بنـات الخخـاله♥!

الحلقـة الـرابعـة♥!

صباح يوم جديد وعت العيله كلها وفطروا مع بعضهم وناضو للدور الثاني طبعا الدور الثاني كان نظيف لانهم يرقدو فيه بس وياكلوا ويقعمزوا لوطى ♥
عزو ماسك السطل ويدربك وانا نغني 😂
انا:نمشي نمشي ونرد مانلقى فيها حد
عزوو:هذا الجو اللي يعجبنا والزيتون خلط ع الجبنه 😂😂😂
انا:متت 😂😂😂😂😂😂😂😂😂😂
قيس:واو مقدمك ازح 😂😂😂😂
عزو:هبي هبي ياريح هذا هو الجو صحيح 😂👏
انا:حي حي 😂😂😂👏👏
خ هاجر:اس خلاص بدال ماتغنو تعالو ساعدو عشان نكملو بدري مروه عدي سيقي الممر
انا:باهي خذيت سطل وخلطت صابون وقعدن نحك جاني عزو ووملاك
عزو:مروه
انا:ها
عزو:عطيني السطل والتايت والسائل كذا
انا:عليش
ملاك:اس نبو نديرو مقلب 😂😂
انا:باهي 😍😍
عزو خذاهن وكب شكارة التايت كلها ف السطل وكب نص شيشه السائل وصب اميه وخلطهن
عزو:السيراميكا هذي تزلحق من غادي ويابال حطينا عليها صابون 😂😈
انا:شن تبو اديرو 😂
عزو كب السطل في الممر وخذا المكنسه ودار صابون واجد وقعد يزلحق :توا انتي ي ممروه جا دورك انتي وملاك
انا وملاك:شنو
عزو:مروه تقعمز هنك ع الارض وتقعدي تعيطي وتبكي 😂وملاك امسكي تيليفونك وانطمري في الدار هذي واقعدي صوري ونا ننزل للوطى نقعد معاهم وبعد نرن عليك ي ملاك اقعدي عيطي ي مروه تمام 😂😂
انا وملاك :تم
نزل عزو لوطى وقعد مع العويل بعدها رن ع ملاك بدون محد يفطنله وبديت نا نعيط 😂
انا عزقت السطل بصوت عالي عشان يدير صوت:اههههههههههههه يامااااااامممماااااا اههههههههه ينعلللللييييي انككككسرتتتت الححقوووووننني 😭
قيس :تسمعوا ف العياط 😨
وسام:سمعت حتى نا
عزو:حتى نا سمعت
عدو قيس ووسام يجارو ووراهم عزو يصور فيهم وميت ضحك 😂
جو العويل يجرو
وسام صادراته مروه طايحه وتبكي: حيعلمه 😱
قيس: هههييي 😱😱
وجو يجارو من عند الباب ويخش اول واحد وسام ويقول شلفاط يقعدن كرعيه فوق ويبرم في الممر 😂بعدها جا قيس ييبي يوقف مقدرش يمسك روحه وازلحق قعد كيف متاعين الباليه وعزو وراهم يصور ويضحك وتطلع ملاك😂😂😂
ملاك:ووووووههه عنجد منظركم متت 😂😂😂😂😂😂😂
انا:ينعلي بطني متتت 😂😂😂😂😂😂😂😂
عزو:منظركم تحفهه 😂😂😂😂😂😂😂😂
قيس:والله نوريكم جايكم يوم سمح انتو
وسام: سعا تشوفو نحضرولكم في مقلب هذا كبره 😌
عزو:صقععليك 😌
قيس:توا تشوف 😎
انا:ابدعونا 😂😂
ملاك:صقع عليكم متقدروش اديرو كيف مقالبنا 😎
وسام:واحسن منهن اخرى 😌
عزو:تمام توا نشوفو 😂
وسيقوا الممر وكملو كل حاجه ماجتش العشيه الا وهم مكملين كل حاجه ويشربو في القهوة "وسيم وصهيب واحمد وحمزه طلعوا يدهوروا وقعدوا عزو وسام وقيس معانا"
عزو:باهي توا خلاص كملنا كل حاجه
ملاك:مازالن مشاوير السوق
وسام:لا السوق عادي
قيس:ملوكه صبيلي قهوة
