هشاشة قلب

بارت19

ﺍﻟـﺴـﻼﻡُ ﻋـﻠـﻴﻜـﻢ 🌼🌻

#ﻫﺸﺎﺷﺔ ﻗﻠﺐ

#ﺍﻟـﺒـﺎﺭﺕ_19

#ﺍﻟﻜﺎﺗﺒﻪ_ﺍﻟﻌﺒﺎﺩﻳﻪ alabadyia@

ﻗﺪﺡً ﻣﻦَ ﺍﻟﻘﺴﻮﺓِ ..
ﺃﺣﺘﺎﺝُ ﻷﻧﺘﻘﻢَ ﻟﻜﻞِ ﺩﻣﻌﺖً ﺫﺭﻓﺘﻬﺎ . .
ﻭﺃﺣﺬﻑُ ﺫﻛﺮﻳﺎﺗﻲ ﻛﻠﻤﺎﺗﻲ ﺍﻟﻤﺴﺠﻠﺔَ ﻓﻲ ﺩﻓﺘﺮﻫﺎ .
~~~~~~~~~~~~~~~~~~~~~~~~~~~~~~~

ﺛُﺮﻯٰ . . .
ﺑﻘﻴﺖ ﻭﺍﮔﻔﻪ ﺑﻤﻜﺎﻧﻲ ﻭﻣﺪﻧﮕﻪ ﺍﺑﺎﻭﻉ ﻋﻠﻰ ﺭﺟﻠﻴﻪ .. ﺣﺴﻴﺖ ﺧﻴﺎﻝ ﻳﻤﻲ ﻭﮔﻒ .
ﻣﺎﺭﻓﻌﺖ ﺭﺍﺳﻲ .. ﺑﺲ ﺑﺤﺮﻛﻪ ﺳﺮﻳﻌﻪ ﺍﻳﺪﻱ ﺍﻧﺴﺤﺒﺖ ﺑﻘﻮﻩ ﻭﺭﺟﻠﻴﻪ ﺗﻤﺸﻲ ﺭﻛﺾ ﺑﺤﺮﻛﻪ ﻣﻦ ﻋﻨﺪﻩ !
ﺳﺤﺒﻨﻲ ﺑﻘﻮﻩ ﻭﻳﻤﺸﻲ .. ﺍﻳﺪﻩ ﺑﻘﺴﺎﻭﺗﻬﻪ ﻭﻛﺒﺮﻫﻪ ﺗﻀﻐﻂ ﻋﻠﻰ ﺇﻳﺪﻱ ﺣﺴﻴﺖ ﺍﻟﻌﻈﻢ ﺭﺍﺡ ﻳﻨﻜﺴﺮ ﺑﺈﻳﺪﻩ . ﻣﻮ ﺇﻳﺪ ﺗﮕﻮﻝ ﺳﺎﻃﻮﺭ .
ﺳﻤﻴﻴﺮﻩ ﮔﺎﻋﺪﻩ ﺑﺎﻟﻤﻤﺮ ﻫﻢ ﻣﻨﺘﻈﺮﻩ ﻣﻦ ﺷﺎﻓﺘﻪ ﻫﻴﺞ ﺳﻮﻩ ﻟﻄﻤﺖ ﻋﻠﻰ ﻭﺟﻬﻪ ﻭﻋﺎﻃﺖ
ﺍﻡ ﻣﺎﻫﺮ .. ﻋﺰﺯﺍ ﻣﺎﻫﺮﺭﺭ ﺷﺪﺗﺴﻮﻭﻱ
ﻣﺎﺍﻫﺘﻢ ﻟﻜﻼﻣﻬﻪ ﺳﺤﺒﻨﻲ ﻟﻐﺮﻓﻪ ﺻﻐﻴﺮﻩ ﻓﺎﺭﻏﻪ ﻣﺒﻴﻨﻪ ﻣﺎﻝ ﺩﻛﺘﻮﺭﻩ ﺩﺧﻠﻨﻲ ﻭﺭﮔﻊ ﺍﻟﺒﺎﺏ ﺧﻠﻪ ﺍﻟﭽﺮﭼﻮﺑﻪ ﺍﻫﺘﺰﺕ .
ﺷﻔﺖ ﺍﻟﻐﺮﻓﻪ ﺻﺪﻙ ﻣﺎﻝ ﺩﻛﺘﻮﺭﻩ ﻭﻋﻠﻴﻬﻪ ﺍﺳﻤﻬﻪ ﻣﻦ ﺍﻻﺭﺗﺒﺎﻙ ﻭﺍﻟﺨﻮﻑ ﺑﺲ ﺍﺩﻳﺮ ﺑﻌﻴﻮﻧﻲ ﺑﺄﻧﺤﺎﺀ ﺍﻟﻐﺮﻓﻪ ﻭﻣﺎﺣﻄﻴﺖ ﻋﻴﻨﻲ ﺑﻌﻴﻨﻪ .
ﺣﻂ ﺇﻳﺪﻳﻪ ﺑﺠﻴﻮﺑﻪ ﻭﻧﻈﺮﺍﺗﻪ ﻣﺘﻤﺮﻛﺰﻩ ﻋﻠﻴﻪ ﺑﻐﻀﺐ .. ﺍﺷﻮﻓﻪ ﺑﻄﺮﻑ ﻋﻴﻮﻧﻲ ﻭﺟﻬﻪ ﺻﺎﻳﺮ ﻧﺎﺭ .. ﻭﮔﻒ ﺛﺎﺑﺖ ﻭﺭﻓﻊ ﺭﺍﺳﻪ ﺑﺸﻤﻮﺥ .
ﻧﺘﺮ -:
- ﺷﻮ ﺑﺎﻋﻴﻨﻲ
ﻣﺎﮔﺪﺭﺕ ﺍﺑﺎﻭﻋﻠﻪ ﺩﻧﮕﺖ ﺭﺍﺳﻲ ﻭﺛﺒﺘﺖ ﻋﻴﻮﻧﻲ ﻉ ﺍﻟﮕﺎﻉ .
ﻧﺘﺮ ﺑﻌﺼﺒﻴﻪ ؛ -
- ﻣﺎﻛﻠﻠﻠﺖ ﺩﻧﻜﻜﻜﻴﻴﻲ
ﺳﻜﺘﺖ
ﺻﻮﺕ ﺍﻧﻔﺎﺳﻪ ﺍﻟﻐﺎﺿﺒﻪ ﻣﺴﻤﻮﻉ ﺑﺎﻟﻐﺮﻓﻪ ﻳﺰﻓﺮ ﻧﻔﺲ ﻭﺭﻩ ﻧﻔﺲ ﺑﻌﺼﺒﻴﻪ .
ﺳﺤﺐ ﺷﻬﻴﻖ ﻃﻮﻳﻞ ﻭﺭﺟﻊ ﺯﻓﺮﻩ ﺑﻬﺪﻭﺀ ﻳﺤﺎﻭﻝ ﻳﻬﺪﺃ ﻧﻔﺴﻪ .. ﻧﺘﺮ
- ﺍﺣﺤﺤﺤﺠﺠﺠﺠﻴﻴﻲ
ﺭﻓﻌﺖ ﻋﻴﻮﻧﻲ ﻣﺴﺘﺤﻴﻪ ﺍﺭﻓﻌﻬﻦ ﻭﺍﺭﺟﻊ ﺍﻧﺰﻟﻬﻦ ﻟﻤﺎ ﺍﺧﺮ ﺷﻲ ﻛﻠﺖ ﻋﻠﻴﻤﻦ ﺧﺎﻳﻔﻪ ﻣﻦ ﻋﻨﺪﻩ ﺷﻴﺮﻳﺪ ﻳﺴﻮﻱ ﻗﺎﺑﻞ .. ﺭﻓﻌﺖ ﻋﻴﻨﻲ ﺑﻌﻴﻨﻪ ﺍﻟﻐﺎﺿﺒﻪ ﻭﺳﺄﻟﺘﻪ -:
- ﺷﻨﻮ ﺷﺄﺣﭽﻲ؟؟
ﺻﻔﻦ ﺑﻌﻴﻮﻧﻲ ﻭﺗﺤﻮﻝ ﺷﻜﻠﻪ ﻟﻬﺎﺩﺉ ﻭﺣﻨﻴﻦ ﺑﺎﻭﻉ ﺑﻴﻪ ﺑﻌﺘﺐ ﻭﻋﻴﻮﻧﻪ ﻧﻈﺮﺍﺕ ﻋﺘﺎﺏ ﻫﻤﺲ
- ﻟﻴﺸﺸﺸﺶ؟؟؟؟؟
ﺑﺎﻭﻋﺘﻠﻪ ﻣﺘﻌﺠﺒﻪ .. ﻣﺎﺟﺎﻱ ﺍﻗﺘﻨﻊ ﻧﻔﺴﻪ ﻫﺬﺍ ﺍﺑﻮ ﺍﻟﺮﺯﺍﻳﻞ ﺻﺎﻳﺮ ﺣﻨﻴﻦ ﻭﻧﻈﺮﺍﺗﻪ ﺧﺒﻠﺘﻨﻲ ﻛﻠﻬﻪ ﻧﺪﻡ ﻭﻋﺘﺎﺏ ﻭﻫﺴﻪ ﻳﮕﻠﻲ ﻟﻴﺶ ﻣﺎﺍﺻﺪﮒ !!
ﻫﻤﺲ
- ﻣﺎﺗﺤﺠﻴﻦ ﺷﻠﻴﺘﻲ ﮔﻠﺒﻲ
- ﻫﺎ؟؟
- ﻭﻳﻦ ﺣﻠﻘﺘﺞ؟
- ﺷﻨﻮ ﻳﺎﺣﻠﻘﻪ؟؟
- ﺣﻠﻘﺘﺞ ﻣﺎﻝ ﺍﻟﺨﻄﻮﺑﻪ ﻟﻴﺶ ﻣﺎﻻﺑﺴﺘﻬﻪ ﻻﺯﻡ ﺍﻹﻳﺮﺍﻧﻲ ﻣﺎﻣﺎﻟﻲ ﻋﻴﻨﺞ !
ﻇﻠﻴﺖ ﻣﺴﺘﻐﺮﺑﻪ ﻳﺎﺣﻠﻘﻪ ﻳﺎﺍﻳﺮﺍﻧﻲ؟؟
ﻳﺎﺍﺍﺍ ﻳﺎﺍﺍ ﺧﺎﻑ ﻫﺬﺍ ﻋﺒﺎﻟﻪ ﻭﺍﻓﻘﺖ ﻉ ﺍﻻﻳﺮﺍﻧﻲ !
ﻋﺰﺯﺍ ﺧﺎﻑ ﺻﺪﮒ ؟ ! ﺍﻭﻝ ﻣﺮﻩ ﺍﻟﮕﻔﻬﻪ ﻭﻫﻲَ ﻃﺎﻳﺮﻩ ﻭﺍﻟﻠﻪ ﻳﺜُﺮﻯٰ ﺻﺎﻳﺮﻩ ﺫﻛﻴﻪ .
