اعتراف🔥💜
يوم التلات بعد الجامعه مشينا لي ام هزار عشان نتكلم معاها في الموضوع حق وضاح نظام نقنعها وكدا 😎😂💜 وطبعا هي النوع البحشيك لمن تقول بس (اعشق هذا النوع 😂💖) ولمن فتحنا الموضوع طوالي قالت لي هزار لقيتيهو وين
هزار: صدفه
ماما سلمى: 😒 اها عامل كيف
هزار: هاكي دي صورتو
ماما سلمى: ما بطال (كعععبه يا خالتو 😂💜)وهو شغال شنو
هزار: ما حبيت اسألو يا امي
ماما سلمى: لو طلع شغال جربندي
هزار: شغل شريف برضو
ماما سلمى: اساور وربا انتو شفتوهو فيس تو فيس
انا وربا: اي شفناهو
ماما سلمى: اها وعامل كيف
ربا: والله ظريف يا خالتو ما فيهو شي
انا: ما بطال
ماما سلمى: شكلو ما عجبك
انا: لالا ما هو لازم يعجب ستو وبس
هزار خلاااص قربت تبكي 😂💔
ماما سلمى: ما تكشري يا بتي انا بس خايفه عليك العرس ده ما حاجه سهلة
هزار: 😊
ماما سلمى: خلاص بكلم ابوك وانتي ادي الولد رقم ابوك
هزار: بجد 😀💖
ماما سلمى: اي ، يلا قومو الغدا
انا: يلا ارح 😂
ربا: فضحتينا ما كدا لكن 😂💔
قعدنا اتغدينا واي زول فرتق بيتهم💖 ومشيت لقيت ناس البيت خاتين الاكل وبياكلو وانا لو اكلتا تاني حأسفرغ قمت قلبتا وشي منهم ومشيت 😂😂
يوم الاربع واللي هو اصلا اوف قمت نضفت البيت من فوق لي تحت وغسلتا الملابس (هلوو معكم ميري 😂) امي قالت لي انتي حاسه بشنو
انا: لالا بس حبيت انضف 😀💖
ماما: اهممم تمام 🐸
انتيهت العصر قمت صليت ورقدته سلطه ما صحيت الا قبل العشاء بي نص ساعه 😂💜 قمت اكلته وعملته زبادي في وشي 😂😂 وقعدته اقرا
.
جا الخميس الونيس 🔥💖 حضرتا محاضرتي ومشيت الكافتريا اشتريت كبايتين عصير على اساس وحده لي والتانيه لي هزار لقيت ماهر في طريقي طوالي قعدته معاهو واديتو ليهو
ماهر: عرفتي كيف انك حتلقيني في وشك
انا: حسيت بس (اساور بطلي كذب 🌚💔)
ماهر: اهممم
انا: الفضول كاتلني 🌚
ماهر: اباوت وات ؟!!😐
انا: عندي سؤال
ماهر: اسألي
انا: انت لي بتتعامل معاي كويس ما زي باقي المجانين ومرات بفلقوني عديل 😂💜
ماهر: عشان انا مجنونك
انا: اا 😕😕
ماهر: اي مجنونك انتي وبس عشان كده ما حازيك
انا غلبني الكلام 😃😃
ماهر: استأذن انا حامشي
اومأت بي راسي بس ما قدرت اتكلم 🔥💖 ، لمن وعيت لي نفسي لقيتو مشا بعيييد ، قمت مشيت لي الشله
هزار: وينو عصيري
انا: اتشرب
هزار: 😒😒
محمد: مالك سرحانه كده
بابكر: زي التقول امير احلامها اعترف ليها بي حبو
انا: كدي اسكتو خلوني افكر
ادم: ماذا هناك يا ترى 🌚🐸
انا: ارح خشو المحاضره قربت تبدا
مشينا دخلنا ويا ريت لو ما دخلت لانو كنت سرحانه المحاضره كلها وبفكر في ماهر وكلامو والمره دي بززات ما حكيت لي زول بس مع روحي لانو كنت عارفه ردت فعلهم وكميه التيئيس الحالقاها فاحتفظت بي كلامي لي روحي وده كان احسن شي عملتو 💖 مشيت البيت واول شي عملتو كتبت في دفتري تاريخ اليوم والكلام القالو لي ماهر وقفلت الدفتر وقعدته ودي اول مره اعمل فيها كده 😐💜 مع انو في كم ولد قال لي كدا بس ما بنفس الاحاسيس والزول بحسو كضب ساي اما كلام ماهر كان غير وعاينت في عيونو وهو بتكلم مره وحده تاني ما قدرته اعاين 😭😭💖 لما ما لقيت حل قمت قعدته اتفشيت في الشيتات والمراجع 😐💔 وامي جاتني قالت لي خيير مالك الليله
انا: ماف اي شي يا حجتي
ماما: متأكده
انا: ناااعم 😂💖
ماما: ما صدقتك لكن خلاص
انا: يمه كدا بتحسسيني بالذنب اني ما حكيت ليك
ماما: براحتك يا بتي
انا: خلاص بحكي ليك بعدين
ماما: سمح🐸
.
