لمن رجعتة للشلة قالو لي انتي مجنونة تمشي للمجنون في محلو
انا: بس هو ما مجنون معادي هو مسالم جدا
بابكر: ما تضمني المجانين
انا: خلاص اقفلو السيرة دي
مشيت حضرتة محاضرتي رجعتة البيت وكان الخميس اوف 💖 واصلا عاملاهو يوم خاص لانوثتي 😂😂 شي لخوخات وشي عروكات وبتمسح وبستحما زي العروس 😂😂😂 كنت عاملة ماسك في وشي قمت مرقتة الصالة برة ماما قالت لي حمدلله ما حتعبينا في الحبسة
انا: هو منو القال ليك يا ماما انا بتجهز للحبسة انا بسوي لي روحي عشان احس اني بت وكدا 😌😌🌞
ماما: مششششم 🙆😑
جا يوم الجمعة وكنا كلنا كلعادة بنتلما في البيت الكبير وبنقضيها ونسة وشكل وسكسك بي كبرنا دا 😂😂 واصلا اصغر العيلة امير ونديدتو
وفي نص اللمة قاعدين نتونس كلنا جات ملاك نديدة امين قالت لي في اضاني لمي اخوك ده مني
انا: مالو قال ليك شنو
ملاك: كل ما يشوفني يقول لي البت لود عمها
انا: واااي 😂😂😂😭😂😭😂😂😂
امين قام جانا وقال لينا ما اصلا البت لود عمها
انا: اتلم يشافع انا لمن كنت قدرك كنت فيري محترمة
امين: اولا انا ما شافع انا ماشي سابع وخلصتا سادس تانياً كلامي صاح صحيح 😌😌💖
ملاك: اسي انا لو حبيت واحد ودايرة اعرسو تجي تقول لي البت لود عمها 😢🌚🌚
امين: اصلا ولا تفكري تحبي غيري 😌🌞🌞
انا: الله يهديكم يا عيالي 🌞😂😂 ، امشو العبو لعبكم
امين: ارح نتم قيمنا في البليستيشن
ملا: يلا ارح 😍
انا: مشششم 😂😂😍 الله يهدي العيال 😂😂💖
زي العصر مشينا انا والبنات سوينا قهوه ونسكافيه وفشار طلعنا النجيله
انا: طبعا ما حكيت ليكم
كلهم وبالاخص محمد: اها 🐸
انا: الاسبوع الفات كان احلا اسبوع يمر بي 🌚💖، اوريكم لي 🐸
محمد: خلي عباطاتك دي يا تورينا يا تسكتي 😒
انا: لالا احسن تتشوقو 😝
امير: تتكلمي ولا افلقك بالكبايه اجيب اجلك 😒😏💔
انا: خلاص خلاص حتكلم ، وقعت في حب مجنون
كلهم:😒💔💔
انا: انا جاده ما بهظر
احمد: هو الولد مجنون في راسو ولا دايره تتهابلي وتقولي لينا مجنون في حبك يا بايخه 😒🐸💔
انا: احمد انت بزاات ما تتكلم عن البياخه 😒💔، يلا يا امير مش في مجنون كده مز وهادي ومسالم في كليتنا
امير: مجنون قانون 😨😨😨
انا: يب 😌😌💖
سمر: يجماعه ما تفهمونا
امير: البت دي شكلها كهربتا قلت دقيقه ابو صحبي خبير نفسي نوديها ليهو 😂😂💔
انا: ياخ بهظر ساي 😂😂💖 وقمت حكيت ليهم الحصل
محمد: كان شويه واكلك😂😂 ، وقام ضحك بس حسيتو جادي
سمر: وانتي البوديك ليهو شنو اسي لو سوا ليك شي
انا: لالا ياخ واثقه فيهو ما حيسوي لي شي 😊
سمر: احمد شوف المتخلفه دي
احمد: بالجد متخلفه
انا: ياخ مااكم ومالي 🐸😏 زاتو ماشه اتكلم مع العجايز اخير منم
امير: اي خليهم يسمعو انك بتقولي ليهم عجايز بسيروك 😂😂
المهم استمرت المناقرات بيناتنا لحدي ما رجعنا بيتنا 😂😂💖 بي بليل قمت ضربته لي ادم قلت ليهو الساعه 9 تكون في الجامعه
