هرووب 🔥💖
جا يوم التلات وقمت كلي نشاط وحيويه كأنو ما حصل شي او حيحصل شي وقبل ما اصل الجامعه فتحت الوتسب ونزلت في الاستوري ( زهجته من اهل ابوي 👪 واهل امي 👪 خلاص بعد ده دايره اجرب اهل راجلي 🐸💖) لمن وصلته لقيت ادم في وشي قلت ليهو وين يا اصلي🐸
ادم: حمدلله وانتي كيف
انا: عال العال 💖، وين البقيه
ادم: هنديلك ارحكي ليهم
تنقش تنقش تنقش (انا الحكواتي 😂)
انا: ي جماعه مشتاقين والله
ربا: انا زي شفتك امبارح صح
انا: الزول ما يشتاق يعني 🌚
مازن: اشتاقي ساي 😂😂
انا: بعدين انا عازماكم 😌
بابكر: وييين 😨
انا: ما تتخلع انا جاده 😂😌
محمد: خلاص مستننك نهايه الدوام
ربا وشوشت لي هزار في اضانها: اساور دي زعلانه من شنو لانو كل ما تزعل بتسوي كده
هزار عملت روحها ما عارفه ( صندوق اسرار تحفه 💖): بعدين نزرها ونعرف
بعد كملنا محاضراتنا قمت عزمتهم ايسكريم
ادم: اسي مؤاخرانا من بيوتنا عشان ايسكريم
انا: حسستني انو وراك عيال
ادم: مسؤليات اكبر
مازن: ما شاء الله والله 😂😂💖
انا: زي ماهر مثلا 🌚
ادم: شنو 😲
انا: بهظر بهظر 😂😂
ادم: قهقه 😒
ربا: اساور ما دايره تغني لينا
بابكر: بتبااالغي 😃💔
اساور: طوااالي ما عندكم مانع 😌 قالو قالو قااالو علي شقي ومجنون قالو قالو قااالو علي شقي ومجنون صحييييييييح مجنوووون وانتو جنوووني يا حلوين 🐸💖
مازن: اعوذ بالله 💔
وفضلته اغني ليهم وكل شويه اغير في الاغنيه قبل ما اتمها 😂💜 وما سكتا الا لمن مسحو لي ايسكريم في وشي 😂
ادم: الله يجازيك يا ربا
ربا: 😂😂 تكبرو تنسو
.
.
يوم الخميس لمن مشيت برضو ما لقيتو اتظاهرت بعدم الاهتمام مع انو عارفه روحي مهتمه بيهو شديييد بس بكتل في احساسي بنفسي وهو لو جاني بحالتو دي ابوي ما حيوافق فشنو احسن ما اوقع روحي في حتات ضيقه وبقيت بنهي في اي حاجه بتذكرني بيهو وكنت كل مره بتمنى اني ما اشوفو او يشوفني عشان ما اعلقو فيني زياده او بالاحرى ما أعلق روحي فيهو زياده ومرات بحس روحي تايهة عديل بين انو نفسي اشوفو ولا ما دايره اشوفو وكل مره هزار بتحاول تتكلم معاي في الموضوع ده وربا برضو عرفت وبقت تحاول معاها مع انو انا ما ظهرته لي زول انو انا زعلانه بس هم بقولو لي فاهمنك 👏💛 ومره اسبوع وما شفتو ولا اتكلمته معاهو وما استشرتو في اي شي وبقيت بحوم الجامعه عشان القاهو وانا بعقلي بقول يا رب ما اشوفو💔💔 (كأنك بتضرب لي زول وتقول يا رب ما يرد 😂💔) وحسيت روحي بقيت بائسه مع انو ماف زول لاحظ وما خليتم يلاحظو اصلا بس في فرق بين الشي البتظهرو للناس والشي الجواك الانت حاسيهو وما داير تخلي زول يحس بيهو 💔💔💔
.
.
تتوقعو ماهر مشا وييين ؟؟!
.
.
