بنـات الخخـاله♥!

الحلـقة الـثامنـة عشــر♥!

نختصـر عليـڪم عشـان متقعـدش الـروايــة صـامطهه ودسمـهه
(مـر اسبـوع ومنصـور ويـونس مـاجوش للـمدرسهه بـڪل وانـا قلـبيي ع نـار يـونس تيلفـونهه مقفـل ومحمـد مقفـل وانـا احسـاسييي ككبير انهه صايرهه حاجهه لعند مـاجا اليـوم الاسـود )
(امـا محمد مـازال فـي لغيبـوبهه راقـد وميعلـم بـشيي واهلهه كلهمم خايفين يخسـروه امـا منصـور و يـونس متحـركوش من المستشفـى بـكل)
منصور:ماشيي للمدرسهه انا بكرا
يونس:حتى انا
منصور:وشن ح نقولوا لمروه
يونس:لازمم تعرف هيا هك ولا هك ح تعرف في النهايهه
منصور:تمام
ثـاني يـوم جـو منصـور ويـونس للمـدرسهه
انا:يابنات جو يابنات جو ياربب محمد معاهمم يارب 😭
جود:وين محمد مش قاعد
هدير:صبي يامروه نمشو نسالوهمم
انا صبييت نجري ومعاي هدير ومرام مشينالهمم
انا:يونس وين محمد 💔
يونس مبش يرد عليا
هدير ووهيا تبحت في عيونهه:يونس بالله عليك قوللنا شن في وين محمد
يونس معش قدر يتحمل وقعد يبكيي 💔
انا هنا خلاص كانهه حد صب عليا ميهه ساخنهه
انا ودموععييي ينزلن:احح احكييييييييييي ويننننن محمممممممممممد 😭
منصور:اسس اهديي يامروه اهدييي وطي صوتكك
انا:منيشششش هاديههه منيشش هاديههه وين محممدد قولوا تووووا
يونس :قوللها يامنصوور قوللها وصبى هدير لحقاتهه
انا:مح محمد صايرتلهه حاجهه وراس منصور قول وين محمد 💔
مرام:منصور احكي
منصور:محمد دار حادثث وهوا ماشي للاستراحهه وخش في غيبوبهه له اسبوع 💔
انا دموعي قعدنن ينزلنن طول ونضحك:لا تبصر انت تي بلاش برادهه ومقالبككم الصامطهه قول الحق هيا
منصور:مرووههه محممممد في غيبوووبهه له اسبووععع اسبوووع افهممميي
مرام:منصور اهدا مش هكي
انا :لا تكذبووو عليااا انتوو كذابييييينيننننن تكذبوووواا علياااااا وراسككك قول انككك تبصرر وراسككك وقعدت نحرك في مرام ونقول وراس ممممرامم قولييي انههها كذبهه وراسككك قوليييي 😭😭
مرام:مروه اهدي تعالي قعمزي ع كراسيي تعالييي
انا:نبي محمد نبي محمد ودختت
عند هـدير ويونـس مقعمـزين ع الكـراسيي
يونس:مش عارففف شن بندير والله ماعارف 💔
هدير حطت يدها ع يده:خلي املكك في ربيي كبير ربي قادر ع كل حاجهه ادعيلهه انت بس
يونس ضغط ع يدها زين:انشالله ياررب
هدير:حي عليا نسيت ع مروه صبي نمشولهم
يونس:هيا
صبـوا وجـوا عنـدنا لقـوني طايحهه ومـرام ماسكتنـي وتخبـط فيـا ع وجـي ومنصـور مصبيي مش عارف شن يديــر
هدير جت تجري:ممروههه حي علياا مروهه شن صار جيبييي اميهه يامراممم عديي
يونس:براحهه اهدي اهدي توا تنوضض
مرام جت وجابت لميهه:هاككيي
هدير قعدت تبخخ فياا ع وججيي وتخبط فياا لين وعيت
مرام:وووعييت
انا:ممم محممد نبيي محمد
هدير:مروه تسمعي فيا نوضي هيا صبي قعمزي ع الكرسي هنا وقعدن يصبن فيا وقعمزني ع الكرسي
انا:نبيي محمممد 😭😭😭نبيهه
يونس:ادعيلهه يامروووه محتاجج الدعـاء 💔
انا:نبي نمشيلههه نبي نمشيلهه 😭وين قاعد في اي مستشفى
