عشقك عذابي ❤️🔥

البارت 30

هلي وناسي وقريب الروح
تره لو ماجرحكم ذاك
گلبي بهالعمر ورد 💔

﮼عشقك،عذابي❤️
للكاتبه:- كوجـــي 👑
💗🖤💗🖤💗🖤💗🖤💗🖤💗🖤💗
بعد مرور أسبوعين
💗🖤💗🖤💗🖤💗🖤💗🖤💗🖤💗

نور :

مرت أسبوعين و علي ما موجود و اني شبه عايشة لا اكل لا اشرب و المغذي معلكيه بايدي

كل ما اكول راح يجي ما يجي و كل مرة اسأل عليه ما ينطوني جواب

احس كل يوم أملهم يقل بوجوده بس اني ما فاقدة الأمل و مستحيل أفقده

عشت اصعب ايّام بحياتي بهاي الاسبوعين
شفت معنى العذاب الحقيقي شكد جنت مصرة ع الطلاق واكول اكدر اعيش بدونه
بس هسة عرفت ‎פـياتيہ بدونه عدم ما اكدر بدون شوفته بالأشهر الي راحت جنت متحملة
لأني اشوفه جان ع الاقل يجيني كل أسبوع
صح اسوي نفسي ما مهتمة و ما اباوع عليه بس اني كلبي غير كلش فرحانة و اباوع عليه من جوة ليجوة

تعبت كلش بفراكه يعني ليش يا ربي من قررت ابدا صفحة جديدة وياه اخذته مني و بعدتني عنه ليش هاي الاختبارات الصعبه ليش يا ربي

طبعاً اني بقيت بالمستشفى 3 بعدها طلعت للبيت
اجت اختي فرح بعد كم يوم وبقت عدنا خطية

كعدت اليوم تقريباً العصر و كل عادة فرح يمي و سارة حاضنتني و نايمة

كمت من مكاني حست عليه فرح وكامت رفعت سارة من عندي

فرح : نورة وين رايحة محتاجة شي

نور : لا حبيبتي بس ساعدوني اكوم اريد اكل

فرح : صدك تحجين الف ﭑلحـمڊاللہ والشكر ابقي حبيبتي كاعدة بمكانج واني اجيبلج الاكل

نور : اي حبيبتي بس كوميني اريد اطلع شوي

فرح : اي اي يالله كومي

نور : بس اشلعي المغذي

فرح : اي ‎لحظـهہ

شلعت فرح المغذي و ساعدتني اكوم غسلت و بدلت ملابس و رتبت شعري طبعاً بمساعدة فرح

بعدها طلعت لكيت امي و ابوي بالصاله بس شافوني كامو و كلش فرحة

الام : نور هلا يمة هلا تعالي