افعل بها ما أشاء ولكن لن اسمح لأحد ان يؤذيها لأن من يؤذيها يؤذيني ويؤذي فؤادي وان اردت ان اؤذي من يؤذيني فأن اذيتي مره كطعم العلقم
#ماهر
قمنا انا وسمر وباقي الشباب مشينا ليهو وطبعا حالتو تحنن وانا الضحك شرطني 😂😂 الا مرقته بره الغرفه عشان ما يشوفني 😂😂😂 بعد كملته ضحكي رجعته جوه وسلمته عليهو وقلت ليهو حصل ليك شنو
احمد: مشكله بسيطه مع اولاد
انا: حالتها بسيطه
احمد: كانت بسيطه وكبرت ما تحكيها شديد
انا: حاضر 😂😂😂💔
احمد: البضحك شنو 😒
انا: ولا شي 😯
قمنا قلبنا القعده في غرفة احمد وما اتكلم معاي كتير او ما اتكلم معاي اصلا 😴😴
المهم كملنا روتينا الطبيعي ورجعنا البيت مع انو بحصل كل اسبوع بس برضو الزول ما بزهج 💖💖
.
.
يوم السبت مشيت مع امي الحنانه كان عندها عرس بت صحبتها وانا بايره 😂😂 بعد ما رسمت قلت ليها الليله ما مارقه من هنا الا ترسمي لي 🌚🌚🐸 قالت لي اترزعي خلاص يرسمو ليك 😒 ، الحنانه قالت لي يرسمو ليك كيف
انا: حنه عروس بكرا عرسها 😌
ماما: اعملي ليها رسمه بسيطه في يدينها البت دي ما نصيحه 😂😂🌚
الحنانه: اي باين عليها ظريفه وجنها ونسه
وانا بهناك راسي كبر 😂😂
الحنانه: بتقري شنو انتي
انا: قانون 🌚💖💖
الحنانه: يا هو سجنتي الناس كلهم
انا: ما للدرجه دي 😂😂😂😭😂😭😂💔
قعدته اتونسته مع الحنانه ورجعنا البيت انا وحجتي وانا لبسته فستان اسود ومزين بالكوبي وامي نفس الشي بس توب 💜💖 وطبعا امين عامل فيها راجل ما بمرق مع النسوان قعد مع ابوي 😂🌞
يلا لمن مشينا العرس انا وامي عاملين زي الاخوات اي زول يجي لي امي يقول ليها دي اختك 😂🌞 جا الفنان وبدا يغني وانا الليله بزات ما نفسي اغني ولا ارقص فضلته اعاين بس وفجأه اشوف ادم قمت رفعته ليهو يدي قام جا سلم علينا عرفتو على امي طبعا هي سمعت بيهو مني، قلت ليهو الجابك هنا شنو
ادم: عرس بت خالي لي ما اجي 😌🌞
انا: اهااا كويس 😂
ادم: عن اذنكم بس ماشي وراجع
ماما: اذنك معاك يا ولدي
قمنا مشينا للعروس سلمنا عليها واكتشفت اني بعرفها وامتحنت معاي تامن 😭😭💖 انصدمته حسيت بالبوره 😂😭😂 قلت لي امي في اضانها سوقيني من هنا حموت
ماما: 😂😂 لمن يجيك العرس من اول ليله حتضربي لي 😂🌚
انا: حجتي احسن نمشي نقعد 😂
مشينا قعدنا وانا بقيت بكشف وشفته لي واحد بشبه ماهر للمره التانيه
انا: ماما شوفي
ماما: في شنو
انا: شفتي الولد اللابس قميص كحلي ونظارات ده نسخه من ماهر بس على انضف
ماما: عاد كساار
انا: الليله حكلم ليك ابوي 🐸🐸
ماما: هاهاها 🌚😂
انا: لكن انا جاده يا ماما بشبهو شديد
ماما: يخلق من الشبه اربعين
انا: اي صاح كلامك ما علينا
.
.
