ماهر مسكني جراني عليو قال لي كساره والله
انا: معليش النمره غلط امشي فتش عروستك في حته تانيه 😒😌
ماهر: ما تخليني اتهور
انا: لالا معليش وانت ما ملاحظ انك ملصقني فيك وبكونو بعاينو فينا
ماهر: هوي ما تعاينو فينا انا ومرتي مالكم
سمر والبقيه: 🙊🌚
انا: فضيحه اسكت
ماهر: يلا ارح ، انا ومرتي حنمشي برانا وانتو حتجيكم عربات تسوقكم 😂
ربا: سمح يا عريس
ساقني ومشينا العربيه قام فتح لي الباب وقال تفضلي سيدتي وانا ماصدقت طوالي انحشرت وقلت ليهو شكرا سيدي 💛💖 ، اتحركنا على الصاله وانا راسي بدا يلف وجاتني قبضه قمت اتكلت في الكرسي ماهر لفت عاين لي قال لي مالك
انا: من الصباح ما اكلت وانشغلت بالتجهيزات بس
ماهر: ولي ما جابو ليك اكل
انا: جابو لي بس نسيت اكل
قام حمر لي لمن خفته بقيت ساكته بس قام فرمل ولف بالجهة التانيه قلت ليهو ماشي وين قال لي السما الاحمر 😒 ،
انا في سري: اخير اسكت ساااي بكفتني تاني
قام تلفونو ضرب رده: ايوا يا عثمان
عثمان: لفيت وين انت يا ماهر وماشي سريع كدا ما قادرين نلحقك زاتو
ماهر: امشو يا عثمان الصاله وصبرو ااناس بكم غنيه كدا وانحنا حنلحقكم
عثمان: كيف يعني
ماهر: لمن نقرب من الصاله بضرب ليك ، باي
قام قفل الخط وحمر لي تااني ووقف قدام مطعم ونزل سريع بعد ربع ساعه كدا جا وشايل كيس فيهو فطيرتين وماذتين
ماهر: هاك اكلي عشان نرجع العرس
انا: اي زول بجيب لي اكل بحبو اكتر من ما انا بحبو اصلا 💖🙊
ماهر: دايره تحنكي يعني
انا: 😂
ماهر: نمشي شارع النيل ناكل هناك
انا: هاها بتبالغ ارح نرجع
لمن قربنا من الصاله قلت ليهو اقيف اصلح وشي وانضف خشمي
ماهر: انضفو ليك
قمت اديتو منديل بكل براءه نظام هاك نضفو قام باسني الكريه 😒💔
انا: لااااا خربته الروج الله يخرب شعرك السمح ده
ماهر: الخبط الباقي واجوط ليك
انا: اخخ انا اخرتني من عرسي وخربت لي روجي
ماهر: اقول ليك ارح بيتنا 🌚
انا: لالا حراام كدا انا دايره احضر عرسي ودايره يجرتكوني واكشح فيك اللبن واملاك كلك عليك الله ارح
قام عاين لي وحرك العربيه وضرب لي عثمان
عثمان: انت وين يا مان الفنان غنا لمن زهج والناس شويه وتمشي مشيتو وين
ماهر: كنا في مطعم واسي ماشين بيتنا احتمال ما نجي
عثمان: اصلو ما بصدق يا زول
ماهر: بهظر وانحنا وصلنا
عثمان: خليكم بعيدين شويه من الصاله وانا وسمر جاينكم
ماهر: اوك
ماهر وقف بعيد شويه ونزل بعدها جو سمر وعثمان ، سمر جاتني في العربيه وعثمان مشا لي ماهر ومن الغيظ قرب يدقو 😂😂
عثمان: اقسم بالله يا ماهر بتبالغ مفروض تجي قبل سااااعه ساعه كامله الناس مستنينكم
ماهر: المهم وصلنا
وبهناك سمر شغاله لي مشيتو وين يا غجر
انا: اكلنا 🌚
سمر: الله بشفي 😒
انا: اديني روج سرييع
سمر: خربتي كيف 🌚
انا: سريع ما يخصك
سمر: بقا فيها بوسات من اول يوم 🙊😂
انا: سمر
سمر: خلاص خلاص هندا حصلحو ليك
.
