بقيت مواصله وبسلم ليهم والمره قالت لي اسمها نعمات وبعديها سلمت على بت اسمها اروى حلاتها كدا وبعدها لقيت راجل شكلو تلاتيني كدا اسمو عثمان بعد سلمت عليهو خالتو نعمات قالت لي جا دور العريس وضحكت 💖 قمت وقفت قدامو وبقيت مغمضه عيوني خايفه انصدم 🌚💔 وشغاله اقول يا ربي الطف بي يا الله يا رحمن يا رحيم ما انصدم واكيد ابوي احسن الاختيار يلا قولي بسم الله وافتحي عيونك ، لمن طولته في الوقفه امي قامت حمحمت قمت فتحته عيوني وانصدمته بالجد قام مد لي يدو قمت سلمت عليهو قام ابتسم لي طوالي اتربكته ، مشيت قعدته جمب امي وهي كانت مجهزه كل شي 💖
خالتو نعمات: طبعا يا بتي اروي وعثمان ديل اولادي وتاني عندي اربعه بس ما قدرو يجو اما عريسنا ده زي ولدي وود اختي 💛💛
عثمان: طبعا انتي اتخرجتي قريب
انا: اي والحمدلله
قعدنا اتونسنا وهم كانو ظريفين شدييد بس انا كنت مقضياهو ابتسامات اكتر شي عشان الصدمه مؤثره بعد مشو ابوي قال لي اها المفاجأه كيف
انا: مصدومه لي هسي
ماما: 😂 بس حلوه صح
انا: لقيتوهو وين
بابا: شفتي يوم هرشتك داك
انا: اها
بابا: بعد اسبوع كدا جاني وقام حكا لي قصتكم وقال لي انو وعدك يرجع ويخطبك بعد ما يكلم اهلو وكدا وكمان اداني اتكلم مع ابوهو وهو زول قطري لكن عندو معارف في السودان وقال لي ما اجيب ليك اي خبر عشان ما يشغلك وانتي في اخر سنه
انا: يعني اسي ماهر جاني جدجد
بابا: شوف عليك الله البت دي ما بتخجلي تتكلمي قدام ابوك كدا قال ماهر جاني جدجد قال شوف دي عليك الله 🌚😂
انا: جاري تشغيل حاله الخجل 🌚
بابا: مجنونه دي 😂 ، يلا انا ماشي انوم
بعد ما ابوي مشا قمت حضنت امي شديد وقلت ليها وااي يا امي انا ما مصدقه
ماما: صدقي صدقي بس ما تمسكك ام فريحانه
انا: ده شي اكييد 😁
ماما: مبرووك وان شاء الله تتهنو 💖
انا: الله يبارك فيك 😄💖
ماما: امشي نومي عشان المواضيع حتبدا من بكرا لي يوم الخطوبه
انا: خلاص كويس
قمت مشيت غرفتي لقيت تلفوني بضرب وكان نفس الرقم الغريب اصلا كنت مسجلاهو بي الو 😂 قمت رديت قال لي مشتاقين
انا: اجي هو انت منو لمن تشتاق لي
ماهر: ماعرفتيني
قمت سكت وما رديت
ماهر: الووو ما عرفتيني
انا: اي عرفتك
ماهر: خلاص مالك اتبكمتي
انا: ساي بس 😅 ، يعني ده انت الكنت بتضرب لي
ماهر: اي كان نفسي اسمع صوتك مدام ما حقر اشوفك
انا: كنت وين انت الايامات دي كلها ولي اختفيت وشكلك كنت زعلان
ماهر: براحه براحه ، ابدا ما كنت زعلان ثم ثانيا في زول بزعل من روحو 😉🌚
انا: خلاص مشيت وين شحتفتني معاك وانا اتحرجت قدام ابوي بسببك
ماهر: خلاص ممكن ننسا الماضي ونبدا صفحه جديده وتكون بيييضا ونضيفه ونكتب فيها بالابيض وما نخلي مشكله توقف بيناتنا تفهميني وافهمك ونعيش سوا للابد 💖
انا: اي ممكن
ماهر: خلاص يلا مع السلامه زايدا مجنونك بحبك شديد 💖
انا بهناك فصلته 😂💖
.
.
رائيتها اجل رائيتها بعد زمن مر كالدهر لا ادري كيف عشته فقط كنت احاول ان اسمع صوتها عله يذكرني بشكلها تفاصيلها ضحكتها وكل شي جميل فيها فهي ملكي لي وحدي ولن اسمح لأحد بأخذها مني
#ماهر 💛
.
.
