بنـات الخخـاله♥!

الحلـقة الـثامنـة♥!

تسـريـ؏ الاحــداث♥!

(عدن االايام وجا يوم ياللي نبو نمشو نفرشو حوش خالتي طبعا هيا تسكن في مدينه اخرى مشينا انا وملاك ونـور وافتخـار ورتـاج وهبـه ونـدى وخـالتي امـاني وخـالتي مـريـم وخـالتي امـل)
لبسنا ولبست جاكتي ولفيت وشاحي وطلعت وقعدنا نا وملاك نراجو في الباقي وبعد شوي طلعن طبعا نحن البنات ركبنا مع راجل خالتي امـاني اسمهه سالم حكيتلكم عليه جوا فررري ومش معقد ركبنا معاه طبعا سيارته واسعه كيف الحافلهه فيها كرسيين من لقدام وثلاث كراسي في النص وكرسيين لاورا بكل انا وملاك وخ اماني ونور ركبنا في الكراسي اللي في النص وجت معانا رتاج برغم هيا رقيقه خشت والكراسي اللي لاورا فيهن نـدﻯ وهبـه وافتخـار وطبعا مشى معانا عزو لانه خالي خالد قاله ااركب معاهم طريق طويله وراجل بروحه المهم ركب معانا عزو لقدام احذا عمي سالم والباقي توزعوا في السيارات خـالتي امل ركبت مع راجـلها وخـالتي مريـم ركـبت مـع راجـلها وخـالي عبدالله معاه اسـامه وحمزه في السيـارة وصهيـب ووسيـم وقـيس فـي سيـاره ومشينـا عـاد
ــــ
ركبنا في السيارات وانا جايبه معاي الدربوكه 😂😌
نـدى:مروه جبتي الدربوكه
انا:عني بنيتكك جبتها 😌
عمي سالم مولعلنا اغنية يوم غلا يوم جفا 😂ونا نندربك ونغني مع الاغنيه والبنات يصفقن ويغنن وعزو يصفق معانا 😂
"يوم غلا يوم جفا يوم غلاااا يوم جفااا مره معاي ومره لا مره معاي معاي معاي ومره لا يامتعلم حاجات جديده ياماشي شور افكار بعيدهه يامتعلم حاجات جديده ياماشي شور افكار بعيده ويادنيا مافيك الا نا يوم غلا يوم جفا يوم غلااا يوم جفا مره معاي مره لا مره معاي معاي معاي ومره لا يامتعلم حاجات جديده ياماشي شور افكار بعيدهه ويادنيا مافيكك الا نا"
انا:يدي وجعتني هاكي دربكي انتي ي ملاك
ملاك:هاتي جاي وقعدت ادربك ونحن نغنو ونصفقوا وعمي سالم مره مره يصفق ويغني معانا 😂
انا:عمي سالـم عادي نفتح الروشن
عمي سالـم:افتحي حتى الباب عادي 😂
عزو:😂😂😂😂
انا فتحت الروشن وتخطم من احذانا سياره خالي قصـي طالع من عند الروشن ويقول:سكري الروشنن
انا قعدت مبلطه راسي من عند الروشن ونصفق:حي حي لولولولولوليييي 😂
خالي قصـي:والله نوريك يامروه
انا:يرا ايش هذا ولع اغاني وبيب دير جو تقول ماشيين في عزاء😂وسكرت الروشن طوول
خ اماني:سالم اعلقلتا اغاني وليد التيلاوي
عمي سالم:ححاضرر
عزو:ايوه يا صار وليد التيلاوي وغمز لخالتي اماني 😂
خ اماني:بطل سخافه ياولد 😂😒
ولع عمي سالم اغنيتي المفضله انا وملاك وقعدنا نغنوا معاها وعزو يغني وملاك ادربك مع الاغنيه😍
انا:من بين ملايين الناس ومن بين الخلق والاجناسس وحبيتك يا اغلى الناس وسلمتك قلبي بيدي ♥
ملاك:سلمتك قلبي وحبيتك من روحي قريب حسيتك من اول لحظه يوم ريتك ريت احلامي كله فيك♥
عزو:ريت احلام العمر في عينك حسيت بنظرات حنينك وعرفت اللي بيني وبينك حب كبير ربطني بيك♥
انا:يابيك ربطني حب كبير وحبي لك مش كيف الغير انت لاول والاخير ومعنى الحب عرفته بيك♥
ملاك:معنى الحب معاك عرفته واحلى حب في عمري عشته فرح العمر بقربك شفته ياحياتي نبيك شريك♥
عزو:شاركني عمري واحلامي وشاركني فرحي واعلامي ياعمري يازهوة ايامي ماتحلى الدنيا الا بيك♥
انا:الدنيا في قربك تحلالي ياعمري ياكل امالي انت الدنيا بالنسبالي قلبي وروحـي بين يديك ♥!
