بنـات الخخـاله♥!

الحــلقـة الخـامسـهه عشـر♥!

ثـاني يـوم وعيـت فطـرتت وقعـدت نسههـري مـع البنـات
انا:وباههي امتى التلبيسـهه
نور:مازال كنك مركبهه انتي
انا:حسيتكك طولتي 😂
افتخار:ايوه عدي بيش ناخذ داركك
انا:والله وتخليني نرقد بروحي في الدار
افتخار:شن بيطير عليك 😒
انا:لالا فيي عينكك ماتسيبينش ولا نحككي لبابا
افتخار:غير تدردح نور قبل بعدها لكل حادث حديث 😂
انا:ايوه 😂😂
نور:عينكن داري محد يرقد فيهها نقفلها وناخذ معاي لمفتاحح
افتخار:عاجبكك توا 😒
انا:احسنن بيش ماتسيبينيش بروحي 😂
مامـا:مروووووووووههههههههههه
انا:بسم الله الرحمن الرحيم
افتخار:مهاب بص عليكم 😂
انا:واللهي ماليا ذننب حسبي الله فيكك ياوسيمم جعنكك تلقاها 😭
ماما:انتيي يازفتهههه تعااالي هنا
انا:نعم ياماما
ماما:شنو ههذا القراجج من الصبحح صيقتهه بروححي ونشفتهه شنو هذاا
انا:والله ما انا وسيم والله وسيم هوا لي قالي
ماما:وسيمممم
وسيم جا:نعم
ماما:شنو هذا
وسيم:شنو
ماما:هههذا شنوو
وسيم:هذي اميهه
ماما:ومن دارهاا
وسيم:مروهه
انا:ككذاب والله كذااب والله مش بروححي هوا صاحب الفكرهه اصلا
وسيم:كذابهه انتي لي جيتي وقلتيلي وسيمم هيا نلعبووا بالميههه 😒
انا:اعوذ بالله انت لي قتلي نمشي نجيب امبولاتت ونعبوهنن اميهه ونقعدوا نطلقوا في بعضنا
وسيم:انتي لي قلتيلي مش نا
انا:تي بلاش كذببب
ماما:خلااااص اسكتوا اتعارككوا قداممي مفيش احترامم بكل توا هذا نبي نمشيي للمحلات انا وحمزهه نروحح نلقى القراجج يلمععع
انا:باههي
وسيم:حاضر
ماما عدتت هيا وحمزهه وقعدنا نا ووسيم نلموا في القراج
انا:كلهه منكك
وسيم:كذا اسكتي من اول مقعدنا نلموا في القراج ونتي تقولي كلهه منك توا نطلق فيك السياقهه هذي
انا:ثقييييل 😒
واللـي صار 😂👇
وسيم:مروه
انا:ها
وسيم طلعع شكاره فيهها امبولاتت :هوا كساد كساد تعالي نعبوهن اميهه ونلعبوا في القراجج واسع
انا:بههه 😍
مشيـنا وقعـدنا نطلقوا فـي بعضـنا والقـراج تعبـى امـيهه
انا:حي علينا من ماما توا تهزبنا
وسيم:افتحي الرواشن توا تنشف الميه
انا:بهي
فتحـنا الرواشـن وسيبـنا القـراج معـبى اميـهه ومهـاب يتفـرجج عليـنا وعـدا قـالها لـماما 😂
كملـنا انا ووسيـم القـراج وسيقـناه وفـتحنا الرواشـن وخشيـنا
انا:وين وسام
وسيم:اليوم الفرح
انا:اها 😔💔
ـ ـ ـ ـ
عنـد وسـام "قـاعد مدرس سيـارتهه فـي الشـارع اللي فيـه حـوش اريـام الفـرح دايـرينهه فـي الحـوش لانـهه عـائلتهمم طشـهه ومعنـدهمش فـلوس يـديروه فـي القـاعهه امـا انـوار هييـا واختـهها فـرحهنن مع بعضـهن لاكـن انـوار راجـلها اسمـهه خالـد كـانت دايـرهه مـعاه علاقه ايـام جـامعتها وجـا طللبـهها ولانـهه هـوا عنـدهه فلـوس دار فـرحهه بروحـههه يعنـي مش مشتـرك بيـن اهـل العـروس انـوار جـاها عـريسـهها وخـذاها مـن الـحوش للـصالهه امـا اريـام عـدت مـع ولـد عمـهها للشـقهه اسمهه"خليفـه" ووسـام اول مـاطلعتت اريـام مـن الحـوش وركـبت فـي السيـاره وهـوا قلبـهه يتقطـعع عليهـا ولـع سيـارتهه وعـدا لمـكانهه المـعتاد لـي كـل مايضـايق يمشيـلهه عـدا للبـحر 💔.