يونس:بس متقدريش لانهه هل محمد كلهم في غادي
انا:مدخلنيشش بيهمم نبيي محمد انا نبييي محمد نبييي نمشيلههه 😭😭😭
هدير:خلاص اهدي توا نشيلكك انا
انا بحتت فيها:قوليي والله هدير قولي والله اوعدينني ياهديرر 😭
هدير:خلاص وعد نوعدك نشيلك اليوم في العشيهه
انا حضنتهها:والله ماننساه لكك الموقفف هذاا والله 😭
هدير:ولو مش بينهه يامروه
انا بحتت في يونس:في اي مستشفى
يونس:مستشفى ال** تعالن وتوا نراجيكن قدام الباب بس الدكتور مش ح يخيلك تخشيلهه
انا:وغصبا عنهه يخليني يخخش
منصور:الدكتور صاحب خوي توا نخليهه يحكي معاه
انا:ياريت 😔
هدير:خلاص هيا نرقوا فوق الحصهه قريب ترن
كلهم:هيا
رقيـنا فوق وقعمـزت في الـدرجج طول وقعـدت مطبسـهه راسـيي ونبكـي 💔بعـدها رفعـت راسـي ونـا نقـرا فـي الكتييبـهه لي ع الدرجج
محمد:انتي ياهبلهه
انا:عيونهها
محمد:شوفي شن رسمتت ع الدرجج
انا:الله تههبل 😍 "كان راسم بنت وعيل ماسكين في يدين بعضهم وكاتب فوق منهم مقوله 'وڪيف ههوا الححـب ان لـم يكـن اليڪ"
محمد:شن رايك في الرسمهه
انا:تجنن يسير منك والله فيك امل 😂
محمد:واللهي تشوفيي ياشينهه
انا:نبصر عليكك
محمد:امشي زعلان منك انا
انا:شن ندير بيش نراضيكك
محمد:بوسيني ع خدي 😂😌
انا:امشيي ياسخيف الادب
محمد:من وين جت سخيف الادب هذي 😂
انا:من معجمي الخاص 😂
محمد:بس مزلت زعلان منكك
انا:شن درت انا 😔
محمد: نبصر عليكك انا نزعل من الدنيا كلها الا انتي
انا:ياعممري ربي مايحرمني منك
محمد:ولا منك بس ليش محولهه الخاتمم من يدك شن قتلك انا
انا:اسفهه واللهي قاعد في جيبي نسيت مالبستش
محمد:وين البسييه توا
انا لبستهه:اه لبستهه
محمد:ايوهه معش تحوليهه من يدك
انا:حاضر
محمد:خلاص الاستاذ فطنلنه 😂
انا:به 😂
انا قعدتت نبككي اخرى لما قريت لي ع الدرجج وطلعت الخاتم ولبستهه 💔
ـ ـ ـ ـ ـ ـ
اممـا عنند مـلاكك كانتت مقررة انهها تنهيي كل حاجهه مع عبادي اليوم صبتت ومشتلهه
ملاك:عبادي
عبادي:عيونه
ملاك:نبيك في موضوع
عبادي :شنو
ملاك:تعال هنك
عبادي:به
عبادي:ها شنو
ملاك:عبادي انا
عبادي:شنو
ملاك:اختي عرفتني نحكي معاكك وقالتلي ننهي كل حاجهه بيني وبينكك ولا ح تحكي لماما
عبادي :ليش
ملاك:كيف ليش قالتلي ننهي كل حاجهه لانهها عرفتني نحكي معاك
عبادي:وانتي تبي تنهيها خلاص يعني حبنا راح
ملاك:عبادي لو كان ماما عرفت كل حاجهه ح تحكي لاحمد وبعدها خلاص ملاك بحح
عبادي:خلاص تمام ياملاك وعدا
ملاك:داير روحهه متاثر ابداع في التمثيل 💔🔥ومشـت.
اما عبـادي كـان حـاس بشعـور غريـب كانهه مـازال يبيههـا كانهه حبههـا جديـات وقعـد يستـبعد فـي شعـوره هـذا ويقـول :عليش انا مضايق توا اصلا كنت مكسد عليها انا يعني محبيتهاش خلاص ععبادي انت مش لك الحب وسريبهه وجا رد لمكانهه
اما ملاك كانت تبككي وتقول:ياربييي انا حبيتهه والله حبيتهه ليش يسير معاي هك ليش يعنني هذا كلهه يطلعع في النهايهه ككذبب وتمثيل 😭💔.