آدم: ولي ان شاء الله
انا: تجي غصبا عنك وكم راجل ما تجي بجيك في بيتكم 😏😒💔
آدم: لأ وكمان بكل قله ادب
انا: عليك الله يا ادم يا جميل يا جذاب 🐸💖
ادم: حيوانه 😒 خلاص جاي 🐸💖
اليوم التاني كان عندي محاضره الساعه 11 لكن مرقته من 9 😂😂 المهم لمن مشيت لقيتو قاعد
ادم: تقولي لي اجي من 9 وانتي جايه 9:30
انا: لالا هوي الساعو و28 دقيقه
ادم: ما حسألك يلا
انا: اي احسن عشان نكسب زمن ، يلا ارح لي صحبي
ادم: صحبك منو ووين ولشنو
انا: يا ادم لو صبرته بكون احسن ، يلا ارح قدامي
قمت جريتو جر وهو بتأفأف لحدي ما وقفتو قدام المجنون ادم قلع عيونو وقال لي بس هسي جايبانا وين 😓
انا: دايره احلق ليهو وجبت ليهو لبسه ودايراك تساعدني عشان احلق ليهو وتوديهو يغير ملابسو ووو
ادم: غايييتو 😒💔 خلاص كويس 💖
قمت مشيت سلمته عليهو وقلت ليهو اسمك منو قال لي اسمي ماهر
قلت ليهو ممكن تجي معانا يا ماهر قال لي كويس وكان هادي وساكت
ادم وهو عادي سنونو: اسي يكون هدوء مت قبل العاصفه يقوم يكتلنا
ماهر: يعني لو شكلي كدا معناتا بقتل او بأذي الناس 😐
انا: لالا ما كدا يا ماهر هو بحب الهظار عشان كدا ، قمت ضربت ادم في يدو قلت ليهو مش كدا
ادم: اي اي كنت بهظر ما اكتر 😂😂
انا في اللحظه دي قربت اعضي ادم واكلو بسنوني
مشينا حلقنا ليهو شعرو وطبعا ادم بقا يتفنن وشي قطعيه وشي حركات وقام اداهو الملابس وصابونه ووداهو حمامات الاولاد
وانا كنت بفكر ي ربي ماهر حيقول عننا شنو ولا احتمال يقول انحنا بنستغلو وااي ياخ 😫😫💔
قمت مشيت الكافتريا جبت لينا فطور وسريع رجعت مكانا واستنيتهم لمن جو قمت قدمته ليهم الاكل وقعدنا ناكل الا ماهر ما اكل
انا: اكل يا ماهر
ماهر: انتو قايلني انا مجنون ولا بتصدقو علي ولا شنو
طبعا انا اتبكمته رما عرفته اقول شنو قمت سكته ساي بعداك ضحكته قلت ليهو اكل اكل 😁💖
قام اكل وهو كان ساكت ولمن جا زمن المحاضره قلت ليهو عن اذنك انحنا حنمشي المحاضره زمنا قرب
ماهر: طوالي اذنك معك
قمنا انا وادم قلت ليهو خليك في المكان البتكون قاعد فيهو دايما عشان اتونس معاك بعدين 😂
ماهر: 😊
انا في سري: ابو ده هدوء زاتو انوثتي انعدمت قدامو 😭😭💔
قمنا انا وادم مشينا حضرنا المحاضره ولمن طلعتا لقيتو ما قاعد جنب مكانا المعتاد قمت خشيت المحاضره التانيه وبرضو لمن مرقته ما لقيتو 😔💔
قلت ما حنك بشوفو بكره ولمن رجعت البيت حكيت لي امي قالت لي انتبهي على نفسك وربنا يوفقك لي قدام ولو انتي شايفه البتعمليهو صاح انا معاك ولو اتردتي استخيري طوالي لانو اكيد امر الله احسن 💖💖💖 قمت بستها في راسها ومشيت صليت العصر وكاننفسي في بسبوسه طوالي انحشرته المطبخ وبقيت بسوي فيها 😂😂
