هشاشة قلب

بارت37

ﺍﻟـﺴـﻼﻡُ ﻋـﻠـﻴـﻜـﻢ 🌼🌻
#ﻫﺸﺎﺷﺔ__ﻗﻠﺐ
ﺍﻟـﺒـﺎﺭﺕ _37_
ﺍﻟﻜﺎﺗﺒﻪ _ ﺍﻟﻌﺒﺎﺩﻳﻪ
alabadyia_09
ﻫﻤﺲ ﺃﺣـﺪﻫـﻢ ﻓﻲ ﺇﺫﻧـﻲ -:
" ﺍﻧﺖِ ﻟﺴﺖِ ﻗﻮﻳﺔً ﺑِـﻤﺎ ﻳﻜﻔﻲ ﻟﺘﺤﻤﻞ ﺍﻟﻌﺎﺻﻔـﺔ "
ﺍﻟﻴﻮﻡ ﻫﻤﺴﺖ ﻓـﻲ ﺃﺫﻧــﻪُ -:
" ﺃﻧــــــﺎ ﺍﻟـﻌـﺎﺻــﻔــﺔ "
~~~~~~~~~~~~~~~~~~~~~~~~~~~~~
ﺛُﺮﻯٰ . . .
ﺗﻘﺮﺏ ﻋﻠﻴﻪ ﻳﺮﻳﺪ ﻳﺎﻛﻞ ﺑﻌﻘﻠﻲ ﺣﻼﻭﺓ ﻋﺒﺎﻟﻪ ﻣﺎﺍﻋﺮﻑ ﺳﻮﺍﻟﻔﻪ ﺍﻟﻤﺸﻴﻄﻨﻪ
- ﺷﻮ ﺩﺷﻮﻑ ﺑﻄﻨﺞ ﺻﺎﻳﺮﺗﻠﺞ ﺑﻄﻦ ﺻﻐﻴﺮﻭﻧﻪ .
ﻧﺘﺮﺕ -:
- ﻃﺒﻌﺎً ﺗﺼﻴﺮﻟﻲ ﻏﻴﺮ ﺣﺎﻣﻞ .. ﻭﻣﻮ ﻫﺴﻪ ﺗﺼﻴﺮ .. ﻣﻨﺎ ﻓﺪ ﺷﻬﺮﻳﻦ ﺗﻼﺛﻪ
- ﺗﺘﻌﺎﻟﻲ ﺩﺷﻮﻓﻬﻪ
- ﻣﺎﺍﺭﻳﺪ
ﺑﺤﺮﻛﻪ ﺳﺮﻳﻌﻪ ﻟﺰﻣﻨﻲ ﻣﻦ ﺃﻛﺘﺎﻓﻲ ﻭﺭﺟﻌﻨﻲ ﻋﻠﻰ ﺍﻟﻜﻨﺘﻮﺭ .. ﺇﺑﺘﺴﻢ ﺑﺨﺒﺚ ﻭﺭﻓﻊ ﺣﺎﺟﺒﻪ
- ﻟﻴﺶ ﻫﻲَ ﺑﻜﻴﻔﺞ ﻣﺜﻼً
ﻇﻠﻴﺖ ﺃﺩﺩﻓﻊ ﺑﻴﻪ ﻣﺎﻧﺎﺳﻴﻪ ﺳﺎﻟﻔﺘﻪ
- ﻭﺧﺮﺭﺭ ﻋﻨﻴﻲ ﻭﺧﺮﺭ
ﻗﺮّﺏ ﻭﺟﻬﻪ ﻳﻢ ﻭﺟﻬﻲ ﺭﻳﺤﺔ ﻋﻄﺮﻩ ﻟﻔﺤﺖ ﺑﻮﺟﻬﻲ .. ﺃﻧﻔﺎﺳﻪ ﺍﻟﺪﺍﻓﻴﻪ ﺻﺎﺭﺕ ﻳﻢ ﺷﻔﺘﻲ ﺩﮔﺎﺕ ﮔﻠﺒﻪ ﺍﻟﻤﺘﺴﺎﺭﻋﻪ ﻭﻟﻬﻔﺘﻪ ﻣﻦ ﻳﺮﻳﺪ ﻳﺘﻘﺮﺏ ﺧﻼﻧﻲ ﺍﺫﻭﺏ .. ﺗﺬﻛﺮﺕ ﺷﺴﻮﻩ ﺑﻴﻪ ﺭﺃﺳﺎً ﺩﻓﻌﺘﻪ ﺑﺲ ﻣﺎﻳﺘﺤﺮﻙ ﺻﺎﻳﺮﻩ ﻳﻤﻪ ﺑﮕﺪ ﺍﻟﻔﺼﻤﻪ .. ﺍﺣﺲ ﺭﻭﺣﻲ ﺍﺧﺘﻨﮕﺖ .
- ﻣﺎﺍﻫﺮﺭ ﻭﺧﺮﺭ ﻋﻨﻴﻲ ﺭﻳﺤﺘﻚ ﻣﻮ ﻃﻴﺒﻪ
ﻋﺒﺎﻟﻚ ﺇﻧﺼﺪﻡ ﺭﺃﺳﺎً ﺭﻓﻊ ﺟﺴﻤﻪ ﻭﺍﺳﺘﻘﺎﻡ ﻇﻞ ﻳﻌﻜﻤﺶ ﺑﺄﺭﻧﺒﺔ ﺃﻧﻔﻪ ﻭﻻﺯﻡ ﻃﺮﻑ ﺍﻟﻘﻤﻴﺺ ﻣﻦ ﻳﻢ ﺻﺪﺭﻩ ﻳﺸﻢ ﺑﺮﻭﺣﻪ ﻋﺎﮔﺪ ﺣﻮﺍﺟﺒﻪ ﺑﺎﻭﻋﻠﻲ ﻛﺎﻝ -:
- ﺭﻳﺤﺘﻲ؟؟ ﻫﺴﺘﻮﻧﻲ ﺳﺎﺑﺢ ﻭﻣﻌﻄﺮ ﻣﻨﻴﻦ ﺍﺟﺖ ؟
ﺻﻔﻦ ﺷﻮﻳﻪ ﻭﺿﺤﻚ .. ﻏﻤﺰﻟﻲ ﻭﺭﻓﻊ ﺣﺎﺟﺒﻪ ﺑﺨﺒﺚ
- ﻫﻬﻪ ﺳﻮﻟﻔﻴﻬﻦ ﻋﻠﻰ ﻏﻴﺮﻱ ﺛﺮﺍﻭﻱ
ﺇﺟﻪ ﻋﻠﻴﻪ ﻳﺮﻳﺪ ﻳﻜﻤﻞ ﻋﻨﺪ ﺍﻟﻨﻘﻄﻪ ﺍﻟﺘﻮﻗﻒ ﺑﻴﻬﻪ . ﺗﻘﺮﺏ ﻭﺍﻧﻲ ﺍﻧﺘﻔﻀﺖ
- ﻻ ﻻ ﻭﺧﺮﺭ ﻋﻨﻲ ﺭﺍﺡ ﺍﺗﻘﻴﺊ .. ﻭﺧﺮﺭ ﺷﻮﻭﻳﻪ
ﺩﻓﻌﺘﻪ ﺑﺮﻓﻖ ﻭ ﺭﻛﻀﺖ ﺳﺮﻳﻊ ﻫﻮَ ﻫﻢ ﻭﺧﺮ ﻣﺴﻮﻳﻠﻲ ﻣﺠﺎﻝ ﻳﺨﺎﻑ ﻋﻠﻰ ﻛﺸﺨﺘﻪ ﻋﺸﺘﻮ .. ﻃﻔﺮﺕ ﻟﻠﺤﻤﺎﻡ ﻟﻌﺒﺎﻧﻪ ﻧﻔﺴﻲ ﻣﻦ ﻋﻄﺮﻩ ﺍﻟﻤﺨﻠﻴﻪ .. ﻃﻠﻌﺖ ﻟﻜﻴﺘﻪ ﻭﺍﮔﻒ ﻳﺒﺎﻭﻋﻠﻲ ﺑﻘﻠﻖ .. ﺍﺟﻪ ﻋﻠﻴﻪ ﺑﺴﺮﻋﻪ -:
- ﺷﺒﻴﺞ
- ﻳﻌﻨﻲ ﺍﻟﺘﺘﻨﺴﻪ ﺷﺒﻴﻬﻪ
- ﻋﻮﺩ ﺻﺪﻙ ﺗﻠﻌﺐ ﻧﻔﺴﺞ ﻣﻨﻲ؟
- ﺍﻱ ﻭﺍﻟﻠﻪ
ﻇﻞ ﺻﺎﻓﻦ ﺑﻮﺟﻬﻲ ﻣﺘﻔﺎﺟﺊ ﻋﺒﺎﻟﻪ ﻧﺴﻴﺖ ﺍﻟﺒﺎﺭﺣﻪ ﺷﺴﻮﻩ .. ﻭﻳﻦ ﺟﺎﻥ ﻫﺴﻪ ﺗﺬﻛﺮ ﺷﻨﻮ .. ﻏﻨﺪﺏ ﻭﺟﻬﻪ ﻭﻋﻔﺲ ﻣﻼﻣﺤﻪ ﻇﻞ ﻭﺟﻬﻪ ﻣﺎﻳﮕﺼﻪ ﺍﻟﻄﺒﺮ .. ﺍﻧﻲ ﺭﺩﺕ ﺍﺭﺟﻌﻬﻪ ﺇﻟﻪ ﺑﺲ ﻫﻮَ ﻳﺤﺮﮒ ﮔﻠﺒﻲ .
ﻟﻔﻴﺖ ﺷﺎﻟﻲ ﻭﻟﺒﺴﺖ ﻋﺒﺎﻳﺔ ﻭﻧﺰﻟﺖ ﺟﻮﻩ ﻣﻮﺝ ﺗﺮﻭﺡ ﻭﻳﺎﻧﻪ ﺑﺲ ﺍﻡ ﻣﺎﻫﺮ ﻣﺎﺗﺮﻳﺪ ﺗﺮﻭﺡ .
ﺻﻌﺪﺕ ﺑﺎﻟﺴﻴﺎﺭﻩ ﻭﺭﻳﺤﺔ ﺍﻟﻜﺸﻦ ﻣﺎﺍﮔﺪﺭ ﺍﺷﻤﻬﻪ ﺳﺤﺒﺖ ﻛﻠﻨﺴﻪ ﻣﻦ ﻳﻤﻪ ﻭﻃﺨﻴﺖ ﺑﻜﺘﻔﻪ ﻋﻮﺩ ﻣﺎﺍﺩﺭﻱ ﺧﺰﺭﻧﻲ ﺑﺈﺳﺘﻬﺰﺍﺀ . ﻣﺎﺍﻫﺘﻤﻴﺖ ﺧﻠﻴﺖ ﺍﻟﻜﻠﻨﺴﻪ ﻋﻠﻰ ﺧﺸﻤﻲ ﻭﻫﻮَ ﻳﺒﺎﻭﻋﻠﻲ ﻣﻘﻮّﺱ ﺣﻮﺍﺟﺒﻪ ﻋﻮﺩ ﻣﺎﻋﺎﺟﺒﻪ ﺍﻟﻮﺿﻊ . . ﻫﺰ ﺇﻳﺪﻩ ﻭﺣﺮﻙ ﺍﻟﺴﻴﺎﺭﻩ .. ﻭﺻﻠﻨﻪ ﻻﺍﻫﻠﻲ ﻭﻫﻮَ ﺧﺒﺼﻨﻲ ﺑﺎﻟﺘﻮﺻﻴﺎﺕ -:- ﻏﻄﻲ ﻭﺟﻬﺞ ﻻﺗﻄﻠﻌﻴﻦ ﺑﺲ ﻋﻴﻮﻧﺞ .. ﻭﺩﻳﺮﺑﺎﻟﺞ ﺗﺮﻛﺼﻴﻦ ﺍﻧﺖِ ﺣﺎﻣﻞ
- ﺍﻱ ﺍﻱ ﻓﻬﻤﺖ
ﻧﺰﻟﻨﻪ ﺍﻧﻲ ﻭﻣﻮﺝ ﺗﻠﮕﺘﻨﻪ ﺻﻮﺕ ﺍﻷﻏﺎﻧﻲ ﻭﺍﻟﺘﻄﺮﺑﮓ .. ﺳﻠﻤﺖ ﻋﻠﻰ ﺍﻟﻨﺴﻮﺍﻥ ﻭﻋﻠﻰ ﻣﺮﻭﻩ ﻟﻜﻴﺘﻬﻪ ﺟﺎﻳﻪ ﻣﻦ ﺍﻟﺼﺎﻟﻮﻥ ﺑﺎﺭﻛﺘﻠﻬﻪ ﻭﻇﻠﻴﺖ ﻛﺎﻋﺪﻩ ﺍﺗﻔﺮﺝ ﺍﺭﻳﺪ ﺍﺭﻛﺺ ﺑﺲ ﺷﻴﻔﻜﻨﻲ ﺍﺫﺍ ﺻﺎﺭ ﺷﻲ ﺑﺎﻟﻄﻔﻞ ﺍﮔﻌﺪ ﻭﺍﺳﻜﺖ ﺍﺣﺴﻠﻠﻲ .
ﺧﻠﺼﺖ ﺍﻟﺤﻔﻠﻪ ﻭﺑﻘﻴﻨﻪ ﻣﻨﺘﻈﺮﻳﻦ ﻣﺎﻫﺮ ﻟﻤﺎ ﻳﺼﻴﺤﻨﻪ ﻳﻼ ﻧﻄﻠﻊ .
ﺧﻄﻴﺐ ﻣﺮﻭﻩ ﻏﺮﻳﺐ ﻣﺎﻧﻌﺮﻓﻪ ﺑﺲ ﺍﻟﻮﻟﺪ ﺳﺄﻟﻮ ﻋﻠﻴﻪ ﻭﻣﺎﺩﺣﻴﻦ ﺑﻴﻬﻢ .. ﻣﻬﻨﺪﺱ ﻭﻣﺘﻌﻴﻦ ﻭﺷﻜﻠﻪ ﻣﻘﺒﻮﻝ .
ﻃﻠﻌﺖ ﻣﻦ ﺍﻟﻐﺮﻓﻪ ﻭﻛﻌﺪﺕ ﻳﻢ ﺍﻟﺒﻨﺎﺕ ﺑﻘﻴﻨﻪ ﺑﺲ ﺍﺣﻨﻪ .. ﺷﻮﻳﻪ ﻭﺩﺧﻠﻮ ﺍﻟﻮﻟﺪ ﻭﺍﺣﻨﻪ ﻛﻠﻨﻪ ﻣﺘﺠﻤﻌﻴﻦ ﺳﻠﻤﺖ ﻋﻠﻴﻬﻢ ﻭﺑﺎﺭﻛﻮ ﻟﻤﺮﻭﻩ ﻭﺍﺧﺬﻧﻪ ﺻﻮﺭ ﺟﻤﺎﻋﻴﻪ .. ﻭﻛﻔﻨﺎ ﻧﺎﺧﺬ ﺍﻟﺼﻮﺭﻩ ﻭﺣﺴﻦ ﻳﻤﻲ ﻫﻤﺲ ﺑﺈﺫﻧﻲ -:
ﺣﺴﻦ .. ﻫﺎﻱ ﺣﻤﺎﺗﺞ ﻛﻠﺶ ﺣﻠﻮﺓ
ﺍﻟﺘﻔﺖ ﻋﻠﻴﻪ ﺑﺨﺰﺭﻩ ﻭﺭﻓﻌﺘﻠﻪ ﺣﻮﺍﺟﺒﻲ ﺃﻧﻔﻲ ﺗﻔﻜﻴﺮﻩ
- ﻻﺗﻔﻜﺮ ﻣﺠﺮﺩ ﺗﻔﻜﻴﺮ
ﺣﺴﻦ .. ﺷﺒﻴﺞ ﻫﺴﻪ ﺷﮕﻠﺖ ﺁﻧﻲ
- ﺍﺻﻼً ﻻﺗﮕﻮﻝ ﻫﻢ .. ﻣﺪﻟﻠﻪ ﻭﺍﻫﻠﻬﻪ ﻣﺎﻳﻨﻄﻮﻫﻪ ﻻﺗﺘﻌﺬﺏ ﻭﻻ ﺗﺘﻌﺐ ﻧﻔﺴﻚ ﺍﻛﻌﺪ ﻭﺇﺳﻜﺖ
ﺣﺴﻦ .. ﺍﻱ ﺍﻱ ﻓﻬﻤﺖ ﻣﺎﻛﻠﺖ ﺷﻲ ﺑﺲ ﻣﺪﺣﺖ ﺟﻤﺎﻟﻬﻪ ﻭﺧﻠﻘﺔ ﺍﻟﻠﻪ ﺗﺮﻩ
- ﺍﻱ ﺍﺩﺭﻱ ﺧﻠﻘﺔ ﺍﻟﻠﻪ ﺑﺲ ﺧﻠﻴﻚ ﺑﻌﻴﺪ
ﺣﺴﻦ .. ﺍﻫﻮﻭ ﺭﺍﺡ ﺗﺴﻮﻳﻬﻪ ﺳﺎﻟﻔﻪ ﻳﺎﻛﻠﻤﺔ ﺭﺟﻌﻲ ﻟﻤﻜﺎﻧﺞ ﺳﺪﻱ ﺍﻟﻤﻮﺿﻮﻉ
ﺩﺍﺭ ﻭﺟﻬﻪ ﻭﻛﻤﻠﻨﻪ ﻧﺎﺧﺬ ﺻﻮﺭ .. ﺷﻮﻳﻪ ﻭﺩﺯ ﻋﻠﻴﻨﻪ ﻣﺎﻫﺮ ﺭﺟﻌﻨﻪ ﻟﻠﺒﻴﺖ ﺑﻌﺪﻩ ﻭﺟﻬﻪ ﻣﻐﻨﺪﺏ ﻭﻣﻼﻣﺤﻪ ﻋﺼﺒﻴﺔ .. ﺍﻟﻨﻮﺏ ﺗﻮﻩ ﻣﺮﺷﺮﺵ ﺭﻭﻳﺤﺘﻪ ﻋﻄﺮ ﻭﺍﻧﻲ ﺃﺗﺨﺒﻞ ﻣﻦ ﺭﻳﺤﺔ ﺍﻟﻌﻄﺮ .
ﺳﺪﻳﺖ ﺧﺸﻤﻲ ﻭﻧﺘﺮﺕ -:
- ﻣﺎﻫﺮﺭ ﺷﻠﻘﻀﻴﻴﻪ ﻭﺍﻟﻠﻪ ﺗﻠﻌﺐ ﻧﻔﺴﻲ
ﻋﺎﻁ ﺑﻴﻪ ﻣﻌﺼﺐ .. ﻋﺮﻓﺘﻪ ﻳﺮﻳﺪ ﻳﺘﻌﺎﺭﻙ ﻭﺣﻂ ﻋﻄﺮ ﺣﺘﻰ ﻳﺤﭽﻴﻨﻲ .
- ﻳﻌﻨﻲ ﺗﻠﻌﺐ ﻧﻔﺴﺞ ﻣﻨﻲ؟
- ﺍﻱ ﻛﻠﺸﻲ ﻣﺎﮔﺪﺭ ﺍﺷﻢ ﺍﺗﻘﻲﺀ ﺭﺃﺳﺎً
ﻧﺘﺮ ﺑﻌﺼﺒﻴﻪ ﻭﺿﺮﺏ ﺍﻟﺴﺘﻴﺮﻥ ﺑﺈﻳﺪﻩ
- ﺍﻛﻠﺞ ﺗﺮﻩ ﻣﻮ ﻭﺿﻊ ﻫﺬﺍ ﻛﻞ ﺷﻮﻳﻪ ﻭﮔﻠﺘﻲ ﺗﻠﻌﺐ ﻧﻔﺴﻲ ﻣﻨﻚ ﺷﻜﺎﻟﻮﻟﺞ ﻋﻠﻴﻪ ﻭﺻﺦ
- ﺗﻠﻌﺐ ﻧﻔﺴﻲ ﻣﻦ ﺭﻳﺤﺔ ﻋﻄﺮﻙ
- ﻫﺴﻪ ﺻﺎﺭ ﻋﻄﺮﻱ ﻣﺎﻳﻌﺠﺐ
- ﻳﻌﻨﻲ ﺍﻧﺖَ ﻣﺎﺗﻌﺮﻑ ﺍﻟﺘﺘﻨﺴﻪ ﺗﻠﻌﺐ ﺭﻭﺣﻬﻪ ﻣﻦ ﺃﻱ ﺷﻲ
- ﺍﻱ ﺍﻱ ﻛﺎﻓﻴﻴﻲ ﻓﻬﻤﻨﺎﺍﺍﺍ
ﺳﻜﺘﺖ ﻣﺎﺟﺎﺩﻟﺘﻪ ﺑﻌﺪ ﻭﻛﻠﻤﺎ ﻳﺘﺬﻛﺮ ﻳﻈﻞ ﻳﺸﻴﻞ ﺑﺮﻭﺣﻪ ﻭﻳﺪﮔﻬﻪ ﻭﻳﺤﺠﻲ ﻋﻠﻴﻪ ﻭﺍﻧﻲ ﺳﺎﻛﺘﻪ .
