﺍﺭﻳﺪ ﺍﻧﺎﻡ ﻣﺎﻛﻮ .. ﻣﺎﻫﺮ ﺣﺲ ﻋﻠﻴﻪ .. ﻓﺘﺢ ﻋﻴﻮﻧﻪ ﻣﻨﻌﺲ ﺑﺎﻭﻋﻠﻲ -:
- ﺛُﺮﻯٰ؟؟ ﻭﻳﻦ ﺟﻨﺘﻲ؟
- ﺟﻨﺖ ﺟﻮﻩ
- ﺷﺘﺴﻮﻳﻦ؟
- ﺍﺍﺀﺀ ﺻﺎﺣﺘﻨﻲ ﻣﻮﺝ ﺍﺭﻭﺡ ﻭﻳﺎﻫﻪ ﻟﻠﺤﻤﺎﻣﺎﺕ
- ﺗﺨﺎﻑ ﺷﻨﻮ؟
- ﺍﻱ ﺗﺨﺎﻑ
- ﻟﻌﺪ ﻣﻮ ﻋﺪﻧﻪ ﻫﻨﺎ ﺣﻤﺎﻣﺎﺕ
- ﻻ ﻫﻲَ ﺭﺍﺩﺗﻨﻲ ﻧﻨﺰﻝ ﺟﻮﻩ ﻫﻢ ﺧﻄﻴﻪ ﺟﻮﻋﺎﻧﻪ
- ﻫﺎﺍ ﺗﻤﺎﻡ ﻟﻌﺪ ﺧﻞ ﻧﺮﺟﻊ ﻧﻨﺎﻡ
ﺭﺟﻌﺖ ﺗﻤﺪﺩﺕ ﻭﺍﻟﻨﻮﻣﻪ ﻃﺎﺭﺕ ﺑﻌﺪ ﺷﻴﺮﺟﻌﻬﺎ .
ﻛﻌﺪﺕ ﺍﻟﺼﺒﺢ ﻋﻠﻰ ﺻﻮﺕ ﺩﮔﺔ ﺍﻟﺒﺎﺏ ﻭﺍﻡ ﻣﺎﻫﺮ ﺗﻠﻌﻠﻊ
ﺍﻡ ﻣﺎﻫﺮ .. ﻣﺘﮕﻌﺪﻳﻦ ﺍﻻ ﺍﻧﻲ ﺍﺻﻌﺪﻟﺞ
ﺍﻧﻲ ﻇﻠﻴﺖ ﺑﻨﻮﻣﺘﻲ ﻣﻐﻠﺴﻪ .. ﺧﻞ ﻣﺎﻫﺮ ﻳﻔﺘﺢ ﺍﻟﺒﺎﺏ ﻣﺎﺑﻴﻪ ﺣﻴﻞ ﺭﺯﺍﻟﻪ ﻣﻦ ﺍﻟﺼﺒﺢ .
ﮔﺎﻡ ﻣﺎﻫﺮ ﻓﺘﺢ ﺍﻟﺒﺎﺏ ﻭﻫﻲَ ﺇﻧﻬﺪﺕ ﺑﻴﻪ
ﺍﻡ ﻣﺎﻫﺮ .. ﻳﻌﻨﻲ ﺑﻴﺶ ﺍﻟﺴﺎﻋﻪ ﺗﮕﻌﺪﻭﻥ ﻫﺴﻪ ﺑـﺎﻟـ 9
ﻣﺎﻫﺮ .. ﻳﻴﻮﻭﻭﻡ ﺷﻌﺪﺩﻧﻪ؟؟ ﻋﻄﻠﻪ ﻭﻧﺮﻳﺪ ﻧﻨﺎﻡ
ﺍﻡ ﻣﺎﻫﺮ .. ﺷﻨﻮ ﺇﻟﻰٰ ﻣﺘﻰ ﻋﺮﺳﺎﻥ ﺧﻠﺺ ﺍﻟﻌﺮﺱ ﻭﻓﺾ ﺑﻌﺪ ﺷﻜﻮ ﻧﺎﻳﻤﻴﻦ ﺍﻛﻌﺪﺩﻭ
ﻣﺎﻫﺮ .. ﻟﻴﺶ ﺑﺲ ﺍﻟﻌﺮﻳﺲ ﻳﻨﺎﻡ ؟
ﺍﻡ ﻣﺎﻫﺮ .. ﺍﻧﺰﻟﻮﻭ ﻟﻮﺣﺪﻛﻢ ﻳﻌﻨﻲ ﺍﻻ ﺍﻧﻲ ﺍﺻﻌﺪﻟﻜﻢ
- ﻳﻮﻡ ﻭﺍﻟﻠﻪ ﺇﺫﺍ ﺗﻜﺮﺭ ﻫﺎﻟﻤﻮﻗﻒ ﺍﺗﺼﺮﻑ ﻏﻴﺮ ﺗﺼﺮﻑ ﻣﻄﻠﻌﺖ ﻫﺎﻱ ﻳﻮﻣﻴﻪ ﺗﻜﻌﺪﻳﻨﻪ ﺑﻬﺎﻟﻄﺮﻳﻘﻪ ﺟﻬﺎﻝ ﺍﺣﻨﻪ ﺷﻨﻮﻭ؟؟
ﺍﻡ ﻣﺎﻫﺮ .. ﻟﻌﺪ ﺍﻛﻌﺪﻭ ﻣﻦ ﻛﻴﻔﻜﻢ ﻭﺍﻧﻲ ﻣﺎﺍﺻﻌﺪ .. ﺩﻛﺎﻓﻲ ﻧﻮﻡ ﻣﺸﺒﻌﺘﻮ ﺍﻟﻨﻮﻡ ﻣﻔﺎﺩ ﺃﻫﻞ ﺍﻟﮕﺒﻮﺭ
ﻣﺎﻫﺮ .. ﺑﻜﻴﻴﻔﻨﻪ ﻳﻴﻮﻡ ﺑﻜﻜﻴﻔﻨﻪ .. ﺗﺮﻩ ﺑﻌﺪﻧﻲ ﻣﻨﺎﺳﻲ ﺳﺎﻟﻔﺘﺞ ﻣﺎﻝ ﺍﺑﻮﻳﻪ ﻭﻣﻨﺴﻴﺖ ﺷﺮﻃﻲ ﻋﻠﻴﺞ ﻭﺩﺍﺣﺠﻲ ﻭﻳﺎﺝ ﻫﺴﻪ ﺣﺘﻰ ﻣﺘﻜﺮﺭﻳﻦ ﻫﺎﻟﻤﻮﻗﻒ ﻭﺑﻌﺪ ﻣﻦ ﻫﺎﻟﻠﺤﻈﻪ ﺃﻱ ﻛﻼﻡ ﻣﻴﺠﻤﻌﻨﻪ
ﺍﻡ ﻣﺎﻫﺮ .. ﻟﻚ ﻣﻮ ﺍﻣﻚ ﺍﻧﻲ ﻟﻮ ﻻ؟؟
- ﻛﺘﻠﺞ ﺍﺫﺍ ﺗﺮﻭﺣﻴﻦ ﻻﺍﻣﻲ ﻭﻻﺍﻋﺮﻓﺞ
ﺍﻡ ﻣﺎﻫﺮ .. ﻇﻞ ﺑﻜﻴﻔﻚ ﺍﻧﻲ ﻣﺨﺴﺮﺍﻧﻪ ﺷﻲ
- ﻭﻻ ﺁﻧﻲ
ﺣﻀﺮﺕ ﻣﻼﺑﺲ ﻣﺎﻫﺮ ﻭﺑﺪﻟﺖ ﻭﻧﺰﻟﺖ .. ﻧﺎﺱ ﻗﻠﻴﻞ ﺗﺠﻲ ﻛﻠﻬﻪ ﺑﺎﺭﻛﺘﻠﻨﻪ .
ﻧﺰﻝ ﻣﺎﻫﺮ ﺭﺍﺡ ﻳﻢ ﺍﺻﺪﻗﺎﺋﻪ ﻭﺑﻘﻴﺖ ﺍﻧﻲ ﺑﺎﻟﻤﻄﺒﺦ ﻣﺤﺘﺎﺭﻩ ﺷﺄﺳﻮﻱ . ﻣﻮﺝ ﺗﺒﻘﻪ ﻧﺎﻳﻤﻪ ﺑـ 12 ﻳﻼ ﺗﮕﻌﺪ
ﺍﺟﺖ ﺍﻡ ﻣﺎﻫﺮ ﻭﮔﻔﺖ ﻋﻠﻰ ﺭﺍﺳﻲ ﺑﺎﻟﻤﻄﺒﺦ ﻭﺗﺨﻮﺯﺭ ﺑﻴﻪ ﺍﻧﻲ ﺳﺄﻟﺘﻬﻪ ﻻﻥ ﻣﺤﺘﺎﺭﻩ ﺷﺄﺳﻮﻱ ﻟﻠﻐﺪﻩ -:
- ﻋﻤﻪ ﺷﺄﺳﻮﻱ
ﺍﻡ ﻣﺎﻫﺮ .. ﺳﻮﻱ ﻏﺪﺩﻩ ﻟﻌﺪ ﺷﺘﺴﻮﻳﻦ
- ﺍﻱ ﻣﺜﻞ ﺷﻨﻮ ؟ ﺩﺟﺎﺝ ﺳﻤﺞ ﻟﺤﻢ ﺷﻨﻮ ﺗﺤﺒﻮﻥ ﺑﺎﻟﻀﺒﻂ ﻭﺍﻧﻲ ﺍﻃﺒﺦ
ﺍﻡ ﻣﺎﻫﺮ .. ﺳﻮﻱ ﻣﺮﮔﺔ ﻓﺎﺻﻮﻟﻴﺎ
- ﻭﻳﻦ ﺗﻠﺤﮓ ﻻﺯﻡ ﺗﺘﻨﻜﻊ ﻣﻦ ﺍﻟﻠﻴﻞ
ﺍﻡ ﻣﺎﻫﺮ .. ﻣﻨﮕﻌﺘﻲ ﻟﻌﺪ ﺷﺒﻴﺞ ﻓﺎﻫﻴﻪ
- ﺷﺪﺭﺍﻧﻲ ﺷﺘﺤﺒﻮﻥ
ﺍﻡ ﻣﺎﻫﺮ .. ﻟﻌﺪ ﺳﻮﻱ ﺑﻜﻴﻔﺞ
- ﺭﺍﺡ ﺍﺳﻮﻱ ﺑﺮﻳﺎﻧﻲ
ﺍﻡ ﻣﺎﻫﺮ .. ﺗﻤﺎﻡ ﻭﺍﻧﻲ ﺍﺑﻘﻪ ﻫﻨﺎ ﺍﺷﻮﻑ ﻧﻈﺎﻓﺘﺞ
ﺷﺪﻭﺍ ﺭﻭﺳﻜﻢ ﻳﮕﺮﻋﺎﻥ ﻳﻌﻨﻲ ﻣﺎﺭﺍﺡ ﺗﺨﻠﻴﻨﻲ ﺍﻋﺮﻑ ﺍﻃﺒﺦ ﺍﺑﺪﺩ .
