بنـات الخخـاله♥!

الحـلقـة الثـالـثة والعـشـرون♥!

تســريعع الاحـداثث (قـربتت تلبيسـة نـور وقعـد عليـها غيـر خمـس ايـام وقـاعدينن نجهـزو ففـي كـل حـاجهه وجتنـا خالتـيي امـانيي لانهه ماعنـدهها مـا اديـر وجـابت مـعاها حنـي وجـدي وقعـدت تجـهز معـانا وبمـا انـهه اول مناسبـهه لـنا دايـرين تلبيسهه كبيـره وقعـدنا نطلـعو للسـوقق مـع بعضـناا والججـو ههـذا مـش غـابيين فيـهه:)
ـ ـ ـ ـ ـ ـ
انا:ملاك بلا برادهه وكان ماتججي اقسم بالله نركبب فيي الجنسيهه ونجيكك لعند حوشكم ونكرك من عند شعركك 😤
ملاك:انكلبتي انتيي ولا شنو
انا:اها انكلبتت يرا تعاليي جاياتت خالاتي كلهنن وهديل جايهه تعالي بلا براده
ملاك:عندي امتحاناتت يازفتهه كيف نبي نجيي جايهه ماما ورتاجج وانا بنقعد مع احمد وصهيب وبابا
اتا:لا ياملاكك وراسكك تعاليي وراسكك 😭
ملاك ماسكهه ضحكتها وتبي تبين روحها متاثره:مروه والله متزعلي منيي توا نجيي في الفرح باذن الله 
انا:تفو عليكك معش تحكي معاي وسكرت عليها 😂
ماما:البنت عندها امتحانات كيف تبي تجي
انا:تجي هن يومينن بس شن فيها 😔
ماما:هيا امشيي وتيي روحكك عشان تمشي انتي وافتخار للمحل لي قلتن عليه
انا:وانتي متبيش تمشي معانا
ماما:انا مش فاضيهه نبي ندير الحلويات نا واماني توا يمشي معاكن وسيم
انا:باههيي
مشيت غيرت دبشيي وقعدت نراجي في افتخار ووسيم
اما عند ملاكك سكرت الخط وهيا تضحك 😂
رتاج:حرام عليك توا لما تعرف انك كذبتي عليها تقتلك
ملاك:عادي 😂
خالتي سليمهه :هيا يابنات بيش نمشو للسوق
رتاج وملاك:بهه
عنـد عزو وقيسس
قيس كان يحكي بالتيلفون:لا ياراجل امتى صار هذا كلهه
محمد:والله مازلت ماصكرت شهر
قيس:والله مانعلم بحاجهه توا كيف عرفتها منكك الحمدلله ع سلامتكك ياراجل كيف صار
محمد:الله يسلمكك والله كنت ماشي للاستراحهه لقيتت حادث قداممي خشيت فيهم
قيس:لاحول الله باهي الحمدلله ع سلامتكك باههي لي طلعت منها بخير
محمد:الله يسلمكك
قيس:انا الايام هذين عندي مشيهه ل** توا نجيك في الحوش
محمد: تعال في اي وقت
قيس:تسلم تسلم تبي اي حاجهه كلمنيي
محمد:انشاءلله هيا اوكي
قيس:اوكي
عزو:من هذا اتحمدله بالسلامهه
قيس:تي ياراجل محمد طلع داير حادث وخاش لغيبوبهه ونحن منجيبو ع الدنيا علمم
عزو:لا ياراجل امتى صارت وكيفف
قيس:قالي مالها شي قال كنت ماشي للاستراحهه لقيت حادث قدامي خشيت فيهم
عزو:لاحول الله باهي الحمدلله لي ناض بالسلامهه
قيس:شن رايكك نمشولهه
عزو:باهي تمام
قيس:تم ازعما وسام عنده العلم
عزو:توا نرن نسالهه
ورن عزو ع وسام
عزو:ها ياطعما 😂
وسام:اووووو عزيزه كيف الحال 😂
عزو:راه نسكر ع وجك يا امسخ 😒
وسام :تي نبصرو ازح
عزو:اسمع انت يافم ساكن مع محمد في نفس المدينهه ومتجيب عليهه علم
وسام:محمد كنهه
عزو:طيح سعدكك
وسام:طايح من غادي هوا تي ادوي كنهه
عزو:داير حادث وخش في غيبوبهه ونحن منجيبو عليهه علم
وسام:جدياتت تحككي والله ماعلمتها الا منك توا انت عارفف ياراجل موضوعيي