ﺧﻞ ﺍﺟﻴﺲ ﻧﺒﻀﻪ ﻳﻼ ﺍﺑﻠﺶ ﺍﺳﺘﻔﺰﻩ ﻛﺘﻠﻪ -:
- ﺗﻌﺮﻑ ﺷﻮﻛﺖ ﺧﻄﻮﺑﺘﻲ
ﻋﻜﺪ ﺣﺎﺟﺒﻪ ﻭﻟﻢ ﺷﻔﺘﻪ ﺑﻐﻀﺐ .. ﺩﺍﺭ ﻭﺟﻬﻪ ﻋﻨﻲ
- ﻫﻪ ﻟﻴﺶ ﻣﺎﺍﻋﺮﻑ .. ﺍﻋﺮﻑ ﻛﻠﺶ ﺯﻳﻦ ﺭﻓﻀﺘﻴﻨﻲ ﻣﻨﺎ ﻭﻗﺒﻠﺘﻲ ﺑﺎﻻﻳﺮﺍﻧﻲ ﻣﻨﺎ ﻫﻪ ﻫﻪ
ﻇﻞ ﻳﻀﺤﻚ ﻣﺴﺘﻬﺰﺃ ﻭﺍﻟﺤﺮﮔﻪ ﻣﺒﻴﻨﻪ ﺑﺼﻮﺗﻪ
- ﻻ ﺍﻟﺤﻤﺪ ﻟﻠﻪ ﺃﺭﻛﺎﻥ ﻣﺎﻟﻲ ﻋﻴﻨﻲ ﺑﺲ ﺍﻧﻲ ﺍﺧﺎﻑ ﻋﻠﻴﻨﻪ ﻧﻨﺤﺴﺪ ﻭﺍﻟﻨﻮﺏ ﺍﻟﺒﻨﺎﺕ ﻳﺴﺄﻟﻨﻲ ﻋﻠﻰ ﺻﻮﺭﺓ ﺧﻄﻴﺒﻲ ﻭﺍﻟﻮﻟﺪ ﻳﻨﺼﺎﺏ ﺑﻌﻴﻦ ﻳﮕﻌﺪ ﺑﻤﻜﺎﻧﻪ .. ﺍﻟﻌﺎﻟﻢ ﻣﺎﺗﺮﺣﻢ ﺗﺤﻂ ﻋﻴﻮﻧﻬﻪ ﻋﻠﻰ ﻛﻠﺸﻲ
ﻇﻠﺖ ﺍﻟﺸﺮﺍﻳﻴﻦ ﺍﻟﺒﺮﻗﺒﺘﻪ ﺗﺘﺤﺮﻙ ﻭﺗﺘﺸﻨﺞ ﺧﺰﺭﻧﻲ ﺑﻌﺼﺒﻴﻪ ﻭﺍﻟﺒﻨﻄﺮﻭﻥ ﻣﻦ ﻧﺎﺣﻴﺔ ﺟﻴﺒﻪ ﺗﻌﻜﻤﺶ ﻳﻤﻜﻦ ﺻﻢ ﺇﻳﺪﻩ .. ﻧﺘﺮ ﺑﻐﻀﺐ ﻭﺻﻮﺗﻪ ﻋﻠّﻪ -:
- ﻟﻴﺸﺸﺶ ﺛُﺮﺭﺭﺭﻯٰ ﻟﻴﺸﺶ؟؟ ﺑﺸﻨﻮ ﺍﺣﺴﻦ ﻣﻨﻲ ﺍﻹﻳﺮﺍﻧﻲ؟؟ ﻟﺞ ﺍﻧﻨﻨﻨﻴﻴﻴﻴﻴﻴﻲ ﻣﺎﺍﺍﺍﻫﺮﺭﺭﺭ ﺑﻌﻈﻤﺘﻲ ﺗﺮﻓﻀﻴﻨﻲ ﻭﺗﻮﺍﻓﻘﻴﻦ ﻉ ﺍﻷﻳﺮﺍﻧﻲ؟؟؟
ﺭﺩﻳﺖ ﺑﺼﻮﺕ ﻣﺴﺘﻔﺰ ﻭﺭﺍﻓﻌﺘﻠﻪ ﺣﻮﺍﺟﺒﻲ ﻫﺎﺩﺩﺩﺩﺩﺩﺩﺋﻪ -:
- ﺍﻟﻌﻈﻤﻪ ﻟﻠﻪ ﻭﺣﺪﻩ
ﺗﺨﺒﻞ ﻃﻠﻊ ﺇﻳﺪﻩ ﻣﻦ ﺟﻴﺒﻪ ﻭﺿﺮﺏ ﻉ ﺍﻟﻤﻴﺰ ﻣﺎﻝ ﺍﻟﺪﻛﺘﻮﺭﻩ .. ﺗﻔﻠﺶ ﺻﺨﺎﻡ ﺑﻮﻳﻬﻲ ﺧﺎﻑ ﺍﻟﻨﻮﺏ ﺗﺮﻳﺪﻧﻲ ﺍﺧﺴﺮﻩ ﺍﻧﻲ ﺷﻌﻠﻴﻪ ﻫﻮَ ﻳﺨﺴﺮﻩ .
- ﺷﻬﺮﺭﺭﺭ ﻭﺍﺣﺪﺩﺩ ﺷﻬﺮﺭﺭ ﻭﺍﺍﺍﺣﺪﺩ ﺍﺧﺬﺕ ﺍﺟﺎﺯﻩ ﺍﺟﻲ ﺍﻟﮕﺎﺝ ﻣﺎﻛﻮﻭﻭ !!! ﻟﺞ ﻗﺒﻞ ﻻﺍﺧﻄﺒﺞ ﺍﻧﺖِ ﻋﻴﻮﻧﺞ ﺗﺤﺠﻴﻴﻲ ﻭﺗﺒﺎﻭﻋﻴﻠﻲ ﺧﺒﻠﺘﻴﻨﻨﻴﻲ ﺑﻨﻈﺮﺍﺗﺞ .. ﻭﻛﻠﻤﺎﺗﺞ ﺍﻟﻌﻔﻮﻳﻪ ﺧﻠﺘﺞ ﺗﻌﺘﺮﻓﻴﻦ ﻛﻠﺸﻲ ﻭﻣﺎﺗﺪﺭﻳﻦ ﺑﺮﻭﺣﺞ ﻭﻫﺴﻪ ﺗﺴﻮﻳﻦ ﺭﻭﺣﺞ ﻣﺘﻌﺮﻓﻴﻴﻴﻦ؟؟
- ﺷﻨﻮ ﻟﻴﺶ ﺍﺧﺬﺕ ﺍﺟﺎﺯﻩ؟
ﻇﻞ ﻳﻌﻴﻂ ﻭﻭﺟﻬﻪ ﺻﺎﺭ ﺍﺣﻤﺮﺭ ﺩﻡ
- ﺑﺎﺍﻉ ﻭﻳﻦ ﺗﺤﺠﺠﻴﻠﻲ ﻳﺮﺭﺭﺑﺒﺒﻴﻲ
ﺳﻜﺘﺖ . ﻭﺩﻧﮕﺖ ﺭﺍﺳﻲ ﺍﻧﻲ ﺍﻟﺮﺍﺡ ﺍﺗﺨﺒﻞ ﻣﻮ ﻫﻮَ ﻳﻤﻜﻦ ﺍﺧﺬ ﺍﺟﺎﺯﻩ ﻭﺭﻩ ﻣﺎﺭﻓﻀﺘﻪ ﻻﻥ ﺣﻀﺮﺗﻪ ﻣﺎﻳﺘﺤﻤﻞ ﺍﻗﻠﻞ ﻣﻦ ﺭﺟﻮﻟﺘﻪ ﻭﻫﻮَ ﻣﺎﻳﻨﺮﻓﺾ ﺣﻀﺮﺓ ﺍﻟﻤﻠﻚ .
- ﺍﺣﺠﻴﻠﻴﻲ ﻋﻨﻪ ﺍﺣﺠﻴﻠﻴﻴﻲ ﻟﻬﺎﻟﺪﺭﺟﻪ ﺷﻔﺘﻴﻪ ﺍﺣﺴﺴﻦ ﻣﻨﻴﻲ
- ﻗﺼﺪﻙ ﺍﺭﻛﺎﻥ؟؟
ﻓﺮﻙ ﻭﺟﻬﻪ ﺣﻴﻞ ﻭﺭﺟﻊ ﺷﻌﺮﻩ ﻟﻮﺭﻩ ﺑﻘﻀﺒﺔ ﺍﺻﺎﺑﻌﻪ
- ﺍﺳﺘﻐﻔﺮ ﺍﻟﻠﻪ ﻟﺘﺠﻴﺒﻴﻦ ﻃﺎﺭﻳﻪ ﻣﻘﺎﺑﻴﻠﻲ
- ﻳﺎﺍﺍﺍﺍﺀ ﺟﺎ ﻏﻴﺮ ﺍﻧﺖَ ﻛﺘﻠﻲ ﺍﺣﺠﻴﻠﻲ ﻋﻨﻪ
- ﺍﻱ ﺍﻗﺼﺪ ﺷﻨﻮ ﺍﻟﺨﻼﺝ ﺗﻮﺍﻓﻘﻴﻦ ﻋﻠﻴﻪ ﻭﺗﺮﺭﺭﻓﻀﻴﻴﻨﻲ
ﺑﺎﻭﻋﺖ ﺑﻴﻪ ﻭﺗﺬﻛﺮﺕ ﺣﺠﺎﻳﺘﻪ ﻣﻦ ﺧﻄﺐ ﻭﺷﻠﻮﻥ ﺃﺫﺗﻨﻲ ﻭﻛﺴﺮﺕ ﮔﻠﺒﻲ ﺑﻮﻗﺘﻬﻪ .
ﻛﺘﻠﻪ ﺑﺒﺮﻭﺩ
- ﺣﺒﻴﺘﻪ ﻭﻛﻠﺶ ﻋﺠﺒﻨﻲ ﻑ ﻣﻦ ﺗﻘﺪﻣﻠﻲ ﻭﺍﻓﻘﺖ !
ﻓﺘﺢ ﻋﻴﻮﻧﻪ ﻋﻠﻰ ﻭﺳﻌﻬﻦ ﻣﺬﻫﻮﻝ !! ﻋﺮﻑ ﺟﺎﻱ ﺍﺷﺮﺑﻪ ﻣﻦ ﻧﻔﺲ ﺍﻟﻜﺎﺱ .
ﺭﻣﺶ ﺑﻌﻴﻮﻧﻪ ﻭﺍﻟﺼﺪﻣﻪ ﺗﻌﺘﻠﻲ ﻣﻼﻣﺢ ﻭﺟﻬﻪ .. ﺧﻨﺰﺭ ﻋﻴﻮﻧﻪ ﻭﻃﺒﮓ ﺣﻮﺍﺟﺒﻪ .. ﺃﺷﺮﻟﻲ ﺑﺤﻮﺍﺟﺒﻪ ﻣﺮﺗﻴﻦ ﻭﻫﻤﺲ
- ﻃﻠﻌﻲ ﺑﺮﺭﺭﻩ
ﻇﻠﻴﺖ ﻭﺍﻛﻔﻪ ﺷﻨﻮ ﻏﺮﻓﺔ ﺍﻫﻠﻪ ﻭﻳﻄﺮﺩﻧﻲ
ﺿﺮﺏ ﻉ ﺍﻟﻤﻴﺰ ﺗﻠﺚ ﻣﺮﺍﺕ ﺑﻌﺼﺒﻴﻪ ﻭﻋﺎﻁ -:
- ﻃﻠﻠﻠﻌﻌﻌﻴﻴﻲ
ﺣﻴﻠﻲ ﺑﺎﺩ ﻭﺭﺟﻠﻴﻪ ﺭﺟﻔﺖ ﺭﺃﺳﺎً ﺑﺪﻭﻥ ﺻﻮﺕ ﻓﺘﺤﺖ ﺍﻟﺒﺎﺏ ﻭﺷﺮﺩﺕ ﻟﺒﺮﻩ ﺍﺣﺲ ﻧﻔﺴﻲ ﻣﻜﻄﻮﻉ ﺟﺎﻥ ﺿﺎﺏ ﺍﻟﺨﻨﺎﻕ ﻋﻠﻴﻪ .