ﺣﻀﺮﻭﺕ ﺍﻟﻤﻮﺍﺩ ﻭﺳﻠﻜﺖ ﺍﻟﺪﺟﺎﺝ ﻭﺛﺮﻣﺘﻪ ﻭﺣﻤﺴﺘﻪ .. ﻭﻫﻲَ ﻛﻠﺴﺎﻉ ﻻﺗﺴﻮﻳﻦ ﻫﻴﺞ ﻻﺗﺠﻴﺒﻴﻦ ﻫﻴﺞ .
ﻛﻌﺪﺕ ﻣﻮﺝ .. ﻏﺴﻠﺖ ﻭﺍﺟﺖ ﻟﻠﻤﻄﺒﺦ ﺗﺮﻳﺪ ﺗﺤﻤﻲ ﺍﻟﭽﺎﻱ ﺳﺄﻟﺘﻨﻲ
ﻣﻮﺝ .. ﺍﻛﻠﺞ ﺛُﺮﻯٰ ﻭﻳﻦ ﺍﻟﺠﺪﺍﺣﻪ
- ﺍﻟﺠﺪﺍﺣﻪ ﺍﻟﺼﻔﺮﻩ؟
ﻣﻮﺝ .. ﺍﻱ ﻫﻲَ
- ﺑﻴﻬﻪ ﺻﻮﺭﺓ ﻻﻋﺐ
ﻣﻮﺝ .. ﺍﻱ ﺍﻱ
- ﻭﺑﻴﻬﻪ ﺑﺎﻟﻨﻬﺎﻳﺔ ﻻﻳﺖ ﻭﻣﻦ ﺗﺪﻭﺳﻴﻦ ﺍﻟﺪﮔﻤﻪ ﻳﺸﺘﻐﻞ ﻭﻣﻦ ﺗﻮﺧﺮﻳﻦ ﺍﻳﺪﺝ ﻳﻄﻔﻪ ﻭﺣﺘﻰ ﺑﻴﻬﻪ ﻏﺎﺯ ﻟﻠﻨﺺ
ﻣﻮﺝ .. ﻟﺞ ﺍﻱ ﺍﻱ ﻫﻲَ ﻣﺸﻔﺘﻴﻬﻪ
- ﻻ ﻭﺍﻟﻠﻪ ﻣﺎﺷﻔﺘﻬﻪ
ﻣﻮﺝ .. ﻫﻬﻬﻬﻬﻬﻪ ﻟﺞ ﺻﺎﺭﻟﺞ ﺳﺎﻋﻪ ﺗﻘﺸﻤﺮﻳﻦ ﻋﻠﻴﻪ ﻫﻬﻬﻬﻬﻬﻪ
ﻇﻠﻴﻨﻪ ﻧﻀﺤﻚ ﺍﻧﻲ ﻭﻣﻮﺝ ﻭﺍﺷﻮ ﺍﻟﻤﺮﻩ ﻫﺪﺕ ﻋﻠﻴﻪ ﺑﺬﻳﺞ ﺍﻟﺮﺯﺍﻟﻪ
ﺍﻡ ﻣﺎﻫﺮ .. ﺍﻧﺖِ ﺻﺪﻙ ﻣﺘﺴﺘﺤﻴﻦ ﺗﻘﺸﻤﺮﻳﻦ ﻋﻠﻴﻬﻪ ﺷﻨﻮ ﻣﺘﺸﻮﻓﻴﻬﻪ ﻫﺴﻪ ﻛﺎﻋﺪﻩ ﻭﺍﻟﻮﺍﺣﺪ ﻣﻦ ﻳﻜﻌﺪ ﺧﻠﮕﻪ ﺑﺨﺸﻤﻪ ﻭﺍﻧﺖِ ﺗﺘﻠﮕﻴﻬﻪ ﺑﻬﺎﻟﺘﺼﺮﻓﺎﺕ
ﻣﻮﺝ .. ﺷﻨﻮ ﺷﺒﻴﺞ ﻳﻮﻭﻭﻡ ﺩﻧﺘﺸﺎﻗﻪ
ﺍﻡ ﻣﺎﻫﺮ .. ﻫﻮَ ﻫﺬﺍ ﺷﻘﻪ؟؟
ﻣﻮﺝ .. ﻳﻮﻭﻭﻡ ﺷﺴﺎﻟﻔﻪ ﺗﺮﻳﺪﻳﻦ ﺣﺠّﻪ ﺣﺘﻰ ﺗﺤﺠﻴﻦ ﻋﻠﻰ ﺍﻟﺒﻨﻴﻪ ﺗﺮﻩ ﻏﻴﺮﺕ ﻣﺰﺍﺟﻲ ﺭﻏﻢ ﺿﺎﻳﺠﻪ ﺑﺲ ﻫﺴﻪ ﺍﻧﺖِ ﺑﻜﻠﻤﺎﺗﺞ ﺫﻧﻲ ﺿﻮﺟﺘﻴﻨﻲ
ﺍﻡ ﻣﺎﻫﺮ .. ﺍﻧﺖِ ﻟﺘﻨﻄﻴﻬﻪ ﻣﺠﺎﻝ ﺗﺮﻩ ﺍﻟﻲ ﻣﺜﻠﻬﻪ ﻣﻮ ﻣﺎﻝ ﻭﺍﺣﺪ ﻳﻨﻄﻴﻬﻢ ﻋﻴﻦ
ﻣﻮﺝ .. ﻳﻮﻭﻭﻭﻡ ﺷﺴﺎﻟﻔﻪ ﻛﺎﺍﻓﻲ ﺣﺘﻰ ﺭﻳﻮﻙ ﻣﺎﺍﺭﻳﺪ
ﺧﻠﺖ ﻭﺭﺍﺣﺖ ﻭﺍﻧﻲ ﺳﺎﻛﺘﻪ .. ﺧﻠﻴﺘﻬﻪ ﺑﻤﻜﺎﻧﻬﻪ ﻭﺍﮔﻔﻪ ﻭﺭﺣﺖ ﻟﻠﺼﺎﻟﻪ .. ﻟﻜﻴﺖ ﻣﻮﺝ ﻛﺎﻋﺪﻩ ﻉ ﺍﻟﻘﻨﻔﻪ ﻣﻜﺘﻔﻪ ﺍﻳﺪﻳﻬﻪ ﻭﺗﻬﺰ ﺑﺮﺟﻠﻬﻪ ﺿﺎﻳﺠﻪ
ﻣﻦ ﺩﺧﻠﺖ ﻭﻛﻔﺖ ﺗﺘﻌﺬﺭ ﻣﻨﻲ
ﻣﻮﺝ .. ﺛُﺮﻯٰ ﻣﺴﺤﻴﻬﻪ ﺑﻮﺟﻬﻲ ﺍﻧﻲ ﺁﺳﻔﻪ ﻧﻴﺎﺑﺔ ﻋﻦ ﺍﻣﻲ ﻭﺍﻟﻠﻪ ﺭﻏﻢ ﺷﺒﻌﺖ ﺿﺤﻚ ﺑﺲ ﺿﻮﺟﺘﻨﻲ ﻣﻦ ﺻﺪﻙ....بيج قصص عراقيه حقيقيه من واقعنا.روعه الطائي
- ﻋﺎﺩﻱ ﺣﺒﻴﺒﺘﻲ ﻻﺗﻀﻮﺟﻴﻦ ﻣﺎﻋﻠﻴﺞ ﺍﻧﺖِ
ﻣﻮﺝ .. ﻣﺎﺍﻋﺮﻑ ﺷﺒﻴﻬﻪ ﻣﺎﻣﺎ ﻫﺎﻻﻳﺎﻡ
- ﺍﻟﻠﻪ ﻳﻬﺪﻳﻬﻪ ﻋﻠﻴﻪ ﻭﺗﻈﻞ ﺗﺤﺒﻨﻲ
ﻣﻮﺝ .. ﺍﻥ ﺷﺎﺀ ﺍﻟﻠﻪ
ﺻﺎﺭﺕ ﺑـ 12 ﺍﻧﻲ ﻣﻜﻤﻠﻪ ﺍﻟﻐﺪﻩ ﻭﺟﺎﻱ ﺍﺣﻀﺮ ﺑﺎﻟﺴﻔﺮﻩ .. ﻫﻲَ ﺍﺟﺖ ﺗﺘﺄﻣﺮ ﻋﻠﻴﻪ ﻭﺍﻧﻲ ﺍﮔﻮﻝ ﺍﻣﻲ ﻣﻴﺨﺎﻟﻒ ﺑﺲ ﻫﻲَ ﻻ ﺗﺘﺄﻣﺮ ﻋﺒﺎﻟﻚ ﺧﺪﺍﻣﻪ ﺟﻮﻩ ﺇﻳﺪﻫﻪ .