انا قاعده ع التيليفون ماسهريتش بكل عزو وشوش العويل مدرعن ايش قاللهم
صبا عزو:انا نبي نطلع مليت وخطم من احذاي ونا كنت ساهيه كر التيليفون وطلع يجري للشارع
انا:عزو ياباارد جيببب التيليفون وطلعت نجري وراه كنت لابسه "سروال جينز ازرق وماليه دميه صوف قصيرة ودايره شعري قرن حصان "
طبعا في واحد كان في الشارع محمد اذكرتوه اللي يبي مروه"طبعا محمد حتى هوا عيت جده يسكنوا ف ... وعيت جده جيران عيت جد مروه ومحمد صاحب قيس فهمتوا توا"محمد كان قاعد في السيارة والشارع فاضي شاف عزو طالع يجري جا يبي ينزل يسلم عليه بعدها وقفه صوت وحده مار عليههه واجد وقعد يراقب يبيها تطلع بيش يتاكد"
انا:عزووووووو جيييييببب التيليفونننن
عزو:كانك وليهه تعالي خوديه 😌
انا برمت يمين يسار الشارع فاضي وطلعت نجري ورا عزو :تعال بلااا براده جيب التيليفون جاي
محمد: مرووههه 😱😱شن جابها هنا وبيش تعرف عزو 😱
عزو: تبيه تعالي خوديه
طلع قيس: يامروههه تبيكك خالتيي سمية
انا:قوللههها توا نجي وبحتت في عزو نبي ناخد التيليفون ماقبل ماعطاه ليا وجيت بنعدي رديت عليه وعطيته كارشو 😂😌
عزو:يابت اللذين
انا قعدت نجري وخشيت جوا:التافه هذا دهشني
ملاك:كنك تقول كنتي في حرب 😂
انا:خوك هذا حقير
ملاك: احلفي مكنتش عارفه تصدقي 😂تي هذا احقر منه مفيش
انا: 😂😂😂😂
عند العويل ببرا
محمد:انا مازلت مش مستوعب اللي صار توا هذي مروه ولا نا نتخيل ياناس نا ضروري مانعرف توا مش ح نتريح نا ونزل من السياره وعدا للعويل
قيس:اوووووه احميده ايش الاخبار ووينك رايح ياراجل
محمد:والله تمام قاعد كساد في كساد انت اللي رايح ياطيري
عزو:اووووه حمادي ايش الامور
محمد:والله تمام ايش اخبارك انت
عزو:ميه ميه والله
محمد:جا يبي يسلم ع وسام طبعا مايعرفش:مرحبا ايش الاخبار
وسام:مرحبتين تمام الحمدلله ايش اخبارك انت
محمد:والله بخير تمام
عزو:احميده هذا وسام ولد خالتي من ...
محمد قعد يجمع ف المعلومات واذكر مروه لما طلعت من المدرسه وركبت مع خوها في السياره واذكره محمد:اها مرحبتين تشرفنا.
وسام:بيك اكثر وقعدو يسهرو ووسام ع طول اندمج مع محمد وغيرو جو وطلعوا يدهوروا مع بعضهم طولو عند9 مازالو ماروحو
عند البنات ف االحوش
انا:عليك كساد وين العويل
ملاك:طلعوا من بدري
انا:خاطري في شكلاطه
ملاك:خاطري في شيبس
انا:توا نرن ع عزو توا يجيبلنا معاه 😍
ملاك:باهي رني هيا قبل مايروحوا
انا:باهي وقعدت نرن ع عزو
عند الشباب في السيارة
عزو:كنها مروه ترن
وسام:اكيد تبي مصلحه 😂
قيس:رد شوفها
ومحمد قاعد ساكت 😂
عزو:ها يامردوعهه 😂
انا:عليك براده فيك انت وملاك ايش قلت عليه الاسم هذا نا كم مرة قتلك معش تقوله ليا صاح امتى تبي تفهم انت و
عزو:رااااااااسسسسسسيييييي خلاص معش نقوله ارحمينا ازح