عزو:عارف عارفك ياراجل ماحد لايم عليك 😂
وسام:تافهه 😒
عزو :اسمع اسمع
وسام:شنو
عزو:انا وقيس جايين عشان نمشو لمحمد تمشي معانا
وسام:تم امتى بتجو
عزو:لين خالتك تقول امتى😂
وسام:تمام نتلاقو
عزو:اوكي
وسام:اوكي
قيس:شن قالك
عزو:قاليي توا نمشي ممعاكم
قيس:تم
عنـد وسـام واصحابهه
نورالدين:اسمعو نا لقنيي بنرتبطط جفاف ازح
وسيم:دير فازلين 😂😂
نورالدين:فكره توا نجربها 😂😂👊
وسيم:جربها وقولي شن صار معاك عشان ندير كيفك 😂
نورالدين:تم 😂
حمد:انتو بتقعدو عمركم كلهه هكك
وسيم:وهل هذا سؤال
نورالدين:انه يستعبط 😂
وسيم:بالطبعع سوف نبقى هكذا الى ان نشيب يانصي 😂😂😂
نورالدين:اجل ياطيري😂😂
اسلام:ازحح مبردكممم 😒
وسيم:سخنا 😂😂😂
وسام:سيبك عنهم هذوم تافهينن وبيقعدوا عمرهم كلهه تافهين
حمد:ربيي يلطف بحالكم
نورالدين:اجمعين 😂
وسيم:جاهزون يا اطفاال
نورالدين:اي اي كابتن
وسيم:لا اسمعكمم
نورالدين:اي اي كابتنن
وسيممم:اوووووووووووووو
نورالدين:من يسكن البحر ويحبهه الناس
وسيم:سبونج بوب سكوير بانتس 😂
نورالدين:لونهه اصفر مربع حساس 😂
وسيم:سبونج بوب سكوير بانتس
نورالدين:لو كنت ت ..جا يبي يكمل قاطعهه حمد
حمد:اس ازحح فضضحتوناا
وسيم:كنك ازحح وانت تزعم الكبد
حمد طلق فيه ولاعهه:سكر فمكك
وسيم:اوووو منور ولاعتي انكسرت انا 😂خذا الولاعهه قعد يدخن 😂😂
نورالدين:الدخان الدخان راك تجيبهه من الدكان 😂
وسيم:الدخان الدخان يجيب السل والسرطان 😂👊
حمد خذا مفاتيحح سيارتهه وصبى :انا طالعع
وسام:خوذننيي معاكك
اسلام:حتى انا
نورالدين:عدو احسن
حمد:😒
مشو وقعدوا وسيمم ونورالدين
وسيم:يانور
نورالدين:انعم
وسيم:تعرف عليش الشيوخ مايشربوش في عصير الكوكتيل
نورالدين:عليش
وسيم:لانهه مختللططط 😂😂😂😂😂😂ههههههه 😂😂😂😂
نورالدين:ههههههه 😂😂😂😂😂😂😂ووووههه 😂😂
وسيم:مره قالكك في شيخخ خذولهه دمم من رقاصهه رد للجامع قعد يقول احلى تحيهه لاحلى مصليين سمعونا اذان العصر 😂😂😂😂👊
نورالدين طاح ع الارض من كثر الضحك:😂😂😂😂😂😂وووووههه 😂😂😂قويهه هذي 😂😂😂😂😂
وسيم:😂😂😂😂😂😂😂👊
وسيم رن تيلفونهه
انا:تي وينكك انتتت
وسيم:كنك
انا:سلامة حنكك تي تعال شيلنا للمحل عنمرض نراجووو فيكك من بدريي
وسيمم:تي باههيي ازح نسيتت جايكن توا
انا:هيا بسرعهه وسكرت
وسيم:عليكك قصهه سريبب السوووق ههذا
نورالدين:الحمدلله معنديش خوات 😂😂
وسيم:واطي 😂هيا تمشي معاي
نورالدين:لا والله عدي بروحك
وسيم:غير هيا ياراجل
نورالدين:لالا
وسيم:قتلكك هيا انا
نورالدين:منبيش ازحح
وسيم:ع اساس دايرليي روحك متحشمم تي هلي حافظين وجك اكثر مني 😂
نورالدين:تافه ازح
وسيم:صبي هيا
نورالدين:باهي ومشوو
امـا انـاا وافتخـاار قاعديـنن قـريبب نطربقـوا ونراجـوا في وسيـمم بعـدها سمعنـا صوتت سيـاره بـرا اتبيـبب نـزلنا
انا فتحت الباب:واوووو نحسابكك الا داير حادثث هذاا كله وينن
افتخار:مبردكك من بدريي نراججو في حضرتكك وو استكتت لما شافتت نورالدين 😂
انا:اوووووو نورالدين 😂
نورالدينن:مريوهه كبرتتيي 😂😂