وكملناها غير نغنوا ونصفقوا لين وصلنا لحوش خالتي
انا:ماشالله يههبل الحوش 😍
خالتي اماني:اها مشالله 😍
خالتي امل:هيا خلنا نبدو نفرشو يرجوا فينا برا
انا:باههي
وبدينا نفرشوا للحوش ولما كملنا درت مقطع كامل للحوش وروحنا 😂
ونفس الوضع اغاني ونصفقوا والجوو ههذا♥
لين وصلنا لحوش عيت جدي ونزلنا صادرني محمد
انا كنت ماسكه الدربوكه وحطتها فوق راسي كيف العبيطه 😂
ملاك:انتي ياعار
انا:هههاااا
ملاك:بحتي يمينك
انا بحتت ونلقاه محمد يبحت فيا ويضحك
انا:هههييييي عليككك عار 😱ونزلت الدربوكه
ملاك:فم اصلك 😂😒
انا:😒
خشينا من عند الباب وقعدت ندربك والدنيا تصفق وبرا صوت رصاص وخوطولوح والعاب ناريه
جدي:فكنا من الرصاص يافرخ
عزو:نهايتي فرخ ياجدي
جدي:اها فرخ 😂
صهيب:خليه ي جدي يفرغ
عزو قعد يفرغغ فوق ووسام يدير في الالعاب الناريه وقيس يعزق في الخوطولح ودارو جو 😂😍♥!
ـــــــــــ
عندنا جـوا قاعدين ندربكوا ونصفقوا بعدها عدن الصبايا لكبار للكوجينه وقعدنا نحن البنات بس
نـدى:العين تمنت من مولاها راقد بالتوته يلاها 😍😂👏👏
نور:ييييييه حي حي 😍👏👏
انا:هو غالي واحد في نيتي طيحي دونهه ياقسميتي 😍👏👏👏
رتاجج:حي حي 😍👏👏
ملاك:الغالي ياما طحتيي دونهه لاكن باعكك يالحنونه 😔👏👏
انا-:ييييههههه 👏👏👏
افتخار:يالقديم زمانك راحح فرشهه معزوقه في سطاحح 😂👏👏👏
هبه: وحق الله وحق جلاله عيت اقدم ماهم رجاله 😂
ملاك:مقدمكك 😂
هبه:😒
انا: الغالي كان هداه الله نكمل عمري نا وياه 😍👏👏
ندى:اييييييييااااايييي 😂😍😍😍👏
افتخار:عطك داء وذني 😂😂
ملاك:بين الروح وبين نفسها ودك غير عزيز ادسهه 😍👏👏
انا:يييييييييه حي حي 😂😍👏
رتاج:ياللي علوهام بكيتن بالك من السو افتكيتن 👏👏
نور:ايييييييييااااييييييي
انا:نوضن ع المرهون تباكن والنوم اجعنه ماجاكن 👏👏
ملاك:ايييييياااييي حححي عليهم 👏👏
نور:يالعزيز عرفنا قدرك ع الفاضي تخبط في صدرك 😏👏
انا:حي عليههمممم 😂👏👏
ندى:يافالغالي مانيش مسلم لين القبر عليا يظلم 😍👏👏
افتخار:حي حي 😍👏👏
ملاك:يالجديد قديم قهرني باع غلاي وقال اعذرني 👏👏👏
نور:ايييييييييااااييي
انا:اعزاز يريدو وسعت بال ونا طبعي ماني حمال 👏👏👏
وقعـدنا نصفقـوا ونغنـوا وجتنـا مـاما
