بنـات الخخـاله♥!

الحلقـة الثـالـثة♥!

صبـاح يوم جديد تحديدا الساعه 10:00 الكل كان واعي والشباب كلهم واعيين لان اليوم نبو نكتوا الحوش والجو هذا
انا:ملااااك تعالي شيلي معاي الطاولهه
ملاك:باهي
ماما:ثقيلة اصحن راكن اطيحنها
انا:لالا مش ثقيله واجد
ملاك:هيا شيلي
انا:يابسم الله 😂
وشلناها حطيناها في الدار
خالتي امـل ونـور ورتـاج فـي الكوجيـنه
خالتي سلميـة وماما وخالتي امـاني في دار حني
وانا وملاك وخالتي مـريم وخالتي هاحر في الصاله
والشباب في المربوعه
عزو راكب ع السلوم يمسح في الثريات:ياسومه امسكي السلوم كويس راه نطيح نتكسر 😂
وسام: ماسك يراجل راه نسيبك هنا خايفلي ع روحك
عزو:مالا شنو 😌
قيس:تي هيا ازح هذا كله تمسح في الثريا مازالت لخرا
عزو:لاااااااا اسككوزمي "بصوت فيفي عبدو" انا ما اسمحلكش تي مش بنقله نا توا يمسحها حمزه 😒
حمزه: علياالطلاق ماني ماسحها
‏عزو:مدخلنيش نا مسحت وحده مش حلوه عاد
وسيم:خلاص توا يمسحها صهيب 😌
صهيب: لا ماني ماسحها 😒
وسام:لا انت لا هوا توا يمسحها قيس😂😎
قيس:عينك انت وياه منيش ماسحها
احمد:خلاص ازح توا نمسحها انا وانتو درتوا قصه ع ثريا
عزو:ماني عارفه 😒
وسـام:راه نطلق السلوم اطيح اتسكر من فوق
عزو:عيب عليك ياسومه😂
وسام طلق السلوم:ها توا شنرايك 😌
عزو:ينعلاااااااااااااااي يا... امسك السلوم ازح طحت
وسام: تأدب خيرلك 😂😂
عزو:خلاص ازح امسك
وسام:باهي ومسكله السلوم
خش جدي :من اللي اتعيط هذي شوفو الصبايا كنهن يعيطن سمعت صوت عياط نا
وسام: هذي اعزيزه ياجدي 😂😂😂
جدي:من اعزيزه
قيس:اللي قاعده تمسح في الثريه 😂😂
جدي بحت لعزو وقال:طيح والله سعدك تعيط كيف الصبايا 😒
عزو:ياجدي قبل طحت مع السلوم
جدي:حتى اوكان تعيط هكي
عزو: 😒
ــــــ
عند البنات عالقات اغاني 😂
مروه:يمه يمه انا غزالي وين نمشي
ملاك:غزالي ماعندي غيره وين نهرب يايمه بيه 😍👏
خالتي مريم : اس طفن الاغاني جدكن جا
جدي:كملتوا ولا مزال
انا :مازال شوي
جدي:باهي تمام
خالتي امل طلعت من الكوجينه وعدت شور االمربوعه:كملتوا
عزو:كملت الثريا هذي مازالت لخرا يمسحها احمد
خالتي امل :امسحوهن كويس مش شك فك
وسام:لا اعزيزه ماشالله عليها من بدري وهيا تمسح 😂
عزو:اسس ياسومه عدي امسكي السلوم لحميده 😂
وسام :توا يمسكله قيس
قييس:جيب جاي 😒هيا ياحميده
احمد:تعالي ي قيسوسه امسكيلي
قييس:جايه هيا 😂😂
خالتي امل :عليك حاله وخلاص 😂😂وعدت
وقعدوا يمسحوا وبعدها اتجهوا للرواشن 😂
عزو:هيا ي صهيب ووسيم وحمزه شوركم الرواشن
حمزه:كنهن الرواشن
