البيت لقينا عمتو في وشنا قالت لينا طبعا انا نسيت كنت دايره اشاكلكم 😏
انا: عمتو لي سوينا شنو 🐸
عمتو: امس خليتو شباك المطبخ فاتح ونمتو اسي لو جا حرامي 😒😒
انا: اسألي سمر بتكون هي الخلتو فاتح
سمر: هوي هوي خلي قله الادب دي ما انا
عمتو: طيرو جاي ولا جاي 😠
بعد ما مما رجعناعمتو مشت سمر قامت جرتني غرفتها وقالت لي امس الجا منو
انا: ما جا اي زول يا سمر
سمر: بطلي كذب جا منو عليك الله
انا: ده احمد
سمر: 😮 وداير شنو
انا: خلعني بس وضحك ومشا
سمر: امممم واسي دي حاجه يدسوها
انا: ما عارفه
سمر: مع اني ما صدقتك بس ما حنك 🐸
انا: 😒😒💔
بعد خلصتا من تحقيقها قعدته شويه وبعداك مشيت البيت لقيت امي عامله ملاح خدره 💖💖 طوالي وقعتا فيهو كانو ما اكلته في بيت عمتو
ماما: براحه يا بت بتنشرطي
امين: ماهي اصلها مشروطه خليها تنشرط زياده 😂😂🐸
انا: ها ها ظريف
ضربته ضرب صاح وقمته مشيت غسلته العده وجهزتا حجات بكرا ومسكته التلفون لقيت احمد مرسل لي قمت فتحته الرساله قريتها وما رديت😎😒 ورقدتا نمتا 🐸
الصباح قمت دغش مشيت الجامعه ولحسن حظي لقيت ماهر 😍 قعدته اتونسته معاهو
انا: انت ما حصل مشيت لي طبيب نفسي
ماهر: مره زمان رحت مع ابوي
انا: اها وقال ليك شنو
ماهر: مشكله خفيفه ما وصلت للجنون كم جلسه كدا وتتعالج بس انا رجعت السودان وما واصلت
انا: خلاص لي انت ماسك دور المجنون
ماهر: كيف يعني ماسك دور المجنون
انا: قصدي عايش كأنك مجنون وكدا
ماهر: كلام الناس خلاني اكون مجنون
انا: بس انت شكلك ما شكل مجانين
ماهر: 😱
انا: كلامك كلام زول عاقل وواعي ، ممكن منظرك يوحي بانك مجنون بس تصرفاتك ما زي المجانين
ماهر: اممم
انا: رأيك شنو نمشي نشتري ملابس💖 وعلى فكره شعرك قام 😂💖
ماهر: لالا ما عايز اما شعري بحبو كدا
انا: خلاص تمام ، يلا انا زمن محاضرتي قرب حامشي
ماهر: خلاص كويس
بعد ما حضرته المحاضره مشيا لي ادم قلت ليهو دايره مساعده قام فتح جزلانو داير يمرق لي قروش😂😂🐸 قلت ليهو لا يا طيره ما قصدي كده 🐸
ادم: اها شنو
انا: دايراك تودي للمجنون ده كم حاجه
ادم: 😒😒 كرهتيني العيشه زاتو
انا: عيشه ولا فطيره قهقهقه 😂😂🐸
ادم: هاها ظريفه
انا: عليك الله ياخ
ادم: دايره تودي ليهو شنو 😏
انا: حسوقك السوق ونشمي نشتري ليهو كم لبسه وانت تمشي توديهم ليهو كأنكم مجموعه خيريه وكدا وبرضو تقول ليهو انو انتو حتتكفلو بي مصروفو واكلو واي حاجه
ادم: وانتي مالك ما دايره تودي ليهو
انا: ما حيقبل مني عارفاهو
ادم: خلاص ظابط
المهم مشينا ظبطنا امورنا وادم ودا ليهو الحجات وجيت كلمت امي قالت لي انتي مجتهده شديد مع الولد ده
انا: عاد قطري يا امي ما بفرط فيهو
ماما: بري منك 😂😂💖
انا: لالا يا ماما ما كده بس حاساهو زول فاهم وعاقل كده وما خرج يكون مجنون وهو سمح يا امي كان شفتيهو وشعرو صاح وسخان بس ناعم ومبالغه وهو يا امي قاري جامعه وعندو شهادات وما شاء الله يعني بس سبحان الله 💖💖💖
