بنـات الخخـاله♥!

الحـلقـة السـادسـة♥!

تسـريع الاحــداث
"طبعا انا متواصله مع محمد والصراحه تعودت عليه وقعدت نفتح في النت عشانه وكان لقيته مسكر نضايق ازعما هذا حب 😂المهم ملاك متواصله مع عبادي وهوا مره مره يعزق في اقواس 😂طبعا فرح خالتي منحكيلكم ع التعب ومشي للسوق وخالاتي يديرن في الحلويات والموالح ونساعدو فيهن وفي يوم كان مافي حد في الحوش غير نا وملاك وعزو وقيـس االباقي في السوق"
مع الساعه 7:30 ع المفرب هك جا محمد وكسد معاهم في المربوعه ونا وملاك قاعدين في الصاله نتفرجوا ع فيلم رعب
انا:ملاك غيري وراسك 😭
ملاك:توا نطلق فيك الريموت خيرلك مش ع اساس غالي عليك الرعب
انا:صاح غالي عليا لاكن مش لدرجه هذي 😭
ملاك:هذا مش صوت تيليفوني ناسيته فوق توا نجيك راك تغيري
انا:باهي
وبعد شوي مانفطن الا لملاك تجري وتعيط وتبكي ووراها بصيره طويله لابسه عبايه سوده وتجري ورا ملاك
انا جيت نبي نصبي حسيت راسي وقعدت الدنيا ظلام بعدها وضحت الشاشه قدامي وقعدت نبكي ونجري وخشيت ع العويل في المربوعه ووراي البصيره هذي تجري
انا:ياماااما ياوساااام ياااعزوو الحلقوني 😭😭
عزو:بسم الله الرحمن الرحيم
محمـد :بسم الله كنكم كنكم
وسـام:كنك ي بت كنك
انا مقعمزه في زاويه الصالون وضامه كرعي وحاطه راسي في كتري :كلم امي خليها تروح ياوسام كلمها نبيها كلمها ليا 😭
بعدها خشت ملاك تجري وتبكي ووراها البصيره هذي:ياعزو الحقنني😭😭
انا:يااااامااااامااا 😭😭😭😭😭
عزو ووسام ومحمد شافوا البصيره هذي اجمدو في مكانهم
عزو:سلاما قول من رب رحيم 😱
وسـام:بسم الله الرحمن الرحيم 😲
محمد:اعوذ بالله من الشيطان الرجيم 😨
بعدها الضي طفا
انا زدت اخرى نبكي :اهههههه يامامااااا 😭😭😭ياربييييييييي

محمد يبحت في كيف قاعده في الزاويه ومطبسه راسي ونبكي:ياوسام شوف اختك
وسام: مروه 😱بسم الله
انا:حول حولو البصيره هذي ولعو الضي توا 😢😭😭
بعد شوي ولع الضي وصوت واحد ميت ضحك واللي لابس عبايه طلع قيس 😂
عصومي:خخخهههههه منظ ظ ررر ملاك وههيا تجري 😂😂😂😂😂😂😂😂ولاا مروه وهيا تبكي خخخهههههه اههه معش نقدر 😂😂😂😂😂
انا:حرااامم عليكك حرام عليك 😭😭😭
عزو:لقنك الا تافه يرا مش بصاره بكل هذي فجعت البنات يرا
وسام:سماطه ازحح
محمد: حرام عليك ياراحل
ملاك وهيا تبكي:والله نقولها لبابا والله تشووووف 😭😭
انا مازلت في نفس الوضعيه :نبيي ماما نبي بابا 😭😭😭رن ع ماما ياوسام قوللها تروح 😭😭
قيس:خلاص يامروه ناقيس نبصر معاكن
ملاك:بصاره قال هذي مش بصاره راه 😒
انا:حرام عليككك حرام عليكك ياتافهه 😭😭
عزو:لقنك الا واطي جيبي اميه للبنت ياملاك