عزو:عندهن حراره 😒عليك استعباط ازح كنهن يعني اغسلوهن وامسحوهن
وسيم: صهيب جيب السطل والاسفنجه
صهيب:هاك وقعدوا يمسحوا ويغسلوا
نمشو للبنات
رتاج:يا خالتي امل يومتها نظفتيه الفريز 😱
خالتي امل:لا خلينا انظفوه اخرى منحبش نا انظف حاجه ونسيب حاجه انظفوهن مع بعضهن كلهن
نور:بس حرام تعب عليك
خالتي اما :لامفيهاش تعب غير هيا ساعدني
افتخار:هيا هيا
وقعدن ينظفن ف االفريز
خالتي سليمه: دولاب امي طلعن منه الدبش كله عشان يجو العيال يمسحوهن من جوا
ماما:تعالي ي اماني نطلعوهن
خالتي اماني:هيا وطلعن الدبش كله وخلن الدولاب فاضي وخلنه محلول يتهوا
انا:ياخالتي مريم
خالتي مريم:ها
انا:توا الصالون هذا مش مفروض نحطوه ف الداار جوا عشان نسيقو الصاله
خالتي مريم:ها مالا ايش
انا:اهاا هووووف وقعمزت ع الصالون
ملاك:صبي ي حنه مفيش هووف 😂
انا:شوي بس
ملاك:وووه تعبت بوكل
خ مريم:حتى انا عليك تعب بعد شوي سمعنا صوت زياد يبكي
خ مريم: ينعلاي نا ماقبل مارقدته 😭ايش وعاه هذا عديله ي مريوه الله يربحك
انا:باه توا نمشيله 😍
انا خشيت للدار ياللي فيها زياد ولقيته يبكي مسكته وقعدت نهوي عليها لين رقد ورقدت معاه 😂وبالصدفه خش قييس للدار شايل كرسي يبي يحطه في الدار
قيس:بسم الله من في هنا وولع الضي
قيس: هذي مروه راقده الخاينه 😒جا يبي يواعيها بعدها لقاها ماسكه زياد وراقده 😍
قيس:محلاها وهيا راقده معاه 😍بعدها قال"استغفر الله فيش نفكر نا 😒" طفا الضي وطلع
ملاك:وين راحت مروه هذا كله ترقد في زياد 😒
خ مريم:شوفيها ي ملوكه
ع تخطيممة قيس
ملاك:محقيتش الفرخة مروه
قييس:لقيتها راقده جوا مع زياد😂😂
ملاكك:هههههيييي 😱راقده ومسيبتنه هنا وعدت تجري جوا
ملاك خبطت الدار بالقوة وخشت تنطرت:ياخاينه ي وسخه تفو عليك ي كلبهه راقده ومسيبتنه نا وخالتي مريم
انا وعيت منفجعه وزياد وعى يبكي:من قالك راقده نرقد ف العيل قاعده يابقرة
ملاك:كدابه قيس قال خشيت عليها لقيتها راقده
انا:شنو قييس امتى خش 😱😱
ملاك:امدرعنه اه هذا دليل انك كنتي راقده 😌
زياد قعد يصرخ
انا:عدي يابقره عن اصلك فجعتي العيل بجعورتك هذي وطلقت فيها الصباط
ملاك:حطيه توا يرقد بروحه وتعالي
انا:في عينك منسيبش هنا لين يرقد ما ماقبل مارقدته
ملاك:باهي بسرعه هيا وطلعت
انا:تفو 😒
وقعدت نرقد فيه لين رقد وغطيته وطلعت
ملاك:طيب فيك ي حنه
خ مريم:صحه لك خذيتي غفوه 😂
انا:منحكيلك رقده طيبه 😂😌
ملاك:خزو 😒
وقعدنا نخشوا في االصالون في الدار وسيقنا الصاله ومسحنا الطاولات والرواشن غسلناهن والجو هذا وكملنا♥!