ﺇﺟﻪ ﻣﺎﻫﺮ ﺻﻌﺪﺕ ﻭﺭﺍﻩ .. ﺍﻧﻄﻴﺘﻪ ﻣﻼﺑﺴﻪ ﻭﺻﻠﻴﻨﻪ ﻭﻧﺰﻟﻨﻪ ﻧﺘﻐﺪﻩ .
ﺻﺒﻴﺖ ﺍﻟﻐﺪﻩ ﻭﻇﻠﻴﻨﻪ ﻧﺘﻐﺪﻩ .. ﻫﻲَ ﺗﺠﻴﺐ ﺍﻻﻛﻞ ﻭﺗﺤﻂ ﻣﻘﺎﺑﻴﻞ ﻣﺎﻫﺮ .. ﻫﻮَ ﻣﺎﻣﻬﺘﻢ ﻣﺎﻳﺎﺧﺬ ﻣﻨﻬﻪ ﺍﺻﻼً .
ﮔﺎﻟﺘﻠﻪ -:
ﺍﻡ ﻣﺎﻫﺮ .. ﺍﻛﻮﻟﻚ ﻣﺎﻫﺮ ﻣﺸﻔﺖ ﺑﻴﺘﻨﻪ ﺍﻟﻲ ﺑﺒﻐﺪﺍﺩﺷﻮﻛﺖ ﻧﺸﻴﻞ ﺑﻴﻪ ﻃﮕﺖ ﺭﻭﺣﻲ ﺍﺭﻳﺪ ﺍﺭﺟﻊ ﻟﺒﻐﺪﺍﺩ
ﻣﺎﻫﺮ .. ﻣﻮﺝ ﻣﻦ ﻳﻤﺞ ﺍﻧﻄﻴﻨﻲ ﺍﻟﻠﺒﻦ
ﻫﻲَ ﺳﻜﺘﺖ ﻋﺮﻓﺖ ﻣﺎﻳﺮﻳﺪ ﻳﺤﭽﻲ ﻭﻳﺎﻫﻪ ..
ﻇﻠﻴﻨﻪ ﻧﺎﻛﻞ ﺳﺎﻛﺘﻴﻦ ﻫﻮَ ﺷﻮﻳﻪ ﺳﺄﻝ ﻣﻮﺝ
- ﺍﻛﻠﺞ ﻣﻮﺝ ﺍﺣﻨﻪ ﺑﺎﻟﻌﺮﺱ ﻋﺰﻣﻨﻪ ﺑﻴﺖ ﺁﻝ ﺻﻤﺪ؟
ﻣﻮﺝ .. ﻻ ﻣﺎﻋﺰﻣﻨﺎﻫﻢ
- ﺷﻜﺪﺩ ﻓﺸﻠﻪ ﻗﺒﻞ ﺷﻮﻳﻪ ﺍﻟﻮﻟﺪ ﻻﮔﺎﻧﻲ ﺑﺎﺭﻛﻠﻲ ﻭﺷﻤﺮ ﺑﺴﻤﺎﺭ ﻋﻠﻴﻪ ﺍﺣﻨﻪ ﺷﻠﻮﻥ ﻧﺴﻴﻨﺎﻫﻢ
ﻣﻮﺝ .. ﻣﺎﺍﻋﺮﻑ ﻭﺍﻟﻠﻪ ﻫﻮﺳﻪ ﺻﺎﺭﺕ ﻋﻠﻴﻨﻪ ﻭﻧﺴﻴﻨﻪ
- ﻻﺯﻡ ﻧﻌﺰﻣﻬﻢ ﻓﺪ ﻳﻮﻡ ﻋﻠﻰ ﻏﺪﻩ ﻟﻮ ﻋﺸﻪ
ﺍﻡ ﻣﺎﻫﺮ .. ﻻ ﻻ ﻟﺘﻌﺰﻣﻬﻢ ﺧﻠﻴﻬﻪ ﻓﺪ ﻧﻮﺏ ﻋﻠﻰ ﺯﻭﺍﺟﻚ ﺍﻟﺜﺎﻧﻲ ﻧﻌﺰﻣﻬﻢ !!
ﺍﻧﻲ ﺟﻨﺖ ﻣﺪﻧﮕﻪ ﺁﻛﻞ ﺭﻓﻌﺖ ﺭﺍﺳﻲ ﺭﺃﺳﺎً ﺍﻟﻠﮕﻤﻪ ﻭﻛﻔﺖ ﺑﺒﻠﻌﻮﻣﻲ .
ﻫﻮَ ﻭﺳﻊ ﻋﻴﻮﻧﻪ ﺣﻴﻞ ﺧﺰﺭﻫﻪ ﺭﺍﻓﻊ ﺣﺎﺟﺒﻪ .. ﻫﻲَ ﻋﻮﺟﺖ ﺣﻠﮕﻬﻪ ﻭﻫﺰﺕ ﺇﻳﺪﻫﻪ .. ﺩﺍﺭﺕ ﻭﺟﻬﻪ ﻭﻇﻠﺖ ﺗﻘﻮﺱ ﺑﺤﻮﺍﺟﺒﻬﻪ ﻭﺗﺪﻳﺮ ﺑﻌﻴﻮﻧﻬﻪ .
ﻫﻤﺲ -: ﺍﺣﻤﻢ ﺍﻟﺤﻤﺪ ﻟﻠﻪ
ﺧﻠﻪ ﻭﮔﺎﻡ ﻣﻦ ﺍﻟﺴﻔﺮﻩ .. ﮔﻄﻊ ﻏﺪﺍﻩ ﻣﻦ ﻭﺭﺍﻫﻪ ﺍﻧﻲ ﻇﻠﻴﺖ ﻛﺎﻋﺪﻩ ﺟﺬﺏ ﻻﺍﻛﻠﺖ ﻭﻻ ﺷﻲ .
ﺍﻭﻝ ﻣﺎﺧﻠﺼﺖ ﻫﻲَ ﻟﻤﻴﻨﻪ ﺍﻟﺴﻔﺮﻩ ﻭﻛﻤﻨﻪ ..
ﺻﻌﺪﺕ ﻭﺭﺍﻩ ﻟﮕﻴﺘﻪ ﻧﺎﻳﻢ .
ﻃﻔﻴﺖ ﺍﻟﻀﻮﻩ ﻭﻇﻠﻴﺖ ﻛﺎﻋﺪﻩ ﻣﺤﺘﺎﺭﻩ ﺷﺄﺳﻮﻱ ﺣﺘﻰ ﺑﻌﺪﻩ ﺍﻷﻛﻞ ﻣﺎﻣﻬﻀﻮﻡ .
ﻇﻠﻴﺖ ﺍﺭﺍﺳﻞ ﺑﻨﻬﻰ ﻉ ﺍﻟﻔﻴﺲ ﺗﻮﺍﻓﻴﻨﻲ ﺑﺎﻷﺧﺒﺎﺭ
- ﺍﻫﻠﻲ ﺷﻠﻮﻧﻬﻢ
ﻧﻬﻰ .. ﻛﻠﻬﻢ ﺯﻳﻨﻴﻦ
- ﺷﺨﺒﺎﺭ ﻓﺪﻙ ﻭﻱ ﺍﻫﻠﻲ؟ ﻋﻮﺿﺖ ﻣﻜﺎﻧﻲ
ﻧﻬﻰ .. ﺯﻳﻨﻪ ﻻﺗﺨﺎﻓﻴﻦ ﺑﺲ ﻣﺎﻋﻮﺿﺖ ﻣﻜﺎﻧﺞ .. ﻫﻬﻬﻬﻪ ﻣﻜﺎﻧﺞ ﺧﺎﻟﻲ
- ﻫﻬﻬﻪ
ﻧﻬﻰ .. ﺍﻛﻠﺞ ﺻﺪﻙ ﺩﺯﻳﻠﻲ ﺻﻮﺭﻛﻢ ﻣﺎﻝ ﺍﻟﺰﻭﺍﺝ ﻭﻻ ﺻﻮﺭﻩ ﻋﻨﺪﻱ ﻳﺎﻫﻲ ﺍﻻﮔﻠﻬﻪ ﺗﮕﻮﻝ ﻣﺎﻋﻨﺪﻱ
- ﺍﻱ ﻣﻮ ﻣﺎﻫﺮ ﻣﺎﺧﻠﻪ ﻭﻻ ﻣﺨﻠﻮﻕ ﻳﺼﻮﺭ ﺑﺲ ﺍﺣﻨﻪ
ﻧﻬﻰ .. ﺗﺪﺯﻳﻠﻴﺎﻫﻦ
- ﺧﻮﺵ
ﺩﺯﻳﺘﻠﻬﻪ ﺻﻮﺭﻧﻪ ﻭﻇﻠﻴﻨﻪ ﻧﺴﻮﻟﻒ .. ﻟﻤﺎ ﺷﻮﻳﻪ ﻧﻌﺴﺖ ﻭﻧﻤﺖ .