انا:باهي اسمع
عزو:ها ايش تبي
انا:عزو نصي امورك تمام
محمد يسمع وماسك ضحكته اصلا تيليفون عزو واضح الصوت عالي😂
وسام:قتلك نا تبي حاجه اختي وعارفها 😂
انا:سمعتك ياوسام اطلع من الموضوع انت
عزو:فوتك منه قولي ايش تبي
انا:خاطري في شكلاطه وملاك تبي شيبس باليز عزو صاحبي عارفتك مش ح ترفض
عزو:خلاص احلى شكاره لاحلى ملاك ومروه وجك توا 😂
انا:تم راك تنسى
عزو:تمام باي
انا:راججي
عزو:ههااااا
انا:قالتلكم خالتي سليمة روحوا بيش اتعشوا وقول لوسام قالتلك ماما تكي ع محل مواد غذائيه وجيبب بهارات العصبان توا ندزهن لك في رساله
وسام:خرف عليك قصة
انا:سمعتك وجيب الحاجات وانت ساكت توا ندزهن لك في رساله
عزو:خلاص اوكي تمام فهمنا
انا:راك تنسى الشكاره
عزو:والله ماناسيها خلاص ازح اوكي
انا:باي 😂
عزو سكر الخط:ووووهه راسي يبي ينفجر متسكت بكل ازح
وسام:تي انت احمد ربك اسمله عليا نا اللي عايش معاها
قيس:ربي يكون في عونك 😂😂
محمد:نفس اللي عندي سكنان 😂😂
بعد شويه جت رساله ع تيليفون وسام فتحها وشهق:هههيييي هذا كله كيف نبي نجيبه نا منعرفش فيهن البهارات 😱😂
قيس:ولا انا
عزو:ولا انا 😂
محمد:انا نفهم فيهن كذا جيب وقعد يقرا في االرساله ويضحك "بزار +حرارات +فلفل اكحل+فلفل احمر+ملح لانه كمل +.. وجميع البهارات في رساله بعدها جت رساله اخرى 😂
وسام:ايش في اخرى
محمد:هاك اقرا 😂
وسام:خذا الفون:هذا كله ايش😱"الرساله كان فيها مكونات التشيز كيك ومكتوب ف النهايه"راككم تنسو الشكاره"
عزو:خلاص هيا نتكو ع المحلات وناخذو اللي يبوهن
وسام:هيا هذوم يبو يفلسو بينا
عدو لمحل البهارات ونزل وسام وعزو ومحمد اختار البهارات وخلصوا حقهن وعدو لمحل مواد غذائيه جابو الشكلاطات والشيبسات اللي يبنهن البنات وركبو السياره وعدو للحوش وهما نازلين من السياره
عزو:محمد بكرا غداك معانا
محمد:لا والله ماصارت
وسام:بلا رسميات ياراجل غير تعال
محمد:والله مارسميات بكرا عازمنا عمي والله
قيس:بلا طروح يرا
محمد:والله ماطروح والله عازمنا عمي
عزو:تمام براحتك مره اخرﻯ انشالله
محمد:انشالله هيا تبو شي ياشباب
قيس:تبقى طيب
محمد:هيا اوكي
كلهم:اوكي
ونزلو الشكاير وخشو جينا نا وملاك
انا:جيتووو
قيس:لا مازلنا في الطريق
ملاك:مبردك 😒
عزو:هاكن شكارتكن
انا:منور يابروو
ملاك:والله لقنك قدر
وسام:اس بلا اسلوب شبابي هاكن شكارتكن وحلن هيا
انا: هات هنا خذينا مصلحتنا ع ااساس ميتين ع وجوكم 😂
ملاك:هيوالله 😂😌
وعدن يجارن جوا خشو العويل للكوجينه
وسام:هاكن شكارة البهارات
ماما:سلمكم جيابين
نور:جبتوا مكونات التشيز كيك
عزو:هاكي فلستن بينا
رتاج:ع اساس نبو ناكلو نحن بس
وسام:غير ديرن حاجه سمحه
افتخار:اكيد نحن مانديرو الا الحاجه السمحه