ﻭﺻﻠﻨﻪ ﻟﻠﺒﻴﺖ ﺻﻠﻴﻨﻪ ﻭﺍﻡ ﻣﺎﻫﺮ ﻛﺎﻟﺘﻠﻲ ﺍﺳﻮﻱ ﺍﻟﻌﺸﻪ ﻭﺍﻧﻲ ﻣﺤﺘﺎﺭﻩ ﺷﻠﻮﻥ ﺍﺳﻮﻱ ﺗﻠﻌﺐ ﺭﻭﺣﻲ ﻣﻦ ﺭﻳﺤﺔ ﺍﻟﻄﺒﺦ ﻭﺍﻟﺼﺎﺑﻮﻥ ﻭﺍﻟﻌﻄﻮﺭﺍﺕ ﺣﺘﻰ ﺍﻟﻤﻼﺑﺲ ﻛﻠﻬﻪ ﻣﺎﺍﮔﺪﺭ ﺍﺷﻤﻬﻪ .بيج قصص عراقيه حقيقيه من واقعنا.روعه الطائي
ﺭﺣﺖ ﻟﻠﻤﻄﺒﺦ ﺍﺭﻳﺪ ﺍﮔﻠﻲ ﺍﻭﻝ ﻣﺎ ﻃﻠﻌﺖ ﺭﻳﺤﺔ ﺍﻟﻄﺒﺦ ﻭﺷﻤﻴﺘﻬﻪ ﻣﺎﺗﺤﻤﻠﺖ ﺭﻛﻀﺖ ﻟﻠﺤﻤﺎﻡ .. ﻫﻲَ ﻟﻌﺒﺖ ﻟﻌﺐ ﺳﻮﺗﻠﻲ ﺯﻓﻪ ﺷﻜﺒﺮﻫﻪ .. ﻻﻥ ﻣﺎﻛﺪﺭ ﺍﻛﻤﻞ ﻇﻠﺖ ﻣﻮﺝ ﺗﺤﭽﻲ ﻭﻳﺎﻫﻪ ﻭﻫﻲَ ﻗﺎﻓﻠﻪ .
ﻣﻮﺝ .. ﻳﻮﻡ ﺍﻧﻲ ﺍﺳﻮﻱ ﺍﻟﺒﻨﻴﻪ ﺣﺎﻣﻞ ﺗﺘﻨﺴﻪ
ﺍﻡ ﻣﺎﻫﺮ .. ﻣﺎﻛﻮ ﻫﻲَ ﺗﺴﻮﻭﻭﻳﻪ ﻟﻌﺪ ﺷﻨﻮ ﺷﻐﻠﻬﻪ
- ﻣﻮﺝ ﻋﻮﻓﻴﻪ ﺍﻧﻲ ﺍﺳﻮﻱ
ﺻﻌﺪﺕ ﻓﻮﮒ ﺍﺩﻭﺭ ﺑﺎﻟﺠﺮﺍﺭﺍﺕ ﻋﻠﻰ ﻛﻤﺎﻣﻪ ﻓﺪ ﺷﻲ ﺍﺣﻄﻪ ﻋﻠﻰ ﺧﺸﻤﻲ .. ﻣﺎﻫﺮ ﻛﺎﻋﺪ ﻉ ﺍﻟﺠﺮﺑﺎﻳﻪ ﻣﻦ ﺷﺎﻓﻨﻲ ﺍﺩﻭﺭ ﺳﺄﻟﻨﻲ -:
- ﻋﻠﻰ ﺷﻨﻮ ﺗﺪﻭﺭﻳﻦ
- ﻣﺎﻋﺪﻧﻪ ﻛﻤﺎﻣﻪ ﻓﺪ ﺷﻲ ﺍﺧﻠﻴﻪ ﻭﺍﻃﺒﺦ
- ﻟﻴﺶ؟
- ﻣﺎﺍﮔﺪﺭ ﺍﺷﺘﻢ ﺭﻳﺤﺔ ﺍﻻﻛﻞ
- ﺧﻠﻲ ﻣﻮﺝ ﺗﺴﻮﻱ
- ﻣﺎﺗﻘﺒﻞ ﻋﻤﺘﻲ ﺍﻻ ﺍﻧﻲ
- ﺷﻨﻮ ﺍﻟﺴﺎﻟﻔﻪ ﻣﺘﻌﺮﻑ ﺑﻴﺞ ﺗﺘﻨﺴﻴﻦ
- ﻣﺎﺍﺩﺭﻱ ﺑﺲ ﻋﺪﻧﻪ ﻟﻮ ﻻ
- ﻋﺪﻧﻪ . ﺑﺲ ﻟﺤﻈﻪ ﺍﻧﻲ ﻧﺎﺯﻝ
ﻧﺰﻝ ﺟﻮﻩ ﺳﻤﻌﺘﻪ ﻳﺤﭽﻲ ﻭﻳﺎﻫﻪ ﻭﻫﻲَ ﻛﻠﻪ ﺗﺤﭽﻲ ﺑﺼﻴﺎﺡ ﻭﻣﻌﺼﺒﻪ
ﺍﻡ ﻣﺎﻫﺮ .. ﺍﻱ ﺩﺯﺗﻚ ﻋﻠﻴﻪ ﺩﺯﺗﻚ ﺧﻮ ﺗﺠﻲ ﺗﻜﻮﻝ ﻣﺎﺍﻛﺪﺭ ﺑﻌﺪ ﻟﻴﺶ ﺗﺪﺯﻙ ﺗﺮﻳﺪ ﺗﺨﺮﺏ ﺑﻴﻨﺎﺗﻨﻪ
ﻣﺎﻫﺮ .. ﻗﺎﺑﻞ ﺍﻧﻲ ﺍﻣﺸﻲ ﺑﻜﻴﻒ ﺍﺣﺪﺩﺩ .
ﺍﻧﻲ ﺑﻜﻴﻔﻴﻴﻲ ﺍﺍﺗﺘﺼﺮﺭﺭﻑ ﻣﺤﺪ ﻳﺤﺎﺟﻴﻨﻲ
ﺍﻧﻲ ﻣﺎﺗﺤﻤﻠﺖ ﻧﺰﻟﺖ ﻭﻛﺘﻠﻬﻪ -:
- ﻋﻤﻪ ﻣﻮ ﺍﻧﻲ ﺩﺯﻳﺘﻪ ﺑﺲ ﺗﺪﺭﻳﻦ ﺑﻴﻪ ﺍﺗﻨﺴﻪ ﺭﻏﻢ ﻫﺬﺍ ﻛﺘﻠﺞ ﻣﺴﺘﻌﺪﻩ ﺃﺳﻮﻱ ﻋﺸﻪ
ﺍﻡ ﻣﺎﻫﺮ .. ﻟﻌﺪ ﻣﺴﻮﻳﺘﻲ ﻟﻮ ﺍﻻ ﺗﺼﻌﺪﻳﻦ
ﻣﺎﻫﺮ .. ﻛﺎﺍﺍﺍﻓﻲ ﻣﻄﻠﻊ ﻋﺸﻪ ﻫﺬﺍ .. ﻳﺎﺑﺔ ﺍﻧﻲ ﺭﺍﻳﺢ ﺍﺟﻴﺐ ﺟﺎﻫﺰ ﺑﺲ ﺧﻠﺼﺼﻮﻧﻲ ﻭﺍﺳﺴﻜﺘﻮﻭﻭ
ﺃﺷﺮﻟﻲ ﺃﺻﻌﺪ ﻟﻔﻮﮒ ﺧﺎﻑ ﺗﺮﻳﺪ ﻣﺸﻜﻠﻪ .. ﺻﻌﺪ ﻭﻫﻮَ ﺻﻌﺪ ﻭﺭﺍﻱ ﺍﺧﺬ ﻣﺤﻔﻈﺘﻪ ﻭﺍﻟﺴﻮﻳﺞ ﻭﻧﺰﻝ .. ﻭﺭﺓ ﻧﺺ ﺳﺎﻋﻪ ﺭﺟﻊ ﺟﺎﺏ ﺍﻟﻌﺸﻪ ﺻﻌﺪﻟﻨﻪ ﻟﻔﻮﮒ ﻭﻫﻨﻪ ﺍﻧﻄﺎﻫﻦ ﻭﺣﺪﻫﻦ .
- ﻛﻮﻣﻲ ﺣﻀﺮﻱ ﺇﻟﻨﻪ ﻭﻟﺘﻨﺰﻟﻴﻦ ﺟﻮﻩ ﺳﻮﻳﻪ ﺑﻬﺬﺍ ﺍﻟﻤﻄﺒﺦ
ﺍﺧﺬﺕ ﺍﻟﻌﺸﻪ ﺭﺗﺒﺘﻪ ﺑﺎﻟﻤﻄﺒﺦ ﻣﺎﻟﺘﻨﻪ ﻫﻮَ ﺍﻛﻮ ﻣﻄﺒﺦ ﺑﺲ ﺍﺣﻨﻪ ﻣﺎﻧﺴﺘﺨﺪﻣﻪ ﻻﻥ ﺍﻛﻠﻨﻪ ﺟﻮﻩ .. ﺍﻧﻲ ﻣﺎﺍﻛﻠﺖ ﺑﺲ ﺑﻘﻴﺖ ﻳﻤﻪ ﺧﺎﻑ ﻳﻀﻮﺝ
ﻣﺎﻫﺮ .. ﻣﺘﺎﻛﻠﻴﻦ
- ﻣﺎﺍﺷﺘﻬﻲ
- ﻟﻴﺶ ﻫﻴﺞ ﺣﺘﻀﻌﻔﻴﻦ ﻭﺷﻠﻮﻥ ﻳﺘﻐﺬﻩ ﺍﻟﻄﻔﻞ
- ﺑﺲ ﺁﻛﻞ ﺍﻓﺮﻏﻪ ﻑ ﻣﺎﺁﻛﻞ ﺍﺣﺴﻦ
- ﺍﻛﻠﻲ ﻳﺎﺑﻪ ﺷﺴﺎﻟﻔﻪ ﺗﺒﻘﻴﻦ ﻫﻴﺞ ﺍﻃﺈﻟﻰٰ ﻣﺘﻰٰ
ﻛﺎﻡ ﻳﻠﻒ ﻟﻔﺎﺕ ﻭﻳﻨﻄﻴﻨﻲ ﺁﻛﻠﻬﻦ .
ﻛﻤﻠﻨﻪ ﻭﻛﻤﺖ ﻏﺴﻠﺖ ﺍﻟﻤﻮﺍﻋﻴﻦ ﻭﺭﺣﺖ ﻟﻠﻐﺮﻓﻪ ﺣﺎﺟﻴﺘﻪ
- ﻣﺎﻫﺮ ﺧﻞ ﻧﻨﺰﻝ ﺟﻮﻩ ﻣﺎﺍﻛﺪﺭ ﺍﺻﻌﺪ ﻭﺍﻧﺰﻝ ﺗﻌﺒﺖ
- ﺍﻱ ﻋﺎﺩﻱ ﺑﺎﺟﺮ ﺷﻮﻓﻲ ﺍﻟﻐﺮﻓﻪ ﺍﻟﺘﺮﺗﺎﺣﻴﻦ ﺑﻴﻬﻪ ﻭﻧﻨﺰﻝ
- ﺍﻟﻐﺮﻓﻪ ﺍﻟﺒﺼﻒ ﻣﺎﻝ ﻣﻮﺝ
- ﻫﺎﻱ ﺻﻐﻴﺮﻩ ﻣﻨﺮﺗﺎﺡ ﺑﻴﻬﻪ .. ﻧﺎﺧﺬ ﻏﺮﻓﺔ ﺃﻣﻲ ﺍﻟﻘﺪﻳﻤﻪ
- ﺧﺎﻑ ﻣﺎﺗﻘﺒﻞ
- ﻻ ﺷﻨﻮ ﻣﺘﻘﺒﻞ ﻏﻴﺮ ﺍﺧﺬﺕ ﻏﻴﺮﻫﻪ ﺍﻟﻤﻦ ﺑﺎﻗﻴﻪ ﻓﺎﺭﻏﻪ ﻉ ﺍﻷﻗﻞ ﻣﺘﺘﺄﺫﻳﻦ
- ﺧﻮﺵ
ﻟـ 11 ﻃﻔﻪ ﺍﻟﮕﻠﻮﺑﺎﺕ ﻭﺗﻤﺪﺩ .. ﺍﻧﻲ ﺍﺑﺎﻭﻉ ﻉ ﺍﻟﺘﻠﻔﺰﻳﻮﻥ ﻣﻐﻠﺴﻪ ﺍﺭﻳﺪﻩ ﻳﻐﻔﻪ ﻳﻼ ﺍﺭﻭﺡ ﺃﻧﺎﻡ .. ﺃﺣﺲ ﻋﻴﻮﻧﻪ ﺗﺘﺮﻗﺒﻨﻲ ﻭﺣﺮﻛﺎﺗﻪ ﺍﻟﻬﺎﺩﺋﻪ ﺭﺑﻜﺘﻨﻲ .. ﻛﻞ ﺷﻮﻳﻪ ﻳﺮﻓﻊ ﺭﺍﺳﻪ ﻳﺒﺎﻭﻋﻨﻲ ﻭﻳﺮﺟﻊ ﻳﺘﻮﺳﺪ ﺍﻟﻤﺨﺪﻩ .. ﻣﺎﺇﻟﻪ ﻧﻴﻪ ﻳﻨﺎﻡ ﻭﺍﻧﻲ ﻧﻌﺴﺖ .
ﻣﺎﻫﺮ .. ﻣﺘﻨﺎﻣﻴﻦ ﺍﻟﻴﻮﻡ؟
- ﻻ ﺍﻧﺎﻡ ﻟﻴﺶ
- ﻟﻌﺪ ﻣﺘﺠﻴﻦ ﺗﻨﺎﻣﻴﻦ
- ﺍﺭﻳﺪ ﺍﺑﺎﻭﻉ
- ﺗﺮﻩ ﻧﻌﺴﺖ
- ﺟﺎ ﻣﺎﺗﻨﺎﻡ
- ﻏﻴﺮ ﻣﻨﺘﻈﺮﺝ
- ﻻ ﻧﺎﻡ ﻻﺗﻨﺘﻈﺮﻧﻲ
ﺍﺧﺬ ﻣﺨﺎﺩ ﺍﻟﺠﺮﺑﺎﻳﻪ ﺍﺛﻨﻴﻨﻬﻦ ﻭﺍﻟﺪﻳﺒﺎﺝ ﻧﺰﻟﻬﻦ ﺑﺎﻟﻜﺎﻉ ﺣﻄﻬﻦ ﻭﺣﺪﻩ ﺑﺼﻒ ﺍﻟﺜﺎﻧﻴﻪ ﻭﻓﺮﺵ ﻓﺮﺍﺵ ﻗﺮﻳﺐ ﻋﻠﻴﻪ ﻭﺗﻤﺪﺩ .. ﻧﺎﻡ ﻭﺳﺤﺒﻨﻲ ﻣﻦ ﺇﻳﺪﻱ
ﺑﺎﻭﻉ ﺑﻌﻴﻨﻲ ﻭﻫﻤﺲ ﺑﻬﺪﻭﺀ -:
- ﻧﺎﻣﻲ
- ﻣﺎﺍﻧﻌﺲ
- ﻣﺸﺘﺎﻗﻠﺞ
- ﻣـﺎﺍ
- ﺛُﺮﻯٰ ﺑﺲ ﺗﻌﺎﻟﻲ ﺑﺤﻀﻨﻲ ﻣﺮﺍﻳﺪ ﺷﻲ
ﻓﺘﺢ ﺇﻳﺪﻩ ﻣﺴﻮﻳﻠﻲ ﻣﺠﺎﻝ ﺑﺤﻀﻨﻪ ﻭﻳﺒﺎﻭﻋﻠﻲ .
ﺑﺎﻭﻋﺖ ﻋﻠﻴﻪ ﻧﻈﺮﺍﺗﻪ ﺍﻟﻤﺘﻮﺳﻠﻪ ﻭﻫﻤﺴﺔ ﺻﻮﺗﻪ ﺍﻟﺨﺸﻦ ﺇﺿﺎﻓﻪ ﻻﺇﺷﺘﻴﺎﻗﻲ ﺇﻟﻪ ﻭﺣﻼﺓ ﺣﻀﻨﻪ ﺧﻼﻧﻲ ﺇﻧﺼﺎﻋﻠﻪ ﻭﺭﺣﺖ ﻧﻤﺖ ﻋﻠﻰ ﺇﻳﺪﻩ .. ﺍﻭﻝ ﻣﺎﺻﺮﺕ ﺑﺤﻀﻨﻪ ﺇﺣﺘﻀﻨﻨﻲ ﺣﻴﻞ ﻭﻋﺼﺮﻧﻲ ﺑﺤﻀﻨﻪ .. ﻇﻞ ﻳﺸﻢ ﺑﺮﻳﺤﺘﻲ ﻭﻳﺴﺘﻨﺸﻖ ﺭﻛﺒﺘﻲ ﻣﺮﺗﺎﺡ .
ﻳﺒﻮﺱ ﺑﺸﺤﻤﺔ ﺇﺫﻧﻲ ﻭﻳﻌﻀﻬﻪ ﺧﻔﻴﻒ
.. ﻳﻬﻤﺲ ﺑﺈﺫﻧﻲ ﺑﻠﻬﻔﻪ . - ﺍﺥ ﻳﺎﺑﻪ ﻣﺸﺘﺎﻕ ﻟﻬﺎﻟﺮﻳﺤﻪ ﺣﺘﻤﻮﺗﻴﻨﻲ ﺷﺴﻮﻳﺘﻲ ﺑﻴﻪ .. ﻧﺰﻝ ﺑﺒﻮﺳﺎﺗﻪ ﻋﻠﻰ ﺭﻛﺒﺘﻲ ﻭﺍﻧﻲ ﺫﺍﻳﺒﻪ ﺑﻴﻦ ﺇﻳﺪﻳﻪ .
ﻣﻦ ﺷﺎﻑ ﺇﺳﺘﺴﻼﻣﻲ ﻭﺭﺧﺎﻭﺓ ﺟﺴﻤﻲ ﻇﻞ ﻳﺘﻤﺎﺩﻩ ﺑﺒﻮﺳﺎﺗﻪ ﻟﻤﺎ ﻳﺨﺘﻢ ﺍﻟﻠﻴﻠﻪ ﺑﻄﺮﻳﻘﺘﻪ ﺍﻟﺨﺎﺻﻪ .