ــــــــــــ
عند الشباب عزو مقعمز ع الكرسي وحاط كراع ع كراع 😂
عزو:تي لا ياحمار مش هكي ديرها مع الجنب لاااا مش هكي راكم تسكرو الروشن بعدها يتوحش عليكم جدي 😂
وسيم طلق في عزو اسفنجة معبيه صابون طبت في نص وجه:بدال ماتفلسف علينا وحاط كراع ع كراع وتشحط علينا تعال ديرها انت 😒
عزو:يا امسخ الاسفنجه فيها كلوركس 😱دبشي تلطع يا ... وطلقها في وسام
وسام: شندخلني نا ازح تطلق فيها فيا وردها له
عزو رد طلقها في وسيم ووسيم طلقها في صهيب وصهيب في حمزه وحمزه في قيس وقعدو كل واحد يطلق فيها في لاخر لين خش خالي عبدالله طبت في وجه 😂
قيس: 😱😱😱
عزو:وراسك ياخالي ما انا اللي طلقها وسام 😂
وسام:عدي ي كذاب والله ما انا قيس
قيس:تي بلش كذب مش نا حمزه اللي طلقها
حمزه: مش شوري نا اول ماطلقها عزو
عزو:بعدها معش طلقتها شوفو وسيم اخر واحد مسكها هو
وسيم:احمد اخر واحد
خالي عبدالله خذا سطل اميه وكبه عليهم :بيش اتأدبو وتحترموا انفسكم قاعد مصبي قدامك وتعاركو قدامي
عزو: تي كنك اعصابك يالوزه 😂
قييس:ريلاكس ريلاكس 😂
خالي عبدالله:هذا وجي كان صار منكم انتو
صهيب:نا طلعني منهم فرحي بعد 4شهور 😂
خالي عبدالله:طيح والله سعدك كيف تتبي تزوج وادير حوش وانت مازلت مادرت عقل
صهيب:عليك اهانه ياخالي معقوله هك
عزو:صدق فيك😂😂
خالي عبدالله:انت اسكت انت سبب المشاكل
وسام:لمي وجك يا اعزيزه وجك اطرطش 😂😂
قييس:هاك لمامه 😂
عزو:ههه تعال دغدني نبي نضحك 😒
خش خالي قصي :جزاكم الله خيرا 😂😂
عزو:اووووه يابروو ياريتك مازوجت ياخالي
خالي قصي:عليش
عزو:قبل ديما كنت معانا ومقالب وجو فري توا ازوجت ودرت عقل ماعاد تعرفنا بكل 😒
خالي قصي:عيب عليك ياعزو معقوله منعرفكم 😂😂
وسام:لا والله صدق نسيتنا
خالي قصي:ها عاد زواج مسؤليه وعندي ثلاث عيال
صهيب:يسترالله فيا 😂😂
وسام: خلاص يرا امتى تكمل المربوعه
عزو:مازال دولاب حني
وسام:كنه 😱
عزو:تبيله مسحه من فوق نبو واحد رقيق وقصير وخفيف وبحت في قيس ووسام وبعدها بحت في روحه
وسام:وحمزه 😒
حمزه:كني نا
وسام:تمسح معانا دولاب حني
حمزه:باهي ازح
عزو:خلاص يعني نحن الاربعه
وسيم:تربحوا
صهيب:ربي يكون في عونكم 😂
احمد:مساكين
عزو:معناها انتو كملوا المربوعه وطلعوا يجرو 😂😂
ــــــــ
انا:خلاص كملنا الصاله وعزقت روحها ع الصالون
خ مريم:مازال بكرا الدور الثاني 😣
ملاك:انا تكسرت ياهو 😭
جتنا خالتي امل:هيا صبن مش وقت تقعميز مازال بكرا وبعدها ورانا مشي للسوق
انا:ووووووه عليك مزاط
ملاك:ايش التعب هذا ياهو 😭
خ امل:هيا صبن لدار حنكن ساعدن العويل يمسحو في الدولاب
انا:باهي
ملاك صبت :هيا ياخرا
انا:هيا 😒
وعدينالهم اول ماخشينا لقينا عزو متشعبط هوا ووسام كيف القرود ويمسحو ف الدولاب من فوق 😂
عزو:ايش التراب هذا ازح
وسام:الدولاب معبه تراب من فوق
قيس ماسك السلوم لوسام:غير امسحوا عارفينه معبه تراب
عزو :ياحمزه امسك السلوم كويس راني نطيح مازلت نبي نعيش نا 😭
انا:سمعيلكم 😂
ملاك:خييييييرررررر
عزو:اوووووه ريوي وبلوكه جن 😂
ملاك: راه نعدي يرا فكنا من الاسم هذا حسبي الله ونعم الوكيل فيك ي وسام كله منك
وسام:وفيك يايام 😂
قيس:بلوكه تعالي امسكي السلوم لرسام شوي 😂
وسام:تعال هنا متحركش هذي توا اطيحني حاقده عليا يرا
قيس:باهي خلاص 😂😒