قيس:ياثقه
افتخار:😒
نوو:خلاص هيا نحطو العشاء
خالتي سليمخ:هيا وقت بكل
وقعدن يحطن في العشاء وتعشوا وغسلن البنات العوايز وجا الليل فرشنا اانا وملاك وفايزه في الصاله عشان ناكلو 😂
انا:كنك بقرة انتي
ملاك:كنك
انا:كنك فتحتي المستكه مازال ناكلو قبل
ملاك:اسهفت عليها ازح
انا:بقرة
ههديل:كان تبن اتعاركن هك نبي ناكل نا
انا:خلاص افتحي الشيبس توا 😂
فتحنا الشيبس وكليناه وبعدها الشوكلاطات
انا:نا ح يركبني السكر
ملاك:حتى نا 😂
هديل:نبي مصاصه
انا:قصدك في مصاصات 😍
ملاك:سلم فمك 😂
انا:نبي
هديل:هاكي
ملاك:حتى نا نبي
هديل:هاكي 😂
وقعدنا عند الفجر ناكلو 😂
صباح يوم جديدد وعوا كلهمم ماععدا نا وملاك رحنا في سبات عميق 😂
خ سليمة:نوضي انتي وياها الساعه 12:30
ملاك:ماما شويه بس 😪
انا غطيت وجي بالبطانيه:نبي نرقد نا 😪
ماما:مروه نوضي يابنيه ياملوكهه نوضيي
خش عزو مماسك كاسين اميه 😂:حولو هك حولو كب عليا نا وملاك اميه
انا:ههههههيييييي 😱امصقعععههه حرام عليك 😭
ملاك:يابارد امصقعه تفو عليك 😭
عزو:هذا الحل الوحيد نوضنن هيا الساعه قريب 1:00
انا صبيت للحمام غسلت وجي وغيرت دبشي وملاك نفس الشي
انا:مفيش فطور جيعانه 😔
ملاك:نبي فطور حرام عليكم 😭
خ سليمة:يلا مفيش فطور توا اتغدن بالمره خلاص توا الساعه 1
انا:هوووووففففف
ملاك:عليك جو زقق ازح
طلعنا قعمزنا في الصاله فتحت نت دزلي طلب محمد
انا:هوووف عليك براده فيهه
ملاك:منن
انا :محمد
ملاك:كذا وريه ليا
انا: هاكي تفرجي
ملاك قعدت اتفرج وفاتحه فمها :حي ع امي لعيون زرق الشعر الحواجب الفم ذبت ياربي معقوله يا تافهه دازلك طلب وماتوافقي 😱
انا:عارفته طرف بس نا منبيش مش باالغصب
ملاك:اسمعي نقولكك كان تبي تقعدي تجري ورا قيس وتبكي كل ليلة عليهه عارفتك نا ننسمع فيك تحسابيني راقده المهم كان تبي تقعدي ع الحال وموقفه حياتك ع قيس ح تضيعي فرص واجده شنعرفك انتي بلكي محمد هذا ح يخليك تحبيههه بلكيي ح يخليك سعيده متضيعيش من يدك ي مروه نصيحه
انا:مش عارفه حايره وخايفه في نفس الوقت 😔💔
ملاك:من شنو خايفهه
انا:خايفه لما نحبه ونتعلق بيهه يمشي ويسيبني 💔
ملاك:لامتخافيش مش ح يدير هك صدقيني كل يوم يجدى فيك حرام عليك عطيه فرصه وعطي روحكك فرصه اخرى
انا:تمام
ملاك:توا انتي وافقي ع الطلب واحكي معاه عادي كانكم اصدقاء لين اتحسي بمشاعر اتجاهه قوليلي تمام ♥
انا :تمام وافقت ع الطلب وخش عليا
محمد:سلام
انا:وعليكم السلام
محمد:شنجوك
انا:تمام الحمدلله وانت
محمد:تمام بخير
انا:دومم
محمد:دوم نبضك
انا:تسلم
محمد:وين قاعده انتي
انا:قاعده في الصاله عليش
محمد:قصدي قاعده في حوشكم
انا :لالا قاعدين عند عيت جدي في ....
محمد:حتى انا قاعد في ا..