ﺍﻟﻌﺼﺮ ﻧﺰﻟﺖ ﺳﻮﻳﻨﻪ ﻛﻠﻴﺠﻪ ﻭﺍﻛﻠﻨﺎﻫﻪ ﻭﻱ ﭼﺎﻱ ﻭﻣﺎﻫﺮ ﻭﻳﺎﻧﻪ ﻳﺴﻮﻟﻒ ﻭﺃﻣﻪ ﻧﺎﻳﻤﻪ .
ﻭﺭﻩ ﺻﻼﺓ ﺍﻟﻤﻐﺮﺏ ﺑﻠﺸﺖ ﺑﺎﻟﻌﺸﻪ ﻫﻢ ﻭﺗﻌﺸﻴﻨﻪ .
ﺇﺳﺘﻤﺮ ﻫﺬﺍ ﺍﻟﺮﻭﺗﻴﻦ ﻟﻤﺪﺓ ﺷﻬﺮﻳﻦ ﻣﺎﻳﺨﻠﻪ ﻣﻦ ﺑﺴﺎﻣﻴﺮ ﺃﻡ ﻣﺎﻫﺮ .
ﺍﻟﻴﻮﻡ ﺿﺎﻳﺠﻪ ﺍﻡ ﻣﺎﻫﺮ ﻛﺎﻟﺖ ﺧﻞ ﻧﺮﻭﺡ ﻟﻠﻤﻨﺘﺰﻩ .. ﻛﻠﺖ ﻟﻤﺎﻫﺮ ﻣﺎﻋﺎﺭﺽ ﻋﺎﺩﻱ ﻛﺎﻝ ﺭﻭﺣﻦ ﻳﻮﺻﻠﺠﻦ ﺍﻟﺴﺎﻳﻖ ﻭﻇﻠﻦ ﺗﻤﺸﻦ ﻣﺎﻳﻜﺪﺭ ﻳﺠﻲ ﻭﻳﺎﻧﻪ .
ﻟﺒﺴﺖ ﻓﺴﺘﺎﻥ ﻃﻮﻳﻞ ﻭﻓﻮﻛﺎﻩ ﻋﺒﺎﻳﻪ ﻭﺧﻠﻴﺖ ﻣﻜﻴﺎﺝ .. ﺍﺟﻪ ﻣﺎﻫﺮ ﺟﺎﻳﺐ ﻋﻼﮔﻪ ﻣﺘﺮﻭﺳﻪ ﺣﻠﻮﻳﺎﺕ ﺣﺘﻰ ﻣﺎﻧﺸﺘﺮﻱ ﻣﻨﺎﻙ .. ﺗﻘﺮﺏ ﺗﻘﺮﺏ ﻳﻤﻲ ﺭﻛﺰ ﺑﻮﺟﻬﻲ -:
- ﺍﻣﻤﻢ ﻣﺨﻠﻴﻪ ﻣﻜﻴﺎﺝ ﺷﻬﺎﻟﺠﻤﺎﻝ ﻳﺎﺑﻪ
- ﻻ ﻋﻤﻲ ﻫﻮَ ﺍﻧﻪ ﺑﻴﻀﻪ
- ﻫﻬﻬﻬﻪ ﺑﻴﻀﻪ ﻣﺎﻝ ﺩﺟﺎﺟﻪ
- ﻫﻬﻬﻪ ﺗﺤﺸﺶ ﻋﻠﻴﻪ ﺩﻫﺎﻙ ﺷﻮﻑ ﺭﺟﻠﻴﻪ ﻣﻨﻮ ﺍﺑﻴﺾ
- ﻫﻨﻪ ﺭﺟﻠﻴﺞ ﮔﻄﻦ ﻫﻲَ ﻣﺎﻝ ﻛﻼﻭﺍﺕ
- ﻫﻬﻬﻬﻪ ﻭﺻﻠﻨّﻪ ﺍﻧﺖَ
- ﺭﺍﺡ ﺍﻃﻠﻊ ﺟﻤﺎﻋﺘﻲ ﻳﻨﺘﻈﺮﻭﻧﻲ
- ﺍﺧﺬﻧﻪ ﺑﻄﺮﻳﻘﻚ
- ﻏﻴﺮ ﻣﺮﻩ .. ﺍﺫﺍ ﺗﺤﺘﺎﺟﻴﻦ ﻓﻠﻮﺱ ﻫﻨﺎ ﺑﻬﺬﺍ ﺍﻟﻤﺠﺮ ﺍﻧﻲ ﻃﺎﻟﻊ
- ﺧﻮﺵ
ﻃﻠﻊ ﻭﻋﻤﺘﻲ ﺧﺒﺼﺘﻨﻲ ﻳﻼ ﻭﻳﻼ ﻧﺴﻴﺖ ﻣﺎﺍﺧﺬﺕ ﻓﻠﻮﺱ ﺑﺲ ﺍﺧﺬﺕ ﺍﻟﻌﻼﻛﻪ ﻭﻃﻠﻌﻨﻪ .
ﺧﺎﺑﺮﻧﻪ ﺍﻟﺴﺎﻳﻖ ﻛﺎﻝ ﺍﻧﻲ ﻫﺴﻪ ﻣﺎﻣﻮﺟﻮﺩ ﺧﻠﻮﻫﻪ ﻉ ﺍﻟﺮﺟﻌﻪ ﺍﻭﺻﻠﻜﻢ .. ﺍﻧﺠﺒﺮﻧﻪ ﻭﻃﻠﻌﻨﻪ ﻉ ﺍﻟﺸﺎﺭﻉ ﺍﻟﺮﺋﻴﺴﻲ ﻧﺮﻳﺪ ﺳﻴﺎﺭﻩ ﺗﻮﻛﻔﻠﻨﻪ ﻣﺎﻛﻮ .. ﻭﺍﺣﻨﻪ ﻭﺍﮔﻔﻴﻦ ﻭﻛﻒ ﺭﻑ .
ﺑﺎﻭﻋﺖ ﺑﻤﻮﺝ ﻭﺿﺤﻜﺖ ﺍﺷﺮﺗﻠﻬﻪ ﺑﺤﻮﺍﺟﺒﻲ
- ﺻﻌﺪﺩﻱ
ﺍﻡ ﻣﺎﻫﺮ .. ﺍﻧﻲ ﻣﺎﺍﺻﻌﺪ ﻟﻮ ﺍﺍﻣﻮﻭﻭﺕ
ﻣﻮﺝ .. ﻫﻬﻬﻪ ﻳﻮﻡ ﺧﻞ ﻧﺠﺮﺑﻪ ﻋﻠﻴﺞ ﺍﻟﻠﻪ
- ﻋﻤﻪ ﺗﺮﻩ ﺑﻌﺪ ﻣﺤﺪ ﻳﻮﻛﻔﻠﻨﻪ
ﺍﻡ ﻣﺎﻫﺮ .. ﻣﺎﺍﺻﻌﺪ
ﺍﻟﺴﺎﻳﻖ ﺻﺎﺡ -:
- ﻳﻼ ﺣﺠﻴﻪ ﺗﺼﻌﺪﻭﻥ ﻟﻮ ﻧﺘﻮﻛﻞ ﺗﺮﻩ ﺍﻟﻌﺒﺮﻳﻪ ﻣﻨﺘﻈﺮﻳﻦ
ﺍﻡ ﻣﺎﻫﺮ .. ﻛﻠﻪ ﻣﻦ ﻭﺭﺍﺝ
ﻇﻠﺖ ﻣﻌﻔﺴﻪ ﻭﺟﻬﻪ ﻭﺻﻌﺪﺕ .. ﻛﻌﺪﻧﻪ ﺍﻧﻲ ﻭﻣﻮﺝ ﻧﺴﻮﻟﻒ ﻭﻧﻀﺤﻚ .
ﻭﺻﻠﻨّﻪ ﺍﻟﺴﺎﻳﻖ ﺑﻜﺮﻭﺗﻪ ﻟﻠﻤﻨﺘﺰﻩ ﺍﻟﻌﺎﻡ .. ﻧﺰﻟﻨﻪ ﻭﺍﻻﺟﻮﺍﺀ ﺑﺎﻟﻠﻴﻞ ﺗﺠﻨﻦ .
ﺭﻳﺤﺔ ﺍﻟﺸﺠﺮ ﻭﺍﻟﻄﻴﻦ ﻣﻌﺒﻴﻪ ﺍﻟﻤﻜﺎﻥ ﻭﺍﻻﺿﻮﻳﻪ ﻭﺻﻮﺕ ﺍﻻﻏﺎﻧﻲ ﺍﻟﺒﻌﻴﺪﻩ ﻉ ﺍﻟﺸﻂ ﺗﺴﻮﻱ ﻭﺍﻫﺲ .
ﺩﺧﻠﻨﻪ ﻭﻇﻠﻴﻨﻪ ﻧﺘﻤﺸﻪ ﺍﻟﻤﻜﺎﻥ ﺣﻠﻮ ﻭﻭﺍﺳﻊ ﻭﺍﻟﻌﻮﺍﺋﻞ ﺑﻜﻞ ﻣﻜﺎﻥ ﻣﺘﻮﺍﺟﺪﻩ ﻭﺍﻻﻃﻔﺎﻝ ﺗﻜﻤﺰ ﺑﺎﻟﻤﺮﺍﺟﻴﺢ ﻛﻠﻤﺎ ﻧﻤﺮ ﻣﻦ ﻳﻢ ﻃﻔﻞ ﻭﺑﺴﻤﺮﺗﻨﻲ ﺍﻡ ﻣﺎﻫﺮ ﺗﺮﻳﺪ ﻃﻔﻞ .