مـاما:هيـا يـابناتت لمـن الحوسـهه بيـش نبدو نديـروا الخلـوط
انا:باهي هيا يـابنات بيش نكملوا بـدري
صبيـنا لمينـا الحوسهه وقعدنا نديروا في الخلوط خشو العويل يديروا معانا
عزو ياكل ويحط 😂:انا وحده لله ووحده لعبدالله 😂
خ سليمة:بطل خيرلكك توا ينقص علينا
وسام:هذي كيف تندار تمام هك
انا طيحسعدك خربته 😱
وسام:يرا معرفتش نديرهه 😒
انا:ديره هك وقعدت نوري فيه كيف يدير فيه
خ هاجر:ديرو كويس الله تربحكم استروني 😂
عزو:متخافيش توا تطلقي بعد شهر انشاءالله 😂
خ سليمة طلقت فيه اللصقه:بطل قلة ادب خيرلك
خ هاجر:باههي ي عزو زعلت منكك
عزو:نبصرو معاك ياخالتي كنك
نور:بصارتك ثقيله 😒
عزو:من طلب رايك 😂
انا:ردهها عليا ان استطعت 😂
نور:😒
ملاك:خلاص نا كملت اللي عطيتهن ليا
انا:اشالله 😂😂
ملاك:خمسهه 😂😒
خ مريم:كذا وريني
خ امل:راه يقعد واحد عوج واحد خارب 😒
ملاك:لا نعني بنيتك درته اتقوليش تفرجن 😌😂
انا:انا مازالي شوي ونكمل
خ هاجر:الله تربحكن انشالله نصبولكن في الافراح
انا:عيب عليك نحنا عيله 😂
نور:كان ماصبينالك لمن نبو نصبو
ملاك:هيوا
عزو:يبدن عاد في المدح 😂
صهيب:توا بكرا الفرح
خالتي هاجر:صباح الخير
وسام:تبي تسيبينا ياخالتي 😂
خ هاجر:بلا حركات اهبال كبار راكم 😂😂
عزو:عليك تزليط 😂
وسام:😒😒😒
قعدنا نديـرو في الخلـوط وكمـلنا ورتبـناه فـي صنـدوق عشان بـكرا الصـاله عـاد وخشيـنا رقـدنا
ـــــــــــــ
ثـاني يـوم وعيـنا مـن ال7 😣
انا:جيعانهه
ملاك:مفطرتش انا هيا نفطروا
انا:باه
نزلنـا لـوطى خشينـا للكـوجيـنه وفـطرنا بعـدهها رقيـنا فـوق خشيـت للحمـام"حشاكم" ادوشـت وطلعـت بعـدها كل مـره تخـش وحـدهه
انـا حطيـت قفطـاني فـي شـنطتـي متـاع لكتفيـن وحطيـت فيـها حـاجاتـي اللـي نبـي نلبسـهن ومـلاك كـذلكك حتـى هيـا حطـت دبشـها فـي شنطتـها
انـا لبـست جـاكهه لونههـا جيشـي قصيـرة ولبـست سـروال اسـود وكـويش ابيـض ووشـاح اسـود
مـلاك لبـست جـاكهه لـونهها اسـود قصيـره فـوق الركبـه وسـروال بيـج ووشـاح بيـج وكـويش اسـود
وطلعنـا نراجـوا فـي البـاقي السـاعه 8:30 وتيـنا كـلنا وعـدينا للصـاله عشـان انسقـوا الـطاولات والجـو ههـذا ♥!
كملنـا كـل حـاجهه السـاعه 1.