انا:ها مالا بنقعد صغيره طول عمري 😂
نورالدين:ماشالله وطالعلكك لسان اخرى 😂
وسيم:مازال مشفت شي انت 😂
انا:بلا فتنهه انت 😂😒
افتخار بصوت واطي:خير يانورالدين ❤
نورالدين :اهلين افتخار ❤😍😍😍
وسيم:ها وين تبن اي محل
انا:محل ** عرفتهه
وسيمم:اها عرفتهه
قعـدنا فترهه ساكتينن ووسيم يسوق
انا:واو يانورالدين تذكر ايام كنت صغيره لما تزردو تاخذو فيا معاكم 😂😂😂
نورالدين:واو عليك ايام 😂😂😂كل مانمشو للبحر ياخذ فيك وسام
انا:عليك ايام 😂😂😂
وسيم:حسستيني قاعدهه عزوز وعمرك 60 سنه بيش تقولي عليك ايام 😂😂😂
انا:قصدي يعنيي زمان بكل كنت في اولى ابتدائيي وانت بارد 😒
نورالدين:مره قبل غرقتيي 😂😂
انا:ييييهههه نذكرها عليكك يومم اسووود 😂😂
نورالدين:مفروض تشكريني نا لي نقذتك 😂😒
انا:امنووور يابروو 😂😂
نورالدين:😂😂😂
وسيم:شن قتلك عليهه نا الاسلوب هذا
انا:والله كلهه منكم تاخذو فيا وانا صغيره معاكم للزراديي ونصنت في سهاريكم محد قاللكم تاخذوني 😒
وسيم:مش نا وسام لي ياخذ فيكك 😂
انا:حسبيي الله 😂
نورالدين:زمان اسلام كان يجيب معاه في اختهه عشان هك وسام يجيب فيك 😂
انا:يييييهههه شن اسمها نسيتهه
وسيم:ولاء
انا:ايووووه وين وين كان نحقها توا منعرفهش
نورالدين:مفروض تقعدي متواصلهه معاها
انا:الله غالبب عاد حتى هيا كنها متقعد متواصلهه معاي 😒
نورالدين:هيوالله 😂
وسيم:هيا انزلن قلبتيي راسنا
انا:منور يابرو 😂
افتخار قرصتني:انزلي هيا 😒
انا:اه براحهه
وسيم:كنك
انا: سلامة حنك
وسيم:انزلي انزلي
نـزلنا انـا وافتخـار للمحـل واول مانـزلتت افتخـار ونـورالدين يبححت فيهها عنـد ماخشيـنا للمحـل 😂شـريناا لـي نبـوه ورديـنا للحـوش وطـول الطـريق نـورالدينن يبحـت فـي افتخـار فـي المـرايا وافتخـار خاشهه فـي بعضههـا 😂❤.
ـ ـ ــ ـ ــ ـ ــ ـ ــ ـ ـ ـ ـ ـ ـ ـــ
عـندد عيـسى لبـس وطـلع ركـب فـيي سيـارتهه ومشـى لعبـادي
طق طق طق
عبادي فتح الباب:نعم
عيسى:نبي نحكي معاك
عبادي:شن تبي مش فاضيلك
عيسى:تعال معاي موضوع مهم
عبادي:قتلك مش فاضي نا
عيسى:وانا قتلك هيا معايي
عبادي طلعع وركب معاهه في السياره وطول الطريق ساكتينن لين وصلوا للبحر
عبادي:جايبنا للبحر في عز الصقع
عيسى:مش مهم المهم بنحكيلكك انا كل حاجهه
عبادي:شنو ادوي
عيسى:عبادي نحن اصحاب من الابتدائيهه مع بعضنا وجيرانن يعنني انا درتت هكك عشان مصلحتكك بس والكلام لي جاكك فتنهه والله العظيمم ولو تبي نحلفلك ع المصحفف انهه مفي شيي بيني وبينن ملاكك
عبادي:تي باههيي عليييشش درتت هككك بس قوولييي عليشش تمشييي فييييا ع وجججييي وتسسسايرر فيياا وانتتت تلععببب من ورايييا