انا:صاح فيش ادير قصدي من عندك غادي
محمد:قاعد عند عيت جدي
انا:اها وين يسكنوا
محمد:جيرانكم 😂
انا: احلف 😱
انا:ملاك الحلقي
ملاك:كنك
انا:تعالي اقري
ملاك قعدت تقرا :هههي قوليله عيت من
انا:عيت من
محمد:عيت عبدالكريم
انا: 😱😱ملاككك قال عيت عبدالكريم
ملاكك:احلفييي 😱
انا:والله
ملاك:قوليله تعرف فارس
انا:تعرف فارس
محمد:اها ولد عمي
انا:اههاا عليك صدفه
محمد:امس شفتك
انا: ملاااااك الحقيي
ملاك:كنك ازح
انا:قالي امس شفتك 😱
ملاك:قوليله امتى 😱
انا:قلتها له اهو يكتب قاعد 😱
محمد:شفتك طالعه تجري ورا عزو 😂
انا:ملااااك الحقي
ملاك:عنبوفيتك هههااا
انا:عليك عار عليك فضيحه حسبي الله فيك ياعزو 😭
ملاك:كنك 😂
انا:قالي شفتك امس وانتي طالعه تجري ورا عزو 😭عليك منظر منظري ازح
ملاك:يعررف عزو 😱😱
انا:هههههي مفطنتش 😱راجي نساله
انا:من وين تعرفه عزو
محمد:معقوله عاد عزو وقيس ووسام خوك نعرفهمم اصحابي
انا:ملاكك طلع يعرف العويل كلهم 😱
ملاك:من وين يعرفهم
انا:قالي اصحابييي
ملاك:اصحابه😱
محمد:وامس كنت طالع معاهم وهما يجيبوا في البهارات والحاجات االي تبيهن انتي وقعدو يقرموا عليك 😂😂
انا:يقرمو عليااا 😱😱فيش يقولو
انا:ملاااككك قالي امس كنت معاهم 😱
ملاك:احلفييي 😱
انا:والله
محمد:عزو قعد يقول سكنان وجعتلي راسي ووسام قال اسمله عليا نا اللي عايش معاها 😂😂
انا:خزي عليهمم والله نوريهمم 😔
محمد: مدخلنيش نا 😂
انا: 😂😂
انا:نبي نصكر انا توا نحكوا بعدين
محمد:تمام
انا:بااي
محمد:باي
وسكرت من الصدمه
انا:قاعد في ال... وعيت جده جيرانا ويعرف عزو وقيس ووسام كان طالع معاهم وشافني لما طلعت نجري كيف المكلوبه ورا عزو نا نبي حد يضربني كف عشان نستوعب 🌝
ملاك شلفطتني كف:ها هكي تمام استوعبتي
انا:تمام بكل 🌝جيعانه نا
ملاك:فلمتي انتي 😂
انا:نا مزلت مصدومه
ملاك:ماتنصدمي غير انسيهم بكرا مع غيرك تلقيهم 😂👏
انا: هالله هالله براوه عليك 😂
ملاك:برواه عليه العقل جبد سريب لولاف مابكى 😂
انا:شن سايرلك انتي 😂
ملاك:اللي سايرلي قيسه مس العين تريد اعبوده وبس 😂👏
انا :عليك غلا 😂😂
ملاك:غلاي عيني عينك عين اطرطش ماطق اسبوعين 😂👏
انا:عدي عدي 😂😂
ملاك:كان تريد تعدي عدي ماتلقى كيفي يامصدي 😂
انا:خلاص سكنتي 😂😂
ملاك: مش عارفه كيف طلعتهن😂😂
انا:متخلفهه 😂😂
خ سليمه:مروه وملاككك صبن وتن السفر
عدينا وتينا السفر وحطينا الغداء تغدينا وقعدنا نغسلو في العوايز خشت ماما
ماما:خفن ارواحكن بيش نمشو للسوق
انا:بهه"طبعا السوق عشان فرح خالتي هاجر بعد شهر "
غسلنا العوايز وطلعنا انا وملاك ورتاج ونور نغيرو في دبشنا
انا لبست جاكه لونهها اصفر خفيفه شويه وتسكر بالسوسته واسعه شويه فرق الركبه ولبست سروال امريكي واسع شويه لونه ازرق فيه ابيض شويه ولبست كويش اسود كله ووشاح ليكرا اسود وطلعت قعمزت ع الكراسي ياللي في الجنان نرجا فيهم بعد شوي جتني ملاك كانت لابسه نفس بلوزتي لاكن لونها اخضر جيشي هك ولابسه نفس سروالي ووشاح اسود وكويش اسود كنا متفقين نلبسو كيف بعضنا 😂😎💘
قعمزنا في الجنان ونا قاعده ع الفيس دزلي محمد
محمد:هلا
انا:اهلين
محمد:شن جوك
انا:تمام وانت
محمد:تمام
انا:دومات
محمد:تسلمي
شوي طلعن البنات وقالن هيا