ـ ـ ـ ـ
عنـد اريـام اول مـاركبتت السيـارهه وهيـا تبكـي وتـرعش
خليفه لسانهه مرخي :تي كنك انتي قالبتيها نكد من اول يوم
اريام مردتش عليهه
خليفه خبطهها ع كتفها:نحكي معاك انا لما نحكي معاك تردي عليا
اريام خافت:اه نعم نعم
خليفه:كنك خايفههه تقول ماشيه مع عزرائيل ههههه ولا خايفهه من بعدين
اريام في سرها :ياربييي فرج عليا ياربب ساعدنني نشالله تنقلب بينا السيارهه ومايلمسني يارب 😭💔
خليفهه:متخافيش ياقلبييي منبيش ناكلك نا
اريام:ركز في الطريق مالك ومالي
خليفه:من اولها طولت السان غير نوصلوا للحوش بس وربي نوريكك
اريام خافتت وبدتت تبككي اخرى
وصلوا للشقه نزلت اريام تمشي بسرعهه وخليفهه جاي وراها وهوا راقي من دروج الشقهه لقى صاحبهه قعد يحكي معاه اما اريام حمدت ربي مليون مرهه ورقت تجري خشت للكوجينهه خذت موس وطلعت مسدس كانت واخذتهه من بوهاا وعدت قفلت الدار عليها وغيرت دبشها ولبست لبسهه طويله وواسعهه بعد شوي رقى خليفه
خليفه:تي وينكك انتييي
جا وقعد يخبط ع الباب ويتمايل جاي وغادي
خليفهه:افت افتححيي الباببببب يا**
اريام كانت مقعمزهه ع الصلايا وتدعيي انهه مايخشش عليها
خليفه:تي وربييييييي نكسررر الباب عليكككك افتحيييي يا*** افتححييي
اريام:نشالله تموت في مكانكك مش فاتحههه الباب وربي ماني فاتحههه وكان كسرتههه معاييييي مسدسسس تكسر الباب نقتلكك ونقتل روححي وربييييي منبصرررر راهه 💔
خليفه:تمام يا اريامم سيورهه ينفتحح الباب وعدا
اما اريام طاحت ع ركبها وهيا تبككي ومنهاره وتحمد في ربي انهه مخشش عليها 💔
اريام:ياربييي فرجج عليا يارب ماليا غيرككك انت لي عالمم بحالتيي يارب ارحمنييي الموت ارحملييي ياربي خلصنني من العذااب هذا 😭😭💔
وكملت ليلتها وهيا تبككي بعدها صبت دفتت الدولاب لي في الدار ع الباب عشان مايقدرش يفتح الباب وقعدت تصلي وتقرا في قران ورقدتت 😔.
ـ ـ ـ ـ ـ
امـا وسـام كان منههـار ع الاخـر ويـدععي انهه ماصـارش شي بينـهمم ويـراججي امتى يهلـب اسبـوعع بس عشانن يـدير لي فـي راسـههه.
ـ ـ ـ ـ ـ
انـا كنت قـاعدهه نقـرا وبعـدها صبـيت وتيـتت دبشـيي وغيـرت جـدولـيي وادوشـت لانـهه بـكرا مـدرسـهه وخشيـت فـراشيي وحكيـت مـع محمـد بـعدهها رقـدتت.
ـ ـ ـ ـ ـ
مـلاك حكـتت مـعع عبـاديي وطلـب منههـا صـور اخـرى وهيـا مسمعتـش كـلاممـي وقعـدت ادزلـهه وعبـادي يخـزن فيـهنن فـي الفـلاش .