‏( ﺗﻔﻀﻠﻮ ﻳﺎﺑﻪ ﺗﻔﻀﻠﻮ ‏)
,, ﺍﻟﻔﺠﺮ ﺻﻠﻴﻨﺎ ﻭﺍﻧﻲ ﻇﻠﻴﺖ ﻛﺎﻋﺪﻩ ﻋﻴﻨﻲ ﻣﺎﺗﺎﺧﺬ ﻧﻮﻡ ﺍﻇﻞ ﺍﺣﻮﺱ ﻭﺍﺗﮕﻠﺐ ﻟﻤﺎ ﺃﻣﻞ ﻭﺍﮔﻮﻡ . ﺷﻮﻳﻪ ﻭﻣﺎﺍﺣﺴﻠﻚ ﺍﻻ ﺍﻟﺒﺎﺏ ﻳﻨﺪﻓﺮ ﺑﻘﻮﺓ ﻭﻋﺼﺒﻴﻪ ﻭﻳﻨﺪﮒ ﻣﺎﻝ ﻭﺍﺣﺪ ﻳﺮﻳﺪ ﻳﻜﺴﺮﻩ .. ﺍﻧﻲ ﺭﻛﻀﺖ ﻓﺘﺤﺘﻪ ﻻﻥ ﻣﺎﻫﺮ ﻧﺎﻳﻢ ﻭﻭﺭﺍﻩ ﺩﻭﺍﻡ .. ﺑﺲ ﺍﻛﻴﺪ ﻫﺴﻪ ﻓﺰ .
ﻟﻜﻴﺘﻬﻪ ﺍﻡ ﻣﺎﻫﺮ ﺍﻭﻝ ﻣﺎﺷﺎﻓﺘﻨﻲ ﻋﺎﻃﺖ ﺑﻴﻪ
ﺍﻡ ﻣﺎﻫﺮ .. ﻣﻦ ﺩﺧﻠﺘﻲ ﻟﻠﺤﻤﺎﻣﺎﺕ ﺷﻔﺘﻴﻬﻦ ﻟﻮﻭﻭ ﻻ ؟
- ﺷﺒﻴﻬﻦ؟
ﺍﻡ ﻣﺎﻫﺮ .. ﺷﻔﺘﻴﻬﻨﻨﻨﻦ ﻟﻮ ﻻ ؟
- ﺍﻱ ﺷﻔﺘﻬﻦ ﺍﻟﺒﺎﺭﺣﻪ ﻣﻨﻈﻔﺘﻬﻦ
ﺍﻡ ﻣﺎﻫﺮ .. ﻟﻌﺪ ﻣﻨﻈﻔﺘﻲ ﻫﺴﻪ ﺷﻨﻮ ﺷﻐﻠﺞ ﻓﻬﻤﻴﻨﻲ
- ﻋﻤﻪ ﺷﻮﻳﻪ ﺻﻮﺗﺞ ﻣﺎﻫﺮ ﻧﺎﻳﻢ ﺑﺎﺟﺮ ﻭﺭﺍﻩ ﺩﻭﺍﻡ
ﺍﻡ ﻣﺎﻫﺮ .. ﺍﻱ ﺍﻱ ﺣﻘﻪ ﻳﻨﺎﻡ ﺍﺫﺍ ﻋﻨﺪﻩ ﺳﻬﺮﻩ ﻟﻠﺼﺒﺢ ﺷﻠﻮﻥ ﻣﻴﻨﺎﻡ
ﺭﺩﻳﺖ ﺑﻨﻔﺎﺫ ﺻﺒﺮ
- ﭼﺆﺅﺅ ﻫﺴﻪ ﺷﻨﻮ
ﺍﻡ ﻣﺎﻫﺮ .. ﻓﻮﻭﺗﻲ ﻧﺰﻟﻲ ﻧﻈﻔﻔﻲ ﻳﻼﺍ ﺑﺴﺮﻋﻪ
- ﻋﻤﻪ ﺗﺮﻩ ﺍﻧﻲ ﻣﻮ ﺧﺪﺍﻣﻪ ﻻﺗﺼﻴﺤﻴﻦ ﻋﻠﻴﻪ ﺑﻬﺎﻟﻄﺮﻳﻘﻪ
ﺍﻡ ﻣﺎﻫﺮ .. ﻳﻼ ﻳﻼ ﻟﻌﺪ ﺍﻟﻤﻦ ﺟﺎﻳﺒﻴﺞ ﻧﻔﺼﻞ ﻋﻠﻰ ﻃﻮﻟﺞ
ﻏﻤﻀﺖ ﻋﻴﻮﻧﻲ ﺑﻨﻔﺎﺫ ﺻﺒﺮ ﻭﻧﺰﻟﺖ ﻧﻈﻔﺖ ﺍﻟﺒﻴﺖ ﻛﻠﻪ ﺑﺲ ﻛﻮﻥ ﺗﺴﻜﺖ ﻭﻣﺎﺗﺴﻮﻳﻠﻲ ﺳﺎﻟﻔﻪ .. ﺣﺘﻰ ﻣﺎﻫﺮ ﻣﻞ ﻣﻦ ﺍﻟﻤﺸﺎﻛﻞ ﻛﻠﻤﺎ ﻳﺠﻲ ﺗﺴﻮﻱ ﻣﺸﻜﻠﻪ . ﺳﻮﻳﺖ ﺍﻟﺮﻳﻮﻙ ﻭﺭﻛﺒﺖ ﺍﻟﻐﺪﻩ ﺑﺲ ﻫﻲَ ﺗﻜﻤﻠﻪ .
ﺻﻌﺪﺕ ﺣﻀﺮﺕ ﻟﻤﺎﻫﺮ ﻣﻼﺑﺴﻪ ﻭﻛﻌﺪﺗﻪ .. ﻛﻌﺪ ﺑﺪﻝ ﻭﻧﺰﻝ ﺗﺮﻳﻜﻨﻪ ﻭﺭﺍﺡ .
ﺣﺎﭼﺎﻫﻪ ﻋﻠﻤﻮﺩ ﻧﻨﺘﻘﻞ ﻟﻠﻐﺮﻓﻪ ﺍﻟﺠﻮﻩ ﺑﺎﻻﻭﻝ ﺭﻓﻀﺖ ﻭﺑﻌﺪﻳﻦ ﺍﻗﺘﻨﻌﺖ ﻻﻥ ﺑﻜﻴﻒ ﻣﺎﻫﺮ .
ﺣﻀﺮﺕ ﻛﻢ ﻏﺮﺽ ﻭﻧﺰﻟﻨﺎﻫﻦ ﺍﻧﻲ ﻭﻣﻮﺝ ﻟﺠﻮﻩ ﻭﺑﻘﻴﺖ ﻣﻨﺘﻈﺮﻩ ﻣﺎﻫﺮ ﻳﻼ ﻧﺴﺘﻘﺮ ﺑﺎﻟﻐﺮﻓﻪ ﺍﻟﺠﻮﻩ .. ﻫﻲَ ﺗﻜﻤﻞ ﺍﻟﻐﺪﻩ ﻫﺎﻷﻳﺎﻡ .. ﺃﺗﺼﻞ ﻣﺎﻫﺮ ﻛﺎﻝ ﺍﻟﻴﻮﻡ ﻣﺎﺍﺟﻲ ﻻﺗﻨﺘﻈﺮﻭﻧﻲ ..
ﺍﻧﻲ ﺑﺎﻟﻐﺮﻓﻪ ﻣﺎﻛﺘﻠﻬﻦ ﺍﺟﺖ ﻳﻤﻲ ﻣﻮﺝ ﻭﻇﻠﻴﻨﻪ ﻧﺴﻮﻟﻒ .. ﺻﺎﺭﺕ ﺍﻟﺴﺎﻋﻪ ﺑـ 12 ﻭﻧﺺ ﺳﻤﻌﺖ ﺻﻮﺗﻬﻪ ﻉ ﺍﻟﺪﺭﺝ ﺗﺼﻴﺢ ﻣﻮﺝ ﻉ ﺍﻟﻐﺪﻩ .. ﻣﻮﺝ ﻛﺎﻟﺘﻠﻬﻪ ﻫﺴﻪ ﻧﻨﺰﻝ ﺍﻧﻲ ﻭﺛُﺮﻯٰ ﺗﮕﻠﻬﻪ ﻻﺗﻨﺰﻝ ﻻﺍﺧﻠﻴﻬﻪ ﺗﺎﻛﻞ ﺳﻢ ﻫﻲَ ﺗﻄﺒﺦ ﻭﺗﺎﻛﻞ ﻟﻌﺪ ﺍﻟﻤﻦ ﻣﺨﻠﻴﻠﻬﻪ ﻣﻄﺒﺦ ﻓﻮﮒ .
ﺳﻜﺘﺖ ﻭﻣﺎﺍﻫﺘﻤﻴﺖ ﻧﺰﻟﺖ ﻣﻮﺝ ﺑﻌﺪﻣـﺎ ﺣﺎﻭﻟﺖ ﻭﻳﺎﻱ ﻭﻣﺴﺘﺤﻴﻪ ﻣﻦ ﻣﻮﻗﻒ ﺍﻣﻬﻪ ﺑﺲ ﺍﻧﻲ ﻣﺎﻗﺒﻠﺖ ﺍﻧﺰﻝ ﺑﻘﻴﺖ ﺟﻮﻋﺎﻧﻪ ﻭﻻﺍﺗﻨﺎﺯﻝ ﻭﻻﺍﻛﻞ .. ﺣﺘﻰ ﻣﺎﻃﻠﻌﺖ ﺑﻘﻴﺖ ﺑﺎﻟﻐﺮﻓﻪ .
ﻣﺎﻫﺮ ﺗﺄﺧﺮ ﺣﻴﻞ ﺍﺟﻪ ﺍﻟﻠﻴﻞ ﻭﺻﺎﺭﺕ ﺍﻟﺴﺎﻋﻪ ﺑـ 11 ﻭﻫﻮَ ﻣﺎﻛﻮ .. ﺇﺗﺼﻠﺖ ﻋﻠﻴﻪ ﻣﻐﻠﻖ ..
ﻇﻠﻴﺖ ﺃﻟﻮﺏ ﺍﺗﺼﻞ ﻭﻣﺎﻛﻮ .
ﺑﻘﻴﺖ ﻛﺎﻋﺪﻩ ﻣﻨﺘﻈﺮﺗﻪ ﺻﺎﺭﺕ ﺍﻟﺴﺎﻋﻪ ﺑﺎﻟـ 2 ﺧﺎﺑﺮﻧﻲ ﻇﻠﻴﺖ ﺍﺑﺠﻲ ﺧﻼﻧﻲ ﺑﻘﻠﻖ ﻓﻀﻀﻴﻴﻴﻊ .. ﺑﻘﻪ ﻳﻬﺪﺃ ﺑﻴﻪ ﻭﻳﻌﺘﺬﺭ .. ﻃﻠﻊ ﺭﺍﻳﺢ ﻟﺒﻐﺪﺍﺩ ﻋﻠﻤﻮﺩ ﻳﺸﻮﻑ ﺍﻟﺒﻴﺖ ﻻﻥ ﻳﺮﻳﺪ ﻧﻨﺘﻘﻞ ﺑﺲ ﺍﺟﻴﺐ .. ﻛﺎﻝ ﺍﻟﺼﺒﺢ ﻫﻢ ﻣﺎﻳﻜﺪﺭ ﻳﺠﻲ ﻟﻤﺎ ﻳﻜﻤﻞ ﺷﻐﻞ ﻳﻠﻪ ﻳﺮﺟﻊ .. ﺧﺎﺑﺮﻧﻲ ﻳﻼ ﻛﺪﺭﺕ ﺃﻧﺎﻡ .بيج قصص عراقيه حقيقيه من واقعنا.روعه الطائي
ﺛﺎﻧﻲ ﻳـﻮﻡ ﮔﻌﺪﺕ ﺍﻟﺼﺒﺢ ﺳﻮﻳﺖ ﺍﻟﺮﻳﻮﮒ ﻭﺑﻘﻴﺖ ﻛﺎﻋﺪﻩ ﻉ ﺍﻟﻜﺮﺍﺳﻲ ﺇﺧﺘﻨﻜﺖ ﺷﻮﻳﻪ ﻃﻠﻌﺖ ﺑﺮﻩ ﻛﻌﺪﺕ .. ﺟﺒﺖ ﻃﺎﺑﻮﮔﻪ ﻣﻦ ﺍﻟﺤﺪﻳﻘﻪ ﻭﺣﻄﻴﺘﻬﻪ ﻳﻢ ﺍﻟﺸﺠﺮﻩ ﻭﻛﻌﺪﺕ ﻣﻘﺎﺑﻴﻞ ﺍﻟﺸﻤﺲ ﻭﺍﻟﻬﻮﻯٰ ﺍﻟﺪﺍﻓﻲ ﻳﺮﻳﺢ ﺃﻋﺼﺎﺑﻲ .. ﻫﻲَ ﻛﻌﺪﺕ ﻣﻦ ﺍﻟﻨﻮﻡ ﺭﺍﺣﺖ ﺗﻐﺴﻞ ﺷﺎﻓﺘﻨﻲ ﻛﺎﻋﺪﻩ .. ﺭﻓﻌﺖ ﺇﻳﺪﻳﻬﻪ ﻟﻔﻮﻙ ﻣﺜﻞ ﺍﻟﻴﺪﻋﻲ ﻭﻇﻠﺖ ﺗﺼﻴﺢ " ﺍﻟﺤﻤﺪ ﻟﻠﻪ ﺭﺑﻲ ﻋﻠﻰ ﻧﻌﻤﺔ ﺍﻟﻌﻘﻞ ﺃﻟﻒ ﺍﻟﺤﻤﺪ ﻟﻠﻪ "
ﻋﻮﺩ ﻗﺼﺪﻫﻪ ﺍﻧﻲ ﻣﺨﺒﻠﻪ ﻻﻥ ﮔﺎﻋﺪﻩ ﻫﻨﺎ .. ﻫﺰﺕ ﺇﻳﺪﻫﻪ ﻭﺭﺍﺣﺖ ﻋﺎﻭﺟﻪ ﺣﻠﮕﻬﻪ ﻭﺗﻀﺤﻚ ﻋﻠﻴﻪ ﻣﺎﺟﺎﻱ ﻳﺼﺪﮔﻮﻥ ﺑﻴﻪ ﻭﻻ ﻋﺒﺎﻟﻚ ﺷﺎﻳﻔﻪ ﺍﻟﻨﺴﺎﻭﺓ ﻭﻣﺎﺭﻩ ﺑﻴﻬﻪ .
ﻇﻠﻴﺖ ﻛﺎﻋﺪﻩ ﺍﻧﺘﻈﺮﺗﻬﻪ ﻟﻤﺎ ﺧﻠﺼﺖ ﺭﻳﻮﻙ ﻳﻼ ﺭﺣﺖ ﻏﺴﻠﺖ ﺍﻟﻤﻮﺍﻋﻴﻦ ﻭﻧﻈﻔﺖ ﺍﻟﺒﻴﺖ .. ﻣﻦ ﻛﻌﺪﺕ ﻣﻮﺝ ﺍﻟﻈﻬﺮ ﻇﻠﺖ ﺗﺘﻌﺬﺭ ﻣﻨﻲ
ﻣﻮﺝ .. ﻭﺍﻟﻠﻪ ﺭﺩﺕ ﺍﺟﻴﺒﻠﺞ ﻏﺪﻩ ﺑﺼﻴﻨﻴﻪ ﺑﺲ ﻣﺎﻛﺘﻴﻠﻲ
- ﻫﻬﻬﻬﻪ ﺍﻛﻠﺞ؟؟ ﺯﻳﻦ ﺍﺣﻨﻪ ﻣﻦ ﻧﺪﺯ ﺃﻛﻞ ﻟﺒﻴﺖ ﺍﺑﻮ ﺍﺣﻤﺪ ﻫﻤﻪ ﻳﮕﻠﻮﻟﻨﻪ ﻟﻮ ﺍﺣﻨﻪ ﻧﺪﺯ ﻟﻮﺣﺪﻧﻪ؟
ﻣﻮﺝ .. ﻻ ﻣﻴﮕﻮﻟﻮﻥ ﺍﺣﻨﻪ ﻧﺪﺯ
- ﺟﺎ ﺗﺮﻳﺪﻳﻦ ﺍﻧﻲ ﺍﮔﻠﺞ؟ .. ﻟﻮ ﻫﻴﺞ ﺣﻨﻴﻨﻪ ﻋﻠﻴﻪ ﭼﺎﻥ ﺍﻧﺖِ ﺟﺒﺘﻲ ﻟﻮﺣﺪﺝ .. ﺑﺲ ﻳﻼ ﻣﺎﺻﺎﺭ ﺷﻲ ﺍﺻﻼً ﺍﻧﻲ ﻣﺎﺍﮔﺪﺭ ﺍﻛﻞ ﻻﻥ ﺍﻓﺮﻏﻪ
ﺳﻜﺘﺖ ﻭﺭﺍﺣﺖ .. ﺍﺣﻨﻪ ﺩﻭﻡ ﻧﺪﺯ ﻟﺒﻴﺖ ﺍﺑﻮ ﺍﺣﻤﺪ ﺟﻴﺮﺍﻧﻪ ﺣﺎﻟﺘﻬﻢ ﻓﻘﻴﺮﻩ ﻑ ﻫﻤﻪ ﻣﺘﻜﻔﻠﻴﻦ ﺑﻴﻬﻢ ﺍﻟﻐﺪﻩ ﻭﺍﻟﻌﺸﻪ ﻛﻠﻪ ﻋﻠﻴﻬﻢ ﺩﻭﻡ ﻣﺎﻫﺮ ﻟﻮ ﺍﻟﺴﺎﻳﻖ ﻳﺸﺘﺮﻭﻧﻪ ﻭﻳﺪﺯﻭﻩ ﺍﻟﻬﻢ .
ﺛﺎﻧﻲ ﻳﻮﻡ ﻧﺰﻟﺖ ﺑﺎﻟﻐﺮﻓﻪ ﺍﻟﺠﻮﻩ ﻭﺑﻘﻴﺖ ﻛﺎﻋﺪﻩ ﺑﻴﻬﻪ .. ﻫﻨﻪ ﻫﻢ ﺗﻐﺪﻥ ﻟﻮﺣﺪﻫﻦ ﻭﻣﺎﺻﺎﺣﻨّﻲ .. ﺷﻮﻳﻪ ﻭﺟﺎﺑﺘﻠﻲ ﻣﻮﺝ ﺻﻴﻨﻴﻪ ﺑﻴﻬﻪ ﻏﺪﻩ ﻭﺭﺟﻌﺖ ﺗﺘﻐﺪﻩ .. ﺭﺣﺖ ﻓﺘﺤﺖ ﺑﺎﺏ ﺍﻟﻐﺮﻓﻪ ﻭﺧﻠﻴﺘﻬﻪ ﻉ ﺍﻟﻤﻴﺰ ﺣﺘﻰ ﻣﺎﻳﮕﻮﻟﻦ ﺍﻛﻠﺖ .. ﻣﺎﻣﺤﺘﺎﺟﻪ ﻻﺍﻛﻠﻬﻪ .. ﻃﻠﻌﺖ ﻓﻮﺍﻛﻪ ﻋﻨﺪﻱ ﻭﺍﻛﻠﺘﻬﻦ .
ﻫﺎﻱ ﻣﺎﻫﺮ ﻏﺎﺏ ﻳﻮﻡ ﻫﻴﺞ ﺳﻮﺕ . ﻋﻮﺩ ﻻﻥ ﺣﺎﻣﻞ ﻭﻣﺎﺍﻃﺒﺦ ﺗﻌﺎﻗﺒﻨﻲ ﺗﺨﻠﻴﻨﻲ ﺑﺪﻭﻥ ﺃﻛﻞ .
ﺍﻟﻌﺼﺮ ﺍﺟﺖ ﻣﻮﺝ ﻭﺍﻧﻄﻴﺘﻬﻪ ﺍﻟﺼﻴﻨﻴﻪ ﺑﺤﻄﺘﻬﻪ ﺣﺘﻰ ﻣﺎﺷﻔﺖ ﺷﺒﻴﻬﻪ .