ﺗﻨﻔﺴﺖ ﺑﺮﺍﺣﻪ ﻭﻟﻜﻴﺖ ﺳﻤﻴﺮﺍﻧﻮ ﻭﺍﻛﻔﻪ ﻳﻢ ﺍﻟﺒﺎﺏ . ﺍﻭﻝ ﻣﺎﻃﻠﻌﺖ ﺻﺎﺭﺕ ﺑﻮﺟﻬﻲ ﻧﺘﺮﺕ ﺑﻴﻪ
ﺍﻡ ﻣﺎﻫﺮ .. ﺷﺒﻴﻪ ﻣﺎﻫﺮ ﺷﺴﻮﻳﺘﻴﻠﻪ؟؟
- ﻻﺯﻡ ﺻﻐﻴﺮ ﻭﺍﺳﻮﻳﻠﻪ
ﺍﻡ ﻣﺎﻫﺮ .. ﺷﺒﻴﻪ ﻳﻌﻴﻂ ﻓﻬﻤﻴﻨﻲ ﻛﻠﻪ ﺑﺴﺒﺒﺞ ﺍﻟﻠﻪ ﻟﻴﺮﺿﻰ ﻋﻠﻴﺞ
- ﺧﺎﻟﻪ ﺍﻧﻲ ﺷﻌﻠﻠﻴﻴﻪ ﻫﻮَ ﺳﺤﺒﻨﻲ
ﺍﻡ ﻣﺎﻫﺮ .. ﻣﺎﺍﻋﺮﻑ ﺷﺴﻮﻳﺘﻲ ﻻﺍﺑﻨﻲ ﺳﻮﺩﻩ ﻋﻠﻴﻪ ﻳﻮﻡ
ﺍﺳﺘﻐﻔﺮ ﺍﻟﻠﻪ ﺭﺑﻲ ﺷﻠﻮﻥ ﺑﻴﻬﻪ ﻫﺎﻱ ﺍﻟﻤﺮﻩ ﺑﺎﻭﻋﺘﻠﻬﻪ ﻭﺍﻫﺰ ﺇﻳﺪﻱ ﺑﺲ ﺑﮕﻠﺒﻲ ﻫﺰﻳﺘﻬﻪ .. ﻻﻥ ﻋﻴﺐ ﻣﻘﺎﺑﻴﻠﻬﻪ ﻣﻬﻤﺎ ﻳﻜﻮﻥ ﺗﺒﻘﻰ ﺍﻛﺒﺮ ﻣﻨﻲ .
ﻣﺮﺕ ﺗﻘﺮﻳﺐ ﺍﻟﻨﺺ ﺳﺎﻋﻪ ﻭﻫﻮَ ﻣﺎﻃﺎﻟﻊ ﻣﻦ ﺍﻟﻐﺮﻓﻪ . ﻟﻤﺎ ﺍﺟﺖ ﺍﻟﺪﻛﺘﻮﺭﻩ ﺩﺧﻠﺖ ﻟﻠﻐﺮﻓﻪ ﻭﺍﻧﻲ ﺗﺨﺒﻠﺖ ﻫﺴﻪ ﺗﻠﮕﺎﻩ ﮔﺎﻋﺪ ﻉ ﺍﻟﻤﻴﺰ ﺍﻛﻴﺪ ﻭﺗﺸﻮﻑ ﺍﻟﻬﻴﺒﻪ ﻭﺍﻟﺸﺨﺼﻴﻪ ﺗﺴﺤﻞ ﺭﻭﺣﻬﻪ ﻻﻥ ﻣﺎﺷﺎﺀ ﺍﻟﻠﻪ ﺑﻨﺎﺕ ﺍﻟﻜﻠﻴﻪ ﻛﻠﻬﻦ ﺳﺎﺣﻼﺕ ﺭﻭﺍﺣﻬﻦ .
ﻇﻠﻴﺖ ﺍﺗﺤﺮﮔﻦ ﻣﻦ ﺍﻟﻐﻴﺮﻩ .. ﻣﺮﺕ ﻋﺸﺮ ﺩﻗﺎﻳﻖ ﻭﻻ ﻫﻲَ ﻭﻻ ﻫﻮَ !!
ﺍﺳﺘﻐﻔﺮ ﺍﻟﻠﻪ ﺭﺑﻲ ﺻﺒﺮﻧﻲ ﻭﺧﻠﻴﻨﻲ ﻭﺍﮔﻔﻪ ﺑﻤﻜﺎﻧﻲ ﺗﻮﻧﻲ ﺍﺣﺲ ﺑﺎﻻﻧﺘﺼﺎﺭ ﻣﺎﺍﺭﻳﺪ ﺍﺧﺮﺏ ﻛﺮﺍﻣﺘﻲ ﺍﻻﺳﺘﺮﺟﻌﺘﻬﻪ .
ﺭﺣﺖ ﻳﻢ ﺍﻣﻪ ﻛﻠﺖ ﺑﻠﻜﻲ ﺍﻭﺯﻭﺯﻫﻪ
- ﺧﺎﻟﻪ ﺍﺳﺘﺎﺫ ﻣﺎﻫﺮ ﺑﻘﻪ ﺑﺎﻟﻐﺮﻓﻪ ﻭﺍﻟﺪﻛﺘﻮﺭﻩ ﺩﺧﻠﺖ ﻟﺠﻮﻩ ﺧﺎﻑ ﻣﺘﻘﺒﻞ ﻻﻥ ﻏﺮﻓﺘﻬﻪ
ﺍﻡ ﻣﺎﻫﺮ .. ﺧﻠﻴﻬﻪ ﺑﻠﻜﻲ ﺗﻌﺠﺒﻪ ﻭﺍﺧﻄﺒﻬﻪ ﺇﻟﻪ ﻫﻴﺞ ﻳﻮﻡ ﻋﻴﺪ ﻭﺍﻟﻠﻪ ﺷﻔﺘﻴﻬﻪ ﺷﻠﻮﻥ ﻧﺰﺍﻛﻪ ﻭﺗﺮﺗﻴﺐ ﻛﻮﻟﺶ ﻋﺠﺒﺘﻨﻲ ﺑﺲ ﻛﻮﻥ ﺗﻄﻠﻊ ﻭﺍﺷﻮﻓﻬﻪ ﺑﻌﺪ ﺍﺭﻭﻱ ﻧﻈﺮﻱ
ﻫﺎﻱ ﺍﻧﻬﺪﺕ ﺗﻤﺪﺡ ﺑﻴﻬﻪ ﻭﺗﺮﺩ ﻟﻮﺭﻩ ﻓﻮﻙ ﻣﺎﻣﺤﺘﺮﻙ ﻛﻠﺒﻲ ﺣﺮﻛﺘﻪ ﺑﺎﻟﺰﺍﻳﺪ .
ﺍﺟﻮ ﻭﻟﻴﺪ ﻭﺍﺳﻤﺎﻋﻴﻞ ﻛﻠﺖ ﻟﻮﻟﻴﺪ
- ﻭﻳﻦ ﻋﻔﺘﻮﻧﻪ ﺍﻟﺰﻟﻢ ﺗﺘﺨﻄﻒ ﻋﻠﻴﻨﻪ ﻭﺍﺳﺘﺎﺫ ﻣﺎﻫﺮ ﻋﺎﻓﻨﻪ ﺩﺧﻞ ﺟﻮﻩ
ﺍﺳﻤﺎﻋﻴﻞ .. ﺷﻨﻮ ﻭﻳﻦ ﺭﺍﺡ ﻏﻴﺮ ﺑﻘﻴﻨﺎﻛﻢ ﺍﻣﺎﻧﻪ ﻳﻤﻪ
- ﻫﻨﺎ ﺩﺧﻞ ﺑﻬﺎﻱ ﺍﻟﻐﺮﻓﻪ ﻣﺪﺭﻱ ﺷﻴﺴﻮﻱ
ﺭﺍﺡ ﻭﻟﻴﺪ ﺻﺎﺣﻪ ﻭﺍﺟﻪ .. ﻃﻠﻊ ﻫﻮَ ﻭﻳﺎﻩ ﻭﻳﻀﺤﻚ !!
ﺧﻮﺵ ﻭﺍﻟﻠﻪ ﺃﺛﺮﺕ ﺑﻴﻪ ﺑﺴﺮﻋﻪ . ﺑﺎﻭﻋﺘﻠﻪ ﺭﺍﻓﻌﻪ ﺣﺎﺟﺒﻲ ﺑﺲ ﻣﺎﺑﺎﻭﻋﻠﻲ ﻭﺍﻻﺑﺘﺴﺎﻣﻪ ﻋﻠﻰ ﻛﻞ ﻭﺟﻬﻪ .
ﻃﻠﻌﺖ ﺍﻟﺪﻛﺘﻮﺭﻩ ﻧﻔﺴﻬﻪ ﻻﺑﺴﻪ ﺷﺎﻝ ﺑﻴﺠﻲ ﻭﺍﻟﺸﻌﺮ ﻧﺼﻪ ﻃﺎﻟﻊ ﻭﺻﺎﺑﻐﺘﻪ ﺍﺷﻘﺮ ﺫﻫﺒﻲ ﻭﻭﺟﻬﻪ ﺩﺍﺋﺮﻱ ﻭﺍﺑﻴﺾ ﻭﺧﺪﻭﺩﻫﻪ ﺣﻤﺮ ﻭﺣﺎﻃﻪ ﺣﻤﺮﻩ ﻟﻮﻥ ﺟﻮﺯﻱ ﻭﻣﻜﻴﺎﺝ ﺧﻔﻴﻒ ﻛﻠﺶ ﺣﻠﻮﻩ ﻭﺍﻳﺪﻳﻬﻪ ﻧﺎﻋﻤﺎﺕ ﻭﻻﺑﺴﻪ ﻣﺤﺎﺑﺲ ﺫﻫﺐ ﻧﺎﺯﻛﺎﺕ ﻭﺍﻟﺤﺬﺍﺀ ﻛﻌﺐ ﻭﺍﻟﺤﺠﻲ ﻭﺍﻟﻨﺰﺍﻛﻪ ﺍﻧﻲ ﻣﻌﺖ ﻭﺗﺴﺮﺳﺤﺖ ﻑ ﻛﻴﻒ ﻫﻮَ ؟ !
ﻣﻦ ﺗﻀﺤﻚ ﺑﻬﺪﻭﺀ ﻭﻧﺰﺍﻛﻪ .. ﺑﺎﻭﻋﺖ ﻋﻠﻰ ﺭﻭﺣﻲ ﺟﻨﺖ ﻻﺑﺴﻪ ﺑﻨﻄﺮﻭﻥ ﻭﻓﻮﮔﺎﻩ ﻳﻠﮓ ﺯﻳﺘﻮﻧﻲ ﻭﺷﺎﻝ ﻣﺜﺒﺘﺘﻪ ﺑﺪﻧﺒﻮﺱ ﻭﺍﺣﺪ ﻭﻭﺟﻬﻲ ﻳﺘﻼﻃﻢ .