ـ ـ ـ ـ
ثانـي يـوم وعيـت فطـرت ولبسـتت ووصلنـي وسـام للمـدرسهه
انا:صبـاحححح الخخخيرررر
البنات:صـباحح النور
انا:اشحالكن 😂
جود:سلم حالك 😂
هدير:رايق صاحبنا اليوم
انا:من
هدير:الين
انا:ووه كبدي زعمت اذكري حاجهه كويسهه ع الصبحح 😒
هدير:من بدري وهيا تسهوكك وكل ما وسكتت
انا:وكل ما شنو
هدير:شي خلاص
انا:قتلكك شنو انا
نسرين:كل مايخطم محمد تقعد تبتسملهه بس هوا ميعدلش عليها
انا:توا نعلمهها الادب شكلها تتبي طريحهه اخرى
اسيل:شكلها ناويهه ع حاجهه البنت هذي مش متريحتلها
انا:خليها ادير لي تبي اديرهه
خلود:افطني كويسس شكلها مش ساهله
مرام:من عند عيونها هذين باين فيها الخبث 😂
انا:خلاص متخوفنيش
مريم:رعشتن البنت ع الصبح فوتيهن متقدرش ادير شي
نسرين:والله انا حاسههه واحساسي كبير انهها ناويهه ع حاجههه
انا:بنات جيعانه
نسرين:احسن حاجهه غيرتي الموضوع طول 😂😂😂
انا:تي الواحد يقعمز معاكن يخاف رعشتنيي ع الصبحح 😒
جود:انبهو فيكك بس افطني
انا:هدير تمشي معايا للمقصف
هدير:هيا 😂😂
جود:تفو 😂😒
انا:خزووو
مشيـنا انـا وهـديرر للمقصـف
انا:شوفي يونس كيف يبحت فيكك
هدير:فطنتيلهه حتى انا فاطنتلهه حتى في الدرجج مرات يقعد عيني عينكك
انا:شكلهه كبد
هدير:كبد عينك
انا:حتى انتي شكلك مكبده 😂
هدير:شن تبي تشري
انا:غيري الموضوع باههي قولي ماقالتها مروه كان ما انتي مكبدهه فيهه
هدير ابتسمت:خلاص يابارده 😂😒
انا:حي عليهمم شن وراها الابتسامهه هذي 😂😂
هدير:عطينا عصير معليش
صاحب المقصف:تفضلييي
خذينا العصير ومشينا خطمنا من احذا الين وشلتها المشكلهه اني مابحتشش في وجهها بكل مغير تبي ادير عركه
الين:تعالي كوليني وخلاص
انا رديت عليها وقلت:ماناكلش في لحم الحمير للاسف
هدير:ووويووززززززززززععععع قوووووووووووول 😂😂في منتصففف الجبهههه 😂
الين:ههاي
انا:ممكن سؤال
الين:نعم
انا:هلك مايجيبوش في معجون للحوش رائحة فمكك كريههةة الحق ارحمينا😊
هدير:بطني 😂😂😂😂😂😂😂😂😂😂😂
الين:متخلينيش نصبي نعطيكك طريحهه سمحهه ع الصبح
انا:ياماااممييي خفتتت الحقونني الين تبي تضربنيي هدير نبي ننطمر وراك 😂ههههاي تي عدي مش ناقصتكك انا جوي فنتاستكك اليوم مش فاضيه لوحده كناسهه زيك ومشيت انا وهدير
هدير:شن القصف هذا 😂😂😂😂😂
انا:نقول في الحق والله 😂😂😂
هدير:الحبب جاا 😉😂
انا:وووه ياكبديي ذبتت اليومم ع الاسود لابس 😍
هدير:اهه ياقلبييي
انا:هييييي تحشمي 😒
هدير:نسيتك والله 😂😂
محمد:صباحح الخير
انا وهدير:صباح النور
هدير:معناها انا نمشي لشلهه السناقل اللي غادي بلكي ربي توا يبحت في حالنا ومشت 😂😂
محمد:😂😂😂😂
انا:شنجو
محمد:تمام بشوفتكك ♥
انا:اليوم دايرها ع الاسود 😂😍
محمد:شن رايكك بسس 😌😌😌
انا:تجنن لبستك 😍معش تلبسسس هكك
محمد:عليش
انا:شوف البنات كلهن يبحتن فيك 😒
محمد:نعلي من الغيور 😂😍
انا:شوووف شوف هذكك تبحت عيني عينك حول هك نمشي نطيرلها عيونها 😤
محمد:تعاللي هنا وين ماشيههه ياهبلهه 😂
انا:نمشي نهزبها شوف كيف تبحت شوف هههي توشوش في صاحباتها اخرى حول هكك معش نقدر انا
مشيت للبنت ومحمد وراي 😂