ـ ـ ـ ــ ـ ــ ـ
امـا عنـدي انـا خذيـنا باقـي الحـصص وجانـي وسيـم وروحـنا خشيـت للـدار طول بكييت بكييت بكييت وبعدها صبيت غسلت وجي وتوضيت وغيرت دبشـي وصليـت وقعـدت نـدعييلهه 💔 بعـدها خش عليـا وسـام
انا:وسام
وسام:رني ع اريام بسرعهه
انا نسيت كل حاجه:عليش
وسام:تي كيف عليش تستعبطي انتي هيا اليوم نبي نخلصهها من العذاب ههذا
انا:اهههااااا اذكككرت هيا توا نرن توا ورنيتت عليها ردت عليا طول
انا:الو اريام
اريام:اهلين مروه
انا:يبيك وسام هاكي
اريام:به
وسام:الو
اريام لما سمعت صوته تريحت:اهلين
وسام:اسمعي وين قاعد التيس هذا
اريام: مش عارفهه جا امس واليوم طلع اخرى
وسام:انتي وين قاعده
اريام:متخافش مصارش بينهه شي انا قاعده مسكره ع روحي باب الدار
وسام تريحح:تمام بكل خلاص اليوم ح نريحك من العذاب هذا كله
اريام:انحبك والله 😭
وسام:وحتى انا نحبكك بس لما يجي للشقهه رني عليا تم
اريام:تمام
وسام:باي
اريام:باي
وسڪروا الخط
وسام:خلاص انا طالع نكلم الشباب
انا:به اوكي
وسام طلعع وكلم اصحابهه وقاللهم خليكم واتييين اليـوم بنفـذو كـل حـاجهه
وبعـدهها رنتت عليا هدير
انا:الو
هدير:ها مروه اليوم في العشييه وتي روحك نجي ناخذك
انا:شن قلتي لهلكك
هدير:قتلهم نسرين مريضهه ولها يومين غايبهه نبي نشميلها
انا:باههي تمام وانا توا نقول نفس ماقلتي
هدير:تـمم وسـكرت الخـط
امـا انـا مشـيتت لمـاما عشـان نقـوللها وبعـدها نمشـي لبـابا
انا:ماما
ماما:نعم
انا:اليوم بتجيني هدير بتكي عليا عشان نمشو لنسرين مريضهه غايبهه لها يوميين
ماما:قولي لباتكك قبل
انا:به ومشيتلهه في المربوعهه
انا:بابا
بابا:نعم
انا:اليوم تبي تجيني هدير عشان تاخذني معاها ونمشو لنسرين مريضهه لها يومين غايبهه مجتش
بابا:باهي عدي بس روحي قبل المغرب
انا:بهه مشيت ودزيتت رسالهه لهدير وقتلها قالولي باههي وقعدت نراججي امتى ياذن العصر
ـ ـ ـ ـ ـ
اريـام(لـما رن عليا وسـام وسمعـت صوتهه تريحـت واجـد وقعـدت نراجـي في خليفـهه لين يـروح عشـان نـرن ع وسـام قعـدت شـوي هكك بعـدها سمعـت صـوت بـاب الشقـهه انفـتحح عـديت رنيـت عليهه)
اريام :الو وسام
وسام:ها روح
اريام:اها روحح توا
وسام:تمام سكري توا متطلعيش من داركك بكل
اريام:به وسكرت عليه
خليفهه يطق ع الباب وكان صوتهه سكران هوا ديما سكران اصلا
خليفه:انتيي يا من شن اسمكك
اريام:نعم شن تبيي
خليفهه:باهي لي سمعنا صوتك
اريام:شننن تبيييي
خليفهه:جعان نبي ناكل وبعدها نبي نحليي
اريام:عدي كول اي حاجهه مش شوري بيكك انا
خليفهه:كيف مش شوري بيككك توا ههذا تطلععييي اديرريي سمسام
اريام:منيشش طالعههه كول اي حاجه اطلب من المطعم
خليفهه خبط الباب بالقوه:اصلك ***
اريام مبتش ترد عليهه