عيسى:ياعباديي انا نبييي مصلحتكك افهمنيي ياراججل انتت كنتت ادييرر فييي حاجهه غلطط يعننيي توا شن بتستفيد صاحح انت بتذل قيسس بس مش بالطريقهه هذي ملاك ماذنبها شي انا ماندافعش عليها عشان حاجهه بس هيا مالهشش ذنبب حرام تظلمهها القصههه فيها شرفف يياراججل والليي كنتت ح اديرهه فيها ربيي ح يردهه فيي خواتكك كان مش في خواتكك بيرده في بناتكك او مراتكك مستقبلا ووكما تدين تدان يعني اللي درتهه في غيرك ربي ح ايرده فيكك افهمنيي ياعبادي والله العظيمم مفي حاجهه بيني وبين ملاك انا ماساعدتهش عشان حاجهه ساعدتها عشانك انت عشان مصلحتكك ياراجل وبنت الحرام لي جاتككك ههذي وقالتلكك انههه عيسى يححبب ملاكك كذابههه تكذبب عليككك هياا في بينها ووبينن ملاكك عداوهه عشانن هكككيي تبيي اتسبب لملاكك مشاككل انا منحبش ملاك مفيش منهه الكلام ههذا انت صاحبيي ورفيقيي مستحيل نديرر فيكك حاجهه كيف هذيي
عبادي صبى وحضن عيسى:عارفكك ياراجل نحن خوت ونا عارفكك مستحيل ادير فيا حاجهه كيف هكك وسامحنيي ع الطريحهه لي كليتها في المدرسهه 😂
عيسى:حقك حقك ومسامحك 😂
عبادي:بنت الحرامم فاطمهه هذي توا نعلمها الادب
عيسى:لالا فوتهها خليها ربي فوقق يشوف فيها فكنا ياراجل
عبادي:باهي ع راحتكك هيا نمشو
عيسى:هيا
اصـالحوا عيسـى وعبـاادي كـانت صحبتهـم كبيـره مهمـا صـار بينـاتهمم مستحيـل يتخـلو ع بعضـهمم كـانو ككيف الخـوت جـدياتت يعنـيي محـلاهها الصحبـهه لـيي هك❤.
ــــــــــــ
عنـديي نـا كانن عنـدنا بنـات عمـاتيي 😒مالمسسـن ولا حاجهه نظام ياي ايديا منقدرش مرض انشالله عديـت قعـدت نغسـل ف العوايـز رن تيلفـونيي لقيتهه محمـد
انا:الو
محمد:ها حبيبي شن الجو
انا:تمام وانتت
محمد:تمام بعد سمعتت صوتكك شن اديري
انا:قاعدهه نغسل في العوايز
محمد:باهي معناها توا نكلمك بعدين
انا:باهي تمام
محمد:هيا باي
انا:باي
ريان"بنت عمتيي":معليش يمروه مديليي كبايهه منقدرش نخش كلوركس يلبز دبشيي
انا:مدخلنيش بيكك انا منشتغلش عندك 😒
ريان بحتت فيا بنظره مع الجنبب وخشت جابت كبايهه وصبت اميهه
انا:اه خشيتي شن صارلكك ماصارلكك لا شيي غير اطروحح
ريانن:اغسليي اغسليي
انا:توا نطلق الاسفنجهه هذي في نص وجكك منبصرش راه
ريان :ياي وخشتت
انا:مرضض انشالله 😒
افتخار جت:كنك نسمع فيكك تهزبيي
انا:قوليلهن يروحنن هذينن خير مانرتكب جريمههه قتل هنا
افتخار:اعصابكك يالوزه ريلاكس ريلاكس مادوريهنش بس
انا:زعمنن كبديي راهه
افتخار:تحملي وخلاص فكينا من المشاكل
انا:افففف ربيي يمشي الفرحح عع خخير
افتخار:قاعدات للعشاء راه 😂
انا:واللههيي عليكك اليي ماعندهنن نيههه هذين جاياتت ياكلنن وانا بنقلهه نغسل في العوايز واللهي نخليهن يغسلنهن هنا
افتخار:توا نحقكك تغسليي فيهنن 😂
انا:ماشييي توا تشوفي شن ح ندير 😌
افتخار:ياسخصيهه انتت 😂
استبرق"بنت عمتيي":بنات
انا بصوتت واطي:خرررفف ياشعيب
افتخار:نعم 😂
استبرق:في شاهيي ساخنهه
افتخار جت بتحكيي قاطعتها
انا:فيي طشههه ومصقعهه ☺
استبرق:سخنيها ليا مريوتيي
انا بيني وبين نفسي"يمرمر ايامكك هيوا 😒"
انا:مش فاضيهه قاعدهه نغسل في لعوايزز 😒
استبرق:انا منقدرش نخش لابسهه شخشير توا يتعبى اميهه
انا:مش شوري اناا سخنيها بروحكك مانخدمم حد انا
استبرق:خلاص معش نبي ومشت
انا بحتت في افتخار:فكك من الدروشهه الزايدهه 😒