انا:متبو شي
قيس:انشالله تشربي من امية زمزم جيبيلي اميه
انا :باهي 😒وعديت نصبله في اميه وجيت نبي نطلع جت عيني ع الملح 😂
انا:والله نديرها 😂عبيت الكاس ملح وجيته مبتسمه بخبث 😂
انا:هاك 😂😌
قيس:امنوره وقربع لميه مره وحده وبعدها شرق طلع نصها من فم والنص لاخر عدا 😂😂
قيس:شن هذا شن حاطه ي كلبه
‏انا:ملح 😌
ملاك:احسن تستاهل😂😂😂
عزو: والله مسحتيلي كبدي من بدري وهوا مزعملي كبدي 😂😒
قيس:توا نوريك يا امسخخ ووقعد يحركله في السلوم وعزو يتمايل جاي وغادي 😂
عزو:لالالالالالالا بلا معيله يرا وراسك بطل وراس الحب بطل
قيس وقف :لانك حلفت بأغلى حاجه عندي بس 😒
انا طلعت من الدار 😔💔
عزو:كنها طلعت مروه
قيس فطن :مش عارف شوفيها ي ملاك
ملاك: 😒وطلعت
ملاك:مروووههههه وينككك يابتتت
انا كنت قاعده ف الجنان ونبككيي وجعتني اللقطه 😭
ملاك:اهياا وجتني
ملاك:هههيييي 😱كنك تبكيي
انا:مكنيش
ملاك:كنك قتلك نا
انا:يعني مفطنتيش
ملاك:قصدك ع اللقطه اللي بدري 😔
انا::اها 💔
ملاك:خلاص معش تبكي مدوريش وانسيه قيس خلاص معش تزعلي روحك
انا:كيف نبي ننساه نا قولي بس كيف 😭
ملاك:‏مع الايام ح تنسي 💔خلاص هيا صبي متخليهمش يشوفوك ضعيفه
انا :باهي 😔
وخشينا ونا جوي مش تمام بكل وقعدت ساكته
نور:ايش ساير في الدنيا مروه ساكته 😂😂
رتاج:والله صح استغربت حتى نا 😂
انا:‏مبردكن 😒
افتخار:لولولولوليييييي اهي انطقت نحسابوك انخرستي 😂
ملاك: 😂😂😂
انا مرديتش عليهن وقعدت نمسح في التباسي
الساعه 2:30 بالضبط كملنه كل حاجه وقعمزنا
عزو:اهه ينعلي يابوي شن التعب هذا تقول كنا في حرب
قيس:والله اتقول كنه في حرب
وسام:واخيرا كملنا ازح
انا:جيعانه 😔
عزو:حتى نا ميت جوع
خ مريم:صبن يابنات نديرو حاجه ناكلوها كلنا جواعا
صبن كلهن ماعادا نا متكيه ع كتف ماما ونص واعيه ونص راقده 😂
عزو:وين جدي
وسام:صباح الخير راقد من الساعه 10 جدي 😂
عزو:ياعوينه 😣
ماما:مروه يابت نوضي ارقدي جوا
انا:لااا نبي ناكل قبل مرات نموت ونا جيعانه
ماما:فال الله ولا فالك ياكلبه
عزو:البطن اهم من الوطن 😂
انا:وانت الصادق 😂
قيس:تي هيا يرا نا جيعان ونعسان
وسيم:لقني نبي ناكل ونرقد نا
عزو:حتى نا
جن البنات وحطن سفرتين وقعدوا ياكلو وانا كليت ورقدت في الصاله محد فطنلي صبو العويل خشو ماعدا عزو وقيس مازالو ياكلو 😂
ماما:مروه مروه نوضي ارقدي جوا
انا:نبي نرقد يام حولي 😴
ماما:هذي ايش يبي يواعيها 😣
ماما عدت للعويل في المربوعه:وسام
وسام:ها يام
ماما:نوض شيل اختك للدار رقدت في الصاله ومبتش توعى
وسام:لا ماني شايلها ظهري يوجع فيها شوفي وسيم
ماما:وسيم وسيم حي هذا راقد حتى حمزه راقد وردت ع وسام لقاته راقد
ردت للصاله :مروه مروه يابنيه نوضي خشي ارقدي جوا
انا: امممم 😪
عزو: ميته هذي😂
ماما:ايش ندير نا توا العويل مرقدين نخليها ترقد في الصقع هنا
قيس: توا نشيلها نا جوا
ماما:الله تربحك ياقيس
قيس جا شالني ونا راقده في الاحلام حطيت راسي ع صدره وهوا ماشي تنفك مساكه شعري وينفتح شعري
قيس فاتح فمه :ماشالله هذا شعرها 😱
وخش للدار وحطها في الفراش وطلع
عزو: شلتها😂😂
قيس مازال مستك في شعرها
عزو خبطه :اوووي 😒
قيس:ها كنك
عزو:سلامتك نا نبي نخش نرقد 😂
قيس:حتى نا
وخشو رقدو كلهمم
ـــــــــــــــــــــ
....يتبـــع ♥!