وسام لما رنت عليهه اريام كانوا قاعديين معاه اصحابهه
وسام:تم هيا شباب
حمد:هيا
ومشوا ركبوا في السيارهه وعدوا شور شقهه خليفهه طبعا كان قايلهه ومفيش حد نزلوا وطقوا ع باب الشقهه
خليفهه كان قاعد في الكوجينهه وياكل:عليم قصهه من عديم الذوق لي جاي في الوقت هذا وصبى يبي يفتح الباب
اريام لما سمعت الباب خبط افرحتت وتاكدت انهه وسام
خليفه فتح الباب :نعم
وسام وهوا متلثم ابتسملهه:مساء الخير 😂
خليفهه:من حضرتك
وبعدها طلعوا حمد ونور الدينن ووسيم واسلام متلثمين وكل واحد معاه سلاح
وسيم:مساء العمبر ممكن النمبر 😂
نور الدين:باليز😂
وسيم :لاء
نورالدين:باليز
وسيم:لاء 😂😂
حمد يصوت واطي:مش وقت تفاهتكم راه
خليفهه قعد يرتعد 😂:من انتم
وسيم:من انت من تكون
نورالدين:اخبرني من تكون
اسلام:من تكون من تكون
وسيم:ياصاحب الظل الطويل 😂😂😂
نورالدين:😂😂😂😂😂
حمد:هئحمممممم
وسام:بطلوا تفاههه ازحح اسمعنيي تمشيي معاي توا تركب في السياره وانت مؤدبب تنطق حرف طلقهه في راسكك
خليفهه:حح حاضر نلبس جاكتي بس
وسيم:اطلع حتى عريان امشي يلا لا جاكهه لا سحنتي 😂
وسام :هيااااااااا
خليفهه خاف وسكر باب الشقهه ومشى معاهم
وسام:اسلامم غطيلهه وجهه
اسلام :تم
خليفهه:انا ممم مدرتت شي وو والله مدرتت حح حاجهه
حمد:تبي تسكر فمكك ولالا?
خليفه:خلاص خلاص سكتت
طلعوا وركبوه في السيارهه
بعد شوي وصلوا للاستراححهه وخششوهه في المخزن فاضييي حتى روشن مافيهه فيه كرسي بس فتشوه وقعمزوه ع الكرسي وربطوهه
خليفه:شن تبو منيي
وسام:في حاجهه ليا قاعده عندكك وانت خذيتها مني
خليفه:شنو والله مخذيت حاجه انا منعرفكش اصلا
وسام:اريامم
خليفه:اريام
وسام:اهاا اريامم
خليفهه:اريام مراتي
وسام:ح تقعد تقول كانت مراتي بعد اطلقها
خليفهه:نطلقها?
وسام:اها اطلقها
خليفه:مستحيل
وسام خذا مسدس:معناها استلم الطلقهه هذي في راسكك
خليفه:لالالالالا ارجى وراسك لا
وسام:شنو
خليفهه:انا منقدرش نطلقها لانها بنت عممي
وسام:بنت عمكك هه بنت عمك ومش داير فيها الخير انت وعمكك يا***
خليفه:منقدرش نطلقها انا عمي ح يقتلنيي
وسام:مش شوري انا اريام ح طلقها يعني اطلقها وخليك قاعد هنا فكر كويس ورد عليا وطلع وسكر الباب بالمفتاح
حمد:شن صار
وسام:ال*** مبش
اسلام:شن قال
وسام:قالي منقدرش نطلقها لانها بنت عمي ولو طلقتها عمي يقتلني
وسيم:الحقير هذ اطلقني عليهه بس
وسام:اصبر مرات يغير رايهه
نورالدين:ونقعدوا نرجوا في حضرتهه لين يغير رايهه
وسام:كان مبش توا نستعمل معاه طريقهه اخرى انا
حمد:هذا متاع ضرب
وسام:اهم حاجه متخلوش يحق وجوهكم
اسلام:تم
ـ ـ ـ
مشيـت لبسـت وقعـدت نـراجي فـي ههدير بعـد شـوي جتنـي ركبـت معـاها ومشيـنا للمستشفـى وصلنـا ونـزلنا رنـت هـدير ع يـونس وجـانا
يونس:السلام عليكم
انا وهدير:وعليكم السلام