افتخار:كذا اس 😒
انا:تف
افتخار:عليك
ماما :افتخار قولي لوسيمم يجيبليي رز
افتخار:بهه
ماما:وانتي مزلتتي مكملتي العوايز
انا:واجد ياماما
ماما:اغسلي وتوا تغسل معاك افتخار عوايز العشاء
انا:بهه "هذا اذا كان نا غسلتهن 😂"
دارتت ماما العشاء تعشينا وشلنا الصفر بعدها خشيتت عليهنن في الدار كانن فيها عماتيي الثلاثهه نعرفكن عليهن
عمتيي مبروكهه عندها بنتين وولدين اللي هنا ابتهاجج م93 احقر ماخلقق ربيي متزوجهه واستبرق م98 خبيثهه من تحت لي تحت وعندها حسام م89 متزوجج وعنده بنت وولد وحاتم م97 خاطبب
عمتي مقبولهه عندها بنتت وحدهه وخمس اولاد ريان م94 مكارهه ولفعهه كيف امها 😂😒 وعندها علي م88 متزوجج وفارس م94 "ههذا جمال ربيي كلهه فيه لاكن نسونجي😂" ومحمود م96 طيبب طيبب لينن مخرببب مش عارفهه لمن طالعع في الطيابهه  ومصطفى م98 حتى هوا مكار كيف امهه واخر العنقود طه م2007
عمتي خديجهه عندها اربع بنات وثلاث اولاد عائشهه م92 الوحيده لي كويسهه في بناتت عماتيي طيبهه مش كيفهن وسهيلهه م90 مخطوبهه وفاطمهه م95 هذي مشعارفهه كيف بنحكيلكمم عليها فتانهه ومكارهه تحبب نفسها ومتقول الا الكلمهه اللي تقهر وزينب م2003 هذي امدادي لاتقبلنيي لانقبلها 😂 وعندهها اسامهه م80 متزوجج وعنده ولد واحد بس واسماعيل م93 وفرجج م99
اما عماميي اثنين كل واحد يسكن في مدينهه منقطعين عمي الكبير اسمهه عبدالرحمن عنده 6 شبابب وثلاث بنات صالح وعوض ويوسف وعمر وابراهيم وجمال كلهم كبار مش متذكره مواليدهم بس في واحد منهم متزوجج والباقي مش متزوجين وعنده حليمهه متزوجهه م77 وصفاء م89 متزوجهه حتى هيا هن الاثنين طيبات يعني ممش كيف بنات عماتي وعندي عميي سالم عنده ثلاث بنات وولدين امنهه م95 طيبهه وديما في حالها ريناد م2000 لسانها طويل بس طيبهه 😂 وسارة م2002 اكبر مني بسنهه دديما ع الصامت وساكتهه وعنده موسى م 2004 ومحمد م2009 ❤
وخـلاص ههذوم عائلـة بابا خلـونا نرجـعوا لـروايتنـا:)
جـا وقـت نبـو نغسـلو العـوايز خشيـت عليـهنن فيي الـدار لقيـت كـل وحدهه ماسكهه تيلفونها وقاعـدات ع الـنت عـديتت طفـيتت عليهنن الـنت رقيتلـي وخشيـتتت وانـا الشـر فييي عيونـييي 😂
انا ربعتت يديي:معليشش يعنيي وحداتت يجنن يساعدناا فيي غسل العوايز مش طريقهه راهه من العشيهه وانا قاعدهه في الكوجينهه وانتن متمدات وغيير تاكلنن عليش جاياتت مالا هيا وحداتت يجنن يغسلن معايا افتخار تضم في الحوش 😑
ماما بحتت في بصدمهه :مروه 😨
عمتي مبروكهه :صبيي يا استبرقق ساعديي البنات
انا:بعد ايش توا ككيف خطرت تقوليها
ابتهاج:انا كرعيي يوجعن فيا مش قادره نصبي
انا:ياي اسملهه عليا اانا 😒
خالتي اماني:توا نجي نساعدك انا يامريوه
انا:لا ياخالتي ماتصبي من الصبح انتي وماما ماتريحتنش اهي دار معبيهه بنات ماشالله توا يتحشمن ع وجوهن ويصبن ☺
خالتي اماني:😨
عمتي مبروكهه:طالعلكك لسان ييامروه تغلطي في بناتي وبنات خواتي قدامنا شكلهه خوي معرفش يربي😒 وبحتت في ماما