كلمـنا الكـوافيـرة وجتنـا فـي الصـاله
لبسـت قفطـاتي ڪـان(لـونهه زيتـي ونظـامهه كتـف واحـد والكتـف لاخـر عـريان والـرقبـه امصكـره والقفطـان فيـه زي الكسـرات مـن عنـد الصـدر بـس ومـن تحـت عـادي طبـعا ههـو قصيـر ولبـست كعـب اسـود مـش طويـل واجـد نظـامه قصيـر حتـى الكعـب) جـا دوري للكـوافيـرة وقعمـزت ع الكـرسي
انا:ديريـلي تسـريحه فـوق ونزليـلي خصـلات بـس
الكوافيـر:انتـي اطلقيـهه خيـر
انا:ماما قالتلـي ارفعيـه
الكـوافيـرة:انتي شعـرك طويـل وواجـد ماشـالله اطلقيـه خيـر يخيـل مع القفـطان
انـا :بـاهي ديـريلـي استشـوار
الكـوافيـرة:هو مش محتـاج استشـوار لاكـن تـوا نجـرلك عليـه
انا:باهه
دارتلـي استشـوار وطلقـاتهه ليـا وجمتـي قصتههـا ليـا ونـزلتها كلههـا طبعـا المكـياج درت بـروحي لانـي منحبش المكيـاج واجـد قلـت لافتخـار اديـرلي ايلاينـر ودرت مسكـرا وبـودره وروج ولبسـت اكسسـوراتـي والجـو هـذا وقعـدت نرجـى فـي السنيـوره مـلاك 😂♥
مـلاك :)
لبـست قفطـان اسـود قصيـر ومبـوج ومـن فوق فيـهه لـون فضـي وشعـرها قصيـر حتـى هيـا طلقـاته ورفعـت جمتـها ونفجتـها فـوق ودارت مكـياج خفيـف ولسـت كعبـها وطلعـنا نـزلنا لـوطى♥
ماما:مش قتلك متطلقيش شعرك يابنيتي
انا:ياماما الكوافيرة قالتلي اطلقيهه خير
ماما:مشكلتكن متسمعنش في الكلام
خ سليـمة:خلاص خليها هك احلى
ماما:والله غلبنا طلعن احلى منه شوفي ملوكه 😂
خ سليـمة:عروس ماشالله 😂
ملاك:نبي نزوج ياماما 😂
خ سليمة:بطلي سخافه وانتي رايحه كيف عزو
انا:😂😂
خشينا للصاله قعدنا نبرموا وبعدها نزلن باقي البنات وقعدنا نصـوروا وصورنا انا ووملاك وكل وحده جلسه تصوير بروحها 😂😂😂😒
بعدهـا قعـدنا ننصـوروا فـي الطاولـة والجـو هذا ووزعـوا العشـاء وتعشيـنا وخشت العـروس
خ هاجر:ينعلي خايفه تخيلي نطيح
انا:اقري المعوذات ومتخافيش
خ هاجر:ها نخش
ماما:هيا خشي
ولعت الاغنية وطفو الضوايه وقعدنا نصوروا فيهها لين رقت ع المسرحح وبعد شوي قالوا العريس يبي يخش
خ هاجر:ياماما خايفه 😭
خ سليمة:بلاش هبال يابت اس
خ مريم:توا ينزل مكياجك تفجعي الراجل
خ هاجر :😒😒
خش العريس وخذاها ودارتلنا احزان والجو هذا ضروري منه 😂
قعدنا عاد مع الفرقه تغني دارتلنا جووو وبعدها قالوا هيا لبسنا عباياتنا ونا حطيت وشاحي ع وجي طلعت لقيت محمد قاعد وعزو يشيرلي ويقوللنا هنا تعالن مشيناله وركبت انا وملاك ونور ورتاج مع عزو ومن قدام وسام راكب
في السيـاة عزو عالق اغاني والرواشن محلولات ووسام ماسك سلاح وطالع مع الروشن ويفرغ وعزو يمتع
انا:ينعلي ياربي استر مازلت نبي نعيش انا متضيعوليش مستقبلي
ملاك:متع ياعزو متع 😂
عزو قعد يمتع اخرى والسيارة تبي اطير تهايالي قريت ايات القرأن كلهن 😂
نور:ياعزووو بيب لما نخشو مع الشارع
عزو:معقوله تقولي فيها ليا 😒
رتاج:مدرعنكم مرات تنسو 😂
وسام:لا يحنه مش ناسيين في حد ينسى حاجهه كيف هك 😂
انا:عزو ولع اغاني مسقمات 😒
عزو ولع اغاني زوبه 😂😍