انا:هيي انتيي
البنت:نعمم شن في
انا:حولي عيونكك غادي ولا نطيرهن لكك
البنت لخرا:تي حولي هك قطعتي برزقنا
انا:محماط يمحمطك انتي وياها معش تبحتن فيهه ولا ح تاخذن طريحه ع الصبح
البنت:ومن انتي اصلا عشان تامريني
انا:ياروحح امكك هذاك يقعد حبيبي تحشمي ع وجهكك ياباردهه ياحلووفهه
البنت لخرا:حي حي جاي شورنا
انا برمت لقيت محمد جاي قعدت نفنص فيه 😂
محمد جا مسكني مع يدي :هيا ياقلببيي الصحهه قريب ترن 😂♥
انا بابتسامهه نصر:حاضر ياعيوني 😂
البنت:عطهاا مرض خذاتهه. 😒
البنت لخرا:عليك بخت بختنا
مشيـت انا ومحمـد
محمد:شن قتيلهن 😂😂😂
انا:قتلهن معش تبحتن فيهه ولا عيونكن نطيرهن لكن 😌
محمد:ايوهه ياشخصيهه انتي نعليا منك ياغيوره 😍
انا:بععد خطرهها
محمد:شنو
انا:كننها اللي ماتسمى هذي اليين تبتسملك ع صبح ربي يجني في الاخبار راه حاطتلكك استخبارات في المدرسهه
محمد:تي هيا توزع في ابتسامات مش عارف كنها فوتيها
انا:امممممممم 😑
محمد:نبي نمشي للشباب انا
انا:باهي
مشى محمـد لاصحـابه ورديـت قعمـزت مع البنـات
جود:خفو علينا ياجماعهه
هدير:راعو مشاعرنا ياجماعهه
نسرين:حسوو بينا ياجماعهه
انا:معندي منديرلكن 😂😂
قعـدنا نسههـروا ونبصـروا وبعـدها رقيـنا للفصـل خـذينا اول حصصص بـعدها نـزلنا استـراحهه فطـور
نزل فصلـنا كـلهه للسـاحهه ومعـش لقيـت محمد قعـدت ندور فيـهه مالقيتـش اختفـى استغـربت قعمـزنا نفطـروا انـا والبنـات وبعـدها جتنـي بـنت
البنت:انتي مروه
انا:اها نعم
البنت:تعالي نبيكك شوي
انا صبيت ومشينا بعيد شوي:نعم شنو تبي
البنت:من بدري نشوف فيكك ادوري في محمد
انا:وباهي شن عرفكك له محمد
البنت:تبي تعرفيي حبيبكك وينن عدي ورا المدرسهه شوفيه مع من قاعد 😏ومشت تجري
انا كانهه حد صب عليا ميهه ساخنهه قعدت الدنيا تبرم بيا بعدها فطنت لروحي مشيت ليونس ومنصور
انا:يونس مشفتش محمد وين 💔
يونس:لا والله نزل معانا توا بعدها اختفى
انا هنا تاكدت انهه كلام البنت صاح مشيت بدون منرد عليه وخطمت من احذا البنات قعدن ينادنلي مرديتش عليهن مشيتت وانا قلبي يدقق ودموعي قعدن ينزلن لا ااراديا ونا ندعي ونقول يارب تطلعع كذب يارب يقعد مقلب مشيت ورا المدرسهه ونا نمشي خطوه ونوخر صبيت وشفتت اللي تمنيت في حياتتيي مانشوفهه 💔
شفتت محمد مصبي ومعاه الين ويحكوا وانا نشوف فيهم مخليتهمش يفطنولي
محمد:باهي شن المطلوبب مني
الين حطتت يدها ع صدر محمد:تسيب مروه انا نحبكك حرام عليك شن ذنبي انا نعطيك اي حاجهه تبيها بس سيبها وحبني انا
محمد:في احلامكك هذي
الين فطنتليي ضحكت وحطت يدهها ع خد محمد وباساتهه
محمد:شن اديري انتي 😠
انا كانهه حد نغزني بموس في قلبيي بعد شفت اللقطهه قلبي وجعني ودموعي لا اراديا ينزلن انا نشوف فيهم شن يديروا بس منسمعش فيهم لاني بعيده عليهم
انا معش قدرت نتحمل وجيتهم
انا:برافووو ماشالله عليكم ماشالله ربي يحفظكم من عين الحسود ماشالله عليك يا استاذ محمد طلعت ممثل والله يسير منكك ممثل 💔
محمد:مروه والله فاهمههه غلط انتي خليني نشرحلكك بس 💔