صحيت اليوم التاني كلي نشاط وحيويه وماسكاني ام فريحانه 😂💛 قمت صليت الصبح ومشيت جهزت الشاي وما فضل لي الا اسوي بخور 😂 قعدت شربتو مع امي وابوي وامين
بابا: عاد الليله معنويات فوق
ماما: 😂😂
بابا قام مشا الشغل واتلفت على امين وقلت ليهو اها قلت لي نتائجك حقت تامن قرربت صاح
امين: في داعي 🌚
انا: تخيل طلعت يوم عرسي
امين: والله عززه ماف زوول بشتغل بي شديد
انا: 😂😂
امين: اسي بالجد حتعرسي وتخليني براي في البيت 😢💔
انا: بجيك كل فتره والله
امين: بس ما زي لمن تكوني قاعده معاي
انا: تعال جيب hug
قعدنا نبكي انا وامين 😭😭💔 امي جات مارقه من المطبخ شافتنا متحاضنين وبنبكي : هي يا اولاد خلو العواره من قبل الخطوبه تبكو
انا: اي خلاص سكتنا
ماما: بعد الظهر خالاتك جايين يباركو ليك
انا: ينورو
ماما: فكرته اوديك لي عمتك الكبيره تحبسك وهنا نجهز ليك ريحتك وحجاتك
انا: خلاص ظابط
بعد خالاتي جو قعدته اتونسته معاهم قامت خالتي منال قالت لي كنت حاجزك لي ولدي الكبير بس ده جا اول
انا: كلو قسمه
منال: خلاص لو ما عرستو او فركشتو خطوبتكم تعالي كلميني اشان اجيب ولدي ونجي
طبعا قربت اقول ليها يفركش راسك ده وولدك زاتو ما دايراهو لكن احترمت روحي وابتسمت ليها وقلت ليها سمح 😒
.
يوم الخطوبه كنت لابسه فستان اوف وايت ومعاهو جزمه كعب عالي لونها بينك خفييف وطرحه لون الجزمه . ومن بين الحضور دخل ماهر وياداب دققته في ملامحو زي الناس كانت عيونو متوسطه لاكبيره ولا صغيره ولاينر طبيعي وحواجب غزييره ورموش اكبر من حقتي وانف حاد ولحيه ما معدله شديد بس ظابطه ولابس نظارات شكلها جديده وكلو كدا هيبه بس الخرب الموضوع شعرو كان كتير كدا وملفلف ومغطي جزو من اضنينو يعني زي حق الشفع بس برضو حلو 😍💖 ، جا وقف جنبي وقال لي مالك سمحه كده الليله
انا: عاديتني انت ده 🌚
ماهر: اوميقاد 😂
انا: 😂😂 ، على فكره
ماهر: yes
انا: ده اخر يوم ليك تشوفني تاني الا العرس
ماهر: شنولي يمنعني
انا: ما حيخلوني امرق اصلا
ماهر: حشوفك غصبا عنك 😏
انا: ماهو انت ما حتعرف انا وين ومرقت وين وحسوي شنو ولا حوريك زاتو 😝
ماهر: حركب فيك GBS وحعرف
جاتنا سمر قالت لينا ممكن تلبسو المحابس وتبطلو ونسه
ماهر: حبيبتي ومشتاق ليها ولا شنو يا اساور 🌚
اساور: يب 😁💛
سمر: يلا سريع 😂
قمنا لبسنا الخواتم والشباب بهناك شغلو اغاني وزنقناها وبدا موضوع الحبس والونسه والمواضيع وطبعا عمتي ماسكاني مسكه شديده ولمن يجي وقت السوق تجرنا انا وسمر ونمشي يلا يوم عمتي مشت تشتري كم ريحه كدا وانا وسمر مشينا بجامات وجلبابات وسمر ما بتختار الا اكعب واحد ويكون ما محترم ابدا وتقول لي شيليهو يلا وبالقوه بتشتريهو 😂💔 وتاني بدت الحفلات على قول ابوي الحجات الفارغه ديك ابوي زول عقد بس 😂 ويوم رقيص العروس كنت زي المجنتره امي قالت لي دي كلها فرحه اول مره تلاقيني عروس خفيفه كدا قلت ليها يا امي مره في العمر خليني اجبجب ساي 😂😂 ويوم الحنه بغض النظر عن الناس القاعدين والمعازيم انا وبنات اهلي وصحباتي مستلمين الحفله وانا في نصهم وامي تشيل وتحمر لي وانا لا ابالي 😂😂😭😂 بعداك قعدوني بالقوه سوي لي كم طقس من طقوسم ديك ما عارفه اسمها شنو ، اما يوم العرس طبعا من الصباح في الكوفير خليتهم يرسمو لي ويجهزوني واي شي الا الميك اب قلت ليهم بسويهو برااي 😌 بعد ظبطه وشي قامو لفو لي الطرحه لكن سمر جات قالت لي هوي يا بت دا مكياج زول ماشي الجامعه وبي كرعينو خلي يسوهو ليك واتلهي قبل ما افنك بي حاجه
انا: بس ما بحب الميك اب الكتير
المره: خلاص عرفتك دايراهو كيف بسويهو ليك
تاني فرتقوني😭 وسوهو لي بس كان ظابط ودسيس عدييل قامو صلحو لي الفستان وجهزوني لحدي ما ماهر جا عاين لي كداا قام قال يا سمر وينا عروستنا مرقوها سريييع
انا: 😒😒 اننن ظريف