ﻻﻛﺤﻴﻠﻪ ﻻﺣﻤﻴﺮﻩ ﻭﺍﻟﻠﻪ ﺣﺴﻴﺖ ﻧﻔﺴﻲ ﻧﻤﻠﻪ ﻣﻘﺎﺑﻴﻞ ﺟﻤﺎﻟﻬﻪ .
ﻳﺎﺍ ﻭﺍﻧﻲ ﺷﻤﺎﻟﻨﻲ ﺍﺻﻼً ﺑﺲ ﺧﺪﻭﺩﻱ ﺑﻤﺮﻩ .
ﻣﻨﺘﺼﺮﻭﻥ ﺭﻏﻢ ﺍﻷﻟﻢ .
ﻧﻬﻰ ﺗﺼﺮﺥ ﻭﻭﻟﻴﺪ ﻳﻔﺮﻓﺢ ﻛﻠﻤﺎ ﺗﻌﻴﻂ ﻳﮕﻤﺰ ﻭﻳﻈﻞ ﻳﺎﻛﻞ ﺑﺮﻭﺣﻪ .. ﻛﺴﺮ ﺧﺎﻃﺮﻱ .
ﺍﺑﻮ ﺍﻟﺮﺯﺍﻳﻞ ﺑﻌﺪ ﻣﺎﺑﺎﻭﻋﻠﻲ ﻭﻣﺘﺠﺎﻫﻠﻨﻲ ﻭﺑﺲ ﻳﺴﻮﻟﻒ ﻭﻱ ﺍﻟﺪﻛﺘﻮﺭﻩ .. ﻭﻫﻲَ ﻫﻢ ﻟﮕﺘﻬﻪ ﻓﺮﺻﻪ ﻛﻠﺴﺎﻉ ﻳﺎﺭﺍﻳﺤﻪ ﻳﺎﺟﺎﻳﻪ .
ﺟﺎﺑﺖ ﻧﻬﻰ ﻭﻟﺪ ﻭﺩﺧﻠﻨﺎﻟﻬﻪ ﺑﻌﺪ ﻣﺎﻛﻌﺪﺕ .. ﺍﻭﻝ ﻣﺎﺷﺎﻟﺘﻪ ﺑﺠﺖ ﻭﺑﺎﻭﻋﺖ ﻟﻮﻟﻴﺪ .. ﻛﺎﻋﺪ ﻳﻤﻬﻪ ﻭﻻﺯﻡ ﺍﻳﺪﻫﻪ .. ﻭﻫﺎﻱ ﺍﻡ ﻣﺎﻫﺮ ﺗﺘﺤﺮﻛﻦ
ﺍﻡ ﻣﺎﻫﺮ .. ﺃُﻣﻲ ﻋﻮﻑ ﺍﻳﺪﻫﻪ ﺧﻞ ﺗﺮﺿﻊ ﺍﻟﻮﻟﺪ
ﻭﻟﻴﺪﺩ .. ﺍﻱ ﺑﺲ ﺗﻄﻠﻌﻮﻥ ﺗﺮﺿﻌﻪ
ﺍﻡ ﻣﺎﻫﺮ .. ﻭﺍﻧﺖَ ﻫﻤﺎﺗﻴﻦ ﺗﻄﻠﻊ
ﻭﻟﻴﺪ .. ﻻ ﻣﺎﺍﻋﻮﻑ ﻣﺮﺗﻲ
ﻫﺎﻱ ﺷﺒﻴﻬﻪ ﺍﻟﻤﺮﻩ ﺗﻐﺎﺭ ﺷﻨﻮ ؟
ﺍﺑﻮ ﺍﻟﺮﺯﺍﻳﻞ ﺍﺫﻥ ﺑﺈﺫﻧﻪ ﺍﻟﻮﻟﺪ ﻭﻛﻤﻞ ﻭﺭﺟﻊ ﻟﻮﺭﻩ ﻭﻛﻒ
ﻛﺘﻠﻬﻪ -:
- ﻧﻬﻰ ﻋﻠﻴﺞ ﺍﻟﻠﻪ ﺳﻤﻮﻩ ﺷﺎﻣﺦ
ﺍﻡ ﻣﺎﻫﺮ .. ﺍﻳﻊ ﺷﻨﻮ ﻫﺎﻻﺳﻢ
ﻭﻟﻴﺪ .. ﻫﻬﻬﻪ ﺑﻜﻞ ﻋﻘﻠﺞ ﻭﻳﻦ ﻋﺎﻳﺸﻴﻦ ﺑﻴﺎ ﺯﻣﻦ
ﺍﺑﻮ ﺍﻟﺮﺯﺍﻳﻞ ﻭﺍﮔﻒ ﻭﺭﺍﻧﻪ ﻛﻠﻨﻪ ﻭﻣﻜﺘﻒ ﺍﻳﺪﻳﻪ ﻭﻋﺎﻛﺪ ﺣﻮﺍﺟﺒﻪ .. ﻛﺎﻝ
- ﻭﻟﻴﺪ ﺍﺧﺘﺎﺭ ﺍﻧﺖَ ﻭﻧﻬﻰ ﺍﻹﺳﻢ ﻭﺧﻼﺹ
ﻧﻬﻰ .. ﺍﻧﻲ ﻣﺎﻛﻮ ﺑﺒﺎﻟﻲ ﺍﺳﻢ
ﻭﻟﻴﺪ .. ﻭﻻ ﺍﻧﻲ
ﻣﺎﻫﺮ .. ﻟﻌﺪ ﺳﻤﻮﻩ ﺃﺑﻬﺮ
ﺣﺠﻴﺖ ﺑﺪﻭﻥ ﻣﺎﺍﻟﺘﻔﺖ ﻋﻠﻴﻪ
ﺛُﺮﻯٰ .. ﺷﺴﺎﻟﻔﻪ ﻋﻤﻠﻴﺔ ﺗﺸﺮﻳﺢ ﺍﻟﻘﻠﺐ ﺷﻨﻮ
ﺗﻤﺸﻪ ﻭﻭﻛﻒ ﺻﺎﺭ ﻣﻘﺎﺑﻴﻠﻲ .. ﺧﺰﺭﻧﻲ ﺧﺰﺭﻩ ﺧﻼﻧﻲ ﺍﺩﻧﮓ ﺭﺍﺳﻲ ﻣﺘﻔﺸﻠﻪ .. ﻭﺍﻟﻠﻪ ﺑﻂ ﭼﺒﺪﻱ ﻳﻌﻨﻲ ﻫﻮَ ﻫﺬﺍ ﺍﺳﻢ ﺍﺑﻬﺮ ﻫﻬﻬﻪ ﺍﺑﻬﺮ ﺍﻟﻨﻮﺏ .
ﻧﻬﻰ ﺑﺈﺑﺘﺴﺎﻣﻪ ﻛﺬﺏ .. ﻫﻬﻬﻬﻪ ﻣﺎﻛﻮ ﻏﻴﺮ ﻫﺬﺍ ﺍﻹﺳﻢ
ﻣﺎﻫﺮ .. ﺑﻜﻴﻔﻜﻢ ﺑﻌﺪ ﻫﺬﺍ ﺍﻭﻝ ﺍﺳﻢ ﺍﺟﻪ ﻋﻠﻰ ﺑﺎﻟﻲ
ﺍﻡ ﻣﺎﻫﺮ .. ﺍﻧﻲ ﺍﺳﻤﻴﻪ ﺍﻧﺘﻢ ﻣﻌﻠﻴﻜﻢ ..
ﺍﻣﻢ ﺍﺳﻤﻴﻪ ﺣﺴﻮﻧﻲ
ﻭﻟﻴﺪ .. ﺣﺴﻮﻧﻲ ﺣﺴﻮﻧﻲ ﻫﺎﻱ ﻫﻴﻪ
ﻳﺎﺣﻴﻒ ﻭﺍﻟﻠﻪ ﺭﺍﺡ ﻳﺼﻴﺮ ﺍﺳﻢ ﺍﺑﻦ ﺍﺧﺘﻲ ﻭﻫﻲَ ﻣﺴﻤﻴﺘﻪ .
ﺍﺳﻤﺎﻋﻴﻞ ﻣﺎﺧﺬ ﺩﻭﺭ ﺍﻟﻤﺘﻔﺮﺝ ﻣﺎﺣﭽﻪ ﺃﻱ ﺷﻲ ﺑﺲ ﺑﺎﺭﻙ ﻟﻨﻬﻰ ﻣﻦ ﺩﺧﻠﻨﻪ .
ﻟﻠﺼﺒﺢ ﺍﺟﺖ ﺍﻣﻲ ﻫﻢ ﻇﻠﺖ ﻭﻱ ﻧﻬﻰ ﻭﺍﻧﻲ ﺭﺟﻌﺖ ﻟﻠﺒﻴﺖ .
ﺑﻘﺖ ﻳﻮﻣﻴﻦ ﻭﻃﻠﻌﺖ ﻧﻬﻰ ﻣﻦ ﺍﻟﻤﺴﺘﺸﻔﻰ ﻭﻻﺯﻡ ﺍﻧﻲ ﺍﺭﻭﺡ ﻟﺒﻴﺘﻬﻪ ﺍﺳﺎﻋﺪﻫﻪ ﻻﻥ ﻣﺎﻗﺒﻞ ﻭﻟﻴﺪ ﺗﺠﻴﻨﻪ ﻳﻜﻮﻝ ﺑﻴﺘﻜﻢ ﺻﻐﻴﺮ ﻭﺍﺭﻳﺪ ﺍﺧﺬ ﺭﺍﺣﺘﻲ . ﻋﻠﻰ ﺍﺳﺎﺱ ﻫﻮَ ﻛﺎﻋﺪ ﺑﭭﻠﻪ .
ﺭﺣﺖ ﻟﺒﻴﺘﻬﻪ ﺍﻗﺪﻡ ﺿﻴﺎﻓﻪ ﻭﺍﻧﻈﻒ ﺻﺮﺕ ﻛﺮﺳﻮﻥ ﺑﻠﻮﺷﻲ .
ﺍﺳﺎﻋﺪ ﻧﻬﻰ ﻣﻦ ﺗﻮﻛﻒ ﻭﻣﻦ ﺗﺒﺪﻝ ﺑﻜﻠﺸﻲ ﻭﮔﻔﺘﻠﻬﻪ .. ﺣﺘﻰ ﺍﻟﻄﻔﻞ ﺍﻧﻲ ﺍﻫﺘﻢ ﺑﻴﻪ ﻣﻦ ﺗﺘﻌﺐ ﻫﻲَ ﺣﺴﻴﺖ ﻧﻔﺴﻲ ﺍﻡ ﺑﻴﺖ .. ﻭﻟﻴﺪ ﻳﺎﺧﺬﻧﻲ ﻭﻳﺮﺟﻌﻨﻲ ﻟﻠﻜﻠﻴﻪ .. ﺍﺷﻮﻑ ﻧﻬﻰ ﺣﻴﺎﺗﻬﻪ ﻣﻤﻠﻪ .
ﺷﻨﻲ ﻫﺎﻱ ﺍﺫﺍ ﻣﻮ ﺍﻟﺒﻴﺖ ﻣﺘﺮﻭﺱ ﻭﺑﻴﻪ ﻫﻮﺳﻪ ﻫﺴﻪ ﻫﻢ ﺍﻛﻌﺪ ﺑﻴﻪ .
ﻣﻦ ﻳﻄﻠﻊ ﻭﻟﻴﺪ ﺍﻟﻌﺼﺮ ﺍﺧﺬ ﺭﺍﺣﺘﻲ .. ﺍﻟﺒﺲ ﺗﺮﺍﻛﺎﺕ ﻭﺩﺷﺎﺩﻳﺶ ﻗﺼﻴﺮﻩ .