انا قعدت نضحك ودموعي ينزلن:لالالالالا متعبش روحك وربي فاهمهه كل حاجهه 😂
محمد:مروه خليني نشرحلك
انا:شنو ابدعنا توا بدت الحلقه ياللي مش معروف رقمها كم 😂
محمد:مروه والله انحبكك انا وربي نحبك تي هيا قالتلي نبيك في موضوع وقعدت اديرلي في جو دموع وقعد يحكيلها في اللي
انا:امممممم خلاص توا ننشروها الحلقهه هذي 😊
محمد:مروه وراسكك افهميني
انا هنا معش تحملت ونفجرت فيهه وقعدت نبكي:خطانيي انت كذاب تكذب عليااا خطانننيييي 😭😭💔وبحتت في الين لي تضحك قهرتني والله لاكن خذيت منها حقي وعطيتها طريحه
انا:خزي عليكم ربي يوريني فيكم يوم
محمد:مروه راججي مروهه نفهمكك وراسكك صدقيني وربي نحبكك انا والله االعظيمم القصه كيف ماحكيتلك وماكذبتش عليك في حرف وقعد قريب يبكي وهوا يجدهه فيا
انا:مستحيل نصدقكك يامحمد مستحيل ومشيت وهوا يناديلي مبيتش نرد عليهه مشيت ونا قلبيي محروقق من جهة مصدقهه محمد لاكن كل مانذكر الموقف قلبي يوجعني ونحس روحيي رخيصهه ومعنديش كرامهه مشيت للمكان لي ديما نقعمزوا فيهه انا ومحمد اللي وعدنني فيهه انه مش ح يخوني ومش ح يحب غيري قعدتت نبكككي بهستيريا غريبهه ونقول كذاب كذابب 💔"والله موقف حقير اللي انحطت فيهه مروهه يعني اي حد مكانها كان ح يدير هكي بس حتى محمد مظلوم 😔"
عند محمد
محمد قعد يعيط:انتييي شن الليييي درتيييههه شنووووو ليششش تبيييي تفرقيييي بينيييي وبيننننها ليشششش للدرجههههه هذيييي قلبككك اسووود معندكشش مشاااععرررر متحسيشششش انتييي مش انسااانهههه انتيي مش بنيييي ادمههه وربيييييي
الين:اللي ندير فيهه عشان انا نحبكك ونبيكك انت
محمد :وانااااا منحببككككككشش افهمييييييييييييييييي كيففف تفهمممييي انتييي باااااييي لغهههه تفهميييي منحبكشش خلي عندكك شوي كرامهههه ديري قدر لروحكككك
الين:انا نحبكك وصدقني ح ناخذكك منهاا وانا قلتهاا ومشت
اما محمد قعمز ع الارض وقعد يبككيي 😔💔وبعدهاا صبى ومسحح دموعهه وقال:انا لازمم نخلي مره تصدقني انا نحبها وربيي نحبههها 💔وعدا يدور فيها
محمد:هدير مشفتيش مروه
هدير:نحن برواحنا ندورو فيهها
محمد اذكر المكان ومشى يجري
جود:شفتي عيونهه حمر كانهه كان يبكي
هدير:انا حاسهه في حاجهه
جود:حتى انا يستر الله وخلاص
ـ
انا كنت مقعمزهه ع الكرسي اللي احذا الشجره ونقرا في الكلام اللي كتبناه انا ومحمد ع الشجره
انا:ليش يامحمد ليش ماوفيت بوعدكك ليش كذبت عليا 😭💔
محمد:بس انا مكذبتش عليك ومازلت ع وعدي لك
انا يرمت وبحتت فيهه:تي شفتكك بعينني شفتكك متكذبش علياا يامحمد خلاص ساد كذب خلاص 😭
محمد:مروه اهدي خليني نفهمك
انا:منبيشششششش نهههداا منبيشششش نفهمممم
بعدها قعمزت ع الكرسي وقعدت نبككي لانه راسي بدا في الصداع كل مانبككي واجد يجيني صداعع قوي بكل
محمد:مروه كنك مروه
انا:راسي راسي نبي نروحح راسيي 😭
محمد :خلاص اهدي تعالي نمشو للادراه ترني ع وسام يجي ياخذك
انا:منبيششش نمشييي معاكك كلم اي وحده من البنات
محمد:باهي حاضر اهدي بس انتي ومشى يجري يكلم في البنات