يونس:من حظك اليوم يامروه مفيش حد غير سالم خوه
انا :باهي تمام حكيتوا مع الدكتور
يونس:اها وقال عادي
انا فرحت :باهي تمام
يونس:هيا الحقني
ومشيـنا رقيـنا فـوق لقيـنا منصـور ومـعاه سـالم سلـمت عليـهه
سالم:انتي مروه
انا:اها
سالم:ديما يحكيلي عليك محمد 💔
انا:😔💔
سالم:حكينا مع الدكتور وقال عادي تقدري تخشيله عدي للممرضه هذك
انا:بهه
مشيـت للممرضهه وعطتني اللي يلبسوا فيها هذي لما تخشي للمريض المهم نسيت اسمها
خشيـت وانـا قلبـي يدقق شفتهه جسمهه كلهه اجهزهه غمضت عيونيي ودموعيي نزلن موقف حقير جيت صبيت احذاه ومسكت يده وقعمزت ع اركبيي وقعدت نبكي
انا:محمد نوض يامحمد عشان خاطري نوض منقدرش نعيش بلاك انا والله منقدر قولي بس كيف ببنقعد بلاكك محمد والله نحبكك انا والله نحبكك سامحنيي ظلمتكك في القصهه اللي صارتت الين هيا لي تبي تخرب بينا بس انا مش ح نخليها غير انت توا نوض وراسك نوض مرايفهه عليكك مرايفهه ع صوتكك ع ضحكتك ع غيرتك ع عصبيتكك ع خوفكك عليا مرايفهه ع كل حاجهه فيك متخلينيش بروحيي انا ببلاك نموت والله نموتت كان صارت فيك حاجهه نموت كيف نبي نتقبل حياتي بلاكك نوض يامحمد ماتسيبنيش بروحيي وراسك ماتسيبني انحبككك انا والله العظيمم انحبكك ومستحييل نحببب غيركك 😭😭💔
قعدتت ماسكهه يدهه ونبككي ونحكييلهه بعدهها حسيتت بيده ضغطتت ع يدي رفعتت راسيي لقيتت دمعهه نازلهه من عيونهه صبيتت بستهه ع راسهه ومشيت نجري برا للممرضهه
انا:مسكك يدي والله مسكها تحركك والله وبعد ما رفعت رراسي لقيت دمعه نازلهه من عيونهه 💔
الممرضهه:هذي حركهه عاديهه ديما تسير
انا طبستت راسي ومشيتت وانا عندي امل كبير انهه ينوض مشيت برا وحكيتلهم لي صار وقعد كل وواحد يدعيلهه بعدها مشينا انا وهدير رروحنا وصلتني للحوش وبعدها روحت لحوشها اما نا رنيـت ع ملاك مره وثنين وثلاثه مقفل بعدها رنيت ع رتاج
انا:ايوه
رتاج:اهلين مرمر شخبارك
انا:اهلين بيك تمام الحمدلله شخبارك انتي وشخبار خالتي
رتاج:تمام الحمدلله
انا:ملاك كنها نرن عليها مقفل
رتاج:واللهي ماني عارفهه من اول ماروحتت من المدرسهه وهيا راقده في فراشهها وتبكي
انا:قوليلها قالتلكك مروه افتحي تيلفونك ورني عليا
رتاج:تمام
انا:تمم
ـ ـ ــ ـ ـ ــ
مـلاك مـن لمـا روحت مـن المـدرسهه وهيـا راقـدهه فـي فـراشـهها وتبككي
ملاك:ليش ياعبادي ليش درتت هك ليش شن ذنبيي انا 💔
خشـت عليـهها رتـاجج
رتاج:انتي يابتت كنك تبكي بسم الله
ملاك:مكنيش
رتاج:كيف مكنكش في واحد يبكي بلا سبب
ملاك:مضايقهه ونبكككي نفضفض
رتاج:باهي اسمعي مروه رنتت عليا وقالتلي نقولكك افتحي تيلفونك ورني عليا
ملاك:باهي توا نكلمها
رتاج:بهه وطلعتت
ملاك خذت تيلفونهها ولعاتهه ورنتت علياا
ملاك:الو