ﺍﻟﻴﻮﻡ ﺳﺎﻋﺪﺕ ﻧﻬﻰ ﺳﺒﺤﺖ ﻭﺍﻧﻲ ﻫﻢ ﺳﺒﺤﺖ ﻭﻟﺒﺴﺖ ﺗﺮﺍﻙ ﻟﻠﺮﻛﺒﻪ ﻭﺭﺑﻊ ﺭﺩﻥ .. ﻋﻨﺪ ﺍﻫﻠﻲ ﻣﺤﺮﻭﻣﻪ ﻣﻦ ﺍﻟﺘﺮﺍﻛﺎﺕ ﺍﺳﺘﺤﻲ ﻣﻦ ﺍﺧﻮﺍﻧﻲ .
ﺳﻮﻳﺖ ﺷﻌﺮﻱ ﻇﻔﻴﺮﻩ ﺻﻔﺢ ﻭﻇﻠﻴﺖ ﺍﺳﻮﻟﻒ ﻭﻱ ﻧﻬﻰ .
- ﺍﻛﻠﺞ ﺍﺷﻮ ﺍﺳﺘﺎﺫ ﻣﺎﻫﺮ ﻳﻜﻠﻲ ﻟﻴﺶ ﻭﺍﻓﻘﺘﻲ ﻉ ﺍﻻﻳﺮﺍﻧﻲ ﻣﻨﻮ ﻛﺎﻟﻠﻪ ﺍﻧﻲ ﻣﻮﺍﻓﻘﻪ؟
ﻧﻬﻰ .. ﺍﻧﻲ ﻛﻠﺖ ﻣﻘﺎﺑﻴﻠﻪ .. ﺍﺧﺬﻧﻪ ﻟﻠﺴﻮﻙ ﻋﻠﻤﻮﺩ ﻧﺘﺴﻮﻙ ﻟﻠﻄﻔﻞ ﻭﻛﻠﺖ ﻟﻮﻟﻴﺪ ﺍﺭﻳﺪ ﺍﺧﺬ ﻓﺴﺘﺎﻥ ﻣﺎﻝ ﺣﻔﻼﺕ ﻣﻦ ﺳﺄﻟﻨﻲ ﻛﺘﻠﻪ ﻋﻠﻤﻮﺩ ﺧﻄﻮﺑﺔ ﺛُﺮﻯٰ ﺭﺍﺡ ﺗﺼﻴﺮ ﺑﺈﻳﺮﺍﻥ ﻫﻮَ ﺭﺃﺳﺎً ﻭﺟﻬﻪ ﺍﻧﮕﻠﺐ
- ﻭﻟﻴﺶ ﺟﺬﺑﺘﻲ ﻋﻠﻴﻪ؟؟
- ﻧﺮﺟﻌﻠﻪ ﺍﻟﺼﺎﻉ ﺻﺎﻋﻴﻦ
- ﻫﻬﻬﻪ ﻋﻔﻴﻪ ﺍﺧﻴﺘﻲ
ﻗﺎﻃﻌﺖ ﺳﻮﺍﻟﻔﻨﻪ ﺩﮔﺔ ﺍﻟﺒﺎﺏ ﺭﺣﺖ ﻓﺘﺤﺘﻪ .. ﻟﻜﻴﺘﻬﻪ ﺍﻡ ﻣﺎﻫﺮ
- ﻫﻼ ﺧﺎﻟﻪ ﺗﻔﻀﻠﻲ
ﺍﻡ ﻣﺎﻫﺮ .. ﻳﺎ ﻫﺎﻱ ﺍﻧﺖِ ﺷﺠﺎﺑﺞ ﻫﻨﺎ؟
- ﺍﺳﺎﻋﺪ ﺍﺧﺘﻲ
ﺍﻡ ﻣﺎﻫﺮ .. ﺍﻭﻑ ﻭﻳﻦ ﻣﺎﺍﺭﻭﺡ ﺗﻄﻠﻌﻴﻦ ﺑﻮﺟِﻬﻲ ﺣﺎﻃﺘﻠﻲ ﺟﻬﺎﺯ ﺗﻌﻘﺐ ﻟﻮ ﺍﻳﺶ
ﺍﺑﺘﺴﻤﺖ ﺟﺬﺏ ﻭﻭﺩﻱ ﺍﻓﺘﺮﺳﻬﻪ
- ﻫﻬﻬﻪ ﺩﺧﻠﻲ
ﺩﺧﻠﺖ ﻛﺪﺍﻣﻬﻪ ﻓﺘﺤﺖ ﺑﺎﺏ ﺍﻻﺳﺘﻘﺒﺎﻝ ﺩﺧﻠﺘﻬﻪ ﻭﻃﻠﻌﺖ ﺍﺿﻴﻔﻬﻪ .. ﻣﻦ ﻃﻠﻌﺖ ﺻﺎﺭ ﺍﺑﻮ ﺍﻟﺮﺯﺍﻳﻞ ﺑﻮﺟﻬﻲ ﺟﺎﻱ ﻳﺴﺪ ﺍﻟﺒﺎﺏ !
ﺷﺎﻓﻨﻲ ﻭﻇﻞ ﻳﺮﻣﺶ ﺑﻌﻴﻮﻧﻪ .. ﻧﻈﺮﻟﻲ ﻧﻈﺮﻩ ﻭﺣﺪﻩ ﺧﻄﻒ ﻭﺩﺍﺭ ﻭﺟﻬﻪ ﺭﺃﺳﺎً ﺍﻧﻄﺎﻧﻲ ﻇﻬﺮﻩ .
ﺍﻟﻨﻮﺏ ﻇﻠﻴﺖ ﻣﺼﻔﺼﻔﻪ ﻭﻭﺍﮔﻔﻪ . ﻣﺪﺭﻱ ﺑﺸﻮﻓﺘﻪ ﻣﺪﺭﻱ ﺑﺎﻟﻘﺎﻁ ﺍﻟﺠﺪﻳﺪ .
ﺟﻠّﻪ ﺻﻮﺗﻪ ﻭﻧﺘﺮ -:
- ﻣﺎﺗﻤﺸﻴﻦ ﺍﻟﻴﻮﻡ ﺍﺑﻘﻰ ﻭﺍﻛﻒ ﻫﻨﺎ؟
- ﻫﺎ ﺍﻱ ﺍﻱ
ﺩﺧﻠﺖ ﺭﻛﺾ ﻟﻠﺒﻴﺖ ﻛﻠﺖ ﻟﻨﻬﻰ ﻭﻟﺒﺴﺖ ﺻﺎﻳﻪ ﻓﻮﻙ ﻣﻼﺑﺴﻲ ﻭﻃﻠﻌﺖ ﺑﺎﻟﻤﺎﻱ .
ﺩﺧﻠﺖ ﻭﺳﻠﻤﺖ ﺍﻣﻪ ﻣﺎﺭﺩﺕ ﺍﻟﺴﻼﻡ ﻭﻻ ﻫﻮَ !
ﺑﺲ ﺣﺮﻙ ﺷﻔﺎﻳﻔﻪ ﻭﻣﺎﻣﺒﻴﻨﻪ ﺭﺩ .
ﺻﺒﻴﺖ ﻣﺎﻱ ﺑﺎﻟﻜﻼﺹ ﻭﺍﺩﺭﻱ ﺑﺈﻣﻪ ﺗﺸﺮﺏ ﺑﺎﻟﺼﻼﺣﻴﻪ .. ﺍﻧﻄﻴﺘﻪ ﺍﻟﻜﻼﺹ ﻭﺍﻧﻄﻴﺘﻬﻪ ﺍﻟﺼﻼﺣﻴﻪ ﺍﻧﻲ ﻭﺍﻛﻔﻪ ﻗﺮﻳﺐ ﻋﻠﻴﻬﻪ ﻣﻦ ﻣﺎﺩﻩ ﺍﻳﺪﻱ ﻣﺎﻣﺒﻴﻨﻪ ﺍﻟﻬﻪ ﻭﻫﻲَ ﻣﺎﺧﺬﺗﻬﻪ ﻋﺒﺎﻟﻬﻪ ﻻﺯﻣﺘﻬﻪ ﻻﻥ ﺛﮕﻴﻠﻪ .
ﻫﻮَ ﺑﺎﻭﻉ ﺑﺈﻳﺪﻱ ﻭﺑﺎﻟﮕﻼﺹ . ﺭﻓﻊ ﺣﺎﺟﺒﻪ ﻭﺑﺎﻭﻋﻠﻲ ﺧﺎﺯﺭﻧﻲ .
ﻣﺎﻫﺮ .. ﺍﻧﻲ ﺳﺎﻣﻊ ﻳﻘﺪﻣﻮﻥ ﻟﻠﺠﺒﻴﺮ ﺍﻭﻝ ﺷﻲ . ﺗﻌﺮﻓﻴﻨﻬﻪ ﻫﺎﻟﻤﻌﻠﻮﻣﻪ ﻟﻮ ﻻ؟
- ﺍﺍﺀﺀ
ﺭﺩﺕ ﺍﺣﺠﻲ ﻭﻗﺎﻃﻌﺘﻨﻲ
ﺍﻡ ﻣﺎﻫﺮ .. ﺑﺎﻉ ﺣﺘﻰ ﺑﻬﺎﻱ ﻣﺎﻋﺪﻫﻪ ﺍﺣﺘﺮﺍﻡ ﻭﻛﻠﺸﻲ ﻣﺘﻌﺮﻑ ﻭﻻ ﻋﺒﺎﻟﻚ ﻃﺎﻟﺒﺔ ﻛﻠﻴﻪ ﻭﻋﻤﺮﻫﻪ ﺑﺎﻟﻌﺸﺮﻳﻨﺎﺕ
- ﺧﺎﻟﻪ ﻏﻴﺮ ﺍﻧﺖِ ﻛﻞ ﻣﺮﻩ ﺍﻧﻄﻴﺞ ﺑﺎﻟﺼﻼﺣﻴﻪ ﻛﻠﻤﺎ ﺍﻗﺪﻣﻠﺞ ﺑﺎﻟﻜﻼﺹ ﺗﻜﻮﻟﻴﻦ ﺍﺭﻳﺪ ﺑﺎﻟﺼﻼﺣﻴﻪ
- ﺧﻼﻟﻪ ﺑﻌﻴﺞ ﻭﻉ ﺭﺍﺳﺞ ﺷﻮﻛﺖ ﺍﻧﻲ ﺷﺎﺭﺑﻪ ﻣﻨﺞ ﻣﻲ ﻫﻲَ ﻣﺮﻩ ﻭﺣﺪﻩ ﺟﻴﺘﻜﻢ ﻭﺣﺘﻰ ﻣﺸﺮﺑﺖ ﺷﻲ .
ﻫﺬﺍ ﻳﺒﺎﻭﻉ ﻣﺨﻨﺰﺭ ﻭﻫﺎﻱ ﺍﻛﻠﺘﻨﻲ ﺣﺎﺻﻞ ﻓﺎﺻﻞ .. ﺳﻜﺘﺖ ﻭﻋﺒﺮﺗﻬﻪ .. ﺳﺤﺒﺖ ﺍﻟﻄﺒﻠﻪ ﺑﻨﺘﺮ ﺧﻠﻴﺘﻬﻪ ﺑﺎﻟﻮﺳﻂ ﻭﺧﻠﻴﺖ ﻋﻠﻴﻬﻪ ﺍﻟﺼﻼﺣﻴﻪ ﻭﺍﻟﮕﻼﺹ .. ﺳﻮﻭﻟﻬﻢ ﺳﺎﻟﻔﻪ ﻣﻦ ﻻﺷﻲﺀ .