مشيت اتغديت بعداك غسلته العده
ماما: تعالي احكي لي الشمار كتلني
انا: سمح دقيقه اسوي نسكافيه
بعد سويتو مشيت رقدته في كرعينا وقلت ليها ماهر قال لي انا مجنونك
ماما: اها فيها شنو
انا: يا امي انتي ما فاهماني
ماما: خلاص احكي حفهمك
انا: قمت سألتو قلت ليهو انتي لي بتتعامل معاي كويس كدا قال لي عشان انا مجنونك وعاينت في عيونو يعني ما شكلو بكضب
ماما: يعني قلبك رفا 🌚
انا: يا ماما انا متحيره واقابلو بي اي وش تاني وقلبي وعقلي في صراع 💔
ماما: بكون بهظر ما تشغلي بالك كتير وامشي الجامعه زي الما حصل شي
انا: خلاص تمام ، يلا هاتي حضن وبوسه
جا امين شافنا متحاضنين جا واقع بي فوقنا وقال احشروني معاكم 😂🐸💖 (وانا زاتي دخلوني معاكم 😴)
يوم الجمعه كالعاده مشينا ومن ما وصلته سمر تحمر لي وانا احاول اتذكر هي مالا وطق اتذكرت انو هي قالت لي المره الفاتت في شمار وانا ما جيتا 😂😂 مشيت قلت ليها سموووره
سمر: خيير
انا: ارح احكي لي في شنو
سمر: 😒😒
انا: عليك الله والله نسيت
سمر: لمن نسوي القهوة بعدداك
مشينا نسوي القهوه وهي بتحكي لي
سمر: بعد ما رسلته ليهو بالجد جاني في الجامعه وقال لي متأكده انك موافقه قلت ليهو اي قام شال رقم يوسف (اخو سمر اكبر منها) ولي اسي ما جاني منو خبر قمت كلمت امي قالت لي سمعتكم يوم داك بس قلت استناك تجي تحكي لي وقالت لي كم حاجه كده وختمتها بي انو هو لو دايرك بجي بالباب
انا: وانتي ما رسلتي ليهو
سمر: رسلته وما رده يمكن كسر حنكي خلاص
انا: يمكن
سمر: اصلك ما بتطمني يلا شيلي السيرمس ده وارح 😒😒
ودينا القهوه وقعدنا نتونس فجأه جانا صوت ضخم كدا وقال ما بتستنوني اجي اشرب معاكم
سمر: يوسف 😳
وجرت شبت في رقبتو قال ليها في اضانها دايرك في موضوت مهم بعدين
سمر: كويس ، وفي سرها قالت الليله سجمي 👋💔
قمنا سلمنا عليهو وشربناهو قهوة 😂😂
بعد ما اي زول رجع بيتهم قام زرا سمر وقال ليها اها احكي
سمر: احكي شنو
يوسف: بي موضوع الولد داك اسمو منو اهاا اي حسام لالا اياد
سمر: اي عرفتو
يوسف: عارفك عارفاهو لكن قصتكم شنو ولقيتيهو وين
سمر: ف ف في عرس
يوسف: ما تتلكلكي في الكلام ما ماشي اكتلك انا اي بت بتمر بالمرحله دي فاشنو اتكلمي عديل
سمر: كويس ......... واديتو رقمك وتاني ما رسل لي
يوسف: احسن حاجه سويتيها انك اديتيهو رقمي
سمر: 😊
يوسف: اتفاهمتا معاهو وقال ممكن يجي في اي يوم يتكلم مع ابوي هو جاهز
سمر ابتسمت بي خجل
يوسف: خلاص شويه وتتفجري ما تكتمي الضحكه😂😂
سمر: 😊😂
.
.
تفوهت بكلمات لم ادري مصدرها ومن اين أتت لأني في تلك اللحظه كنت فقط اريد التحدث اريد البوح بمشاعري لأني سئمت الكتمان وما اسوأ الكتمان 💖