من جهة اخرى
الساعه 1 صباحا
..: يا زين ولدك طول ما ضرب لي
زين: يا فريال بكون مشغول ما اكتر
فريال: بس لي اول مره يمر اسبوع وما يضرب لي وسألته اخواتو واخوهو برضو ما ضرب ليهم ولا ضرب ليك انت زاتك وهو قاعد براهو في السودان خايفه عليهو عديل ياخ 😭💔
زين: دحين حاتصللو
..: السلام عليكم
زين: وعليكم السلام يبني
..:امي كيف
زين: اتفضل احكي معا
فريال: ما بتضرب تسأل من امك يخس عليك 💔
..: والله يا امي لي اسبوع الشغل بقا كتييير اعفي لي بس
فريال: ما مشكله يا ولدي اخوانك كلهم بسألو منك وانت ما جاينا قريب
..: تاني لو جيتكم بجبكم بي مرتي
فريال: اهممم بتحنك ولا شنو 😂
..: اي شبه ذلك ، انتي عارفه يا امي
فريال: اها شنو💖
..: انا احبك وايد
فريال: لي اسي في حركاتك دي 😂😂 وانا زاتي بموت فيك 💖 ، هاك ابوك داير يتكلم معاك
..: نعم يا ابوي
زين: والله يا ابني واايد مشتاقلك
..: ما بتلحقني 💖 يا ابوي لكن بجيكم قريب ان شاء الله
زين: اها رحت عالمشفى ولا لسه
..: حمشي ان شاء الله يلا مع السلامه دخلت علي مكالمه
زين: اوكي مع السلامه 💖
بعد ما الخط قفل قام قال لي اسب ابوي مصر على المشفى اخخ بس 💔 احسن شي اضرب لي ادم
..: الو ادم كيفك
ادم: بخيير الحمدلله وانت
..: اها الموضوع ده انا داير اختمو
ادم: خلاص زهجته
..: لا ماقصدي كده
ادم: اها شنو
..: يعني اتقدم خطوه لقدام
ادم: ما بدري شويه
..: بدري بس اسوي شنو تاني
.
.
اليوم التاني مشيت لي ادم في الجامعه وقلت ليهو انت في واحد من ود اهلك بشبه ماهر
ادم: لالا ما اظن
انا: ياخ والله شفت واحد بششبه ماهر
ادم: بكون اتخيلتي بس
انا: ياخ امي زاتا شافتو
ادم: انتي جنيتي بي ود الناس بكرا نعرسو ليك
انا: خليتك زاتو 😒😒
ادم: خلاص انا ماشي وجاي
انا: اي امش احسن ليك 😒
.
هزار ضربت لي قالت لي عازماك انتي وربا في كافيه الجنبنا ده
انا: انتي جاااده
هزار: اي ومعاهو شمار كارب
انا: طوالي انا اصلا لا امانع
قمنا مشينا الكافيه وانا شغاله ليها غير ملك شيك ما بشرب شي
هزار: 😒😒 امرك سيدتي
ربا: يلا الشمار شنو فهمينا
انا: اي صاح الشمار شنو
هزار: دقيقه اسي الشمار بجي
قمت اتلفته وبقيت بعاين في الكافيه والناس الفيهو وشفت نفس الشخصيه البتشبه ماهر كنت دايره امشي ليهو بس هزار لفتتني وقالت لي هنداك ليهو الشمار 😂🐸 كان عباره عن ولد طوييييل عمود كهربه بس😂 وضعيف وحلبي😓 وحالق دقنو لكن شعرو مفلفل كده
قبل ما يصلنا قلت ليها ده شنو ده 😒😓
هزار: كنت عارفاهو ما حيعجبك بس دقيقه اتعرفي عليهو وما تقولي شي قدامو
قامت رفعت ليهو يدها قام جا علينا
السلام عليكم انا وضاح
انا: اهلا
ربا: وعليكم السلام
هزار: ديل صحباتي اساور وربا ، اتفضل اقعد
وضاح: اتشرفنا
ربا: الشرف لي
قعد اتونس معانا او بالاحرى مع ربا وهزار وانا ساكته
وضاح: اساور دي ما بتتكلم كتير ولا شنو
هزار: هي ما بتحب تتكلم مع اي زول من اول مره بتتفحص الزول بعداك ممكن تتكلم وممكن لأ 😂😂😂
انا: ماهو في ناس لو ما اتفحصتهم وعرفته نواياهم ممكن يخزلوك 😊
وضاح: وجهة نظر
المهم اتكلم معانا ومعطنا واكتشفته انو داير يخطب هزار وانحنا كواسطه نمهد الكلام لي امها 😂
بعد ما مرقنا قلت لي هزار الولد ده شكلو متزوج
هزار: لالا ما اظن انا بتكلم معاهو لي قرابه سنه
ربا: انتي دايراهو
هزار: اي
انا: خلاص عرسيهو ولو طلع جاي ولا جاي تاكلي نارك 😂😂💖
هزار: خلاص سمح 😂😂💜