ﺍﻟﻤﻐﺮﺏ ﻳﻼ ﺍﺟﻪ ﻣﺎﻫﺮ ﺗﻌﺒﺎﻥ ﺳﻠﻢ ﻋﻠﻴﻪ ﻭﻇﻞ ﻳﻄﮕﮓ ﺑﺠﺴﻤﻪ ﻭﺻﻮﺕ ﺍﻟﻌﻈﺎﻡ ﺗﺘﻄﮕﮓ ﺑﺘﻌﺐ
ﻣﺎﻫﺮ .. ﺁﺥ ﺁﺥ ﺧﺮﺏ
- ﺷﺒﻴﻚ
- ﺟﺴﻤﻲ ﻛﻠﻪ ﻳﺄﺫﻳﻨﻲ ﺁﺧﺦ
- ﺭﺍﺡ ﺍﺟﻴﺐ ﺯﻳﺖ ﻭﺍﺩﻟﻜﻠﻚ
ﺟﺒﺖ ﺯﻳﺖ ﻭﺩﻫﻨﺘﻠﻪ ﺟﺴﻤﻪ ﻻﻥ ﻣﺘﺸﻨﺞ ﻛﻮﻩ ﻳﺘﺤﺮﻙ ﺗﻌﺒﺎﻥ ﻣﻦ ﺍﻟﺴﻴﺎﻗﻪ .. ﺍﺭﺗﺎﺡ ﻣﻦ ﺩﻫﻨﺖ ﺟﺴﻤﻪ ﻭﻏﻔﻪ .. ﺁﻧﻲ ﻫﻢ ﻣﻦ ﺷﻔﺘﻪ ﻧﻌﺴﺖ ﻭﺗﻤﺪﺩﺕ ﻳﻤﻪ .
ﻛﻌﺪﻧﻪ ﺑﺎﻟـ 10 ﻃﻠﻌﺖ ﮔﻠﻴﺖ ﻛﺒﻪ ﻭﺑﻮﺭﻙ ﻣﺘﻨﮕﺒﻪ ﺧﺎﻑ ﺍﺷﻢ ﺭﻳﺤﺔ ﺍﻟﮕﻠﻲ .. ﻭﺳﻮﻳﺖ ﺯﻻﻃﻪ .. ﻃﻠﻌﺖ ﺇﻡ ﻣﺎﻫﺮ ﺭﺍﺣﺖ ﻟﻠﻐﺮﻓﻪ ﺳﻠﻤﺖ ﻋﻠﻴﻪ ﻭﺍﺟﺖ ﻳﻤﻲ ﺗﺒﺎﻭﻋﻠﻲ ﺑﺨﺒﺚ .بيج قصص عراقيه حقيقيه من واقعنا.روعه الطائي
ﺍﻡ ﻣﺎﻫﺮ .. ﻭﺗﮕﻮﻟﻴﻦ ﻣﺎﺍﮔﺪﺭ ﺍﻃﺒﺦ ﻟﻌﺪ ﻫﺬﺍ ﻣﻨﻮ ﮔﻼﻩ
- ﺗﻨﮕﺒﺖ
ﺍﻡ ﻣﺎﻫﺮ .. ﺍﻣﻤﻢ ﻳﻤﻪ ﻳﺎﻟﻌﻴﺎﺭﻩ ﺑﻨﺖ ﺍﻟﻔﮕﻮﺭ ﺗﺘﻌﺎﻳﺮ
ﺳﻜﺘﺖ ﻋﻨﻬﻪ ﺑﺲ ﺩﺍﺧﻠﻲ ﻳﻔﻮﻭﺭ ﻣﻠﻴﺖ ﻣﻦ ﺍﻟﺒﺴﺎﻣﻴﺮ ﻛﻞ ﻛﻠﻤﺔ ﺗﮕﻮﻟﻬﻪ ﺍﻇﻞ ﺍﻃﺤﻦ ﻛﺒﺪﻱ ﻭﺍﺳﻜﺖ ﺍﺭﻳﺪ ﺍﺷﻮﻑ ﺷﻮﻛﺖ ﻳﺨﻠﺺ ﺻﺒﺮﻱ .
ﺭﺣﺖ ﺻﺤﺘﻪ ﻭﻇﻠﻴﻨﻪ ﻧﺘﻌﺸﻪ .. ﺧﻠﺼﻨﻪ ﻋﺸﻪ ﻭﻟﻤﻴﺖ ﺍﻟﻤﻄﺒﺦ ﻉ ﺍﻟﺴﺮﻳﻊ ﺭﺣﺖ ﻟﻠﻐﺮﻓﻪ ﺣﺎﭼﻴﺖ ﻣﺎﻫﺮ ﮔﺘﻠﻪ ﺑﺲ ﺗﺨﻠﺺ ﻧﺴﺎﻭﺗﻲ ﻧﻌﺰﻝ ﺃﻛﻠﻨﻪ ﻓﻮﮒ ﺧﺰﺭﻧﻲ ﻭﻫﺰ ﺭﺍﺳﻪ ﻳﻨﻔﻲ
- ﻻ ﻣﺎﻛﻮ ﻋﺰﻟﺔ
- ﺑﺲ ﺍﻛﻠﻨﻪ
- ﻫﻮَ ﺇﺣﻨﻪ ﻧﺠﺘﻤﻊ ﺑﺲ ﻉ ﺍﻻﻛﻞ ﺗﺮﻳﺪﻳﻦ ﺗﺨﺮﺑﻴﻦ ﻫﺎﻱ ﺍﻟﻠﻤﻪ
- ﻣﺎﻫﺮ ﻭﺍﻟﻠﻪ ﺗﻌﺒﺖ
ﺧﺰﺭﻧﻲ ﻭﻧﺘﺮ
- ﻻﺍﺍﺍﺍ ﺳﺪﻱ ﺍﻟﻤﻮﺿﻮﻉ ﻧﻬﺎﺋﻴﺎً
ﺳﻜﺘﺖ ﻣﺎﺣﭽﻴﺖ ﺷﻲ ﺑﺲ ﺑﻴﻨﺖ ﺯﻋﻠﻲ ﺑﻤﻼﻣﺢ ﻭﺟﻬﻲ .. ﻃﮕﺖ ﺭﻭﺣﻲ ﻟﻴﻞ ﻭﻧﻬﺎﺭ ﺭﺯﺍﻳﻞ ﻭﺑﺴﺎﻣﻴﺮ ﻭﺗﺼﺮﻓﺎﺕ ﺗﻘﻠﻞ ﻣﻦ ﻗﻴﻤﺘﻲ ﻫﻲَ ﻣﻦ ﺍﻟﺒﺪﺍﻳﺔ ﻣﺎﺭﺍﻳﺪﺗﻨﻲ .
ﻣﻦ ﻧﻤﻨﻪ ﻣﺎﮔﺪﺭﺕ ﺃﻛﺘﻢ ﻋﺒﺮﺗﻲ .. ﻇﻠﻴﺖ ﺍﺑﭽﻲ ﺑﻬﺪﻭﺀ ﺑﺪﻭﻥ ﻣﺎﺍﻃﻠﻊ ﺻﻮﺕ ﺟﺎﻱ ﺃﻛﺘﻢ ﺑﮕﻠﺒﻲ ﺃﻛﺘﻢ ﻟﻤﺎ ﺍﻧﻔﺠﺮ ﺳﻮﺍﻟﻔﻬﻪ ﺧﺒﻠﺘﻨﻲ .
ﻫﻮَ ﺣﺲ ﻋﻠﻴﻪ ﺗﻘﺮﺏ ﻣﻨﻲ ﺑﺲ ﺍﻧﻲ ﻣﻨﻄﻴﺘﻪ ﻇﻬﺮﻱ ﺣﻂ ﺇﻳﺪﻩ ﻋﻠﻰ ﺧﺼﺮﻱ ﻳﺮﻳﺪ ﻳﺪﻭﺭﻧﻲ ﻋﻠﻴﻪ ﺛﺒﺘﺖ ﺭﻭﺣﻲ ﺣﻴﻞ ﻭﻣﺎﺍﻧﺪﺍﺭﻳﺖ .. ﻟﺰﻣﻨﻲ ﺑﻘﻮﺓ ﻣﻦ ﺇﻳﺪﻱ ﻭﺩﺍﺭﻧﻲ ﻟﻨﺎﺣﻴﺘﻪ .. ﺩﻧﮕﺖ ﻋﻴﻮﻧﻲ ﻭﻇﻠﻴﺖ ﺍﺷﻬﮓ ﻟﺰﻣﻨﻲ ﻣﻦ ﻓﻜﻲ ﺑﺮﻓﻖ ﻭﺭﻓﻊ ﺭﺍﺳﻲ .. ﻫﻤﺲ ﺑﺼﻮﺕ ﺭﺟﻮﻟﻲ ﺑﻴﻪ ﺑﺤﺔ -:
- ﺷﺒﻴﺞ ﺗﺒﺠﻴﻦ
- ﻣﺎﻫﺮ ﺑﺲ ﺍﺣﺎﺟﻴﻚ
ﻋﺼﺮ ﻋﻴﻮﻧﻪ ﻭﻋﮕﺪ ﺣﻮﺍﺟﺒﻪ ﻣﺘﻤﻠﻤﻞ
- ﺍﻫﻮﻭﻭ ﺛُﺮﺭﻯٰ ﺣﺘﺮﺟﻌﻴﻦ ﻟﻨﻔﺲ ﺍﻟﻤﻮﺿﻮﻉ
- ﺧﻞ ﺍﺣﺠﻲ ﻭﺍﺫﺍ ﻣﺎﻋﺠﺒﻚ ﺑﻌﺪ ﻣﺎﺍﺣﺠﻲ ﺃﻱ ﻛﻠﻤﻪ
- ﺛُﺮﻯٰ ﺍﻧﻲ ﻛﻠﻤﺘﻲ ﻣﺘﺼﻴﺮ ﺇﺛﻨﻴﻦ ﻭﻣﻤﺘﻌﻮﺩ ﻭﺍﺣﺪ ﻳﻜﺴﺮﻟﻲ ﺣﭽﺎﻳﻪ
- ﻻ ﻣﺎﺍﻛﺴﺮﻟﻚ ﺣﭽﺎﻳﺘﻚ ﺍﻧﺖَ ﺭﺟﻠﻲ ﻭﺗﺎﺝ ﺭﺍﺳﻲ ﻭﻛﻠﻤﺘﻚ ﻧﻔﺴﻬﻪ ﺗﺒﻘﻪ ﻣﺤﺪ ﻳﻜﺴﺮﻫﻪ ﺑﺲ ﺍﻧﻄﻴﻚ ﺭﺃﻳﻲ ﺍﺫﺍ ﻋﺠﺒﻚ ﻧﺴﻮﻳﻪ ﻭﺍﺫﺍ ﻣﺎﻳﻌﺠﺒﻚ ﺑﻌﺪ ﻣﺎﺍﻓﺘﺢ ﺍﻟﻤﻮﺿﻮﻉ ﻧﻬﺎﺋﻴﺎً
ﺑﺎﻭﻋﻠﻲ ﻳﻔﻜﺮ ﻭﻫﺰ ﺭﺍﺳﻪ ﻫﻤﺲ -:
- ﺍﺣﭽﻲ
- ﺑﺎﻭﻉ ﺍﻧﺖَ ﻣﻦ ﺗﺮﻭﺡ ﻟﻠﻜﻠﻴﻪ ﺍﻧﻲ ﺍﺑﻘﻪ ﻓﻮﮒ ﺍﻃﺒﺦ ﺍﻟﻐﺪﻩ ﻣﺎﻝ ﺍﻟﻌﺎﺋﻠﻪ ﻛﻠﻬﻪ ﺑﺲ ﻓﻮﮒ ﻭﻭﻧﻨﺰّﻝ ﺣﺼﺔ ﻋﻤﺘﻲ ﻭﻣﻮﺝ ﻭﺇﺣﻨﻪ ﻧﺎﻛﻞ ﻫﻨﺎ ﻭﺍﻟﻴﻮﻡ ﻛﻠﻪ ﻧﺨﻠﺼﻪ ﺟﻮﻩ ﺑﺲ ﺃﻭﻗﺎﺕ ﺍﻟﻨﻮﻡ .
ﻭﺍﻟﻌﺼﺮ ﻣﺜﻞ ﻛﻞ ﻳﻮﻡ ﻧﺴﻮﻱ ﻛﻴﻚ ﻟﻮ ﻣﻌﺠﻨﺎﺕ ﻭﻧﺎﻛﻠﻬﻦ ﺑﺎﻟﺤﺪﻳﻘﻪ ﺍﻟﻌﺼﺮ ﻭﻟﻤﺔ ﺍﻟﻠﻴﻞ ﻧﻌﻮﺿﻬﻪ ﻭﺭﻩ ﺍﻟﻌﺸﺎ ﻧﻨﺰﻝ ﻧﺸﻮﻑ ﻓﻠﻢ ﻟﻮ ﻧﻠﻌﺐ ﻟﻌﺒﻪ ﻭﻧﺠﺘﻤﻊ ﻛﻠﻨﻪ ﺑﻘﺖ ﺑﺲ ﻟﻤﺔ ﺍﻟﺮﻳﻮﻙ ﺍﺣﻨﻪ ﻣﺎﻧﻠﺘﻢ ﻻﻥ ﻛﻞ ﻭﺍﺣﺪ ﺩﻭﺍﻡ ﻟﻮ ﻧﺎﻳﻤﻴﻦ .. ﻫﺬﺍ ﺭﺃﻳﻲ ﺍﻟﻤﻘﺘﻨﻌﻪ ﻭﺍﻧﺖَ ﺑﻜﻴﻔﻚ
ﺻﻔﻦ ﺷﻮﻳﻪ .. ﺣﻚ ﺃﺭﻧﺒﺔ ﺃﻧﻔﻪ ﻭﺣﺎﺟﺒﻪ .. ﻫﺰ ﺭﺍﺳﻪ ﻭﻛﺎﻝ -:
- ﺗﻤﺎﻡ ﺧﻮﺵ ﻓﻜﺮﻩ
- ﻧﺴﻮﻳﻬﻪ ﻳﻌﻨﻲ
- ﺍﻱ
- ﻫﻬﻬﻬﻪ ﺷﻜﺮﺭﺭﺍً
ﺣﻀﻨﺘﻪ ﻣﻦ ﺍﻟﻔﺮﺡ .. ﺃﺭﻳﺪ ﺍﺳﺘﻘﻞ ﺍﺣﺲ ﻧﻔﺴﻲ ﻋﺎﻳﺸﻪ ﺑﺬﻟﻪ ﺟﻮﻩ .. ﺍﻟﺼﺒﺢ ﻛﻌﺪﺕ ﻣﺘﺤﻤﺴﻪ ﺣﻴﻞ ﻛﻤﺖ ﻋﻠﻰ ﺍﻟﻤﻄﺒﺦ ﻓﺮﺷﺘﻪ ﻓﺮﺷﺔ ﺷﺘﺎﺋﻴﺔ ﻭﻃﻠﻌﺖ ﺍﻟﻤﻮﺍﻋﻴﻦ ﻭﺍﻟﮕﺪﻭﺭﺓ ﺭﺗﺒﺘﻬﻦ ﻋﻠﻰ ﺍﻟﻜﺎﻭﻧﺘﺮ ﻭﺍﻟﻜﺮﺍﺳﻲ ﻃﻠﻌﺘﻬﻦ ﺑﺲ ﺍﻟﻄﺎﻭﻟﻪ ﻣﻦ ﻳﺮﺟﻊ ﻣﺎﻫﺮ ﻳﺸﺪﻫﻪ .. ﺭﺗﺒﺖ ﺍﻟﺼﺎﻟﻪ ﺳﻮﻳﺘﻬﻪ ﺗﺨﺒﻞ ﻭﺣﻄﻴﺖ ﻭﺭﺩ ﻭﻟﻮﺣﺎﺕ ﻣﻨﺎﻇﺮ ﻃﺒﻴﻌﻴﺔ .. ﻫﻮﺍﻱ ﺷﻐﻼﺕ ﻣﺎﻝ ﺯﻭﺍﺟﻨﻪ ﺿﺎﻣﻴﻬﻦ ﺑﺎﻟﻤﺨﺰﻥ ﻻﻥ ﻣﺎﻧﺴﺘﺨﺪﻡ ﺍﻟﻔﻮﮒ ﺑﺲ ﻫﺴﻪ ﻛﻠﻬﻦ ﻃﻠﻌﺘﻬﻦ ﻓﺎﺩﻧّﻲ ﻭﺭﺗﺒﺖ ﺑﻴﻬﻦ ﺻﺎﺭ ﺑﻴﺘﻲ ﺑﻌﺪ . ﺍﻟﻠﻠﻠﻠﻪ ﺷﻜﺪ ﺣﻠﻮﺓ ﻫﺎﻟﻜﻠﻤﻪ
••
ﺧﻠﺼﺖ ﻧﺴﺎﻭﺗﻲ ﺑﺼﻌﻮﺑﻪ ﻭﺻﺎﺭ ﺃﻛﻠﻨﻪ ﻓﻮﮒ ﻛﻠﺶ ﻣﺮﺗﺎﺣﻪ ﻭﺍﺭﻳﺪ ﺍﻃﻴﺮ .. ﺍﻃﺒﺦ ﺑﻜﻴﻔﻲ ﻭﺃﻟﺒﺲ ﺑﻜﻴﻔﻲ ﻣﺤﺪ ﻳﺤﺎﺳﺒﻨﻲ ﻭﻻ ﻳﺴﻤﻌﻨﻲ ﺣﭽﺎﻳﻪ ﺑﺎﻟﺮﺍﻳﺤﻪ ﻭﺑﺎﻟﺠﺎﻳﻪ .. ﻣﺎﺍﻃﺒﺨﻠﻬﻢ ﻫﻤﻪ ﻳﻄﺒﺨﻮﻥ ﻟﻮﺣﺪﻫﻢ ﻻﻥ ﺣﺎﻣﻞ ﻭﻳﻦ ﺍﮔﺪﺭ .. ﻣﺮﺍﺕ ﻋﻤﺘﻲ ﺍﻡ ﻣﺎﻫﺮ ﺗﻄﺒﺦ ﻭﻣﺮﺍﺕ ﻳﺠﻴﺒﻮﻥ ﺟﺎﻫﺰ .
ﺍﻣﺘﺤﻨﺖ ﺍﻣﺘﺤﺎﻧﺎﺗﻲ ﺑﺪﻭﻥ ﻣﺎﺍﺩﺍﻭﻡ ﺑﺲ ﺑﻴﻮﻡ ﺍﻹﻣﺘﺤﺎﻥ ﻳﺎﺧﺬﻧﻲ ﻣﺎﻫﺮ ﻭﻳﺮﺟﻌﻨﻲ .. ﺍﺳﺘﻠﻤﺖ ﺍﻟﻨﺘﻴﺠﻪ ﻣﺎﻝ ﻧﺼﻒ ﺍﻟﺴﻨﻪ ﻧﺎﺟﺤﻪ .. ﻭﺑﻘﻪ ﺑﺲ ﺷﻬﺮﻳﻦ ﺍﻣﺘﺤﻨﺖ ﺷﻬﺮ ﻭﺑﻌﺪ ﺷﻬﺮ .
ﺍﻟﻴﻮﻡ ﻣﺮﻛﺒﻪ ﻣﺮﻛﺔ ﺳﺒﻴﻨﺎﻍ ﻭﻓﻠﻔﻠﻴﻪ .. ﻣﺎﻫﺮ ﻳﺤﺒﻬﻪ .. ﺇﺟﻪ ﻣﻦ ﺍﻟﺪﻭﺍﻡ ﺩﺧﻞ ﻟﻠﻤﻄﺒﺦ ﻭﺍﻧﻲ ﻭﺍﻛﻔﻪ ﺍﺷﻄﻒ ﺍﻟﻤﻮﺍﻋﻴﻦ ﺍﺭﻳﺪ ﺍﺻﺐ .. ﺣﺴﻴﺖ ﺑﺈﻳﺪﻳﻪ ﺣﺎﻭﻃﺖ ﺧﺼﺮﻱ ﻭﺗﻠﻤﺴﺖ ﺑﻄﻨﻲ ﺳﺤﺒﻨﻲ ﺑﺮﻗﻪ ﻋﻠﻰ ﺟﺴﻤﻪ ﻭﻏﻤﺮ ﺭﺍﺳﻪ ﺑﺮﮔﺒﺘﻲ . ﻫﻤﺲ
- ﺍﻟﻴﻮﻡ ﺍﻛﻮ ﻏﺪﻩ ﻟﻮ ﺍﺗﻐﺪﻩ ﺑﻴﺞ
- ﻻ ﻻ ﻃﺎﺑﺨﻪ ﻭﻣﻜﻤﻠﻪ
- ﺣﺮﺭﺭﺍﻣﺎﺍﺕ
- ﻫﻬﻬﻪ
ﺗﺘﻐﺪﻩ ﺍﺻﺐ
- ﺧﻞ ﺍﺑﺪﻝ ﻭﺍﺟﻲ
- ﺭﺍﺡ ﺍﺻﺐ ﻋﻠﻤﺎ ﻳﺒﺮﺩ ﺍﻷﻛﻞ
- ﻳﻠﻪ ﺻﺒﻲ
ﺭﺍﺡ ﺑﺪﻝ ﻭﻛﻤﻞ ﺍﺟﻪ ﻭﻇﻠﻴﻨﻪ ﻧﺘﻐﺪﻩ . . ﻋﻴﻮﻧﻪ ﺗﺘﺄﻣﻠﻨﻲ ﺑﻔﺮﺡ ﻳﺒﺎﻭﻋﻨﻲ ﻣﺒﺘﺴﻢ ﻭﻧﻈﺮﺍﺗﻪ ﺣﻠﻮﻩ .. ﺃﺑﺎﻭﻋﻠﻪ ﻭﺃﺩﻧﮓ ﺁﻛﻞ ﻭﻫﻮَ ﻳﻀﺤﻚ ﻣﻦ ﺍﺩﻧﮓ .