انا :لا ياعمتي نقول في الحق انا مقلتش حاجهه غلط تهايالي بناتكك وبنات خواتكك من اول ماجن ماتحركن بكل قاعدات في هالدار وع النتت ووكال وضحك وبس هذا اللي جايات عشانهه بعدينن الحمدالله متربيهه خير من تربيتكك ومن تربيهه بناتكك ومتغلطيش في بابا الحمدالله بابا ربانهه احسن تربيهه ع الاقل حتى لما نمشو للناس نساعدوا فيهم من غير مايقوللنا حد حتى لو كانو برانيهه والحمدالله ع نعمة التربيهه وكان ع العوايز توا نغسلهن انا انشالله حتى طناجر نقعد عليهن ونطلاهن الحمدالله طالعه لماما وخواليي وتوا نشوفو من ح يصبيلكنن ف مناسباتكن شاطرهه غيرر تججيي اتبككي ايامم تلبيسهه ابتهاجج تبيي حد يساعدكك 😏وطلعتت وسيبتهن 😂😌
افتخار:شن درتيي انتي حي ع امكك
انا:افتخار فكيني من الطيبهه متاعتكك هذي واسكتييي
نور:خليها اصدقتت ففيهنن
انا:توا نوريهن المعاملهه شن شكلها 😌
عندهن فـي الدار كلهن مصدوماتت من الكلامم لي قلتهه 😂
عمتيي مبروكهه:سمية امسكيي بنتكك اطاولتت واجد تبيلها تربيهه من جديد
عمتيي مقبولهه:عليكك زمنن مروهه تهزبنا عقاب فرخهه صغيره
استبرق:قليلة ادبب اصلا هيا مش متربيهه
ماما:معليش متغلطنش في بنتيي وهيا كل كلمة قالتها صاح
عمتي خديجهه:شنن اللي صاحح بنتكك قليلة ادب ناقصها تربيهه
ماما:لا الحمدالله بنتي متربيه واحسن تربيهه ع الاقل تفهم في الاصول
ريان:ماما رنيي ع فارسس خليهه يجي يروح بينا شن هالمهزلهه هذي
خالتي اماني:وسعن بالكن ياصبايا مش هككي
عمتي خديجهه:شن تبيناا نديروووو مثثلاا تبينا نقعدووو بعد لييي سمعناهه من فرخهه صصغيرهه مش متربيهه
ماما صبتت:هذي اخر مره نقوللكن معش تغلطنن في ببنتيييي
خالتي اماني:ياصبايا عيب عليكن اهدن
عائشهه:اهدي ياماما توا تنحل
عمتي خديجهه:اسكتتييي انتييي لخررررا
عمتيي مقبولهه رنتت ع فراسس وقالتلهه يجيي ياخذهمم
عمتيي مبروكهه:حتى اناا نرنن ع حاتمم ييروحح بينا
ماما طلعت من الدار وسيبتهن ولحقتها خالتيي امانيي
استبرق:قليلة الادبب هذي توا نربيها انا
فاطمهه:ماناقصص الا مروهه تطلقق لسانهها علينا تبنن تسكتنلها مثلا
عمتيي مقبولهه:قلة ادبب
عمتيي خديجهه:هيا فرجج برا
عمتيي مبروكه:حتى نا اهو حاتم يرن
عمتي مقبولهه:حتى نا هيا البسنن
عنـدنا نحـن
ماما:شن اللي دريتهه هههذا مش قتلكك فكينا من المشاككككل
انا:خليهنن يبن هكك من الاولل اصلاا
خالتي اماني:بس عيب يامريوه مفروض ماحكيتيش هك
انا:تي اي عيب ع اساس يعرفن العيب هنا كان يعرفنا راه تحشمن ع وجوهن وصبن ساعدنا
نور:صاح مش طريقهه هذي
افتخار:بس توا يحطنك في راسهن
انا:ييديرن اللي يبن يديرنهه
ماما:لا حول الله عاجبكك هكك نحن ماصدقنا افتكينا من المشاكل
شووي طلعنن
خالتي اماني:مروحاتت
عمتي مبروكه:ها مالا بنقعدو
انا:خلاص اصلا عليش قاعدات جايات ع الوكال بس شبعن بطونهن ويبن يروحن
زينب:هي انتي ياماما من بدري ساكتتلكك راه
انا:ياي وشن بديري مثلا خوفتينييي ولا تبيي طريحهه كيف اللي من قبل 😉