ﻣﻮﺝ ﺷﺎﻓﺖ ﻭﺭﺩﺍﺕ ﺣﻤﺮ ﻳﺒﻴﻌﻮﻥ ﺭﺍﺣﺖ ﻳﻤﻪ ﺗﺸﺘﺮﻱ ﻭﺍﺣﻨﻪ ﻭﻳﺎﻫﻪ ﻭﻛﻔﻨﻪ .. ﺍﻡ ﻣﺎﻫﺮ ﻟﺰﻛﺘﻠﻲ ﺍﻻ ﺗﺸﺘﺮﻳﻦ ﺍﻧﻲ ﻣﺎﺍﺭﻳﺪ ﺍﻭﻻً ﻭﺛﺎﻧﻴﺎً ﻧﺴﻴﺖ ﺍﺟﻴﺐ ﺍﻟﻔﻠﻮﺱ . ﻭﻫﻲَ ﺧﺒﺼﺘﻨﻲ
ﺍﻡ ﻣﺎﻫﺮ .. ﺍﺷﺘﺮﻱ ﺩﺍﻛﻮﻟﻠﺞ
- ﻋﻤﻪ ﻣﺎﺍﺭﻳﺪ
ﺍﻡ ﻣﺎﻫﺮ .. ﺍﺷﺘﺮﻱ
- ﻣﺎﻳﻌﺠﺒﻨﻲ
ﺍﺷﺘﺮﺕ ﻣﻮﺝ ﻭﻇﻠﻴﻨﻪ ﻧﺘﻤﺸﻪ ﻛﻌﺪﻧﻪ ﺑﻤﻜﺎﻥ ﻋﻠﻰ ﻃﺒﻠﻪ ﻭﻫﻲَ ﺭﺍﺣﺖ ﺍﺷﺘﺮﺕ ﻭﺟﺎﺑﺘﻪ .
ﺍﺗﺼﻞ ﺑﻴﻪ ﻣﺎﻫﺮ ﻳﺴﺄﻟﻨﻲ ﺑﻴﺶ ﺍﺟﻴﻨﻪ
- ﻫﻬﻬﻪ ﺍﺣﺰﺭ ﺑﺸﻨﻮ ﺍﺟﻴﻨﻪ
- ﺑﺸﻨﻮ؟
- ﻛﻠﻤﻪ ﺗﺘﻜﻮﻥ ﻣﻦ ﺣﺮﻓﻴﻦ ﺍﺟﻴﻨﻪ ﺑﻴﻬﻪ
- ﻫﻬﻬﻪ ﻫﺎﻟﺤﺐ ﻣﻦ ﺣﺮﻓﻴﻦ ﺷﻨﻮ؟
- ﺭﻑ
- ﺭﻑ !!!!
- ﻫﻬﻬﻬﻪ . ﺍﻱ
- ﻭﺻﻌﺪﺗﻮ ﺑﺎﻟﺮﻑ ﺑﺎﺍﻟﻴﻞ ﻭﺍﻧﺘﻮ ﻧﺴﻮﺍﻥ؟؟ ﻭﺍﻟﺴﺎﻳﻖ ﻭﻭﻭﻭﻳﻦ؟؟
- ﻣﺎﻣﻮﺟﻮﺩ
- ﻭﺍﻣﻲ ﺷﻠﻮﻥ ﺗﺼﺼﺼﻌﺪﺩ؟؟؟؟
- ﺟﺎ ﻭﺍﺫﺍ؟
- ﺷﻨﻮﻭ ﺟﺎ ﻭﺍﺫﺍ ﻧﺴﻮﺍﻥ ﻭﺻﺎﻋﺪﺍﺕ ﺑﺎﻟﻠﻴﻞ ﻭﻱ ﻋﺒﺮﺭﻳﻪ ﻫﺴﻪ ﺷﻴﻜﻮﻭﻟﻮﻭﻥ ﺫﻧﻲ ﺗﺎﻳﻬﺎﺕ ﻣﺎ ﻭﻳﺎﻫﻦ ﺭﺟﺎﻝ ؟؟
ﺳﻜﺘﺖ . ﺻﺎﺭ ﻋﺼﺒﻲ ﻭﻳﺸﻴﻞ ﺑﺮﻭﺣﻪ ﻭﻳﺪﮔﻬﻪ ﺍﺧﺮ ﺷﻲ ﺧﺘﻤﻬﻪ
- ﺭﻭﺣﻲ ﺛُﺮﻯٰ ﺍﻧﻲ ﻣﻦ ﺍﺭﺟﻊ ﺗﺼﺮﻓﻲ ﻭﻱ ﺍﻣﻲ ﺍﻟﺨﻠﺖ ﺑﻨﺎﺕ ﺷﺎﺑﺎﺕ ﻳﺼﻌﺪﻥ ﺑﺮﻑ
ﺳﺪﻳﺘﻪ ﻣﻨﻪ ﻭﻋﻤﺘﻲ ﺑﺲ ﺗﺒﺎﻭﻉ ﻣﺎﺳﺄﻟﺘﻨﻲ ﻣﻐﻠﺴﻪ .
ﻇﻠﻴﻨﻪ ﻧﺒﺎﻭﻉ ﻋﻠﻰ ﺍﻟﻌﻮﺍﺋﻞ ﻭﻧﻀﺤﻚ ﻋﻠﻰ ﺭﺟﺎﻝ ﺟﺒﻴﺮ ﻭﺧﺮ ﺍﺑﻨﻪ ﻣﻦ ﺍﻟﻤﺮﺟﻮﺣﻪ ﻭﺻﻌﺪ ﺑﻴﻬﻪ .
ﻫﻲَ ﺗﺒﺎﻭﻉ ﺑﻴﻪ ﻟﻤﺎ ﺻﻔﻨﺖ ﻭﻛﺎﻟﺖ -:......بيج قصص عراقيه حقيقيه من واقعنا.روعه الطائي
ﺍﻡ ﻣﺎﻫﺮ .. ﺛُﺮﻯٰ ﺭﻭﺣﻲ ﺍﺷﺘﺮﻳﻠﻲ ﻋﺼﻴﺮ ﻣﺎﺑﻴﻪ ﺣﻴﻞ ﺑﻌﺪ ﺍﺭﻭﺡ
- ﺍﺳﺘﺤﻲ
ﺍﻡ ﻣﺎﻫﺮ .. ﺩﺭﻭﺣﻲ ﺷﻨﻮ ﺗﺴﺘﺤﻴﻦ
ﺳﻜﺘﺖ ﻻﻥ ﻣﺎﺷﺎﻳﻠﻪ ﺷﻲ ﻣﻨﻴﻦ ﺍﺷﺘﺮﻳﻠﻬﻪ .. ﺑﺎﻭﻋﺘﻠﻲ ﺭﺍﻓﻌﻪ ﺣﺎﺟﺒﻬﻪ
ﺍﻡ ﻣﺎﻫﺮ .. ﺍﻧﺖِ ﻣﺸﺎﻳﻠﻪ ﻓﻠﻮﺱ ﻣﻮ؟
- ﻫﺎﺍ ﻻ ﻋﻨﺪﻱ
ﺍﻡ ﻣﺎﻫﺮ .. ﻟﻌﺪ ﺭﻭﺣﻲ ﺍﺷﺘﺮﻳﻠﻲ
ﺳﻜﺘﺖ ﻭﺩﺭﺕ ﻭﺟﻬﻲ
ﺍﻡ ﻣﺎﻫﺮ .. ﻣﺸﺎﻳﻠﻪ ﻭﺍﻟﻠﻪ .. ﻳﻌﻨﻲ ﻣﺮﺕ ﺍﻟﺪﻛﺘﻮﺭ ﻣﺎﻫﺮ ﺭﺑﻊ ﺩﻳﻨﺎﺭ ﻣﺎﻛﻮ ﺑﺠﻨﻄﺘﻬﻪ ﻫﺴﻪ ﺧﻞ ﻧﺮﺟﻊ ﻭﺍﻧﻲ ﺍﻋﻠﻢ ﻣﺎﻫﺮ ﺷﻨﻮ ﻣﻴﻨﻄﻴﺞ
- ﻻ ﻋﻤﻪ ﺍﻧﻲ ﻧﺴﻴﺖ ﻣﺎﺍﺧﺬﺕ ﻫﻨﻪ ﺑﺎﻟﺠﺮﺍﺭﺍﺕ ﺑﺲ ﻃﻠﻌﻨﻪ ﻣﺴﺘﻌﺠﻠﻴﻦ ﻭﺭﺍﺡ ﻋﻦ ﺑﺎﻟﻲ
ﺍﻡ ﻣﺎﻫﺮ .. ﻻ ﻭﺍﻟﻠﻪ ﺍﺣﺎﺟﻲ ﻣﺎﻫﺮ ﺷﻨﻮ ﻫﺎﻟﻮﺿﻊ ﻫﺬﺍ ﻣﻴﻨﻄﻴﺞ
- ﻋﻤﻪ ﻣﺎﻛﻮ ﺩﺍﻋﻲ ﻭﺍﻟﻠﻪ ﻛﺎﻝ ﺍﺧﺬﻱ ﺑﺲ ﻧﺴﻴﺖ
ﺍﻡ ﻣﺎﻫﺮ .. ﻣﻌﻠﻴﺞ ﻣﻌﻠﻴﺞ
ﺳﻜﺘﺖ ﻭﺍﺯﻓﺮ ﺍﻧﻔﺎﺱ ﺑﻨﻔﺎﺫ ﺻﺒﺮ ﺗﺮﻳﺪ ﺗﺴﻮﻱ ﻣﺸﻜﻠﻪ ﻛﻮﻩ .