ﻛﻤﻠﻨﻪ .. ﻟﻤﻴﺖ ﺍﻟﻤﻮﺍﻋﻴﻦ ﻭﺻﺒﻴﺖ ﺍﻟﭽﺎﻱ ﻳﺸﺮﺏ ﻭﻳﺒﺎﻭﻉ ﺑﺮﺍﺣﻪ ﺳﺄﻟﻨﻲ
- ﻣﺮﺗﺎﺣﻪ ﻫﻨﺎ
ﺟﺎﻭﺑﺖ ﺑﻔﺮﺡ
- ﺍﻳﻴﻴﻴﻲ ﻛﻠﺶ ﻣﺮﺗﺎﺣﻪ
- ﺩﺍﺷﻮﻑ ﺍﻟﻔﺮﺣﻪ ﺗﻠﻤﻊ ﺑﻌﻴﻮﻧﺞ ﻟﻮ ﺃﺩﺭﻱ ﻣﻦ ﺯﻣﺎﻥ ﻋﺎﺯﻟﻴﻦ
- ﻫﻬﻬﻪ ﺑﻌﺪ ﺻﺎﺭﺕ ﻫﺴﻪ ﻭﻣﺮﺗﺎﺣﻪ ﺣﻴﻴﻞ
- ﺍﻟﻠﻪ ﻳﺪﻳﻤﻬﻪ
- ﺍﻥ ﺷﺎﺀ ﺍﻟﻠﻪ
ﺩﺧﻞ ﻟﻠﻐﺮﻓﻪ ﻭﺍﻧﻲ ﻳﻤﻪ .. ﻃﻠّﻊ ﺍﻻﻭﺭﺍﻕ
- ﺛُﺮﻯٰ ﻗﻠﻢ ﻣﻦ ﻳﻤﺞ
ﻃﻔﺮﺕ ﺟﺒﺘﻠﻪ ﺍﻟﻘﻠﻢ ﻭﺑﻘﻪ ﻳﺼﺤﺢ .. ﺍﻧﻲ ﻃﻠﻌﺖ ﻋﻠﻰ ﺍﻟﻤﻄﺒﺦ ﺳﻮﻳﺖ ﻛﻨﺎﻓﺔ ﺑﺎﻟﺠﺒﻦ ﻟﻠﻌﺼﺮ .. ﺗﻮﻧﻲ ﺍﺣﻂ ﺍﻟﻄﺒﻘﻪ ﺍﻟﺜﺎﻧﻴﻪ ﻭﺳﻤﻌﺖ ﺻﻮﺗﻪ ﻳﺼﻴﺢ ﺑﺄﺳﻤﻲ
- ﺛُﺮﺭﺭﺭﺭﻯٰ
.. ﺛُﺮﺭﺭﺭﺭﺭﺭﻯٰ ﻭﻳﻨﺠﺠﺠﺞ
ﻓﺘﺤﺖ ﺍﻟﺒﺎﺏ ﻭﺩﺧﻠﺖ .. ﻳﻬﺰ ﺑﺮﺟﻠﻪ ﻭﻋﺎﮔﺪ ﺣﻮﺍﺟﺒﻪ ﻋﺼﺒﻲ
- ﻫــﺎﺍ
ﺃﺷﺮﻟﻲ ﻋﻠﻰ ﻣﻜﺎﻥ ﻳﻤﻪ ﺭﺣﺖ ﻭﻛﻌﺪﺕ ﺑﻴﻪ .. ﺑﺎﻭﻋﻠﻲ ﺑﺨﺰﺭﻩ ﻭﻧﺘﺮ -:
- ﺷﻨﻮ ﻫﺬﺍ؟؟
- ﺷﻨﻮﻭ؟؟
- ﺑﺎﻋﻲ ﺛُﺮﻯٰ ﺑﺎﺍﺍﻋﻲ ﻫﺬﺍ ﺣﻞ ﻃﺎﻟﺒﺔ ﻫﺬﺫﺍﺍﺍ
ﻳﺄﺷﺮ ﻋﻠﻰ ﺍﻟﻮﺭﻗﻪ ﺑﻌﺼﺒﻴﻪ ﻭﻳﻀﺮﺏ ﺑﻴﻬﻪ ﺑﺎﻟﻘﻠﻢ ﺳﺄﻟﺘﻪ ﺑﺈﺳﺘﻐﺮﺍﺏ -:
- ﺷﻨﻮ ﺷﺒﻴﻴﻪ؟
- ﻟﺘﺴﺄﻟﻴﻨﻴﻲ ﺷﺒﻴﻴﻴﻪ ﺑﺲ ﺑﺎﻋﻴﻠﻪ ﻭﺍﻧﺖِ ﺗﻌﺮﻓﻴﻦ ﺷﺸﺒﻴﻴﻪ
ﺑﺎﻭﻋﺖ ﻟﻠﺤﻞ ﻣﺎﻟﺘﻲ ﻭﺑﺎﻭﻋﺘﻠﻪ ﻳﺨﺰﺭﻧﻲ ﺑﻐﻀﺐ ﻭﻋﻴﻮﻧﻪ ﺷﺮﺍﺭ .. ﺻﻔﻨﺖ ﺑﻴﻪ ﺑﻨﻈﺮﺓ ﺣﻨﺎﻥ ﻭﻫﻤﺴﺖ ﺑﻬﺪﻭﺀ -:
- ﺷﺒﻴﻚ ﻋﺼﺒﻲ
- ﺣﺘﺨﺒﻠﻴﻨﻴﻲ ﻫﺴﺴﻪ ﺷﺄﺳﻮﻱ ﺑﻬﺬﺍ ﺍﻟﺤﻞ ﺑﺲ ﻓﻬﻤﻴﻨﻴﻲ
- ﺍﻧﻲ ﻗﺮﻳﺖ ﻭﺍﻟﻠﻪ
- ﺛُﺮﻯٰ ﺗﺪﺭﻳﻦ ﺑﻴﻪ ﻣﺎﺍﺣﺐ ﺍﻟﻮﺍﺳﻄﺎﺕ ﻭﻣﺎﺍﺣﺐ ﺍﺳﺎﻋﺪ ﺍﺣﺪ ﺍﻧﺖِ ﻫﺴﻪ ﺣﺎﻟﺞ ﺣﺎﻝ ﻃﻼﺑﻲ ﻭﻫﺎﻱ ﻭﺭﻗﺘﺞ ﺍﺻﺤﺤﻬﻪ ﺣﺴﺐ ﺍﻟﺤﻞ ﺍﻟﺼﺤﻴﺢ
ﺃﺭﺩﻑ
- ﻭﻟﻮ ﻣﺎﻛﻮ ﺷﻲ ﺻﺤﻴﺢ ﺑﺲ ﺍﻧﻄﻴﺞ ﺩﺭﺟﻪ ﻋﻠﻰ ﺍﺳﻤﺞ
- ﻣﺎﺍﻫﺮ ﺣﺒﺎﺍﺍﺏ ﻏﻴﺮ ﺗﻌﺒﺎﻧﻪ ﻭﺣﺎﻣﻞ .. ﻣﻦ ﻭﺭﻩ ﺍﺑﻨﻚ ﻣﺎﺭﻛﺰﺕ ﺯﻳﻦ
- ﺍﻳﺒﺎﺍﻩ ﺍﺑﻨﻲ ﺷﻌﻠﻴﻪ ﺗﻄﻠﻌﻴﻦ ﺣﺠﺘﺞ ﺑﻴﻪ
- ﻏﻴﺮ ﻫﻮَ ﻣﺘﻌﺒﻨﻲ ﻭﻣﻨﺎ ﺍﻧﺖَ ﻭﻳﺎﻩ
- ﻣﺎﻛﻮﻭﻭ ﺣﺠﺞ ﻫﺎ ﺃﻫــﺎ ﻫﺎﻱ ﻭﺭﻗﺘﺞ ﺑﺲ 3 ﺩﺭﺟﺎﺕ
ﺃﺷﺮ ﻋﻠﻰ ﻭﺭﻗﺘﻲ ﻭﻛﺘﺐ ﺍﻟﺪﺭﺟﻪ ﻭﻭﻗﻊ .. ﺍﻧﺘﻔﻀﺖ
- ﻳﻴﺤﺢ ﻭﺍﻟﻠﻪ ﻓﺸﻠﻪ ﺯﻭﺟﺔ ﺩﻛﺘﻮﺭ ﻣﺎﻫﺮ ﻫﻴﺞ ﺗﺎﺧﺬ ﺣﺒﺎﺍﺏ ﻣﺎﻫﺮ ﻓﺪﺩﻭﻩ ﺑﺲ ﻫﺎﻟﻤﺮﻩ ﻭﺑﻌﺪ ﺍﻟﺘﻮﺑﺔ ﻳﺰﻧﻮﺑﻪ
- ﭼﺆﺅ ﭼﺆﺅ ﻋﻮﺩ ﺍﻗﺮﻱ ﺯﻳﻦ ﺑﺎﻟﺸﻬﺮ ﺍﻟﻠﺦ
- ﻻ ﻭﺍﻟﻠﻪ ﻣﺎﮔﺎﻳﻞ ﺷﻲ
- ﺍﻧﻲ ﺍﺩﺭﺳﺞ ﻉ ﺍﻟﺸﻬﺮ ﺍﻟﺠﺎﻱ
- ﻣﺎﺍﺭﻳﺪ .. ﺍﺻﻼً ﺑﻌﺪ ﻣﺎﺍﻣﺘﺤﻦ ﻫﺎﻱ ﻫﻴﻪ ﺑﻄﻠﺖ
- ﺍﻫﻮﻭﻭ ﺛُﺮﺭﻯٰ ﻟﺘﺴﻮﻳﻦ ﻫﻴﺞ ﻣﺎﺍﮔﺪﺭ ﺍﻧﺠﺤﺞ ﻭﺍﻧﺖِ ﻛﻠﺸﻲ ﻣﺤﺎﻟّﻪ ﺣﺘﻰ ﺣﺮﺍﻡ ﻋﻠﻴﻪ
- ﺍﻱ ﻫﺎﻱ ﻫﻴﻪ ﻣﺎﻛﻠﺖ ﺷﻲ ﺍﻧﻲ
- ﺻﺪﻙ ﻋﻮﺩ ﺑﻌﺪ ﻣﺘﺪﺍﻭﻣﻴﻦ؟
- ﺍﻱ ﺻﺪﻙ ﻗﺎﺑﻞ ﺟﺬﺏ
- ﺛُﺮﺭﻯٰ ﺍﺫﺍ ﻣﺪﺍﻭﻣﺘﻲ ﺑﻌﺪ ﺗﻨﺴﻴﻦ ﺍﻟﻜﻠﻴﻪ ﺧﻞ ﺍﺯﻳﺪﺝ ﻣﻦ ﺍﻟﺸﻌﺮ ﺑﻴﺖ
- ﺍﻱ ﻣﻴﺨﺎﻟﻒ
- ﺑﻜﻴﻔﺞ ﻗﺎﺑﻞ ﺍﺟﺒﺮﺝ
- ﻻ ﺷﻨﻮ ﺗﺠﺒﺮﻧﻲ ﻋﻠﻴﻤﻦ
- ﺗﻤﺎﻡ
ﻭﮔﻔﺖ ﺍﺭﻳﺪ ﺍﻃﻠﻊ ﻭﻫﻤﺴﺖ ﺑﺼﻮﺕ ﻣﺴﻤﻮﻉ ﺑﺲ ﻧﺎﺻﻲ -:
- ﻫﺎﻱ ﻋﻮﺩ ﻣﺮﺗﻪ ﻫــﻪ !
ﻣﻦ ﺳﻮﻳﺖ ﻫﻴﺞ ﻭﮔﻒ .. ﻇﻞ ﻳﺸﻴﻞ ﺑﺮﻭﺣﻪ ﻣﻦ ﺍﻟﻌﺼﺒﻴﻪ ﻭﻳﻌﻴﻂ ﻳﺄﺷﺮ ﺑﺈﻳﺪﻳﻪ ﻭﺷﺮﺍﻳﻴﻨﻪ ﻛﻠﻬﻪ ﺑﺮﺯﺕ
- ﻣﺮﺗﺘﻴﻲ ؟؟ ﻭﺍﺫﺍ ﻣﺮﺗﺘﻴﻴﻲ ﻳﻌﻨﻲ ﺗﻀﺮﺑﻴﻦ ﻉ ﺍﻟﻮﺗﺮ ﺍﻟﺤﺴﺎﺱ ﻣﻦ ﺗﺴﻮﻳﻦ ﻫﻴﺞ ﻛﺘﻠﺞ ﻣﻦ ﺗﻮﺻﻞ ﻟﻠﻜﻠﻴﻪ ﺍﻧﺖِ ﻃﺎﺍﻟﺒﺔﺓﺓﺓ ﺍﻓﻬﻤﻴﻬﻪ ﻃﺎﺍﺍﻟﺒﺔﺓﺓ ﻳﻌﻨﻲ ﺍﻟﻠﻪ ﻳﻘﺒﻠﻬﻪ ﺍﻧﻄﻴﺞ ﺩﺭﺟﺔ ﻧﺠﺎﺡ ﻭﺍﻧﺖِ ﻛﻠﻪ ﺧﻄﺄ ﻭﺍﻧﻄﻲ ﻟﻄﺎﻟﺐ ﺗﻌﺒﺎﻥ ﻭﻛﻠﻪ ﺻﺢ ﻋﻨﺪﻩ ﻣﺜﻞ ﺩﺭﺟﺘﺞ
- ﺍﻱ ﺍﻱ ﻓﻬﻤﺖ ﻫﺎﻱ ﻫﻴﻪ
- ﺛُﺮﺭﺭﻯٰ ﺭﺟﺎﺍﺀً ﺍﻟﺒﻴﺖ ﺷﻲ ﻭﺍﻟﻜﻠﻴﻪ ﺷﻲ ﺛﺎﻧﻲ ﻟﺘﺮﺑﻄﻴﻦ ﺑﻴﻦ ﺍﻟﻜﻠﻴﻪ ﻭﺍﻟﺒﻴﺖ
- ﺍﺫﺍ ﻣﺎﺍﺭﺑﻂ ﺟﺎ ﻟﻴﺶ ﺻﺤﺘﻨﻲ ﺧﻮ ﺻﺤﺢ ﻭﻣﻦ ﺍﺩﺍﻭﻡ ﺑﺎﻟﻜﻠﻴﻪ ﺍﻧﻄﻴﻨﻲ ﺍﻟﻨﺘﻴﺠﻪ ﺣﺎﻟﻚ ﺣﺎﻝ ﺍﻟﺪﻛﺎﺗﺮﻩ
ﺳﻜﺖ ﻭﻳﺨﺰﺭﻧﻲ ﺑﻐﻀﺐ ﻳﺰﺃﺭ ﻋﻠﻴﻪ ﺯﺃﺭ ﻭﻳﻨﺎﻓﺦ ﻳﺮﻳﺪ ﻳﻔﺘﺮﺳﻨﻲ ﻻﻥ ﻣﺎﻋﻨﺪﻩ ﻛﻼﻡ ﻳﺤﭽﻴﻪ .
ﻋﻴﻮﻧﻪ ﺑﻌﻴﻮﻧﻲ ﻭﻣﺨﻨﺰﺭ ﺍﻧﻲ ﺩﻧﮕﺖ ﻻﻥ ﺍﺣﺲ ﻋﻴﻮﻧﻪ ﻣﺪﺧﻨﻪ .. ﺩﺍﺭ ﻭﺟﻬﻪ ﻋﻨﻲ ﻭﺿﺮﺏ ﺍﻟﻤﻴﺰ ﺑﺮﺟﻠﻪ .. ﻟﻢ ﺍﻻﻭﺭﺍﻕ ﺑﻌﺼﺒﻴﻪ ﻋﻔﺴﻬﻦ ﻭﺿﻤﻬﻦ ﺑﺎﻟﺠﻨﻄﻪ ﻭﺳﺪﺍﻫﻪ ﺷﻤﺮ ﺍﻟﻘﻠﻢ ﺣﻴﻞ ﻭﻃﻠﻊ ﺑﺮﻩ .
ﺭﺣﺖ ﻛﻤﻠﺖ ﺍﻟﻜﻨﺎﻓﻪ ﺑﺮﺩﺗﻬﻪ ﻭﻧﻤﺖ ﺷﻮﻳﻪ .. ﻟﻠﻌﺼﺮ ﺳﻮﻳﺖ ﭼﺎﻱ ﻭﻫﻮَ ﺑﻌﺪﻩ ﻣﺎﺻﺎﻋﺪ ﺷﻌﻨﺪﻩ ﺟﻮﻩ ﺷﻮ ﻃﻮﻝ .
ﺧﻠﻴﺖ ﻛﻴﻚ ﻭﻛﻨﺎﻓﻪ ﺑﺼﻴﻨﻴﻪ ﻭﻧﺰﻟﺖ ﻟﻜﻴﺘﻬﻢ ﻛﺎﻋﺪﻳﻦ ﺑﺎﻟﺼﺎﻟﻪ ﻳﺴﻮﻟﻔﻮﻥ .. ﺭﺣﺖ ﻟﻠﻤﻄﺒﺦ ﺻﺒﻴﺖ ﺍﻟﺠﺎﻱ ﻭﻗﺪﻣﺖ .. ﻫﻮَ ﺁﻛﻞ ﺑﺲ ﻣﻦ ﺍﻟﻜﻨﺎﻓﻪ ﻭﻇﻞ ﻛﻠﺴﺎﻉ ﻳﺎﺧﺬ ﻣﻨﻬﻪ ﻣﺒﻴﻦ ﻋﺠﺒﻪ ﺍﻟﻄﻌﻢ .. ﻃﻮﻝ ﻣﺎﺍﺣﻨﻪ ﻛﺎﻋﺪﻳﻦ ﻣﺎﻳﺒﺎﻭﻉ ﻋﻠﻴﻪ ﻭﻣﺎﺩﺍﻳﺮﻟﻲ ﺑﺎﻝ .