وانا بحكي دموعي رقرقت خلاص 😂😂😂
ماما: قلبي مالو اليوم 😂😂💖
انا: امي ما تشغليها لي 🌚🌚
ماما: اسوي ليك شنو يعني زي العاشقه الولهانة شويه وتقولي لي بحبو
انا: لالا لسه ما وصلته المرحله دي 😂😂
ماما: يعني ممكن تصليها 🐸
انا: اي يمكن 🌚🌚
ماما: يبت قومي شوفي ليك شغله 😒😒😂
انا: خلاص يلا ماشه اتونس ما بابا حبيبي
مشيت لي ابوي قلت ليهو موضوع التبرع بس 😂😂 ما بقدر اتمادا مع ابوي 😂
بعد ما كملته حوامه في البيت مشيت مسكته شيتاتي فجأه اتذكرته احمد وفي لحظتها قام ضرب لي
انا: خير داير شنو
احمد: داير اتكلم معاك
انا: ما اظن بيناتنا تاني في كلام ينقال
احمد: انتي اسمعيني
انا: ما دايره ويلا مع السلامه
وقمت قفلته الخط بس فضل يتصل يتصل لمن زهجته منو قمت رديت ليهو قال لي انا اسف
انا: يعني اسف دي خلاص حلت كل شي
احمد: خليني اكمل انا اسف وعارف روحي غلطته وما كان مفروض اسوي كدا بس ممكن تقولي في لحظه ضعف بس عملته كده
انا: اول حاجه اتذكر انو انا بت عمك توم ابوك يعني كأنو ابوك التاني 😒 وبرضو عملته لي كدا وبي كل وقاحه جاي تقول انا اسف فلنفرض لو كان دي بت تانيه ما بت عمك كان اعتديت عليها
احمد: ما انا خلاص عرفته غلطي بس سامحيني وتاني ما بعيدها وانا بعرفك بتدي فرصه لي اي زول وقلبك طيب وبتسامحي
انا: بس الليله لا ومع السلامه ، قمت قفلته الخط وعرفتو ما حيرجع لي تاني لانو بالرغم من غلطو بس عندو عزه نفس كده بعرفها براو
اليوم البعدو مشيت الجامعه لقيت ماهر بقا احي بس 😂💖💖💖 دايرين نقعد في المسطبه قربت اقول ليهو لالا ما تقعد ما شبهك المسطبه دي 😂🌚
ماهر: شكلك كده ما مبسوطه
انا: يعني بس حصلت مشكله بسيطه
ماهر: واللي هي
قمت حكيتها ليهو كلها
ماهر: اسي دي بسيطه وكمان ود عمك
انا: اسي انا اسوي شنو
ماهر: اتعاملي معاهو عادي وما تهتمي بالموضوع شديد ولو سلم عليك ردي السلام وحاولي اتجاوزيهو وحيلقى عقابو بي جهة تانيه
انا: خلاص تمام يلا انا زمن محاضرتي قرب
ماهر: كويس امشي
.
.
جا يوم الجمعه من الباب استقبلتني سمر قالت لي عندي ليك شمار 🌚🌚
انا: دقيقه نسلم على الناس بعداك 😂😂
سمر: هم شمارين بس اخليك تسلمي بعداك 😂😂😂
مشيت سلمته وقعدته اشاغل فيهم واحد واحد 😂😂 بعداك مشيت لي سمر وهي تحمر لي ساااي 😂
سمر: حاحكي ليك واحد بس التاني خلي لي بعدين
انا: اها ياخ اخلصي
سمر: كما شفتي ود عمك اتشاكل ليهو مع اولاد دقوهو دقه ولمن ودوهو المستشفى لقو في دمو اثار مخدر وعمك قال الا يقتلو وهو حلف انو ما بشرب مخدرات
انا: ما اظن يكون بشرب مخدرات
سمر: انا زاتي حسيت بس ما بنقدر نكضب النتائج
انا: ولي ما وريتونا من بدري 😏😏
سمر: ابوكي عارف
انا: ماهو ابوي ما بحكي لينا شمارات زي دي 😂💔
سمر: اسي قاعد في غرفتو وشو ملفوف ويدو ملفوفه 😂😂
انا: ملفوف ولا خس 🌚😂😂
سمر: عواليق 🐸😂😂
انا: ارح نتونس مع الشباب وبعدين نمشي ليهو
سمر: ارح