ريان:احترمميي نفسكك خيرلكك
انا:احلفي شندخلكك انتيي داكهه خخشمكك
فاطمهه:ناقصتكك تربيهه انتيي
انا:الحمدالله شوفي روحكك بلكي ناقصتكك انتيي
عمتي خديجهه:اسكتن وهيا يراجوا فينا برا
انا:مربوحهه طريقق جججديي هذكك
طـلعن وروحـن
انا:شبعن بطونهن وكملن االنت وروحن جايات عشان هك اصلا
خالتي اماني:لا حول الله وخلاص
نور:هيا توا نجي نساعدك في العوايز
انا:لالا خليك توا نغسلهن
ماما:عدي ي افتخار ساعديهها
افتخار:بهه
خخشوو وسيمم ووسام وحمزه
وسام:شن فيي كنكم
ماما:كنهه
وسام:خطمت من احذا عماتي وهن طالعات قلت خير محد ررد عليا
وسيم:نشم في بنة عركة
حمزه:اكيد مروه متعاركهه مع وحدهه منهن
انا:اهاا كلهنن اخرى بعماتكك بكل
وسيم:حي عنمهه 😂😂
وسام:احكو القصهه
افتخار:القصه انهه .........وهذا اللي صار
وسيم:واو واو واو 😂😂😂😂😂😂😂😂
حمزه:ياعنجد الهزايبب هذينن كلهن
وسام:حي عليكك يامروه كان يعلم باتي بالقصهه
انا:عادي نحكيها لهه حتى اناا مادرتش حاجهه غلط اصلا واللي قلتهه كلهه صاحح
وسيم:صحهه لكك 😂
ماما:توا شن بندير انا ماصدقنا اصلحت العلاقهه ردن المشاكل اخرى
انا:ع اساس ميتين عليهم نحن اصلا ما افتكينا الا منهم
نور:هيوالله 😂😂
خالتي اماني:خلاص حصل خير هيا نكملو عقاب حوستنا
وسيم:حطولنا عشاء متعشينش
ماما:نور حطي لخوتكك عشاء
نور:باههي
حطـت نـور عشـاء للعويـل وغسلـت انـا وافتخـار العوايـزز واول ماخشيـت للـدار طحـت ع الفـراشش طـول 😂بعـدها صبـيت غيـرتت دبشـي ورديـت لفـراشيي ورنيـتت ع محمـد
انا:الو
محمد:وينك طولتيي
انا:واللهي توا كيف فضيت وكملت العوايز 😣
محمد:اها كنهه صوتك هك
انا:تعبانهه
محمد:سلامتكك ياقلبيي باهي كان تبي ترقدي صكري عادي
انا:لالا نبي نحكي معاك ❤
محمد:باهي ع راحتكك بكرا جايهه للمدرسه
انا:لالا
محمد:وامتى بتججيي شينهه المدرسهه بلاكك
انا:انشاءلله بعد بكرا او اللي بعده
محمد:باهي نصبروا
انا:رايفت عليك ☹
محمد:تي انااا اكثثثثر منكك مرايفففف ع ضحكتكك اليي نصبحح عليها كل صبح
انا:انحبك❤
محمد:نمووت فيكك 😍
انا:حمادي
محمد:عيونهه
انا:انحبك
محمد:تيي انا نموت فيكك ونعشقكك 😍❤
انا:اوعدني
محمد:بشنو
انا:انك ماتسيبني ولا تخوني ولا تحب غيري وتقعد معاي العمر كلهه ❤
محمد:وعد مهما صار بينا مستحيل نسيبكك ياهبلهه انا مستحيل نحب غيركك انتيي الوحيده اللي خذيتيي قلبييي وانشالله العمر كلهه مع بعضنا وتقعدي ححلاليي 😍❤
انا:😴😴😴
محمد:الو
انا:😴😴😴
محمد:رقدتتيي يعمريي تصبححي ع الفف خير ❤ وصكـر
امـا انـا فـ مشيـتت ف ي سبـاتت عميـقق بعـد تععـب اليـوم 😣
ـــــــــــــــــــــــــ
نـورالدين كـان تفكيـره كـلهه فـي افتخـار "عيـونها صـوتهها مفيـش نقطـة مكيـاج فـي وجـهها شكـلهه قلبـيي اختـاركك انتـي ي افتخـار بـس وسيـم ووسـام اصحـابيي كيـف بنـدير انـا حبيتـكك بعـد فـرح نـور ح نجـي نطـلبكك ههـذا افضـل حـل ❤"
ـــــــــــــــــــــــــ
امـا عنـد مـلاكك كـانتت تحككـي مع هـدير