ﻣﻦ ﻃﻠﻌﻨﻪ ﻛﺎﻟﺖ ﺧﻞ ﻧﺎﺧﺬ ﺻﻮﺭﻩ .. ﺍﺧﺬﻧﻪ ﺻﻮﺭﻩ ﻭﺍﻟﻤﺼﻮﺭ ﻛﺎﻝ -:
- ﺷﻮ ﺗﻌﺎﻟﻮ ﺷﻮﻓﻮ
ﺭﺣﻨﻪ ﺍﻧﻲ ﻭﻣﻮﺝ ﺷﻔﻨﺎﻫﻦ .. ﻫﻮَ ﻗﺪّﻡ ﺍﻟﻜﺎﻣﻴﺮﻩ ﻋﻠﻴﻪ ﻭﻣﻮﺝ ﻳﻤﻲ
ﻣﻮﺝ .. ﺍﻳﻴﻴﻊ ﺷﻨﻮ ﻫﺎﻱ ﻃﺎﻟﻌﻴﻦ ﻣﺤﻠﻮﻳﻦ
- ﻫﻬﻬﻪ ﺍﻧﺖِ ﺍﺷﻮﻩ ﺩﺑﺎﻋﻲ ﺍﻧﻲ
ﺍﻟﻤﺼﻮﺭ .. ﻫﻬﻬﻪ ﺷﺒﻴﺞ ﺍﺷﻮ ﺗﺨﺒﻠﻴﻦ ﻣﺜﻞ ﺍﻟﻮﺭﺩ
ﺭﺟﻌﺖ ﻳﻢ ﻋﻤﺘﻲ ﻭﻇﻠﻴﺖ ﻭﺍﻛﻔﻪ ﻫﻲَ ﻇﻠﺖ ﺧﺎﺯﺭﺗﻨﻲ ﻋﺒﺎﺍﻟﻚ ﺍﻧﻲ ﻛﺘﻠﻪ ﺍﺯﺣﻒ ﻋﻠﻴﻪ .
ﺭﺍﺡ ﺳﺤﺐ ﺍﻟﺼﻮﺭﻩ ﻭﺍﻧﻄﺎﻫﻴﺎﻩ .. ﺧﺎﺑﺮﺕ ﺍﻟﺴﺎﻳﻖ ﻭﺍﺟﻪ ﻋﻠﻴﻨﻪ .. ﺻﻌﺪﻧﻪ ﻭﺍﻧﻲ ﻛﻌﺪﺕ ﻳﻢ ﺍﻟﺠﺎﻣﻪ ﻭﻓﺎﺗﺤﺘﻬﻪ ﻋﻠﻰ ﺍﻻﺧﻴﺮ .
ﺍﻡ ﻣﺎﻫﺮ ﻛﺎﻋﺪﻩ ﺑﺎﻟﺼﺪﺭ .. ﻣﺮﻳﻨﻪ ﺑﺎﻻﺯﺩﺣﺎﻡ ﻭﻣﺎﺍﺣﺴﻠﻚ ﺍﻻ ﺗﺼﭽﻴﻤﻪ ﻭﺍﻟﺮﻗﻢ ﻃﺎﺡ ﺑﺤﻀﻨﻲ .
ﺭﻓﻌﺖ ﺭﺍﺳﻲ ﻣﺘﻔﺎﺟﺌﻪ ﻭﺍﻡ ﻣﺎﻫﺮ ﺭﺃﺳﺎً ﺍﻟﺘﻔﺘﺖ ﻋﻠﻴﻪ ﺗﺨﻮﺯﺭ ﺑﻴﻪ ﻭﺗﺰﺃﺭ ﻣﺜﻞ ﺍﻻﺳﺪ ..
ﻇﻠﻴﺖ ﻣﺤﺘﺎﺭﻩ ﺷﺄﺳﻮﻱ .. ﻟﺰﻣﺖ ﺍﻟﺮﻗﻢ ﻭﺫﺑﻴﺘﻪ ﻣﻦ ﺍﻟﺠﺎﻣﻪ . ﻇﻠﺖ ﻋﻴﻨﻬﻪ ﻋﻠﻴﻪ ﻭﺑﺲ ﺗﺨﻮﺯﺭ ﻭﺷﻜﻠﻬﻪ ﻣﺎﻝ ﻭﺍﺣﺪ ﻳﺘﻮﻋﺪ .
ﻭﺻﻠﻨﻪ ﻟﻠﺒﻴﺖ ﻟﮕﻴﻨﻪ ﻣﺎﻫﺮ ﺟﺎﻱ .. ﻛﺎﻋﺪ ﺑﺎﻟﺼﺎﻟﻪ ﻭﻳﺒﺎﻭﻉ ﻋﻠﻰ ﻓﻠﻢ ﻭﻣﻨﺪﻣﺞ . ﻣﻦ ﻃﺒﻴﻨﻪ ﻧﺼﺎﻩ ﻭﻇﻞ ﻳﺒﺎﻭﻉ ﻻﺍﻣﻪ ﺧﺎﺯﺭﻫﻪ ﻫﻲَ ﻛﻌﺪﺕ ﻉ ﺍﻟﻘﻨﻔﻪ ﺁﻱ ﻇﻬﺮﻱ ﻭﺁﻱ ﺭﺟﻠﻴﻪ ﻧﺰﻋﺖ ﺟﻮﺍﺭﻳﺒﻬﻪ ﻭﻇﻠﺖ ﻛﺎﻋﺪﻩ .
ﻫﻮَ ﻧﺘﺮ -:
- ﻳﻮﻭﻡ ﺷﻠﻮﻥ ﺗﺎﺧﺬﻳﻬﻦ ﺑﺮّﻑ؟
ﺍﻡ ﻣﺎﻫﺮ .. ﺍﻧﻲ ﺷﻌﻠﻴﻪ ﻫﺎﻱ ﻣﺮﺗﻚ
- ﺷﻨﻮﻭ ﻣﺮﺗﻲ؟؟
ﺍﻡ ﻣﺎﻫﺮ .. ﻣﺮﺗﻚ ﺍﻡ ﺍﻟﺮﻓﺎﺕ ﺗﻤﻮﺕ ﻉ ﺍﻟﺮﻑ ﺣﻨﺖ ﻟﻤﺎﺿﻴﻬﻪ
- ﻳﻮﻭﻭﻡ ﺍﻧﻲ ﺩﺯﻳﺘﻬﻦ ﺑﺈﻳﺪﺝ ﻣﻮ ﻫﻨﻪ ﻳﺘﺼﺮﻓﻦ ﺑﻜﻴﻔﻬﻦ ﻏﻴﺮ ﺍﻧﺖِ ﺟﺒﻴﺮﺗﻬﻦ
ﺍﻡ ﻣﺎﻫﺮ .. ﻣﻌﻠﻴﻪ ﺍﻧﻲ ﻣﻌﻠﻴﻴﻴﻪ ﻫﺎﻱ ﻣﺮﺗﻚ ﻭﺗﺼﺮﻑ ﻭﻳﺎﻫﻪ ﺩﮔﺖ ﺭﺟﻠﻬﻪ ﻟﻮ ﺗﺼﻌﺪﻭﻧﻲ ﺑﺮﻑ ﻟﻮ ﻣﺎﺍﺭﻭﺡ
ﺇﻟﺘﻔﺖ ﻋﻠﻴﻪ ﺧﺰﺭﻧﻲ ﻭﺃﺷﺮﻟﻲ ﺑﺮﺍﺳﻪ ﻋﻮﺩ ﺻﺪﻙ .
ﺳﻜﺘﺖ ﻭﺩﻧﮕﺖ .. ﻫﻮَ ﺳﻜﺖ ﻭﺭﺟﻊ ﻟﻠﻔﻠﻢ ﻳﺒﺎﻭﻋﻠﻪ ﺑﺲ ﻣﺘﻮﺗﺮ ﻭﻳﻬﺰ ﺑﺮﺟﻠﻪ ﺣﻴﻞ ﺍﺣﺴﻪ ﺿﺎﻣﻠﻴﺎﻫﻪ .