انا:تي وينك انتي كنك قافلهه تيلفونكك ورتاج قالتلي تبكي كنك
ملاك قعدت تبكي اخرى
انا:حي عليا شن صاير احككي
ملاك:اليوم نهيت كل حاجه بيني وبين عبادي 😭
انا:وليش تبككي عليهه الحقير هذا حتى دمعهه منك خساره فيهه مايستاهلش انك تبكي عليهه تي هذا قبل دمرلكك مستقبلك يافالحهه
ملاك:انحبهه والله انحبهه ياريتهه ماطلعش حقير وطلع يحبني صاح 😭
انا :والله حاسهه بيكك بس الله غالب معندك ماديري كل حاجه مكتوبهه من ربيي وشن عرفكم انتي مرات ربي يجيبلك اللي احسنن منهه
ملاك:منبيش حد من بعده 😭
انا:لاحول الله خلاصص معش تبككي هلكتي روحكك تبكي ع سبة واحد حقير
ملاك:شن ندير بس قوليلي شن ندير 💔
انا:صبيي اغسليي وجكك وتوضي وصليي المغربب وعدي اقريي وفوتك منهه مفيش حاجهه تستاهل انه نبكوا عليها وهذا كلهه ياريتهه حتى داير خير كان يبي يدمرلكك مستقبلكك ياملاك اوعيي ع روحك تبككي ع واحد كان يبي يدمرلكك مستقبلكك ويخربلكك حياتكك واحد حقير كيفهه
ملاك استوعبت الكلامم وفطنت لروحهها :خلاص تمام من اليوم اعتبريني تغيرتت ورديت ملاك القديمهه
انا:ايووهه هكي نعرفكك نا قويهه
ملاك:باههي قوليلي شن صار في محمد
انا:اهه ع محمد اه 💔ياما صاير فيهه
ملاك:شنننوو احككي
انا قعدت نحكيلها في كل حاجهه:وهذا لي صار وماليا شي كنت مروحهه من عنده
ملاك:لاحول الله ياربي هذا كلهه صاير وداسين عليك
انا:لهه اسبوعع تخيلي ومحد قالي اليوم كيف عرفت 💔
ملاك:ربيي ينوضهه بالسلامهه ياربب
انا:ياررببب ادعيلهه ياملاكك ادعيلهه في صلاتكك 😭
ملاك:حاضر من غير متقولي يامروهه 😔انشالله ربيي ينوضهه بالسلامهه وتردوا كيف قبل ياربب
انا:اميييين ياااارب
ملاك:توا نحكوا بعدين نشوف ماما تناديلي اكيد رتاج فقشتها لها
انا:تحقيق
ملاك:مش غير هيا باي
انا:باي
عدت ملاك لامهاا
ملاك:نعم ياماما
خالتي سليمهه:نعامه تنقب عينكك ليا ساعهه نعيطلكك
ملاك:تي كنت نحكي مع مروه ياماما
خالتي سليمهه:كنك انتي تبككي
ملاك بحتت في ررتاج وعطتها نظره متاع توا نوريك 😒
ملاك:مكنيش ياماما واحد مضايق ويبكي ضروري يقعد في سبب
خالتي سليمهه:اه منككك وخلاص
ملاك:نبيي ندير نسكافيهه نديرلك معاي
خالتي سليمه :لا منبيش
ملاك:بهه
مشتت ادير في نسكافيهه خش عزو
عزو:ديريلي معاك
ملاك:بهه
عزو:يا امي
خالتي سليمهه:نعم
عزو:شي غير نبي نسمع صوتك 😂
خالتي سليممه:وين قيس
قيس خش:اهو قيس
عزو:اذكر الحقير يجيك يطير
قيس:توا الصباط هذا في وجك
عزو:جرب حظكك واطلقهه
قيس:مش فاضيلك بس
عزو:اثعلب
قيس:خيرلكك راه
عزو:باهي اطلق الصباط كذا
قيس خذا الصباط واطلقهه فيهه:تمام هك
عزو :توا نوريكك يا امسخخ
قيس:شن بتوريني
عزو:وجك ازحح هيا يا انسهه تقول تسوي 😒
ملاك:تشوف فيا نلعب نا مش سحر هوا 😒
عزو:كنها سحر 😂
ملاك:مبردكك 😒