بعد ظبطنا روحنا قمنا دخلنا وزفونا وانا كنت موصياهم لمن اجي داخله رشونا بي ورد وبالجد رشونا بي ورد وتاني رقصنا سلو وانا مركزه شديد مع الغنيه عشان ما اغلط قام يلفت فيني
ماهر: هي يوو
انا: اسكت
ماهر: ما نفسك اعدل ليك الروج
انا: ياريت قصدي لالا خليني اركز بعدين لمن نمشي البيت
ماهر: ظابط خليك عند كلامك
انا: اسكت
ماهر: الناس في اللحظات دي بقولو كلام رومنسي وانا يحليلي بسكتو فيني 🌚💔
انا: يا من سرقت قلبي هل يمكنك ان تصمت لأن كلامك يذيبني 🌚💖
ماهر: سكته
بعد كملنا وقعدنا اي زول بجي بقول لينا كنتو وين بدل ما يبارك لينا غايتو جنهم شمارات والعجب ماهر طوالي يقول ليهم مشينا اكلنا ما اكتر
بعد ما تمت الحفله بدا الجرتق والناس معظمهم مشو فضل القراب بس جا دور رش اللبن وانا مستنياهو من متين قمت مليت خشمي وفضيتو فيهو امي كوركت لي هي ما كدا يا دلاهة 😂😂
ماهر: خليها يا خالتو هي اصلا ناويه لي من زمان
لمن جا دورو رشا فيني حبه بس احي عقدني 😂😂🙊💔
بعد الجرتق قعدتا بكيت مع امي وابوي وامين حنني عديل بكيت معاهو كتيير بعدها ركبتنا العربيه ومشينا
ماهر: حتفضلي تبكي زي الشافعه
انا: بس ماما وبابا وامين
ماهر: ارجعك ليهم
انا: ما للدرجه دي
ماهر: 😂😂 خلاص اسكتي ، وصحي انا لي هسه شاميك
انا: لي 🌚
ماهر: اسكت اسكت
انا: اهااا تكبر تنسى يا روح ألبي انت
ماهر: لالا انا بنتقم ما بنسا
انا: 😂😂 ، طيب اسي انحنا ماشين وين
ماهر: بيتنا
انا: تخيل ما كنت عارفه 😒
ماهر: 😂 خلاص في حته قريبه لي سجن الهدى
انا: قول والله
ماهر: والله ، انا ما بحب جو المدن ده بحب الحتات اللي برا شويه
انا: حته متنحيه شديد
ماهر: لالا هي بقولو ليها مدينه الهدي مرات يعني ما متنحيه شديد ولو بقا على الخدمات والكهربا والحجات التانيه متوفره كلها 💖
انا: خلاص تمام
ماهر: ما تسبقي الاحداث حتشوفي كل شي اسي
انا: خلاص حنوم لحدي ما نصل صحيني
بعد اربعين دقيقه ماهر صحاني قال لي قومي وصلنا بس كنت نعسانه شديد وابيت اصحصح فاطرا يرفعني بدل الشنط 😂 وجا راجل تاني دخل الشنط شكلو الحرس بتاع البيت ، مشا رقدني في السرير وشغال يصحي فيني عشان اغير ملابسي بس ابيت اقوم
ماهر: قومي غيري توبك حق الجرتك وارجعي نومي
انا: لالا بغيرو بكرا
ماهر: ما حترتاحي كدا
انا: قلت ليك خليني انوم قبل ما اديك بنيه
ماهر: خليتك شكلك ما واعيه الليله 😒💔
قمت جريتو من يد الجلابيه وقربتو مني شديييد وقلت ليهو ماهر انت حقيقي ولا انا بتخيل 🐸
ماهر: حقيقي والله ولو ما مصدقه بوسيني
انا: اسمها اقرصيني 😒 ويلا مش قلت ليك خليني انوم
ماهر: براك ماسكاني 😂
قام غير ملابسو وطفا النور ورقد نام ، نهضت في الصباح وقد تسللت اشعه الشمس لوجهي والحر الحر 🌚 لمن فتحت ماهر قال لي واخيرا قمت صنقرت في السرير وقلت ليهو لي ما صحيتني اغير توبي
ماهر: قلت اخليك ترتاحي 😏💖
انا: اهاا تمام ، يلا ممكن تسوي الشاي 🌚
ماهر: انا حبيت واتزوجت لي وحده لتخه نايمه من اول يوم ليها والصباح صاحيه بتشاكل وكمان بتقول لي سوي شاي يا حليلك يا فريال
انا: فريال حماتي ولا وحده غيرها 🐸
ماهر: اي حماتك
انا: 😂😂 احمد ربك انا نعمه عديل 😌
قمت جريتو من لياقتو وقلت ليهو بصوت مغري كدا بعدين يا روحي انت داير تلمسني وانا جعانه كدا بموت لازم اتغذا 🐥
ماهر: 😒😒
انا: خلاص سوري يلا قايمه 😂
مشيت الحمام واتوضيت وجيت صليت الصبح الكان فاتني وطلعته بره لقيت الشاي مجههز ومعاهو شريك 😍💖