محمد:هدير هدير نوضي بسرعهه اي وحدهه بسرعه
هدير:كنك بسم الله
محمد:مروه مروه
نسرين:حي علينا كنها
محمد:مش وقت نقاش توا اي وحده تمشي تشوفها قاعدهه عند الشحره لي احذاها كر
مكملش جملتهه الا والبنات طايرات طير شوي لحقهنن
هدير:مروه كنك حي علينا كنك يافرخهه
انا:نبييي نروحح راسسييي يبييي يتفجر مش قادرهه نسمع شيي 😭
جود:مرام عدي جيبي شنطتهها من فوق
محمد:هيا نمشو للاداره
انا:منمشيش معاكككك اناااا منبيشش نمشي معاكك
هدير:مروه كنك
انا:مكنيششش منبيشش يمششي معاي منبيششش نشووفهه
البنات مش فاهمات شي ويبحتن فيا باستغراب
محمد:خلاص اهدييي انا توا نمشيي ومعش تشوفيي وجي بكل 💔بس اعرفيي انيي نحبكك واني مخنتككش ولا كذبت عليكك في حرف
مشى محمد وانا قعدت نبككي
انا:ليششش ياربييي ليششش هككك اناا ليشش معنديشش حظ في شيييي حسبيي الله ونعممم الوككيللل 😭
جود:مروهه اهدييي وفهميناا يافرخهه
انا:راسي يا بناتتت نبييي نروحح راسي يبي يفتجر مش قادرهه 😭
هدير:خلاص يابنات توا خلن الموضوع هذا بعدين تعالي هيا نمشو للاداره ورنيي ع وسام يجيكك
انا:به 💔
مشن معاي البنات للادارهه ورنيت ع وسام وباههي اللي استوعبب وفهم اصلا
انا:الو
وسام:ايوهه من
انا:مروه مروههه
وسام حول الفون مع وذنهه وبحت للرقم ورد حطهه ع وذنهه:مروه?
انا:وسام تعال خوذني من المدرسهه
وسام:رقم من هذا يابتت ووين قاعدهه وكنه صوتكك هك
انا:وسام تعال للمدرسهه مش قادرهه نحكيي راه
وسام:باهي اني جاي
سكرت من وسام وقعدت نراجيي فيهه بعد شويهه جاني
وسام:تي كنك ازح كنك تبككي شن صاير
انا:راسيي يوجعع فيا
وسام:ردت نفس القصهه راسك مايوجعكش الا اما تتقعدي تبكي يعني كنتي تبكي
انا:مابكيتش يرا جاني صداعع هك مره وحده وقعدت نبككي
وسام:باهي نتكي بيك ع العياده
انا:لالا نبي نروح للحوش
وسام:باهي هيا
طلـعنا من الاداره صادرتني الحربهه الين معبرتهش ومبحتش فيها بكل
الين:انشالله هذا خوهها 😱
صاحبتها"اروى":نعلييي طرررف 😭
الين:ذبتتت 😭
اروى:نبيههه 😭
طلعنا انا ووسام وروح بيا للحوش روحت لقيت ماما في وجي طبعا ضروري متنفجع وحي عليا ومش عارفهه شنو خشيت غيرت دبشي ورقدت طول
ـ ـ ـ
اما في المدرسهه
هدير:انا لازم نمشي نحكي مع محمد ونفهم منهه
جود:وانا ماشيهه معاكك
هدير:هيا
عند محمد
يونس:شن بدير توا
محمد:لازم تصدقني وربي ال** هيا اللي دارت هكك تبي تفررقق بينا ياراجل شن ندير انا ازح
منصور:صعبهه يرا
هدير جت هيا وجود
هدير:محمد ممكن تفهنيي شن اللي صاير بالضبطط
محمد:هدير والله ماخنتهها انا الين هيا مدبرهه الموضوع
جود:باههي فهمنا قبل
محمد قعد يحكيلهن في القصهه
هدير:سبحان الله مش قلتها لك ياجود وقلتها لمروه والبنات البنت هذي ناويههه ع ححاجهه وتبي تفرق بينهم احساسي ديما صاح انا
محمد:باههي شن الحل توا
جود:مروه خليها علينا توا نفهموها
محمد:باهي تمام
هدير:بس لازم تحط حد للبنت ههذي
يونس:قلتها لكك من البدايهه حطلها حد او هددها ولا خوفهها باي حاجههه بيش معش تجي شوركم
محمد:شن نديرر انا ازح فهمونني بس