قيس:بارد ازح
عزو:نحكي معاك نا
قيس:لا
عزو:مالا سكر فمكك
قيس:وكان مبش يسكر
عزو:خيطهه 😂
قيس:ارجى نبيي نضحك
عزو:لا ابككي 😂
قيس:تافهه يرا ومشى
عزو:ملاك
ملاك:هاااا
عزو:عصا 😒
ملاك:شن تبيي
عزو:تي هيا وين النسكافيهه
ملاك:هاكك وانت تزعم الكبد
عزو:الكبد ولا القلب 😂
ملاك:ثقيل
عزو:توا ندير رجيم 😂
ملاك:ووووه ياربييي نبي نطلع نا
عزو:لا خشي 😂
ملاك طلعت
عزو:مش عارف كنكم نفسيات انتو شكلهه عداهمم احمد 😂😂😂
احمد:كنهه احمد
عزو:بسم الله الكريم من وين طلعت انت
احمد:مخطم من هنا سمعت اسميي
عزو:لا قلتت احمد مدرعنه وين رايح
احمد:اههههااااا 😒
عزو:شحالك طيب
احمد:ميه ميهه
عزو:تبي شي طالع نا
احمد:تربحح
عـدا عـزو ركب في سيارتهه ومششى لاصحـابهه في الكافيي
علي:تي وين رحتت انت
عزو:رحت في سوق الجمعه 😂
يوسف:هههههه 😂😂😂
علي:مبردك بهي ايش الامور مفيش جديد
عزو:لا جديد لاقديم
يوسف:عليك بخت ياعين بختنا 😂
عزو:😂😂😂😂👊
علي:تافهينن انتو لثنين نحكي من جديات راه
عزو:لا والله مفي شي مزلت انا نفس ما انا
علي:ومزلت نفس التفاهه
عزو:هذي الحاجهه الوحيدهه لي متغيرتش عليا 😂😂
يوسف:😂😂😂
ـ ـ ـ ـ ـ ـ
امـا اريـامم مـن لمـا سمعـت بـاب الشقـهه اسكـر ومعـش في صـوتت فتحت بـاب دارههـا وطلعتت وقعدتت اتفرجج ع الTv ليـن رنن عليههـا وسـام
وسامم:شن الجو
اريام:تمام وانت
وسام:تمام خليفهه عندي راه
اريام:لما خبط الباب عرفتكك انت
وسام:بس ميبيش يطلق
اريام:كان مبش ح نقتل روحي لاني مستحيل نعيش معاه اكثر من هكي
وسام:تقتلي روحك نقتل روححي
اريام:لا انت مدخلكش ياوسام منبيش نظلمك معايا انا
وسام:اسسس بلا كلام فاضيي توا خلينا في المهم
اريام:شنو
وسام:توا صبي اقفلي باب الشقهه كويس
اريام:حاضر وصبتت قفلتهها
وسام:لما يوافق انهه يطلقكك ح تتمشي لحوش بوكك
اريام:يييهه وترد نفس القصهه اخرى 💔
وسام:متخافيش مش ح يقدر يمد يدهه عليك
اريام:هه تي اول منطق عليهه ح يستقبلني بطريحهه
وسام:اوثقيي فيا بس مش ح نخليهه يمد يدهه عليك
اريام:وكيف بدير
وسام:انتي اوثقي بيا بس
اريام:تمام
وسام:خلاص توا سكري مينفعش نحكي معاك ونتي مزلتي ع ذمتهه ومتفتحيش الباب لحدد تمامم
اريام:تمام حاضر
وسام:بـايي
اريام:بـايي
وسكروا الخط وقعدتت اريامم تنظف في الشقهه وبعدهها دارتت حاجهه تاكلهاا وخشت ادوشتت وصلتت وردتت قعمزت ع الTV.
ـ ـ ـ ـ ـ ـ
امـا نـا كملتـها نـومم وبـسس لانيي كان قعدتت واعيهه ح نكملهها بكاء وخلاص 💔.
اما مـلاك قاعدهه فـي فراشهها وتفرجج على صور عبادي وتبككي 💔.
محمد راقد في غبيوبهه وميعلمم بشيي 💔.
يونس ومنصور كملوها في المستشفى وخلاص ميبوش يسيبوا محمد 💔.
اما وسامم كملها تفككير في اريامم وشن يراجيي فيهه مستقبلا 💔.
ـ ـ ـ ـ ـ ـ ـ
يتبـــ؏♥!