ملاك عدت تجيب في اميه وجت:هاكي اشربي وقعدت تبخ عليا
انا شربت شوي وبحتت في قيس:تي وحقربي كان مادرت فيك نفس اللي درته هذا واشر اخرى مايقعد اسمي مروه 😒
قيس: باهي تمام 😂😂😂
محمد:انا بنروح ياشباب تبو شي
عزو:اقعد ياراجل
محمد:لا والله تبقى طيب نبي نروح
عزو مشى معاه لعند الباب:مع السلامه وجا
انا:خزي عليك والله ماعاد نرقد انا 😔
قيس:اقري المعوذات والغاتحه تلقي روحك راقده
وسام:يرا نا بروحي خفت ازح
عزو:توا انت شن جابك مش قلت ماشي للنادي
قيس:مشيت لقيته مصكر عديت للكافي شربت قهوه وجيت خطرت في بالي ندير فيكم مقلب زقبت مع السور وخشيت مع باب الكوجينه ورقيت فوق ندور ففي عبايه لقيت وحده في دولاب حني لبستها وطلعت لقيت ملاك راكبه شافتني نزلت ونزلت نجري وراها ولقيت مروه في طريقي قعدت نجري وراها لين خشينا هنا لاكن كان تحقو تعابير وجوهكم 😂😂
عزو:تافه خزي
فجاه خشن خالاتي كلهن والبنات لقونا قاعدين في المربوعه وكلهم متجمعين عليا
ماما:حي عليا كنك حي عليا 😱
خ سليمة:كنكم بسم الله كنهن عيونكن حمر 😨
عزو:مافي شي قيس التافه دار فينا مقلب لبس عبايه وطفى الضي وفجع البنات وفجعنا 😂
خ سليمة:امتى تبي تبطل حركات لعب الصغار والله نحرش فيك بوك
قيس:تي عادي يا امي كنك انتي 😂
خ سليمة:اضحك تضحك ع خيبتك 😒
ماما:مش عارفه امتى تبو تكبرو انتو
خ اماني:خلاص اسكتن ياصبايا يبصرو هما
خ مريم:خساره هلبني تعابير وجوهكم 😂😂
قيس:تي تعرفي ياخالتي مريم كان تشوفي وجه عزو ووسام😂😂ولا جرية ملاك 😂😂😂😂ولا وجه مروه وهيا تبكي 😂😂😂😂😂😂😂
خ مريم:حيوان خزي 😂😂😂😂
انا:مبرد دمك يابارد 😒
ملاك:شن جبتن عاد
خ سليمة:اه ياكريعاتي ينعلاي تعالن في الصاله صبي ياقيس شيل ممع العويل برا الدبش
قيس:باهي هيا ياشباب
عزو ووسام:هيا وطلعوا شيلو ف الشكاير
تفرجنا ع اللي جابنا وقعدنا انضموا فيهن وتعشينا وجينا بنرقدو فرشنا انا وملاك
ملاك:خايفه يرا 😢
انا:حتى انا اقعدي اقري في اية الكرسي والفاتحه كم مرة توا ترقدي
ملاك:به قعدت تقرا فيهن لين ارقدت وانا قريتهن قريب مية مره ومارقدتش وماجانيش نوم وقعدت نتخيل في حاجات ونذكر في الموقف اللي بدري وخفت ولعت النت وفتحت لقيت محمد فاتح دزيتله
انا:محمد
محمد:بسم الله انتي واعيه
انا:خايفه ماجانيش نوم وقعدت نتخيل في حاجات 😭
محمد:متخافيش اقري المعوذات توا ترقدي مغير انتي متفكريش في حاجات يخوفن بكل
انا:مقدرتش والله 😭
فجـأه رن عليا محمد علقت السماعات وغطيت وجي وفتحت عليه
محمد:تسمعي فيا
انا :نسمع فيك
محمد:قصدك تبكي انتي 😂