ﺍﻣﻪ ﻇﻠﺖ ﺗﺴﻮﻟﻒ ﺍﻻﺟﻮﺍﺀ ﺍﻟﻲ ﺑﺎﻟﻤﻨﺘﺰﻩ ﻟﻤﺎ ﻭﺻﻠﺖ ﻟﻠﺘﺮﻳﺪﻩ
ﺍﻡ ﻣﺎﻫﺮ .. ﻫﻬﻬﻪ ﺗﻌﺎﻝ ﺑﺎﻉ ﻫﺎﻱ ﺍﻟﺼﻮﺭﻩ ﺍﺧﺬﻧﺎﻫﻪ ﻋﻨﺪ ﺍﻟﻤﺼﻮﺭ ﺷﻠﻮﻥ ﻭﻟﻴّﺪ ﺣﺒﺎﺏ ﻭﻣﻴﺒﺎﻭﻉ
ﺑﺎﻭﻋﺖ ﺑﺎﻟﺼﻮﺭﻩ ﻭﻛﺎﻟﺖ -:
.. ﻫﻬﻬﻪ ﺻﺪﮒ ﻟﻮ ﻛﺎﻝ ﺛُﺮﻯٰ ﻃﺎﻟﻌﻪ ﻣﺜﻞ ﺍﻟﻮﺭﺩ
ﻫﻮَ ﺟﺎﻥ ﻣﻨﺘﺒﻪ ﻟﻠﻔﻠﻢ ﻭﻣﻐﻠﺲ ﻻﻥ ﻟﺤﺪ ﺍﻵﻥ ﻣﺎﻳﺤﺠﻲ ﻭﻳﺎﻫﻪ ﺑﺲ ﻣﻦ ﺳﻤﻊ ﻫﺎﻱ ﺍﻟﻔﻘﺮﻩ ﺍﻟﺘﻔﺖ ﻋﻠﻴﻬﻪ ﻣﻮﺳﻊ ﻋﻴﻮﻧﻪ ﻭﻧﺘﺮ -:
- ﺷﻨﻮ ﺷﻨﻮ ﺷﮕﺎﻝ ﺷﮕﺎﻝ؟؟
ﺍﻡ ﻣﺎﻫﺮ .. ﺷﻨﻮ ﺷﻜﺎﻝ .. ﻛﺎﻝ ﺛُﺮﻯٰ ﻃﺎﻟﻌﻪ ﺗﺨﺒﻞ ﻣﺜﻞ ﺍﻟﻮﺭﺩﻩ
- ﻭﻳﻦ ﻟﮕﻪ ﺛُﺮﻯٰ ﻭﻛﺎﻟﻠﻬﻪ؟؟
ﺍﻡ ﻣﺎﻫﺮ .. ﻳﺎﺍﺍ ﻏﻴﺮ ﻫﻲَ ﻭﻛﻔﺖ ﻳﻤﻪ ﻣﺘﻦ ﻋﻠﻰ ﻣﺘﻦ ﻭﺩﮒ ﺳﻮﺍﻟﻒ ﻛﺎﻟﻬﻪ ﺍﻧﺖِ ﺗﺨﺒﻠﻴﻦ !!!!!!
ﻓﺘﺢ ﻋﻴﻮﻧﻪ ﺣﻴﻞ ﻭﻋﻜﺪ ﺣﺎﺟﺒﻪ . ﺭﺟﻊ ﺩﺍﺭ ﻭﺟﻬﻪ ﻉ ﺍﻟﻔﻠﻢ .. ﻭﻫﻲَ ﻛﻤﻠﺖ
- ﺍﻱ ﻭﺑﻌﺪ ﻫﻢ ﺗﺮﻗﻤّﺖ !
ﺭﺃﺳﺎً ﺍﻟﺘﻔﺖ ﻣﻔﺰﻭﻉ
- ﺷﻨﻮﻭﻭﻭﻭﻭﻭﻭ؟؟؟؟؟؟
ﺍﻡ ﻣﺎﻫﺮ .. ﻳﺎﺍ ﻳﺎﺍ ﺷﺒﻴﻚ ﻫﻲَ ﻛﺎﻋﺪﻩ ﺑﺎﻟﺴﻴﺎﺭﻩ ﻭﻣﻄﻠﻌﻪ ﺭﺍﺳﻬﻪ ﻣﻦ ﺍﻟﺠﺎﻣﻪ ﻭﺍﺟﻪ ﻭﻟﺪ ﺻﭽﻤﻬﻪ ﻭﺷﻤﺮﻟﻬﻪ ﺍﻟﺮﻗﻢ ﺑﺤﻀﻨﻬﻪ ﻭﻫﻲَ ﺍﻟﻤﻜﻴﺎﺝ ﻳﺠﻨﻦ ﻋﺒﺎﻟﻚ ﻣﺎﻝ ﺧﺒﻴﺮﺍﺕ
ﺳﻮﺗﻨﻲ ﻣﻜﻴﺎﺝ ﺧﺒﻴﺮﺍﺕ ﻓﻲ ﺳﺒﻴﻞ ﺗﺴﻮﻳﻠﻬﻪ ﻣﺸﻜﻠﻪ .. ﻫﻮَ ﺻﺎﺭ ﻭﺟﻬﻪ ﺍﺣﻤﺮ ﻭﻳﻌﺾ ﺑﺸﻔﺘﻪ ﻭﻳﻌﺼﺮ ﺑﺈﻳﺪﻩ .
ﺍﺧﺮ ﺷﻲ ﻛﺎﻟﺖ
ﺍﻡ ﻣﺎﻫﺮ .. ﺍﻛﻮﻭﻟﻚ ﻣﺎﻫﺮ ﻋﻮﺩ ﻟﻴﺶ ﻣﺘﻨﻄﻲ ﺯﻭﺟﺘﻚ ﻓﻠﻮﺱ؟؟ ﻳﻌﻨﻲ ﺯﻭﺟﺔﺓﺓﺓ ﺍﻟﺪﻛﺘﻮﻭﺭ ﻣﺎﻫﺮ ﺭﺑﻊ ﺩﻳﻨﺎﺭ ﻣﺎﻛﻮ ﺑﺠﻨﻄﺘﻬﻪ
- ﺷﻨﻮﻭﻭ ﻟﻴﺸﺶ ﻏﻴﺮ ﺍﻟﻔﻠﻮﺱ ﺑﺎﻟﻤﺠﺮ ﻟﻴﺶ ﻣﻌﺪﻫﻬﻬﻬﻪ
ﺍﻡ ﻣﺎﻫﺮ .. ﻛﺘﻠﻬﻪ ﺭﻭﺣﻲ ﺍﺷﺘﺮﻳﻠﻲ ﻋﺼﻴﺮ ﻛﺎﻟﺖ ﺭﺑﻊ ﺩﻳﻨﺎﺭ ﻣﺎﻛﻮ ﺑﺠﻨﻄﺘﻲ
ﺍﻟﺘﻔﺖ ﻋﻠﻴﻪ -:
- ﺛُﺮﻯٰ ﺍﻧﻲ ﻣﻮ ﻛﺘﻠﺞ ﺍﺧﺬﻱ ﻣﻦ ﺍﻟﻤﺠﺮ ﻟﻮ ﻻ؟؟
- ﺍﻱ ﻛﺘﻠﻲ
- ﻟﻌﺪ ﻟﻴﺶ ﻣﻤﺎﺧﺬﻩ؟
- ﻣﺎﺍﺣﺘﺎﺟﻬﻦ ﺍﺷﻮ ﺣﻠﻮﻳﺎﺕ ﻭﺍﻧﺖَ ﺍﺷﺘﺮﻳﺖ ﻭﺍﻧﻲ ﻫﻢ ﻧﺴﻴﺖ ﻣﻦ ﻃﻠﻌﺖ ﻣﺴﺘﻌﺠﻠﻪ
ﺍﻡ ﻣﺎﻫﺮ .. ﻟﻌﺪ ﻣﺘﻨﻄﻴﻬﻪ ﺍﻧﺖَ
- ﻳﻮﻭﻡ ﻣﻮ ﺍﻧﻲ ﺍﻷﻗﺼﺮ ﻭﻱ ﻣﺮﺗﻲ ﺧﻠﻴﻬﻪ ﺑﺒﺎﻟﺞ ﺗﺮﻩ ﻻﻋﺎﻳﺰ ﻻﺍﺣﺪ ﻭﻻ ﻣﺤﺘﺎﺝ ﻻﺍﺣﺪ ﺑﺲ ﻛﻞ ﻭﺍﺣﺪ ﺑﻜﻴﻔﻪ ﺍﺫﺍ ﻫﻲَ ﻣﺘﺮﻳﺪ ﻑ ﻫﺎﻟﺸﻲ ﺑﻜﻴﻔﻬﻪ ﻭﻣﺎﺑﻴﻨﺎﺗﻨﻪ ﻓﻠﻮﺱ ﺍﺣﻨﻪ ﺗﻤﺎﻡ ﻭﺑﻌﺪ ﻟﺤﺪ ﻳﺘﺪﺧﻞ
ﺧﻠﻪ ﻭﺻﻌﺪ ﻭﺍﻧﻲ ﻇﻠﻴﺖ ﻣﺤﺘﺎﺭﻩ ﺍﺻﻌﺪ ﻭﺭﺍﻩ ﻟﻮ ﻻ ؟؟ ﻇﻠﻴﺖ ﺷﻮﻳﻪ ﻳﻼ ﺻﻌﺪﺕ ﻭﺭﺍﻩ .
ﻟﻜﻴﺘﻪ ﻛﺎﻋﺪ ﻣﺪﻧﻚ ﻭﻳﻬﺰ ﺑﺮﺟﻠﻪ ﻣﺘﻮﺗﺮ ﻭﻭﺟﻬﻪ ﻧﻔﺲ ﻣﻼﻣﺢ ﺍﻟﻌﺼﺒﻴﻪ .