ﻳﺨﺰﺭ ﺑﻴﻪ ﺧﺰﺭ ﻭﻋﻴﻮﻧﻪ ﺗﻠﺼﻠﺺ ﻳﺮﻳﺪ ﻳﮕﻮﻡ ﻳﻔﺘﺮﺳﻨﻲ ﻋﺒﺎﻟﻚ ﺳﻮﻳﺖ ﺟﺮﻳﻤﻪ .
ﻃﺒﻴﺖ ﻣﺨﺘﻨﻜﻪ ﻣﻦ ﻫﻴﺞ ﻧﻤﺎﺫﺝ ﺍﺩﺭﻱ ﻣﺼﻨﻮﻋﻴﻦ ﻣﻦ ﺫﻫﺐ ﻟﺨﺎﻃﺮ ﺍﻟﻠﻪ .
- ﻧﻬﻰ ﻛﻮﻣﻲ ﻃﻠﻌﻴﻠﻬﻢ ﺗﺮﻩ ﺭﺍﺡ ﺍﺗﺨﺒﻞ
ﻧﻬﻰ .. ﺷﻜﻮ ﺷﺼﺎﻳﺮ
- ﻛﻮﻣﻲ ﻳﺨﺘﻲ ﻛﻮﻭﻭﻣﻲ
ﺣﻀﺮﺕ ﺍﻟﻀﻴﺎﻓﻪ ﻭﻫﻲَ ﺭﺍﺣﺖ ﻳﻤﻬﻢ .. ﺩﺧﻠﺖ ﺣﻄﻴﺖ ﺍﻟﺼﻴﻨﻴﻪ ﻋﻠﻰ ﺍﻟﻄﺒﻠﻪ ﻭﺍﻟﻨﻈﺮﺍﺕ ﺍﻟﻤﺮﺍﻗﺒﻪ ﺗﺸﺘﻐﻞ .
ﺧﻠﻴﺖ ﺍﻟﻌﺼﺎﻳﺮ ﻛﺪﺍﻣﻬﻢ ﻭﺍﻟﻜﻴﻚ ﺑﺎﻟﻨﺺ ﺑﻘﻪ ﺑﺎﻟﺼﻴﻨﻴﻪ .
ﺭﺩﺕ ﺍﻃﻠﻊ ﻭﻧﻬﻰ ﺍﺷﺮﺗﻠﻲ ﻋﻮﺩ ﺍﺑﻘﻲ .. ﺭﺣﺖ ﻛﻌﺪﺕ ﻳﻤﻬﻪ ﻉ ﺍﻟﺘﺨﻢ ﻭﺭﻭﺣﻲ ﻃﺎﻓﺮﻩ ﻣﺎﺍﺭﻳﺪ ﺍﺑﻘﻰ .
ﻣﺎﻫﺮ .. ﻭﻟﻴﺪ ﻭﻳﻦ؟
ﻧﻬﻰ .. ﻃﺎﻟﻊ
ﻣﺎﻫﺮ .. ﻃﺎﺡ ﺣﻈﻪ ﻋﻮﺩ ﻛﺘﻠﻪ ﺟﺎﻳﻴﻨﻜﻢ ﺍﻟﻴﻮﻡ
ﻧﻬﻰ .. ﻫﻮَ ﻃﻠﻊ ﻛﺎﻝ ﺳﺎﻋﻪ ﻭﺍﺭﺟﻊ
ﻣﺎﻫﺮ .. ﺷﻠﻮﻥ ﻳﺒﻘﻴﻜﻢ ﻭﺣﺪﻛﻢ
ﻧﻬﻰ .. ﻣﺎﻋﻠﻴﻨﻪ ﺷﻲ ﻗﺎﻓﻠﻴﻦ ﺍﻟﺒﺎﺏ ﻭﻛﺎﻋﺪﻳﻦ ﻧﺴﻮﻟﻒ
ﻣﺎﻫﺮ .. ﻫﺎﺍ ﺯﻳﻦ
ﺍﻧﻲ ﻋﻴﻨﻲ ﻋﻠﻰ ﺍﻡ ﻣﺎﻫﺮ ﺍﺧﻴﺮﺍً ﺍﻛﻠﺖ ﻛﻴﻚ ﺭﺩﺕ ﺍﻫﻠﻬﻞ .
ﻇﻠﺖ ﺗﺎﻛﻞ ﻭﺗﻌﻮﺝ ﺑﺤﻠﮕﻬﻪ ﻭﻣﺒﻴﻦ ﻋﺠﺒﻬﻪ ﺍﻟﻄﻌﻢ .
ﺍﻡ ﻣﺎﻫﺮ .. ﺍﻛﻮﻟﺞ ﻫﺬﺍ ﺍﻟﻜﻴﻚ ﻣﻨﻴﻦ ﻣﺸﺘﺮﻳﻪ؟؟
ﻧﻬﻰ .. ﺛُﺮﻯٰ ﻣﺴﻮﻳﺘﻪ
ﻫﺎ .. ﺍﻫﺎ ﺑﺤﺮﻛﻪ ﻭﺣﺪﻩ ﺷﻤﺮﺕ ﺍﻟﻜﻴﻜﻪ ﺑﻮﺳﻂ ﺍﻟﺼﻴﻨﻴﻪ ﺑﺈﺷﻤﺌﺰﺍﺯ ﻭﻧﻜﺜﺖ ﺇﻳﺪﻳﻬﻪ ﻭﻇﻠﺖ ﺗﻤﺴﺢ ﻋﻠﻰ ﺣﻠﮕﻬﻪ !!!
ﻇﻠﻴﺖ ﻓﺎﻛﻪ ﺣﻠﮕﻲ ﻭﻣﺼﺪﻭﻣﻪ
ﺧﺎﻳﺒﻴﻦ ﻫﺪﻭﻧﻲ ﻋﻠﻴﻬﻪ ﻭﺍﺑﻮ ﻓﺎﺿﻞ ﺧﺒﻠﺘﻨﻲ ﻫﺎﻱ ﺍﻟﻤﺮﻩ ﺗﺎﻟﻴﺘﻲ ﻣﺠﻠﻮﻃﻪ ﻣﺠﻠﻮﻃﻪ ﻣﻦ ﻭﺭﺍﻫﻪ .
ﺍﺑﻮ ﺧﺎﻭﻟﻲ ﺧﺰﺭﻫﻪ ﻣﺒﺘﺴﻢ ﻋﻮﺩ " ﺷﻨﻮ ﻫﺬﺍ ﺍﻟﺘﺼﺮﻑ " . ﻳﻌﻨﻲ ﺣﺴﺐ ﺗﻔﺴﻴﺮﻱ .
ﺍﻧﻲ ﻭﻧﻬﻰ ﻭﺣﺪﻩ ﺗﺒﺎﻭﻉ ﺑﺎﻟﺜﺎﻧﻴﻪ
ﻫﻮَ ﺿﺤﻚ ﻭﺍﺧﺬ ﻗﻄﻌﻪ ﻭﺍﻛﻞ ﻣﺠﺒﻮﺭ
ﻣﺎﻫﺮ .. ﻋﺎﺷﺖ ﺍﻳﺪﺝ ﻛﻠﺶ ﻃﻴﺐ ﻋﺒﺎﻟﻚ ﺟﺎﻫﺰ
ﺩﻧﮕﺖ ﻭﻫﺰﻳﺖ ﺭﺍﺳﻲ ﻋﻮﺩ ﻳﺮﻳﺪ ﻳﻐﻄﻲ ﺳﺎﻟﻔﺔ ﺍﻣﻪ !
ﺍﺟﻪ ﻭﻟﻴﺪ ﻭﻟﮕﺎﻫﻢ ﻛﺎﻋﺪﻳﻦ ﺭﺣﺐ ﺑﻴﻬﻢ ﻭﻇﻞ ﻳﺴﻮﻟﻒ ﻭﻳﻀﺤﻚ .. ﻭﺟﺎﻳﺐ ﻋﺸﺎ ﻭﻳﺎﻩ .. ﻳﻌﻨﻲ ﻳﺒﻘﻮﻥ .
ﻛﻤﺖ ﺍﻧﻲ ﻟﻠﻤﻄﺒﺦ ﺻﻠﻴﻨﻪ ﻭﺟﻬﺰﺕ ﺍﻟﻌﺸﺎ .. ﻛﻠﻬﻢ ﺍﻟﺘﻤﻮﺍ ﻭﺍﻧﻲ ﻣﺎﻛﺪﺭ ﺍﻛﻞ ﻣﻘﺎﺑﻴﻠﻪ ﻭﻫﻮَ ﺍﺻﻼً ﻣﺎﻳﺒﺎﻭﻉ ﻋﻠﻴﻪ ﺑﺲ ﻭﺟﻮﺩﻩ ﺑﻨﻔﺲ ﺍﻟﻤﻜﺎﻥ ﻳﻮﺗﺮﻧﻲ ﻛﻠﻬﻢ ﻳﺎﻛﻠﻮﻥ ﺑﺄﺭﻳﺤﻴﻪ ﻭﻳﺴﻮﻟﻔﻮﻥ ﺍﻻ ﺍﻧﻲ ﻣﺘﻘﻴﺪﻩ ﻭﻛﻮﻩ ﺍﺩﺣﺲ ﺍﻟﻠﮕﻤﻪ ﺑﺤﻠﻜﻲ .
ﻭﻟﻴﺪ .. ﺛُﺮﻯٰ ﻣﺎﺗﺎﻛﻠﻴﻦ ﻣﺴﺘﺤﻴﻪ ﺷﻨﻮ
ﺭﻓﻌﺖ ﺭﺍﺳﻲ ﺑﺒﻼﻫﻪ ﻻﻥ ﺟﻨﺖ ﻣﺎﻣﻨﺘﺒﻬﻪ ﻟﻜﻴﺘﻬﻢ ﻛﻠﻬﻢ ﻳﺒﺎﻭﻋﻮﻥ ﻋﻠﻴﻪ ﻭﻫﻮَ ﺭﺍﻓﻊ ﺣﺎﺟﺒﻪ ﻭﺻﺎﻓﻦ ﺑﻴﻪ ﺭﺩﻳﺖ
- ﻫﺎ؟
ﺿﺤﻚ ﻭﻟﻴﺪ ﻭﻗﺼﻔﻨﻲ
ﻭﻟﻴﺪ .. ﺗﺮﻩ ﺭﺍﺡ ﻧﻠﻢ ﺍﻟﻤﻮﺍﻋﻴﻦ ﻭﺍﻻﻛﻞ ﺍﻟﻴﺰﻭﺩ ﺍﻧﻄﻴﻪ ﻟﻠﺒﺰﺍﺯﻳﻦ ﺧﺎﻑ ﺗﺎﻛﻠﻴﻦ ﺑﺎﻟﻤﻄﺒﺦ
- ﻳﻴﻴﺤﺢ ﻻ ﻭﺍﺑﻮ ﻓﺎﺿﻞ ﻣﻮ ﻫﻴﺞ ﺍﻧﻲ ﺍﺻﻼً ﻣﺎﺍﻛﻞ ﺑﺎﻟﻤﻄﺒﺦ
ﻭﻟﻴﺪ .. ﻫﻬﻬﻬﻪ ﻫﺎ ﺗﻘﻨﻌﻴﻨﻲ ﺍﻧﺖِ ﻣﻮ ﻋﻈﺎﻣﻪ
- ﺷﺒﻴﻚ ﻋﻤﻲ ﻭﺍﻟﻠﻪ ﻣﺎﺍﻛﻞ ﺑﺎﻟﻤﻄﺒﺦ ﻻﺗﺨﺎﻑ
ﻇﻠﻮ ﻳﻀﺤﻜﻮﻥ ﻋﻠﻴﻪ ﻭﻫﺬﺍ ﺻﻔﻦ ﺑﻴﻪ ﻣﺒﺘﺴﻢ .. ﺗﺬﻛﺮ ﺟﻔﺼﺎﺗﻲ ﻻﺯﻡ
ﻣﺎﺍﻛﻠﺖ ﺷﻲ ﻻﻥ ﺑﺎﻻﺻﻞ ﻣﺎﺍﺷﺘﻬﻲ .. ﻟﻤﻴﺖ ﺍﻟﻤﻮﺍﻋﻴﻦ ﻭﻋﺰﻟﺖ ﺍﻟﻤﻄﺒﺦ .
