عشقك عذابي ❤️🔥

البارت 33 و الاخير

مر بيه
خذاني الليل
غطيني بطواري چفوف
وازاني التعب والحيل
والوادم غشيمة شوف

﮼عشقك،عذابي❤️

للكاتبه ،كوجي👑

🦋🦋🦋🦋🦋🦋🦋🦋🦋

نور

من شفت علي واكع بالكاع تخبلت و ركضت عليه و اني اصرخ باسمه و اتوسل بيه يكعد و اهزم بجسمه بس ماكو اي حركه

ع صوتي اجو بيت عمي كلهم يركضون بس شافو علي بالكاع تخبلو و اجاني سامر يركض

سامر : عللللي شبيه احجي

و اني اشهك حجيت
نور : ما ادري دخلت لكيته واكع هو كال بس اجيب تلفوني و اجي بس تاخر

ما كملت كلامي و سامر شال علي و البنات ساعدنه لان علي طويل و ضخم و سامر صح نفس الشي بس مو مثل علي
صعدوا بالسيارة و اني لبست عبايتي و ركبت

سامر : وين رايحة انزلي

نور : مستحيل انزل اروح وياه

سامر : نور انتي وبطنج مو زين

نور : ما يهمني اروح يعني اروح

الاب : امشي بوية هسة مو وكتك خليها وياه

صعد عمي بالصدر و سامر يسوق و اني و علي بحضني ورة و نهى بالكرسي الاخير و طول الطريق اني ابجي وهي خطية تهديني

وصلنا للمستشفى و سامر ظل يعيط ع الممرضين اجو و جابو وياهم سرير متحرك بسرعة و نقلة علي عليه و دخلو جوة و اني و نهى و عمي نركض وراهم تالي دخلوه بالغرفة و احنا بقينا برة

بس اني هلكت من البجي

الاب : كافي يا بنتي راح تموتين نفسج

نور : عمو خايفه عليه ما اريد يروح من ايدي مرة لخ

نهى : اهدي حبيبتي ماكو شي اكيد من تعب ذيج الايام جسمه ما تحمل