ﻇﻠﻴﻨﻪ ﻧﺴﻮﻟﻒ ﺍﻧﻲ ﻭﻣﻮﺝ ﻭﺍﻧﺪﻣﺠﺖ ﻧﺴﻴﺘﻪ ﻛﻤﺖ ﻣﺎﺍﺑﺎﻭﻉ ﻋﻠﻴﻪ .. ﺷﻔﺘﻪ ﺑﻄﺮﻑ ﻋﻴﻨﻲ ﻳﺄﺷﺮﻟﻲ ﺑﺲ ﻏﻠﺴﺖ ﻟﻤﺎ ﻭﮔﻒ ﻛﺎﻝ -:
- ﻳﻼ ﺛُﺮﻯٰ ﻛﻮﻣﻲ ﺩﻧﺼﻌﺪ
- ﺧﻠﻴﻨﻲ ﻫﻨﺎ ﺷﻮﻳﻪ
- ﻛﻮﻭﻣﻲ ﻣﺸﺎﻳﻔﻪ ﻣﻮﺝ ﺷﻨﻮ
- ﺍﻱ ﻭﺍﻟﻠﻪ ﻣﺸﺘﺎﻗﺘﻠﻬﻪ
- ﺩﻛﻮﻭﻣﻲ ﻳﺨﺘﻲ ﺍﺭﻳﺪ ﺍﻃﻠﻊ ﺗﺄﺧﺮﺕ
- ﻫﺎﺍ ﺍﻱ ﺍﻱ ﺟﺎﻳﻪ
ﺻﻌﺪﺕ ﻭﻫﻮَ ﻭﺭﺍﻱ ﻳﻤﺸﻲ ﺩﺧﻠﺖ ﻟﻠﻐﺮﻓﻪ ﻛﺎﻝ -:
- ﺣﻀﺮﻳﻠﻲ ﻣﻼﺑﺴﻲ
- ﺷﻨﻮ ﻭﻳﻦ ﺭﺍﻳﺢ
- ﻃﺎﻟﻊ ﻭﻳﻪ ﺍﺻﺪﻗﺎﺋﻲ
- ﺷﺄﺣﻀﺮ ﺭﺳﻤﻲ ﻟﻮ ﻋﺎﺩﻱ
- ﻛﻴﻔﺞ
ﻃﻠﻌﺘﻠﻪ ﺑﻨﻄﺮﻭﻥ ﻭﺗﻴﺸﻴﺮﺕ ﻭﺣﺬﺍﺀ ﺭﻳﺎﺿﻲ ﺧﻞ ﺍﻏﻴﺮ ﻣﻦ ﺍﻟﺴﺘﺎﻳﻞ ﻣﺎﻟﺘﻪ .. ﻛﻤﻞ ﻭﻟﺒﺴﻬﻦ ﺣﻄﻴﺘﻠﻪ ﺍﻟﻌﻄﺮ ﻭﻟﺒﺴﺘﻪ ﺍﻟﺴﺎﻋﻪ ﻣﺜﻞ ﻛﻞ ﻣﺮﻩ .. ﻳﺒﺎﻭﻉ ﻋﻠﻴﻪ ﻭﺍﻧﻲ ﻣﺮﻛﺰﻩ ﺑﺎﻻﺳﻮﻳﻪ .بيج قصص عراقيه حقيقيه من واقعنا.روعه الطائي
ﺗﻘﺮﺏ ﻳﻤﻲ ﻭﻫﻤﺲ -:
- ﻫﺎﻫﻴﻪ ﻛﺎﻓﻲ
ﺍﺑﺘﻌﺪﺕ ﻋﻨﻪ ﻭﺗﺤﻤﺤﻢ .. ﺍﻧﻄﻴﺘﻪ ﺍﻟﺴﻮﻳﺞ ﻭﺍﻟﻤﺤﻔﻈﻪ ﻭﻧﺰﻝ .. ﻋﺰﻟﺖ ﺍﻟﻤﻮﺍﻋﻴﻦ ﺍﻟﺴﻮﻳﺖ ﺑﻴﻬﻦ ﻭﺭﺗﺒﺖ ﺍﻟﻐﺮﻓﻪ ﻭﺭﺣﺖ ﺧﺎﺑﺮﺕ ﺍﻫﻠﻲ ﺍﺗﻄﻤﻦ ﻋﻠﻴﻬﻢ ﺻﺎﺭ ﻫﻮﺍﻱ ﻣﺎﺭﺍﻳﺤﺘﻠﻬﻢ ﺣﻀﺮﺓ ﺍﻟﺪﻛﺘﻮﺭ ﻣﺎﻳﻘﺒﻞ ﻳﻜﻠﻲ ﺧﻠﻴﻬﻪ ﻓﺪ ﻧﻮﺏ ﻟﻤﺎ ﺗﺠﻴﺒﻴﻦ ﻣﺎﻳﺮﻳﺪ ﻳﻀﻴﻌﻠﻪ ﻳﻮﻡ ﺍﻻ ﻭﻳﻌﻮﺿﻪ .بيج قصص عراقيه حقيقيه من واقعنا.روعه الطائي
ﻓﺪﻙ ﺣﺎﻣﻞ ﻭﻣﻬﺪﺩﺓ ﺑﺎﻹﺳﻘﺎﻁ ﺧﻄﻴﻪ ﻭﻣﺤﺘﺎﺭﻳﻦ ﺑﻴﻬﻪ .. ﻇﻞ ﺑﺎﻟﻲ ﻳﻤﻬﻪ ﺍﺭﻳﺪ ﺍﺭﻭﺡ ﺑﺲ ﻣﺘﻔﻘﻴﻦ ﺍﻧﻲ ﻭﻣﺎﻫﺮ ﻳﺨﻠﻴﻨﻲ ﻋﻨﺪ ﺍﻫﻠﻲ ﺷﻬﺮﻳﻦ ﻋﻠﻤﻮﺩ ﻣﺎﺍﺭﻭﺣﻠﻬﻢ ﺑﻬﺎﻟﻔﺘﺮﺓ ﻛﻠﻬﻪ .
ﻟﻠﻐﺮﻭﺏ ﻳﻼ ﺭﺟﻊ .. ﺑﻌﺪﻧﻲ ﻣﺎﻣﻘﺮﺭﻩ ﺷﺄﺳﻮﻱ ﻋﺸﻪ ﻭﺑﻌﺪﻧﻪ ﺗﻮﻧﻪ ﺻﻠﻴﻨﻪ ﺳﺄﻟﺘﻪ ﻣﺎﺑﺒﺎﻟﻪ ﺷﻲ .. ﻃﻠﻌﺖ ﻛﺒﺔ ﺑﺮﻏﻞ ﺗﺎﺭﺳﻪ ﺍﻟﻤﺠﻤﺪﻩ ﻛﻞ ﻓﺘﺮﻩ ﺍﺳﻮﻱ ﻛﻤﻴﺔ ﭼﺒﻴﺮﻩ ﻭﺍﺟﻤﺪﻫﻪ .
ﺗﻮﻧﻲ ﺣﻄﻴﺖ ﺍﻟﺒﺼﻞ ﺍﺣﻤﺴﻪ ﻭﻫﻮَ ﺍﺟﻪ
- ﻣﺒﻘﻪ ﻋﻨﺪﺝ ﻣﻦ ﺍﻟﻜﻨﺎﻓﻪ ﺍﻻﻛﻠﻨﺎﻫﻪ ﺍﻟﻌﺼﺮ ﺷﻮ ﺟﻌﺖ
- ﺍﻛﻮ ﺑﺲ ﺗﺤﺮﻣﻚ ﺍﻟﻌﺸﻪ
- ﻋﺠﺒﻨﻲ ﻃﻌﻤﻬﻪ ﺩﺍﺷﺘﻬﻴﻬﻪ
- ﺍﻱ ﻫﺴﻪ ﺍﺟﻴﺒﻠﻚ
ﻛﻌﺪ ﻉ ﺍﻟﻜﺮﺍﺳﻲ ﻳﺮﺍﻗﺒﻨﻲ ﺷﻠﻮﻥ ﺍﺷﺘﻐﻞ .. ﻃﻠﻌﺘﻬﻪ ﺧﻠﻴﺘﻬﻪ ﺑﻤﺎﻋﻮﻥ ﻭﺍﻧﻄﻴﺘﻬﻴﺎﻩ .. ﻳﺎﻛﻞ ﻭﻳﻄﻠﻊ ﺍﺻﻮﺍﺕ ﻳﺘﻠﺬﺫ ﻭﻳﻤﺪﺡ ﺑﻴﻪ .
- ﻣﻤﻢ ﻋﻠﻤﻲ ﻣﻮﺝ ﻋﻠﻴﻬﻪ ﺧﻄﻴﻪ ﺍﻣﻲ ﺟﻔﺎﻑ ﻋﺪﻫﻢ
- ﺍﻧﻲ ﻣﻦ ﺍﺳﻮﻱ ﺍﻧﺰﻟﻠﻬﻢ ﻣﺎﻋﻮﻥ
- ﺧﺒﻴﺮﺓ ﺑﻌﺪ ﻋﻠﻰ ﻫﺎﻻﻛﻼﺕ ﺭﺍﺡ ﺍﻛﺮﺵ ﻳﺮﺍﺩﻟﻲ ﺍﺟﺪﺩ ﺍﺷﺘﺮﺍﻙ ﺑﺎﻟﺠﻴﻢ
- ﻫﻬﻬﻪ ﺟﺎ ﺍﻧﺖَ ﻣﺎﺗﻠﻌﺐ ﻗﺒﻞ
- ﻻ ﺍﻟﻌﺐ ﺑﺲ ﻣﻦ ﺗﺮﺗﺐ ﺟﺴﻤﻲ ﺗﺮﻛﺘﻪ ﻭﺣﺎﻓﻈﺖ ﻋﻠﻴﻪ ﺑﺲ ﻫﺴﻪ ﺣﺘﺨﺮﺑﻴﻦ ﺟﺴﻤﻲ ﻭﺗﻨﻌﻠﻴﻦ ﺍﺑﻮ ﺍﻟﻌﻀﻼﺕ ﻫﻬﻬﻬﻬﻪ
ﻇﻠﻴﻨﻪ ﻧﺴﻮﻟﻒ ﻭﺍﻧﻲ ﺍﺳﺘﻤﻌﻠﻪ ﻭﺍﻃﺒﺦ ﻫﻮَ ﺍﻧﺪﻣﺞ ﻭﺍﻧﻲ ﻫﻢ ﻧﺴﻴﺖ ﻧﻔﺴﻲ ﻃﻔﻴﺖ ﺍﻟﻄﺒﺎﺥ ﻭﻛﻌﺪﺕ ﻇﻠﻴﻨﻪ ﻧﺴﻮﻟﻒ .. ﺗﺄﺧﺮ ﺍﻟﻮﻗﺖ ﻭﺍﺣﻨﻪ ﻣﺎﻣﺘﻌﺸﻴﻦ ﺑﺲ ﻛﺎﻋﺪﻩ ﻳﻤﻪ .. ﺳﻤﻌﺖ ﺻﻮﺕ ﻣﻮﺝ ﺗﺼﻴﺢ ﺑﺈﺳﻤﻲ ﮔﻤﺘﻠﻬﻪ .
ﻫﺎ ﻣﻮﺟﻪ
ﻣﻮﺝ .. ﺍﮔُﻠﭻ ﺛُﺮﻯٰ ﻣﻌﻨﺪﺝ ﺃﻛﻞ ﻛﻠﺶ ﺟﻮﻋﺎﻧﻪ ﻭﻣﺎﻣﺎ ﻣﻌﺎﻗﺒﺘﻨﻲ
- ﺍﻛﻴﺪ ﻋﻨﺪﻱ ﻫﻼ ﺑﻴﺞ ﺗﻌﺎﻟﻲ ﺗﻌﺎﻟﻲ ﺗﻔﻀﻠﻲ ﺗﻮﻧﻲ ﻛﻤﻠﺖ ﻃﺒﺦ
ﺍﺟﻪ ﻣﺎﻫﺮ ﻣﺴﺘﻐﺮﺏ
- ﺷﻨﻮ ﺷﺼﺎﻳﺮ
ﻣﻮﺝ .. ﻣﺎﻣﺎ ﻣﻌﺎﻗﺒﺘﻨﻲ ﺻﺎﺭ ﻣﻦ ﺍﻟﻌﺼﺮ ﻟﺤﺪ ﻫﺴﻪ ﺗﺮﺯﻝ ﺑﻴﻪ ﻭﻋﺎﻗﺒﺘﻨﻲ ﻣﻠﻴﺖ ﻭﺍﻟﻠﻪ
ﻏﻄﺖ ﻭﺟﻬﻪ ﻭﻇﻠﺖ ﺗﺒﺠﻲ ﻭﺗﺸﻬﮓ ﺍﺟﻪ ﻣﺎﻫﺮ ﻋﻠﻴﻬﻪ ﺭﻓﻊ ﺇﻳﺪﻳﻬﻪ ﻣﻦ ﻭﺟﻬﻪ
- ﺷﻨﻮ ﻋﻠﻴﻤﻦ ﻣﻌﺎﻗﺒﺘﺞ ؟
ﻣﻮﺝ .. ﻻﻥ ﻛﺎﻟﺘﻠﻲ ﻓﺮﻏﻲ ﺍﻟﻤﻲ ﻣﺎﻝ ﺍﻟﺜﻼﺟﻪ ﻭﻧﻈﻔﻴﻬﻪ ﻣﻦ ﺩﺍﺷﻴﻞ ﺍﻟﻤﻲ ﻭﻛﻊ ﻋﻠﻰ ﺭﺍﺳﻬﻪ ﻭﺧﺒﻠﺘﻨﻲ ﺳﺎﻋﻪ ﺗﺮﺯﻟﻨﻲ ﺳﺎﻋﻪ ﺗﻐﻤﻨﻲ .. ﻗﻄﻌﺖ ﻋﻠﻴﻪ ﺍﻟﻨﺖ ﻭﺍﺧﺬﺕ ﻓﻮﻧﻲ ﻭﻫﺴﻪ ﻣﺘﺨﻠﻴﻨﻲ ﺁﻛﻞ ﻭﺍﻧﻲ ﺟﻮﻋﺎﻧﻪ
- ﺗﻌﺎﻟﻲ ﺗﻌﺸﻲ ﻭﺍﻧﻲ ﺍﺗﻔﺎﻫﻢ ﻭﻳﺎﻫﻪ
ﺍﻟﺘﻔﺖ ﻋﻠﻴﻪ ﻭﻳﺤﺠﻲ ﺑﻨﻔﺎﺫ ﺻﺒﺮ
- ﺛُﺮﻯٰ ﻳﻼ ﺻﺒﻲ ﺩﻧﺸﻮﻑ ﺷﻤﺴﻮﻳﻪ ﺍﻣﻴﻴﻲ ﺑﻌﺪﺩﺩ
ﺻﺒﻴﺖ ﺗﻠﺚ ﻣﻮﺍﻋﻴﻦ ﻭﻛﻌﺪﻧﻪ ﻧﺎﻛﻞ ﺑﻬﺪﻭﺀ ﻭﺑﺲ ﺻﻮﺕ ﺷﻬﮕﺔ ﻣﻮﺝ ﻳﻨﺴﻤﻊ ﻣﺎﻫﺮ ﻃﺒﻄﺐ ﻋﻠﻰ ﻇﻬﺮﻫﻪ ﺗﻨﻬﺪ ﻭﻛﺎﻟﻬﻪ -:
- ﻛﺎﻓﻲ ﻟﺘﺒﺠﻴﻦ ﻣﺘﺴﻮﻩ ﺗﻌﺸﻲ ﻋﻮﻓﻲ ﺍﻟﺒﭽﻲ
ﻛﻤﺖ ﺟﺒﺘﻠﻬﻪ ﻛﻠﻨﺲ ﻭﻣﺴﺤﺖ ﻭﺟﻬﻪ .. ﻫﺪﺃﺕ ﺷﻮﻳﻪ ﻭﺗﻌﺸﺖ .. ﻛﻤﻠﻨﻪ ﻭﻣﺎﻫﺮ ﻧﺰﻝ ﻛﺎﻝ ﻟﺤﺪ ﺗﻠﺤﻜﻨﻲ ﻭﺗﻨﺰﻝ .. ﺣﺬﺭﻧﻪ ﻭﺭﺍﺡ ﺷﻮﻳﻪ ﻭﮔﺐ ﺍﻟﺼﻴﺎﺡ ﻟﻌﺐ ﻟﻌﺐ ﻭﺍﻣﻪ ﺗﻠﻌﻠﻊ ﻭﻻ ﺳﻜﺘﺖ ﺳﻤﻌﻨﻪ ﺻﻮﺕ ﻣﺪﺭﻱ ﺷﻨﻮ ﺗﻜﺴﺮ .
ﻣﻮﺝ ﺗﺒﺠﻲ ﻭﺗﺮﺟﻒ ﻻﺯﻣﺘﻨﻲ .. ﻫﻲَ ﺑﺲ ﻳﻌﺼﺐ ﻣﺎﻫﺮ ﺗﻈﻞ ﺗﺮﺟﻒ ﻣﻼﺣﻈﺘﻬﻪ ﻛﻠﻤﺎ ﻳﻌﺼﺐ .. ﺗﺨﺎﻑ ﻣﻨﻪ ﺣﻴﻞ ﺭﻏﻢ ﻫﻮَ ﻻ ﻳﻀﺮﺏ ﻭﻻ ﻳﺴﻮﻱ ﺷﻲ ﺑﺲ ﻳﺮﺯﻝ ﻭﺻﻮﺗﻪ ﺭﻋﻴﺪﻩ ﻣﻦ ﺻﺪﮒ ﻳﺨﻮﻑ .
ﻭﺭﺓ ﺩﻗﺎﻳﻖ ﺻﻌﺪ ﻋﺼﺒﻲ ﻭﻭﺟﻬﻪ ﺍﺣﻤﺮ ﺑﺲ ﮔﺎﻝ ﻟﻤﻮﺝ ﻗﺒﻞ ﻻﻳﺪﺧﻞ ﻟﻠﻐﺮﻓﻪ
- ﻣﻮﺝ ﺍﻧﺰﻟﻲ ﻟﻐﺮﻓﺘﺞ ﻭﺍﺧﺬﻱ ﺃﻱ ﺷﻲ ﺟﻨﺘﻲ ﻣﻌﺎﻗﺒﻪ ﺑﻲ ﻭﺍﺷﻮﻑ ﺷﻠﻮﻥ ﺗﻤﻨﻌﺞ ﻣﻨﻪ
ﻣﻮﺝ .. ﺧﺎﻑ ﻣﺎﻣـ ...
- ﺷﻜﻜﻠﻠﻠﺖ ﺍﻧﻴﻴﻴﻴﻴﻲ
ﻣﻮﺝ .. ﺍﻱ ﺍﻱ ﺭﺍﺍﺍﻳﺤﻪ
ﻧﺰﻟﺖ ﺭﻛﺾ ﻭﺍﻧﻲ ﻇﻠﻴﺖ ﺑﻤﻜﺎﻧﻲ ﻣﺎﺩﺧﻠﺖ ﻭﺭﺍﻩ ﺍﻟﻨﻮﺏ ﺗﺠﻴﻨﻲ ﺭﺯﺍﻟﻪ ﺗﺎﻳﻬﻪ .. ﺧﻠﻴﺘﻪ ﺷﻮﻳﻪ ﻳﻬﺪﺃ ﺭﻛﻀﺖ ﻋﺼﺮﺕ ﻋﺼﻴﺮ ﻃﺒﻴﻌﻲ ﻭﻇﻠﻴﺖ ﺷﻮﻳﻪ ﮔﺎﻋﺪﻩ ﻳﻠﻪ ﺩﺧﻠﺖ ﻟﻠﻐﺮﻓﻪ ﻭﺑﺈﻳﺪﻱ ﺍﻟﻌﺼﻴﺮ .