عزو:تمام هك 😂
انا:منور يانصي 😂
وسام:ياحول الله وخلاص 😂
انا طلعت وجي من عند الروشن ونصور في الزفه 😂
وبعد شويه وصلنا نحن اخر وحدين ونا نحمد في ربي انه وصلنا بالسلامه وسام طالع من الروشن ويفرغ وعزو يمتع 😂
انا:نزلوني قبل ارحمبيك 😭
عزو درس :انزلن
انا:الحمدلله ياربي الحمدلله 😂
عزو: الحمدلله ع السلامه 😂
نور:الله يسلمك 😂
خشيـنا ججـوا و؏ طـول قعـدنا نصفقـوا ونغنـوا بعـدها خـش عـزو من عنـد بـاب الكـوجينهه
عزو:ياخالتي مريم ديروا العشاء االرجاله متعشوش
خالتي مريم:هيا يابنات تعالن نحطوا العشاء قبل
نحن:ههيا
قعدنا نحطوا في العشاء وقريب 40 صفره طلعن برا
عزو :تعالو ياشباب صفرتنا دلعتها لكم 😂
محمد:امنور ي عزو
وسـام:هيا ياشباب عشاء
وعزو اللي يخطم من الشارع يقوله تعال قعمز 😂
وسيم:انت ياللي تخطم تقوله تعال 😒
عزو:اسكت يراجل خليهم ياكلوا
محمد: 😂😂😂
قعدو يياكلـوا وبعـدها بـدو يشيـلو فـي الصفـر ونحـن الصفـره اللـي تجـي نلمـوهها بـدري بدري عشـان مايتـراكمنش نختصـر عليـكم(غسلنا العـوايز ولميـنا الحـوسهه نوتـو لبـكرا الصبـاحيـة)
ـــــ
صـباح يـوم جـديد نختصـرلكم "اليـوم كانت الصبـاحية مشيـنا طبععـا وصـورنا مـ؏ خالتـي والجـو هذا وروحنـا وبعد الفـرح قعـدنا اسبـوعين عنـد عيـت جدي اخـرى واللـي صـار فـي الاسـبوع الاول رفعـنا الـحوش كلهـا وغسـلنا الفـرش ونشـرناه وبعـد نشـف فـرشنا والجـو هـذا "
ـــ
اما فـي االاسبـوع الثانـي مـادرنش خخيـر انا ومـلاك😂😂
فـي الليـل كنـا قـاعديـن نا ومـلاك ؏ النـت
انا:مـلاك
مـلاك:هاا
انا:جيعـانهه
مـلاك:حتـى انا
انـا:هيـا نصبو نديـرو حاجـهه نـاكلوهها
مـلاك:تعرفـي امبـدري ونـا ندور فـي شكـارة القهـوة فـتحت الـدولاب صـادرتني حفظـاهه حلـوة معجـونه 😍
انا:احـلففييييي 😍
مـلاك:والله
انا:صبـي صبـي فيـش تـراججي 😍
صبيـنا نـجروا للكـوجينهه فـتحت مـلاك الدولاب وطلـعت الحفاظـهه وقعـدت تـرقص بيـهها ونـا نرقـص معاها 😂
انا:جيبي خبـزه اجـري
مـلاك جابـت خبـزه :هاكـي افتحـي الحفاظـهه
انـا فتحـتها وطلـعت خبـزه مطحـونهه 😒
انا:احلفففي 😒تبصـري انتي ولا تسخفي عليا☻
ملاك:اقسم بالله مانسخـف عليك شنعـرفني نـا نحسابـهاا حلـوة معجـونه 😂😂
انا:عليـك جو زقق يرا جيعـانه نا
مـلاك:راججي توا نديرلك اكلـهه سـمحه
انا:ابدعيـنا 😒😂
طلعـت مـلاك طمـاطم مـن التـلاجه وقعـدت تقـرض فيـه بعـدها هـرساته بـالكبايهه وطلعتت شيشـة الـزيت وحطت منه شـوي ع الطمـاطم وبعـدها رشـت شوي مـلحح وحطت التسبـي ع الطـاولهه
ملاك:شـنرايكك توا
انا:ناقصـهه حـاجه وحـدهه بـس
ملاك:شـنو
فتحـت انا التلاجـه وطلعـت حكة الهـريسهه وخـذيت كشيـك كبيـر وحطيـت كشيكيـن ههريسـهه كبـار فـي التبسـي 😌😂"جـربـوهها بـس وادعـولي 😂"
ملاك:ايـووههه احسـن حـاجه درتيـها
حطيـنا التبـسي وقعـدنا ناكلـوا وكـل وححـده احـذاها كـاس اميـة 😂😂
بعـد كليـنا لميـنا الحوسـه وخشيـنا رقـدنـا♥!
ــــــ
يتبــــ؏♥"