ﻣﻦ ﺩﺧﻠﺖ ﺭﺃﺳﺎً ﻧﺘﺮ -:
- ﺛُﺮﻯٰ ﻓﻬﻤﻤﻴﻴﻴﻨﻨﻲ ﺷﻨﻮ ﻫﺎﻟﻜﻼﻡ ﺍﻟﺴﻤﻌﺘﻪ ﺟﻮﻩ ﺻﺤﻴﺢ ﻟﻮ ﻻ؟؟
- ﻫﺴﻪ ﺍﺳﻮﻟﻔﻠﻚ
- ﺩﻳﻼ ﺳﻮﻟﻔﻲ
- ﺍﻭﻝ ﺷﻲ ﺍﻟﻤﺼﻮﺭ ﻫﻮَ ﺍﻟﻜﺎﻝ ﺗﻌﺎﻟﻮ ﺷﻮﻓﻮ ﺍﻟﺼﻮﺭﻩ ﻭﺭﺣﻨﻪ ﺍﻧﻲ ﻭﻣﻮﺝ ﺷﻔﻨﺎﻫﻪ ﻭﻫﻲَ ﻗﻠﺪﺕ ﻋﻠﻴﻬﻪ ﻭﺍﻧﻲ ﻫﻢ ﻗﻠﺪﺕ ﻋﻠﻰ ﺭﻭﺣﻲ ﻭﻫﻮَ ﻧﻂ ﻛﺎﻝ ﺗﺨﺒﻠﻴﻦ ﻣﺜﻞ ﺍﻟﻮﺭﺩ ﺍﻧﻲ ﺭﺃﺳﺎً ﺭﺟﻌﺖ ﻭﺍﻟﻠﻪ ..بيج قصص عراقيه حقيقيه من واقعنا.روعه الطائي ﻭﺳﺎﻟﻔﺔ ﺍﻟﺮﻗﻢ ﻣﺜﻞ ﻣﺎﻛﺎﻟﺖ ﻋﻤﺘﻲ ﻳﻌﻨﻲ ﺷﺪﺭﺍﻧﻲ ﻛﺎﻋﺪﻩ ﺍﺑﺎﻭﻉ ﻭﻫﻮَ ﺍﻧﺸﻤﺮ ﻋﻠﻴﻪ ﻟﺰﻣﺘﻪ ﻭﺫﺑﻴﺘﻪ ﻣﻦ ﺍﻟﺠﺎﻣﻪ
- ﻣﻜﻴﺎﺝ ﺑﻌﺪ ﻗﻘﻠﻠﻠﻠﻴﻪ ﻣﻦ ﺗﻄﻠﻌﻴﻦ ﻭﻭﻳﻦ ﺻﺎﻳﺮ ﻫﺬﺍ ﺍﻟﻤﺼﻮﻭﺭ؟؟؟
- ﻣﺎﻫﺮ ﺗﺮﻳﺪ ﺗﺮﻭﺡ ﺗﻌﺎﺭﻙ؟؟
- ﻛﻮﻭﻟﻴﻴﻲ ﻭﻳﻴﻴﻦ
- ﺑﺎﺍﻟﻤﻨﺘﺰﻩ
- ﺍﻋﻠﻤﻪ ﺷﻠﻮﻥ ﻳﺤﺠﻲ ﺑﻜﻴﻔﻪ ﻭﻱ ﺍﻋﺮﺍﺽ ﺍﻟﻌﺎﻟﻢ
- ﻣﺎﻫﺮ ﻓﺪﻭﻩ ﻻﺗﺴﻮﻱ ﻣﺸﻜﻠﻪ
- ﻣﻌﻠﻴﻴﺞ .. ﻭﺍﻧﻲ ﻣﻮ ﻛﺘﻠﺞ ﺍﺧﺬﻱ ﻣﻦ ﺍﻟﻤﺠﺮ ﻓﻠﻮﺱ ﻟﻮ ﻻﺍ؟؟؟
- ﺍﻱ ﻛﺘﻠﻲ
- ﻟﻌﺪﺩ ﻟﻴﺶ ﻣﺎﺍﺧﺬﺗﻲ؟ ﻣﺎﺗﺪﺭﻳﻦ ﺑﺄﻣﻲ ﻟﻮ ﻻ ﺻﺎﺭﻟﺞ ﺷﻬﺮﻳﻦ ﻋﺎﻳﺸﻪ ﻭﻳﺎﻫﻪ ﻣﺎﻋﺮﻓﺘﻴﻬﻪ ﺗﺪﻗﻖ ﻉ ﺍﻟﻨﻤﻠﻪ ﻭﻳﻦ ﻋﺎﻳﺸﻪ
- ﺷﺪﺭﺍﻧﻲ ﻭﺍﻟﻠﻪ ﻧﺴﻴﺖ
- ﺍﺳﺘﻐﻔﺮ ﺍﻟﻠﻪ ﻳﺎﺭﺑﻲ .. ﺛُﺮﻯٰ ﺍﺫﺍ ﺗﺴﺘﺤﻴﻦ ﺗﺎﺧﺬﻳﻦ ﺍﻧﻲ ﺍﺧﺼﺼﻠﺞ ﺭﺍﺗﺐ ﺷﻬﺮﻱ ﺍﻓﻀﻞ ﺷﻲ
- ﻣﺎﻫﺮ ﻭﺍﻟﻠﻪ ﻣﺎﻗﺼﺪﺕ ﺍﺳﻮﻱ ﺷﻲ ﺑﺲ ﻫﻲَ ﻋﻤﺘﻲ ﻟﺤﺖ
- ﻫﺎﻱ ﻫﻴﻪ ﺭﺍﺗﺐ ﺷﻬﺮﻱ ﻛﻞ ﺷﻬﺮ ﺍﻧﻄﻴﺞ ﻭﺍﻟﻤﺠﺮ ﻣﻮﺟﻮﺩ ﺑﻴﻪ ﺷﻮﻛﺖ ﻣﺎﺗﺤﺘﺎﺟﻴﻦ ﺛُﺮﻯٰ ﺇﺧﺬﻱ ﻣﺎﺍﺭﻳﺪ ﺍﻃﻠﻊ ﺑﻌﻴﻮﻧﻬﻢ ﻣﻘﺼﺮ ﻭﻳﺎﺝ ﺭﺣﻤﻪ ﻟﺮﺑﺞ ﺍﺧﺬﺫﻱ
- ﻻ ﻻ ﻭﺍﻟﻠﻪ ﻣﺎﻣﻘﺼﺮ ﻋﻠﻴﻪ ﺑﻌﺪ ﺷﺄﺳﻮﻱ ﺑﺎﻟﻔﻠﻮﺱ
ﻛﻌﺪ ﻭﻇﻞ ﻳﻔﺮﻙ ﺑﻮﺟﻬﻪ ﻣﺒﻴﻨﻪ ﺍﻟﻌﺼﺒﻴﻪ ﺑﻌﺪﻫﻪ ﺑﻴﻪ .
ﻛﻤﺖ ﺳﻮﻳﺖ ﻋﺼﻴﺮ ﺑﻄﻴﺦ ﻭﺑﺮﺗﻘﺎﻝ ﻭﺟﺒﺖ ﻭﻳﺎﻩ ﻛﻴﻚ ﺣﻄﻴﺘﻬﻦ ﻉ ﺍﻟﻄﺒﻠﻪ ﻭﺟﺒﺖ ﺍﻻﻳﺒﺎﺩ ﺍﻟﻨﻄﻠﻊ ﺑﻴﻪ ﻓﻴﺪﻳﻮﺍﺕ ﻭﻃﻠﻌﺖ ﻓﻴﺪﻳﻮﺍﺕ ﺗﻀﺤﻚ .
ﺍﺟﻴﺖ ﻳﻤﻪ ﻛﻌﺪﺕ ﻭﻫﻮَ ﻣﻌﺼﺐ ﻇﻠﻴﺖ ﺍﺗﺤﺮﺵ ﺑﻴﻪ ﻟﻤﺎ ﺿﺤﻚ .. ﻛﻌﺪﻧﻪ ﺳﻮﻳﻪ ﻧﺎﻛﻞ ﻭﻣﻄﻠﻌﻴﻦ ﻓﻴﺪﻳﻮﺍﺕ ﻧﻀﺤﻚ ﺷﻮﻳﻪ ﻫﺪﺃ
ﺍﺗﺼﻞ ﻣﻮﺑﺎﻳﻠﻪ ﻇﻞ ﻳﺨﺎﺑﺮ ﻭﺍﻧﻲ ﺍﺟﺘﻨﻲ ﺭﺳﺎﻟﻪ ﻣﻦ ﻧﻬﻰ ﻉ ﺍﻟﻔﺎﻳﺒﺮ .
ﻓﺘﺤﺘﻬﻪ ﻛﺎﻟﺘﻠﻲ -:
- ﺍﻛﻠﺞ ﺣﺴﺎﺑﺞ ﻣﺎﻝ ﺍﻟﻔﻴﺲ ﻓﺎﺗﺤﺘﻪ؟
- ﻻ
- ﻭﻟﺞ ﻧﺸﻂ
- ﻋﺰﺯﺍ ﺻﺪﺩﻙ ﺻﺎﺭ ﻳﻮﻡ ﻣﺎﻓﺎﺗﺤﻪ ﻓﻴﺲ
- ﻟﺞ ﻧﺸﻂ ﺩﺭﻭﺣﻲ ﺷﻮﻓﻲ
ﺭﻛﻀﺖ ﻟﻠﻔﻴﺲ ﺳﺠﻞ ﺧﺮﻭﺝ ﺭﺃﺳﺎً ﻭﻣﻦ ﺍﺳﺠﻞ ﺩﺧﻮﻝ ﻳﻄﻠﻊ ﻛﻠﻤﺔ ﻣﺮﻭﺭ ﻏﻴﺮ ﺻﺤﻴﺤﻪ !!
ﻧﻬﻰ ﺗﺮﺍﺳﻞ ﺑﻴﻪ ﻭﺗﺼﻴﺢ ﻧﺸﻂ ﻭﺍﻟﺤﺴﺎﺏ ﻣﺎﻳﻨﻔﺘﺢ .
ﺻﺨﺎﻡ ﺑﻮﺟﻬﻲ ﺍﻟﺼﻮﺭ ﻣﺎﻟﺘﻲ ﻛﻠﻬﻪ ﺑﻴﻪ ﺩﺍﺯﺗﻬﻪ ﻟﻨﻬﻰ !
ﻳﺘﺒﻊ ..
ﻋـﺒـﺮﺍﺕ ﺍﻟـﻌـﺒـﺎﺩﻱ 🌼🌻