ﻗﺪﻣﻨﻪ ﺣﻠﻮﻳﺎﺕ ﻭﻇﻠﻮ ﻳﺴﻮﻟﻔﻮﻥ ﻭﻳﺎﻛﻠﻮﻥ ﻭﺍﻧﻲ ﺍﻃﺮﺵ ﺑﺎﻟﺰﻓﻪ .. ﺍﺷﻮ ﺻﺎﺭﺕ ﺑـ 11 ﻭﺫﻭﻟﻪ ﻣﺎﻛﻮ ﻣﺎﺭﺍﺣﻮ ﻻﺍﻫﻠﻬﻢ !
ﺧﺎﻑ ﺍﻟﻬﻢ ﻧﻴﻪ ﻳﺒﺎﺗﻮﻥ؟؟
ﺷﻮﻳﻪ ﻭﻛﺎﻝ ﺍﺑﻮ ﺍﻟﺮﺯﺍﻳﻞ
- ﺟﻴﺒﻮﻟﻲ ﻓﺮﺍﺵ ﺧﻞ ﺍﺗﻤﺪﺩ ﺗﻌﺒﺖ ﻣﻦ ﺍﻟﮕﻌﺪﻩ
ﻇﻠﻴﺖ ﺻﺎﻓﻨﻪ ﻳﺒﺎﺗﻮﻥ ﺍﻫﻮﻭﻭ ﺷﻨﻮ ﻫﺬﺍ ﺍﻟﻴﻮﻡ ﺍﻟﻔﮕﺮ ﺑﻌﺪﻧﻲ ﻟﻬﺴﻪ ﻭﻻ ﺗﺤﻀﻴﺮ ﻣﺤﻀﺮﻩ .
ﻛﻤﺖ ﻓﺪ ﻧﻮﺏ ﺟﺒﺘﻠﻬﻢ ﻓﺮﺍﺷﺎﺕ ﻭﻓﺮﺷﺘﻠﻬﻢ ﺑﺎﻻﺳﺘﻘﺒﺎﻝ .
ﺍﻧﻲ ﻭﻧﻬﻰ ﻭﺍﻡ ﻣﺎﻫﺮ ﺑﻐﺮﻓﺔ ﻧﻬﻰ ﻭﻣﺎﻫﺮ ﻭﻭﻟﻴﺪ ﺑﺎﻻﺳﺘﻘﺒﺎﻝ ﻳﻨﺎﻣﻮﻥ .
ﻇﻠﻴﺖ ﻗﻠﻘﻪ ﻻﻥ ﻣﺎﻣﺤﻀﺮﻩ ﺍﻱ ﺷﻲ ﻣﻨﺎ ﻟﻤﺎ ﻧﺎﻣﻮ ﻳﻼ ﻛﺪﺭﺕ ﺍﻗﺮﻩ .. ﺍﻟﻨﻮﺏ ﺍﻡ ﻣﺎﻫﺮ ﻛﻌﺪﺕ ﺗﺮﺑﻌﺖ ﻭﻛﺎﺑﻠﺖ ﻧﻬﻰ ﻭﺩﮒ ﺳﻮﺍﻟﻒ ﺍﺭﻳﺪﻫﻪ ﺗﺴﻜﺖ ﻣﺎﻛﻮ ﻣﺪﺭﻱ ﺧﺒﺎﺛﻪ ﻣﺪﺭﻱ ﻃﮕﺘﻬﻪ ﺍﻟﺤﻨﻴﻪ ﻋﻠﻰ ﻧﻬﻰ .
ﺍﺧﺬﺕ ﻛﺘﺒﻲ ﻭﺭﺣﺖ ﻟﻠﻤﻄﺒﺦ ﺣﻄﻴﺖ ﻛﺘﺒﻲ ﻋﻠﻰ ﺍﻟﻄﺎﻭﻟﻪ ﻭﺳﻮﻳﺖ ﮔﻬﻮﻩ ﻇﻠﻴﺖ ﺍﻗﺮﻩ ﻟـ 12 ﻃﻔﺖ ﺍﻟﻜﻬﺮﺑﺎﺀ .. ﺭﺣﺖ ﺟﺒﺖ ﻻﻳﺖ ﻭﻛﻌﺪﺕ ﺍﻗﺮﻩ .
ﺷﻮﻳﻪ ﻭﺍﻧﻔﺘﺢ ﺑﺎﺏ ﺍﻟﻤﻄﺒﺦ ﻭﺩﺧﻞ ﺍﺑﻮ ﺍﻟﺮﺯﺍﻳﻞ ﺑﺈﻳﺪﻩ ﻣﻮﺑﺎﻳﻞ ﻭﻣﺸﻐﻞ ﻓﻼﺵ .
ﻫﻤﺲ ﺑﻬﺪﻭﺀ
- ﺛُﺮﻯٰ ﻛﺎﻋﺪﻩ؟؟
- ﺍﻱ
- ﺷﺪﺗﺴﻮﻳﻦ؟
- ﺍﻗﺮﻩ
ﺟﺮ ﺣﺴﺮﻩ ﻭﺳﺤﺐ ﺍﻟﻜﺮﺳﻲ ﻛﻌﺪ ﻋﻠﻴﻪ . ﺍﺷﺘﻐﻠﺖ ﺍﻟﻜﻬﺮﺑﺎﺀ ﻃﻔﻪ ﻣﻮﺑﺎﻳﻠﻪ ﻭﺧﻼﻩ ﻉ ﺍﻟﻄﺎﻭﻟﻪ .. ﺑﺎﻭﻋﻠﻲ ﻣﺮﻛﺰ ﺑﻤﻼﻣﺤﻲ ﻭﻣﻄﻮﻝ ﻧﻈﺮﺗﻪ .
- ﻟﻴﺶ ﺍﻧﻘﻠﺘﻲ؟؟ ﺍﻧﺖِ ﺭﻓﻀﺘﻴﻨﻲ ﺍﻟﻜﻠﻴﻪ ﺷﻌﻠﻴﻬﻪ؟؟
- ﻣﺎ
- ﻫﻮَ ﺷﻨﻮ ﻣﺎ؟؟
- ﻣﺎﺍﺭﻳﺪ
- ﻟﻴﺶ؟
- ﺗﺮﺳﺒﻨﻲ
ﺿﺤﻚ
- ﻻ ﻣﺎﺍﺭﺳﺒﺞ
- ﻻ ﻭﺍﻟﻠﻪ ﺗﺮﺳﺒﻨﻲ
- ﻣﺮﺳﺒﺞ ﻗﺒﻞ؟؟
ﺍﻱ ﺍﻟﻌﺎﻡ ﺑﻨﺼﻒ ﺍﻟﺴﻨﻪ
- ﺍﻧﺖِ ﻏﺒﺘﻲ ﻣﻮ ﺍﻧﻲ ﺭﺳﺒﺘﺞ
ﺩﻧﻜﺖ ﺭﺍﺳﻲ ﺍﻟﻌﺐ ﺑﺄﺻﺎﺑﻌﻲ .. ﺗﻨﻬﺪ ﻭﻗﺮﺏ ﺟﺴﻤﻪ ﻋﻠﻰ ﺍﻟﻄﺎﻭﻟﻪ ﺍﻧﻲ ﺭﺃﺳﺎً ﻭﺧﺮﺕ ﺍﻳﺪﻱ ﻋﺒﺎﻟﻲ ﻳﻠﺰﻣﻬﻪ ﺑﺎﻭﻋﻠﻲ ﻣﺘﻔﺎﺟﺊ ﻭﺳﺤﺐ ﺍﻟﻤﻠﺰﻣﻪ ﻣﺎﻝ ﻣﺎﺩﺗﻪ .. ﻭﺭﺟﻪ ﻇﻬﺮﻩ ﻟﻮﺭﻩ ﻋﻠﻰ ﺍﻟﻜﺮﺳﻲ .
ﻇﻞ ﻳﮕﻠﺐ ﺑﺎﻟﻤﻠﺰﻣﻪ ﻣﺒﺘﺴﻢ
- ﻣﻨﻮ ﻳﺎﺧﺬﻛﻢ؟؟
- ﺍﺳﺘﺎﺫ ***
- ﺑﻌﺪﺝ ﺗﻜﻮﻟﻴﻦ ﺍﺳﺘﺎﺫ؟ ﻫﻬﻬﻬﻬﻬﻬﻬﻬﻪ
ﺿﺤﻚ ﻣﻦ ﺍﻋﻤﺎﻗﻪ .
- ﺩﻛﺘﻮﺭ *** ﺧﻮﺵ ﺩﻛﺘﻮﺭ ﺣﺒﺎﺏ
- ﺍﻱ ﺍﺣﺒﺐ ﻣﻨﻚ
- ﻫﺎﻱ ﻫﺴﻪ ﺻﺮﺕ ﻫﻴﺞ
ﺳﻜﺘﺖ
ﺍﺑﺘﺴﻢ ﻭﺳﻜﺖ ﺻﻔﻦ ﻋﻠﻴﻪ ﻭﺗﻨﻬﺪ ﻫﻤﺲ
- ﺛُﺮﻯٰ ﺇﺭﺟﻌﻲ
- ﻣﺎﺍﺭﻳﺪ
- ﺛُﺮﺭﺭﺭﻯٰ
- ﻫﺎ ﻫﺎ
- ﺍﺭﺟﻌﻴﻴﻲ
- ﺗﺮﺳﺒﻨﻲ
- ﻳﺎﺑﻪ ﻭﺍﻟﻠﻪ ﻣﺎﺍﺭﺳﺒﺞ ﺑﺲ ﺍﺭﺟﻌﻲ
- ﻣﺎﺍﺭﻳﺪ
ﻧﺘﺮ ﺑﻌﺼﺒﻴﻪ -:
- ﻫﺎﻱ ﻫﻴﻪ ﺑﻜﻴﻔﺞ ﺑﻜﻴﻔﺞ
ﻭﻛﻒ ﻭﺷﻜﻠﻪ ﻏﻨﺪﺏ ﻣﺒﻴﻦ ﻋﺼﺐ ﻣﻦ ﻧﻈﺮﺓ ﻋﻴﻮﻧﻪ . ﻻﻥ ﺫﻝ ﻧﻔﺴﻪ ! ﺍﻧﻲ ﻣﺎﺍﺭﻳﺪ ﺍﺭﺟﻊ ﻣﺎﻣﺴﺘﻌﺪﻩ ﺍﺗﻮﺍﺟﻪ ﻭﻳﺎﻩ ﺧﻠﻴﻨﻲ ﺑﻌﻴﺪﻩ ﻋﻦ ﺍﻟﻤﺸﺎﻛﻞ ﺍﺣﺴﻠﻠﻲ
- ﻳﻼ ﻳﺎﺑﻪ ﺗﺼﺒﺤﻴﻦ ﻋﻠﻰ ﺧﻴﺮ ﻭﻧﺎﻣﻲ ﻻﻥ ﺍﻟﺴﻬﺮ ﻣﻮ ﺯﻳﻦ ﺍﺫﺍ ﺗﺮﻳﺪﻳﻦ ﺍﻛﻌﺪﻱ ﺍﻗﺮﻱ ﺍﻟﺼﺒﺢ ﺣﺘﻰ ﻋﻘﻠﺞ ﺑﻌﺪﻩ ﻧﺸﻴﻂ
- ﻭﺍﻧﺖَ ﺑﺨﻴﺮ
ﺭﺍﺡ ﻭﺍﻧﻲ ﺑﻘﻴﺖ ﻛﺎﻋﺪﻩ ﺍﺗﺼﻔﻦ ﺍﻭﻑ ﺷﻠﻮﻥ ﻫﺴﻪ ﺷﻮﺷﻨﻲ ﻭﺭﺍﺡ !