جات امتحانات السمستر السادس وكنت بمشي في الموضوع وبقرا عادي وبتظاهر اني كويسه وربا وهزار كل امتحان بسألوني امتحنتي كيف 💛💜 اخر يوم في الامتحانات رجعته البيت طوالي نمته اليوم البعدو صحيت امي عاينت لي كدااا وقالت لي تعالي اسوي ليك شعرك دا وما تقولي لي ما دايره وجيبي مشطك وزيت الزيتون الفي الدرج
انا: حاضر
مشيت قعدته قدامها وبقت تدلك لي في راسي 😴😴
ماما: مالك الشهر الفات ده كلو ما بتهتمي بروحك
انا: قاعده اهتم بي روحي
ماما: يعني انا ما شايفه😒 شوفي شعرك اتقصف كيف ولونك بقى شاحب حتى ابوكي لاحظ
قمت ابتسمت ليها: هندي انا كويسه 😃
ماما قرصتني وقالت لي انا امك بحس بيك وما تكذبي علي طوالي قمت بكيت ورقدت في كرعينها وحلفته كان اسكت الدموع الماسكاها ديك كلها مرقت والابتسامات والضحكات المزيفه المرقتها كلها اتعكست دموع وامي بتحاول تسكت فيني في الاخير بكت معاي 😭😭😭💔
ماما: ما تقلقيني عليك في شنو
انا: ....
ماما: عليك الله يا بتي في شنو كنت عارفاك ما كويسه
وانا زدته بكا الا ادتني كف بعداك سكته 😐💔
ماما: في شنو ياخ
انا: يا امي ماهر ما لاقياهو
ماما: كيف؟؟!
انا: اخر مره كان قال لي انو ما بهظر ومستعد يسوي اي حاجه عشاني وانا قلت ليهو انت داير علاقتنا كيف ما فهمتا 😭💔 قام زعل وقال لي فهمتك خلاص وقام مشا وتاني ما شفتو ابدا في الجامعه وانا ما كان قصدي شي يعني سؤال عادي 😭
ماما: الحب ده اصلا كده انتي ما بتقدري ليهو اتشالقتي لي
انا: يا امي لكن الشي ده ما بيدي فجأه لقيت روحي بحبو وما لاحظته الا بعد اختفا
ماما: خلاص قشي دموعك دي وما تبكي
بابا: الكلام الفارغ ده خليهو انتي مشيتي الجامعه عشان تقري ولا عشان تحبي وكمان بتبكي دي قله ادب شنو وامك دي زاتها مدلعاك اكتر من اللازم بدل ما تقول ليك كده ما صاح تبكي معاك دايراني احرمك من الجامعه ولا شنو واسمعي كويس لو لقيت نتيجتك متدنيه ولا فيها خلل ماف زول حيتحمل مسؤليه الحيحصل سامعه 😠
انا: ...
بابا: بتكلم معاك انا سامعه
انا: ا ا ا اي 😢💔
وتاني رجعته ابكي امك عصرت يدي وقالت لي ابوك بكون زهجان امشي غرفتك ارقدي ارتاحي وانا بتكلم معاهو
انا: لالا يا ماما بتكلم معاهو انا بعدين
ماما: خلاص كويس امشي نومي وبطلي بكا عشان حيجيك صداع
انا: كويس
مشيت رقدته وفضلته اتقلب لمن ما قدرته انوم قمت صليت واستغفرته ودعيت ربنا يغفر لي وما كنت متخيله اني في يوم حزعل ابوي كدا بعدها قريت قران واتصبرته شويه ورقدته نمته لمن صحيت مشيت الصاله لقيت ابوي قاعد فيها قلت ليهو معليش ، رفع راسو عاين لي ودنقر في تلفونو تاني
انا: بابا انا ما قصدي ازعلك
بابا: انا ما زعلان منك انا زعلان عليك ، يا بتي انتي بتبكي في حاجه فارغه زي دي ، مفروض تتعلمي من اول تجربه ليك ، تتذكري لمن كملتي تانيه ثانوي قلت ليك دايره تمشي علمي ولا ادبي
انا: اي متذكره
بابا: وقتها قلتي لي دايرا ادبي لمن قلت ليك ليي قلتي لي دايره اقرا قانون وابقا محاميه كبييره وانا ما اعترضه ووافقته طوالي لانو كنت عارفك حتتفوقي في مجالك الانتي عايزاهو وبس ، لكن فجأه اكتشف انك بتبكي عشان ولد يمكن يكون ما بسوى شي وانتي تستخسري دموعك عشانو ودي اخر حاجه كنت اتوقعها منك بتي الكبيره الدايما رافع راسي بيها و
انا: اسفه
بابا: الاعتذار ما حيفيد بي شي لانو انتي بكيتي وانتهيتي وكان تفكري شويه قبل ما تميلي بي مشاعرك تجاهو وانا عارف ومقدر صعب الزول يتحكم في مشاعرو بس ما كان تبكي
انا: 😢💔
بابا قام دخل جوا وانا تاني رجعته غرفتي بي قلب مكسوور 💔💔
