عشقك عذابي ❤️🔥

البارت 2

نظرة عيون احتلت ،،،قلب وفكر 💛✨

--------------------------
البارت الثاني ...
للكاتبة :-كوجـــي 💗✨
--------------------------

نور
دخلت وجان اشوف الشباك مفتوح دخلت سديته وأريد اطلع وجان اسمع صوت وراي درت

نور :- منو هنا عااااا

علي
طلعت مشيت ورآه دار عليه ركضت سديت باب الغرفة وقفلت الباب ودفعته عليه من ملمس البشرة عرفت هاي بنية بس شلون بشرة ناعمة

نور
سد حلكي وحبسني ورة باب الغرفة
الغرفة ظلمة وبس ضوة خفيف من الشباك صاير ع عيونه الصفر انفاسه حارة ع خدودي وعطرة سطرني الخوف والرهبة عشتهم بهاي اللحضة رهيبات

علي :- اشششش اني علي انتي منو

نور :- امممم

علي :-اسكتي راح ارفع أيدي
بداخله اوووف منو هاي عطرها غريب وجذاب
مو من أهل بيتنا

ابتعد عنها وشغل ضوة واحد وياريت ما شغله وشاف كدامه اجمل بنية يشوفها الدشداشة قصيرة والجسم يخبل والشعر وية طول الدشداشة ويخبل وعيونه الي بيها دموع وتلمع اما الخدود شي ثاني

علي 😡:- انتي منو
نور 😢 :- اني نور بنت خالك خالد

تحجي وهي تتمنى تبجي من الموقف الي هي بيه
علي أنصدم بس ما بين

علي 😡:- شنو تسوين هنا

نور 😢:- اول دور وجهك واني احجي

علي : انتبه ع نفسه ودار وجهة

نور :- اجيت لان سمعت صوت الشباك مفتوح وعبالي سامر مخليه وناسيه ما ادري بيك هنا لان ما متعودة اشوفك هنا

علي 😤:- وهيج انتي تطلعين كدام سامر و لا تنسين هذا بيت اهلي شلون ما تشوفيني هنا

نور 😠:- شوف اولا اني ما اطلع هيج لان مو اخلاقي بس جنت اريد اشرب ماي من الثلاثة الفوك وادري سامر لو قنبلة تطك يمة ما يكعد بليل اذا نام وعمو ما يطلع هم لان الساعة متاخرة وبعدين شلون اشوفك واني كل ما اجي الكاكً طالع و اخر مرة قبل 5 سنين شفتك لمح
حجيت هيج نور بسرعة وعصبية وطلعت وسدت ورآها الباب 😡
وعافت ورآها هذا الصافنً ع صوتها وجمالها الي ما راح من باله 😶

علي وية نفسه
يبوووو تموت اهووو علي شبيك هاي بنت عمك يعني عرضك عيب تباوع هيج وبعدين انت من شوكت تباوع ع بنية هنة كلهن جذابات بس شعدها هنا
هااا آينـ؏ـم تذكرت دائما ً من اجي أسمعهم يحجون عليها نور ما نور ويكولون دائماً تجي هنا تبات بس ولا مرة صادفت اني موجود
اخر مرة شفتها جانت بالاول متوسط صغيرة جانت جاية هي واهلها خطار النا وشفتها بالحديقة سلمت ودخلت ما انتبهت ع شكلها وتفاصيلها يبوووو هسة اني شكو بيها خل انام لبست وخليت راسي ع المخدة وتذكرت شعرها استغفرت ربي ونمت

نور
طلعت وركعت باب غرفته ودخلت للغرفة واني اريد انفجر من العصبيه
واني احجي وية نفسي
حقير سافل غبي منو هوة حتة هيج يحجي وياي واذا ابن عمي شلون يحجي بهاي الطريقة
بعدين هو ليش جاي اهووو هو غير هذا بيتهم آي واذا بيتهم شو صار كومة هو ما جاي هسة شنو هذا الحظ يالله اجة
بس شو صاير ححلو و يجنن
وتذكرت شلون جان منظره من فتح الضوة يبوووو جان بس بالمنشفة خرب الحظ بس شعره شلون نازل ع وجهة لو عيونه لو العضلات شي ثاني يالله خلي يولي الغبي أصلاً اكو احلى منه
وهي تفكر نامت

تابع ...

‎ۿلاو حبايب وهذا بارت ادري صغير بس بعد هو تسلسل بالاحداث ما اكدر أغير
وانشالله اعوضكم بالبارت القادم
اتمنى تسوون مشاركه للقصة و تدعموني

احبكم 💋