انا:مبردك انت لاخر راه نسكر
محمد:نبصر معاك 😂
انا :خايفه 😔
محمد:متخافيش خلاص خلي الخط مفتوح وارقدي وانا توا نقعد نسهري فيك
انا:امبه
وقعد محمد يسهري ويطلع من موضوع يخش لموضوع
محمد:بعدها جيت انا وقتلهم كنكم شن في
انا:😴😴
محمد:الو مروه رقدتي
انا:😴
محمد:واخيرا رقدتي تصبحي ع خير ♥
سكر الخط ورقد محمد وهوا مبتسم 😂وانا خشيت في سبات عميق ماوعيت الا ع صوت هديل اللي تواعي فيا وتعيط معش عرفتها تتواعي فيا ولا تعيط 😂
هديل:ممممروووهه يابتت نوضييي عن محماط انشالله الساعه1 نوضي عن مرض ياخذذكككككك ييييييهههه ايش نديرر ناا
انا :بسم الله الرحمن الرحيم بسم الله الرحمن كنك يرا كنك تواعي فيا هكي اتقول عالمه علم
هديل:نشفتي ريقي عطك داء شنو النوم هذا 😒
انا:خطيني نبي نرقد امس ماقبل رقدت
هديل:ترقدي عينك قاعدين نحطو في الغداء تي نووضي هيا
انا:غداااء 😱
هديل:غداء اها صح النوم 😒
انا صبيت للحمام غسلت وجي وغيرت دبشي ومشطت شعري وطلعت في الصاله لقيت عزو ووسام وخ مريم وخ هاجر وملاك ونـور
كلهم قالو:صباااااححح الخيررررر 😂
انا:😒😒
خشيت للكوجينه
ماما:صح النوم يحنه وين النوم هذا
انا:والله ماقبل مارقدت امس
خ سليمة:متفطريش اهو الغداء قريب يطيب كان فطرتي مش ح اتغدي
انا:باه
طلعت قعمزت في الصاله
ملاك:كيف رقدتي امس انا رقدت معش جبت ع الدنيا علم
انا:بقره رقدتي وسيبتيني مفيش حاجه وماتخيلتها وقعدت نبكي لين رقدت
عزو:😂😂😂يانويرتي كلا قيس هذا حيوان
وسام:يرا نا بروحي خفت والله قعدت نقول تخيل تطلع علينا البصيره هذي بعدها قلت لا احمد وصهيب قاعدين توا يدلفوه 😂
عزو:لقنك واطي😂😂😂😂😂😂😂😂😂😂😂😂😂😂😂😂
وسام:😂😂
خ هاجر:تستاهلو احسن مادار فيكم صحه له 😂
خ مريم:هاكي ي ملوكه زياد امسكيه شوي
ملاك:به
مسكت ملاك زياد وقعدت تلعب فيه وانا فتحت تيليفون وحطيت ع المكالمة وقعدت نسمع فيها لان تيليفوني يسجل علقت السماعات وقعدت نسمع ومبتسمه سهيت خبطتني ملاك
ملاك:اوووي وين رحتيي
انا:تي فجعتيني ياحيوانه 😒
ملاك:فيش تسمعي
انا:مش شورك
ملاك:لا شوري
انا:بعدين نحكيلك مش وقته توا
ملاك:باه 😒
حطيـنا الغـداء وتغـدينا وغسلـنا العـوايز وقعمـزنا نـا وملاك
ملاك:احككي هيا
انا:ياحنه وقعدت نحكيلها 😂
ملاك:حي حي تطورات 😂😂
انا:والله مش عارفه حاسه روحي حبيته قعدت كل مانحكي معاه كاني نعرفه من زمان مانشبعش منه وكان لقيته مصكر نضاايق
ملاك:حب هذا الحب ودقيها لي خضرا كان ماجيتي في يوم وقتيلي حبيته 😂
انا:عدي يواطيه 😂😂😒
جـت العشيـة وعـدينا للسـوق وروحـنا تعشيـنا ورقـدنا♥!
ــــــــــــــــــ
يتبــعع♥!