ﺟﺎﻥ ﻛﺎﻋﺪ ﻋﻠﻰ ﺍﻟﺠﺮﺑﺎﻳﻪ ﻭﻳﻬﺰ ﺑﺮﺟﻠﻪ ﺣﻴﻞ ﻃﺒﻴﻌﺘﻪ ﻣﻦ ﻳﺘﻮﺗﺮ .. ﻗﺪﻣﺘﻠﻪ ﺍﻟﻜﻼﺹ ﺭﻓﻊ ﺭﺍﺳﻪ ﻋﻠﻴﻪ ﺍﺑﺘﺴﻤﺘﻠﻪ ﺭﺩ ﺍﻻﺑﺘﺴﺎﻣﻪ ﻭﺷﺮﺑﻪ ﻛﻠﻪ .. ﻛﺎﻝ -:
- ﺍﻟﻠﻪ ﻣﻌﻮﺿﻨﻲ ﺑﻴﺞ ﺍﻧﻲ
- ﺷﻌﻨﺪﻱ ﻏﻴﺮﻙ ﻣﻦ ﻫﺎﻟﺪﻧﻴﺎ ﺍﻧﺖَ ﻭﺑﺲ .. ﺗﻨﻬﺪﺕ .. ﺧﻄﻴﻪ ﻣﻮﺝ
- ﺍﻣﻲ ﺣﺘﺠﻠﻄﻨﻲ ﺗﺼﺮﻓﺎﺗﻬﻪ ﺻﺎﻳﺮﻩ ﻣﺘﻨﻄﺎﻕ ﺍﻧﻲ ﻟﻮ ﺍﺩﺭﻱ ﺷﻲ ﻳﺴﻮﻩ ﺍﻧﻲ ﺍﻋﺎﻗﺒﻬﻪ ﻟﻤﻮﺝ ﻻﻥ ﺍﻧﻲ ﻣﺮﺑﻴﻬﻪ ﺑﺲ ﻣﺘﺴﻮﻩ ﻻﻥ ﺍﻧﺪﺍﺭ ﻋﻠﻴﻬﻪ ﺍﻟﻤﻲ ﺧﺒﻠﺘﻬﻪ ﻟﻠﺒﻨﻴﻪ ﺣﺘﻰ ﺩﺍﺧﺎﻑ ﻋﻠﻴﻬﻪ ﺗﺮﻭﺡ ﺗﺴﻮﻱ ﺑﻨﻔﺴﻬﻪ ﺷﻲ ﻭﻣﻮﺝ ﻣﺘﺘﺤﻤﻞ
- ﺍﻟﻠﻪ ﻳﻬﺪﻳﻬﻪ ﻋﻠﻴﻬﻪ
ﺍﺑﺘﺴﻢ ﺑﺮﺍﺣﻪ ﻭﮔﻌﺪﻧّﻲ ﻳﻤﻪ ﺣﻂ ﺇﻳﺪﻩ ﻋﻠﻰ ﻛﺘﻔﻲ ﻭﺣﻀﻨﻨﻲ
- ﺗﺪﺭﻳﻦ ﺍﻛﺜﺮ ﺷﻲ ﺍﺣﺒﻪ ﺑﻴﺞ ﻣﻦ ﺍﻋﺼﺐ ﻣﺘﺘﻘﺮﺑﻴﻦ ﻳﻤﻲ ﻭﺗﺴﻜﺘﻴﻦ
ﺍﺑﺘﺴﻤﺖ ﻓﺮﺣﺎﻧﻪ
- ﺩﺍﺗﻌﻠﻖ ﺑﻴﺞ ﺣﻴﻞ ﻣﺪﺍﻛﺪﺭ ﺍﻛﻤﻞ ﺩﻭﺍﻣﻲ ﺍﺭﻳﺪ ﺑﺲ ﻳﺨﻠﺺ ﺍﻟﺪﻭﺍﻡ ﺣﺘﻰ ﺍﺭﺟﻊ ﻟﻠﺒﻴﺖ ﺣﺮﻛﺎﺗﺞ ﻭﺩﻻﻟﺞ ﻭﻟﺒﺴﺞ ﻭﺍﻫﺘﻤﺎﻣﺞ ﻣﺪﺍﻛﺪﺭ ﺍﻋﻮﻓﺠﺠﺞ
ﺣﻄﻴﺖ ﺭﺍﺳﻲ ﻋﻠﻰ ﻛﺘﻔﻪ ﺭﺍﺿﻴﻪ ﻋﻦ ﻧﻔﺴﻲ
- ﻣﺎﻫﺮ ﻫﻢ ﻳﺠﻲ ﻳﻮﻡ ﻭﺗﺘﻨﺪﻡ ﻻﻥ ﺗﺰﻭﺟﺘﻨﻲ
- ﻣﺴﺘﺘﺤﻴﻞ ﺍﻧﻲ ﻣﻦ ﺍﺧﺬﺗﺞ ﺍﻋﺮﻓﺞ ﺷﻨﻮ .. ﺍﻧﻲ ﺑﻴﻪ ﻃﺒﻴﻌﻪ ﻣﻦ ﺍﻋﺎﺷﺮ ﺍﻟﺸﺨﺺ ﺍﻋﺮﻓﻪ ﻭﺍﻋﺮﻑ ﻃﺒﻴﻌﺘﻪ ﺑﺲ ﺍﻧﺖِ ﺣﻴﺮﺗﻴﻨﻲ ﻣﺮﺍﺕ ﺷﺨﺼﻴﺘﺞ ﻣﺨﺘﻠﻔﻪ ﺭﻏﻢ ﻫﺬﺍ ﻗﻔﻠﺖ ﻋﻠﻴﺞ ﻭﺍﺧﺬﺗﺞ ﻣﻮ ﻣﺎﻫﺮ ﻳﻌﻮﻑ ﺣﺒﻴﺒﺘﻪ ﺗﺮﻭﺡ ﻟﻐﻴﺮﻩ
- ﺍﻣﻤﻢ
- ﺍﻱ ﻭﺩﺍﻋﺖ ﻋﻴﻮﻧﺞ ﺍﻟﻲ ﻣﻦ ﺍﺷﻮﻓﻬﻦ ﺍﻧﺴﻰ ﺃﻣﻲ
- ﻫﻬﻬﻬﻪ ﺍﻣﻚ ﺧﻮ ﺍﺑﻮﻙ
- ﺍﺑﻮﻳﻪ ﺑﻌﻴﺪ ﺑﺲ ﺍﻣﻲ ﻗﺮﻳﺒﻪ ﻫﻬﻬﻬﻪ
ﻇﻠﻴﻨﻪ ﻧﻄﻠﻊ ﻓﻴﺪﻳﻮﺍﺕ ﻭﻧﻀﺤﻚ ﻋﻠﻴﻬﻪ ﻟﻮ ﻧﺸﻮﻑ ﻓﻠﻢ .. ﻛﻤﺖ ﻛﻮﻳﺖ ﻣﻼﺑﺴﻪ ﻣﺎﻝ ﺍﻟﺪﻭﺍﻡ ﺣﺘﻰ ﺍﻟﺠﻮﺍﺭﻳﺐ ﻻﺯﻡ ﺍﻃﮕﻬﻦ ﺍﻭﺗﻲ .. ﻫﻮَ ﻧﺎﻡ ﻭﺍﻧﻲ ﺑﻌﺪﻧﻲ ﻣﺎﻣﻜﻤﻠﻪ ﺗﺄﺧﺮﺕ ﺣﻴﻞ ﺑﺎﻟﮕﻮﻩ ﺧﻠﺼﺖ .. ﻋﻠﻜﺖ ﺍﻟﻤﻼﺑﺲ ﻭﺣﻀﺮﺕ ﺟﻮﺍﺭﻳﺒﻪ ﻭﺳﺎﻋﺘﻪ ﻭﺍﻟﻌﻄﺮ ﻛﻠﻬﻦ ﻋﻠﻰ ﺟﻬﻪ ﻭﺍﺟﻴﺖ ﺗﻤﺪﺩﺕ ﻳﻤﻪ .
ﺣﻀﻨﻨﻲ ﻭﺩﻓﻦ ﺭﺍﺳﻪ ﺑﺮﻛﺒﺘﻲ ﻳﻼ ﻧﺎﻡ .. ﺗﻌﻮﺩﺕ ﻣﺎﺍﻧﺎﻡ ﺍﻻ ﺑﺤﻀﻨﻪ ﻭﻫﻮَ ﻫﻢ .
ﺍﻟﺼﺒﺢ ﻛﻤﺖ ﺣﻀﺮﺕ ﺍﻟﺮﻳﻮﮒ ﻭﺍﻧﻄﻴﺘﻪ ﻣﻼﺑﺴﻪ ﻭﻟﺒﺴﺘﻪ ﺍﻟﺴﺎﻋﻪ ﻭﺍﻟﺮﺑﻄﻪ ﺫﻧﻲ ﻛﻠﻬﻦ ﺍﻧﻲ ﺍﻫﺘﻢ ﺑﻴﻬﻦ ﺣﺘﻰ ﺣﺬﺍﺋﻪ ﺍﻟﺒﺴﻬﻴﺎﻩ .
ﺑﺎﺳﻨﻲ ﻣﻦ ﺭﺍﺳﻲ ﻭﻃﻠﻊ ﻟﻠﺪﻭﺍﻡ .
ﻣﺮ ﻛﻢ ﺇﺳﺒﻮﻉ ﻭﺍﻧﻲ ﻳﻮﻣﻴﻪ ﺍﺭﻭﺡ ﻟﻠﻜﻠﻴﻪ ﺃﻣﺘﺤﻦ ﺍﻟﺸﻬﺮ ﺍﻟﺜﺎﻧﻲ .. ﺍﻣﺘﺤﻨﺖ ﻛﻢ ﺇﻣﺘﺤﺎﻥ ﻭﺍﺳﺘﻠﻤﺖ ﻧﺘﺎﺋﺞ ﺍﻟﺸﻬﺮ ﺍﻷﻭﻝ ﻛﻠﻬﻦ ﻧﺎﺟﺤﻪ ﺑﺲ ﺑﺪﺭﺱ ﻣﺎﻫﺮ .. ﺑﺎﭼﺮ ﺇﻣﺘﺤﺎﻧﻲ ﺑﻤﺎﺩﺗﻪ ﻭﺁﻧﻲ ﻣﺤﺘﺎﺭﺓ ﺷﻠﻮﻥ ﺑﻴﻪ .
ﺭﺟﻌﻨﻪ ﺍﻧﻲ ﻭﻳﺎﻩ ﺑﺎﻟﺴﻴﺎﺭﻩ ﻭﻛﺘﻠﻪ -:
- ﻣﺎﻫﺮ ﺑﻜﻞ ﺍﻟﻤﻮﺍﺩ ﻧﺎﺟﺤﻪ ﺑﺲ ﺑﻤﺎﺩﺗﻚ
- ﺍﻧﺖِ ﻣﺘﻘﺮﻳﻦ ﺯﻳﻦ
- ﻻ ﻭﺍﻟﻠﻪ ﺃﺳﺌﻠﺘﻚ ﺗﻜﺴﻴﺮ
- ﻫﻬﻪ ﺗﻮﭺ ﺷﻔﺘﻴﻬﻪ
- ﺷﻠﻮﻥ ﺇﺫﺍ ﺭﺳﺒﺖ ﺍﻟﺸﻬﺮ ﺍﻟﺜﺎﻧﻲ
- ﺑﺲ ﻧﻮﺻﻞ ﺣﺪﺭﺳﺞ ﻣﻨﺎ ﻟﻤﺎ ﺍﺧﻠﻴﺞ ﺗﻜﺮﺯﻳﻦ ﺍﻟﻤﺎﺩﺓ
- ﺻﺪﺩﺩﮔﮕﮓ
- ﺍﻱ ﻭﺩﺍﻋﺘﭻ
ﻭﺻﻠﻨﻪ ﻟﻠﺒﻴﺖ ﺗﻐﺪﻳﻨﻪ ﻭﻧﻤﻨﻪ ﺷﻮﻳﻪ ﻭﻟﺰﻣﻨﻲ ﻗﺮﺍﻳﺔ ﻣﻨﺎ ﻟﻠﻴﻞ . ﺍﺧﺮ ﺷﻲ ﻃﻔﻴﺖ ﻇﻠﻴﺖ ﺍﺑﺎﻭﻉ ﺑﻲ ﻭﻫﻮَ ﻳﺸﺮﺡ .. ﺗﻘﺮﺏ ﻋﻀﻨﻲ ﻣﻦ ﺧﺪﻱ ﺑﺨﻔﻪ ﻭﺩﺣﻜﻨﻲ ﺑﻤﺘﻨﻲ
- ﺭﻛﺰﺯﺯﻱ
ﺩﻧﮕﺖ ﺭﺍﺳﻲ ﻭﻏﻤﻀﺖ .. ﻧﺰﻟﺖ ﻛﺬﻟﺘﻲ ﻋﻠﻰ ﻋﻴﻮﻧﻲ ﺭﻓﻌﻬﻪ ﻭﺿﺤﻚ
- ﻟﺞ ﺷﺒﻴﺞ
- ﻣﺎﻫﺮ ﻧﻌﺴﺖ
- ﻳﻠﻪ ﻳﻠﻪ ﻛﻮﻣﻲ ﻧﺎﻣﻲ ﺧﻞ ﺍﺧﻠﻲ ﺍﻻﺳﺌﻠﻪ
- ﻻﺍﺍﺍ ﻣﺎﺍﻧﺎﻡ ﺧﻠﻴﻬﻪ ﻫﺴﻪ ﻣﻘﺎﺑﻴﻠﻲ
- ﻫﻬﻬﻬﻪ ﻭﻳﻦ ﻻﮔﻴﺘﻬﻪ ﻫﺎﻱ
- ﻣـﺎﺍ ﻣﺎﺍﮔﻮﻡ
ﺍﺟﻴﺖ ﻭﮔﻌﺪﺕ ﺑﺤﻀﻨﻪ .. ﭼﻠﺒﺖ ﺇﻳﺪﻳﻪ ﺑﺮﮔﺒﺘﻪ ﻭﻇﻠﻴﺖ ﺍﻃﺒﻊ ﺑﻮﺳﺎﺕ ﺧﻔﻴﻔﻪ ﻋﻠﻰ ﻟﺤﻴﺘﻪ ﻭﺭﻛﺒﺘﻪ ﻭﺍﺿﺤﻚ ﻫﻮَ ﻭﻛﻒ ﺑﻴﻪ ﻭﺍﻧﻲ ﻣﭽﻠﺒﻪ ﻣﺎﺍﺭﻳﺪ ﺍﻧﺰﻝ .. ﺷﻤﺮﻧﻲ ﻉ ﺍﻟﭽﺮﺑﺎﻳﻪ ﻟﻔﻠﻔﻨﻲ ﺑﺎﻟﺪﻳﺒﺎﺝ ﻭﺻﻮﺕ ﺿﺤﻜﻪ ﺍﻟﻌﺎﻟﻲ ﺗﺎﺭﺱ ﺍﻟﻤﻜﺎﻥ .. ﺧﻼﻧﻲ ﻣﺎﺍﻧﺪﻝ ﺩﺭﺑﻲ ﺍﺭﻳﺪ ﺍﺷﻮﻑ ﻭﻳﻦ ﺭﺍﺱ ﺍﻟﺪﻳﺒﺎﺝ ﻣﺎﻛﻮ .. ﻭﺧﺮﺕ ﺍﻟﺪﻳﺒﺎﺝ ﺑﺼﻌﻮﺑﺔ ﻟﻜﻴﺘﻪ ﻣﺎﻫﻮَ ﺑﺎﻟﻐﺮﻓﻪ .
ﺿﺤﻜﺖ ﻭﻧﻤﺖ ﺧﻠﻴﻪ ﻳﺨﻠﻲ ﺍﻻﺳﺌﻠﻪ ﺧﻄﻴﻪ ﺗﺄﺧﺮ ﺍﻟﻮﻗﺖ .. ﺑﺎﻟﻠﻴﻞ ﺣﺴﻴﺖ ﺑﺤﻀﻨﻪ ﻣﻦ ﺣﻀﻨﻲ ﺑﺎﺩﻟﺘﻪ ﻭﻧﻤﺖ
ﺛﺎﻧﻲ ﻳﻮﻡ ﻛﻌﺪﺕ ﻧﻔﺲ ﺍﻟﺮﻭﺗﻴﻦ ﺳﻮﻳﺖ ﺍﻟﺮﻳﻮﻙ ﻭﺑﺪﻟﻨﻪ .. ﻣﻦ ﻃﻠﻌﻨﻪ ﺳﺄﻟﺘﻪ -:
- ﺷﻠﻮﻧﻬﻪ ﺍﻻﺳﺌﻠﻪ
ﻏﻤﺰﻟﻲ
- ﻗﺒﻞ ﻻﺃﺧﻠﻴﻬﻪ .. ﺍﻧﺖِ ﺑﺤﻀﻨﻲ ﻭﻳﻤﺞ ﺍﻟﺤﺴﺎﺏ
- ﻫﻬﻬﻪ ﺍﺫﺍ ﺑﻴﻬﻪ ﺍﻧﻲ ﻳﻌﻨﻲ ﺗﻜﺴﺴﺮ ﻻﻥ ﺗﺮﻳﺪﻧﻲ ﺍﺭﺳﺐ
- ﻋﻠﻰٰ ﻫﺎﻟﻘﺮﺍﻳﺔ ﺍﺫﺍ ﻣﻮ ﺩﺭﺟﺔ ﻛﺎﻣﻠﺔ ﺍﺯﻳﻨﭻ ﺻﻔﺮ ﻫﻬﻬﻬﻪ
- ﮔﻮﺭﻙ ﻣﻦ ﮔﻮﺭ ﺷﻌﺮﻱ
- ﻫﻬﻬﻬﻪ ﻻﻥ ﺗﺤﺒﻴﻪ ﺍﻋﺎﻗﺒﺞ ﺑﻴﻪ
ﻭﺻﻠﻨﻪ ﻟﻠﻜﻠﻴﻪ ﻭﺍﻧﺼﺪﻣﺖ ﺑﺎﻻﺳﺌﻠﻪ ﻛﻠﺶ ﺳﻬﻠﻪ ﺣﻠﻴﺖ ﺑﺴﻬﻮﻟﺔ ﻭﺳﻠﻤﺖ ﺍﻟﻮﺭﻗﺔ ﻳﺒﺎﻭﻋﻠﻲ ﻳﻀﺤﻚ ﻭﻳﻐﻤﺰﻟﻲ .. ﻛﻤﻠﻨﻪ ﻭﺭﺟﻌﻨﻪ ﻟﻠﺒﻴﺖ .. ﻇﻞ ﻳﺼﺤﺢ ﺍﻻﻭﺭﺍﻕ ﻋﻠﻤﺎ ﻳﻜﻤﻞ ﺍﻟﻐﺪﻩ..بيج قصص عراقيه حقيقيه من واقعنا.روعه الطائي
- ﻳﻠﻪ ﻣﺎﻫﺮ ﺭﺍﺡ ﺍﺻﺐ ﺍﺟﻲ ﺍﻟﮕﺎﻙ ﻣﺼﺤﺢ ﻭﺭﻗﺘﻲ
- ﺩﻳﻠﻪ ﺍﻧﻲ ﻫﻢ ﺟﻌﺖ
ﺭﺣﺖ ﺻﺒﻴﺖ ﻭﺧﻠﻴﺘﻪ ﻳﺒﺮﺩ .. ﺍﺟﻴﺖ ﻳﻤﻪ ﺿﻢ ﻭﺭﻗﺘﻲ ﻭﺭﻩ ﻇﻬﺮﻩ
- ﺗﻮﻗﻌﻲ ﺷﻜﺪﺩ
- ﺍﻣﻤﻢ ﺩﺭﺟﺔ ﻛﺎﻣﻠﻪ ؟؟
- ﺻﺤﻴﺢ ﻣﺎﺧﺬﻩ ﺩﺭﺟﻪ ﻛﺎﻣﻠﻪ
ﻇﻠﻴﺖ ﺍﻃﻔﺮ ﻣﻦ ﺍﻟﻔﺮﺡ ﻣﺎﻣﺼﺪﻛﻪ ﻭﺍﺿﺤﻚ ﺣﻀﻨﺘﻪ ﺣﻴﻞ
- ﻟﺠﺞ ﺍﻟﻄﻔﻞ ﺍﻟﻄﻔﻠﻞ ﺧﺮﺏ ﻳﻮﻣﺞ
- ﻫﻬﻬﻬﻪ ﺭﺍﺡ ﺍﻃﻴﺮ ﻣﻦ ﺍﻟﻔﺮﺡ
- ﻫﻬﻬﻬﻬﻬﻬﻪ ﻃﻴﺮﻱ ﻭﺍﻧﻲ ﺃﻟﺰﻣﺞ
ﺛﺎﻧﻲ ﻳﻮﻡ ﺧﻠﺼﺖ ﺍﻣﺘﺤﺎﻧﺎﺗﻲ ﻫﻮَ ﺭﺍﺡ ﻟﻠﺪﻭﺍﻡ ﻭﺍﻧﻲ ﺑﻘﻴﺖ ﺭﻛﺒﺖ ﻏﺪﻩ ﻭﻧﺰﻟﺖ ﻟﺠﻮﻩ ﺩﻭﻡ ﺍﻧﺰﻝ ﺍﻧﻈﻔﻪ .. ﻛﻤﻠﺖ ﺗﻨﻈﻴﻒ ﺍﻟﻈﻬﺮ ﻛﺎﻟﻌﺎﺩﻩ ﺑﻮﻗﺖ ﺟﻴﺔ ﻣﺎﻫﺮ ﻛﺎﻣﺖ ﺗﺼﻴﺢ ﻭﺗﻌﺎﺭﻙ ﻭﻳﺎﻱ .. ﻣﺎﻫﺮ ﻭﺍﻛﻒ ﻣﺘﻔﺎﺟﺊ ﻭﻫﻲَ ﺗﻠﻌﻠﻊ ﺑﻌﻠﻮ ﺻﻮﺗﻬﻪ ﻭﺗﺮﺯﻝ ﺑﻴﻪ .
