ظهرت النتيجه تكش تش 💃💔 وانا قلبي شغال دمبلق دمبلق 😂💖
بابا: شفتب نتيجتك
انا: لالا لكن بقول ليهم يرسلو لي صوره البورد
بابا: ولي امشي شوفيهو براك ، عشان لو طلعت كعبه تنفصحي قدام الناس (شرير يا عمو 😂💔)
انا: حاضر 😂 كتلتني كتل 🌚
مشيت الجامعه لاقتني ربا قالت لي نزلتي شديييد
انا: ما جاااده 😭😭💔 ، مسكته راسي وبكيت
ربا: وااي يا متخلفه بهظر ما نزلتي ولا اي شي قاعده في مكانك بس التحصيل العام اصلا متغير
انا: بابا اصلا ناوي لي الليله بحمصني 😭😐💔
ربا: ارح شوفيها 😂🐸
انا: ارح 🌚 وهزار وينها
ربا: في شهر العسل البخليني اضرب ليها شنو 🐸😃💔
انا: اي صاح 😂💔، لكن اشتقت ليها وربي
ربا: اي ياخ 💖
قمت مشيت شفت النتيجه لقيت ياهو نفس ترتيبي بس في نقوص شويه قمت صورت البورد ورسلتو لي ابوي قام رسل لي 👍 وقال لي لمن نتلاقه
انا: نفسي في داردمه
ربا: جاتك من وين دي
انا: ياخ ارح نشتري من اي مكان
ربا: طيب ايسكريم
انا: لالالالالالا داردمه بس
ربا: ارح
مرقنا بره الجامعه لقيت واحد لابس نظاره نظر ومتكل في العربيه لمن دققت لقيتو ياهو زاتو شبيه ماهر ما اشتغلت بالموضوع كتير وخصوصا اني واعده ابوي ابطل الموضوع ده بس لاحظته انو بعاين لي بي كل حواسو قمت حمرت ليهو ومشيت وتاني لفت وراي لقيتو بعاين لي وقام رفع لي يدو قكت لفت ربا قلت ليها شوفي السخيف داك
ربا: وينو
انا: هنداك المتكل في العربيه داك
ربا: وبعلي مالو سمح كدا
انا: ما تتلفتي يا غبيه
ربا: وحشوفو كيف يا دحشه
انا: 😂😂 المهم ارح يلا
ربا: عاد ما بتلفتيني الا للمزز 😂👍
انا: ما عرفتيهو او شبهتي بي زول
ربا: ابدا والله
انا: المهم ارح فتشي لي محل داردمه
ربا: سمح 🌚🌚
.
.
عند هزار....
هزار: وضاح حنرجع السودان متين
وضاح: ي قلبي خلاص زهجتي من طوكيو
هزار: كل ما امرق برا برجع راسي لافي 😂
وضاح: خلاص نكمل شهرنا ده ونرجع
هزار في سرها: ياخ انا دايره ارجع عشان الجامعه ااخ انا من اللتخه ده
هزار: انت عارف
وضاح: اها
هزار: نتائجنا حقت السمستر السادس يمكن تكون ظهرت عشان ده زمنها
وضاح: بالجد
هزار: اي ، بس دايره نت عشان اسأل منها
وضاح: هاك تلفوني فيهو نت
هزار: ثانكس 😃💛
هزار شالت التلفون ومشت فتحت شنطتها مرقت رقمي ونزلتو في التلفون وضربت لي بالواتساب
انا بهناك...
لقيت الرقم غريب كان سوداني بس ما حبيت ارد وتاني قام ضرب بعداك قمت رديت
هزار: نفسي اعرف لي ما بتردي على الارقام الغرييه بدري لييي بس لي
انا: بخاف تطلع مش غريبه
هزار: لي هسي في عباطك 😂😂
انا: مشتاقين وربي
هزار: بالاكتر والله
انا: ده رقم منو الضاربه لي بيهو ولا انتي زي البنات البغيرو شرائحهم بعد العرس تخافي الكراشات يضربو ليك قدامو ولا شنو 😂💛
هزار: ده رقمو هو زاتو ، تخيلي انا وين
انا: اها وين
هزار: طوكيو
انا: يبت المحظوظه 😭💛
هزار: عندي ليك شمارات كتيره والله
انا: احي تقولي شنو بس ، تعالي سريع عشان الجامعه بعد اسبوع
هزار: اي عارفه اها البورد علقو
انا: اي الليله علقوهو ، عاد نتائج زي الزفت
هزار: سجمي ، خلاص رسلي لي صورتو في الرقم ده زاتو وبحاول اجي بدري للجامعه
انا: خلاص تمام يلا مع السلامه ومتعي راجلك
هزار: الله يخلي ليك درعك ده 😂😂💔
.