منصور:ههددها قوللها بعدي علينا ولا نحككي لهلكك توا تخاف
يونس:ايوهه صاح
هدير:خلاص دير كيف ماقال منصور ومروه توا نجوها انا والبنات في العشيهه نفهموها
محمد:ياريتتت والله 💔
جود:قبل كل حاجهه
هدير:الين تبيلها طريحهه اخرى وتوا هذا ماشيتلها
يونس:اقوا عليهم 😂
هدير:بلكي اتادب شوي
جود:هياا
هدير:هيا
عدن كلمن باقي الشلهه وعدن شور الين وشلتها ومحمد ويونس ومنصور يتفرجوا😂
الين:نعم شن فيي
اروى:زبايل
هدير:كلامي مش معاك يا ام سنون كلاميي مع الذبابهه هذي وقعدت تشير بصبعها شور الين 😂
الين:نعم شنو 😒
جود: قالت نعم يعني مقتنعهه انكك ذبابهه 😂😂😂
نسرين:والله 😂😂😂😂😂
هدير:انتيي امتى تبي تبطليي دحنسهه وتلتزمميي احدودكك ها امتى تي انتي معندكش كرامهه ديري قدر لروحكك شوي وانتي كل يومم محصلهه طريحه تي امتى تبي اديري قدر امتى قدرك طاحح راهه ياذبابهه واللي درتيهه اليومم ح تحاسبي عليهه صقع عليك تفرققي بين مروه ومحمو لانهم يحبوا بعضهمم ياروح الماما
نسرين:تحسابيي مروهه ح تسيب محمد صقع عليك هذي في احلامكك يروحيي وانتي لازمم نحطولكك حد ياحلوفهه
جود كبعت اكمامها:والطريحهه هذي عشان مروهه
وخشت الدنيا في بعضها صاحباتها سيبنها وقعدن عليها جود وهدير ونسرين لين جا محمد والعويل يحزوا بينهم 😂
محمد:خلاص خلاص هكي تمام😂
يونس يكر في هدير:وسعي بالك ياهدير خلاص
هدير:حول مازلت مافشيتتت غلييي فيهها حول
واجتمعت المدرسههه عليهم وقعدو يحزوا وخذوهن للاداره 😂
المديره:شنو قله الادب هذي كبار راكن كبار
هدير:الحمدلله مش قليلة ادب ومتربيهه غير ناخذ في حق صاحبتتيي بس اما الذبابهه هذي خليها تحترم نفسها ومعش تجي شورنا المره هذي ضربناها المرهه الجايهه نقتلها عادي راه
الين تبكي:يا ابلهه والله مدرت حاجهه
جود:دموع التماسيحح فكك منهن متخلينيش نفضحك قدام الابلهه عارفهه ماضيكك كلهه راه
الاببلهه:خلاصص بسسسس اسكتنن احترمنيي قاعدهه قدامكككن
نسرين:معليش با ابلهه سامحينا بس نحن مدرنا شيي هيا اللي تمادت من بدايهه السنه وهيا مش مريحهه روحها
الابلهه:خلاص اسكتن متخلنيش ندير استدعاء ولي اامر خلاص عرايكك بطلن اطلعن ههيا وفكنا من المشاكل المره هذي مشيتها المره الجابه ندير استدعاء
طلعنا وطلعت الين ورانا
الين:تي وربي واللي خلقنيي ح نوريكنن ومحمد واخذتهه واخذتههه 😌
هدير:عدي ارقديي والنبيي احلامك ورديهه
جود:مسكينهه كلا انتي تحلمي واجد
نسرين:يلا وجك ولا تبي طريحه اخرى
الين:هه توا نشوفوا من يضحك في النهايهه ومشـت
هدير:معش عرفتها كيف تفهمم هذي
جود:فوتيها
نسرين:ماوجعوني الا مروه ومحمد 😔
هدير:توا نحلوها اليوم انا ماشيهه للمروه من تمشي معاي
جود:انا
نسرين:انا منقدرش بابا ميخلينش
هدير:تمام عادي توا نشوفوا باقي البنات
مشـن للبـنات
هدير:بنات انا وجود في العشيهه ماشينن لمروه من تمشي معان
اسيل:انا
خلود:نحن ماشيين لعمتي في العشيه
مرام ومريم:ونحن ماشيين لعيت جدي
هدير:خلاص معناها انا وجود واسيل
جود:تمام ساعه اربعهه نطلع من الحوش
اسيل:تم
