اجيتك من بعد غربة
اجيت بليلة گمرية
هذاك اني نبع صافي
يخايب دغش مابيه
❤️❤️❤️❤️❤️❤️❤️❤️❤️❤️❤️❤️
علي :
مرت فترة طويلة و ايّام ما اعرف شكد و هم يعذبون بيه بكل انواع التعذيب من جوع و عطش و صعق بالكهرباء و حرك و جلد و ضرب بحيث حارو شنو يسون الي
صح اني بحكم عملنا متعودين ع هذا التعذيب و مجربين كل شي بالتدريب و حاولت اصمد كل هاي الفترة بس جسمي ما تحمل مدة طويلة بقيت اسبوع تقريباً أصارع بيهم و بعدها ما كدرت
شفت الموت بعيوني بهاي الايام بس الي استغربته ما حاولو يبيعون أعضائي او يقتلوني و إنما بس تعذيب بس قبل يومين عرفت انو هُم اصلاً باعوني لواحد يريد أعضاء و بعد اسبوع يجي
و ما قتلوني لان يخافون تصير الهم مشكلة و اني اشتغل بالاستخبارات و برتبتي تصير الهم مصيبة جبيرة
ظليت ادعي كل يوم اللــہٰ يخلصني من هذا العذاب ما جان ابالي غير نور ساعة اكول خل اموت و اخلص نور و بعد متقبِّل ترجع و ساعة اكول لا يا ربي اريد اشوف ابني اريد أودع نور ع الاقل
أفكار كومة اجت براسي بهاي الايام و منها
شنو حالة اهلي هسة و يا ترة نور تدري و شنو سوة و معقولة محد كدر يدور عليه بهاي الفترة
فد يوم جنت نايم ع الكاع من التعب مال التعذيب و الجوع الي ما ماكل شي من ايّام ما اعرف شكد لان المكان الي اني بيه ما اعرف الوقت بيه لان ضلمة
دخلو عليه و كوموني أخذوني سحل و بدو يعذبون بيه اخر شي ضربوني صعقة بعدها ما حسيت ع الدنيا
فتحت عيوني بالغرفة شامريني و يمي ماي و اكل شوي كدرت اكوم و اصحصح ورة ساعة تقريباً
اكلت شوي و شربت ماي بعدها رجعت شمرت نفسي ع الكاع تذكرت نور و اخر مرة شفتها
بدون ما احس نزلت دمعة مني رفعت ايدي للسما
ربي يا معز يا كريم يا جبار برحمتك يا ارحم الراحمين أسالك يا ربي تنجينين من القوم الضالمين مثل ما نجيت نوح من البحر يا ربي ارحمني و أنقذني بما انا فيه فاني انا عبدك الفقير الذليل أسالك بكل اسم سُميت به نفسك و بعزتك و جلالكً يا اللــہٰ
أنت تقرأ
عشقك عذابي ❤️🔥
Romanceفتاة عنيدة بعمر 18 تجبر على الزواج بابن عمها العنيد لسبب مجهول بينهما لتبدأ قصة حب جميلة و حزينة والكثير من الصدف والأقدار المكتوبة