.
هناك في الخرتوم 🐸💔 قبل ما هزار تضرب لي
جيت داخله البيت بتدبا ولسوء الحظ لقيت ابوي قاعد في الصاله قال مبروك النتيجه
انا: الله يبارك فيك 😀
بابا: التحصيل العام فيهو إنه عشان كدا عفيتك
انا: حمدددلله 🐸💖
بابا: وافقته على الراجل
انا: اي راجل
بابا: انا طالع هسه خلي امك تحكي ليك التفاصيل
مشيت لي امي جري في المطبخ قلت ليها يا امي في شنو
ماما: ابوك وافق على الولد الاتقدم ليك قبل فتره وقال بعد تتخرجي حتتم الخطوبه والتعارف والمواضيع الفارغه ديك على قولو
انا: حجتي انتي عارفه
ماما: اها
انا: انا ما حرفض ولا حزعل
ماما: يا بتي كلو قسم ، ولو عمك ماهر داك دايرك بالجد ومكتوب ليك عادي ممكن يجي قبل العقد بي ثواني ويقول وؤفووو 🌚
انا: ماما بطلي هظار 😂
ماما: انا جاده والله الزول المكتوب ليك ده بجيك بجيك
انا: بالجد والله كلو قسم
تعالي ارح نتغدا ابوك ده معزوم وامشي صحي اخوك
انا: حاااضر
.
.
بدت الجامعه وبدا المعط واي دكتور داخل ومارق يقول لينا انتو خلاص خريجين وبعدا تجهزو وكدا احييي بس 😑💔 وبهناك الشله شغالين لي المجنون بتاعك اتخرج ولا شنو بقا ما بجي 🐸💔 بقوم بضحك ليهم وبخليم
يوم انا وربا مشينا لي هزار وداك يا السلام والبكا بعد ما استكنا عرفتنا على ومضه وحكت لينا قصتها وانا طوالي قلت ليها الكريه ده اصلي ما ردتو وبديت انبز ما سكته الا لمن ربا قرصتني 😂
هزار: هي دا راجلنا ما بنرضا فيهو 😢💔 ولا كيف يا ومضه
ومضه: اي ما بنرضا فيهو 😢💔
انا: 😂😂😂 حرررم سكتا
ربا: اها يا ومضه انتي قدر شنو
ومضه: مفروض انزل اخر سنه لي في الجامعه وجا التعيس ده عرسني وربطني في البيت
ربا: بالجد تعيس
انا: وبتقري شنو
رمضه: طب عام
انا: سجمي 😢💔
هزار: وانا خفته افتح موضوع الجامعه يقوم يسكتني
انا: كييييف يسكتك هو بقا منو كمان لازم تكملي جامعتك اسي نتقلب عليهو الاربعه نجننو 😒
ربا: شيخ الدمازين قاااعد 😂
هزار: على فكره انا حامل وما حيخليني
انا: متيين عرستي لمن تحملي😮 قصدي مبروك 😄💖
هزار: غايتو احييي بس منك 😂 ، الله يبارك فيك 💛
كملنا معاها باقي اليوم واتونسنا وبقينا نفكر البتين ديل ينزلو جامعتهم كيف والمشكله انو هزار ما دايره تكلم ابوها سدمتني عديل كده قالت قال بالقوه ما حلو احسن نتكلم معاهو بالرواق قلت ليها سمح براحتك وفي الاخير اتخذنا قرار انو نجمد ليها احسن من ما يفصلوها .
بعد رجعتا البيت حكيت لي امي قالت لي الله يعينها وقعت وقعه سودا لكن طريقتا بالهداوه دي فيها فهم هي بتكون درستو في الشهرين ديل وعارفه تتصرف معاهو كيف انتو ما تدخلو بينهم الاتنين عشان ما تخربو العلاقه بالمره تمام
انا: خلاص حاااضر
.
.
يوم بحث التخرج وقفنا انا ومعاي شلتي الكريمه ما عدا هزار طبعا ما نزلت 😢💔 وقدمنا بحثنا الحمدلله وبعد يومين اتخرجتا وابوي كان مبسوط شديييد وقال لي خلاص حققتي حلمك واتخرجتي وفضل ليك عتبات بسييطه وتبقي محاميه ولو الله اراد تترقي وتبقي قاضيه 💖💜
قمت ضميتو وبكيت احساس خلاص اتخرجته ونطيت عتبه كبيييره شديد حتوصلني لي حلمي 💖