هديـر:يعنني بنديروه في المدرسهه
ملاك:اها فـيي المـدرسهه وانـا ح نجيـب مـعاي حـاجاتت
هديـر:تمامم نتلاقـوا
ملاك:تـمم وسـكرت
رتاج:شن بديريي
ملاك:بكرا توا نطلع مع عزو نجيبلهاا هديهه وندير تشيز كيكك هيا غالي عليها
رتاج:باهي تمام عدي اتفقيي مع عزو من توا
ملاك:تم ومشتت
ملاك:عزو عزو عزو
عزو:هاا
ملاك:اسمع عيد ميلاد مروه بعد بكراا يعني يوم الثلاث واتفقت مع صاحباتها انهه نديروه في المدرسهه ونحن يوم الثلاث بنمشولهم عشان تلبيسة نور ونبو نطلعو بدري اصلا الطريق مش طويلهه بينا ووبنيهمم يعني قول نوصلو غادي 11 وبعد نوصلو غاديي ننزلوا نتريحوا شويي ونمشو نا وياكك لمدرسهه مروهه فهمت عليا
عزو:فهمتت فهمتت خلاص تمام توا نشيلكك
ملاك:باهي بككرا نبي نمشي نجيب هديهه تشيلنيي
عزو:باهي تمام هيا وجك بنرقدد
ملاك:شكرا يا احلى اخخخ ومشت خشـت لفـراشهها ورقـدتت ❤.
ـــــــــــــــــــــــــ
عنـد محمـد بعـد صكـر منـي جـا يبـي يرقـد رن تيلفـونهه رقـم غريب مبش يـرد بـس بعـدها سـكن الرقـم رد
محمد:الو من معاي
:معقولهه ماعرفتنيي يامادي
محمد مسح بيدهه ع وجهه:نعممم شن تبيي يا الينن
الين:بدري رنيتت لقيتك انتظار شكلك كنت تحكي معاها
محمد:اختصري
الين:الله الله تذكر زمان ايام كنت تكلم فيا في الوقت هذا
محمد قعد يذكر في ايامم هوا والين كانو يحبو بعضهمم:هه انتيي ياللي ضيعتيي قلبب كان يحبك
الين:محمد والله صاح غلطتت بس سامحنيي انا نستحق فرصهه اي اانسان يغلط ويسحتق فرصهه ثانيهه سامحنيي انا والله انحبكك ومحبيتش غيرك 😭
محمد:اليننننن قلتتت خلاص اناا انحبب مروهه خلاصصصص
الين:بس متنكرش اللي كان بينهه يامحمد وعارفهه انكك مش ححاككيي لمروهه شيي وع اساس ماعمركشش حبيتت من قبببل
محمد:اليين ريحيي روحكك خلاص انا وياكك انتهيينا خلاصص وصكر عليههها حط رقمها في الرفض
محمد:استغفرالله العظييم هذي مش ح تريحح روحهها وتغطى ورقـد
اما اليـنن رنت عليـهه اخرى لقاتهه حاطهها في الرفضض
الين:مماشييي ي محممد كان مارديتت ايامم زماننن وردينا كيفف قببل ميقععد اسممي الينن اما مروه هذي ح نقهرهها في وسسسط عمرهها 😌🔥ورقـدتت
ـــــــــــــــــــــــــ
عنـد عبـادي وعيـسى كـانو مكسـدين فـي السيـارهه
عيسى:عبادي
عبادي:ها
عيسى:نسالك وجاوب بصـدق
عبادي:شنو
عيسى:انت تحبب ملاكك صاحح
عبادي سكتت
عيسى:متنكرش ياعباديي واضحح من عيونكك اللي فاضحاتكك
عبادي تنهد:صاح كلامكك نحبهها بس بعد شنو بعد اللي درتهه انا فيها مستحيل تسامحني او نرجعوا كيف قبل اللي درتهه فيها مش شويهه انا كنتت نبيي ناذيها انا جرحتها وكسرتت قلبها ياعيسى مستحيل تسامحنيي💔
عيسى:جرب احكي معاها مرات تسامحكك
عبادي:مستحيل
عيسى:ربكك يفرججها ☹
عبادي:ياررررررببب 💔
عيسى:ها نروحوا
عبادي:اها هيا بنرقد
عيسى ولع سيارتهه ومشـو روحـو خـش عبـادي لـدارهه رقـد ع سـريرهه وهـوا يفـكر فـي مـلاكك بعـدها رقـد ☹❤.
ـــــــــــــــــــــــــ
يتبــــعع❤!