ﺷﻠﺖ ﻛﺘﺒﻲ ﻭﻓﺘﺖ ﻧﻤﺖ .. ﺍﻟﺼﺒﺢ ﻛﻌﺪﺕ ﺳﻮﻳﺖ ﻟﻔﻪ ﻭﺗﺮﻳﻜﺖ ﻉ ﺍﻟﺴﺮﻳﻊ .. ﻣﻦ ﻃﻠﻌﺖ ﻟﻜﻴﺘﻪ ﻗﺒﻠﻲ ﻛﺎﻋﺪ ﻭﻣﺒﺪﻝ ﻭﻳﻠﺒﺲ ﺑﺴﺎﻋﺘﻪ ﻫﻢ .
ﺣﺘﻰ ﻭﻟﻴﺪ ﻫﻢ ﻣﻜﻤﻞ .
ﻭﻟﻴﺪ .. ﺍﻟﻴﻮﻡ ﻋﻤﻲ ﻣﺎﻫﺮ ﻳﺎﺧﺬﺝ ﺑﻄﺮﻳﻘﻪ
- ﺟﺎ ﻭﺍﻧﺖَ؟
- ﺭﺍﺡ ﺍﺭﻭﺡ ﺑﺴﺮﻋﻪ ﺗﺄﺧﺮﺕ
ﻃﻠﻊ ﻉ ﺍﻟﺴﺮﻳﻊ ﻭﺧﻼﻧﻲ ﻭﻱ ﻫﺬﺍ ﺍﻟﻌﻘﺪﻩ ﺧﺮﺏ ﺣﻈﻲ ..
ﻓﺎﺕ ﻛﺪﺍﻣﻲ ﻟﻠﺴﻴﺎﺭﻩ ﻭﺍﻧﻲ ﻭﺭﺍﻩ ﻛﻌﺪﺕ .. ﻟﺒﺲ ﺍﻟﻨﻈﺎﺭﻩ ﻭﻇﻞ ﻳﺴﻮﻕ ﺷﻜﺪ ﺍﻛﺮﻩ ﻫﺬﺍ ﺍﻟﻄﺒﻊ ﺑﻴﻪ .. ﺧﺮﺏ ﺣﻈﻲ .. ﺣﺘﻰ ﺑﻬﺎﻱ ﻳﺪﻗﻖ ﻭﻣﺎﻳﺨﻠﻴﻨﻲ ﺍﺷﻮﻑ .
ﻣﺎﺣﺠﻪ ﺃﻱ ﺷﻲ ﻭﻻ ﺍﻧﻲ ﺣﺠﻴﺖ .. ﻭﺻﻠﻨﻲ ﻟﻠﻜﻠﻴﻪ ﻭﺭﺍﺡ .. ﺩﺧﻠﺖ ﻟﻠﻜﻠﻴﻪ ﻭﺍﻟﻴﻮﻡ ﻛﻠﻪ ﻣﺘﻜﺄﺑﻪ .
ﺣﺘﻰ ﺑﻤﺎﺩﺗﻪ ﻣﺎﺩﺧﻠﺖ ﻟﻠﻤﺤﺎﺿﺮﻩ .
ﻭﻳﻦ ﻗﺒﻞ ﺍﻟﺨﻮﻑ ﻣﺎﻳﺨﻠﻴﻨﻲ ﺍﻓﻮﺕ ﻣﺤﺎﺿﺮﻩ ﻭﺣﺪﻩ .
ﻣﺮ ﺍﻟﻴﻮﻡ ﺑﻤﻠﻞ ﻓﻀﻴﻊ ..
ﺭﺟﻌﺖ ﻟﻠﺒﻴﺖ ﻭﻭﻟﻴﺪ ﺩﺯﻟﻲ ﺧﻂ ﻣﺎﻝ ﺑﻨﺎﺕ ﻻﻥ ﻣﺎﻳﻜﺪﺭ ﻳﺠﻲ .. ﺳﻴﺎﺭﻩ ﺣﺪﻳﺜﻪ ﻭﺑﻴﻬﻪ ﺑﻨﺎﺕ ﻭﻳﺎﻱ ﺑﺎﻟﻜﻠﻴﻪ .
ﻛﻌﺪﺕ ﻭﺭﻩ ﻭﺍﻟﺴﻴﺎﺭﻩ ﺟﺪﻳﺪﻩ ﻭﻣﻐﻠﻔﻪ ﺑﻨﺎﻳﻠﻮﻥ .
ﺍﻟﻄﺮﻳﻖ ﺑﻴﻪ ﻟﻮﻓﺎﺕ ﻫﻮﺍﻱ .. ﺍﻭﻝ ﻣﺎﻻﻑ ﺍﻟﻮﻟﺪ ﺯﻟﮕﺖ ﺻﺮﻧﻪ ﻭﺣﺪﻩ ﻓﻮﻙ ﺍﻟﺜﺎﻧﻴﻪ .
ﺍﻟﺒﻨﻴﻪ ﺍﻻﻭﻟﻰ ﻭﺍﻧﻲ ﻓﻮﻛﺎﻫﻪ ﻭﺫﻳﺞ ﻓﻮﻛﺎﻱ ﺻﺎﺭ ﺑﻴﻨﻪ ﻓﻠﻢ ..
ﺍﻧﻲ ﺻﺤﺖ ﺑﺼﻮﺕ ﻋﺎﻟﻲ -:
- ﻋﻠﻠﻠﻴﻴﻴﻲ
ﺍﻟﻮﻟﺪ ﺍﻟﺘﻔﺖ ﻋﻠﻴﻪ ﻭﻛﺎﻝ ﺑﺒﺮﻭﺩ -:
- ﻫﺎﺍﺍ !!
ﻇﻠﻴﺖ ﺻﺎﻓﻨﻪ ﺷﻨﻮ ﻫﺎ؟؟ ﺍﻧﻲ ﻛﻠﺖ ﻋﻠﻲ ﻗﺼﺪﻱ ﻉ ﺍﻻﻣﺎﻡ ﻋﻠﻲ ﺩﻭﻡ ﺍﺫﻛﺮ ﺍﺳﻤﻪ ﺑﺄﻱ ﺷﻲ . ﻭﻫﺬﺍ ﻃﻔﺮ ! ؟
ﺫﻧﻲ ﺍﻟﻴﻤﻲ ﻣﺎﺗﻦ ﺿﺤﻚ .. ﻫﻤﺴﺖ
- ﺷﺒﻴﺠﻦ ﺷﻜﻮ
- ﻭﻟﺞ ﺍﻟﻮﻟﺪ ﺍﺳﻤﻪ ﻋﻠﻲ
- ﻳﻴﻴﻴﺢ ﺻﺨﺎﻡ ﺑﻮﺟﻬﻲ ﻫﻬﻬﻬﻬﻬﻬﻬﻪ
ﻭﺍﻟﻠﻪ ﻓﺸﻠﻪ .. ﺍﻟﻨﻮﺏ ﻇﻞ ﻛﻠﺴﺎﻉ ﻳﺒﺎﻭﻋﻠﻲ ﺑﺎﻟﻤﺮﺍﻳﻪ ﺧﺎﻳﺐ ﻣﻴﺘﻪ ﻋﻠﻴﻚ ﺩﻭﺧﺮ ﻋﻴﻮﻧﻚ ﻋﻨﻲ .
ﻭﺻﻠﺖ ﻟﻠﺒﻴﺖ ﻭﻛﻠﺴﺎﻉ ﺍﺿﺤﻚ ﻉ ﺍﻟﻤﻮﻗﻒ .
ﻛﺎﻝ ﻭﻟﻴﺪ
- ﻫﺬﺍ ﺍﻟﺨﻂ ﺛﺎﺑﺖ ﺣﺘﻰ ﻣﻦ ﺗﺮﺟﻌﻴﻦ ﻻﺍﻫﻠﺞ ﺑﻌﺪ ﺍﺑﻘﻲ ﻋﻠﻴﻪ ﺧﻮﺵ ﻭﻟﺪ ﺣﺒﺎﺏ ﺻﺪﻳﻘﻲ ﻫﻮَ ﻭﻫﻢ ﺍﻟﻜﻠﻴﻪ ﺑﻌﻴﺪ ﻋﻠﻴﺞ ﻑ ﺍﺑﻘﻲ ﻋﻠﻴﻪ ﺍﺣﺴﻦ
- ﻫﺎ ﺧﻮﺵ ﺣﺠﻲ
ﺗﻐﺪﻳﻨﻪ ﻭﺩﺧﻠﺖ ﻟﻠﻐﺮﻓﻪ ﻗﺮﻳﺖ ﻭﻛﻤﻠﺖ ﻛﻞ ﺍﻟﻤﺤﺎﺿﺮﺕ .
ﻟﺰﻣﺖ ﻣﻮﺑﺎﻳﻠﻲ ﻭﻇﻠﻴﺖ ﺍﻛﻨﻚ ..
ﺷﻮﻳﻪ ﻭﻭﺻﻠﻨﻲ ﺭﺳﺎﺋﻞ ﺧﻠﻠﻨﻲ ﻣﺴﻄﻮﺭﻩ .. ﻋﺒﺎﻟﻚ ﺍﻧﻀﺮﺑﺖ ﺭﺍﺷﺪﻱ ﺑﻨﺺ ﻭﺟﻬﻲ !

ﻳﺘﺒﻊ ..

ﻋـﺒـﺮﺍﺕ ﺍﻟـﻌـﺒﺎﺩﻱ 🌼🌻

ﺍﻟﺒﺎﺭﺕ ﻣﻮ ﻗﺼﻴﺮ ﺗﺮﻩ ﺭﺟﻌﻨﺎ ﻋﻠﻰ ﺍﻟﺒﺎﺭﺕ ﺍﻻﻋﺘﻴﺎﺩﻱ ﺫﻧﻚ ﺍﻟﺒﺎﺭﺗﺎﺕ ﻛﻠﻬﻦ ﺗﻌﻮﻳﺾ ﺍﻻﻳﺎﻡ ﺍﻟﻐﺒﺖ ﺑﻴﻬﻦ