ـ ـ ـ ـ ـ ـ ـ ـ ـ
مـلاكك مشـى يـومهها كـيف اي يـوم عـادي وهـن قـاعدات يسهـرن جـتهن بـنت
البنت:ملاك قالك عيسى اكتبي رقمك هنا نبيكك في موضوع ضروري يخصكك انتي وفيهه شرف
ملاك:كيف كيف عيسى صاحب عبادي
البنت:اها عيسى وقالك متحكيش لعبادي شي خليك عاديهه معاهه وكان حكيتيله ح ادمري روحكك انا نبي نساعدك بس
ملاك خافت وقعدت ترعش:به بهي هاتي ورقهه نكتبلك الرقم
كتبـت مـلاك الـرقم وعطـاتهه للبـنت وداتـهه لعيسـى
ملاك:يابنات خايفهه شن ففي حي عليا وعليش قالي متحكيش لعبادي 😦
جميله:اسمععي هنا ديري كيف ماقالك ومتحكيش لعبادي لانه قالك لو حكيتي لعبادي ح ادمري روحك شكله موضوع يخصكك وقالك قصه شرف ما شرف
فاطمه عرفت في حاجهه مش تمام:ملاك انتي دازهه صورك لعبادي
ملاك:اها 😭
فاطمهه:حي عليك انتي هبلههه ولاشنو تي معقولهه ادزيي صوركك ياملاكك معقولهه
ملاك قعدتت تبككي:هوا قالي والله هوا ققالي شوي شوي قتلهه لا زعل مني وسكر فونهه وقعد كل بعد كم يوم يقولي دزيلي وانا ندز والله لعب بعقللي 😭
جميله:حي عليا نا حي عليا دمرتتي مستقبلكك دمرتيههه تبي كفف انتيي بيش تفطني لروحكك اه شنو تبي خلاص يعننيي كان تحبيهه اديري كل حاجهه يطلبها منك كنك انتي معقوله هك
ملاك جتها كيف الهستريا صبت سجى وضربتها كف
سجى:ملاكك اهديي اهديي خلاص عيسى شكلهه يبي يساعدكك اهدي وانتن اسس ركبتن عليها رعشتنها
جميله:دزيتيهن له شن لابسهه
هنا ملاكك استكت
جميله:احكككي
ملاك:اول مره بوشاحح قالي حافظ وحك بوشاح قالي نبي نشوف شعرك دزيتله خمس وحدات بشعري وبعدها بكم يوم قالي دزيلي صورتك ب
جميله :ب شنووووو 😱
ملاك:بقفطان دزيتلهه صورتين وحده في فرح خالتي ووحده في فرح بنت عمي 😭
جميله:ليشششش ياملاككك ليششش دمرتيي روحكك ضيعتي مستقبلكك
سجى:جميلههه خلاصص اسكتييي متشوفيش في حالهه البنت ملاك اهدي هوا مازال مادار بيهن شي وعيسى ماقالك نبي رقمكك الا ويبي يساعدكك خلاص امسحي دموعكك واغسلي وجك وخليك عاديهه مع عبادي متخليش يشكك فيكك خلاص اهدي
ملاك:ياربييي ساعدنيي ياربييي والله غلطتت عارفهه اني غلطتت 😭
جت جميلهه وحضنتها:خلاص اس معش تبكي
فاطمه قعمزت احذاها:خلاص ياملاك اهدي ونشالله عيسى بيساعدك
سجى:خلاص معش تبككي
قعـدن يهـدنن فيـهها البـناتت ليـن سـكتت وخـذو بـاقي الحـصص والحصـهه الاخيـره فـاضيهه
عبادي:ملاكك
ملاك :نعم
عبادي:كنهن عيونك حمر كانك كنتي تبكي
ملاك:لا منبكيش
عبادي:لا باين انك كنتي تبككي
ملاك:امبدري خشتت حاجهه في عيني بس
عبادي:اهاا
ملاك:نبي نمشي للبنات انا
عبادي باستغراب:باهي عدي
عدت ملاك ومشى عبادي لعيسى
عبادي:جوها مش تمام اليوم
عيسى:من
عبادي:ملاك
عيسى:كنهها
عبادي:مش عارف تخيل تقعد شكت فيا
عيسى:تي كنك غبي انت كيف بتشك فيك ووهيا تحبك
عبادي:مش عارفف فوتها ياراجل اهم حاجه انفذ لي في راسي
عيسى:امتى تتبي اديرها
عبادي:بكرا لاء بعد بكرا انشاءلله
عيسى:تمام بكل
عبادي:مفيش جديد انت
عيسى:لا نفس ما نا 😂
عبادي :خليك ديما هك 😂
عيسى:😂😂
ـ ـ ـ ـ ـ
يتــبع♥!*