ﺍﻡ ﻣﺎﻫﺮ .. ﺍﻧﺰﻟﻲ ﺧﻨﺸﻮﻓﺞ ﻟﺘﻨﻈﻔﻴﻦ ﻭﻻ ﺗﻜﻴﺴﻴﻦ ﺷﻲ ﺑﺲ ﻣﺨﻠﺼﺘﻬﻪ ﻓﻮﻭﮒ ﻣﻤﻠﻴﺘﻲ ﻣﻦ ﺍﻟﮕﻌﺪﻩ
- ﻋﻤﻪ ﻏﻴﺮ ﻳﻮﻣﻴﻪ ﺍﻧﻈﻒ
ﺍﻡ ﻣﺎﻫﺮ .. ﺷﻮﻛﺖ ﻧﻈﻔﺘﻲ ﺷﻮﻭﻛﺖ
ﺳﻜﺘﺖ ﻭﻣﺎﻫﺮ ﻭﺍﮔﻒ ﻳﺒﺎﻭﻋﻠﻬﻪ ﻭﻫﻲَ ﺗﺮﺯﻝ ﺑﻴﻪ ﺭﻓﻊ ﺣﺎﺟﺒﻪ ﻭﻋﺎﻁ
- ﻭﺗﺎﺍﺍﺍﺍﺍﻟﻴﻴﻴﻴﻲ
ﺍﻡ ﻣﺎﻫﺮ .. ﺷﻨﻮ ﺷﺒﻴﻚ
- ﻣﺘﻠﮕﻴﻦ ﻭﻗﺖ ﺗﺘﻌﺎﺭﻛﻴﻦ ﺑﻴﻪ ﻏﻴﺮ ﻭﻗﺖ ﺟﻴﺘﻲ ﻣﻦ ﺍﻟﺪﻭﺍﻡ ﻣﻮ ﺍﺟﻲ ﻃﺎﻳﺢ ﺣﻈﻈﻈﻴﻴﻲ ﺍﺭﻳﻴﺪﺩ ﺍﺭﺗﺎﺍﺍﺍﺡ ﻣﻮ ﺍﺣﻞ ﻣﺸﺸﺎﺍﺍﻛﻞ
ﺍﻡ ﻣﺎﻫﺮ .. ﻟﺘﻌﻴﻂ ﻋﻠﻴﻪ ﺍﻧﻲ ﺍﻣﻚ
- ﺍﺫﺍ ﺍﻣﻲ ﻓﻜﺮﻱ ﺑﻤﺼﻠﺤﺘﻲ ﻭﻛﺎﺍﻓﻲ ﻣﺸﺎﻛﻞ ﻣﻦ ﺗﺰﻭﺟﺖ ﻟﻬﺴﻪ ﺷﺎﺩﻩ ﻭﻳﺎﻫﻪ ﺑﺲ ﺑﻮﻗﺖ ﺟﻴﺘﻲ ﺗﮕﺒﻴﻦ ﻣﻮ ﻣﻠﻠﻴﻴﻴﺖ
ﺍﻡ ﻣﺎﻫﺮ .. ﺍﻱ ﻣﺨﻠﻴﺘﻚ ﺑﺈﻳﺪﻫﻪ ﺷﺘﮕﻮﻝ ﺗﻤﺸﻲ ﻭﺭﺍﻫﻪ
- ﻛﺎﺍﻓﻴﻴﻴﻲ
ﺧﻠﻪ ﻭﻣﺸﻪ .. ﺻﻌﺪ ﻉ ﺍﻟﺪﺭﺝ ﻭﺻﺎﺡ
- ﻳﻠﻪ ﺛُﺮﻯٰ ﺗﻌﺎﻟﻲ ﻟﺘﺒﻘﻴﻦ ﺟﻮﻩ
ﺭﺣﺖ ﻭﺭﺍﻩ ﻭﻫﻲَ ﺗﺘﺤﻠﻒ ﺑﻴﻪ ﺑﻘﺒﻀﺔ ﺃﺻﺎﺑﻌﻬﻪ .. ﺻﻌﺪﺕ ﻭﺭﺍﻩ ﻭﻫﻮَ ﻋﺼﺒﻲ .. ﻧﺰﻉ ﺍﻟﺮﺑﻄﻪ ﺑﻌﺼﺒﻴﻪ ﻣﺎﻳﻜﺪﺭ ﻳﻨﺰﻋﻬﻪ ﻻﻥ ﻣﻌﺼﺐ .. ﻇﻞ ﻳﻤﻠﺦ ﺑﻴﻬﻪ ﻭﺍﻧﻲ ﺭﻛﻀﺖ ﻋﻠﻴﻪ ﺣﻄﻴﺖ ﺇﻳﺪﻱ ﻋﻠﻰ ﺇﻳﺪﻩ ﺑﻬﺪﻭﺀ ﻭﻫﻤﺴﺖ -:
- ﺷﻮﻳﻪ ﺍﻧﻲ ﺍﺳﻮﻳﻬﻪ
ﻓﻠﺘﺘﻬﻪ ﻭﻧﺰﻋﺘﻪ ﺳﺘﺮﺗﻪ ﻭﺟﻮﺍﺭﻳﺒﻪ .. ﺑﺪﻝ ﻭﻛﻌﺪ ﻳﻬﺰ ﺑﺮﺟﻠﻪ ﻫﺎﻱ ﺣﺮﻛﺘﻪ ﺑﺎﻟﺬﺍﺕ ﺗﺨﻠﻴﻨﻲ ﺍﻋﺮﻓﻪ ﻣﻌﺼﺐ ﻟﻮ ﻻ .
- ﺍﺻﺐ ﻏﺪﻩ؟
- ﻫﻮَ ﺑﻘﺖ ﺷﻬﻴﻪ ﺑﻘﻪ ﺻﺨﺎﻡ
- ﻣﺎﻫﺮ ﻻﺗﻌﺼﺐ ﺍﻧﻲ ﺗﻘﺮﻳﺒﺎً ﺗﻌﻮﺩﺕ ﻭﺟﺎﻱ ﺍﺳﻜﺖ
- ﺍﺫﺍ ﺗﺒﻘﻴﻦ ﺗﺴﻜﺘﻴﻦ ﺗﻨﻔﺠﺮﻳﻦ ﻭﻣﺎﺍﺭﻳﺪﺝ ﺗﻨﻔﺠﺮﻳﻦ ﻋﻠﻴﻪ ﺍﻧﻲ ﻫﻢ ﻣﻠﻴﺖ
ﺳﻜﺘﺖ ﻭﺧﻠﻴﺘﻪ ﻳﻬﺪﺃ ﺑﻠﻜﻲ ﻳﺘﻐﺪﻩ ﺑﺲ ﻣﺎﺗﻐﺪﻩ ﺑﻘﻪ ﺑﺪﻭﻥ ﺃﻛﻞ ﻭﻧﺎﻡ .. ﺍﻧﻲ ﻫﻢ ﻣﺎﺍﻛﻠﺖ ﺑﻠﻴﺎﻩ ﻟﻠﻌﺼﺮ ﺍﺟﺖ ﻣﻮﺝ
ﻣﻮﺝ .. ﺛُﺮﻯٰ ﺗﻌﺎﻟﻲ ﻧﺴﻮﻱ ﻓﺪ ﺷﻲ ﻣﻌﺠﻨﺎﺕ ﻣﺸﺘﺎﻗﻪ ﻟﻄﺒﺦ ﺍﻟﺒﻴﺖ
- ﺟﺎ ﻟﻴﺶ ﻣﺎﺗﺎﻛﻠﻮﻥ ﻃﺒﺦ ﺑﻴﺖ
ﻣﻮﺝ .. ﻻ ﻣﺎﻣﺎ ﻛﻠﻪ ﺗﺪﺯﻩ ﺟﺎﻫﺰ ﻭﺣﺘﻰ ﺍﺫﺍ ﻣﺸﺘﻬﻴﻪ ﻛﻴﻜﻪ ﻓﺪ ﺷﻲ ﻛﻠﻪ ﺟﺎﻫﺰ ﻭﺍﻧﻲ ﻣﺎﺍﺣﺐ ﺍﻟﺠﺎﻫﺰ
- ﺍﺑﺪﻝ ﻭﺍﺟﻲ ﻧﺴﻮﻱ ﭼﺮﻙ
ﻣﻮﺝ .. ﺍﻧﺘﻈﺮﺝ
ﺩﺧﻠﺖ ﺑﻬﺪﻭﺀ ﺍﻣﺸﻲ ﻋﻠﻰ ﺍﻃﺮﺍﻑ ﺍﺻﺎﺑﻌﻲ ﻟﻠﻐﺮﻓﻪ ﺍﺧﺬﺕ ﺩﺷﺪﺍﺷﻪ ﻭﻟﺒﺴﺘﻬﻪ ﻓﻮﻙ ﺍﻟﺘﺮﺍﻙ ﻃﻠﻌﺖ ﺑﻬﺪﻭﺀ ﺑﺲ ﻭﻗﻔﻨﻲ ﺻﻮﺗﻪ -:
- ﺛُﺮﻯٰ ﺣﺘﻨﺰﻟﻴﻦ ﺟﻮﻩ
- ﺍﻱ
- ﻣﻮ ﺗﺘﺄﺧﺮﻳﻦ ﺷﻮﻱ ﻭﺍﺻﻌﺪﻱ
- ﺍﻱ .. ﺍﺫﺍ ﺗﺮﻳﺪ ﺗﻄﻠﻊ ﻫﺎﻱ ﻣﻼﺑﺴﻚ ﻫﻨﺎ ﻣﺤﻀﺮﺗﻬﻦ
- ﺗﻤﺎﻡ
ﺭﺣﺖ ﻟﻠﻤﻄﺒﺦ ﺍﺧﺬﺕ ﭼﻜﻠﻴﺖ ﻭﺣﻠﻘﻮﻡ ﻟﻠﺤﺸﻮ ﻭﻧﺰﻟﺖ .
ﻋﺠﻨﺖ ﻭﺍﻧﺘﻈﺮﺕ ﺍﻟﻌﺠﻴﻨﻪ ﻟﻤﺎ ﺗﺘﺨﻤﺮ ﻗﻄﻌﺖ ﺍﻟﺤﻠﻘﻮﻡ ﻋﻠﻰ ﻛﺪ ﺍﻟﭽﺮﻙ ﻭﻓﻠﻴﺖ ﺍﻟﺠﻜﻠﻴﺖ ﻟﻤﺎ ﺍﺧﺘﻤﺮﺕ ﺑﻠﺸﺖ ﺍﮔﺼﻪ ﻭﺍﺣﺸﻴﻪ ﺑﭽﻜﻠﻴﺖ ﻭﺣﻠﻘﻮﻡ ﺍﺟﺖ ﺍﻡ ﻣﺎﻫﺮ ﺷﺎﻓﺘﻨﻲ ﻫﺰﺕ ﺍﻳﺪﻫﻪ ﻭﺭﺍﺣﺖ .
ﺷﻮﻳﺘﻬﻦ ﻭﻭﺍﮔﻔﻪ ﻳﻢ ﺍﻟﻔﺮﻥ .. ﻫﻲَ ﺩﺧﻠﺖ ﻭﻛﻔﺖ ﻳﻤﻲ ﻃﻠﻌﺘﻬﻦ ﺧﻠﻴﺘﻬﻦ ﻉ ﺍﻟﻜﺎﻭﻧﺘﺮ ﻳﺒﺮﺩﻥ ﻭﺍﺷﻴﻠﻬﻦ ﺑﺎﻟﻤﺎﻋﻮﻥ .. ﺍﻟﭽﻜﻠﻴﺖ ﻣﺎﻳﻊ ﻭﻧﺎﺯﻝ ﻋﻠﻰ ﺍﻟﭽﺮﻙ ﺻﺎﻳﺮ ﺷﻜﻠﻪ ﻛﻠﺶ ﺣﻠﻮ .. ﻫﻲَ ﺷﺎﻓﺘﻪ ﻭﺍﺟﺖ ﺗﺤﺮﻙ ﺑﻴﻬﻦ ﺑﺄﺻﺎﺑﻌﻬﻪ
ﺍﻡ ﻣﺎﻫﺮ .. ﻫﺎﻱ ﻟﻴﺶ ﻻﺯﮒ
- ﻻﻥ ﺍﻟﺤﺸﻮ ﭼﻜﻠﻴﺖ ﻳﻤﻮﻉ ﺑﺲ ﺍﻧﻲ ﺍﺩﺭﻱ ﺑﻴﻪ ﻣﺠﺮﺑﺘﻪ ﻑ ﻣﻜﺜﺮﻩ ﺩﻫﻦ ﻫﺴﻪ ﺑﺲ ﻳﺒﺮﺩﻥ ﺍﺷﻴﻠﻬﻦ
ﺟﺎﺑﺖ ﺳﭽﻴﻨﻪ ﻭﻇﻠﺖ ﺗﺤﺎﻭﻝ ﺗﺸﻴﻠﻬﻦ ﻟﻤﺎ ﺧﺮﺏ ﺷﻜﻞ ﻛﻢ ﻭﺣﺪﻩ ﻻﻥ ﺑﻌﺪﻫﻦ ﺣﺎﺭﺍﺕ ﻭﺷﻠﻌﺘﻬﻦ ﺑﻘﻪ ﻧﺺ ﺑﺎﻟﺼﻴﻨﻴﻪ ﻭﻧﺺ ﺍﺟﻪ ﺑﺈﻳﺪﻫﻪ .. ﺍﺟﺖ ﻋﻠﻴﻪ ﺗﺮﻛﺾ ﺿﺮﺑﺘﻨﻲ ﺑﺨﻔﻪ ﻋﻠﻰ ﺭﺍﺳﻲ ﻭﻻﺯﻣﻪ ﺍﻟﭽﺮﻛﻪ ﺑﺈﻳﺪﻫﻪ
ﺍﻡ ﻣﺎﻫﺮ .. ﺍﻛﻮﻭﻭ ﻭﺣﺪﻩ ﻏﺒﻴﻪ ﻫﻴﺠﺞ ﺗﺴﻮﻭﻭﻱ ﺍﻛﻮﻭﻭ .. ﻫﻮَ ﺍﻟﭽﻜﻠﻴﺖ ﻳﺤﺸﻮﻥ ﺑﻴﻪ؟؟ ﺍﻧﺖِ ﺻﺪُﮒ ﻏﺒﻴﻴﺔﺓﺓ ﺗﺪﺭﻳﻦ ﺑﻴﻪ ﻳﻤﻮﻉ ﻭﻳﻠﺰﻙ ﻉ ﺍﻟﺼﻴﻨﻴﻪ
- ﻋﻤﺔ ﺍﻧﻲ ﺍﻋﺮﻓﻠﻬﻦ ﻛﺘﻠﺞ ﻣﻦ ﻳﺒﺮﺩﻥ ﺍﺷﻴﻠﻬﻦ ﻟﻴﺶ ﻟﻌﺒﺘﻲ ﺑﻴﻬﻦ
ﺍﻡ ﻣﺎﻫﺮ .. ﺍﻧﻲ ﺍﻋﺮﻑ ﺍﺣﺴﻦ ﻣﻨﺞ
- ﺷﻮ ﺷﻮﻳﻪ ﻫﺴﻪ ﺷﻮﻓﻲ ﺷﻮﻥ ﺭﺍﺡ ﺍﺷﻴﻠﻬﻦ
ﺑﺮﺩﺗﻬﻦ ﻭﺷﻠﺘﻬﻦ ﻣﺎﻟﺰﮔﻦ ﺧﻠﻴﺘﻬﻦ ﺑﺎﻟﻤﺎﻋﻮﻥ ﻭﺍﻧﻲ ﺍﺑﺎﻭﻋﻠﻬﻪ ﺑﻨﺼﺮ
- ﻫﺎ ﻫﺴﻪ ﻣﻨﻮ ﺍﻋﺮﻑ
ﺍﻡ ﻣﺎﻫﺮ .. ﺍﻧﻲ ﺍﻋﺮﻑ ﺍﻛﻴﺪ ﺑﺲ ﻻﻥ ﺍﻟﭽﻜﻠﻴﺖ ﻣﺎﻳﻊ ﻣﻦ ﻭﺭﺍﺝ
ﺳﻜﺘﺖ ﻭﺳﻮﻳﺖ ﺍﻟﭽﺎﻱ .. ﻧﺰﻝ ﻣﺎﻫﺮ ﺷﺎﻑ ﺍﻟﻤﺎﻋﻮﻥ ﺍﺧﺬ ﻭﺣﺪﻩ ﻭﻇﻞ ﻳﺎﻛﻞ ﺍﻣﻪ ﻛﺎﻟﺘﻠﻪ -:
ﺍﻡ ﻣﺎﻫﺮ .. ﻫﺎ ﺷﻨﻮ ﺭﺃﻳﻚ ﺑﺎﻟﻄﻌﻢ
ﻣﺎﺑﺎﻭﻋﻠﻬﻪ ﻭﻛﺎﻝ ﺑﺠﻤﻮﺩ -:
- ﻃﻴﻴﺐ
ﺍﻡ ﻣﺎﻫﺮ .. ﻫﺬﺍ ﺳﻮﺗﻪ ﻣﻮﺝ ﺍﻟﻠﻪ ﻳﺤﺮﺳﻬﻪ ﻣﻦ ﺍﻟﻌﻴﻮﻥ * ﻭﺗﺒﺎﻭﻉ ﻋﻠﻴﻪ
ﻫﻮَ ﺍﺧﺬ ﻟﻜﻤﻪ ﻣﻦ ﺍﻟﭽﺮﻙ ﺍﻟﻲ ﺑﺈﻳﺪﻩ ﻭﻫﺰ ﺭﺍﺳﻪ ﻣﺘﻠﺬﺫ ﺑﺎﻭﻋﻠﻲ ﻭﻛﺎﻝ -:
- ﻋﺎﺷﺖ ﺇﻳﺪﺝ ﺛُﺮﻯٰ ﻛﻠﺶ ﻃﻴﺐ
ﺍﻧﻲ ﺇﺑﺘﺴﻤﺖ ﻭﻫﻲَ ﻭﺟﻬﻪ ﺻﺎﺭ ﺍﺣﻤﺮﺭﺭ ﻣﻦ ﺍﻟﺤﺮﮔﻪ .. ﺑﺎﻭﻋﺘﻠﻪ ﻭﺗﻨﺘﺮ
ﺍﻡ ﻣﺎﻫﺮ .. ﺩﺍﮔﻮﻟﻚ ﻣﻮﺝ ﺳﻮﺗﻪ ﻣﻮ ﻫﻲَ
ﻣﺎﺍﻫﺘﻢ ﻭﻏﻠﺲ ﺑﺎﻭﻋﻠﻲ -: ﻋﻨﺪﺝ ﺑﻌﺪ ﺍﻡ ﺍﻟﭽﻜﻠﻴﺖ
- ﺍﻱ ﻫﺬﻧﻲ ﺍﻟﺪﺍﺋﺮﻳﺎﺕ ﺍﻡ ﺍﻟﭽﻜﻠﻴﺖ
ﺍﺧﺬ ﻭﺣﺪﻩ ﻭﺭﺍﺡ .. ﻫﻲَ ﺑﻘﺖ ﺑﺎﻟﻤﻄﺒﺦ ﺗﺒﺎﻭﻋﻠﻲ ﻭﺗﺰﺃﺭ ﻋﻠﻴﻪ .. ﺗﻘﺮﺑﺖ ﻣﻨﻲ ﻭﻋﻴﻮﻧﻬﻪ ﺗﺠﺪﺡ ﻭﻣﻼﻣﺢ ﺧﺒﻴﺜﻪ ﻣﺮﺳﻮﻣﻪ ﻋﻠﻰ ﻭﺟﻬﻪ
ﻳﺘﺒﻊ ..
ﻋـﺒـﺮﺍﺕ ﺍﻟـﻌـﺒـﺎﺩﻱ 🌼🌻