عشقك عذابي ❤️🔥

البارت 4

💛💛💛💛💛💛💛💛💛💛💛💛💛
امنيتي يكرهونك الكل ،، وأحبك وحدي
💛💛💛💛💛💛💛💛💛💛💛💛💛

نور
مر الأسبوع بسرعة واني ابيت عمي وكلش تونست وياهم و خاصة صفاء و سامر كلش يضحكون من يتعاركون وعمي وزوجته من اجي يدللوني كلش ،،،
كعدت العصر غسلت ونزلت لكيت سامر و صفاء كاعدين بالصالة وعمي وزوجته بالحديقة رحت لصفاء وسامر وضلينا نسولف ونضحك بعدين صفاء كالت

صفاء : سمسم بعد كلبي انت

سامر : اهوووو بدت اللواكة والمصالح احجي من النهاية 😒

صفاء : عابت لك 😏المهم طلعنا والله ضايجين عفية

سامر : هاااا هنا القصة

نور : آي آي عفية والله ضوجة 😢

سامر : حتى ست نونه ضايجة
‎
نور : اي والله عفية عفية بليززز

سامر : وهو رفع ياخته تعرفوني ما احب واحد يتوسل ويبوس أيدي لان اني كلش متواضع لهذا
آوكہ موافق بس بشرط 😌😇

نور & صفاء : شنووو

سامر : اذا علي يجي ويانا

صفاء : اهوووو أنسى ماكو طلعة ما دام تريد علي يطلع ويانا 😒

علي : ليش شبيه علي

علي
مر اسبوع واني ابيت اهلي خلص واني يا طالع وية أصدقائي يا أزور عمامي وخوالي لان صارو يعتبون عليه
اخذت ابوي وطلعت افتريت ع كل عمامي وعماتي وخوالي وخالاتي وبليل وية أصدقائي

اليوم طلعت من الصبح لان شوي سيارتي بيها عطلات سيارتي نوعها BMW اشتريتها ورة سنة من دوامي جانت حلمي

رجعت غسلت ونمت كعدت العصر غسلت ونزلت وجان اسمع نور و صفاء و سامر يحجون ويضحكون باوعت من شباك المطبخ وجان اشوف امي وأبوي بالحديقة رحت سلمت عليهم وسولفت وياهم شوي ورجعت ردت اصعد أبدل واطلع وجان اسمع نور وهي تكول لسامر آي اي عفية ضايجة ورآها سمعت كلام سامر و صفاء
وجان ادخل عليهم