انا:محمد نستأذنك توا انا طالعة
محمد:وين طالعة
انا:للسوق
محمد:تمام نبي نشوفك انا قاعد في الشارع
انا قلبي قغد يدق :تمام وسكرت
ملاك:كنك
انا:كني
ملاك:مع من كنتي تحكي 😂
انا:محمد قالي نبي نشوفك قاعد برا
ملاك:حي حي 😂
انا:اسس راه حد يسمعك
ملاك:باهي خلاص سكتت اطلعي هيا
وطلعنا والاستاد عزو مدرس السياره بعيد ومحمد تهايالي حفظ ملامح وجي ولبستي حتى الشخشير حفظ لونه 😂
انا:كنه يبحت هك هذا شخيت انا
ملاك: حقيره😂😂
عزو: اركبن هيا وانتن تقول تمشن ع دحي
نور:انت اللي مدرس السيارة في اخر الدنيا
عزو:غير اركبن هيا وحده تجي قدام
انا:نا توا نجي 😌
ملاك:عليك الحمره ياحنه 😒
انا: 😌😌
ركبت لقدام وولع عزو اغاني وجو سمح
رتاج:شيلنا لمحلات الملابس
عزو:حفظتها 😒
نوور:بعدها الاحذيهه
عزو:حفظتهها 😑
ملاك:بعدها المستلزمات
عزو::خلاص ازح قالتها ليا خ اماني وامي وخ سمية وتوا انتن
انا:عشان متنساش 😂😂😂😂
عزو:خلاص انزلن وصلنا 😒
نزلنا للمحل وشريناا دبش ووالقفاطين خليناهن مره اخرى بعدها عدينا لمحل الاحذيه
انا:نبي رقم 37
عزو:تقول نقيسو لبنت صغيره 😂😂
صاحب المحل: 😂😂😂
ملاك:ونا 36
عزو: حسيت روحي اب ويشري لبناته الصغار في كنادر 😂😂😂
انا:مبردكك 😒
ملاك:والله عاد هذينا ارقامنا نحن
صاحب المحل:هاك هذي 36 وهذي37 😂😂😂
عزو:منور 😂😂😂هاكن قيسن
انا قستها وجت تمام وملاك كذلك بعدها خذينا كويشين
اما نوو ورتاج خذن كعبين وسنادل سماح وطلعنا
انا:توا شيلنا للمستلزمات
عزو:باه وعدينا للمستلزمات نزلنا خذينا المكياج والحاجات هذين وتريحنا من المستلزمات
وروحنا طبعا خ امل وخ سليمة وخ هاجر عدن يشرن في العوايز والحاجات هذين وماما وخ اماني وافتخار  عدن يشرن في دبش حتى هنا وروحنا نحن اول وحدين للقينا حمزه وقيس وحني وجدي في الحوش بس كانت الساعه9 ف الليل "طبعا اول مانزلت من السياره لقيت محمد قاعد مع قيس برا"
عزو:يااامروههه
انا :استغفرالله ضروري مايحرجني نا عارفته :ههها
عزو:هاكي شكارتك اللي فيها الكنادر 😂😂😂يرا ووالله ثبثتت عليا نشري في كنادر لبناتي
انا قلت في سري"حسبي الله فيك عطك داء فضحت بيا":جيبهن هنا
طلع وسام من الحوش وقال:كنكم😂
عزو:يرا في محل الكنادر الراجل يحسابني متزوج ونقيس لبناتي في كنادرهن 😂😂
وسام :عليش
عزو:مروه رقمها 37 وملاك 36 😂😂😂😂😂
وسام: وينن هذا ازح😂😂😂
ملاك:خلاص حناطههه قاعدين في الشارع راه
انا:مش عارفه برد يرا 😒
وسام:خلاص خشن هيا 😂😂😂
خشينا طبعا محمد سمع الفضايحح كلهن 🌝
خشيت للكوجينه طول انا: اريد طعاما اريد طعاما انا جيعانههه
ملاك خشت تنطرت: ارحمبيكك ارحمبيك 😭
انا:كنكك 😱😱
ملاك:ديريلي معاك حاجه وراسكك جيعانهه ناا 😭
انا:باهي ازح فجعتيني يرا 😒
ملاك:نمشي نغير دبشي ونجيك
انا:باهي
فتحت التلاجهه وطلعتت جبنه مالحهه وهريسه وسخنت الشاهي وجت ملاك وقعدنا ناكلو خش عزو
عزو:اريد طعاما اريد طعاما 😂😭
انا:في جبنه مالحه تعال اسمسم
عزو قعمز ع الكرسي:صبيلي طويسه شاهي
ملاك صبتله شاهي:هاك
وقعدنا ناكلو
انا:ملاك لمي الحوسه هذي نبي نمشي نغير دبشي
ملاك:طـم
تسريع الاحداث"غيرت دبشي وبعدها جن خالاتي كلهن وقعدنا نتفرجوا ع اللي جابنه ودرنا العشاء وتعشينا ورقدناا "
ــــــــــــــ
يتبـــع♥!